၃၇
ယေႇရမိတူၵ်းၼႂ်းထွင်ႇ
၁ ၶုၼ်လူင်ၸေႇတၵိလုၵ်ႈၸၢႆးၶုၼ်လူင်ယုဝ်ႇသိယၼင်ႈႁၢင်ႈၼင်ႈႁေႃတၢင်တူဝ်ၶေႃႇၼိ လုၵ်ႈၸၢႆးယေႃႇယၵိမ်ႇဢၼ်ၼေႇပုၶတ်ႉၼေႇၸႃႇ ၶုၼ်ႁေႃၶမ်းပႃႇပုလုၼ်ႇ ၶၢၼ်းဝႆႉႁႂ်ႈပဵၼ်ၶုၼ်ႁေႃၶမ်းယုတၼၼ်ႉဢေႃႈ။
၂ ၶုၼ်လူင်ဢိၵ်ႇတင်း ၶႃႈမၼ်းၵူၼ်းမၼ်းတင်းၵူၼ်းဝၢၼ်ႈၵူၼ်းမိူင်းတင်းလႆၢယင်းဢမ်ႇဢွၼ်ၵၼ်ထွမ်ႇဢဝ်ၵႂၢမ်းဢၼ်ထႃႇဝရႃႉၽြႃးဢဝ်ယေႇရမိ မီးဢမိင်ႉဝႆႉၸိူဝ်းၼၼ်ႉလႄႈယူႇဢေႃႈ။
၃ မိူဝ်ႈၼၼ်ႉ ၶုၼ်လူင်ၸေႇတၵိၼၼ်ႉပွႆႇၸႂ်ႉယေႇႁုၵလလုၵ်ႈၸၢႆးသေႇလမိဢိၵ်ႇတင်း ၸေႇၽၼိလုၵ်ႈၸၢႆးယိတ်ႉပရေႃးႁိၵ်ႈမႃႇသေႇယၵႂႃႇၸူးၵႃႈတီႈယိတ်ႉ
ပရေႃးႁိၵ်ႈယေႇရမိလႄႈသင်ႇလၢတ်ႈၵႂႃႇလႄႈဝႃႈသူးတွင်းတီႈထႃႇဝရႃႉၽြႃးၽြႃးပဵၼ်ၸဝ်ႈႁဝ်း ပုၼ်ႈ ႁဝ်းတႃႉ၊ဝႃႈၼင်ႇၼႆဢေႃႈ။
၄ မိူဝ်ႈၼၼ်ႉယေႇရမိၶဝ်ႈၶဝ်ႈဢွၵ်ႇဢွၵ်ႇ လူၺ်ႈၵၼ်တင်းၵူၼ်းတင်းလၢႆလႄႈယူႇဢေႃႈ။ လွင်ႈမၼ်းၸမ်းၶဝ်ဢမ်ႇပႆႇဢဝ်မၼ်းတူၵ်း ၵႃႈၼႂ်းထွင်ႇ။
၅ ၵူၼ်းသိုၵ်းၶုၼ်ႁေႃၶမ်းၽႃႇရေႃးတင်းလၢႆၶီႇသိုၵ်းဢွၵ်ႇသေၵႃႈၼႂ်းမိူင်းဢေႇၵႅပ်ႉတု မႃးလႄႈမိူဝ်ႈဢၼ်ၵူၼ်းၶႃႇလတေႇ တင်းလၢႆဢၼ်လွမ်ႉဝဵင်းယေႇရုသလႅမ်ႇဝႆႉၸိူဝ်းၼၼ်ႉ ငိၼ်းလွင်ႈသတၢင်းသဵင်ၶၢဝ်ႇလွင်ႈမၼ်းၼၼ်ႉၸိုင် ၶဝ်ဢွၼ်ၵၼ်ဢွၵ်ႇၵႂႃႇသေၵႃႈတီႈဝဵင်းၼၼ်ႉဢေႃႈ။
၆ မိူဝ်ႈၼၼ်ႉ ၼုၵ်ႈၵပၢတ်ႈထႃႇဝရႃႉၽြႃးႁွတ်ႈမႃးတီႈပရေႃးၽိတ်ႈယေႇရမိလႄႈဝႃႈ၊-ထႃႇဝရႃႉၽြႃးၽြႃး ပဵၼ်ၸဝ်ႈမဵဝ်းဢိသရေႇလမီးဢမိင်ႉၸမ်း၊
၇ ၶိုၼ်းလၢတ်ႈၸိူဝ်ႉၼင်ႇၼႆတီႈၶုၼ်ႁေႃၶမ်းယုတ ဢၼ်ပွႆႇၸႂ်ႉသူမႃးႁႂ်ႈလႆႈလဝ်ႈလၢတ်ႈတွင်ႈထၢမ်ႇတီႈၵဝ်ၼၼ်ႉတႃႉ။ တူၺ်းလူ။ ပူဝ်ႇပႃႇၶုၼ်ႁေႃၶမ်းၽႃႇရေႃးဢၼ်မႃးႁႂ်ႈလႆႈၸွႆႈသိုၵ်းထႅမ်သိုၵ်းတီႈ သူၸိူဝ်းၼၼ်ႉတၵ်းဢွၼ်ၵၼ်ၶိုၼ်းမိူဝ်းၵႂႃႇၵႃႈတီႈမိူင်းဢေႇၵႅပ်ႉတု တီႈဢၼ်ၶဝ် ယူႇၶဝ်သဝ်းၼၼ်ႉဢေႃႈ။
၈ ၵူၼ်းၶႃႇလတေႇၸိူဝ်းၼၼ်ႉတၵ်းဢွၼ်ၵၼ်ၶိုၼ်းမႃးလႄႈ တိုၵ်းဝဵင်းၼႆႉလႄႈသိမ်းဢဝ်သေယဝ်ႉတၵ်းဢွၼ်ၵၼ်ဢဝ်ၽႆးတုတ်ႇဢေႃႈ။
၉ ထႃႇဝရႃႉၽြႃးမီးဢမိင်ႉၸမ်း၊-တူဝ်သူယႃႇပႄႇပႅတ်ႉလႅၼ်တူဝ်သူလႄႈဝႃႈၵူၼ်းၶႃႇလတေႇ ၸိူဝ်းၼၼ်ႉတၵ်းဢွၼ်ၵၼ်ၵႂႃႇသေၵႃႈတီႈႁဝ်းဢေႃႈ၊ ဝႃႈၼင်ႇ ၼႆၼၼ်ႉ။
၁၀ ၶဝ်ၼၼ်ႉဢမ်ႇလႆႈဢွၵ်ႇၵႂႃႇလိူဝ်သေၼၼ်ႉဢမ်ႇၵႃး ပိၵ်ႉသမ်ႉသူတိုၵ်းတေႃးယႃႉပႅတ်ႈၵူၼ်းသိုၵ်းၶႃႇလတေႇ ဢၼ်တိုၵ်းသိုၵ်းၵၼ်တင်းသူတင်းသဵင်ႈတင်းလူင်ၼၼ်ႉလႄႈ ၵႃႈၼႂ်းၶဝ်ၼၼ်ႉၵိုတ်းၵျၢၼ်ႇဝႆႉၶဝ်ၸိူဝ်းဢၼ်လႆႈၶၢမ်ႇ တၢင်းဢၼ်တိူဝ်ႉဢၼ်မၢတ်ႇလွၼ်ႉလွၼ်ႉၼၼ်ႉလႄႈၵႃႈၼႂ်းၶဝ်ၼၼ်ႉတၵ်းလႆႈဢွၼ်ၵၼ်လုၵ်ႉသေၵႃႈတီႈသုမ်ႉထဵင်ၶဝ်ၼၼ်ႉႁင်းၽႂ်ႁင်းမၼ်းသေလႄႈဢဝ်ၽႆးတုတ်ႇဝဵင်းၼႆႉဢေႃႈ၊ ဝႃႈ ၼင်ႇၼႆဢေႃႈ။
၁၁ မိူဝ်ႈဢၼ်ၵူၼ်းသိုၵ်းၶႃႇလတေႇၸိူဝ်းၼၼ်ႉၵူဝ်ႁႄပူဝ်ႇပႃႇၶုၼ်ႁေႃၶမ်းၽႃႇရေႃးလႂ်လႄႈဢွၼ်ၵၼ်သုတ်ႉၶိုၼ်းၵႂႃႇသေၵႃႈတီႈ ဝဵင်းယေႇရုသ လႅမ်ႇၼၼ်ႉၸိုင်ယေႇရမိ
၁၂ ဢၼ်တၵ်းဢွၵ်ႇသေၼႂ်းဝဵင်းယေႇရုသလႅမ်ႇလႄႈ ၵႂႃႇၵႃႈတီႈမိူင်းပိၼ်ႇယႃႇမိၼ်ႇႁႂ်ႈလႆႈၶၢမ်ႇဢဝ်ဢမူၺ်ႇဢုၵ်ႉၸႃႇမၼ်း ၵႃႈၼႂ်းၵူၼ်း မဵဝ်းမၼ်းတင်းလၢႆၼၼ်ႉဢေႃႈ။
၁၃ မိူဝ်ႈဢၼ်မၼ်းႁွတ်ႈထိုင်ၵႃႈၼႂ်းႁူးၽၵ်းတူပိၼ်ႇယႃႇမိၼ်ႇ ၼၼ်ႉၸိုင်ၵေႇၵင်ႈဢၼ်လႆႈၸိုဝ်ဢိရိယ ဢၼ်ပဵၼ်လုၵ်ႈၸၢႆးသေႇလမိ ဢၼ်ပဵၼ်လုၵ်ႈၸၢႆးႁႃႇၼၼိ ၼၼ်ႉမီးယူႇၵႃႈတီႈၼၼ်ႉလႄႈ မၼ်းၼၼ်ႉတီႉၵမ်ဢဝ်ပရေႃးၽိတ်ႈယေႇရမိလႄႈဝႃႈ၊-မႂ်းၼႆႉၵႂႃႇၶဝ်ႈယူႇၽၢႆႇၵူၼ်းၶႃႇလ တေႇၸိူဝ်းၼၼ်ႉလူင်ပေႇ၊ဝႃႈၼင်ၼႆဢေႃႈ။
၁၄ ပိၵ်ႉသမ်ႉယေႇရမိလၢတ်ႈဝႃႈ၊-ဢမ်ႇၸႂ်ႈၵူၺ်း။ၵဝ်ဢမ်ႇၵႂႃႇၶဝ်ႈယူႇၽၢႆႇၵူၼ်းၶႃႇလ တေႇၸိူဝ်းၼၼ်ႉၵူၺ်း၊ဝႃႈၼင်ႇၼႆသေၵေႃႈဢိရိယ ၼၼ်ႉယင်းဢမ်ႇထွမ်ႇဢဝ်ၵႂၢမ်းမၼ်းလႄႈတီႉၵမ်ဢဝ် ယေႇရမိ သေလႄႈဢဝ်သူင်ႇႁွတ်ႈၵႃႈတီႈမူးမၢတ်ႈၽွင်းမိူင်းတင်းလၢႆဢေႃႈ။
၁၅ မူးမၢတ်ႈၽွင်းမိူင်းၼၼ်ႉၸႂ်မႆႈၶႆႈၸႃႉတီႈယေႇရမိ လႄႈပေႃႉယႅၼ်ႉမၼ်းသေယဝ်ႉ ဢွၼ်ၵၼ်ဢဝ်မၼ်းၶင်ဝႆႉၵႃႈၼႂ်းႁိူၼ်းၸရေးၸဝ်ႈယေႃႇၼသၼ်ႇဢေႃႈ။ ႁိူၼ်းၼၼ်ႉၸိုင်ၶဝ်ဢဝ်ႁဵတ်းႁိူၼ်းၶင်ဝႆႉယဝ်ႉ။
၁၆ လိုၼ်းသယေေႇရမိ ႁွတ်ႈထိုင်ၵႃႈၼႂ်းႁိူၼ်းၶဝ်ၵႃႈၼႂ်းႁူးလိၼ်ၶုမ်လိၼ် ဢၼ်မီးၵႃႈတႂ်ႈႁိူၼ်းၼၼ်ႉလႄႈလႆႈယူႇမိူဝ်ႉဝၼ်းၼမ်ၼႃႇၼၼ်ႉ
၁၇ ၶုၼ်လူင်ၸေႇတၵိ ပွႆႇၸႂ်ႉလႄႈ ၼုၵ်ႈဢဝ်မၼ်းဢွၵ်ႇသေယဝ်ႉတဵတ်ႇတဵတ်ႇတွင်ႉထၢမ်တီႈမၼ်းၵႃႈၼႂ်းႁေႃၶမ်းလႄႈဝႃႈ၊-ၼုၵ်ႈၵပၢတ်ႈထႃႇဝရႃႉၽြႃးမီးႁိုဝ်၊ ဝႃႈၼင်ႇၼႆသေယဝ်ႉယေႇရမိၶိုၼ်းလဝ်ႈလၢတ်ႈလႄႈဝႃႈ၊-မီးတီႈၶႃႈဢေႃႈဝႃႈၼင်ႇၼႆလႄႈသမ်ႉလဝ်ႈလၢတ်ႈလႄႈဝႃႈ၊-ၸဝ်ႈႁဝ်းတၵ်းလႆႈႁွတ်ႈထိုင်ၵႃႈၼႂ်းမိုဝ်း ၶုၼ်ႁေႃၶမ်းပႃႇပုလုၼ်ႇ တီႈၶႃႈဢေႃႈ၊ဝႃႈၼင်ႇၼႆဢေႃႈ။
၁၈ လၢႆးသမ်ႉ ယေႇရမိလဝ်ႈလၢတ်ႈတီႈၶုၼ်ၶမ်းၸေႇတၵိလႄႈဝႃႈ၊ ၶႃႈၸဝ်ႈၽိတ်းပိူင်ႈၸဝ်ႈႁဝ်းဢိၵ်ႇတင်းၶႃႈၸဝ်ႈႁဝ်းတင်းလၢႆ တင်းၵူၼ်းဝၢၼ်ႈၵူၼ်းမိူင်းတင်းလၢႆၼႆႉၸိူဝ်ႉၼင်ႇႁိုဝ်လႄႈ ႁႂ်ႈၸဝ်ႈႁဝ်းၶဝ်ထၼ်ႈပေႃးလႆႈဢဝ်ၶႃႈၸဝ်ႈ ၶင်ဝႆႉၵႃႈၼႂ်းထွင်ႇၶႃႈ။
၁၉ ပရေႃးၽိတ်ႈၸဝ်ႈႁဝ်းၶဝ်ဢၼ်ႁေႃးလၢတ်ႈလႄႈဝႃႈ၊-ၶုၼ်ႁေႃၶမ်းပႃႇပုလုၼ်ႇတၵ်းဢမ်ႇမႃးဢမ်ႇတိုၵ်းသူဢိၵ်ႇတင်းမိူင်းၼႆႉၵူၺ်း၊ ဝႃႈ ၼင်ႇၼႆၸိူဝ်းၼၼ်ႉမိူဝ်ႈလဵဝ်ၼႆႉမီးၵႃႈ လႂ်တီႈၶႃႈ။
၂၀ ပိူဝ်ႈဢၼ်ပဵၼ်ၸိူဝ်ႉၼင်ႇၼႆလႄႈ ၸဝ်ႈၵဝ်ၶႃႈၸဝ်ႈၶုၼ်လူင်တီႈၶႃႈ။ၶႅၼ်းတေႃႈႁပ်ႉတုင်းဢဝ်ၵႂၢမ်းဢၼ်ၶႃႈၸဝ်ႈတွင်းပၢၼ်ႇယွၼ်းဢဝ်ၼႆႉလႄႈ ယႃႇပေႁႂ်ႈၶႃႈၸဝ်ႈလႆႈၶိုၼ်းၵႂႃႇၵႃႈတီႈႁိူၼ်းၸရေးၸဝ်ႈ ယေႃႇၼသၢၼ်ႇၼၼ်ႉ။ ႁႂ်ႈၶႃႈၸဝ်ႈလႆႈတၢႆၵႃႈတီႈၼၼ်ႉသေ ၵမ်းတီႈၶႃႈ၊ဝႃႈၼင်ႇၼႆဢေႃႈ။
၂၁ မိူဝ်ႈၼၼ်ႉၶုၼ်လူင်ၸေႇတၵိ မီးမိင်ႉလႄႈၶဝ်ဢွၼ်ၵၼ်ဢဝ်ယေႇရမိဝႆႉၵႃႈၼႂ်းဝၢင်းထွင်ႇလႄႈလႆႈဢဝ်ၶဝ်ႈမုၼ်းၵႃႈတီႈထႅဝ်ၸဝ်ႈၶဝ်ႈမုၼ်းယေႈဝၼ်းယေႈလုၵ်ႈပၼ်တီႈမၼ်းတေႃႇထိုင်ႁွတ်ႈ ၶဝ်ႈမုၼ်းထၼ်ႈပေႃးသဵင်ႈသေၵႃႈၼႂ်းဝဵင်းၼၼ်ႉဢေႃႈ။ၼင်ႇၼၼ်လႄႈယေႇရမိလႆႈယူႇၵႃႈၼႂ်းဝၢင်းထွင်ႇဢေႃႈ။