၄၃
မူၼ်ၽုင်းၽြႃးပဵၼ်ၸဝ်ႈ ၶိုၼ်းႁွတ်မႃးတီႈပိၵ်ႉမၢၼ်ႇၸဝ်ႈ
၁ လိုၼ်းၼၼ်ႉ မၼ်းႁွင်ႉဢဝ်ၵဝ်ၵႂႃႇၵႃႈတီႈႁူးၽၵ်းတူဢၼ်ဝႃႈ ၽၵ်းတူဢၼ်ဝၢႆႇၼႃႈၵႂႃႇၵႃႈတီႈၽၢႆႇဝၼ်းဢွၵ်ႇၼၼ်ႉသေလႄႈ မုၼ်ၽုင်းၽြႃးပဵၼ်ၸဝ်ႈမဵဝ်းဢိ သရေႇလ ၼၼ်ႉ
၂ လုၵ်ႉသေၵႃႈတီႈၽၢႆႇတၢင်းဢွၵ်ႇမႃးလႄႈ သဵင်မၼ်းပဵၼ်ၸိူဝ်ႉၼင်ႇသဵင်ၼမ်ႉသမ်ႇမုၵ်ႉတြႃႇၼၼ်ႉဢေႃႈ။ၵွပ်ႈပိူဝ်ႈသၢႆဢရွင်ႇမၼ်းၸဝ်ႈၼၼ်ႉလႄႈ ၼႃႈလိၼ်ႁိူဝ်ႈလႅင်းၵႂႃႇတင်းၼႃႈဢေႃႈ။
၃ ရူႇပႃႇရုင်ႇၼၼ်ႉ မိူၼ်ၵၼ်တင်းရူႇပႃႇရုင်ႇ ဢၼ်ၵဝ်ႁၼ်မိူဝ်ႈဢၼ်ၵဝ်မႃး ႁႂ်ႈလႆႈယႃႉၽဵဝ်ႈ ဝဵင်းၸဝ်ႈပႅတ်ႈၼၼ်ႉဢေႃႈ။ရူႇပႃႇရုင်ႇၸိူဝ်းၼၼ်ႉပဵၼ်ၸိူဝ်ႉၼင်ႇရူႇပႃႇရုင်ႇဢၼ်ၵဝ်ႁၼ်ၵႃႈတီႈႁိမ်းၼမ်ႉႁွင်ႈၶေႇပႃႇ ၼၼ်ႉလႄႈ ၵဝ်ၶုပ်ႉမူပ်ႇယူႇဢေႃႈ။
၄ မုၼ်ၽုင်းထႃႇဝရႃႉၽြႃးၼၼ်ႉၸွမ်းသဵၼ်ႈတၢင်းၽၵ်းတူ ဢၼ်ဝၢႆႇၼႃႈတေႃႇၽၢႆႇဝၼ်းဢွၵ်ႇၼၼ်ႉသေလႄႈၶဝ်ႈၵႃႈၼႂ်းႁိူၼ်းၸဝ်ႈ ဢေႃႈ။
၅ မိူဝ်ႈၼၼ်ႉဝိၺိၺ်ႇၸဝ်ႈဢုမ်ႈႁွပ်ႇဢဝ်ၵဝ်သေလႄႈ ဢဝ်ၵဝ်ၵႂႃႇၵႃႈၼႂ်းတမ်ႇတိူင်းၵႃႈၼႂ်းလႄႈမုၼ်ၽုင်းထႃႇဝရႃႉၽြႃးၼၼ်ႉ တဵမ်ဝႆႉၵႃႈၼႂ်းႁိူၼ်းၸဝ်ႈ ၼၼ်ႉဢေႃႈ။
၆ ၵဝ်ငိၼ်းသဵင်ဢၼ်ယူႇၵႃႈၼႂ်းႁိူၼ်းၸဝ်ႈမီးဢမိင်ႉတီႈၵဝ်လႄႈ ၵူၼ်းၵေႃႉၼိုင်ႈၸုၵ်းယူႇၵႃႈတီႈႁိမ်းၵဝ်ဢေႃႈ။
၇ မၼ်းၸဝ်ႈမီးဢမိင်ႉတီႈၵဝ်လႄႈဝႃႈၸမ်း၊-လုၵ်ႈၵူၼ်းဢိူၺ်း။ၵႃႈတီႈၼႆႉပဵၼ်တီႈဢၼ်ပလၢင်ႇၵဝ်တႄႇယူႇ၊တီႈဢၼ်ၽႃႇတိၼ်ၵဝ်ယဵပ်ႇတမ်းယူႇ၊ တီႈဢၼ်ၵဝ်ယူႇၵႃႈၼႂ်းၵူၼ်းမဵဝ်းဢိသရေႇလ တင်းလၢႆယူႇတႃႇသေႇဢေႃႈ။ၵူၼ်းမဵဝ်းဢိသရေႇလတင်းလၢႆဢိၵ်ႇတင်းၶုၼ်ႁေႃၶမ်းၶဝ်ၸိူဝ်းၼၼ်ႉ ၵမ်းလိုၼ်းဢမ်ႇလႆႈၶျႃးၼႃႇမႃႉၸိုဝ်သဵင်မျၢတ်ႈၵဝ် တူၵ်းတီႈတႅမ်ႇလူၺ်ႈတၢင်းဢၼ်ၶဝ်ၽိတ်းပိူင်ႈၸိူဝ်းၼၼ်ႉဢိၵ်ႇတင်းလူၺ်ႈတၢင်းတၢႆၶုၼ်ႁေႃၶမ်းၸိူဝ်းၼၼ်ႉ ၵႃႈၼိူဝ်တီႈဢၼ် သုင်ၶဝ်တင်းလၢႆၼၼ်ႉ။
၈ ၼႂ်းလွင်ႈဢၼ်ၶဝ်တႄႇႁဵတ်းၶူင်ႇၽၵ်းတူၶဝ် ၵႃႈတီႈႁိမ်းၶူင်ႇၽၵ်းတူၵဝ်တႄႇႁဵတ်းသဝ်ၽၵ်းတူၶဝ် ၵႃႈတီႈႁိမ်းသဝ်ၽၵ်းတူၵဝ် မီးၽႃဢၼ်လဵဝ်ၵူၺ်းၵႃႈတီႈ ဝူင်ႈၵၢင်ၵဝ်တင်းၶဝ်ၼၼ်ႉၶဝ်ဢဝ်လွင်ႈတၢင်းဢၼ် လီႁင်ႈဢဵတ်ႇသဵတ်ႇဢၼ်ၶဝ်ႁဵတ်းၸိူဝ်းၼၼ်ႉ ၶျႃးၼႃႇမႃႉၸိုဝ်သဵင်မျၢတ်ႈၵဝ်တူၵ်းတီႈတႅမ်ႇလႄႈ ၵဝ်ပႃးတၢင်းၸႂ်မႆႈၶႂ်ႈၸႃႉသေလႄႈယႃႉၶဝ်ပႅတ်ႈယဝ်ႉ။
၉ မိူဝ်ႈလဵဝ်ၼႆႉၸမ်းႁႂ်ႈၶဝ်ဢွၼ်ၵၼ်ပႄႇပႅတ်ႈ လွင်ႈတၢင်းဢၼ်ၶဝ်ၽိတ်းပိူင်ႈၸိူဝ်းၼၼ်ႉဢိၵ်ႇတင်းတူဝ်တၢႆ ၶုၼ်ႁေႃၶမ်းၶဝ်ၸိူဝ်းၼၼ်ႉသေၵႃႈတီႈၵဝ်ၵႆၵႆသေတႃႉ။ ၵဝ်တၵ်းယူႇၵႃႈၼႂ်းၵၢင်ၶဝ်ယူႇတႃႇသေႇဢေႃႈ။
၁၀ လုၵ်ႈၵူၼ်းဢိူၺ်း။ ၼႄပျႃႉႁိူၼ်းၸဝ်ႈတီႈၵူၼ်းမဵဝ်းဢိသရေႇလတင်းလၢႆႁႂ်ၶဝ်လႆႈဢူၵ်းဢၢႆၵွပ်ႈပိူဝ်ႈ တူႉၸရိူၵ်ႈဢပျႅတ်ႈၶဝ်တႃႉ။ႁႂ်ႈၶဝ်ဢွၼ်ၵၼ်တႅၵ်ႈတူၺ်းပုင်ႇ မၼ်းတႃႉ။
၁၁ ပေႃးၶဝ်ၼၼ်ႉဢူၵ်းဢၢႆၵွပ်ႈပိူဝ်ႈလွင်ႈတၢင်းဢၼ်ၶဝ်ႁဵတ်းၵႃႈမီးၼၼ်ႉ ဢမၢၼ်ႇၶၢၼ်ပဵၼ်ၸိုင်ၼႄပျႃးပုင်ႇႁိူၼ်းဢိၵ်ႇတင်း ႁၢင်ႊၽၢင်မၼ်း၊ႁူးၽၵ်းတူတီႈဢၼ်ဢွၵ်ႇမၼ်း တီႈဢၼ်ၶဝ်ႈမၼ်းတင်းလၢႆ၊ထုင်းၸၢမ်ႇမၼ်းၵႃႈမီးဢိၵ်ႇတင်း ထုင်းၾိင်ႈတြႃးမၼ်းၵႃႈမီး၊ထုင်းၸၢမ်ႇမၼ်းၵႃႈမီးဢိၵ်ႇတင်း တြႃးးဢၼ်ၸီႇယၢင်ႇႁဵတ်းဝႆႉၵႃႈမီးၼၼ်ႉလႄႈ တႅမ်ႈဝႆႉသိုဝ်ႈၼႃႈတႂ်ႈတႃၶဝ် ႁႂ်ႈၶဝ်လႆႈပႂ်ႉၵမ်ပႂ်ႉၵျၢင်ႉထုင်းၸၢမ်ႇမၼ်းၵႃႈမီး၊ဢိၵ်ႇတင်း လွင်ႈတၢင်းဢၼ်ၸီႇယၢင်ႇႁဵတ်း ထုင်းဝႆႉၵႃႈမီးၼၼ်ႉသေလႄႈႁဵတ်းၸွမ်းတႃႉ။
၁၂ တြႃးႁိူၼ်းၸဝ်ႈၸမ်းၵႃႈၼိူဝ်ပၢႆၸိၵ်းပၢႆလွႆၼၼ်ႉလႅၼ်လိၼ်တူင်ႇတင်းႁိူၼ်းၸဝ်ႈၵႃႈမီးၼၼ်ႉ တၵ်းလႆႈပဵၼ်ဢၼ်မူတ်းၸၢင်ႇၼႃႇလူင်လၢင်ဢေႃႈ။ဢၼ်ၼႆႉၸမ်းပဵၼ်တြႃးႁိူၼ်းၸဝ်ႈဢေႃႈ။
ၶဵင်ႇပုၵ်ႉၸေႃႇယိၸ်ႉ
၁၃ ဢၼ်ၶပ်ႉဢၼ်တႅၵ်ႈယိတ်ႉပလၢင်ႇၸမ်းပေႃးဢဝ်သွၵ်ႇပၢႆၶိုပ်ႈႁႂ်ႈပဵၼ်သွၵ်ႇ ဢၼ်တႅၵ်ႈၸိုင် ၶူင်ႇႁၢၼ်ႉတိၼ်မၼ်းမီးသွၵ်ႇၼိုင်ႈ ဢၼ်ၵႂၢင်ႈမၼ်းမီးသွၵ်ႇၼိုင်ႈဢၼ်ၵႂၢင်ႈၶွပ်ႇႁိမ်းမၼ်းမီးၶိုပ်ႈၼိုင်ႈဢေႃႈ။ဢၼ်ၼႆႉ ပဵၼ်ၽၢႆႇၼွၵ်ႈယိတ်ႉပလၢင်ႇဢေႃႈ။
၁၄ ဢဝ်ၵႃႈတီႈၶူင်ႇႁၢၼ်ႉတိၼ်ၵႃႈလိၼ် တေႃႇထိုင်ႁွတ်ႈၵႃႈတီႈႁၵ်းႁၢၼ်ႉၵၢင်တၵ်းလႆႈမီးသွင်သွၵ်ႇလႄႈ ဢၼ်ၵႂၢင်မၼ်းသွၵ်ႇၼိုင်ႈဢေႃႈ။ဢဝ်ၵႃႈတီႈႁၵ်းဢွၼ်ႇတေႃႇထိုင်ႁွတ်ႈႁၵ်းလူင်တၵ်းလႆႈမီးသီႇသွၵ်ႇလႄႈ ဢၼ်ၵႂၢင်ႈမၼ်း သွၵ်ႇၼိုင်ႈဢေႃႈ။
၁၅ တၢင်းဢၼ်သုင်ယိတ်ႉပလၢင်ႇတၵ်းလႆႈမီးသီႇသွၵ်ႇလႄႈ ၶဝ်လႅမ်သီႇလႅမ်ႈၵေႃႈတၵ်းလႆႈ ဢွၵ်ႇၵႃႈတီႈၼႃႈၼိူဝ်ယိတ်ႉပလၢင်ႇၶိုၼ်းဢေႃႈ။
၁၆ ၼႃႈၼိူဝ်ယိတ်ႉပလၢင်ႇၼၼ်ႉၼႃႈယၢဝ်းမၼ်း တၵ်းလႆႈမီးသိပ်းသွင်သွၵ်ႇ၊ ၼႃႈပွတ်းမၼ်းသိပ်းသွင်သွၵ်ႇလႄႈ ပဵၼ်သီႇၸဵင်ႇၶိုင်ႈဝႆႉဢေႃႈ။
၁၇ ႁၵ်းဢၼ်ၵႃႈတႂ်ႈၵေႃႈၼႃႈယၢဝ်းမၼ်းတၵ်းလႆႈမီးသိပ်းပၢႆသီႇသွၵ်ႇ၊ ၼႃႈပွတ်းမၼ်းသိပ်းပၢႆသီႇသွၵ်ႇလႄႈ ပဵၼ်သီႇၸဵင်ႇၶိုင်ႈဝႆႉဢေႃႈ။ၶွပ်ႇႁိမ်းမၼ်းၵေႃႈ ဢၼ်ၵႂၢင်ႈတၵ်းလႆႈမီးၶိုပ်ႈၼိုင်ႈဢေႃႈ။ၶူင်ႇႁၢၼ်ႉတိၼ်မၼ်းၼၼ်ႉတၵ်းလႆႈပႅၼ်ဢွၵ်ႇၵႃႈတီႈလဵပ်ႈႁွပ်ႈယိတ်ႉပလၢင်ႇသွၵ်ႇၼိုင်ႈလႄႈ တၵ်းလႆႈဝၢႆႇၼႃႈၵႂႃႇၽၢႆႇတၢင်းဝၼ်းဢွၵ်ႇဢေႃႈ၊ ဝႃႈၼင်ႇၼႆဢေႃႈ။
၁၈ လၢႆးသမ်ႉမၼ်းလၢတ်ႈတီႈၵဝ်လႄႈဝႃႈ၊- လုၵ်ႈၵူၼ်းဢိူၺ်း။ ၸွမ်းၵႃႈၼင်ႇဢၼ်ၸဝ်ႈထႃႇဝရႃႉၽြႃးမီးဢမိင်ႉဝႆႉၼၼ်ႉလႄႈ တြႃးယိတ်ႉပလၢင်ႇဢၼ်တၵ်းလႆႈပႂ်ႉၵမ်ပႂ်ႉၸွမ်းၼႂ်းမိူဝ်ႉဝၼ်းဢၼ်တႄႇႁဵတ်းမၼ်းပုၼ်ႈဢၼ်တၵ်းဢဝ်ယိၸ်ႉ ဢၼ်တုတ်ႇၽႆးပုၵ်ႉၸေႃႇလႄႈ ဢဝ်လိူတ်ႈၽႅတ်းၼၼ်ႉၸမ်း၊-
၁၉ မႂ်းတၵ်းလႆႈဢဝ်ဝူဝ်းပေႃႈၼုမ်ႇ ပုၼ်ႈယိၸ်ႉၽႄႇဢပျႅတ်ႈတူဝ်ၼိုင်ႈဢၢပ်ႈပၼ်တီႈယိတ်ႉပရေႃးႁိၵ်ႈ လုၵ်ႈလၢၼ်ၸႃႇတုၵ်ႉမဵဝ်းလေႇဝိ ဢၼ်သုတ်ႉၸပ်းသုတ်ႉၸူးၵႃႈတီႈၵဝ်ႁႂ်ႈလႆႈ ပွင်ႁဵတ်းဢမူႉၵဝ်ၸိူဝ်းၼၼ်ႉဢေႃႈ။
၂၀ မႂ်းတၵ်းလႆႈဢဝ်လိူတ်ႈမၼ်းၼၼ်ႉၵမ်ႈၽွင်ႈ တႃးၶဝ်လႅမ်ယိတ်ႉပလၢင်ႇသီႇလႅမ်ႈ၊သီႇၸဵင်ႇၶူင်ႇႁၢၼ်ႉတိၼ်မၼ်း၊ ၶွပ်ႇႁိမ်းမၼ်းၸိူဝ်းၼၼ်ႉဢေႃႈ။ၼင်ႇၼၼ်လႄႈမႂ်းတၵ်းလႆႈႁႂ်ႈမၼ်း မူတ်းသႂ်လႄႈၶဝ်ၸၢင်ႇဢေႃႈ။
၂၁ မႂ်းတၵ်းလႆႈဢဝ်ဝူဝ်းပုၼ်ႈယိၸ်ႉဢၼ်ၽႄႇဢပျႅတ်ႈၼၼ်ႉလႄႈ ဢဝ်တုတ်ႇၽႆးၵႃႈၼႂ်းတီႈဢၼ်ၶၢၼ်းဝႆႉ ၵႃႈၼႂ်းႁိူၼ်းၸဝ်ႈၵႃႈ ၼွၵ်ႈထႃႇၼႃႉတီႈမူတ်းၸၢင်ႇၼၼ်ႉဢေႃႈ။
၂၂ ၼႂ်းဝၼ်းတုတိယၵေႃႈ မႂ်းတၵ်းလႆႈဢဝ်ပႄႉပေႃႈဢွၼ်ႇဢၼ်ဢမ်ႇပႃးဢၢင်ႇၵႃႇလူႉၼၼ်ႉလႄႈ ပုၵ်ႉၸေႃႇယိၸ်ႉပုၼ်ႈဢၼ်ၽႄႇဢပျႅတ်ႈဢေႃႈ။ၶဝ်တၵ်းလႆႈဢွၼ်ၵၼ်ႁႂ်ႈယိတ်ႉပလၢင်ႇမူတ်းသႂ် မိူၼ်ၸိူဝ်ႉၼင်ႇဢၼ်ဢဝ်လိူတ်ႈ ဝူဝ်းၼၼ်ႉႁႂ်ႈမူတ်းသႂ်ဢေႃႈ။
၂၃ ၼင်ႇၼၼ်လႄႈလိုၼ်းသေဢၼ် မႂ်းႁႂ်ႈယိတ်ႉပလၢင်ႇမူတ်းသႂ်ယဝ်ႉၼၼ်ႉ မႂ်းတၵ်းလႆႈဢဝ်ဝူဝ်းပေႃႈၼုမ်ႇ ဢိၵ်ႇတင်းပႄႉပေႃႈဢၼ် ဢမ်ႇပႃးဢပျႅတ်ႈၼၼ်ႉပုၵ်ႉၸေႃႇဢေႃႈ။
၂၄ မၼ်းတၵ်းလႆႈဢဝ်ၸိူဝ်းၼၼ်ႉ မႃးၵႃႈတီႈၽၢႆႇၼႃႈထႃႇဝရႃႉၽြႃးလႄႈ ယိတ်ႉပရေႃးႁိၵ်ႈတင်းလၢႆတၵ်းလႆႈဢွၼ်ၵၼ်ဢဝ်ၵိူဝ်သႂ်သေလႄႈ ဢဝ်တူဝ်ၸိူဝ်းၼၼ်ႉတုတ်ႇ ၽႆးပုၵ်ႉၸေႃႇတီႈထႃႇဝရႃႉၽြႃးဢေႃႈ။
၂၅ ၸဵတ်းဝၼ်းတဵမ်တဵမ်ယေႈဝၼ်းယေႈဝၼ်းမႂ်းတၵ်းလႆႈဢဝ်ပႄႉပေႃႈတူဝ်ၼိုင်ႈမႄးႁဵတ်းမႄးႁႅၼ်း ယိၸ်ႉဢၼ်ၽႄႇဢပျႅတ်ႈဢေႃႈ။ဝူဝ်းပေႃႈၼုမ်ႇတူဝ်ၼိုင်ႈဢိၵ်ႇတင်းသူဝ်းပေႃႈဢၼ်ဢမ်ႇမီးဢင်ႇၵႃႇလူႉတူဝ်ၼိုင်ႈၵေႃႈ တၵ်း လႆႈမႄးႁဵတ်းမႄးႁႅၼ်းဢေႃႈ။
၂၆ ၸဵတ်းဝၼ်းတဵမ်တဵမ်ၶဝ်တၵ်းလႆႈဢွၼ်ၵၼ်ႁဵတ်းႁႂ်ႈယိတ်ႉပလၢင်ႇမူတ်းသႂ်လႄႈၶၢဝ်ၸၢင်ႇဢေႃႈ။ၼင်ႇၼၼ်လႄႈၶဝ်တၵ်းလႆႈဢွၼ်ၵၼ်ၶၢၼ်းယိတ်ႉပလၢင်ဝႆႉဢေႃႈ။
၂၇ လိုၼ်းသေဢၼ်ၸေးၸဵတ်းဝၼ်းယဝ်ႉၼၼ်ႉ ဢဝ်ဝၼ်းဢထမၼၼ်ႉၵႂႃႇမိူဝ်းၼႃႈၼၼ်ႉ ယိတ်ႉပရေႃးႁိၵ်ႈတင်းလၢႆတၵ်းလႆႈဢွၼ်ၵၼ်ပုၵ်ႉၸေႃႇယိၸ်ႉတုတ်ႇၽႆးသူ ဢိၵ်ႇတင်းယိၸ်ႉမိၵ်ႉသႁႃႇယႃႉသ ူတင်းလၢႆၵႃႈၼိူဝ်ယိတ်ႉပလၢင်ႇၼၼ်ႉဢေႃႈ။ၵဝ်တၵ်းႁပ်ႉတုင်းဢဝ်သူဢေႃႈ၊ဝႃႈၼင်ႇၼႆၸဝ်ႈထႃႇဝရႃႉၽြႃးမီးဢမိင်ႉဢေႃႈ။