၂၈
ပရေႃးၽိတ်ႈပွမ်ႁႃႇၼၼိ
၁ ၼႂ်းပီႊၼၼ်ႉၵမ်းလဵဝ်ဢၼ်ဝႃႈပီႊဢၼ်ၸေႇတၵိ ၶုၼ်ႁေႃၶမ်းယုတ ၸၢမ်ႇႁၢင်ႈၸၢမ်ႇႁေႃ ပီႊၸတုၵ်ႉထလိူၼ်ပိၼ်ႇၸမ ၼၼ်ႉ ႁႃႇၼၼိ လုၵ်ႈၸၢႆးပရေႃးၽိတ်ႈဢႃႇၸရ ဢၼ်ယူႇၵႃႈတီႈဝဵင်းၵိပွင်ႇ ၼၼ်ႉလၢတ်ႈတီႈၵဝ်ၵႃႈၼႂ်းႁိူၼ်းထႃႇဝရႃႉၽြႃး သိုဝ်ႈၼႃႈတႂ်ႈတႃယိတ်ႉပရေႃးႁိၵ်ႈတင်းလၢႆ ဢိၵ်ႇတင်းၵူၼ်း တင်းသဵင်တင်းလူင်လႄႈဝႃႈ၊-
၂ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလ မီးဢမိင်ႉၸမ်း၊-ၵဝ်တၵ်းႁၵ်းႁိၵ်းၵၢၼ်းၶုၼ်ႁေႃၶမ်းပႃႇပု လုၼ်ႇပႅတ်ႈဢေႃႈ။
၃ ၼႂ်းသွင်ပီႊၵဝ်တၵ်းဢဝ်ၶိူင်ႈပိူင်ႁိူၼ်းထႃႇဝရႃႉၽြႃးၵႃႈဢၼ်ၼေႇပုၶတ်ႉၼေႇၸႃႇၶုၼ်ႁေႃၶမ်းပႃႇပုလုၼ်ႇ သိမ်းဢဝ်သေၵႃႈတီႈၼႆႉၵႂႃႇၵႃႈတီႈဝဵင်းပႃႇပုလုၼ်ႇ ၸိူဝ်းၼၼ်ႉၶိုၼ်းမႃးၵႃႈတီႈ ၼႆႉဢေႃႈ။
၄ ၵဝ်တၵ်းဢဝ်ၶုၼ်ယေႇၶေႃႇၼိ လုၵ်ႈၸၢႆးယေႃႇယၵိမ်ႇ ၶုၼ်ႁေႃၶမ်းယုတဢိၵ်ႇတင်းၵူၼ်းမိူင်းယုတ ၵႃႈဢၼ်လႆႈၶၢမ်ႇတၢင်းဢၼ် သိမ်းဢဝ်ၵႂႃႇၸူးၵႃႈတီႈဝဵင်းပႃႇပုလုၼ်ႇ ၸိူဝ်းၼၼ်ႉၶိုၼ်းမႃးၵႃႈတီႈၼႆႉဢေႃႈ။ၵဝ်တၵ်းႁၵ်းႁိၵ်းၵၢၼ်းၶုၼ်ႁေႃၶမ်း ပႃႇပုလုၼ်ႇပႅတ်ႈဢေႃႈ၊ဝႃႈၼင်ႇၼႆဢေႃႈ။
၅ မိူဝ်ႈၼၼ်ႉပရေႃးၽိတ်ႈယေႇရမိ ၶိုၼ်းလၢတ်ႈတီႈပရေႃးၽိတ်ႈႁႃႇၼၼိ ၼၼ်ႉသိုဝ်ႈၼႃႈတႂ်ႈတႃယိတ်ႉပရေႃးႁိတ်ႈတင်းလၢႆဢိၵ်ႇတင်း ၵူၼ်းတင်းသဵင်ႈတင်းလူင်ဢၼ်ၸုၵ်းယူႇၵႃႈၼႂ်းႁိူၼ်း ထႃႇဝရႃႉၽြႃးၸိူဝ်းၼၼ်ႉ ၸမ်း၊-
၆ ပရေႃးၽိတ်ႈယေႇရမိၶိုၼ်းလၢတ်ႈလႄႈဝႃႈ၊-ဢႃႇမႅၼ်ႇ။ႁႂ်ႈထႃႇဝရႃႉၽြႃးႁဵတ်းၸိူဝ်ႉၼင်ႇၼၼ်သေၵမ်းလူၺ်ႈ။ႁႂ်ႈထႃႇဝရႃႉၽြႃးႁဵတ်းၸွမ်းၵႂၢမ်းဢၼ်မႂ်းႁေႃးလၢတ်ႈၼႆႉလႄႈ သမ်ႉၶိုၼ်းဢဝ်ၶိူင်ႈပိူင်ႁိူၼ်းထႃႇဝရႃႉၽြႃးဢိၵ်ႇလူၺ်ႈၵၼ်တင်းၶဝ် ၵႃႈဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇၵႃႈတီႈဝဵင်း ပႃႇပုလုၼ်ႇၸိူဝ်းၼၼ်ႉၶိုၼ်းမႃးၵႃႈတီႈၼႆႈသေၵမ်းလူၺ်ႈ။
၇ ၼႂ်းဝႃႈၼၼ်သေၵေႃႈ မိူဝ်ႈလဵဝ်ၼႆႉထွမ်ႇငိၼ်းၵႂၢမ်းဢၼ်ၵဝ်ႁေႃးလၢတ်ႈထိုင်ႁူမႂ်းဢိၵ်ႇတင်းႁူၵူၼ်းတင်းသဵင်ႈ တင်းလူင်တႃႉ။
၈ ပရေႃးၽိတ်ႈဢၼ်ယၢမ်ႈပဵၼ်ၵႂႃႇယဝ်ႉမိူဝ်ႈၵွၼ်ႇဢွၼ်ၼႆႉ ဢွၼ်တၢင်းၵဝ်တင်းမႂ်းၸိူဝ်းၼၼ်ႉၸၢင်ႈဢွၼ်ၵၼ်ဢဝ်လွင်ႈသိုၵ်းလွင်ႈသိူဝ်၊ လွင်ႈၽေးလွင်ႈရၢၼ်ႇလွင်ႈၽေးၵႃႇလႃႉႁႃႇလႅင်ႉမိူင်း ႁေႃးလၢတ်ႈယူႇၽၢႆႇၼိုင်ႈတင်းမိူင်းၼမ်ၼႃႇ၊ သိုင်ႇၸိုင်ႈ ဝၢၼ်ႈမိူင်းဢၼ်ႁႅင်းယႂ်ႇၼႃႇတင်းလၢႆဢေႃႈ။
၉ ပေႃးမီးပရေႃးၽိတ်ႈ ဢၼ်ႁေႃးလၢတ်ႈလွင်ႈဢၼ်တၵ်းပဵၼ်ဢၼ်ၼိမ်ဢၼ်လီၸိုင် ယၢမ်းမိူဝ်ႈဢၼ်ၵႂၢမ်းပရေႃးၽိတ်ႈၼၼ်ႉ တဵမ်ထူၼ်ႈၼၼ်ႉတၵ်းလႆႈႁူႉလွင်ႈဢၼ်ပဵၼ်ပရေႃးၽိတ်ႈ ဢၼ်ထႃႇဝရႃႉၽြႃးပွႆႇၸႂ်ႉမႃးၼၼ်ႉဢေႃႈ၊ဝႃႈၼင်ႇၼႆဢေႃႈ။
၁၀ မိူဝ်ႈၼၼ်ႉ ပရေႃးၽိတ်ႈႁႃႇၼၼိ ၼၼ်ႉပူတ်းဢဝ်ၵၢၼ်းၵႃႈတီႈၶေႃးပရေႃးၽိတ်ႈယေႇရမိ ၼၼ်ႉသေလႄႈႁၵ်းႁိၵ်းပႅတ်ႈဢေႃႈ။
၁၁ ႁႃႇၼၼိၼၼ်ႉၼင်ႈသိုဝ်ႈၼႃႈတႂ်ႈတႃၵူၼ်းတင်းသဵင်ႈတင်းလူင်လႄႈဝႃႈ။-ထႃႇဝရႃႉၽြႃး မီးဢမိင်ႉၸမ်းၼႂ်းသွင်ပီႊၵဝ်တၵ်းဢဝ်ၵၢၼ်းၼေႇပုၶတ်ႉၼေႇၸႃႇ ၶုၼ်ႁေႃၶမ်းပႃႇပုလုၼ်ႇႁၵ်းႁိၵ်းပႅတ်ႈ ၵႃႈတီႈၶေႃးၵူၼ်းၵူႈၸိူဝ်ႉၵူႈမဵဝ်းၼၼ်ႉဢေႃႈ၊ဝႃႈၼင်ၼႆဢေႃႈ။မိူဝ်ႈၼၼ်ႉပရေႃးၽိတ်ႈယေႇ ရမိဢွၵ်ႇၵႂႃႇသေဢေႃႈ။
၁၂ လိုၼ်းသေဢၼ်ပရေႃးၽိတ်ႈႁႃႇၼၼိ ႁၵ်းႁိၵ်းၵၢၼ်းပႅတ်ႈသေၵႃႈတီႈၶေႃးပရေႃးၽိတ်ႈယေႇရမိ ၼၼ်ႉၼုၵ်ႈၵပၢတ်ႈထႃႇဝရႃႉၽြႃးသမ်ႉ ႁွတ်ႈမႃးတီႈယေႇရမိၸမ်း၊-
၁၃ မႂ်းၵႂႃႇလႄႈသင်ႇလၢတ်ႈတီႈႁႃႇၼၼိလႄႈဝႃႈ ထႃႇဝရႃႉၽြႃးမီးဢမိင်ႉၸမ်း၊-မႂ်းႁၵ်းႁိၵ်းၵၢၼ်းမႆႉၸိူဝ်းၼၼ်ႉပႅတ်ႈယဝ်ႉ။မႂ်းတၵ်းလႆႈႁဵတ်းၵၢၼ်းလဵၵ်း တၢင်တူဝ်ၵၢၼ်းၸိူဝ်းၼၼ်ႉဢေႃႈ။ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး ၽြႃးပဵၼ်ၸဝ်ႈမဵဝ်းဢိသရေႇလမီးဢမိင်ႉၸမ်း၊-
၁၄ ၵဝ်ဢဝ်ၵၢၼ်းလဵၵ်းတၢင်ႇသႂ်ႇပၼ် ၵႃႈၼိူဝ်ၶေႃးၵူၼ်းမဵဝ်းၼႆႉၵႃႈမီးၸိူဝ်းၼႆႉႁႂ်ႈၵဝ်လႆႈၶၢမ်ႇတၢင်းဢၼ်ၸႂ်ႉဢၼ်သွႆတီႈ ၼေႇပုၶတ်ႉၼေႇၸႃႇၶုၼ်ႁေႃၶမ်းပႃႇပုလုၼ်ႇ လႄႈၶဝ်တၵ်းလႆႈဢွၼ်ၵၼ်ၶၢမ်ႇတၢင်းဢၼ်ၸႂ်ႉဢၼ်သွႆ တီႈၶုၼ်ၼၼ်ႉဢေႃႈ။ တရိၵ်ႈသၢၼ်ႇထိူၼ်ႇတင်းလၢႆၵေႃႈၵဝ်ဢဝ်ဢၢပ်ႈ ပၼ်တီႈမၼ်းၼၼ်ႉယဝ်ႉဝႃႈၼင်ႇၼႆဢေႃႈ။
၁၅ ပရေႃးၽိတ်ႈယေႇရမိ သမ်ႉလၢတ်ႈတီႈပရေႃးၽိတ်ႈႁႃႇၼႃႉၼိလႄႈဝႃႈႁႃႇၼႃႉၼိဢိူၺ်း။ ထႃႇဝရႃႉၽြႃးဢမ်ႇပွႆႇၸႂ်ႉမႂ်း။ မႂ်းၸၢင်ႊႁဵတ်းႁႂ်ႈၵူၼ်းမဵဝ်းၼႆႉသွၼ်ႈ ပိုင်ႈမူႉသႃႇဢေႃႈ။-
၁၆ ပိူဝ်ႈၼႆလႄႈထႃႇဝရႃႉၽြႃးမီးဢမိင်ႉၸမ်း၊-တူၺ်းလူ။ၵဝ်တၵ်းပႄႇၽဵဝ်ႈမႂ်းပႅတ်ႈသေၵႃႈၼိူဝ်ၼႃႈလိၼ်ဢေႃႈ။မႂ်းတၵ်းလႆႈတၢႆၼႂ်းပီၼႆႉၵွပ်ႈပိူဝ်ႈဢၼ်မႂ်းသင်ႇသွၼ်ႇပၼ် တၢင်းဢၼ်လုၵ်ႉၽိုၼ်ႉထႃႇ ဝရႃႉၽြႃးၼၼ်ႉဢေႃႈ၊ဝႃႈၼင်ႇၼႆဢေႃႈ။
၁၇ ၼင်ႇၼၼ်လႄႈပရေႃးၽိတ်ႈႁႃႇၼႃႉၼိ ၼၼ်ႉတၢႆလိူၼ်သတ်ႉတမ ၼႂ်းပီၼၼ်ႉၵမ်းလဵဝ်ဢေႃႈ။