၉
ဢဝ်တၢႆၵူၼ်းႁဵတ်းဝၢတ်ႈရူၵ်ႉထူႉ
၁ မၼ်းၸဝ်ႈႁဵတ်းတင်းသဵင်ဢၼ် ယႂ်ႇၼႃႇ ႁွင်ႉသႅၼ်ႇယူႇၵႃႈၼႂ်းႁူၵဝ်လႄႈဝႃႈ၊- သူဢွၼ်ၵၼ်ႁႂ်ႈၶဝ်ၸိူဝ်းဢၼ်ပႂ်ႉလွမ်ပႂ်ႉတူၺ်းဝဵင်း ၼၼ်ႉယိပ်းၵမ်ဢဝ်လၢၵ်ႈၼၢၵ်ႈဢၼ်ယႃႉပႅတ်ႈႁင်းၽႂ်ႁင်းမၼ်းသေလႄႈ သုတ်ႉ ၸပ်းသုတ်ႉၸူးတႃႉ၊ဝႃႈၼင်ႇၼႆဢေႃႈ။
၂ မိူဝ်ႈၼၼ်ႉၵူၼ်းႁူၵ်းၵေႃႉယိပ်းၵမ်ဢဝ် လၢၵ်ႈၼၢၵ်ႈပုၼ်ႈဢၼ်တၵ်းဢဝ်တၢႆၼၼ်ႉႁင်းၽႂ်ႁင်းမၼ်းသေလႄႈ လုၵ်ႉသေၵႃႈတီႈၽၵ်းတူ ဢၼ်ၵႃႈၼိူဝ်ဢၼ်မီးၵႃႈတီႈၼႃႈတၢင်းႁွင်ႇၼၼ်ႉမႃးလႄႈ ၵေႃႉၼိုင်ႈဢၼ်ပႃးၵႃႈၼႂ်းၵၢင်ၶဝ်ၼၼ်ႉၼုင်ႈၶူဝ်းၼုင်ႈပိၵ်ႈၶျေႃးသေလႄႈ ပႃးမေႃႈၼမ်ႉမိုၵ်ႉၵႃႈတီႈႁိမ်းပဵမ်ႉမၼ်းယူႇလႄႈ ၶဝ်ၼၼ်ႉဢွၼ်ၵၼ်ၶဝ်ႈလႄႈ ၸုၵ်းယူႇၵႃႈတီႈႁိမ်းယိတ်ႉပလၢင်ႇတွင်းလိူင် ဢေႃႈ။
၃ မုၼ်ၽုင်းၽြႃးပဵၼ်ၸဝ်ႈမဵဝ်းဢိသရေႇလၼၼ်ႉလုၵ်ႉသေၵႃႈတီႈ ၶေႇရုၽိမ်ႇ တီႈဢၼ်ၵိင်းဝပ်ႈယူႇၼၼ်ႉၶိုၼ်ႈၸူးၵႃႈတီႈၶူင်ႇႁိူၼ်းၸဝ်ႈလႄႈ မၼ်းၸဝ်ႈႁွင်ႉဢဝ်ၵေႃႉဢၼ်ၼုင်ႈၶူဝ်းၼုင်ပိၵ်ႈၶျေႃး သေလႄႈပႃးမေႃႈၼမ်ႉမိုၵ်ႉၵႃႈတီႈပဵမ်ႉမၼ်းၼၼ်ႉဢေႃႈ။
၄ ထႃႇဝရႃႉၽြႃးမီးဢမိင်ႉတီႈမၼ်းၼၼ်ႉလႄႈဝႃႈ၊- လႄႇၵႂႃႇၵႃႈၼႂ်းဝဵင်းဢၼ်ဝႃႈဝဵင်းယေႇရုသလႅမ်ႇလႄႈ မၢႆ သႂ်ႇဝႆႉတီႈမၢတ်ႈတီႈတွင်းၵႃႈတီႈၼႃႈၽၢၵ်ႇၶဝ်ၸိူဝ်းဢၼ်ၶၢင်းၶီၶၢင်းၽၢၼ်လႄႈ ႁႆႈႁွင်ႉၵွပ်ႈပိူဝ်ႈလွင်ႈတၢင်းဢၼ်လီႁင်ႈဢဵတ်ႇသဵတ်ႇ ၵႃႈဢၼ်ႁဵတ်းၵႃႈၼႂ်းဝဵင်းၼၼ်ႉၸိူဝ်းၼၼ်ႉတႃႉ၊ ဝႃႈၼင်ႇၼႆဢေႃႈ။
၅ တီႈတၢင်ႇၵေႃႉၸိူဝ်းၼၼ်ႉၵေႃႈမၼ်းၸဝ်ႈမီးဢမိင်ႉယူႇၵႃႈၼႂ်းႁူၵဝ်လႄႈဝႃႈ၊-ဢွၼ်ၵၼ်ၸွမ်းလင်ၵေႃႉၼၼ်ႉလႄႈ ၵႂႃႇၸွတ်ႇၸႅတ်ႇ ၵႃႈၼႂ်းဝဵင်းသေလႄႈ ပၼ်တၢမ်ႇတႃႉ။
၆ ယႃႇပေႁႂ်ႈမၢၵ်ႇတႃသူသေႈလၢႆ။ယႃႇပေမီးတၢင်းဢၼ်ဢိတ်းလူ။ဢွၼ်ၵၼ်ဢဝ်ၵေႃႉဢၼ်ဢသၢၵ်ႈ ယႂ်ႇ၊ ၵေႃႉဢၼ်ဢသၢၵ်ႈလဵၵ်ႉ၊ၽူႈသၢဝ်၊လုၵ်ႈယိင်းဢွၼ်၊မေႈယိင်းတင်းလၢႆ တၢႆပႅတ်ႈမူတ်းမူတ်းသဵင်ႈသဵင်ႈတႃႉ။ၼႂ်းဝႃႈၼၼ်သေၵေႃႈယႃႇပေဢွၼ်ၵၼ်သုတ်ႉၸပ်းသုတ်ႉၸူးတီႈၶဝ်ၸိူဝ်းဢၼ်မီးတၢင်းဢၼ်မၢတ်ႈဝႆႉမၢႆဝႆႉၼၼ်ႉ။ဢွၼ်ၵၼ်ႁဵတ်းၵႃႈတီႈထႃႇၼႃႉတီႈမူတ်းၸၢင်ႇၵဝ်ၼႆႉဢွၼ်တၢင်းပိူၼ်ႈတႃႉ၊ ဝႃႈၼင်ႇၼႆဢေႃႈ။မိူဝ်ႈၼၼ်ႉၶဝ်ဢွၼ်ၵၼ်ဢဝ်ၶဝ်ၸိူဝ်းဢၼ်ဢသၢၵ်ႈ ယႂ်ႇဢၼ်မီးၵႃႈတီႈၽၢႆႇၼႃႈႁိူၼ်း ၸဝ်ႈၼၼ်ႉတၢႆဢွၼ်တၢင်းပိူၼ်ႈဢေႃႈ။
၇ မၼ်းၸဝ်ႈသမ်ႉမီးဢမိင်ႉတီႈၶဝ်ထႅင်ႈလႄႈဝႃႈ၊-ႁႂ်ႈႁိူၼ်းၸဝ်ႈၵူဝ်ႈၵိူၵ်ႇလႄႈ ႁႂ်ႈတမ်ႇတိူင်းတင်းလၢႆတဵမ်ဝႆႉတင်းတူဝ်တၢႆၶဝ်ၸိူဝ်းဢၼ် လႆႈၶၢမ်ႇတၢႆၼၼ်ႉသေယဝ်ႉဢွၵ်ႇၵႂႃႇတႃႉ၊ဝႃႈၼင်ႇၼႆလႄႈ ၶဝ်ဢွၼ်ၵၼ်ဢွၵ်ႇၵႂႃႇလႄႈ ဢဝ်တၢႆၵႃႈၼႂ်းဝဵင်းဢေႃႈ။
၈ ၼႂ်းမိူဝ်ႈဢၼ်ၵဝ်ၵိုတ်းသဝ်းယူႇလႄႈၶဝ်ဢွၼ်ၵၼ်ဢဝ်တၢႆယူႇၼၼ်ႉၸိုင် ၵဝ်ၶုပ်ႉမူပ်ႇသေလႄႈႁွင်ႉသႅၼ်ႇလဝ်ႈလၢတ်ႈလႄႈဝႃႈ၊-ၸဝ်ႈထႃႇဝရႃႉၽြႃးတီႈၶႃႈ။ၼႂ်းလွင်ႈတၢင်းဢၼ်ၸဝ်ႈႁဝ်းဢဝ်ဢၢႆႁႅင်းတၢင်းၸႂ်မႆႈၶႂ်ႈၸႃႉၸဝ်ႈႁဝ်း သွၼ်းလေႃႇၵႃႈၼိူဝ်ဝဵင်းယေႇရုသလႅမ်ႇ ၼၼ်ႉၸဝ်ႈႁဝ်းတၵ်းယႃႉၽဵဝ်ႈမဵဝ်းဢိသရေႇလၵႃႈဢၼ်ၵိုတ်းဢၼ်ၵျၢၼ်ႇ ၼၼ်ႉပႅတ်ႈတီႈၶႃႈႁိုဝ်၊ဝႃႈၼင်ႇၼႆဢေႃႈ။
၉ မိူဝ်ႈၼၼ်ႉမၼ်းၸဝ်ႈမီးဢမိင်ႉတီႈၵဝ်လႄႈဝႃႈ၊- ဢပျႅတ်ႈမဵဝ်းဢိသရေႇလ တင်းမဵဝ်း ယုတ ၼႆႉ ယႂ်ႇၼႃႇလူင်လၢင်ဢေႃႈ။မိူင်းၸဝ်ႈတဵမ်ဝႆႉတင်းဢပျႅတ်ႈလိူတ်ႈၵူၼ်းလႄႈဝဵင်းၵေႃႈတဵမ်ဝႆႉတင်းဢပျႅတ်ႈ တၢင်းဢၼ်ၽွၵ်ႈပျၢၼ်ႇၶိုၼ်းဢေႃႈ။ၶဝ်ဢွၼ်ၵၼ်လၢတ်ႈလႄႈဝႃႈ၊-ထႃႇဝရႃႉၽြႃးၸုၼ်ႉပႅတ်ႈလိၼ်မိူင်းယဝ်ႉ။ထႃႇဝရႃႉၽြႃးဢမ်ႇ ႁၼ်၊ဝႃႈၼင်ႇၼႆဢေႃႈ။
၁၀ ပိူဝ်ႈၼႆလႄႈမၢၵ်ႇတႃၵဝ်တၵ်းဢမ်ႇသေလၢႆ။ ၵဝ်တၵ်းဢမ်ႇဢိတ်းလူလႄႈတၵ်းႁႂ်ႈဢပျႅတ်ႈတၢင်းၵမ်တၢင်းၵျၢင်ႉၶဝ်ၼၼ်ႉ တူၵ်းႁွတ်ႈၵႃႈ ၼိူဝ်ႁူဝ်ၶဝ်ဢေႃႈ၊ဝႃႈၼင်ႇၼႆဢေႃႈ။
၁၁ ၵေႃႉဢၼ်ၼုင်ႈၶူဝ်းၼုင်ႈပိၵ်ႈၶျေႃးလႄႈ ပႃးမေႃႈၼမ်ႉမိုၵ်ႉၵႃႈႁိမ်းပဵမ်ႉမၼ်းၼၼ်ႉ ၶိုၼ်းလဝ်ႈလၢတ်ႈလူၺ်ႈလွင်ႈၼၼ်ႉလႄႈဝႃႈ၊-ၶႃႈၸဝ်ႈႁဝ်းႁဵတ်းၸွမ်းၵႃႈၼင်ႇဢၼ်ၸဝ်ႈႁဝ်းသင်ႇလၢတ်ႈဝႆႉၼၼ်ႉတီႈၶႃႈယဝ်ႉ၊ ဝႃႈၼင်ႇၼႆဢေႃႈ။