၁၆
ပုင်ႇတႅၵ်ႈယေႇရုသလႅမ်ႇဢၼ်ဢမ်ႇမီးသႅတ်ႉၸႃႇ
၁ လၢႆးသမ်ႉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ် လႄႈဝႃႈၸမ်း၊-
၂ လုၵ်ႈၵူၼ်းဢိူၺ်း။ႁဵတ်းႁႂ်ႈဝဵင်းယေႇရုသလိမ်ႇ ႁူႉလွင်ႈတၢင်းဢၼ်လီႁင်ႈဢဵတ်ႇသဵတ်ႇမၼ်း ၸိူဝ်းၼၼ်ႉလႄႈလၢတ်ႈတီႈမၼ်းလႄႈဝႃႈ၊-
၃ ၸဝ်ႈထႃႇဝရႃႉၽြႃး မီးဢမိင်ႉတီႈဝဵင်းယေႇရုသလႅမ်ႇလႄႈဝႃႈၸမ်း၊-မူႇလငဝ်ႈႁၢၵ်ႈမႂ်းထႃႇၼႃႉတီႈဢၼ်မႂ်းၵိူတ်ႇလဵင်ႉမႃးၼၼ်ႉမီးၵႃႈတီႈမိူင်းၵူၼ်းၶႃႇၼၼိဢေႃႈ။ပေႃႈမႂ်းပဵၼ်ၵူၼ်းဢႃႇမေႃးရိလႄႈ မေႈမႂ်းပဵၼ်မဵဝ်းႁိတ်ႉတိ ဢေႃႈ။
၄ လွင်ႈဢၼ်မႂ်းၵိူတ်ႇလဵင်ႉမႃးၼၼ်ႉၸမ်းၼႂ်းဝၼ်းဢၼ်မႂ်းၵိူတ်ႇလဵင်ႉမႃးၼၼ်ႉ သၢႆႁႄႇမႂ်းဢမ်ႇလႆႈၶၢမ်ႇတၢင်းဢၼ်ထိူဝ်ဢၼ်တႅပ်း။ မႂ်းဢမ်ႇလႆႈၶၢမ်ႇတၢင်းဢၼ်ဢၢပ်ႇၼမ်ႉႁႂ်ႈမူတ်းသႂ်။ မႂ်းဢမ်ႇလႆႈၶၢမ်ႇတၢင်းဢဝ်ၵိူတ်တႃး တၢင်းဢၼ်ဢဝ်ၶူဝ်းၼုင်ႈၶဵၼ်း ႁေႃႇ။
၅ တႃၽူႈ လႂ်သေၵေႃႉသေၵူၼ်း ဢမ်ႇမီးၵရူႉၼႃႇႁႂ်ႈလႆႈလုမ်းလႃးၸိူဝ်ႉၼင်ႇၼၼ်တီးမႂ်းလႄႈ ဢိတ်းလူမႂ်း။ၼႂ်းဝၼ်းဢၼ်မႂ်းၵိူတ်ႇလဵင်ႉမႃးၼၼ်ႉမႂ်းလႆႈၶၢမ်ႇတၢင်းဢၼ်ပႅတ်ႈဝႆႉ ၵႃႈတီႈၼွၵ်ႈတီႈပၢင်ႇ ၵွပ်ႈပိူဝ်ႈဢၼ်လီႁင်ႈဢဵတ်ႇသဵတ်ႇဢသၢၵ်ႈမႂ်းၼၼ်ႉဢေႃႈ။
၆ မိူဝ်ႈဢၼ်ၵဝ်တႆႇတၢင်းပႆတၢင်းၵႂႃႇႁိမ်းမႂ်းလႄႈ ႁၼ်မႂ်းၵူဝ်ႈလိူတ်ႈယူႇၼၼ်ႉၸိုင် ၵဝ်လၢတ်ႈတီႈမႂ်းၼႂ်းမိူဝ်ႈဢၼ်မႂ်းယင်းတိုၵ်ႉမီးယူႇ ၵႃႈၼႂ်းလိူၼ်ႈမႂ်းၼၼ်ႉလႄႈဝႃႈဢသၢၵ်ႈလိပ်းယူႇတႃႉဝႃႈၼင်ႇၼႆဢေႃႈ။ၸႂ်ႈတႄႉတႄႉယဝ်ႉ။ၵဝ်လၢတ်ႈတီႈမႂ်းၼႂ်းမိူဝ်ႈဢၼ်မႂ်းယင်းတိုၵ်ႉမီးယူႇၵႃႈၼႂ်းလိူတ်ႈမႂ်းၼၼ်ႉလႄႈဝႃႈ ဢသၢၵ်ႈလိပ်း ယူႇတႃႉ၊ဝႃႈၼင်ႇၼႆဢေႃႈ။
၇ ၵဝ်ႁႂ်ႈမႂ်းၼမ်ၵိုၼ်းမႃးမိူၼ်ၸိူဝ်ႉၼင်ႇတူၼ်ႈယိဝ်ႈၼၼ်ႉလႄႈ မႂ်း ယႂ်ႇၼႃႇသုင်မႃးလႄႈ တူဝ်းတွၼ်းမႃးသေလႄႈတဵမ်ဝႆႉတင်းႁၢင်ႊၽၢင်ဢၼ်လီဢၼ်ငၢမ်းဢေႃႈ။တဝ်ႈၼူမ်းမႂ်းယုၵ်ႉၶိုၼ်ႈၵွင်ႇၶိုၼ်ႈလႄႈ ၶူၼ်ဢွၵ်ႇမႃးတီႈတူဝ်တီႈၶိင်းမႂ်းဢေႃႈ။ၵူၺ်းၵႃႈမႂ်းဢမ်ႇမီးၶူဝ်းၼုင်ႈၶူဝ်းမႆလႄႈ လႆႈယူႇတူဝ် ပူၺ်ယူႇဢေႃႈ။
၈ လၢႆးသမ်ႉမိူဝ်ႈဢၼ်ၵဝ်တႆႇတၢင်းပႆတၢင်းၵႆၵႂႃႇႁိမ်းမႂ်းလႄႈ ႁၼ်မႂ်းၼၼ်ႉၵွပ်ႈပိူဝ်ႈဢၼ်မႂ်းႁွတ်ႈထိုင်ၶိင်ႇဢရွႆႇဢၼ်လီႁၵ်ႉလီပႅင်းၼၼ်ႉလႄႈ ၵဝ်ၽႄႇၵီႈၶူဝ်းၼုင်ႈၵဝ်လႄႈ ႁူမ်ႇသုမ်ႇတၢင်းဢၼ်မႂ်းယူႇတူဝ်ပူၺ်ၼၼ်ႉဢေႃႈ။ၵဝ်ႁဵတ်းတၢင်းဢၼ်တိူင်ႇဝႃႈၵိၼ်ႇဝႃႈတီႈမႂ်းလႄႈႁဵတ်းပတိၺိၼ်ႇလူၺ်ႈၵၼ်တင်းမႂ်းသေယဝ်ႉမႂ်းပဵၼ်မႄးၵဝ်ဢေႃႈ၊ ဝႃႈၼင်ႇၼႆၸဝ်ႈထႃႇဝရႃႉၽြႃးမီးဢမိင်ႉဢေႃႈ။
၉ မိူဝ်ႈၼၼ်ႉၵဝ်ဢဝ်မႂ်းဢၢပ်ႇၼမ်ႉလႄႈ သုၵ်ႈပွတ်ႈလိူတ်ႈၵႃႈမီးဢၼ်ၵူဝ်ႈၵိူၵ်ႇမႂ်းယူႇၼၼ်ႉပႅတ်ႈလႄႈဢဝ်ၼမ်ႉမၼ်းတႃးမႂ်း ဢေႃႈ။
၁၀ ၵဝ်ဢဝ်ၶူဝ်းၼုင်ႈဢၼ်တမ်ႇၵၢမ်းႁၢင်ႈၶိူင်ႈၼၼ်ႉၼုင်ႈပၼ်မႂ်းလႄႈ ဢဝ်သွၵ်းတိၼ်ၼင်တႁႃႇသႃႉတိုဝ်းပၼ်မႂ်းဢေႃႈ။ၵဝ်ဢဝ်ပိၵ်ႈၶျေႃးၶဵၼ်းႁေႃႇပၼ်မႂ်းလႄႈ ဢဝ်ၶူဝ်းလၢႆႈၶူဝ်းၽႄးသုမ်ႇမႆႊပၼ်မႂ်းဢေႃႈ။
၁၁ ၵဝ်ဢဝ်ၶိူင်ႈၶူဝ်းႁၢင်ႈၶိူင်ႈပၼ်မႂ်းလႄႈ ဢဝ်ဝိၺိၺ်ႇမိုဝ်းတိုဝ်းပၼ်ၵႃႈတီႈမိုဝ်းမႂ်းသေလႄႈ ဢဝ်ႁွႆႈၶေႃးႁွႆႈ ပၼ်တီႈၶေႃးမႂ်းဢေႃႈ။
၁၂ ၵဝ်ဢဝ်ႁွႆႈၶူႈလင် သႂ်ႇပၼ်တီႈၶူႈလင်မႂ်း။ဢဝ်ပေႇႁူ သႂ်ႇပၼ်တီႈႁူမႂ်းလႄႈဢဝ်ပၢၼ်းၵုမ်းဢၼ်ႁၢင်ႊလီႁၢင်ႊငၢမ်းတိုဝ်းပၼ်မႂ်းဢေႃႈ။
၁၃ ၼင်ႇၼၼ်လႄႈ မႂ်းလႆႈႁၢင်ႈၶိူင်ႈငိုၼ်းၶမ်းလႄႈ ၶူဝ်းၼုင်ႈတၢင်းမႆမႂ်းပဵၼ်ပိၵ်ႈၶျေႃး၊ ပဵၼ်လၢႆႈပဵၼ်ၽႄး၊ပဵၼ်ၶူဝ်းဢၼ်တမ်ႇၵၢမ်းႁၢင်ႈၶိူင်ႈၼၼ်ႉယူႇ၊ လႆႈၵိၼ်ၽွင်ၶဝ်ႈမုၼ်း၊ၼမ်ႉၽိုင်ႈ၊ၼမ်ႉမၼ်းယူႇသေလႄႈ တဵမ်ဝႆႉတၢင်းႁၢင်ႊတင်းၽၢင် ဢၼ်ႁၢင်ႊလီႁၢင်ႊငၢမ်းလႄႈလႆႈပဵၼ်သိုင်ႇၸိုင်ႈဝၢၼ်ႈမိူင်းၸဝ်ႈဢေႃႈ။
၁၄ ၸိုဝ်ႈသဵင်မႂ်းႁူင်ႁၢင်းသႃႈၸွတ်ႇၵႂႃႇ ၵႃႈၼႂ်းၵူႈသိုင်ႇၵူႈမိူင်း ၵွပ်ႈပိူဝ်ႈဢၼ်မႂ်းႁၢင်ႊလီႁၢင်ႊငၢမ်းၼၼ်ႉဢေႃႈ။လွင်ႈမၼ်းၸမ်း ပဵၼ်ဢၼ်တဵမ်ထူၼ်ႈၵွပ်ႈပိူဝ်ႈသရေႇၵဝ်ဢၼ်ၵဝ်ဢဝ်ဢၢပ်ႈပၼ်တီႈမႂ်းၼၼ်ႉဢေႃႈ။
၁၅ ၼႂ်းဝႃႈၼၼ်သေၵေႃႈ မႂ်းဢိင်တင်းဢၼ်ႁၢင်ႊလီႁၢင်ႊငၢမ်းမႂ်းၼၼ်ႉလႄႈ ႁဵတ်းမေႈမွၵ်ႇယႃႈ ၵွပ်ႈပိူဝ်ႈၵုင်ႇသရေႇမႂ်း ဢၼ်ႁူင်ႁၢင်းၼၼ်ႉလႄႈ ႁဵတ်းမေႇထုင်ႇဢၼ်ဢမ်ႇတြႃး လူၺ်ႈၵၼ်တင်းၵူၼ်းတႆႇတၢင်းပႆတၢင်းၵႆႉၵႂႃႇႁိမ်းမႂ်းၵႃႈမီးၼၼ်ႉသေလႄႈ ၵူၼ်းၸၢႆးၵူႈ ၵေႃႉၵူႈၵူၼ်းလႆႈဢၶႂၢင်ႉဢေႃႈ။
၁၆ မႂ်းဢဝ်ၶူဝ်းၼုင်ႈမႂ်းလႄႈပွင်ႁဵတ်းပွင်မႄး ထႃႇၼႃႉတီႈသုင်တင်းလၢႆဢၼ်ဢဝ်ဢရွင်ႇႁၢင်ႊၽၢင် သႂ်ႇၼၼ်ႉပုၼ်ႈမႂ်းလႄႈႁဵတ်းမေႇထုင်ႇဢၼ်ဢမ်ႇတြႃးၵႃႈၼိူဝ်ၸိူဝ်းၼၼ်ႉဢေႃႈ။ဢမူႉၼၼ်ႉဢမ်ႇတွၼ်ႉပဵၼ်သပွေၵ်ႈ။ၵမ်းလိုၼ်းၵေႃႈတၵ်း ဢမ်ႇပဵၼ်ၸိူဝ်ႉၼင်ႇၼၼ်ထႅင်ႈ။
၁၇ မႂ်းဢဝ်ၶိူင်ႈပိူင်မႂ်းဢၼ်လီဢၼ်မျၢတ်ႈ ဢၼ်ပဵၼ်ၶမ်းၵဝ်ငိုၼ်းၵဝ်ဢၼ်ပၼ်တီႈမႂ်းၸိူဝ်းၼၼ်ႉႁဵတ်းရုၵ်ႉထူႉၵူၼ်းၸၢႆးသေလႄႈၽိတ်းပိူင်ႈလူၺ်ႈၵၼ်တင်းၶဝ်ၼၼ်ႉယဝ်ႉလူင်ပေႇ။
၁၈ မႂ်းဢဝ်ၶူဝ်းၼုင်ႈမႂ်း ဢၼ်တမ်ႇၵၢမ်းႁၢင်ႈၶိူင်ႈၸိူဝ်းၼၼ်ႉသုမ်ႇမႆပၼ်ၶဝ်ၼၼ်ႉသေလႄႈ ဢဝ်ၼမ်ႉမၼ်းၵဝ်ဢိၵ်ႇတင်းၼၢမ်ႇသႃႇၵဝ် တၢင်ႇတမ်းဝႆႉၵႃႈတီႈၽၢႆႇၼႃႈၶဝ် ၼၼ်ႉယဝ်ႉလူင်ပေႇ။
၁၉ ၽေႃးၸဵၼ်ႇဢၼ်ၵဝ်ပၼ်၊ၽွင်ၶဝ်ႈမုၼ်း၊ၼမ်ႉမၼ်း၊ ၼမ်ႉၽိုင်ႈဢၼ်ၵဝ်လဵင်ႉမႂ်းၼၼ်ႉၵေႃႈမႂ်းဢဝ်လႄႈတၢင်ႇတမ်းဝႆႉ ၵႃႈတီႈၽၢႆႇၼႃႈၶဝ်ပုၼ်ႈဢၼ်တၵ်းပဵၼ် ဢၢႆဢၼ်ႁွမ်ဢၼ်ႁူၺ်းယဝ်ႉလူင်ပေႇ။ပဵၼ်ၸိူဝ်ႉၼင်ႇၼၼ်ယဝ်ႉ၊ဝႃႈၼင်ႇၼႆၸဝ်ႈ ထႃႇဝရႃႉၽြႃးမီးဢမိင်ႉဢေႃႈ။
၂၀ ၼွၵ်ႈသေၼၼ်ႉမႂ်းဢဝ်လုၵ်ႈၸၢႆးမႂ်းလုၵ်ႈယိင်းမႂ်းဢၼ်မႂ်းၵိူတ်ႇလဵင်ႉမႃးတီႈၵဝ်ၸိူဝ်းၼၼ်ႉလႄႈ ႁဵတ်းယိၸ်ႉပုၵ်ႉၸေႃႇတီႈၶဝ်ၼၼ်ႉ ႁႂ်ႈလႆႈလဵင်ႉလူၶဝ်ၼၼ်ႉယဝ်ႉလူင်ပေႇ။
၂၁ တၢင်းဢၼ်မႂ်းႁဵတ်းမေႇထုင်ႇဢၼ်ဢမ်ႇတြႃးၸိူဝ်းၼၼ်ႉ ပဵၼ်ဢမူႉဢၼ်လဵၵ်ႉဢၼ်ၼွႆႉလႄႈ မႂ်းဢဝ်လုၵ်ႈၵဝ်လၢင်းၵဝ်တၢႆ လႄႈဢဝ်ၽႆးပုၵ်ႉၸေႃႇတီႈၶဝ်ၼၼ်ႉႁိုဝ်။
၂၂ ၼႂ်းမိူဝ်ႈဢၼ်မႂ်းယင်းတိုၵ်ႉ ႁဵတ်းလွင်ႈတၢင်းဢၼ် လီႁင်ႈဢဵတ်ႇသဵတ်ႇ ဢိၵ်ႇတင်းဢမူႉမေႇထုင်ႇဢၼ်ဢမ်ႇတြႃးဢၼ်မႂ်းႁဵတ်းၵႃႈမီးယူႇၼၼ်ႉၸိုင်၊ မႂ်းဢမ်ႇၶုၵ်းၸႂ်လႆႈၶႆႈၸႂ်ထူပ်းမိူဝ်ႉဝၼ်းဢၼ် ဢသၢၵ်ႈဢရွႆႇမႂ်းယင်းလဵၵ်ႉလႄႈမႂ်းဢမ်ႇမီးၶူဝ်းၼုင်ႈၶူဝ်းမႆႊယူႇတူဝ်ပူၺ်ယူႇ၊ ၵူဝ်ႈ ၵိူၵ်ႇၵႃႈၼႂ်းလိူတ်ႈမႂ်းယူႇၼၼ်ႉလူင်ပေႇ။
၂၃ မႂ်းၼႆႉမီးဢႃႉမင်ႇၵလႃႇဢေႃႈ။ မီးဢႃႉမင်ႇၵလႃႇဢေႃႈ၊ဝႃႈၼင်ႇၼႆ ၸဝ်ႈထႃႇဝရႃႉၽြႃးမီးဢမိင်ႉဢေႃႈ။
၂၄ မႂ်းႁဵတ်းတူႉၸရိူၵ်ႈတင်းသဵင်ႈတင်းလူင်ၼၼ်ႉသေယဝ်ႉ မႂ်းတႄႇႁဵတ်းႁိူၼ်းမေႈမွၵ်ႇယႃႈပုၼ်ႈမႂ်းလႄႈ ႁဵတ်းတီႈဢၼ်သုင်ၵႃႈၼႂ်း သဵၼ်ႈတၢင်းၵူႈသဵၼ်ႈဢေႃႈ။
၂၅ မႂ်းၼႆႉတႄႇႁဵတ်းတီႈဢၼ်သုင်မႂ်း ၵႃႈတီႈႁူဝ်တၢင်းသူပ်းတၢင်းၵူႈတီႈလႄႈႁႂ်ႈတၢင်းဢၼ်ႁၢင်ႊလီႁၢင်ႊငၢမ်းမႂ်းၼၼ်ႉပဵၼ်တီႈဢၼ်လီႁင်ႈဢဵတ်ႇသဵတ်ႇသေလႄႈ ဢႃႈၶႃမႂ်းတီႈၶဝ်ၸိူဝ်းဢၼ်တႆႇတၢင်းပႆတၢင်းၵႆႉၵႂႃႇႁိမ်းမႂ်း ၵႃႈမီးလႄႈႁႂ်ႈဢမူႉမေႇထုင်ႇဢၼ်ဢမ်ႇတြႃးမႂ်း ၼမ်ၼႃႇဢေႃႈ။
၂၆ မႂ်းၽိတ်းပိူင်ႈႁူမ်ႈလူၺ်ႈၵၼ်တင်း ၵူၼ်းဢေႇၵႅပ်ႉတုဢၼ်ႁိူၼ်းၸမ်ၵၼ်တင်းမႂ်း၊ ဢၼ်ပီးလီပူၵ်ႇလီၸိူဝ်းၼၼ်ႉလႄႈ ႁႂ်ႈဢမူႉမေႇထုင်ႇဢၼ်ဢမ်ႇတြႃးမႂ်းၼမ်ၼႃႇႁႂ်ႈလႆႈတိုၵ်းယူင်းတၢင်းၸႂ်မႆႈၶႂ်ႈၸႃႉၵဝ်ဢေႃႈ။
၂၇ ပိူဝ်ႈၼႆလႄႈ ၵဝ်လႆႈဢဝ်မိုဝ်းၵဝ်ယဵတ်ႇၵႃႈၼိူဝ်မႂ်းသေလႄႈ ႁႂ်ႈတၢင်းၵိၼ်တၢင်းၶူပ်းမႂ်းလဵၵ်ႉၵေႇဢေႇမၢင်ႇၵႂႃႇလႄႈ ဢဝ်မႂ်းဢၢပ်ႈပၼ် ၵႃႈၼႂ်းမိုဝ်းၶဝ်ၸိူဝ်းဢၼ်ၸင်းမႂ်းဢၼ်လုၵ်ႈယိင်းမဵဝ်းၽိလိတ်ႉတိ ဢၼ်ၸၢင်ႊဢူၵ်းဢၢႆ ၵွပ်ႈပိူဝ်ႈဢပျႅတ်ႈ ဢၼ်ႁၢႆႉဢၼ်ယုတ်ႈမႂ်း ၼၼ်ႉဢေႃႈ။
၂၈ ၵွပ်ႈပိူဝ်ႈဢၼ်ၸႂ်ၵီႉလေႇသႃႇမႂ်းဢမ်ႇပျေႇလႆႈလႄႈမႂ်းၽိတ်းပိူင်ႈႁူမ်ႈလူၺ်ႈၵၼ်တင်းၵူၼ်း ဢႃႇသုရိတင်းလၢႆဢေႃႈ။ ၸႂ်ႈတႄႉတႄႉယဝ်ႉ။ ပိၵ်ႉသမ်ႉမႂ်းၽိတ်းပိူင်ႈႁူမ်ႈလူၺ်ႈၵၼ်တင်းၶဝ် ၸိူဝ်ႉၼင်ႇၼၼ်သေၵေႃႈမႂ်းဢမ်ႇပျေႇၸႂ်လႆႈ။
၂၉ လိူဝ်သေၼၼ်ႉပိၵ်ႉသမ်ႉမႂ်းႁႂ်ႈဢမူႉမေႇထုင်ႇဢၼ်ဢမ်ႇတြႃးမႂ်းၼၼ်ႉ ၼမ်ၵိုၼ်းၼႃႇဢဝ်ၵႃႈတီႈမိူင်းၶႃႇၼၢၼ်ႇ တေႃႇထိုင်ႁွတ်ႈမိူင်း ၶႃႇလတေႇသေၵေႃႈမႂ်းဢမ်ႇပျေႇၸႂ်လႆႈ။
၃၀ မႂ်းႁဵတ်းဢမူႉၵႃႈမီးၼႆႉဢၼ်ဝႃႈဢမူႉဢၼ်မေႈယိင်းဢၼ်ႁဵတ်းဢုပ်ႉႁဵတ်းပိူင်ႇသေလႄႈသိၼ်လူႉၼၼ်ႉၸၢင်ႊႁဵတ်းၼၼ်ႉယူႇသေလႄႈ ႁူဝ်ၸႂ်မႂ်းမိူၵ်ႈၼႃႇလူင်လၢင်လူင် ပေႇ။
၃၁ မႂ်းတႄႇႁဵတ်းႁိူၼ်းမေႈမွၵ်ႇယႃႈမႂ်းၵႃႈၼႂ်းသဵၼ်ႈတၢင်းၵူႈသဵၼ်ႈသေလႄႈ မႂ်းဢမ်ႇမိူၼ်ၵၼ်တင်းမေႈမွၵ်ႇယႃႈ ၵွပ်ႈပိူဝ်ႈဢၼ်မႂ်းထဵင်ပႅတ်ႈ ၵႃႈၶၼ်မၼ်း ၼၼ်ႉဢေႃႈ။
၃၂ မႂ်းမိူၼ်ၵၼ်တင်းမေႈယိင်းဢၼ်လဵၼ်ႈၸူႉလႄႈႁပ်ႉတုင်းဢဝ်ၵူၼ်းၸၢႆးဢၼ် ဢမ်ႇၸၢပ်ႈသႅင်ႇၵၼ်တင်းမၼ်းၼၼ်ႉ တင်းတူဝ်ၽူဝ်မၼ်းၼၼ်ႉဢေႃႈ။
၃၃ ပိူၼ်ႈၸၢင်ႊဢွၼ်ၵၼ်ပၼ်လၢၵ်ႈသွင်ႇ တီႈမေႈမွၵ်ႇယႃႈၵႃႈမီးဢေႃႈ။မႂ်းၸမ်းၸၢင်ႊပၼ်လၢၵ်ႈသွင်ႇတီႈၸူႉမႂ်းၵႃႈမီးလႄႈ ၸၢင်ႊငႃဢဝ်ၶဝ်ၼၼ်ႉႁႂ်ႈၶဝ်လုၵ်ႉသေၵႃႈတီႈၵူႈၽၢႆႇၵူႈပႃႈမႃးလႄႈႁဵတ်းမေႇထုင်ႇ ဢၼ်ဢမ်ႇတြႃးလူၺ်ႈၵၼ်တင်းမႂ်းဢေႃႈ။
၃၄ ပိူဝ်ႈဢၼ်ပဵၼ်ၼင်ႇၼႆလႄႈ မႂ်းၸင်ႇႁဵတ်းပိူင်ႈၵၼ်တင်းမေႈမွၵ်ႇယႃႈတၢင်ႇၵေႃႉတၢင်ႇၵူၼ်း ၼႂ်းတၢင်းဢၼ်ႁဵတ်းမေႇထုင်ႇဢၼ်ဢမ်ႇတြႃးၸိူဝ်းၼၼ်ႉၼႂ်းလွင်ႈတၢင်းဢၼ်ၽူႈ လႂ်သေၵေႃႉသေၵူၼ်း ဢမ်ႇၸွမ်းလင်မႂ်းႁႂ်ႈလႆႈႁဵတ်းမေႇထုင်ႇဢၼ်ဢမ်ႇတြႃး လူၺ်ႈၵၼ်တင်းမႂ်းသေၵေႃႈ မႂ်းယင်းဢမ်ႇၶၢမ်ႇဢမ်ႇဢဝ်ၵႃႈမၼ်းၶၼ်မၼ်းလႄႈ ပၼ်ၵႃႈမၼ်းၶၼ်မၼ်းတီႈပိူၼ်ႈသေလႄႈႁဵတ်းပိူင်ႈၵၼ်တင်းပိူၼ်ႈ ၸိူဝ်ႉၼင်ႇၼၼ်ၼၼ်ႉဢေႃႈ။
၃၅ ပိူဝ်ႈၼႆလႄႈမေႈမွၵ်ႇယႃႈဢိူၺ်း။ထွမ်ႇငိၼ်းဢမိင်ႉထႃႇဝရႃႉၽြႃးတႃႉ။ၸဝ်ႈထႃႇဝရႃႉၽြႃးမီးဢမိင်ႉၸမ်း၊-
၃၆ ၵွပ်ႈပိူဝ်ႈဢၼ်ငိုၼ်းတွင်းမႂ်းသဵင်ႈႁၢႆလၢႆလႄႈတၢင်းဢၼ်မႂ်းယူႇတူဝ်ပူၺ်ႈ ဢမ်ႇမီးၶူဝ်းၼုင်ႈၼၼ်ႉလႆႈမီးတၢင်းဢၼ်ပေႃႇဢွၵ်ႇထၢင်ႇသႃးယူႇ ၵွပ်ႈပိူဝ်ႈတၢင်းဢၼ်မႂ်းၽိတ်းပိူင်ႈ ႁူမ်ႈလူၺ်ႈၵၼ်တင်းၸူႉမႂ်းတင်းလၢႆဢိၵ်ႇတင်း ၵွပ်ႈပိူဝ်ႈရုၵ်ႉထူႉ ဢၼ်လီႁင်ႈဢဵတ်ႇသဵတ်ႇမႂ်းၵႃႈမီး တင်းၵွပ်ႈပိူဝ်ႈလိူတ်ႈလုၵ်ႈမႂ်းလၢင်းမႂ်း ဢၼ်မႂ်းပၼ်တီႈၶဝ်ၼၼ်ႉလႄႈ
၃၇ ၵဝ်တၵ်းႁႂ်ႈၸူႉမႂ်းဢၼ်မႂ်းမူၼ်ႈပျေႃႇ လူၺ်ႈၵၼ်တင်းၶဝ်ၵႃႈမီးဢိၵ်ႇတင်းၶဝ်ၸိူဝ်းဢၼ်မႂ်းႁၵ်ႉမႂ်းပႅင်းၵႃႈမီး၊ တင်းၶဝ်ၸိူဝ်းဢၼ်မႂ်းၸင်းၵႃႈမီးၼၼ်ႉၸူႉၵၼ်တုမ်ၵၼ်ဢေႃႈ။ၵဝ်တၵ်းႁႂ်ႈၸူႉၵၼ်တုမ်ၵၼ်ယူႇၽၢႆႇၼိုင်ႈတင်းမႂ်း ၵူႈၽၢႆႇၵူႈပႃႈသေလႄႈ ၼႄပျႃးတၢင်းဢၼ်မႂ်းယူႇတူဝ်ပူၺ်ဢမ်ႇမီးၶူဝ်းၼုင်ႈၼၼ်ႉတီႈၶဝ်ထၼ်ႈပေႃး ႁႂ်ႈၶဝ်တင်းသဵင်ႈတင်းလူင်ၼၼ်ႉလႆႈႁၼ်ၵႃႈဢၼ်မႂ်းယူႇတူဝ်ပူၺ် ဢမ်ႇမီးၶူဝ်းၼုင်ႈၼၼ်ႉဢေႃႈ။
၃၈ ၵဝ်တၵ်းၸီႇယၢင်ႇမႂ်းမိူၼ်ၸိူဝ်ႉၼင်ႇဢၼ်ၸီႇယၢင်ႇ မေႈယိင်းဢၼ်လဵၼ်ႈၽူဝ်ဢွၼ်ႇလႄႈ ထွၵ်ႇလိူတ်ႈၵူၼ်းပႅတ်ႈၼၼ်ႉလႄႈဢဝ်လိူတ်ႈတေႃးသႃႉတၢင်းၸႂ်မႆႈ ဢၼ်ႁႅင်း ယႂ်ႇၼႃႇဢိၵ်ႇတင်း တၢင်းဢၼ်ၸႂ်ၶႂ်ႈၸႃႉဢမ်ႇပျေႇလႆႈၼၼ်ႉ တိုၵ်းပၼ်တီႈမႂ်းဢေႃႈ။
၃၉ ၵဝ်တၵ်းဢဝ်မႂ်းပၼ်ၵႃႈၼႂ်းမိုဝ်းၶဝ်ၼၼ်ႉလႄႈ တၵ်းဢွၼ်ၵၼ်ယႃႉႁိူၼ်းမေႈမွၵ်ႇယႃႈပႅတ်ႈလႄႈ ၵိူၼ်ႇတီႈဢၼ်သုင်မႂ်းတူၵ်းပႅတ်ႈဢေႃႈ။ၶဝ်တၵ်းထွတ်ႇဢဝ်ၶူဝ်းၼုင်ႈမႂ်းပႅတ်ႈလႄႈ ႁိမ်ႁူင်ႇဢဝ်ၶိူင်ႈပိူင်ဢၼ်ႁၢင်ႊလီႁၢင်ႊငၢမ်းတီႈမႂ်းသေလႄႈ ႁႂ်ႈမႂ်းယင်းဢမ်ႇမီးၶူဝ်းၼုင်ႈၶူဝ်းမႆႊ ယူႇတူဝ်ပူၺ်ႇသေလႄႈ ၵိုတ်းၵျၢၼ်ႇဝႆႉဢေႃႈ။
၄၀ ၶဝ်ၼၼ်ႉတၵ်းႁႂ်ႈမူႇၵူၼ်းၽုင်ၵူၼ်းၸူႉၵၼ်တုမ်ၵၼ် ယူႇၽၢႆႇၼိုင်ႈတင်းမႂ်းသေလႄႈဢဝ်လၢပ်ႇဢဝ်လႅဝ်းတႅင်းမႂ်းပွင်ႇပႅတ်ႈဢေႃႈ။
၄၁ ၶဝ်တၵ်းဢွၼ်ၵၼ် ဢဝ်ၽႆးတုတ်ႇႁိူၼ်းမႂ်းတင်းလၢႆပႅတ်ႈလႄႈ ပၼ်တၢမ်ႇဢပျႅတ်ႈတီႈမႂ်းၵႃႈတီႈၽၢႆႇၼႃႈမေႈယိင်းၼမ်ၼႃႇဢေႃႈ။ ၵဝ်တၵ်းႁဵတ်းႁႂ်ႈမႂ်းၵိုတ်းပေႃးသေတၢင်းဢၼ်မႂ်းႁဵတ်းမေႈမွၵ်ႇယႃႈ ၼၼ်ႉလႄႈၵမ်းလိုၼ်းမႂ်းဢမ်ႇလႆႈၵႃႊၶၼ် ဢၼ်ၸၢင်ႊငႃဢဝ် ပိူၼ်ႈၼၼ်ႉ။
၄၂ ၼင်ႇၼၼ်လႄႈၵဝ်တၵ်းႁႂ်ႈတေႃးသႃႉတၢင်းၸႂ်မႆႈၵဝ်ပျေႇတီႈမႂ်းလႄႈ တၵ်းႁႂ်ႈတၢင်းၶႂ်ႈၸႃႉၵဝ်ဢၼ်ဢမ်ႇပျေႇလႆႈၼၼ်ႉ ထၢတ်ႇၵႂႃႇယဵၼ်ၵႂႃႇသေၵႃႈတီႈမႂ်းလႄႈ ၵဝ်တၵ်းယူႇၼိမ်ၼိမ်လီလီလႄႈဢမ်ႇ ၸႂ်မႆႈၶႂ်ႈၸႃႉတီႈမႂ်းထႅင်ႈ။
၄၃ ၵွပ်ႈပိူဝ်ႈဢၼ်မႂ်းဢမ်ႇၶုၵ်းၸႂ်လႆႈၶႆႈၸႂ်ထူပ်း မိူဝ်ႉဝၼ်းဢၼ်ဢသၢၵ်ႈမႂ်းယင်းလဵၵ်ႉယင်းဢွၼ်ႇၼၼ်ႉ ယႃႉယူၵ်ႉၸႂ်ၵဝ်ၼႂ်းလွင်ႈတၢင်းၵႃႈမီးၸိူဝ်းၼႆႉၼၼ်ႉလႄႈၵဝ်တၵ်းႁႂ်ႈဢပျႅတ်ႈတၢင်းၵမ်တၢင်းၵျၢင်ႉမႂ်းတူၵ်းႁွတ်ႈၵႃႈၼိူဝ်ႁူဝ်မႂ်းဢေႃႈ။မႂ်းတၵ်းဢမ်ႇလႆႈဢဝ် တၢင်းၵျၢမ်ႇတၢင်းပွင်ဢၼ်ႁၢႆႉယုတ်ႈထၢပ်ႈထႅင်ႈၵႃႈၼိူဝ် ဢမူႉဢၼ်လီႁင်ႈဢဵတ်ႇသဵတ်ႇ ၵႃႈမီးၸိူဝ်းၼၼ်ႉသေလႄႈၵမ်ၵျၢင်ႉ။
၄၄ ၶဝ်ၸိူဝ်းဢၼ်ၸၢင်ႊဢဝ် ၵႂၢမ်းထုင်းသုင်းသွင်ႇၵႃႈမီးၼၼ်ႉ တၵ်းဢွၼ်ၵၼ်ဢဝ်လွင်ႈမႂ်းလႄႈ လၢတ်ႈၵႂၢမ်းထုင်းလႄႈဝႃႈ လုၵ်ႈယိင်းပဵၼ်ၸိူဝ်ႉၼင်ႇမေႈဢေႃႈ၊ ဝႃႈၼင်ႇၼႆဢေႃႈ။
၄၅ မႂ်းပဵၼ်လုၵ်ႈယိင်းမေႈမႂ်းဢၼ်လီႁင်ႈဢဵတ်ႇသဵတ်ႇၽူဝ်မၼ်းဢိၵ်ႇတင်းလုၵ်ႈမၼ်းလၢင်းမၼ်းၼၼ်ႉလႄႈပဵၼ်ၼွင်ႉယိင်းပီႈၼၢင်းမႂ်းၼွင်ႉယိင်းမႂ်းဢၼ်လီႁင်ႈဢဵတ်ႇသဵတ်ႇၽူဝ်ၶဝ် ဢိၵ်ႇတင်းလုၵ်ႈၶဝ်လၢင်းၶဝ်ၸိူဝ်းၼၼ်ႉဢေႃႈ။ မေႈမႂ်းပဵၼ်မဵဝ်းႁိတ်ႉတိ လႄႈပေႃႈမႂ်းပဵၼ်ၵူၼ်းဢႃႇမေႃးရိဢေႃႈ။
၄၆ ပီႈၼၢင်းမႂ်းၼၼ်ႉပဵၼ်ဝဵင်းသမႃႇရိ ဢၼ်ယူႇၵႃႈတီႈၽၢႆႇသၢႆႉမႂ်းဢိၵ်ႇလူၺ်ႈၵၼ်တင်း လုၵ်ႈယိင်းမၼ်းတင်းလၢႆလႄႈၼွင်ႉယိင်းမႂ်းၼၼ်ႉပဵၼ်ဝဵင်းသေႃးတုမ်ႇ ဢၼ်ယူႇၵႃႈတီႈ ၽၢႆႇၶႂႃမႂ်းဢိၵ်ႇလူၺ်ႈၵၼ်တင်း လုၵ်ႈယိင်းမႂ်း တင်းလၢႆၼၼ်ႉဢေႃႈ။
၄၇ ၵူၺ်းၵႃႈမႂ်းဢမ်ႇၸွမ်းသဵၼ်ႈတၢင်းၶဝ်လႄႈ ဢမ်ႇႁဵတ်းၸွမ်းလွင်ႈတၢင်းဢၼ်လီႁင်ႈဢဵတ်ႇသဵတ်ႇၶဝ်ၸိူဝ်းၼၼ်ႉ။ ၵူၺ်းၵႃႈမႂ်းမၢတ်ႈလွင်ႈတၢင်းၼၼ်ႉ ပဵၼ်ဢၼ်လဵၵ်ႉဢၼ်ဢွၼ်ႇလႄႈမႂ်းယိင်ႈၶႅၼ်း ႁၢႆႉယုတ်ႈလိူဝ်တွၼ်းၼႃႇသေၶဝ်ၼၼ်ႉၼႂ်းလွင်ႈတၢင်းဢၼ်မႂ်းႁဵတ်း ၵူႈၸိူဝ်ႉၵူႈပိူင်ၼၼ်ႉဢေႃႈ။
၄၈ ၵႃႈၼင်ႇဢၼ် ၵဝ်ဢသၢၵ်ႈလိပ်းယူႇၼၼ်ႉၸိူဝ်ႉၼင်ႇဢၼ်မႂ်း ဢိၵ်ႇလူၺ်ႈၵၼ်တင်း လုၵ်ႈယိင်းမႂ်းတင်းလၢႆၸိူဝ်းၸိူဝ်းၼၼ်ႉ ၼွင်ႉယိင်းမႂ်းသေႃးတုမ်ႇဢိၵ်ႇလူၺ်ႈၵၼ်တင်းလုၵ်ႈယိင်းမၼ်းတင်းလၢႆၼၼ်ႉ ဢမ်ႇဢွၼ်ၵၼ်ႁဵတ်း။
၄၉ တူၺ်းလူ။ဢပျႅတ်ႈၼွင်ႉယိင်းမႂ်းသေႃးတုမ်ႇၼၼ်ႉၸမ်း မၼ်းဢိၵ်ႇလူၺ်ႈၵၼ်တင်း လုၵ်ႈယိင်းမၼ်းၸိူဝ်းၼၼ်ႉ ဢွၼ်ၵၼ်မီးတၢင်းဢၼ်မႃႇၼႃႉ ယႂ်ႇ၊တၢင်းဢၼ်ၵိၼ်ဢိမ်ႇၵိၼ်တဵမ်၊ တၢင်းဢၼ်လႆႈလီလႆႈပဵၼ်ၼိမ်ၼိမ်လီလီ ၼႃႇလူင်လၢင်လႄႈယင်းဢမ်ႇၵမ်ႉထွၵ်ႈ ၶဝ်ၸိူဝ်းဢၼ်ယၢၵ်ႈဢၼ်ၽၢၼ်ဢိၵ်ႇတင်း ၶဝ်ၸိူဝ်းဢၼ်ၸုတ်ႈဢၼ်လုတ်ႈၼၼ်ႉ လႄႈယူႇဢေႃႈ။
၅၀ ၶဝ်ၼၼ်ႉဢွၼ်ၵၼ်မႃႇၼႃႉပူၵ်းပႅၼ်လႄႈ ႁဵတ်းလွင်ႈတၢင်းဢၼ်လီႁင်ႈဢဵတ်ႇသဵတ်ႇၵႃႈတီႈၽၢႆႇၼႃႈၵဝ်ဢေႃႈ။ပိူဝ်ႈၼႆလႄႈၵဝ်ပႄႇၽဵဝ်ႈၶဝ်ပႅတ်ႈၸွမ်းၵႃႈၼင်ႇဢၼ်ၵဝ်လႆႈႁၼ်ၼၼ်ႉယဝ်ႉ။
၅၁ သမႃႇရိၵေႃႈ ဢမ်ႇႁဵတ်းတူႉၸရိူၵ်ႈသေၶိုင်ႈၼိုင်ႈတူႉၸရိူၵ်ႈဢၼ်မႂ်းႁဵတ်းၸိူဝ်းၼၼ်ႉ။မႂ်းၸမ်းႁဵတ်းလွင်ႈတၢင်းဢၼ် လီႁင်ႈဢဵတ်ႇသဵတ်ႇၼမ်ၼႃႇလူင်လၢင်လိူဝ်တွၼ်းၼႃႇသေၶဝ်ၼၼ်ႉလႄႈ ႁႂ်ႈပီႈၼၢင်းၼွင်ႉယိင်းမႂ်းၸိူဝ်းၼၼ်ႉ ပဵၼ်ဢၼ်သိုဝ်ႈဢၼ်တေႃႇၵွပ်ႈပိူဝ်ႈလွင်ႈတၢင်းဢၼ်လီႁင်ႈဢဵတ်ႇသဵတ်ႇ ၵႃႈဢၼ်မႂ်း လႆႈႁဵတ်းယဝ်ႉၼၼ်ႉလူင်ပေႇ။
၅၂ မႂ်းဢၼ်ႁဵတ်းတၢင်းဢၼ်ၸီႇယၢင်ႇ ႁႂ်ႈပီႈၼၢင်းၼွင်ႉယိင်းမႂ်းၸိူဝ်းၼၼ်ႉလႆႈၵၢင်းလွတ်ႈဢပျႅတ်ႈၵႂႃႇၼၼ်ႉ လႆႈၶၢမ်ႇတၢင်းဢၼ်သရေႇမႂ်းလူႉတႃႉ။ၵွပ်ႈပိူဝ်ႈဢပျႅတ်ႈမႂ်းဢၼ်မႂ်းႁဵတ်းဢၼ်ယိင်ႈၶႅၼ်းလီႁင်ႈဢဵတ်ႇသဵတ်ႇ လိူဝ်တွၼ်းၼႃႇသေဢၼ်ၶဝ်ႁဵတ်းၼၼ်ႉလႄႈ ၶဝ်ၼၼ်ႉယိင်ႈၶႅၼ်းပဵၼ်ဢၼ်သိုဝ်ႈတေႃႇၼႃႇသေမႂ်းဢေႃႈ။ၵွပ်ႈပိူဝ်ႈဢၼ်မႂ်းႁႂ်ႈပီႈၼၢင်းၼွင်ႉယိင်းမႂ်းၸိူဝ်းၼၼ်ႉ ပဵၼ်ဢၼ်သိုဝ်ႈဢၼ်တေႃႇၵႂႃႇၼၼ်ႉလႄႈ မႂ်းၵႂင်ၸႂ်ယုင်ၸႂ်လႄႈၶၢမ်ႇတၢင်းဢၼ်သရေႇမႂ်းလူႉတႃႉ။
၅၃ ၵဝ်တၵ်းသမ်ႉဢဝ်သေႃးတုမ်ႇ ဢိၵ်ႇတင်းလုၵ်ႈယိင်းမၼ်းတင်းလၢႆ ဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇ၊ သမႃႇရိဢိၵ်ႇတင်းလုၵ်ႈယိင်းမၼ်းတင်းလၢႆဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇ၊ ၵူၼ်းမႂ်းတင်းလၢႆ
၅၄ ဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇ လူၺ်ႈၵၼ်တင်းၶဝ်ၼၼ်ႉၶိုၼ်းမႃး၊ ႁႂ်ႈမႂ်းလႆႈၶၢမ်ႇတၢင်းဢၼ်သရေႇလူႉ၊ တၢင်းဢၼ်ဢူၵ်းဢၢႆၵွပ်ႈပိူဝ်ႈၵႃႈဢၼ်မႂ်းႁဵတ်းလႄႈ ႁႂ်ႈမႂ်းပဵၼ်တီႈဢၼ်ၼိမ်ၸႂ်လီၸႂ်တီႈၶဝ်ၼၼ်ႉ ဢေႃႈ။
၅၅ ၼွင်ႉယိင်းမႂ်းသေႃးတုမ်ႇဢိၵ်ႇတင်းလုၵ်ႈယိင်းမၼ်းၸိူဝ်းၼၼ်ႉ တၵ်းလႆႈၶိုၼ်းႁွတ်ႈၶိုၼ်းထိုင်ၵႃႈတီႈဢၼ်ၶဝ်ယူႇၵဝ်ႇၵဝ်ႇၼၼ်ႉဢေႃႈ။ပီႈၼၢင်းမႂ်းသမႃႇရိဢိၵ်ႇတင်းလုၵ်ႈယိင်းမၼ်းၸိူဝ်းၼၼ်ႉၵေႃႈ တၵ်းလႆႈၶိုၼ်းႁွတ်ႈထိုင်ၵႃႈတီႈဢၼ်ၶဝ်ယူႇၵဝ်ႇၵဝ်ႇၼၼ်ႉဢေႃႈ။ မႂ်းဢိၵ်ႇတင်းလုၵ်ႈယိင်းမႂ်းၸိူဝ်းၼၼ်ႉၵေႃႈတၵ်းလႆႈၶိုၼ်းႁွတ်ႈၶိုၼ်းထိုင် ၵႃႈတီႈဢၼ်သူယူႇၵဝ်ႇ ၵဝ်ႇၼၼ်ႉဢေႃႈ။
၅၆ မႂ်းဢမ်ႇဢဝ်ၼႃႇမႃႉၸိုဝ်သဵင်ၼွင်ႉယိင်းမႂ်းသေႃးတုမ်ႇ ၼၼ်ႉဝႃႈဢွၵ်ႇသူပ်းမႂ်းၼႂ်းမိူဝ်ႉဝၼ်းဢၼ်မႃႇၼႃႉမႂ်းယင်းတိုၵ်ႉပူၵ်းပႅၼ်ယူႇ၊
၅၇ ၸူဝ်ႈဢၼ်တူႉၸရိူၵ်ႈဢပျႅတ်ႈဢၼ်မႂ်းႁဵတ်းၼၼ်ႉ ဢမ်ႇပႆႇထၢင်ႇသႃးမိူၼ်ၸိူဝ်ႉၼင်ႇဢၼ် ပဵၼ်ၼႂ်းၶိင်ႇမိူဝ်ႈဢၼ်လုၵ်ႈယိင်းသုရိ တင်းလၢႆတင်းၶဝ်ၸိူဝ်းဢၼ်ယူႇၵႃႈတီႈႁိမ်းႁွမ်းလဵပ်ႈႁွပ်ႈၶဝ်ၵႃႈမီး ဢိၵ်ႇတင်းလုၵ်းယိင်းမဵဝ်း ၽိလိတ်ႉတိ
၅၈ ဢၼ်ယူႇၵႃႈတီႈႁိမ်းႁွမ်းလဵပ်ႈႁွပ်ႈမႂ်းလႄႈ ႁဵတ်းဢမ်ႇပေႃးၼင်ႇႁိုဝ်တီႈမႂ်းၸိူဝ်းၼၼ်ႉဢွၼ်ၵၼ်သေႉသွမ်းမႂ်းၼၼ်ႉ။မိူဝ်ႈလဵဝ်ၼႆႉၸမ်း မႂ်းတၵ်းလႆႈၶၢမ်ႇဢပျႅတ်ႈလွင်ႈတၢင်းဢၼ်ႁၢႆႉယုတ်ႈမႂ်း ဢိၵ်ႇတင်းလွင်ႈတၢင်းဢၼ် လီႁင်ႈဢဵတ်ႇသဵတ်ႇမႂ်းၸိူဝ်းၼၼ်ႉဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၅၉ ၸဝ်ႈထႃႇဝရႃႉၽြႃးမီးဢမိင်ႉၸမ်း၊-ၵဝ်တၵ်းႁဵတ်းတီႈမႂ်းၸွမ်းၵႃႈၼင်ႇဢၼ် မႂ်းဢၼ်ႁဵတ်းဢမ်ႇရူဝ်ႇသေႇၵူဝ်ႇယမ်ၵတိသႅတ်ႉၸႃႇလႄႈယႃႉပႅတ်ႈပတိၺိၼ်ႇတၢင်းဢၼ်ႁပ်ႉတုင်းဢဝ်ၼၼ်ႉႁဵတ်းၼၼ်ႉဢေႃႈ။
၆၀ ၼႂ်းဝႃႈၼၼ်သေၵေႃႈ ၵဝ်တၵ်းၶုၵ်းၸႂ်လႆႈၶႆႈၸႂ်ထူပ်းပတိၺိၼ်ႇ ဢၼ်ႁဵတ်းလူၺ်ႈၵၼ်တင်းမႂ်း ၼႂ်းမိူဝ်ႈဢၼ် ဢသၢၵ်ႈမႂ်းယင်းလဵၵ်ႉယင်းဢွၼ်ႇၼၼ်ႉလႄႈသမ်ႉႁဵတ်း ပတိၺိၼ်ႇထႃႇဝရႃႉ လူၺ်ႈၵၼ်တင်းမႂ်း ဢေႃႈ။
၆၁ မိူဝ်ႈၼၼ်ႉမႂ်းတၵ်းၶုၵ်းၸႂ်လႆႈၶႆႈၸႂ်ထူပ်းသဵၼ်ႈတၢင်းဢၼ်မႂ်း ၸွမ်းၸိူဝ်းၼၼ်ႉလႄႈ ဢူၵ်းဢၢႆၼႂ်းမိူဝ်ႈဢၼ်မႂ်း ႁပ်ႉတုင်းဢဝ်ပီႈၼၢင်းမႂ်းတင်းလၢႆဢိၵ်ႇတင်းၼွင်ႉယိင်းမႂ်းၼၼ်ႉလႄႈ ၵဝ်ဢဝ်ၶဝ်ၼၼ်ႉဢၢပ်ႈပၼ်တီႈမႂ်းႁႂ်ႈပဵၼ်လုၵ်ႈယိင်းမႂ်းၼၼ်ႉဢေႃႈ။ၵူၺ်းၵႃႈတၵ်းဢၢပ်ႈပၼ်ၵွပ်ႈပိူဝ်ႈပတိၺိၼ်ႇဢမ်ႇၸႂ်ႈ။
၆၂ မိူဝ်ႈၼၼ်ႉ ၵဝ်တၵ်းႁဵတ်းပတိၺိၼ်ႇလူၺ်ႈၵၼ်တင်းမႂ်းလႄႈ မႂ်းတၵ်းလႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးၼၼ်ႉထၼ်ႈပေႃး ႁႂ်ႈမႂ်းၶုၵ်းၸႂ်လႆႈၶႆႈၸႂ်ထူပ်းသေလႄႈ ၵႂင်ၸႂ်ယုင်ႈၸႂ်ယူႇလႄႈ
၆၃ ဢမ်ႇၽုၺ်ႇသူပ်းပိုတ်ႇသူပ်းမႂ်းထႅင်ႈ ၵွပ်ႈပိူဝ်ႈတၢင်းဢၼ်ဢူၵ်းဢၼ်ဢၢႆမႂ်းၼၼ်ႉၼႂ်းမိူဝ်ႈဢၼ် ၵဝ်ပွႆႇလွတ်ႈလွင်ႈတၢင်းၵႃႈဢၼ်မႂ်းႁဵတ်းမႃးယဝ်ႉၼၼ်ႉဢေႃႈ၊ ဝႃႈၼင်ႇၼႆၸဝ်ႈထႃႇဝရႃႉၽြႃးမီးဢမိင်ႉဢေႃႈ။