၁၁
ပတိၺိၼ်ႇလူႉသုမ်း
၁ ၼုၵ်ႈၵပၢတ်ႈထႃႇဝရႃႉၽြႃး ဢၼ်ႁွတ်ႈမႃးတီႈယေႇရမိၸမ်း၊-ဢွၼ်ၵၼ်ထွမ်ႇငိၼ်းၵႂၢမ်းပတိၺိၼ်ႇၼႆႉတႃႉ။
၂ တၵ်းလႆႈႁေႃးလၢတ်ႈသင်ႇဝႆႉ တီႈၵူၼ်းမိူင်းယုတ၊ၵူၼ်းဝဵင်းယေႇရုသလႅမ်ႇၸိူဝ်းၼၼ်ႉလႄႈဝႃႈ၊- ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလ မီးဢမိင်ႉၸမ်း
၃ ႁႂ်ႈ ၵေႃႉဢၼ်ဢမ်ႇထွမ်ႇဢမ်ႇဢဝ် ၵႂၢမ်းပတိၺိၼ်ႇတြႃးဢၼ်ၵဝ်ဝႆႉတီႈပူႇသူမွၼ်ႇသူ ၼႂ်းမိူဝ်ႉဝၼ်းဢၼ်ၵဝ်ဢဝ်ၶဝ်ဢွၵ်ႇသေၵႃႈၼႂ်းမုၵ်ႈၽႆးၽီးၽႆးလဵၵ်း ဢၼ်ဝႃႈမိူင်း ဢေႇၵႅပ်ႉတုၼၼ်ႉလႄႈဝႃႈ၊-
၄ ထွမ်ႇဢဝ်ၵႂၢမ်းၵဝ်လႄႈၵမ်ၵျၢင်ႉၸွမ်းၼင်ႇ ၵႃႈဢၼ်ၵဝ်သင်ႇလၢတ်ႈဝႆႉတီႈသူႁႂ်ႈပဵၼ်ၵူၼ်းၵဝ်လႄႈ ၵဝ်ၵေႃႈပဵၼ်ၽြႃးသူဢိၵ်ႇတင်းႁႂ်ႈလႆႈမီးဢၶႂၢင်ႉဢၼ်ဢၼ်လႆႈပႂ်ႉၵတိသႅတ်ႉၸႃႇ ဢၼ် ၵဝ်တိူင်ႇဝႆႉတီႈပူႇသူမွၼ်ႇသူ
၅ လူၺ်ႈလွင်ႈဢၼ်ၵဝ်တၵ်းဢဝ်မိူင်းဢၼ်ၼမ်ႉၼူမ်းတင်းၼမ်ႉၽိုင်ႈလႆယူႇ မႅၼ်ႈၵႃႈၼင်ႇဢၼ်ပဵၼ်ဝၼ်းမိူဝ်ႈၼႆႉၼၼ်ႉတႃႉ ဝႃႈၼင်ႇၼႆၼၼ်ႉၶၢမ်ႇတၢင်းဢၼ်ၵိၼ်ႇဢၼ်ဝႃႈ သေၵမ်းလူၺ်ႈ၊ဝႃႈ ၼင်ႇၼႆလႄႈဝႃႈဢႃႇမႅၼ်၊ထႃႇဝရႃႉၽြႃးတီႈၶႃႈ၊ဝႃႈၼင်ႇၼႆဢေႃႈ။
၆ ထႃႇဝရႃႉၽြႃးမီးဢမိင်ႉလႄႈဝႃႈ၊-ၵႂၢမ်းဢၼ်မႂ်းတၵ်းလႆႈႁွင်ႉပၢဝ်ႇႁွင်ႉသေႃႇၵႃႈၼႂ်းဝဵင်းယုတ တင်းလၢႆဢိၵ်ႇတင်းၵႃႈၼႂ်းသဵၼ်ႈတၢင်းယေႇရုသလႅမ်ႇ ၸိူဝ်းၼၼ်ႉလႄႈဝႃႈၸမ်း၊-သူဢွၼ်ၵၼ်ထွမ်ႇဢဝ်ၵႂၢမ်းပတိ ၺိၼ်ႇၼႆႉသေလႄႈၵမ်ၵျၢင်ႉၸွမ်းတႃႉ။
၇ လွင်ႈမၼ်းၸမ်းပိၵ်ႉသမ်ႉ ၵဝ်သင်ႇသွၼ်သုင်းမႃႉပၼ်တီႈပူႇသူမွၼ်ႇသူၸႃႉၸဵမ်မိူဝ်ႉဝၼ်းဢၼ်ၵဝ် ၼုၵ်ႈဢဝ်ၶဝ်ဢွၵ်ႇသေၵႃႈၼႂ်းမိူင်းဢေႇၵႅပ်ႉတု ၼၼ်ႉတေႃႇထိုင်ႁွတ်ႈဝၼ်းမိူဝ်ႈၼႆႉယူႇၶိူဝ်းၶိူဝ်းယႂ်းယႂ်းလႄႈ လုၵ်ႉၸဝ်ႉၸဝ်ႉယူႇ သင်ႇသွၼ်သုင်းမႃႉပၼ်ယူႇသေလႄႈဝႃႈ၊ ဢွၼ်ၵၼ်ထွမ်ႇဢဝ် ၵႂၢမ်းၵဝ်တႃႉ၊ဝႃႈၼင်ႇၼႆဢေႃႈ။
၈ ၶဝ်ဢမ်ႇထွမ်ႇဢမ်ႇဢဝ်။ဢမ်ႇႁႄႈႁူဝၢႆႇႁူၸူး။ၶဝ်ၵႃႈမီးဢွၼ်ၵၼ်ၸွမ်းၵႂႃႇၵႃႈၼင်ႇဢၼ် တၢင်းဢၼ်ႁူဝ်ၸႂ်ၶဝ်ၵႅၼ်ႇၶႅင်လႄႈႁၢႆႉယုတ်ႈၼၼ်ႉမီးၼၼ်ႉဢေႃႈ။ပိူဝ်ႈၼႆလႄႈၵဝ်တၵ်းႁႂ်ႈၵႂၢမ်းပတိၺိၼ်ႇၵူႈၸိူဝ်ႉၵူႈပိူင် ဢၼ်ၵဝ်သင်ႇလၢတ်ႈဝႆႉတီႈၶဝ်လႄႈၶဝ်ဢမ်ႇၵမ်ဢမ်ႇၵျၢင်ႉၼႆႉတူၵ်းႁွတ်ႈၵႃႈၼိူဝ်ၶဝ်ဢေႃႈ၊ဝႃႈၼင်ႇၼႆဢေႃႈ။
၉ လၢႆးသမ်ႉထႃႇဝရႃႉၽြႃးမီးဢမိင်ႉတီႈၵဝ်ၸမ်း၊- လႆႈထူပ်းလႆႈႁၼ် တၢင်းဢၼ်ၵျၢမ်ႇပွင်ႁၢႆႉသုတ်ႈႁဵတ်းမုၵ်ႉႁဵတ်းၸိူဝ်းၼၼ်ႉၵႃႈၼႂ်းၵူၼ်းမိူင်းယုတ၊ၵူၼ်းဝဵင်း ယေႇရုသလႅမ်ႇၸိူဝ်းၼၼ်ႉဢေႃႈ။
၁၀ ၶဝ်ဢွၼ်ၵၼ်ဝၢႆႇၶိုၼ်းၵႂႃႇ ႁႂ်ႈလႆႈႁဵတ်းတုၸရိူၵ်ႈပူႇၶဝ်မွၼ်ႇၶဝ်ဢၼ်တွပ်ႇထဵင်ပႄႇပႅတ်ႈၵႂၢမ်းၵဝ်ၸိူဝ်းၼၼ်ႉလႄႈ ၸွမ်းလင်ၽြႃးတၢင်ႇသူႇတၢင်ႇပႃး ႁႂ်ႈလႆႈႁဵတ်းဝၢတ်ႈတီႈၶဝ်ၼၼ်ႉယဝ်ႉ။မဵဝ်းဢိသရေႇလဢိၵ်ႇတင်းမဵဝ်းယုတဢွၼ်ၵၼ်ယႃႉပတိၺိၼ်ႇတြႃး ဢၼ်ၵဝ်ႁဵတ်းဝႆႉလူၺ်ႈၵၼ် တင်းပူႇၶဝ်မွၼ်ႇၶဝ်ၸိူဝ်းၼၼ်ႉပႅတ်ႈယဝ်ႉ။
၁၁ ပိူဝ်ႈၼႆလႄႈထႃႇဝရႃႉၽြႃးမီးဢမိင်ႉၸမ်း၊- တူၺ်းလူ။ၵဝ်တၵ်းႁဵတ်းၽေးဢၼ်ႇတရေႇဢၼ်ၶဝ်ဢမ်ႇလွတ်ႈလႆႈၼၼ်ႉတူၵ်းႁွတ်ႈၵႃႈၼိူဝ်ၶဝ်ဢေႃႈ။ပိၵ်ႉသမ်ႉၶဝ်သႅၼ်ႇႁွင်ႉႁႃၵဝ်သေၵေႃႈၵဝ်ယင်းဢမ်ႇထွမ်ႇဢဝ်လႄႈတၵ်းယူႇဢေႃႈ။
၁၂ မိူဝ်ႈၼၼ်ႉပိၵ်ႉသမ်ႉၵူၼ်းဝၢၼ်ႈၵူၼ်းဝဵင်းယုတဢိၵ်ႇတင်းၵူၼ်းဝဵင်းယေႇရုသလႅမ်ႇ တင်းလၢႆဢွၼ်ၵၼ်ၵႂႃႇလႄႈ သႅၼ်ႇႁွင်ႉတီႈၽြႃး ဢၼ်ၶဝ်ယၢမ်ႈလႆႈဢဝ်ၼၢမ်ႇသႃႇတုတ်ႇၽႆးလႄႈ ပုၵ်ႉၸေႃႇၸိူဝ်းၼၼ်ႉသေၵေႃႈၶဝ်ၼၼ်ႉ ယင်းဢမ်ႇပၼ်ၵတ်းယဵၼ်ၶျၢမ်းသႃႇ ၼႂ်းမိူဝ်ႈဢၼ်ၽေးႁွတ်ႈထိုင်ၼၼ်ႉ လႃးလႃး လႄႈတၵ်းယူႇဢေႃႈ။
၁၃ မိူင်းယုတဢိူၺ်း။ၽြႃးမႂ်းမီးၸွမ်းၵႃႈၼင်ႇဢၼ်ၼပ်ႉဢၢၼ်ႇ ဢၼ်ဝဵင်းမႂ်းမီးၼၼ်ႉယဝ်ႉလူင်ပေႇ။သူဢွၼ်ၵၼ်တႄႇႁဵတ်းယိတ်ႉပလၢင်ႇပုၼ်ႈၶိူင်ႈပိူင် ဢၼ်လီဢူၵ်းလီဢၢႆဢၼ်ဝႃႈ ယိတ်ႉပလၢင်ႇ တီႈဢၼ်တၵ်းဢဝ်ၼၢမ်ႇသႃႇတုတ်ႇၽႆးတီႈၽြႃးပႃႇလ ၼၼ်ႉၸွမ်းၵႃႈၼင်ႇဢၼ်ၼပ်ႉဢၢၼ်ႇ သဵၼ်ႈတၢင်းဝဵင်းယေႇရုသလႅမ်ႇမီးၼၼ်ႉဢေႃႈ။
၁၄ ပိူဝ်ႈၼႆလႄႈမႂ်းယႃႇပေႁဵတ်းပထၼႃႇပုၼ်ႈမဵဝ်းၼႆႉ။ယႃႇပေႁဵတ်းတၢင်းဢၼ်သႅၼ်ႇႁွင်ႉ၊တၢင်းဢၼ်သူးတွင်းပုၼ်ႈၶဝ်။ၵဝ်ဢမ်ႇထွမ်ႇဢဝ်ၵႂၢမ်းၶဝ်ၼႂ်းမိူဝ်ႈဢၼ်ၶဝ်သႅၼ်ႇႁွင်ႉ၊ၼႂ်းမိူဝ်ႈဢၼ်ၽေးၶဝ်ႈႁွတ်ႈထိုင်ၼၼ်ႉ။
၁၅ မေႈယိင်း ဢၼ်ၵဝ်ႁၵ်ႉၼၼ်ႉၸၢပ်ႈသႅင်ႇၵၼ်တင်းႁိူၼ်းၵဝ်ၼႂ်းမိူဝ်ႈဢၼ်မၼ်းႁဵတ်း တၢင်းဢၼ်ဢမ်ႇတြႃးၼမ်ၵိုၼ်းၼႃႇၼၼ်ႉၸိူဝ်ႉၼင်ႇႁိုဝ်။ ၼိူဝ်ႉဢၼ်မူတ်းၸၢင်ႇၵၢင်းလွတ်ႈၵၼ်တင်းမႂ်းလႄႈ တေႃႇၵႃႈၼႂ်းမိူဝ်ႈဢၼ်မႂ်းယင်းတိုၵ်ႉႁဵတ်းတုၸရိူၵ်ႈယူႇၼၼ်ႉ မႂ်းယင်း ၸူမ်းသိူဝ်းယူႇလူင်ပေႇ။
၁၆ ထႃႇဝရႃႉၽြႃးႁွင်ႉႁိၵ်ႈၸိုဝ်မႂ်းလႄႈဝႃႈတူၼ်ႈသၢၼ်ႇလုၼ်ႇ ဢၼ်ၶဵဝ်လီတင်ႈလီလႄႈ မၢၵ်ႇမၢၵ်ႇဢၼ်လီဢေႃႈ၊ဝႃႈၼင်ႇၼႆဢေႃႈ။မၼ်းၸဝ်ႈ ႁဵတ်းသဵင်ဢၼ်ႁူၼ်ႈမေႃး ယႂ်ႇၼႃႇသေလႄႈ ဢဝ်တူၼ်ႈၼၼ်ႉတုတ်ႇၽႆးလႄႈ ၵိင်ႇမၼ်းၶႃႊ မၼ်းတင်းလၢႆၶႅမ်ႈသုတ်းႁၵ်းႁိၵ်းၵႂႃႇဢေႃႈ။
၁၇ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး ဢၼ်ၽုၵ်ႇသွမ်ႈမႂ်းၼၼ်ႉမီးဢမိင်ႉ ႁႂ်ႈလွင်ႈတၢင်းဢၼ်ဢမ်ႇလီယူႇၽၢႆႇၼိုင်ႈတင်းမႂ်း ၵွပ်ႈပိူဝ်ႈလွင်ႈတၢင်းဢၼ်ဢမ်ႇလီဢၼ်မဵဝ်းဢိသရေႇလဢိၵ်ႇတင်း မဵဝ်းယုတႁဵတ်းပုၼ်ႈၶဝ်ဢၼ်ဝႃႈတၢင်း ဢၼ်ဢဝ်ၼၢမ်ႇသႃႇတုတ်ႇၽႆးတီႈၽြႃးပႃႇလသေလႄႈတိုၵ်းယူင်းတၢင်းၸႂ်မႆႈၶႆႈၸႃႉၵဝ်ၼၼ်ႉယဝ်ႉ။
ၵျမ်ႇႁႃဢဝ်ယေႇရမိတၢႆ
၁၈ ထႃႇဝရႃႉၽြႃး ဢဝ်လွင်ႈၶဝ်ပၼ်ပျႃႇတိၵ်ႈတီႈၵဝ်လႄႈၵဝ်လႆႈႁူႉဢေႃႈ။ မိူဝ်ႈၼၼ်ႉမၼ်းၸဝ်ႈၼႄပျႃးလွင်ႈတၢင်းဢၼ်ၶဝ်ႁဵတ်း ၸိူဝ်းၼၼ်ႉတီႈၶႃႈၸဝ်ႈ တီႈၶႃႈယဝ်ႉ။
၁၉ ၵဝ်ပဵၼ်ၸိူဝ်ႉၼင်ႇသူဝ်းငႄႈဢွၼ်ႇဢၼ်ဢဝ်ၵႂႃႇႁႂ်ႈလႆႈၶမ်ႇဢဝ်တၢႆၼၼ်ႉလႄႈ ၵဝ်ဢမ်ႇႁူႉလွင်ႈဢၼ်ၶဝ်ၵျၢမ်ႇပွင်တၢင်းၵျၢမ်ႇတၢင်းပွင် ဢၼ်ဢမ်ႇလီယူႇၽၢႆႇၼိုင်ႈတင်းၵဝ်လႄႈဝႃႈ ဢွၼ်ၵၼ်ယႃႉၽဵဝ်ႈပႅတ်ႈမူတ်းမူတ်းသဵင်ႈသဵင်ႈလႄႈ ပႄႇတႅပ်းမၼ်းပႅတ်ႈသေၵႃႈၼႂ်းတီႈယူႇ ၶဝ်ၸိူဝ်းဢၼ်ဢသၢၵ်ႈလိပ်းၼႆႉႁႂ်ႈၼႃႇမႃႉၸိုဝ်သဵင်မၼ်း ဢမ်ႇလႆႈၶၢမ်ႇတၢင်းဢၼ်ၶုၵ်းၸႂ်လႆႈၶႆႈၸႂ်ထူပ်းတႃႉႁဝ်း၊ဝႃႈၼင်ႇၼႆၼၼ်ႉ။
၂၀ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး ဢၼ်ၸႅတ်ႈထၢမ်ႁူဝ်ၸႂ်မၢၵ်ႇလၼ်းလႄႈ ၸီႇယၢင်ႇၸွမ်းၼင်ႇတြႃးတီႈၶႃႈဢိူၺ်း။ႁႂ်ႈၶႃႈၸဝ်ႈလႆႈႁၼ်တၢင်းဢၼ်ၸဝ်ႈႁဝ်းပၼ်ဢပျႅတ်ႈတီႈၶဝ်ၼၼ်ႉသေၵမ်းတီႈၶႃႈ။ ဢမူႉၶႃႈၸဝ်ႈၸိုင် ၶႃႈၸဝ်ႈလဝ်ႈလၢတ်ႈတီႈၸဝ်ႈႁဝ်းတီႈၶႃႈ ယဝ်ႉ။
၂၁ ပိူဝ်ႈၼႆလႄႈထႃႇဝရႃႉၽြႃးမီးဢမိင်ႉလူၺ်ႈလွင်ႈၵူၼ်းဝဵင်းဢႃႇၼသုတ်ႉတင်းလၢႆဢၼ်ႁႃဢဝ်ဢသၢၵ်ႈမႂ်းလႄႈလၢတ်ႈဝႃႈ၊-လွင်ႈၼင်ႇႁိုဝ်မႂ်းတၵ်းဢမ်ႇတၢႆလူၺ်ႈမိုဝ်းႁဝ်းၸိုင် မႂ်းယႃႇပေဢဝ်ၼႃႇမႃႉၸိုဝ်သဵင် ထႃႇဝရႃႉၽြႃးႁဵတ်းပရေႃးၽိတ်ႈ ဝႃႈၼင်ႇၼႆ ၼၼ်ႉၸမ်း၊-
၂၂ ပိူဝ်ႈၼႆလႄႈၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း၊-တူၺ်းလူ။ၵဝ်တၵ်းၸႅတ်ႈထၢမ်ၶဝ်လႄႈ ၵူၼ်းၼုမ်ႇၵူၼ်းၵမ်ၶဝ်တၵ်း ဢွၼ်ၵၼ်တၢႆလူၺ်ႈလၢပ်ႇလႅဝ်းလႄႈ လုၵ်ႈၸၢႆးလုၵ်ႈယိင်းၶဝ်တၵ်းဢွၼ်ၵၼ်တၢႆလူၺ်ႈတၢင်းဢၼ်ဢိုပ်းဢၼ် ယၢၵ်ႈဢေႃႈ။
၂၃ ဢမ်ႇလႆႈမီးဢၼ်ၵိုတ်းဢၼ်ၵျၢၼ်ႇဝႆႉတီႈၶဝ်ၼၼ်ႉသေၵေႃႉသေၵူၼ်း။ၵဝ်တၵ်းႁႂ်ႈၽေးဢူးပၢတ်ႈဢၼ်ဝႃႈၶူပ်ႇပီႊ ဢၼ်ၶဝ်လႆႈတၢင်းဢၼ်ၸႅတ်ႈဢၼ်ထၢမ်ၼၼ်ႉတူၵ်းႁွတ်ႈ ၵႃႈၼိူဝ်ၵူၼ်းဝဵင်းဢႃႇၼသုတ်ႉတင်းလၢႆဢေႃႈ၊ ဝႃႈၼင်ႇၼႆဢေႃႈ။