၁၀
ၽြႃးပဵၼ်ၸဝ်ႈတင်းရုၵ်ႉထူႉသၢင်းထူႉ
၁ ၵူၼ်းမဵဝ်းဢိသရေႇလတင်းလၢႆၶဝ်ဢိူၺ်း။ဢွၼ်ၵၼ်ထွမ်ႇငိၼ်းၵႂၢမ်းဢၼ်ထႃႇဝရႃႉၽြႃး မီးဢမိင်ႉဝႆႉတီႈသူ ၼႆႉတႃႉ။
၂ ထႃႇဝရႃႉၽြႃးမီးဢမိင်ႉၸမ်း၊-ယႃႇပေၸွမ်းၽႃႇသႃႇသဵၼ်ႈတၢင်း ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆၼၼ်ႉ။ယႃႇပေတူၵ်းၸႂ်ၵူဝ်ႁႄၼီႈမိၵ်ႈလၵ်ႈၶၼႃႇၾႃႉၵၢင်ႁၢဝ် ဢၼ်ၵူၼ်းတၢင်ႇၸိူဝ်ႉတၢင်ႇၶိူဝ်းၸၢင်ႊ တူၵ်းၸႂ်ၵူဝ်ႁႄၼၼ်ႉ။
၃ ထုင်းၾိင်ႈမဵဝ်းၵူၼ်းတင်းလၢႆၸိူဝ်းၼၼ်ႉပဵၼ်ဢၼ်လၢႆလၢႆ ဢမ်ႇပွင်ႇလွင်ႈၵႃႈသင်ဢေႃႈ။ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်း၊-ၶဝ်ဢွၼ်ၵၼ်ပွမ်ႈဢဝ်တူၼ်ႈမႆႉၵႃႈတီႈၼႂ်းထိူၼ်ႇၼႂ်းၶိူဝ်း ဢၼ်ပဵၼ် ၶိူင်ႈပိူင်ဢၼ်လၢၵ်းသမႃး ၸၢင်ႊဢဝ်တႃႇမၢတ်ႇႁဵတ်းၼၼ်ႉဢေႃႈ။
၄ ၶဝ်ဢဝ်ငိုၼ်းဢဝ်ၶမ်းႁၢင်ႈၶိူင်ႈသႂ်ႇႁၢင်ႈလီႁၢင်ႈငၢမ်းၼႃႇလူင်လၢင်လႄႈ ဢဝ်တင်းၶွၼ်ႉလဵၵ်းတွၵ်ႇလဵၵ်းလႅမ်ၸပ်းဝႆႉ ဢမ်ႇႁႂ်ႈသၼ်ႇၶွၼ်းတူင်ႉၼိုင် ဢေႃႈ။
၅ ဢၼ်ၸိူဝ်းၼၼ်ႉပဵၼ်ၸိူဝ်ႉၼင်ႇတူၼ်ႈထၢၼ်းဢၼ်တွင်ႈႁဵတ်းၶႅၵ်းႁဵတ်းၼၼ်ႉလႄႈဢမ်ႇၸၢင်ႊလၢတ်းၵႂၢမ်း။ ၶဝ်ဢၼ်ၸိူဝ်းၼၼ်ႉႁၢပ်ႇၵႂႃႇႁၢမ်ၵႂႃႇၵွပ်ႈပိူဝ်ႈၶဝ်ဢမ်ႇၸၢင်ႊၵႂႃႇၸၢင်ႊပႆႁၢင်းၶဝ်ၵူၺ်းၼၼ်ႉဢေႃႈ။ ယႃႇပေၵူဝ်ပေႁႄၸိူဝ်းၼၼ်ႉ။ၶဝ်ဢမ်ႇႁဵတ်းဢၼ်ႇတရေႇသႂ်ႇလႆႈ။ ၶဝ်ဢမ်ႇႁဵတ်းဢၼ်လီဢၼ်ငၢမ်းပၼ်လႆႈ။
၆ ထႃႇဝရႃႉၽြႃးတီႈၶႃႈ။ၽူႈ လႂ်သေၵေႃႉသေၵူၼ်းဢမ်ႇမိူၼ်ၵၼ်တင်းၸဝ်ႈႁဝ်းလႃးလႃးတီႈၶႃႈ။ၸဝ်ႈႁဝ်းပဵၼ်ဢၼ်ယႂ်ႇဢၼ်မျၢတ်ႈလႄႈၼႃႇမႃႉၸိုဝ်သဵင်ၸဝ်ႈႁဝ်းၵေႃႈ ပဵၼ်ဢၼ်ယႂ်ႇမျၢတ်ႈၵွပ်ႈပိူဝ်ႈတၼ်းၶူဝ်း ၸဝ်ႈႁဝ်းတီႈၶႃႈဢေႃႈ။
၇ ၶုၼ်ႁေႃၶမ်းၵူႈၸိူဝ်ႉၵူႈမဵဝ်းတီႈၶႃႈ။ၵွပ်ႈပိူဝ်ႈထုၵ်ႇလီၵူဝ်ႁႄၸဝ်ႈႁဝ်းလႄႈၽူႈ လႂ်ယင်းဢမ်ႇၵူဝ်ႁႄၸဝ်ႈႁဝ်းလႄႈ တၵ်းဢမ်ႇလႆႈယူႇတီႈၶႃႈ။ၵႃႈၼႂ်းၶဝ်ၸိူဝ်းဢၼ်မီးပိင်ႇၺႃႇ ၼႂ်းၵူၼ်းၵူႈၸိူဝ်ႉၵူႈမဵဝ်းတင်းသဵင်ႈတင်းလူင် ဢိၵ်ႇတင်းၵႃႈၼႂ်းသိုင်ႇၸိုင်ႈဝၢၼ်ႈမိူင်းတင်းသဵင်ႈတင်းလူင်ႇၼၼ်ႉဢမ်ႇမီးၵေႃႉဢၼ်မိူၼ်ၵၼ်တင်းၸဝ်ႈႁဝ်း သေၵေႃႉသေၵူၼ်းတီႈ ၶႃႈ။
၈ ၶဝ်ၼၼ်ႉမီးသၽေႃးတရိၵ်ႈသၢၼ်ႇဢိၵ်ႇတင်းသၽေႃးဢၼ်မိူၵ်ႈမိူၼ်မိူၼ်ၵၼ်ဢေႃႈ။ မႆႉၸိင်ၸိုင်ၸၢင်ႊသင်ႇသွၼ်သုင်းမႃႉပၼ် လွင်ႈတၢင်းဢၼ်လၢႆ လၢႆဢမ်ႇပွင်ႇလွင်ႈၵႃႈသင်ဢေႃႈ။
၉ မီးတၢင်းဢၼ်ဢဝ်ၶမ်းသေၵႃႈတီႈဝဵင်းဢုၽတ်ႉမႃး၊ ဢဝ်ၶႅပ်းငိုၼ်းသေၵႃႈတီႈဝဵင်းတႃႇသုမႃးၼၼ်ႉဢေႃႈ။မီးၶူဝ်းဢၼ်သွမ်ႇၶူဝ်းဢၼ်ၵမ်ႇပုၼ်ႈဢၼ်တၵ်းႁူမ်ႇမႆႊၶဝ်ဢေႃႈ။ ၶဝ်ပဵၼ်ၶိူင်ႈပိူင်ၶဝ်ၸိူဝ်းဢၼ်လၵ်းလႅမ်ႁဵတ်းၼၼ်ႉလွၼ်ႉ လွၼ်ႉဢေႃႈ။
၁၀ ထႃႇဝရႃႉၽြႃးၸမ်းပဵၼ်ၽြႃးဢၼ်ၸိုဝ်ႈဢၼ်ၸႂ်ႈ၊ၽြႃးဢၼ်ဢသၢၵ်ႈလိပ်းယူႇ၊ ၶုၼ်ႁေႃၶမ်းၼိၵ်ႉၸႃႉထႃႇဝရႃႉဢေႃႈ။ပေႃးတၢင်းၸႂ်မႆႈၶႆႈၸႃႉမၼ်းၸဝ်ႈဢွၵ်ႇၸိုင်လိၼ်မိူင်းလႆႈ သၼ်ႇၶွၼ်းၶဝ်ႇလႄႈၵူၼ်းၵူႈၸိူဝ်ႉၵူႈမဵဝ်း ဢမ်ႇဢွၼ်ၵၼ်ၶၢမ်ႇတၢင်းၸႂ်မႆႈၶႆႈၸႃႉမၼ်းၸဝ်ႈလႆႈ။
၁၁ ၵႂၢမ်းဢၼ်တၵ်းလႆႈလၢတ်ႈ တီႈၶဝ်ၸိူဝ်းၼၼ်ႉၸမ်း၊-ၽြႃး ဢၼ်ဢမ်ႇႁဵတ်းပဵၼ်ၾႃႉၵၢင်ႁၢဝ်တင်းလိၼ်မိူင်းၼႆႉၸိူဝ်းၼၼ်ႉ တၵ်းဢွၼ်ၵၼ်လပ်ႉႁၢႆၵႂႃႇသေၵႃႈတီႈလိၼ်မိူင်းဢိၵ်ႇတင်း ၵႃႈတီႈတႂ်ႈၽႃႉၵၢင်ႁၢဝ်ၼႆႉ ဢေႃႈ။
၁၂ မၼ်းၸဝ်ႈဢဝ်တၼ်းၶူဝ်းၸဝ်ႈႁဵတ်းပဵၼ်လိၼ်မိူင်းယဝ်ႉ။ မၼ်းၸဝ်ႈဢဝ်ပိင်ႇၺႃႇၸဝ်ႈတႄႇႁဵတ်းလေႃးၵႃႉထၢတ်ႈယဝ်ႉ။ မၼ်းၸဝ်ႈဢဝ်ၺၢၼ်ႇၸဝ်ႈ ၶဵင်ႈမုင်းၽၵၢင်ႁၢဝ်ယဝ်ႉ။
၁၃ ယၢမ်းမိူဝ်ႈဢၼ်မၼ်းၸဝ်ႈပွႆႇသဵင်ၸဝ်ႈၼၼ်ႉၸိုင် ၸင်ႇပဵၼ်ၼမ်ႉၽူၼ်ၼမ်ၵိုၼ်းၼႃႇလူင်လၢင် ၵႃႈၼိူဝ်ၾႃႉၵၢင်ႁၢဝ်လႄႈမၼ်းၸဝ်ႈႁႂ်ႈၽႃႈၽူၼ်လုၵ်ႉသေ ၵႃႈတီႈႁိမ်းလႅၼ်သုတ်းလိၼ်မိူင်းၶိုၼ်ႈဢေႃႈ။မၼ်းၸဝ်ႈႁႂ်ႈၽူၼ်တူၵ်းလႄႃႈႉမႅပ်ႈဢေႃႈ။ လူမ်းၵေႃႈမၼ်းၸဝ်ႈဢဝ်ဢွၵ်ႇၵႃႈၼႂ်းတိူၵ်ႈ ၽၼ်ႇတႃႇမၼ်းၸဝ်ႈမႃးဢေႃႈ။
၁၄ ၵူၼ်းၸမ်းပဵၼ်ၸိူဝ်ႉၼင်ႇတရိၵ်ႈသၢၼ်ႇလႄႈ ဢမ်ႇမီးၺၢၼ်ႇလႃးလႃး။ၸၢင်ႈၶမ်းၵူႈၵေႃႉၵူႈၵူၼ်း မီးတၢင်းဢၼ်ဢူၵ်းဢၼ်ဢၢႆၵွပ်ႈပိူဝ်ႈရုၵ်ႉထူႉဢၼ်တူဝ်ၸဝ်ႈၵဝ်ႇႁဵတ်းၼၼ်ႉဢေႃႈ။လွင်ႈမၼ်းၸမ်းရုၵ်ႉထူႉဢၼ်မၼ်းသွၼ်းလေႃႇႁဵတ်းၼၼ်ႉပဵၼ်မူႉသႃႇဢေႃႈ။ဢမ်ႇမီးတၢင်းဢၼ် ထူၺ်ႈၸႂ်ၶဝ်ႈထူၺ်ႈၸႂ်ဢွၵ်ႇၵႃႈၼႂ်းမၼ်း။
၁၅ ဢၼ်ၸိူဝ်းၼၼ်ႉပဵၼ်ဢၼ်လၢႆလၢႆ ဢမ်ႇပွင်ႇလွင်ႈၵႃႈသင်ဢေႃႈ။ပဵၼ်ၶိူင်ႈပိူင်ဢၼ်ၸၢင်ႊပႅတ်ႉၸၢင်ႈလႅၼ်ၵူၺ်းၵူၺ်းဢေႃႈ။ၼႂ်းၶိင်ႇမိူဝ်ႈဢၼ်လႆႈၶၢမ်ႇတၢင်းဢၼ်ၸႅတ်ႈထၢမ်ၼၼ်ႉ ၶဝ်တၵ်းမီးတၢင်းဢၼ်လပ်ႉႁၢႆၵႂႃႇ ဢေႃႈ။
၁၆ ပုၼ်ႈတႃႇမဵဝ်းယႃႇၵုပ်ႉၸမ်းဢမ်ႇမိူၼ်ၵၼ်တင်းဢၼ်ၸိူဝ်းၼၼ်ႉ။ လွင်ႈမၼ်းၸမ်းမၼ်းၸဝ်ႈပဵၼ်ၸဝ်ႈ ဢၼ်ႁဵတ်းပဵၼ်လွင်ႈတၢင်းၵူႈၸိူဝ်ႉၵူႈပိူင်ဢေႃႈ။မဵဝ်းဢိသရေႇလၼၼ်ႉလႆႈၶၢမ်ႇဢမူၺ်ႇဢေႃႈ။ၼႃႇမႃႉၸိုဝ်သဵင်မၼ်းၸဝ်ႈၼၼ်ႉ ပဵၼ်ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးဢေႃႈ။
တၢင်းလူႉလႅဝ်ႁွတ်ႈထိုင်မႃး
၁၇ ၵေႃႉဢၼ်ယူႇၵႃႈၼႂ်းတိူၵ်ႈတီႈတိုၵ်းသိုၵ်းဢိူၺ်း။ၸူႉသိမ်းဢဝ်ဢုၵ်ႉၸႃႇၶိူင်ႈပိူင်မႂ်း ဢွၵ်ႇသေၵႃႈၼိူဝ်ၼႃႈလိၼ်တႃႉ။
၁၈ ထႃႇဝရႃႉၽြႃးမီးဢမိင်ႉၸမ်း၊-တူၺ်းလူ။မိူဝ်ႈလဵဝ်ၼႆႉ ၵဝ်တၵ်းဢဝ်ၵူၼ်းဝၢၼ်ႈၵူၼ်းမိူင်းတင်းလၢႆပိုတ်ႇဢွၵ်ႇသေၵႃႈၼႂ်းၵူင်ႇၵွၼ်လႄႈ ၼိၵ်ႈၸၢၵ်ႈငႅၼ်းသေးၶဝ်ႁႂ်ႈၶဝ်ႁွတ်ႈထိုင် ၵႃႈၼႂ်းမိုဝ်းရၢၼ်ႇသူႇဢေႃႈ၊ ဝႃႈၼင်ႇၼႆမၼ်းၸဝ်ႈမီးဢမိင်ႉဢေႃႈ။
၁၉ ၵဝ်ၼႆႉမီးဢႃႉမင်ႇၵလႃႇ ၵွပ်ႈပိူဝ်ႈဢၼ်လႆႈၶၢမ်ႇတၢင်းဢၼ်တိူဝ်ႉမၢတ်ႇၼၼ်ႉလႄႈ တၢင်းၸဵပ်းၵဝ်ပဵၼ်ဢၼ်ႁႅင်းၼႃႇလူင်လၢင်ဢေႃႈ။ၼႂ်းဝႃႈၼၼ်သေၵေႃႈၵဝ်လၢတ်ႈလႄႈဝႃႈ ဢၼ်ၼႆႉပဵၼ်တုၵ်ႉၶႃႉဝူၺ်ႇတၼႃႇၵဝ်လႄႈတၵ်းလႆႈၶၢမ်ႇဢမၢၼ်ႇၶၢၼ်ပဵၼ်ဢေႃႈ၊ ဝႃႈ ၼင်ႇၼႆဢေႃႈ။
၂၀ သုမ်ႉထဵင်ၸဝ်ႈလူႉယဝ်ႉ။ၸိူၵ်ႈၵဝ်ၵႃႈမီးၵေႃႈၶၢတ်ႇယဝ်ႉ။လုၵ်ႈၵဝ်လၢၼ်ၵၼ်ဢွၼ်ၵၼ်ဢွၵ်ႇသေၵႃႈတီႈၵဝ်ၵႂႃႇလႄႈဢမ်ႇမီးယဝ်ႉ။ၵမ်းလိုၼ်းဢမ်ႇမီးၵေႃႉဢၼ်တၵ်းတိုတ်ႉၶဵင်ႈသုမ်ႉထဵင်ၵဝ်၊ ၵေႃႉဢၼ် တိုတ်ႉၵင်ႈၽႃႈၵင်ႈၵဝ်။
၂၁ လွင်ႈမၼ်းၸမ်းၶဝ်ၸိူဝ်းဢၼ်လဵင်ႉသူဝ်းထိင်းသူဝ်းၼၼ်ႉ မီးၸႂ်သၽေႃးတရိၵ်ႈသၢၼ်ႇလႄႈ ဢမ်ႇႁႃဢဝ်ယွၼ်းဢဝ်တီႈထႃႇဝရႃႉၽြႃးၼၼ်ႉ။ပိူဝ်ႈၼႆလႄႈတၢင်းၵျၢမ်ႇတၢင်းပွင်ၶဝ်ဢမ်ႇပဵၼ်လႄႈ ၽုင်သူဝ်းၶဝ်ၵႃႈမီးၼၼ်ႉလႆႈမီးတၢင်းဢၼ်ၽၢတ်ႇၽႄၵၼ်မၢၵ်ႇမိူဝ်ၵႂႃႇဢေႃႈ။
၂၂ တူၺ်းလူ။သတၢင်းသဵင်ၶၢဝ်ႇႁွတ်ႈမႃးယဝ်ႉလႄႈသဵင်ဢၼ်ဢၼ်မေႃးမေး ယႂ်ႇၼႃႇလူင်လၢင်ၼၼ်ႉ လုၵ်ႉသေ ၵႃႈတီႈမိူင်းၼႃႈတၢင်းႁွင်ႇမႃးႁႂ်ႈလႆႈႁႂ်ႈဝဵင်းယုတ တင်းလၢႆပဵၼ်ဢၼ်ပဝ်ႇလၢပ်ႈလႄႈ ပဵၼ်တီႈဢၼ်မႃလိၼ်တၵ်းယူႇဢေႃႈ။
တၢင်းသူးတွင်းယေႇရမိ
၂၃ ထႃႇဝရႃႉၽြႃးတီႈၶႃႈ။ ၶႃႈၸဝ်ႈႁူႉလွင်ႈဢၼ်ၵူၼ်းဢမ်ႇဢုပ်ႉပိူင်ႇသဵၼ်ႈတၢင်းမၼ်းလႄႈ ၵေႃႉဢၼ်ယင်းတိုၵ်ႉၵႂႃႇယူၼၼ်ႉ ဢမ်ႇၸၢင်ႊၸီႇယၢင်ႇႁွႆးတိၼ်မၼ်း ၼၼ်ႉယူႇတီႈၶႃႈဢေႃႈ။
၂၄ ထႃႇဝရႃႉၽြႃးတီႈၶႃႈ။ယင်းဢမ်ႇပႃး တၢင်းဢၼ်ၸႂ်မႆႈၶႆႈၸႃႉလႄႈ ပႃးတၢင်းဢၼ်ၸီႇယၢင်ႇၸွမ်းၼင်ႇတြႃး ႁႂ်ႈၶႃႈၸဝ်ႈဢမ်ႇလႆႈသုမ်းလႆႈၸွမ်းလႄႈ သင်ႇသွၼ်သုင်းမႃႉၶႃႈၸဝ်ႈသေ ၵမ်းတီႈၶႃႈ။
၂၅ ဢဝ်တၢင်းၸႂ်မႆႈၶႆႈၸႃႉၸဝ်ႈႁဝ်းသွၼ်းလေႃႇသႂ်ႇ ၵႃႈၼိူဝ်ၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်ဢမ်ႇႁူႉၸၵ်းၸဝ်ႈႁဝ်းၸိူဝ်းၼၼ်ႉ ဢိၵ်ႇတင်းၵႃႈၼိူဝ်မဵဝ်းၸိူဝ်ႉၶိူဝ်းဢၼ်ဢမ်ႇႁဵတ်းပထၼႃႇ တီႈၼႃႇမႃႉၸိုဝ်သဵင်ၸဝ်ႈႁဝ်းၸိူဝ်းၼၼ်ႉသေၵမ်းတီႈၶႃႈ။လွင်ႈမၼ်းၸမ်းၶဝ်ဢွၼ်ၵၼ်ၵိၼ်ၶူပ်းမၼ်းလႄႈ ၵိၼ်မၼ်းပႅတ်ႈမူတ်းမူတ်းသဵင်ႈသဵင်ႈသေလႄႈ ပႄႇၽဵဝ်ႈတီႈယူႇမၼ်းပႅတ်ႈယဝ်ႉ။