၁၃
သၢႆဢႅဝ်ၵုၺ်
၁ လၢႆးသမ်ႉထႃႇဝရႃႉၽြႃးမီးဢမိင်ႉတီႈၵဝ်ၸမ်း၊-မႂ်းၵႂႃႇလႄႈ သိုဝ်ႉဢဝ်သၢႆဢႅဝ်ၵုၺ်သေလႄႈႁတ်ႉဢႅဝ်မႂ်းတႃႉ။ဢမ်ႇလႆႈဢဝ်ၸုပ်ႉဢဝ်သႂ်ႇ ၵႃႈၼႂ်းၼမ်ႉဝႃႈၼင်ႇၼႆလႄႈ ၵဝ်သိုဝ်ႉဢဝ်သၢႆဢႅဝ်မႃးၸွမ်းၵႃႈၼင်ႇဢၼ်ဢမိင်ႉ ထႃႇဝရႃႉၽြႃးမီးၼၼ်ႉလႄႈ ႁတ်ႉဢႅဝ်ၵဝ်ဢေႃႈ။
၃ ၼုၵ်ႈၵပၢတ်ႈထႃႇဝရႃႉၽြႃး ႁွတ်ႈမႃးတီႈၵဝ်ၵမ်းတုတိ ယၸမ်း၊-
၄ မႂ်းဢဝ်သၢႆဢႅဝ်ဢၼ်မႂ်းသိုဝ်ႉဢဝ်မႃးၼၼ်ႉႁတ်ႉဢႅဝ်မႂ်းလႄႈၵႂႃႇၸူးၵႃႈတီႈၼမ်ႉႁွင်ႊ ဢုၽရတ်ႉသေလႄႈ ဢဝ်သိူင်ႇမႅပ်းဝႆႉၵႃႈၼႂ်းႁူးမၢၵ်ႇႁိၼ်တႃႉ၊ ဝႃႈ ၼင်ႇၼႆလႄႈ
၅ ၵဝ်ၵႂႃႇလႄႈ သိူင်ႇမႅပ်းဝႆႉၵႃႈတီႈႁိမ်းၼမ်ႉႁွင်ႊ ဢုၽရတ်ႉ ၸွမ်းၵႃႈၼင်ႇဢၼ်ထႃႇဝရႃႉၽြႃး မီးဢမိင်ႉၼၼ်ႉဢေႃႈ။
၆ လိုၼ်းၼၼ်ႉၶိင်ႇၵႃႇလႃႉမိူဝ်ႉဝၼ်းႁိုင်ၼႃႇသေယဝ်ႉ ထႃႇဝရႃႉၽြႃးမီးဢမိင်ႉတီႈၵဝ်လႄႈဝႃႈ၊-မႂ်းလုၵ်ႉလႄႈၵႂႃႇၸူးၵႃႈတီႈၼမ်ႉႁွင်ႊ ဢုၽရတ်ႉသေလႄႈ ဢဝ်သၢႆဢႅဝ်ဢၼ်ၵဝ်မီးဢမိင်ႉႁႂ်ႈသိူင်ႇမႅပ်းဝႆႉၼၼ်ႉဢွၵ်ႇတႃႉ၊ဝႃႈၼင်ႇၼႆဢေႃႈ။
၇ ၵဝ်ၵေႃႈၵႂႃႇၸူးၵႃႈတီႈႁိမ်းၼမ်ႉႁွင်ႊဢုၽရတ်ႉသေလႄႈ ၶူတ်ႉဢဝ်သၢႆဢႅဝ်ဢွၵ်ႇသေ ၵႃႈတီႈဢၼ်ၵဝ်ဢဝ်သိူင်ႇမႅပ်းဝႆႉၼၼ်ႉဢေႃႈ။တူၺ်းလူ။သၢႆဢႅဝ်ၼၼ်ႉၽင်ႉဢူႉလႄႈပဵၼ်ဢၼ်ဢမ်ႇ သုင်းလႆႈၵႂႃႇယဝ်ႉ။
၈ ၵမ်းၼၼ်ႉၼုၵ်ႈၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ်လႄႈဝႃႈ၊- ထႃႇဝရႃႉၽြႃးမီးဢမိင်ႉၸမ်း မိူၼ်ၸိူဝ်ႉၼင်ႇၼၼ်ၵဝ်တၵ်းၶျႃးမႃႇၼႃႉ တၢင်းဢၼ်ပူၼ်ႉပႅၼ်မိူင်းယုတ
၉ ဢိၵ်ႇတင်းမႃႇၼႃႉတၢင်းဢၼ်ပူၼ်ႉပႅၼ်ဝဵင်းယေႇရုသလႅမ်ႇ ဢၼ်ယႂ်ႇ ၼႃႇလူင်လၢင်ၼၼ်ႉတူၵ်းတီႈတႅမ်ႇဢေႃႈ။
၁၀ ၵူၼ်းမဵဝ်းဢၼ်ႁၢႆႉဢၼ်မိူၵ်ႈ ဢၼ်ယင်းဢမ်ႇထွမ်ႇဢမ်ႇဢဝ်ၵႂၢမ်းၵဝ်လႄႈ ႁဵတ်းၸွမ်းၼင်ႇသၽေႃးတၢင်းဢၼ်ႁူဝ်ၸႂ်ၶဝ်ၵႅၼ်ႇၶႅင်၊ ဢၼ်ၸွမ်းလင်ၽြႃးတၢင်ႇသူႇတၢင်ႇပႃးႁႂ်ႈလႆႈႁဵတ်းဝတ်ႈၵူဝ်းၵႂၢႆႇၸိူဝ်းၼႆႉ တၵ်းလႆႈပဵၼ်ၸိူဝ်ႉၼင်ႇသၢႆဢႅဝ် ဢၼ်ဢမ်ႇသုင်းလႆႈၼႆႉဢေႃႈ။
၁၁ ၸိူဝ်ႉၼင်ႇဢၼ်သၢႆဢႅဝ်ၼႆႉ ႁတ်ႉၸပ်းဝႆႉၵႃႈတီႈဢႅဝ်ၵူၼ်းၼၼ်ႉႁႂ်ႈၵူၼ်းမဵဝ်းဢိသရေႇလၵႃႈမီး ဢိၵ်ႇတင်းမဵဝ်းယုတတင်းသဵင်ႈတင်းလူင် ႁတ်ႉၸပ်းဝႆႉၵႃႈတီႈၵဝ်ႁႂ်ႈၶဝ်လႆႈပဵၼ်မဵဝ်း ၵူၼ်းၼႃႇမႃႉၸိုဝ်သဵင်တၢင်းဢၼ်ယွင်ႈယေႃးမုၼ်သရေႇတီႈၵဝ်ဢေႃႈ။ၵူၺ်းၵႃႈၶဝ်ဢမ်ႇမီးဢလူဝ်ႇၶႆႈထွမ်ႇဢဝ်၊ဝႃႈၼင်ႇၼႆဢေႃႈ။
ထူင်ၼင်ၼမ်ႉမၢၵ်ႇၸပိတ်ႉ
၁၂ ပိူဝ်ႈၼႆလႄႈ ၵႂၢမ်းဢၼ်မႂ်းတၵ်းလႆႈမွၵ်ႇလၢတ်ႈတီႈၶဝ်လႄႈဝႃႈ၊-ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလ မီးဢမိင်ႉၸမ်းထူင်ၼင်ၵႃႈမီးတၵ်းလႆႈမီးတၢင်းဢၼ်တဵမ်ဝႆႉတင်းၼမ်ႉၸပိတ်ႉဢေႃႈ။ ၶဝ်ၵေႃႈတၵ်းၶိုၼ်းလၢတ်ႈတီႈမႂ်းလႄႈဝႃႈ၊-ႁဝ်းဢမ်ႇႁူႉလွင်ႈဢၼ်ထူင်ၼင်ၵႃႈမီး တၵ်းလႆႈမီးတၢင်းဢၼ်တဵမ်ဝႆႉတင်းၼမ်ႉၸပိတ်ႉၼၼ်ႉႁိုဝ်ဝႃႈၼင်ႇၼႆသေယဝ်ႉ မႂ်းတၵ်းလႆႈ လၢတ်ႈတီႈၶဝ်လႄႈဝႃႈ၊-
၁၃ ထႃႇဝရႃႉၽြႃးမီးဢမိင်ႉၸမ်း၊- တူၺ်းလူ။ၵဝ်တၵ်းႁႂ်ႈၵူၼ်းဝၢၼ်ႈၵူၼ်းမိူင်းတင်းသဵင်ႈတင်းလူင်ဢၼ်ဝႃႈ ၸႃႉၸဵမ်ၶုၼ်ႁေႃၶမ်းဢၼ်ၼင်ႈယူႇၵႃႈၼိူဝ်ရႃႇၸႃႉပလၢင်ႇ ၶုၼ်လူင်တႃႇဝိတ်ႉၸိူဝ်းၼၼ်ႉလႄႈ ယိတ်ႉပရေႃးႁိၵ်ႈ လႂ်ပရေႃးၽႅတ်ႈ လႂ် ၵူၼ်းယေႇရုသလႅမ်ႇၵႃႈမီး လႂ်ဢိမ်ႇတဵမ်ဝႆႉ တင်းတၢင်းဢၼ်မဝ်းလဝ်ႈမဝ်းၵမ်ဢေႃႈ။
၁၄ ၵဝ်တၵ်းဢဝ်ၶဝ်ၼင်ႇၵၼ်ၵၼ် ပေႃႈၵၼ်လုၵ်ႈၵၼ်ပေႃႉၽတ်ႉသႂ်ႇၵၼ်ဢေႃႈ။ၵဝ်တၵ်းဢမ်ႇမီးၵရူႉၼႃႇ၊ဢမ်ႇသေႈလၢႆ၊ဢမ်ႇဢိတ်းလူထၼ်ႈပေႃး ၵဝ်တၵ်းယႃႉၶဝ်ပႅတ်ႈဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
တၢင်းဢၼ်တီႉၺွပ်း
၁၅ သူဢွၼ်ၵၼ်ထွမ်ႇငိၼ်းလႄႈဝၢႆႇႁူႁႄႈႁူၸူးတႃႉ။ယႃႇပေဢွၼ်ၵၼ်မီးၸႂ်ဢၼ်ပုၵ်းပႅၼ်။ ထႃႇဝရႃႉၽြႃးမီးဢမိင်ႉဝႆႉယဝ်ႉ။
၁၆ ဢွၼ်ၵၼ်ယွင်ႈယေႃးမူၼ်ႈၵုင်ႇထႃႇဝရႃႉၽြႃးၽြႃးပဵၼ်ၸဝ်ႈသူ ၸူဝ်ႈဢၼ်မၼ်းၸဝ်ႈဢမ်ႇပႆႇႁႂ်ႈၵၢင်ဝၼ်းၶမ်ႈ၊ ၸူဝ်ႈဢၼ်တိၼ်သူဢမ်ႇပႆႇၶီႇလိုတ်းလႄႈ လူႉၵႃႈၼိူဝ်လွႆဢၼ်လပ်းသိင်ႇၸူဝ်ႈဢၼ်မၼ်းၸဝ်ႈ ဢမ်ႇပႆႇႁႂ်ႈပဵၼ်ႁူမ်ႈၵွင်ႉငဝ်းၶုၼ်တၢႆလပ်းသိင်ႇဢၼ်ၼႃတၼ်ၼႃႇ ၼႂ်းမိူဝ်ႈဢၼ်သူမုင်ႈမွင်းဢၼ် လႅင်းယူႇၼၼ်ႉတႃႉ။
၁၇ ပေႃးသူယင်းဢမ်ႇထွမ်ႇဢမ်ႇဢဝ်လႄႈယူႇၸိုင် ၸႂ်ဝိၺိၺ်ႇၵဝ်တၵ်းႁႆႈႁွင်ႉၵႃႈၼႂ်းတီႈဢၼ်သိူင်ႇဢၼ်မႅပ်းၼၼ်ႉၵွပ်ႈပိူဝ်ႈမႃႇၼႃႉၸႂ်သုင်လႄႈ မၢၵ်ႇတႃၵဝ်တၵ်းႁႆႈၼႃႇလူင်လၢင်လႄႈ ပဵၼ်ၼမ်ႉလႆတူၵ်းယူႇ ၵွပ်ႈပိူဝ်ႈဢၼ်ၽုင်သူဝ်းထႃႇဝရႃႉၽြႃးလႆႈၶၢမ်ႇတၢင်းဢၼ်သိမ်းဢဝ်ၵႂႃႇ ၼၼ်ႉဢေႃႈ။
၁၈ မွၵ်ႇလၢတ်ႈတီႈၶုၼ်ႁေႃၶမ်း တင်းၼၢင်းႁေႃၶမ်းလႄႈဝႃႈ၊- ဢွၼ်ၵၼ်ၶျႃးတူဝ်သူတူၵ်းတီႈတႅမ်ႇလႄႈၼင်ႈတႃႉ။ၶဵၼ်းႁူဝ်သူဢၼ်ဝႃႈသရၽူႇဢၼ်မူၼ်ႈယႂ်ႇသူၼၼ်ႉ လႆႈၶၢမ်ႇတၢင်းဢၼ်ပူတ်းၶျႃးတူၵ်းယဝ်ႉယဝ်ႉ၊ဝႃႈၼင်ႇၼႆတႃႉ။
၁၉ ဝိင်းၵႃႈၼႂ်းပွတ်းတၢင်းၸၢၼ်းၸိူဝ်းၼၼ်ႉလႆႈမီးတၢင်းဢၼ်ဢိုတ်းႁပ်းဝႆႉလႄႈ ၵေႃႉဢၼ်တၵ်းၽုၺ်ႇဢမ်ႇမီးသေၵေႃႉသေၵူၼ်း။ ၵူၼ်းဝၢၼ်ႈၵူၼ်းမိူင်း ယုတ တင်းသဵင်ႈတင်းလူင်လႆႈၶၢမ်ႇတၢင်းဢၼ်သိမ်းဢဝ်ၵႂႃႇယဝ်ႉယဝ်ႉ။ လႆႈၶၢမ်ႇတၢင်းဢၼ် သိမ်းဢဝ်ၵႂႃႇတင်းသဵင်ႈတင်းမူတ်းယဝ်ႉ။
၂၀ ဢဝ်တႃသူမုင်ႈလႄႈ တူၺ်းၶဝ်ၸိူဝ်းဢၼ်လုၵ်ႉသေၵႃႈတီႈၼႃႈတၢင်းႁွင်ႇမႃးၸိူဝ်းၼၼ်ႉတႃႉ။ၽုင်သူဝ်းဢၼ်ၵဝ်ပၼ်တီႈမႂ်း၊ ၽုင်သူဝ်းဢၼ်ႁၢင်ႊလီႁၢင်ႊငၢမ်းၼၼ်ႉမီးၵႃႈလႂ်။
၂၁ မိူဝ်ႈဢၼ်မၼ်းၸဝ်ႈပၼ်တၢင်းဢၼ်သင်ႇသွၼ်သုင်းမႃႉတီႈမႂ်းၼၼ်ႉၸိုင် မႂ်းတၵ်းလၢတ်ႈၸိူဝ်ႉၼင်ႇႁိုဝ်။တူဝ်မႂ်းပၼ် တၢင်းၵျၢမ်ႇတၢင်းပွင်ႁႂ်ႈၶဝ်လႆႈဢုပ်ႉပိူင်ႇၵႃႈၼိူဝ်မႂ်းယဝ်ႉ။မႂ်းတၵ်းလႆႈၶၢမ်ႇဝူၺ်ႇတၼႃႇမိူၼ်ၸိူဝ်ႉၼင်ႇဢၼ် မေႈယိင်းၵိူတ်ႇလဵင်ႉလုၵ်ႈလဵင်ႉလၢင်းလႆႈ ၶၢမ်ႇၼၼ်ႉဢမ်ႇၸႂ်ႈႁိုဝ်။
၂၂ ပေႃးမႂ်းလၢတ်ႈၼႂ်းၸႂ်လႄႈဝႃႈၵွပ်ႈပိူဝ်ႈလွင်ႈၵႃႈသင်လႄႈ ဢမူႉၼႆႉႁွတ်ႈထိုင်ၵႃႈၼိူဝ်ၵဝ်ဝႃႈၼင်ႇၼႆၸိုင် မႂ်းလႆႈၶၢမ်ႇတၢင်းဢၼ်ထွတ်ႇၶူဝ်းၼုင်ႈမႂ်းၵွပ်ႈပိူဝ်ႈဢၼ် ဢပျႅတ်ႈမႂ်းၼမ်ၼၼ်ႉဢေႃႈ။သူၼ်ႈတိၼ်မႂ်းၵေႃႈလႆႈၶၢမ်ႇတၢင်းဢၼ်ၼိၵ်ႈ ၸၢၵ်ႈငႅၼ်းသေးဢေႃႈ။
၂၃ ၵူၼ်းဢေႇသယေႃႇပိ ၼၼ်ႉၶၢႆႉပုတ်ႉႁၢင်ႊၽၢင်ၼင်တူဝ်မၼ်းလႆႈႁိုဝ်။သိူဝ်ၸုမ်ႈၼၼ်ႉၶၢႆႉပူတ်ႈဢၼ်လၢႆးဢၼ်လဵၼ်းတူဝ်မၼ်းလႆႈႁိုဝ်။ပေႃးၶၢႆႉပုတ်ႈလႆႈၸိုင် သူၸိူဝ်းဢၼ်ယၢမ်ႈႁဵတ်းတုၸရိူၵ်ႈၼၼ်ႉ ဢွၼ်ၵၼ်တတ်ႈၼိုင်ႇႁႂ်ႈလႆႈႁဵတ်းသူႉၸရိူၵ်ႈ ဢေႃႈ။
၂၄ ပိူဝ်ႈၼႆလႄႈၵဝ်တၵ်းဢဝ်ၶဝ်ၼၼ်ႉၸၢတ်ႇပိုၼ်ပႅတ်ႈမိူၼ်ၸိူဝ်ႉၼင်ႇမုၼ်ႈယိူဝ်ႈမုၼ်ႈယႃႈ ဢၼ်လူမ်းၵႃႈၼႂ်းထိူၼ်ႇပတ်ႉထူဝ်းပိဝ်သဵၼ်ၵႂႃႇၼၼ်ႉဢေႃႈ။
၂၅ ဢၼ်ၼႆႉၸမ်း ပဵၼ်ပုၼ်ႈပဵၼ်တႃႇဢၼ်ၵဝ်တႅၵ်ႈၶိုပ်ႈပၼ်ပုၼ်ႈမႂ်းၵွပ်ႈပိူဝ်ႈဢၼ်မႂ်းလူင်လိုမ်းၵဝ်လႄႈ ၸပ်းၸွမ်းမူႉသႃႇယူႇၼၼ်ႉဢေႃႈ။
၂၆ မႅၼ်ႈၸွမ်းၸိူဝ်ႉၼင်ႇၼၼ်လႄႈ ၵဝ်တၵ်းၽုၺ်ႇပိုတ်ႇၶူဝ်းၼုင်ႈမႂ်းသိုဝ်ႈၼႃႈတႂ်ႈတႃမႂ်းလႄႈ ႁႂ်ႈလွင်ႈဢၼ်မႂ်းလီဢူၵ်းလီဢၢႆၼၼ်ႉ ထၢင်ႇသႃးဢေႃႈ။
၂၇ ၵဝ်လႆႈႁၼ်တၢင်းဢၼ်လီႁင်ႈဢဵတ်ႇသဵတ်ႇမႂ်းဢၼ်ဝႃႈ တၢင်းဢၼ်မႂ်းလဵၼ်ႈၸူႉတၢင်းဢၼ်မႂ်းႁွင်ႉမႂ်းႁႄႇ၊ တၢင်းဢၼ်မႂ်းၵူဝ်ႈၵိူၵ်ႇလူၺ်ႈမေႇထုင်ႇဢၼ်ဢမ်ႇတြႃးၸိူဝ်းၼၼ်ႉ ၵႃႈၼိူဝ်လွႆၼိူဝ်ၵုင်းၵႃႈၼႂ်းတီႈပၢင်ႇတီႈပဵင်းၸိူဝ်းၼၼ်ႉယဝ်ႉ။ဝဵင်းယေႇရုသလႅမ်ႇဢိူၺ်း။ မႂ်းမီးဢႃႉမင်ႇၵလႃႇဢေႃႈ။ယင်းဢမ်ႇႁွတ်ႈထိုင် တၢင်းဢၼ်မူတ်းသႂ်လႄႈတၵ်းယူႇႁိုဝ်။တၵ်းယူႇၶိင်ႇၵႃႇလႃႉႁိုင်ၵႃႈႁိုဝ်၊ဝႃႈၼင်ႇၼႆဢေႃႈ။