၄
၁ မဵဝ်းဢိသရေႇလဢိူၺ်း။ပေႃးမႂ်းမီးဢလူဝ်ႇၶႂ်ႈၶိုၼ်းမႃးတီႈၵဝ်ၸိုင်ၶိုၼ်းမႃးသေၵမ်း။ ပေႃးမႂ်းမီးဢလူဝ်ႇၶႂ်ႈပႄႇပႅတ်ႈ လွင်ႈတၢင်းဢၼ် လီႁင်ႈဢဵတ်ႇသဵတ်ႇမႂ်းၸိူဝ်း ၼၼ်ႉသေၵႃႈတီႈသိုဝ်ႈၼႃႈတႂ်ႈတႃၵဝ်ၸိုင် မႂ်း ဢမ်ႇလႆႈၶၢႆႉတီႈၶၢႆႉလႅၼ်။
၂ မႂ်းတၵ်းလႆႈဢဝ်တၢင်းဢၼ်ပႂ်ႉသႅတ်ႉၸႃႇ၊ တၢင်းဢၼ်ၸီႇယၢင်ႇၸွမ်းၼင်ႇတြႃး၊တၢင်းဢၼ်သိုဝ်ႈတေႃႇသေလႄႈ တိူင်ႇဝႃႈၵိၼ်ႇဝႃႈလႄႈဝႃႈ၊-ထႃႇဝရႃႉၽြႃးဢသၢၵ်ႈလိပ်းယူႇဢေႃႈ။ၵူၼ်းၵူႈၸိူဝ်ႉၵူႈမဵဝ်းၵေႃႈတၵ်းဢွၼ်ၵၼ်ဢဝ်မၼ်းၸဝ်ႈပၼ်တၢင်းလီတီႈတူဝ်ၸဝ်ႈၵဝ်ႇလႄႈ ဢိင်ပိုင်ႈမၼ်းၸဝ်ႈယူႇသေလႄႈ ဢုပ်ႇဝၢဝ်းၸူမ်းသိူဝ်းဢေႃႈ၊ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၃ ထႃႇဝရႃႉၽြႃးမီးဢမိင်ႉတီႈၵူၼ်းမိူင်းယုတ ဢိၵ်ႇတင်းၵူၼ်းဝဵင်းယေႇရုသလႅမ်ႇတင်းလၢႆၸမ်း၊-ဢွၼ်ၵၼ်ထႆၼႃးသူတႃႉ။ ယႃႇပေဢွၼ်ၵၼ်ဝၢၼ်ႇၸိူဝ်ႉဝၢၼ်ႇ ၽၼ်းၵႃႈၼႂ်းတူၼ်ႈၼၢမ်တင်းလၢႆ။
၄ ၵူၼ်းမိူင်းယုတဢိၵ်ႇတင်းၵူၼ်းဝဵင်းယေႇရုသလႅမ်ႇၶဝ်ဢိူၺ်း။ဢွၼ်ၵၼ်ၶၢမ်ႇမၢင်ႇၵလႃႇ တၢင်းဢၼ်ထိူဝ်ႁိမ်းပုၼ်ႈထႃႇဝရႃႉၽြႃးလႄႈ ထိူဝ်ႁိမ်းပၢႆၼင်ႁူဝ်ၸႂ်သူပႅတ်ႈတႃႉ။ပေႃးဢမ်ႇၼၼ် တၢင်းၸႂ်မႆႈၶႆႈၸႃႉၵဝ်တၵ်းဢွၵ်ႇၸိူဝ်ႉၼင်ႇၽႆး တေႃႇထိုင်ႁွတ်ႈထၼ်ႈပေႃး ၽူႈ လႂ်ဢမ်ႇမွတ်ႇလႆႈၵွပ်ႈပိူဝ်ႈ တၢင်းၵမ်တၢင်းၵျၢင်ႉသူပဵၼ်ဢၼ် ဢမ်ႇလီဢမ်ႇငၢမ်းၼၼ်ႉဢေႃႈ။
၅ ဢွၼ်ၵၼ်ႁွင်ႉပၢဝ်ႇႁွင်ႉသေႃႇၵႃႈၼႂ်းမိူင်းယုတလႄႈ ႁႂ်ႈငိၼ်းထိုင်ၵႃႈတီႈဝဵင်းယေႇရုသလႅမ်ႇတႃႉ။ဢွၼ်ၵၼ်မွၵ်ႇလၢတ်ႈလႄႈဝႃႈ၊-ပဝ်ႇၼႄးၶရႃႇၵႃႈၼႂ်းဝၢၼ်ႈၼႂ်းမိူင်းတႃႉ၊ ဝႃႈၼင်ႇၼႆတႃႉ။ဢွၼ်ၵၼ်ၵိဝ်သဵင်လႄႈလၢတ်ႈဝႃႈ၊-ၸူႉၵၼ်တုမ်ၵၼ်လႄႈ ၶဝ်ႈၵႃႈၼႂ်းဝဵင်းဢၼ်မၼ်ႈၶိူင်ႇတင်းလၢႆတႃႉ ဝႃႈၼင်ႇၼႆတႃႉ။
၆ ဢွၼ်ၵၼ်ပုၵ်းလၢမ်ႇၸူးလွႆၸိဢုၼ်ႇတႃႉ။ဢွၼ်ၵၼ်ပၢႆႈႁႂ်ႈလွတ်ႈတႃႉ။ယႃႇပေဢွၼ်ၵၼ်ၵိုတ်းယူႇသဝ်းယူႇ။လွင်ႈမၼ်းၸမ်းၵဝ်တၵ်းဢဝ်ၽေးဢူးပၢတ်ႈဢိၵ်ႇတင်း တၢင်းဢၼ်လူႉဢၼ်လႅဝ်ဢၼ်ယႂ်ႇၼႃႇလူင်လၢင် လုၵ်ႉသေၵႃႈတီႈၼႃႈတၢင်းႁွင်ႇ မႃးဢေႃႈ။
၇ သၢင်ႇသီႈဢွၵ်ႇသေၵႃႈၼႂ်းယုမ်းတီႈယူႇမၼ်းမႃးယဝ်ႉ။ၵေႃႉဢၼ်ယႃႉၵူၼ်းၵူႈၸိူဝ်ႉၵူႈၶိူဝ်းပႅတ်ႈၼၼ်ႉယင်းလိုပ်ႈၸွမ်းသဵၼ်ႈတၢင်းမႃးယူႇဢေႃႈ။မၼ်းဢွၵ်ႇသေၵႃႈၼႂ်း တီႈယူႇမၼ်းမႃးႁႂ်ႈမိူင်းမႂ်းပဵၼ်တီႈဢၼ်သဵတ်ႇၵူၼ်းယဵၼ်ၵူၼ်းလႄႈ ႁႂ်ဝဵင်းမႂ်းတင်းလၢႆလူႉလႅဝ်တေႃႇထိုင်ႁွတ်ႈထၼ်ႈပေႃး ဢမ်ႇမီးၵူၼ်း လႃးလႃးဢေႃႈ။
၈ ၵွပ်ႈပိူဝ်ႈလွင်ႈၼႆႉလႄႈဢွၼ်ၵၼ်ဢဝ်ၼင်ပေႃႁတ်ႉဢႅဝ်ယူႇသေလႄႈ တူပ်းႁူဝ်ဢူၵ်းလႄႈႁွင်ႉႁႆႈႁွင်ႉသႅၼ်ႇတႃႉ။လွင်ႈမၼ်းၸမ်းတၢင်းၸႂ်မႆႈၶႆႈၸႃႉထႃႇဝရႃႉၽြႃး ဢၼ်ႁဝ်ႈၵျၢမ်းၼႃႇၼၼ်ႉဢမ်ႇပႆႇ ဝၢႆႇၶိုၼ်းသေၵႃႈတီႈႁဝ်း။
၉ မိူဝ်ႈဝၼ်းၼၼ်ႉၶုၼ်ႁေႃၶမ်းဢိၵ်ႇတင်း မူးမၢတ်ႈၽွင်းမိူင်းတင်းလၢႆ တၵ်းဢွၼ်ၵၼ်ၸႂ်လူႉလႄႈ ယိတ်ႉပရေႃးႁိၵ်ႈတင်းလၢႆ တၵ်းမီးတၢင်းဢၼ် မဝ်းမိင်းၵႂင်ၸႂ်ယုင်ႈၸႂ်ယူႇသေလႄႈပရေႃးၽိတ်ႈတင်းလၢႆ တၵ်းလႆႈမီးတၢင်းဢၼ်တူၵ်းၸႂ်ဢၢမ်းၼႃႇယူႇဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၁၀ မိူဝ်ႈၼၼ်ႉၵဝ်လၢတ်ႈလႄႈဝႃႈ၊- ထႃႇဝရႃႉၽြႃးတီႈၶႃႈ။ၸဝ်ႈႁဝ်းပႅတ်ႉလႅၼ်ၵူၼ်းၸိူဝ်းၼႆႉဢိၵ်ႇတင်းၵူၼ်းဝဵင်းယေႇရုသလႅမ်ႇ တင်းလၢႆၼႃႇလူင်လၢင်ၼႂ်းလွင်ႈဢၼ်ၸဝ်ႈႁဝ်းမီးဢမိင်ႉဝႃႈ၊- သူတၵ်းဢွၼ်ၵၼ်မီးတၢင်းဢၼ်ၼိမ်လီယူႇဢေႃႈ၊ ဝႃႈၼင်ႇၼႆသေၵေႃႈလၢပ်ႇသၢၼ်ႇလျၢပ်ႈ ပၢတ်ႇၵႂၢင်းထၼ်ႈပေႃးႁႂ်ႈတိူဝ်ႉဢသၢၵ်ႈယူႇၼၼ်ႉတီႈၶႃႈလူင်ပေႇ၊ ဝႃႈၼင်ႇၼႆဢေႃႈ။
၁၁ ၶိင်ႇမိူဝ်ႈဢၼ် တၵ်းလႆႈလၢတ်ႈ တီႈၵူၼ်းၸိူဝ်းၼႆႉဢိၵ်ႇတင်းၵူၼ်းဝဵင်းယေႇရုသလႅမ်ႇ တင်းလၢႆလႄႈဝႃႈၸမ်း၊-လူမ်းဢၼ်မႆႈဢၼ်ႁွၼ်ႉၼၼ်ႉတၵ်းလုၵ်ႉသေၵႃႈတီႈဢၼ်သုင်တင်းလၢႆ ၵႃႈၼႂ်းထိူၼ်ႇၼၼ်ႉမႃးၸူးၵႃႈတီႈလုၵ်ႈယိင်းၵူၼ်းမဵဝ်းၵဝ် ပုၼ်ႈဢၼ်တၵ်း ထူဝ်းတၵ်းထွင်းဢမ်ႇၸႂ်ႈ။
၁၂ ပုၼ်ႈဢၼ်တၵ်းႁႂ်ႈမုတ်းလီသႂ်လီဢမ်ႇၸႂ်ႈ။လူမ်းဢၼ်ႁႅင်းယႂ်ႇၼႃႇတၵ်းလုၵ်ႉသေၵႃႈတီႈၸိူဝ်းၼၼ်ႉမႃး ႁႂ်ႈဢလူဝ်ႇၵဝ်လႆႈတဵမ်ထူၼ်ႈဢေႃႈ။ တေႃႈလဵဝ်ၼႆႉၵဝ်ၵေႃႈတၵ်းၸႅတ်ႈထၢမ်ၸီႇယၢင်ႇၸွမ်းၼင်ႇတြႃးတီႈၶဝ်ဢေႃႈ။တူၺ်းလူ။
၁၃ ၶုၼ်ၼၼ်ႉတၵ်းမႃးမိူၼ်ၸိူဝ်ႉၼင်ႇၽႃႈၽူၼ်လႄႈ လေႃႉရထႃးမၼ်းၸိူဝ်းၼၼ်ႉ တၵ်းပဵၼ်ၸိူဝ်ႉၼင်ႇလူမ်းၽိဝ်ႁုင်ဢေႃႈ။မႃႉမၼ်းၸိူဝ်းၼၼ်ႉၶၼ်ၽႂ်းလိူဝ်တွၼ်းၼႃႇသလေၢင်းတႃႉၶမ်းဢေႃႈ။ႁဝ်းမီးဢႃႉမၢင်ႇၵလႃႇဢေႃႈ။ႁဝ်းႁွတ်ႈထိုင်တၢင်းလူႉတၢင်း လႅဝ်ယဝ်ႉ။
၁၄ ဝဵင်းယေႇရုသလႅမ်ႇဢိူၺ်း။လွင်ႈၼင်ႇႁိုဝ်တၵ်းႁွတ်ႈထိုင်တၢင်းဢၼ် ၵႄႇသႄႇၶျွတ်ႈဢဝ်ၸိုင်သုၵ်ႈပွတ်ႈႁူဝ်ၸႂ်မႂ်း ႁႂ်ႈၵၢင်းလွတ်ႈတင်းတုၸရိူၵ်ႈဢပျႅတ်ႈတႃႉ။တၢင်းၵျၢမ်ႇတၢင်းပွင်မႂ်းဢၼ်လၢႆလၢႆလွၵ်ႇလွၵ်ႇၸိူဝ်းၼၼ်ႉ တၵ်းတႄႇယူႇၵႃႈၼႂ်းၶိင်ႇၵႃႇလႃႉ ႁိုင်ၵႃႈႁိုဝ်။
၁၅ သဵင်လၢတ်ႈထိုင်မွၵ်ႇထိုင်ဢွၵ်ႇသေၵႃႈတီႈမိူင်းတၢၼ်ႇမႃးလႄႈ ႁွင်ႉပၢဝ်ႇႁွင်ႉလၢတ်ႈသတၢင်းသဵင်ၶၢဝ်ႇတုၵ်ႉၶႃႉဢွၵ်ႇသေၵႃႈၼိူဝ်ႁၢၼ်ႉလွႆ ဢေႇၽရိမ်ႇ မႃးဢေႃႈ။
၁၆ ဢွၼ်ၵၼ်လၢတ်ႈသတၢင်းသဵင်ၶၢဝ်ႇထိုင်တီႈၵူၼ်းၵူႈၸိူဝ်ႉၵူႈမဵဝ်းတႃႉ။တူၺ်းလူ။ဢွၼ်ၵၼ်မွၵ်ႇလၢတ်ႈ သတၢင်းသဵင်ၶၢဝ်ႇယူႇ ၽၢႆႇၼိုင်ႈတင်းဝဵင်းယေႇရုသလႅမ်ႇတႃႉ။ၵူၼ်းပႂ်ႉၵၢင်ႈတင်းလၢႆတၵ်းဢွၼ်ၵၼ်လုၵ်ႉသေၵႃႈတီႈမိူင်းဢၼ်ၵႆမႃးလႄႈ ႁွင်ႉႁိၵ်ႈသဵင် ၶဝ်ယူႇၽၢႆႇၼိုင်ႈတင်းဝဵင်းယုတတင်းလၢႆဢေႃႈ။
၁၇ ၶဝ်ဢွၼ်ၵၼ်လွမ်ႉလဵပ်ႈႁွပ်ႈဝႆႉမိူၼ်ၸိူဝ်ႉၼင်ႇ ၶဝ်ၸိူဝ်းဢၼ်ပႂ်ႉႁႆပႂ်ႉၼႃးၼၼ်ႉဢေႃႈ။လွင်ႈမၼ်းၸမ်းၶဝ်လုၵ်ႉၽိုၼ်ႉတေႃႇၵဝ်ယဝ်ႉ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉ ဢေႃႈ။
၁၈ သဵၼ်ႈတၢင်းဢၼ်မႂ်းၸွမ်းဢိၵ်ႇတင်းတၢင်းၵမ်တၢင်းၵျၢင်ႉဢၼ်မႂ်းၵမ်ၵျၢင်ႉၸိူဝ်းၼၼ်ႉ ႁႂ်ႈလွင်ႈတၢင်းၸိူဝ်းၼႆႉတူၵ်းႁွတ်ႈၵႃႈၼိူဝ်မႂ်းယဝ်ႉ။ဢၼ်ၸိူဝ်းၼႆႉပဵၼ်တၢင်းဢၼ်ႁၢႆႉဢၼ်ယုတ်ႈမႂ်းလႄႈပဵၼ်ဢၼ်ၶူမ်ဢၼ်ၽဵတ်းႁႂ်ႈၸႂ်မႂ်းလႆႈၸဵပ်းလႆႈမူၺ်ႈဢေႃႈ။
၁၉ တပ်းပွတ်ႇႁူဝ်ၸႂ်ၵဝ်ဢိူၺ်း။တပ်းပွတ်ႇႁူဝ်ၸႂ်ၵဝ်ဢိူၺ်း။ပႅမ်ႉႁူဝ်ၸႂ်ၵဝ်ၼႆႉၸဵပ်းၼႃႇလႄႈ ႁူဝ်ၸႂ်ၵဝ်ၶၢင်းၶီၶၢင်းၽၢၼ်ၵႃႈၼႂ်းၵဝ်ဢေႃႈ။ ၵဝ်ဢမ်ႇယူႇတဵတ်ႇတဵတ်ႇလၢႆ။ လွင်ႈမၼ်းၸမ်းၵဝ်လႆႈငိၼ်းသဵင်ပဝ်ႇၼႄးၶရႃႇဢိၵ်ႇတင်းသဵင်တိုၵ်းသိုၵ်းဢေႃႈ။
၂၀ လႆႈႁွင်ႉပၢဝ်ႇႁွင်ႉသေႃႇလႄႈဝႃႈ၊-လူႉလႅဝ်ယဝ်ႉ၊လူႉလႅဝ်ယဝ်ႉ၊ဝႃႈၼင်ႇၼႆယူႇၶိူဝ်းၶိူဝ်းယႂ်းယႂ်းဢေႃႈ။ လူႉလႅဝ်ၵႂႃႇတင်းဝၢၼ်ႈတင်းမိူင်းယဝ်ႉ။သုမ်ႉထဵင်ၵဝ်ၸိူဝ်းၼၼ်ႉၶီႉၶႃႉလူႉလႅဝ်ၵႂႃႇယဝ်ႉ။ၽႃႈၵင်ႈၵဝ်ၸိူဝ်းၼၼ်ႉလူႉလႅဝ်ၵႂႃႇ ၼႂ်းၸူဝ်ႈဢွၼ်ႇၵမ်း ဢွၼ်ႇၼိုင်ႈၵူၺ်းဢေႃႈ။
၂၁ ၵဝ်တၵ်းလႆႈႁၼ်လၢမ်ႇယူႇလႄႈ ငိၼ်းသဵင်ၼႄးၶရႃႇယူႇၶိင်ႇၵႃႇလႃႉႁိုင်ၵႃႈႁိုဝ်။
၂၂ ၵူၼ်းၵဝ်တင်းလၢႆ ပဵၼ်ဢၼ်ငိူဝ်ႈဢၼ်ငဝ်ဢမၢၼ်ႇၶၢၼ်ပဵၼ်လႄႈဢမ်ႇႁူႉၸၵ်းၵဝ်။
၂၂ ၶဝ်ပဵၼ်လုၵ်ႈဢွၼ်ႇဢၼ်မိူၵ်ႈလႄႈဢမ်ႇမီးၺၢၼ်ႇ။ ၶဝ်ဢွၼ်ၵၼ်လၵ်းလႅမ်ၼႂ်း လွင်ႈတၢင်းဢၼ်ႁဵတ်းဢမ်ႇလီဢမ်ႇငၢမ်းၵူၺ်းဢေႃႈ။ ၶဝ်ဢမ်ႇဢွၼ်ၵၼ်ႁူႉလွင်ႈဢၼ်ႁဵတ်း လွင်ႈတၢင်းဢၼ်လီဢၼ်ငၢမ်း။
၂၃ ၵဝ်လူတူၺ်းလိၼ်မိူင်းလႄႈ မၼ်းဢမ်ႇမီးႁၢင်ႊၽၢင်လႄႈပဵၼ်ဢၼ်ပဝ်ႇလၢပ်ႈဝႆႉဢေႃႈ။ ၾႃႉၵၢင်ႁၢဝ်ၵေႃႈၵဝ်လူတူၺ်းလႄႈ မၼ်းဢမ်ႇမီးဢၼ်လႅင်း။
၂၄ လွႆတင်းလၢႆၵေႃႈၵဝ်လူတူၺ်းလႄႈၶဝ်သၼ်ႇဝႆယူႇဢေႃႈ။ၵုင်းၵႃႈမီးၵေႃႈတူင်ႉၼိုင်ယူႇဢေႃႈ။
၂၅ ၵဝ်လူတူၺ်းလႄႈဢမ်ႇမီးၵူၼ်းလႃးလႃး။ၼူၵ်ႉၼိူဝ်ၾႃႉၵၢင်ႁၢဝ်ၵႃႈမီးဢွၼ်ၵၼ်ဢွၵ်ႇပၢႆ ယဝ်ႉ။
၂၆ ၵဝ်လူတူၺ်းလႄႈပၢင်ႇပဵင်းတီႈဢၼ်တဵမ်ဝႆႉတင်းမၢၵ်ႇတင်းႁူင်းၼၼ်ႉပဵၼ်ထိူၼ်ႇၵႂႃႇယဝ်ႉ။ဝဵင်းမၼ်းၵႃႈမီးပဵၼ်ဢၼ်ၵိူၼ်ႇပင်းယူႇၵႃႈတီႈၽၢႆႇၼႃႈ ထႃႇဝရႃႉၽြႃးဢိၵ်ႇတင်းၵႃႈတီႈၽၢႆႇၼႃႈ တၢင်းၸႂ်မႆႈၶႆႈၸႃႉမၼ်းၸဝ်ႈဢၼ်ႁႅင်းယႂ်ႇၼႃႇၼၼ်ႉဢေႃႈ။
၂၇ ထႃႇဝရႃႉၽြႃးမီးဢမိင်ႉၸမ်း၊-မိူင်းတင်းမိူင်းတၵ်းပဵၼ်တီႈဢၼ်လူႉလႅဝ်ၵႂႃႇဢေႃႈ။ ၵူၺ်းၵႃႈၵဝ်တၵ်းဢမ်ႇႁဵတ်းႁႂ်ႈပဵၼ် တၢင်းဢၼ်လူႉဢၼ်လႅဝ်ပႅတ်ႈမူတ်းမူတ်း သဵင်ႈသဵင်ႈ။
၂၈ ပိူဝ်ႈၼႆလႄႈလိၼ်မိူင်းတၵ်းၶင်းၶီၶင်းၽၢၼ်လႄႃႈႉၵၢင်ႁၢဝ်တၵ်းပဵၼ်ဢၼ်လမ်ၵႂႃႇဢေႃႈ။ၵဝ်လၢတ်ႈယဝ်ႉယဝ်ႉ။ၵဝ်ၵျၢမ်ႇပွင်ယဝ်ႉယဝ်ႉ။ ၵဝ်ဢမ်ႇမီး တၢင်းဢၼ်မႆႈၸႂ်ၵွပ်ႈ။
၂၉ ၵဝ်တၵ်းဢမ်ႇသုတ်ႈၶိုၼ်းယိုတ်းၶိုၼ်း။ၵူၼ်းဝဵင်းတင်းသဵင်ႈတင်းလူင်တၵ်းဢွၼ်ၵၼ်ဢွၵ်ႇပၢႆၵွပ်ႈပိူဝ်ႈသဵင်ဢၼ် ၵူၼ်းသိုၵ်းၶီႇမႃႉဢိၵ်ႇတင်းၵူၼ်းသိုၵ်းဢၼ်ယိပ်းၵၢင်ႇၸိူဝ်းၼၼ်ႉ သႅၼ်ႇႁွင်ႉလႄႈၵႂႃႇၸူးၵႃႈတီႈလူင်တီႈထိူၼ်ႇသေလႄႈ ၶိုၼ်ႈၵႃႈၼိူဝ်မၢၵ်ႇႁိၼ်မၢၵ်ႇၽႃဢေႃႈ။ ဝဵင်းၵႃႈမီးလႆႈၶၢမ်ႇတၢင်းဢၼ်ၸုၼ်ႉပႅတ်ႈယဝ်ႉလႄႈဢမ်ႇမီးၵေႃႉဢၼ်ယူႇ ဢၼ်သဝ်းၵႃႈၼႂ်းမၼ်းသေၵေႃႉသေၵူၼ်း။
၃၀ မႂ်းၼႆႉမိူဝ်ႈဢၼ်ႁွတ်ႈထိုင်တၢင်းဢၼ်လူႉဢၼ်လႅဝ်ၼၼ်ႉၸိုင်တၵ်းႁဵတ်းၸိူဝ်ႉၼင်ႇႁိုဝ်။ ပိၵ်ႉသမ်ႉမႂ်းၼုင်ႈၶူဝ်းၼုင်ႈဢၼ်လႅင်ႊၵမ်ႇ၊ ပိၵ်ႈသမ်ႉမႂ်းႁၢင်ႈၶိူင်ႈၶိူင်ႈၶမ်း၊ပိၵ်ႉသမ်ႉမႂ်းတႃးယႃႈယႃ တေႃႇထိုင်ႁွတ်ႈ ၼႃႈမႂ်းထၼ်ႈပေႃးယွၵ်းပေႃးၶၢတ်ႇသေၵေႃႈ မႂ်းၼႄပျႃႉတၢင်းဢၼ်ႁၢင်ႊလီႁၢင်ႊငၢမ်းမႂ်းလၢႆလၢႆလွၵ်ႇလွၵ်ႇ ဢမ်ႇပွင်ႇလွင်ႈၵႃႈ သင်ဢေႃႈ။
၃၁ ၸူႉမႂ်းၸိူဝ်းၼၼ်ႉဢွၼ်ၵၼ်ၸုၼ်ႉပႅတ်ႈမႂ်းလႄႈၵျၢမ်ႇႁႃႁႂ်ႈလႆႈဢဝ်ဢသၢၵ်ႈမႂ်းတၢႆဢေႃႈ။ၵဝ်လႆႈငိၼ်းသဵင်မိူၼ်ၸိူဝ်ႉၼင်ႇ သဵင်မေႈယိင်းဢၼ်ၵိူတ်ႇလဵင်ႉလုၵ်ႈၼၼ်ႉ သဵင်ဝူၺ်ႇတၼႃႇဢၼ်မိူၼ်ၸိူဝ်ႉၼင်ႇမေႈယိင်းဢၼ်ၵိူတ်ႇလဵင်ႉလုၵ်ႈႁူဝ်သၢဝ် ဢၼ်ဝႃႈသဵင်လုၵ်ႈယိင်းၸိဢုၼ်ႇ ဢၼ်ထူၺ်ႈၸႂ်သဝ်ႇၸႂ်လူင်သေလႄႈဢႃႈမိုဝ်းမၼ်းယူႇလႄႈလၢတ်ႈဝႃႈ၊-ၵဝ်မီးဢႃႉမၢင်ႇၵလႃႇဢေႃႈ။ ၸႂ်ၵဝ်လူႉၵႂႃႇၵွပ်ႈပိူဝ်ႈၵူၼ်းဢၼ်ဢဝ်တၢႆၸိူဝ်းၼၼ်ႉယဝ်ႉ၊ဝႃႈၼင်ႇၼႆၼၼ်ႉဢေႃႈ။