၂၀
ဢိသရေႇလဢၼ်လုၵ်ႉၽိုၼ်ႉ
၁ ၼႂ်းပီႊဢၼ်ထူၼ်ႈထိုင်ၸဵတ်းပီႊ လိူၼ်ပိၼ်ႇၸမသိပ်းဝၼ်းၼၼ်ႉၶဝ်ၸိူဝ်းဢၼ်ပဵၼ်ၵႄႇပဵၼ်ႁူဝ်ၼႂ်းမဵဝ်းဢိသရေႇလၵမ်ႈၽွင်ႈၼၼ်ႉ ဢွၼ်ၵၼ်မႃးႁႂ်ႈလႆႈလဝ်ထၢမ်တီႈထႃႇဝရႃႉၽြႃးလႄႈ ၼင်ႈယူႇၵႃႈတီႈၽၢႆႇ ၼႃႈၵဝ်ဢေႃႈ။
၂ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ်လႄႈဝႃႈၸမ်း၊-လုၵ်ႈၵူၼ်းဢိူၺ်း။မႂ်းလၢတ်ႈ တီႈၶဝ် ၸိူဝ်းဢၼ်ပဵၼ်ၵႄႇပဵၼ်ႁူဝ်ၼႂ်းမဵဝ်းဢိသရေႇလ ၼၼ်ႉလႄႈဝႃႈၸဝ်ႈထႃႇဝရႃႉၽြႃးမီးဢမိင်ႉၸမ်း-
၃ သူဢွၼ်ၵၼ်မႃးႁႂ်ႈလႆႈလဝ်ႈထၢမ်တီႈၵဝ်ႁိုဝ်။ၵႃႈၼင်ႇဢၼ်ၵဝ်ဢသၢၵ်ႈလိပ်းယူႇၼၼ်ႉ ၵဝ်ဢမ်ႇၶၢမ်ႇတၢင်းဢၼ်သူလဝ်ႈသူထၢမ်။
၄ ၵူၼ်းဢိူၺ်း။ မႂ်းတၵ်းဢမ်ႇၸႅတ်ႈဢမ်ႇထၢမ်တူၺ်းတီႈၶဝ်ႁိုဝ်။ၽုၺ်ႇဢွၵ်ႇၼႄပျႃႉလွင်ႈတၢင်းဢၼ်လီႁင်ႈဢဵတ်ႇသဵတ်ႇ ဢၼ်ပူႇၶဝ်မွၼ်ႇၶဝ်ႁဵတ်းမႃးယဝ်ႉၼၼ်ႉလႄႈ လၢတ်ႈတီႈၶဝ်လႄႈ ဝႃႈၸဝ်ႈထႃႇဝရႃႉၽြႃးမီးဢမိင်ႉၸမ်း၊-
၅ ၼႂ်းမိူဝ်ႉဝၼ်းဢၼ်ၵဝ်လိူၵ်ႈၵဵပ်းဢဝ်မဵဝ်းဢိသရေႇလလႄႈ ယုၵ်ႉမိုဝ်းတိူင်ႇဝႃႈတီႈမဵဝ်းယႃႇၵုပ်ႉ လႄႈပေႃႇမႃးတီႈၶဝ်ၵႃႈၼႂ်းမိူင်းဢေႇၵႅပ်ႉတုၼႂ်းမိူဝ်ႈဢၼ်ၵဝ်ယုၵ်ႉမိုဝ်းတိူင်ႇဝႃႈတီႈၶဝ်လႄႈ ဝႃႈၵဝ်ပဵၼ်ထႃႇဝရႃႉၽြႃးၽြႃးပဵၼ်ၸဝ်ႈ သူႇဢေႃႈ၊ ဝႃႈၼင်ႇၼႆၼၼ်ႉ
၆ ၼႂ်းမိူဝ်ႉဝၼ်းၼၼ်ႉၵဝ်ယုၵ်ႉမိုဝ်းတိူင်ႇဝႃႈတီႈၶဝ် ႁႂ်ႈလႆႈၼုၵ်ႈဢဝ်ၶဝ်ဢွၵ်ႇသေၵႃႈၼႂ်းမိူင်းဢေႇၵႅပ်ႉတုလႄႈ ဢဝ်ၶဝ်ၵႂႃႇၵႃႈတီႈမိူင်းဢၼ်ၵဝ်ႁၼ်ဝႆႉပုၼ်ႈၶဝ်၊ မိူင်းဢၼ်ၼမ်ႉၼူမ်းတင်းၼမ်ႉၽိုင်ႈၸၢင်ႊလႆယူႇ၊ မိူင်းဢၼ်ပဵၼ်ၸိၵ်းပဵၼ်ၸွမ်မိူင်းတင်းသဵင်ႈတင်းလူင်ၼၼ်ႉဢေႃႈ။
၇ ပိၵ်ႉသမ်ႉၵဝ်လၢတ်ႈတီႈၶဝ်လႄႈဝႃႈ သူဢွၼ်ၵၼ်ၸုၼ်ႉပႅတ်ႈလွင်ႈတၢင်းဢၼ်လီႁင်ႈဢဵတ်ႇသဵတ်ႇ တီႈမၢၵ်ႇတႃသူၸိူဝ်းၼၼ်ႉႁင်းၽႂ်ႁင်းမၼ်းတႃႉ။ယႃႇပေဢဝ်ရုၵ်ႉထူႉမိူင်းဢေႇၵႅပ်ႉတုၸိူဝ်းၼၼ်ႉႁႂ်ႈတူဝ်သူလႆႈၵူဝ်ႈလႆႈၵိူၵ်ႇ။ၵဝ်ပဵၼ်ထႃႇဝရႃႉၽြႃးၽြႃးပဵၼ်ၸဝ်ႈသူဢေႃႈ၊ဝႃႈၼင်ႇၼႆသေ ၵေႃႈ၊ ၶဝ်ဢွၼ်ၵၼ်လုၵ်ႉၽိုၼ်ႉၵဝ်လႄႈဢမ်ႇထွမ်ႇဢမ်ႇဢဝ်ၵႂၢမ်းၵဝ်။
၈ ၶဝ်ယင်းဢမ်ႇၸုၼ်ႉပႅတ်ႈလွင်ႈတၢင်းဢၼ်လီႁင်ႈဢဵတ်ႇသဵတ်ႇ တီႈမၢၵ်ႇတႃၶဝ်ၸိူဝ်းၼၼ်ႉႁင်းၽႂ်ႁင်းမၼ်းလႄႈယင်းဢမ်ႇဝႄႈပႅတ်ႈရုၵ်ႉထူႉဢေႇၵႅပ်ႉတုၸိူဝ်းၼၼ်ႉလႄႈဢွၼ်ၵၼ်ယူႇဢေႃႈ။ပိူဝ်ႈဢၼ်ပဵၼ်ၼင်ႇၼၼ်လႄႈ ၵဝ်ၵျၢမ်ႇပွင်တၵ်းဢဝ်ဢၢႆႁႅင်းတေႃးသႃႉတၢင်းၸႂ်မႆႈၶႂ်ႈၸႃႉၵဝ်သွၼ်းလေႃႇ ၵႃႈၼိူဝ်ၶဝ်ႁႂ်ႈၸႂ်တေႃးသႃႉၵဝ်လႆႈပျေႇ တီႈၶဝ်ၵႃႈၼႂ်းမိူင်း ဢေႇၵိပ်ႉတုၼၼ်ႉဢေႃႈ။
၉ ၼႂ်းဝႃႈၼၼ်သေၵေႃႈၵဝ်ၸီႇယၢင်ႇႁဵတ်း ပုၼ်ႈၼႃႇမႃႉၸိုဝ်သဵင်ၵဝ်ႁႂ်ႈသရေႇဢမ်ႇလႆႈလူႉ ၵႃႈတီႈၽၢႆႇၼႃႈၵူၼ်းတၢင်ႇၸိူဝ်ႉတၢင်ႇမဵဝ်း တီႈဢၼ်ၶဝ်ယူႇၶဝ်သဝ်းလႄႈထၢင်ႇသႃးပေႃႇမႃးၵႃႈတီႈၽၢႆႇၼႃႈၵူၼ်းတၢင်ႇၸိူဝ်ႉတၢင်ႇမဵဝ်း ယူႇသေလႄႈၼုၵ်ႈဢဝ်ၶဝ်ဢွၵ်ႇသေၵႃႈၼႂ်းမိူင်းဢေႇၵိပ်ႉတုမႃးၼၼ်ႉဢေႃႈ။
၁၀ ၼင်ႇၼၼ်လႄႈ ၵဝ်ႁႂ်ႈၶဝ်ဢွၵ်ႇသေၵႃႈၼႂ်းမိူင်းဢေႇၵိပ်ႉတုလႄႈ ဢဝ်ၶဝ်သူင်ႇႁွတ်ႈၵႃႈတီႈၼႂ်းထိူၼ်ႇသေ ယဝ်ႉ၊
၁၁ ၵဝ်ပၼ်ထုင်းၾိင်ႈတြႃးၵဝ်တင်းလၢႆတီႈၶဝ်လႄႈၽုၺ်ႇဢွၵ်ႇၼႄႇပျႃႉ လွင်ႈတၢင်းဢၼ်ၵဝ်ၸီႇယၢင်ႇဝႆႉဢၼ်ပဵၼ်လွင်ႈဢၼ်ဢသၢၵ်ႈၵေႃႉဢၼ်ၵမ်ၵျၢင်ႉ ၼၼ်ႉတၵ်းလႆႈလိပ်းၼၼ်ႉၸိူဝ်းၼၼ်ႉဢေႃႈ။
၁၂ လိူဝ်သေၼၼ်ႉၵဝ်ပၼ်ဝၼ်းၵမ်သိၼ်ၵဝ်တင်းလၢႆ ဝႆႉတီႈၶဝ်ႁႂ်ႈပဵၼ်လၵ်ႉၶၼႃႇသၢၵ်ႈသေႇ ၵႃႈတီႈၵႄႈဝူင်ႈၵၢင်ႁဝ်းတင်းၶဝ် ႁႂ်ႈၶဝ်လႆႈႁူႉလွင်ႈဢၼ်ၵဝ်ထႃႇဝရႃႉၽြႃးႁႂ်ႈ ၶဝ်မူတ်းၸၢင်ႇၼၼ်ႉဢေႃႈ။
၁၃ ၼႂ်းဝႃႈၼၼ်သေၵေႃႈမဵဝ်းဢိသရေႇလ လုၵ်ႉၽိုၼ်ႉၵဝ် ၵႃႈၼႂ်းထိူၼ်ႇလႄႈဢမ်ႇၸွမ်းသဵၼ်ႈတၢင်း ထုင်းၾိင်ႈတြႃးၵဝ်တၢင်းလၢႆၼၼ်ႉ။ၶဝ်ဢွၼ်ၵၼ်ႁဵတ်းဢမ်ႇပေႃးၼင်ႇႁိုဝ်တီႈလွင်ႈတၢင်းဢၼ်ၵဝ်ၸီႇယၢင်ႇဝႆႉ ဢၼ်ပဵၼ်လွင်ႈဢၼ်ဢသၢၵ်ႈၵေႃႉဢၼ်ၵမ်ၵျၢင်ႉၼၼ်ႉ တၵ်းလႆႈလဵပ်းၼၼ်ႉလႄႈၶျႃး ဝၼ်းၵမ်သိၼ်ၵဝ်တင်းလၢႆတူၵ်းတီႈတႅမ်ႇၼႃႇလူင်လၢင်ဢေႃႈ။မိူဝ်ႈၼၼ်ႉၵဝ်ၵျၢမ်ႇပွင်တၵ်းဢဝ်ဢၢႆႁႅင်းတၢင်းၸႂ်မႆႈၶႂ်ႈၸႃႉၵဝ် သွၼ်းလေႃႇၵႃႈၼိူဝ်ၶဝ် ႁႂ်ႈလႆႈယႃႉၽဵဝ်ႈၶဝ်ပႅတ်ႈဢေႃႈ။
၁၄ ၵူၺ်းၵႃႈၵဝ်ၸီႇယၢင်ႇႁဵတ်းပုၼ်ႈၼႃႇမႃႉၸိုဝ်သဵင်ၵဝ် ႁႂ်ႈသရေႇဢမ်ႇလႆႈလူႉၵႃႈတီႈၽၢႆႇၼႃႈၵူၼ်းတၢင်ႇၸိူဝ်ႉတၢင်ႇမဵဝ်း ဢၼ်ႁၼ်ၵျေးၸူး တၢင်းဢၼ်ႈၵဝ်တၵ်းဢဝ်ၶဝ်ဢွၵ်ႇမႃးၼၼ်ႉ ဢေႃႈ။
၁၅ လၢႆးသမ်ႉၵဝ်ယုၵ်ႉမိုဝ်းတိူင်ႇဝႃႈတီႈၶဝ်ၵႃႈၼႂ်းထိူၼ်ႇၼၼ်ႉ လူၺ်ႈလွင်ႈဢၼ်ၵဝ်တၵ်းဢမ်ႇဢဝ်ၶဝ်သူင်ႇႁွတ်ႈၵႃႈၼႂ်းမိူင်းဢၼ်ၵဝ်ပၼ်တီႈၶဝ်၊ မိူင်းဢၼ်ၼမ်ႉၼူမ်းတင်းၽိုင်ႈတင်းလၢႆၸၢင်ႊလႆယူႇ၊ မိူင်းဢၼ်ပဵၼ်ၸိၵ်းပဵၼ်ၸွမ်မိူင်းတင်းသဵင်ႈတင်းလူင်ၼၼ်ႉ ဢေႃႈ။
၁၆ လွင်ႈမၼ်းၸမ်းၵွပ်ႈပိူဝ်ႈဢၼ်ၶဝ်ၸႂ်ၸပ်းၸႂ်ပႅၼ်းရုၵ်ႉထူႉလႄႈ ၶဝ်ဢွၼ်ၵၼ်ႁဵတ်းဢမ်ႇပေႃးၼင်ႇႁိုဝ်တီႈလွင်ႈတၢင်းဢၼ် ၵဝ်ၸီႇယၢင်ႇဝႆႉၸိူဝ်းၼၼ်ႉလႄႈ ဢမ်ႇၸွမ်းသဵၼ်ႈတၢင်းထုင်းၾိင်ႈတြႃးၵဝ်တင်းလၢႆသေလႄႈၶျႃးဝၼ်းၵမ်သိၼ်ၵဝ်တူၵ်းတီႈတႅမ်ႇ ဢေႃႈ။
၁၇ ၼႂ်းဝႃႈၼၼ်သေၵေႃႈမၢၵ်ႇတႃၵဝ်သေလၢႆၶဝ်ၼႂ်းတၢင်းဢၼ်ၶဝ်ယႃႉပႅတ်ႈၼၼ်ႉလႄႈ ဢမ်ႇႁဵတ်းႁႂ်ႈၶဝ်သုမ်းၸွမ်းပႅတ်ႈၵႃႈၼႂ်းထိူၼ်ႇၼၼ်ႉ။
၁၈ ၵဝ်လၢတ်ႈတီႈလုၵ်ႈၶဝ်လၢၼ်ၶဝ် ၵႃႈၼႂ်းထိူၼ်ႇၼၼ်ႉလႄႈဝႃႈ ယႃႇပေဢွၼ်ၵၼ်ၸွမ်းသဵၼ်ႈတၢင်းထုင်းၾိင်ႈတြႃးပူႇသူမွၼ်ႇသူၸိူဝ်းၼၼ်ႉ။ယႃႇပေၵမ်ၵျၢင်ႉလွင်ႈတၢင်းဢၼ်ၶဝ်ၸီႇယၢင်ႇဝႆႉၸိူဝ်းၼၼ်ႉ။ယႃႇပေႁႂ်ႈ တူဝ်သူလႆႈၵူဝ်ႈၵိူၵ်ႇလူၺ်ႈရုၵ်ႉထူႉၶဝ်ၸိူဝ်းၼၼ်ႉ။
၁၉ ၵဝ်ၼႆႉပဵၼ်ထႃႇဝရႃႉၽြႃးၽြႃးပဵၼ်ၸဝ်ႈသူဢေႃႈ။ ဢွၼ်ၵၼ်ၸွမ်းသဵၼ်ႈတၢင်း ထုင်းၾိင်ႈတြႃးၵဝ်ၸိူဝ်းၼၼ်ႉလႄႈၵမ်ၵျၢင်ႉ လွင်ႈတၢင်းဢၼ်ၵဝ်ၸီႇယၢင်ႇဝႆႉၸိူဝ်း ၼၼ်ႉသေလႄႈႁဵတ်းၸွမ်းတႃႉ။
၂၀ ဢွၼ်ၵၼ်ႁႂ်ႈဝၼ်းၵမ်သိၼ်ၵဝ်တင်းလၢႆမူတ်းၸၢင်ႇတႃႉ။ဝၼ်းၵမ်သိၼ်ၸိူဝ်းၼၼ်ႉတၵ်းပဵၼ်လၵ်ႉၶၼႃႇသၢၵ်ႈသေႇ ၵႃႈတီႈၵႄႈဝူင်ႈၵၢင်သူတင်းၵဝ်ႁႂ်ႈသူလႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးၽြႃးပဵၼ်ၸဝ်ႈသူဢေႃႈ ဝႃႈၼင်ႇၼႆဢေႃႈ။
၂၁ ၵူၺ်းၵႃႈလုၵ်ႈၶဝ်လၢၼ်ၶဝ်ၼၼ်ႉ ဢွၼ်ၵၼ်လုၵ်ႉၽိုၼ်ႉၵဝ်လႄႈဢမ်ႇၸွမ်းသဵၼ်ႈတၢင်းထုင်းၾိင်ႈတြႃး ၵဝ်ၸိူဝ်းၼၼ်ႉ၊ ဢမ်ႇၵမ်ၵျၢင်ႉလွင်ႈတၢင်းဢၼ်ၵဝ်ၸီႇယၢင်ႇဝႆႉဢၼ်ပဵၼ်လွင်ႈဢၼ်ဢသၢၵ်ႈၵေႃႉဢၼ်ၵမ်ၵျၢင်ႉၼၼ်ႉ တၵ်းလႆႈလိပ်းၼၼ်ႉလႄႈ ၶျႃးဝၼ်းၵမ်သိၼ်ၵဝ်တင်းလၢႆတူၵ်းတီႈတႅမ်ႇဢေႃႈ။မိူဝ်ႈၼၼ်ႉၵဝ်ၵျၢမ်ႇပွင် တၵ်းဢဝ်ဢၢႆႁႅင်းတေႃးသႃႉတၢင်းၸႂ်မႆႈၶႂ်ႈၸႃႉၵဝ်သွၼ်းလေႃႇၵႃႈၼိူဝ်ၶဝ်ႁႂ်ႈတေႃး သႃႉ ၵဝ်ပျေႇတီႈၶဝ်ၵႃႈၼႂ်းထိူၼ်ႇၼၼ်ႉဢေႃႈ။
၂၂ ၼႂ်းဝႃႈၼၼ်သေၵေႃႈ ၵဝ်ယိုတ်းဢဝ်မိုဝ်းၵဝ်ၶိုၼ်းလႄႈၸီႇယၢင်ႇႁဵတ်းပုၼ်ႈၼႃႇမႃႉၸိုဝ်သဵင်ၵဝ် ႁႂ်ႈသရေႇဢမ်ႇလႆႈလူႉၵႃႈတီႈၽၢႆႇၼႃႈၵူၼ်းတၢင်ႇၸိူဝ်ႉတၢင်ႇမဵဝ်း ဢၼ်ႁၼ်ၵျေးၸူးတၢင်းဢၼ် ၵဝ်ၵႄႇသႄႇၼုၵ်ႈဢဝ်ၶဝ်ဢွၵ်ႇ မႃးၼၼ်ႉဢေႃႈ။
၂၃ လၢႆးသမ်ႉၵဝ်ယုၵ်ႉမိုဝ်းတိူင်ႇဝႃႈတီႈၶဝ်ၵႃႈၼႂ်းထိူၼ်ႇၼၼ်ႉ ႁႂ်ႈလႆႈဢဝ်ၶဝ်ၸၢတ်ႇပိုၼ်ပႅတ်ႈၵႃႈၼႂ်းၵူၼ်းၵူႈၸိူဝ်ႉၵူႈမဵဝ်းလႄႈ ၽၢတ်ႇၽႄႈၵၼ်ၵႂႃႇ ၵႃႈၼႂ်းၵူႈသိုင်ႇၵူႈမိူင်းဢေႃႈ။
၂၄ လွင်ႈမၼ်းၸမ်းၵွပ်ႈပိူဝ်ႈဢၼ်ၶဝ်ၸႂ်ၸပ်းၸႂ်ပႅၼ်းရုၵ်ႉထူႉပူႇၶဝ်မွၼ်ႇၶဝ် ၸိူဝ်းၼၼ်ႉလႄႈ ၶဝ်ယင်းဢမ်ႇပႂ်ႉၵမ်ပႂ်ႉၸွမ်း လွင်ႈတၢင်းဢၼ်ၵဝ်ၸီႇယၢင်ႇဝႆႉၸိူဝ်းၼၼ်ႉလႄႈ ဢွၼ်ၵၼ်ႁဵတ်းဢမ်ႇပေႃးၼင်ႇႁိုဝ် တီႈထုင်းၾိင်ႈတြႃးၵဝ်ၸိူဝ်းၼၼ်ႉသေလႄႈ ၶျႃးဝၼ်းၵမ်သိၼ်တင်းလၢႆတူၵ်းတီႈတႅမ်ႇ ဢေႃႈ။
၂၅ ပိူဝ်ႈဢၼ်ပဵၼ်ၼင်ႇၼၼ်လႄႈၵဝ်ပၼ်ထုင်းၾိင်ႈတြႃး ဢၼ်လီဢၼ်ငၢမ်းဢိၵ်ႇတင်းလွင်ႈတၢင်းဢၼ်ၸီႇယၢင်ႇ ဢၼ်ဢသၢၵ်ႈဢမ်ႇလႆႈလိပ်းၸိူဝ်း ၼၼ်ႉဝႆႉတီႈၶဝ်ဢေႃႈ။
၂၆ ၵဝ်ႁႂ်ႈၶဝ်ၵူဝ်ႈၵိူၵ်ႇလူၺ်ႈတႃႇၼႃႉတၢင်းလူႇၶဝ် ၼႂ်းလွင်ႈဢၼ်ၶဝ်ဢဝ်လုၵ်ႈတူၼ်ႈၶဝ်တင်းသဵင်ႈတင်းလူင် ပုၵ်ႉၸေႃႇလူၺ်ႈၽႆးၼၼ်ႉႁႂ်ႈလႆႈယႃႉၽဵဝ်ႈၶဝ်ပႅတ်ႈလႄႈ ႁႂ်ႈၶဝ်လႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးဢေႃႈ၊ဝႃႈၼင်ႇၼႆတႃႉ။
၂၇ ပိူဝ်ႈဢၼ်ပဵၼ်ၼင်ၼႆလႄႈလုၵ်ႈၵူၼ်းဢိူၺ်း။မႂ်းလၢတ်ႈတီႈမဵဝ်းဢိသရေႇလလႄႈဝႃႈ၊ ထႃႇဝရႃႉၽြႃးမီးဢမိင်ႉလႄႈဝႃႈ၊-ပူႇသူမွၼ်ႇသူၸိူဝ်းၼၼ်ႉဢွၼ်ၵၼ်ၽိတ်းပိူင်ႈၵဝ်ၼႂ်းလွင်ႈဢၼ် ၶဝ်ႁဵတ်းတၢင်းဢၼ်ပႅတ်ႉ ဢၼ်လႅၼ်သေလႄႈ
၂၈ ပူၼ်ႉလိူဝ်ၵဝ်ၼၼ်ႉၸမ်းမိူဝ်ႈဢၼ်ၵဝ်ဢဝ်ၶဝ်သႂၢင်းၶဝ်ႈ ၵႃႈၼႂ်းမိူင်းဢၼ်ၵဝ်ယုၵ်ႉမိုဝ်းတိူင်ႇဝႃႈႁႂ်ႈလႆႈပၼ်တီႈၶဝ်ၼၼ်ႉ ၶဝ်ဢွၼ်ၵၼ်လူတူၺ်းလွႆဢၼ်သုင်ၵႃႈမီး၊ တူၼ်ႈမႆႉဢၼ်ၼႃတၼ်ၼႃႇ ၵႃႈမီးၼၼ်ႉလႄႈပုၵ်ႉၸေႃႇယိၸ်ႉၵႃႈတီႈၼၼ်ႉ။တင်ႈတမ်းတႃႇၼႃႉတၢင်းလူႇ ဢၼ်တိုၵ်းယူင်းတၢင်းၸႂ်မႆႈၶႂ်ႈၸႃႉၵဝ်ၵႃႈတီႈၼၼ်ႉလႄႈ ဢဝ်ၶိူင်ႈပုၵ်ႉၸေႃႇဢၼ်သွၼ်းလေႃႇသွၼ်းလေႃႇ ၵႃႈတီႈၼၼ်ႉဢေႃႈ။
၂၉ ၵဝ်ၵေႃႈထၢမ်တီႈၶဝ်လႄႈဝႃႈ တီႈဢၼ်သုင်ဢၼ်သူၸၢင်ႊၵႂႃႇၸူးၼၼ်ႉၸမ်း ပဵၼ်ၸိူဝ်ႉၼင်ႇႁိုဝ်ဝႃႈၼင်ႇၼႆသေၵေႃႈတီႈၼၼ်ႉ လႆႈၶၢမ်ႇတၢင်းဢၼ်ႁွင်ႉႁိၵ်ႈၸိုဝ် ထႃႇၼႃႉတီႈသုင်ယူႇတေႃႇထိုင်ႁွတ်ႈဝၼ်းမိူင်ႈၼႆႉဢေႃႈ၊ဝႃႈၼင်ႇၼႆတႃႉ။
တၢင်းဢၼ်ပၼ်တၢမ်ႇလႄႈၶိုၼ်းၶျွတ်ႈဢဝ်
၃၀ ပိူဝ်ႈဢၼ်ပဵၼ်ၼင်ႇၼႆလႄႈမႂ်းလၢတ်ႈတီႈၵူၼ်းမဵဝ်းဢိသရေႇလ လႄႈဝႃႈၸဝ်ႈထႃႇဝရႃႉၽြႃးမီးဢမိင်ႉလႄႈဝႃႈၸမ်း၊-သူယင်းတိုၵ်ႉႁႂ်ႈတူဝ်သူၵူဝ်ႈၵိူၵ်ႇၸွမ်းၵႃႈၼင်ႇထုင်းၸၢမ်ႇပူႇသူမွၼ်ႇသူၼၼ်ႉယူႇႁိုဝ်။ သူယင်းတိုၵ်ႉႁဵတ်းၸွမ်း လွင်ႈတၢင်းဢၼ်လီႁင်ႈဢဵတ်ႇသဵတ်ႇဢၼ်ၶဝ်ႁဵတ်းၼၼ်ႉလႄႈၽိတ်းပိူင်ႈယူႇႁိုဝ်။
၃၁ ၼႂ်းမိူဝ်ႈဢၼ်သူပုၵ်ႉၸေႃႇထႃႇၼႃႉတၢင်းလူသူ ၼႂ်းမိူဝ်ႈဢၼ်သူဢဝ်လုၵ်ႈသူလၢင်းသူ ပုၵ်ႉၸေႃႇလူၺ်ႈၽႆးၼၼ်ႉယူႇၼၼ်ႉၸိုင် သူႁႂ်ႈတူဝ်သူၵူဝ်ႈၵိူၵ်ႇလူၺ်ႈရုၵ်ႉထူႉၵႃႈမီးၼၼ်ႉ တေႃႇထိုင်ႁွတ်ႈဝၼ်းမိူဝ်ႈၼႆႉယူႇႁိုဝ်။ပိူဝ်ႈၼႆလႄႈၵဝ်တၵ်းလႆႈၶၢမ်ႇတၢင်းဢၼ်သူလဝ်ႈသူထၢမ်ႁိုဝ်။မဵဝ်းဢိသရေႇလဢိူၺ်း။ၵႃႈၼင်ႇဢၼ်ၵဝ်ထႃႇဝရႃႉၽြႃးဢသၢၵ်ႈလိပ်းယူႇၼၼ်ႉ ၵဝ်တၵ်းဢမ်ႇ ၶၢမ်ႇတၢင်းဢၼ်သူလဝ်သူထၢမ်ၼၼ်ႉ။
၃၂ တၢင်းၵျၢမ်ႇတၢင်းပွင်ဢၼ်သူၵျၢမ်ႇပွင်ၼႂ်းၸႂ်လႄႈ ဝႃႈႁဝ်းတၵ်းပဵၼ်ၸိူဝ်ႉၼင်ႇ ၵူၼ်းတၢင်ႇၸိူဝ်ႉတၢင်ႇမဵဝ်းတင်းလၢႆလႄႈ တၵ်းပဵၼ်ၸိူဝ်ႉၼင်ႇၵူၼ်းဝၢၼ်ႈၵူၼ်းမိူင်းတင်းလၢႆဢၼ်ၵူဝ်းၵႂၢႆႇႁဵတ်းဝတ်ႈတီႈၽြႃးမႆႉၽြႃးမၢၵ်ႇႁိၼ်ၸိူဝ်းၼၼ်ႉဢေႃႈ၊ ဝႃႈၼင်ႇၼႆၼၼ်ႉတၵ်းဢမ်ႇ လႆႈပဵၼ်လႃးလႃး။
၃၃ ၸဝ်ႈထႃႇဝရႃႉၽြႃးမီးဢမိင်ႉၸမ်းၵႃႈၼင်ႇဢၼ်ၵဝ်ဢသၢၵ်ႈလိပ်းယူႇၼၼ်ႉ ၵဝ်တၵ်းဢဝ်မိုဝ်းဢၼ်ႁႅင်း ယႂ်ႇၼႃႇ၊ ၶႅၼ်ဢၼ်ယဵတ်ႇယိုၼ်း၊ဢၢႆႁႅင်းတေႃးသႃႉဢၼ်သွၼ်းလေႃႇၼၼ်ႉ ဢုပ်ႉပိူင်ႇသူ ဢေႃႈ။
၃၄ ၵဝ်တၵ်းဢဝ်မိုဝ်းဢၼ်ႁႅင်း ယႂ်ႇ၊ ၶႅၼ်ဢၼ်ယဵတ်ႇယိုၼ်း၊ ဢၢႆႁႅင်းတေႃႇသႃႉဢၼ်သွၼ်းလေႃႇၼၼ်ႉ ၼုၵ်ႈဢဝ်သူဢွၵ်ႇသေၵႃႈၼႂ်းမဵဝ်းၵူၼ်းတင်းလၢႆမႃးလႄႈ ဢဝ်သူဢွၵ်ႇသေၵႃႈၼႂ်းၵူႈသိုင်ႇၵူႈမိူင်းတီႈဢၼ်ယူႇလႆႈၶၢမ်ႇတၢင်းဢၼ်ဢဝ် ၸၢတ်ႇပိုၼ် ပႅတ်ႈၸိူဝ်းၼၼ်ႉမႃးၸူႉၵၼ်တုမ်ၵၼ်ဢေႃႈ။
၃၅ ၵဝ်တၵ်းဢဝ်သူမႃးၵႃႈၼႂ်းထိူၼ်ႇ ဢၼ်ၸၢပ်ႈသႅင်ႇၵၼ်တင်းမဵဝ်းၵူၼ်းတင်းလၢႆလႄႈ ၵဝ်တၵ်းဢဝ်ၼႃႈတေႃႇၼႃႈၵၼ်တင်းသူ ထူပ်းတြႃးၵၼ်တင်းသူ ၵႃႈတီႈၼၼ်ႉ ဢေႃႈ။
၃၆ ၸိူဝ်ႉၼင်ဢၼ်ၵဝ်ထူပ်းတြႃးၵၼ်တင်းပူႇသူမွၼ်ႇသူၵႃႈၼႂ်းထိူၼ်ႇမိူင်းဢေႇၵႅပ်ႉတုၼၼ်ႉ ၵဝ်တၵ်း ထူပ်းတြႃးၵၼ်တင်းသူဢေႃႈ။
၃၇ ၵဝ်တၵ်းႁႂ်ႈသူလႆႈၵႂႃႇလႆႈပႆၵႃႈတီႈတႂ်ႈၶွၼ်ႉၶွမ်ႈၶွၼ်ႉႁေႃႈလႄႈ ၶၢမ်ႇတၢင်း ဢၼ်ဢဝ်ပတိၺိၼ်ႇမတ်ႉဝႆႉၽုၵ်ႈဝႆႉဢေႃႈ။
၃၈ ၵဝ်တၵ်းၼုၵ်ႈထွၼ် ၶဝ်ၸိူဝ်းဢၼ်လုၵ်ႉၽိုၼ်ႉၵဝ်ဢိၵ်ႇတင်းၶဝ်ၸိူဝ်းဢၼ်ၽိတ်းပိူင်ႈၵဝ်ၼၼ်ႉပႅတ်ႈသေ ၵႃႈၼႂ်းသူလႄႈ ပိၵ်ႉသမ်ႉၵဝ်လႆႈဢဝ်ၶဝ်ဢွၵ်ႇသေၵႃႈၼႂ်းမိူင်းတီႈဢၼ် ၶဝ်သွၼ်ႈပိုင်ႈယူၼၼ်ႉယဝ်ႉသေၵေႃႈ ၶဝ်ဢမ်ႇလႆႈဢွၼ်ၵၼ်ၶဝ်ႈၵႃႈၼႂ်းမိူင်းဢိသရေႇလ။ သူတၵ်းလႆႈႁူႉလွင်ႈဢၼ် ၵဝ်ပဵၼ်ထႃႇဝရႃႉၽြႃးၼၼ်ႉ ဢေႃႈ။
၃၉ မဵဝ်းဢိသရေႇလဢိူၺ်း။ၸဝ်ႈထႃႇဝရႃႉၽြႃးမီးဢမိင်ႉၸမ်း၊- ဢွၼ်ၵၼ်ၵႂႃႇလႄႈႁဵတ်းဝၢတ်ႈတီႈရုၵ်ႉထူႉသူၸိူဝ်းၼၼ်ႉႁင်းၽႂ်ႁင်းမၼ်းတႃႉ။ၼႂ်းဝႃႈၼၼ်သေၵေႃႈ ၵမ်းလိုၼ်း ပိၵ်ႉသမ်ႉသူဢမ်ႇထွမ်ႇဢမ်ဢဝ်ၵႂၢမ်းၵဝ်သေၵေႃႈ ၼႃႇမႃႉၸိုဝ်သဵင်ၵဝ် ဢၼ်မူတ်းၸၢင်ႇၼၼ်ႉ ယင်းဢမ်ႇလႆႈၶၢမ်ႇတၢင်းဢၼ်ၶျႃးတူၵ်းတီႈတႅမ်ႇၵွပ်ႈပိူဝ်ႈတႃႇၼႃႉတၢင်းလူႇသူ ဢိၵ်ႇတင်းရုၵ်ႉ ထူႉသူၸိူဝ်းၼၼ်ႉလႄႈတၵ်းလႆႈယူႇဢေႃႈ။
၄၀ လွင်ႈမၼ်းၸမ်းၵူၼ်းမဵဝ်းဢိသရေႇလၵႃႈမီး၊ ၵူၼ်းဝၢၼ်ႈၵူၼ်းမိူင်းတင်းသဵင်ႈတင်းလူင် တၵ်းဢွၼ်ၵၼ်ႁဵတ်းဝၢတ်ႈတီႈၵဝ်ၵႃႈၼိူဝ်လွႆဢၼ်မူတ်းၸၢင်ႇၵဝ်၊ ၵႃႈၼိူဝ်လွႆဢိသရေႇလဢၼ်သုင်ၼႃႇသေပိူၼ်ႈၼၼ်ႉဢေႃႈ။ၵဝ်ၵေႃႈတၵ်းႁပ်ႉတုင်းဢဝ်ၶဝ်ၵႃႈတီႈၼၼ်ႉလႄႈ ယွၼ်းဢဝ်တၢင်းပုၵ်ႉၸေႃႇ ဢၼ်သူႁဵတ်းတင်းလၢႆ ဢိၵ်ႇတင်းမၢၵ်ႇႁူင်း ဢၼ်လႆႈလိူၵ်ႈဢဝ်ၵႃႈၼႂ်းမၢၵ်ႇဢၼ်မၢၵ်ႇဢွၼ်တၢင်းသူၸိူဝ်းၼၼ်ႉ တင်းၶိူင်ႈဢၼ်မူတ်းၸၢင်ႇသူႇၵႃႈမီးၼၼ်ႉၵႃႈတီႈၼၼ်ႉဢေႃႈ။
၄၁ မိူဝ်ႈဢၼ် ၵဝ်ၼုၵ်ႈဢဝ်သူဢွၵ်ႇသေၵႃႈၼႂ်းမဵဝ်းၵူၼ်းတင်းလၢႆမႃးလႄႈ ဢဝ်သူဢွၵ်ႇသေၵႃႈၼႂ်းၵူႈသိုင်ႇၵူႈမိူင်းတီႈဢၼ်သူ လႆႈၶၢမ်ႇတၢင်းဢၼ် ဢဝ်ၸၢတ်ႇပိုၼ်ၸိူဝ်းၼၼ်ႉ မႃးၸူႉၵၼ်တုမ်ၵၼ်ၼၼ်ႉၸိုင် ၵဝ်တၵ်းႁပ်ႉတုင်းဢဝ်သူဢိၵ်ႇလူၺ်ႈၵၼ်တင်းၼၢမ်ႇသႃႇဢၼ်ႁွမ်ဢၼ်ႁူၺ်းသူၼၼ်ႉလႄႈ ၶၢမ်ႇတၢင်းဢၼ် မူတ်းၸၢင်ႇၵႃႈၼႂ်းသူသိုဝ်ႈၼႃႈတႂ်ႈတႃၵူၼ်းၵူႈ ၸိူဝ်ႉၵူႈမဵဝ်းဢေႃႈ။
၄၂ သူတၵ်းလႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃး ၼႂ်းမိူဝ်ႈဢၼ်ၵဝ်ဢဝ်သူသႂၢင်းၶဝ်ႈၵႃႈၼႂ်းမိူင်းဢိသရေႇလ မိူင်းဢၼ်ၵဝ်ယုၵ်ႉမိုဝ်းတိူင်ႇဝႃႈ ႁႂ်ႈလႆႈပၼ်တီႈပူႇသူမွၼ်ႇသူၼၼ်ႉႉဢေႃႈ။
၄၃ သူတၵ်းၶုၵ်းၸႂ်လႆႈၶႆႈၸႂ်ထူပ်းသဵၼ်ႈတၢင်းသူ၊လွင်ႈ တၢင်းဢၼ်သူၵမ်ၵျၢင်ႉသၢင်ႈႁဵတ်းၵႃႈမီး ဢၼ်သူႁႂ်ႈတူဝ်သူၵူဝ်ႈၵိူၵ်ႇလူၺ်ႈၼၼ်ႉၸိူဝ်းၼၼ်ႉၵႃႈတီႈၼၼ်ႉလႄႈ တူဝ်သူတၵ်းလီႁင်ႈတူဝ်သူၵွပ်ႈပိူဝ်ႈတူႉၸရိူၵ်ႈ ၵႃႈဢၼ်သူႁဵတ်းမႅၼ်ႈၼၼ်ႉဢေႃႈ။
၄၄ ၵူၼ်းမဵဝ်းဢိသရေႇလၶဝ်ဢိူၺ်း။ သူတၵ်းလႆႈႁူႉလွင်ႈဢၼ် ၵဝ်ပဵၼ်ထႃႇဝရႃႉၽြႃးၼႂ်းမိူဝ်ႈဢၼ်ထွၵ်ႈလူၺ်ႈၼႃႇမႃႉၸိုဝ်ႈသဵင်ၵဝ်သေလႄႈ ၸီႇယၢင်ႇတီႈသူဢၼ်မႅၼ်ႈၸွမ်းတူႉၸရိူၵ်ႈသူဢိၵ်ႇတင်း တၢင်းၵမ်တၢင်းၵျၢင်ႉဢၼ်ႁၢႆႉယုတ်ႈသူၸိူဝ်းၼၼ်ႉဢေႃႈ၊ ဝႃႈၼင်ႇၼႆၸဝ်ႈထႃႇဝရႃႉၽြႃးမီးဢမိင်ႉယဝ်ႉ၊ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။
၄၅ လၢႆးသမ်ႉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ်လႄႈဝႃႈ၊- ၵူၼ်းဢိူၺ်း။ဝၢႆႇၼႃႈမႂ်းၵႂႃႇၽၢႆႇတၢင်းၸၢၼ်းယူႇသေလႄႈဢွၵ်ႇသူပ်းဝႃႈယူႇၽၢႆႇၼိုင်ႈ တင်းၼႃႈတၢင်းၸၢၼ်းၼၼ်ႉလႄႈ
၄၆ ႁေႃးလၢတ်ႈယူႇၽၢႆႇၼိုင်ႈတင်းထိူၼ်ႇဢၼ်မီးၵႃႈၼႂ်းပွတ်းတၢင်းၸၢၼ်းၼၼ်ႉသေလႄႈ လၢတ်ႈတီႈပႃႇမႆႉပႃႇတွၵ်ႇတီႈထိူၼ်ႈတီႈၶိူဝ်း ဢၼ်မီးၵႃႈၼႂ်းပွတ်းတၢင်းၸၢၼ်း ၼၼ်ႉလႄႈဝႃႈ၊-
၄၇ ထွမ်ႇငိၼ်းဢမိင်ႉၸဝ်ႈထႃႇဝရႃႉၽြႃးတႃႉ။ၸဝ်ႈထႃႇဝရႃႉၽြႃးမီးဢမိင်ႉၸမ်းၵဝ်တၵ်းဢဝ်ႆးၸပ်းတီႈမႂ်းလႄႈ ၽႆးၼၼ်ႉတၵ်းမႆႈတူၼ်ႈဢၼ်လိပ်းဢၼ်ၶဵဝ်ဢိၵ်ႇတင်း တူၼ်ႈဢၼ်လွၵ်ႇဢၼ်ႁႅင်ႈၵႃႈဢၼ်မီးၵႃႈတီႈမႂ်းၼၼ်ႉဢေႃႈ။ ပိဝ်ၽႆးဢၼ်မႆႈၼၼ်ႉဢမ်ႇလႆႈမွတ်ႇလႆႈယဵၼ်။တၵ်းမႆႈၼႃႈၵူၼ်းၵႃႈမီး ဢဝ်ၵႃႈတီႈၽၢႆႇတၢင်းၸၢၼ်း တေႃႇထိုင်ႁွတ်ႈၽၢႆႇတၢင်းႁွင်ႇဢေႃႈ။
၄၈ သတ်ႉတဝႃႇတင်းသဵင်ႈတင်းလူင် တၵ်းလႆႈႁူႉလွင်ႈဢၼ်ၵဝ်ဢဝ်ၽႆးၼၼ်ႉတုတ်ႇၼၼ်ႉလႄႈ ၽႆးၼၼ်ႉဢမ်ႇလႆႈမွတ်ႇယဵၼ်လႃးလႃး၊ ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။
၄၉ ၵဝ်ၵေႃႈလဝ်ႈလၢတ်ႈလႄႈဝႃႈ၊-ၸဝ်ႈထႃႇဝရႃႉၽြႃးတီႈၶႃႈ။ ၶဝ်ဢွၼ်ၵၼ်ဢဝ်လွင်ႈၶႃႈၸဝ်ႈသေလႄႈ လဝ်ႈလၢတ်ႈလႄႈဝႃႈ၊- ၵေႃႉၼႆႉၸၢင်ႊဢဝ်ၵႂၢမ်းဢပုမ်ႇတႅၵ်ႈသေလႄႈႁေႃးလၢတ်ႈၵူၺ်းဢမ်ႇၸႂ်ႈႁိုဝ်၊ ဝႃႈၼင်ႇၼႆတီႈၶႃႈယဝ်ႉ၊ ဝႃႈၼင်ႇၼႆဢေႃႈ။