၄၀
ဢွင်ႈတီႈပိၵ်ႉမၢၼ်ႇဢၼ်မႂ်ႇ
၁ ၼႂ်းပီႊဢၼ် ႁဝ်းလႆႈၶၢမ်ႇတၢင်းဢၼ်သိမ်းဢဝ်ၵႂႃႇလႄႈ ထူၼ်ႈထိုင်သၢဝ်းႁႃႈပီႊလိူၼ်ပထမသိပ်းဝၼ်းၼၼ်ႉၼႂ်းၽႆးမိူဝ်ႉဝၼ်းဢၼ် ယႃႉၽဵဝ်ႈဝဵင်းၸဝ်ႈပႅတ်ႈလႄႈၸေးသိပ်းသီႇပီႊၼၼ်ႉ ၼႂ်းဝၼ်းၼၼ်ႉၵမ်းလဵဝ်မိုဝ်းထႃႇဝရႃႉၽြႃးမီးၵႃႈၼိူဝ်ၵဝ်လႄႈ မၼ်းၸဝ်ႈဢဝ်ၵဝ် ၵႂႃႇၵႃႈတီႈဝဵင်းၼၼ်ႉဢေႃႈ။
၂ မၼ်းၸဝ်ႈဢဝ်ၵဝ်ၵႂႃႇၵႃႈတီႈမိူင်း ဢိသရေႇလ ၼႂ်းပျႃႇတိၵ်ႈရူႇပႃႇရုင်ႇၽြႃးပဵၼ်ၸဝ်ႈၸိူဝ်းၼၼ်ႉလႄႈ ဢဝ်ၵဝ်တၢင်ႇဝႆႉၵႃႈၼိူဝ်လွႆဢၼ်သုင်ၼႃႇၼၼ်ႉ ၵႃႈတီႈၽၢႆႇတၢင်းၸၢၼ်းမၼ်း ၼၼ်ႉမီးပုင်ႇႁၢင်ႊဝဵင်းဢေႃႈ။
၃ မိူဝ်ႈဢၼ်မၼ်းၸဝ်ႈဢဝ်ၵဝ်ၵႂႃႇၵႃႈတီႈၼၼ်ႉၼၼ်ႉၸိုင်မီးၵူၼ်းဢၼ်ႁၢင်ႊၽၢင်မၼ်းပဵၼ်ၸိူဝ်ႉၼင်ႇတွင်းလိူင်ဝႆႉလႄႈ ယိပ်းၵမ်ဢဝ်လႅမ်ႈမႆႉဢေႃႇဢိၵ်ႇတင်းၸိူၵ်ႈၵုၺ်ပုၼ်ႈဢၼ်တၵ်းတႅၵ်ႈၼၼ်ႉယူႇသေလႄႈၸုၵ်းယူႇၵႃႈတီႈႁူး ၽၵ်းတူဝဵင်းၼၼ်ႉၵေႃႉၼိုင်ႈဢေႃႈ။
၄ ၵေႃႉၼၼ်ႉလၢတ်ႈတီႈၵဝ်လႄႈဝႃႈ၊-လုၵ်ႈၵူၼ်းဢိူၺ်း။ဢဝ်မၢၵ်ႇတႃမႂ်းလူတူၺ်းလႄႈဢဝ်ႁူမႂ်းထွမ်ႇငိၼ်းတႃႉ။ဢဝ်ၵႃႈဢၼ်ၵဝ်တၵ်းၼႄပျႃးတီႈမႂ်းၼၼ်ႉ သႂၢင်း သႂ်ႇဝႆႉၵႃႈၼႂ်းမႂ်းတႃႉ။လွင်ႈၼင်ႇႁိုဝ်ၵဝ်တၵ်းလႆႈၼႄပျႃးလွင်ႈတၢင်းၸိူဝ်းၼႆႉတီႈမႂ်းၸိုင် မႂ်းလႆႈၶၢမ်ႇတၢင်းဢၼ်ဢဝ်မႃးၵႃႈတီႈၼႆႉယဝ်ႉ။မႂ်းတၵ်းလႆႈဢဝ်ၵႃႈဢၼ်မႂ်းႁၼ်ၼၼ်ႉၼႄပျႃးတီႈ မဵဝ်းဢိသရေႇလ ဢေႃႈ၊ ဝႃႈၼင်ႇၼႆ ဢေႃႈ။
၅ ၵႃႈတီႈၼွၵ်ႈလဵပ်ႈႁွပ်ႈႁိူၼ်းၸဝ်ႈၼၼ်ႉမီးတမ်ႇတိူင်းဢေႃႈ။ၵေႃႉဢၼ်ယိပ်းၵမ်ဢဝ်လႅမ်ႈမႆႉဢေႃႈဢၼ်တၢင်းယၢဝ်းမၼ်းမီးႁူၵ်းသွၵ်ႇ ဢၼ်ယေႈသွၵ်ႇယေႈသွၵ်ႇၼၼ်ႉမီးသွၵ်ႇပၢႆၶိုပ်ႈၼၼ်ႉ ယူႇသေလႄႈဢဝ်တႅၵ်ႈတူၺ်းတမ်ႇတိူင်းၼၼ်ႉလႄႈ ဢၼ်ၼႃႇမႃႉမၼ်းမီးလႅမ်ႈမႆႉဢေႃႈၼၼ်ႉတႅၵ်ႈၼိုင်ႈ၊ ဢၼ်သုင်မၼ်းၵေႃႈမီး လႅမ်ႈမႆႉဢေႃႇၼၼ်ႉတႅၵ်ႈၼိုင်ႈဢေႃႈ။
၆ လိုၼ်းၼၼ်ႉမၼ်းၵႂႃႇၸူးၵႃႈတီႈၽၵ်းတူၽၢႆႇၼႃႈတင်းဢွၵ်ႇလႄႈၶိုၼ်ႈၶၼ်ႈလႆမၼ်းသေယဝ်ႉတႅၵ်ႈတူၺ်းၶိုဝ်ႇၽၵ်းတူဢိၵ်ႇတင်းၶူင်ႇၽၵ်းတူလႄႈ ၼႃႈၼွႆႉမၼ်းမီးလႅမ်ႈမႆႉဢေႃႈၼၼ်ႉတႅၵ်ႈၼိုင်ႈၼင်ႇၵဝ်ႇဢေႃႈ။
၇ လုၵ်းဢွၼ်ႇတင်းလၢႆ ယေႈလုၵ်ႈၼႃႈယၢဝ်းမၼ်းမီးလႅမ်ႈမႆႉဢေႃႈၼၼ်ႉတႅၵ်ႈၼိုင်ႈလႄႈလုၵ်းၼိုင်ႈလႄႈလုၵ်းၼိုင်ႈယၢၼ်ၵၼ်ႁႃႈသွၵ်ႇၼင်ႇၵၼ်လႄႈ ၼႃႈၼွႆႉၶူင်ႇၽၵ်းတူ ၵႃႈႁိမ်းမုၵ်ႉမၼ်းၽၢႆႇတၢင်းၼႂ်းၼၼ်ႉၵေႃႈ မီးလႅမ်ႈမႆႉဢေႃႈၼၼ်ႉတႅၵ်ႈၼိုင်ႈဢေႃႈ။
၈ မၼ်းတႅၵ်ႈတူၺ်းမုၵ်ႉၽၵ်းတူၽၢႆႇတၢင်းၼႂ်းမီးလႅမ်ႈမႆႉဢေႃႈ ၼၼ်ႉတႅၵ်ႈၼိုင်ႈဢေႃႈ။
၉ မုၵ်ႉၽၵ်းတူၵေႃႈမၼ်းတႅၵ်ႈတူၺ်းလႄႈမီးပႅတ်ႇသွၵ်ႇဢေႃႈ။သဝ်မၼ်းမီးသွင်သွၵ်ႇၼင်ႇၵၼ်ဢေႃႈ။မုၵ်ႉၽၵ်းတူၼၼ်ႉမီးၵႃႈတီႈၽၢႆႇ တၢင်းၼႂ်းဢေႃႈ။
၁၀ လုၵ်းၽၵ်းတူၽၢႆႇၼႃႈတၢင်းဢွၵ်ႇၸိူဝ်းၼၼ်ႉၽၢၵ်ႇၶၢင်ႈၼိုင်ႈမီးသၢမ်လုၵ်း၊ ၽၢၵ်ႇၶၢင်ႈၼိုင်ႈမီးသၢမ်လုၵ်းၼင်ႇၵၼ်လႄႈတင်းသၢမ်လုၵ်းတၢၼ်ႇပဵင်းၵၼ်ဢေႃႈ။ သဝ်ၵႃႈတီႈသွင်ၽၢၵ်ႇၶၢင်ႈ မၼ်းၸိူဝ်းၼၼ်ႉၵေႃႈတၢၼ်ႇပဵင်းၵၼ်ဢေႃႈ။
၁၁ မၼ်းတႅၵ်ႈတူၺ်းၼႃႈပွတ်းႁူးၽၵ်းတူလႄႈ မီးသိပ်းသွၵ်ႇဢေႃႈ။ဢၼ်သုင်မၼ်းၸမ်းမီးသိပ်းပၢႆသၢမ်သွၵ်ႇ ဢေႃႈ။
၁၂ မီးၸၢၼ်းၵႃႈတီႈၽၢႆႇၼႃႈလုၵ်းဢွၼ်ႇၸိူဝ်းၼၼ်ႉၵႃႈတီႈၽၢၵ်ႇၶၢင်ႈၼိုင်ႈၼၼ်ႉသွၵ်ႇၼိုင်ႈ၊ ၵႃႈတီႈၽၢၵ်ႇၶၢင်ႈၼၼ်ႉသွၵ်ႇၼိုင်ႈ ၼင်ႇၵၼ်လႄႈ လုၵ်းဢွၼ်ႇၸိူဝ်းၼၼ်ႉ ၵႃႈတီႈၽၢၵ်ႇၶၢင်ႈၼိုင်ႈၼၼ်ႉႁူၵ်းသွၵ်ႇ၊ ၵႃႈတီႈၽၢၵ်ႇၶၢင်ႈၼိုင်ႈၼၼ်ႉႁူၵ်းသွၵ်ႇၼင်ႇ ၵၼ်ဢေႃႈ။
၁၃ လိုၼ်းၼၼ်ႉမၼ်းတႅၵ်ႈတူၺ်းဢဝ်ၵႃႈတီႈၸၢႆးၶႃးဢၼ်မုင်းလုၵ်းဢွၼ်ႇဢၼ်ၼိုင်ႈ တေႃႇထိုင်ႁွတ်ႈၸၢႆးၶႃး ဢၼ်မုင်းလုၵ်းဢွၼ်ႇဢၼ်ၼိုင်ႈလႄႈဢၼ်ၵႂၢင်ႈမၼ်းမီးသၢဝ်းႁႃႈသွၵ်ႇဢေႃႈ။ၽၵ်းတူမၼ်း ၸိူဝ်းၼၼ်ႉဝၢႆႇၼႃႈတေႃႇၵၼ်ယူႇဢေႃႈ။
၁၄ မၼ်းႁဵတ်းသဝ်ဢၼ်မီးႁူၵ်းသိပ်းသွၵ်ႇလႄႈ တမ်ႇတိူင်းၶိုတ်းထိုင်တီႈသဝ်ၽၵ်းတူဢၼ်မီးၵႃႈတီႈႁိမ်းႁွမ်းလဵပ်ႈႁွပ်ႈ ၼၼ်ႉဢေႃႈ။
၁၅ ဢဝ်ၵႃႈတီႈႁူးၽၵ်းတူၽၢႆႇတၢင်းၼွၵ်ႈတေႃႇထိုင်ႁွတ်ႈႁူးမုၵ်ႉၽၵ်းတူ ၽၢႆႇတၢင်းၼႂ်းၼၼ်ႉ မီးႁႃႈသိပ်းသွၵ်ႇဢေႃႈ။
၁၆ ႁူးလၢင်းတဵၼ်ဢၼ်ၵဵပ်ႈဢၼ်ဢွၼ်ႇမီးဝႆႉၵႃႈတီႈလုၵ်းၸိူဝ်းၼၼ်ႉ ဢိၵ်ႇတင်းသဝ်ဢၼ်မီးၵႃႈတီႈၽၢႆႇတၢင်းၼႂ်းၽၵ်းတူ ၵႃႈတီႈၸွမ်းလဵပ်ႈႁွပ်ႈၸိူဝ်းၼၼ်ႉ တင်းမုၵ်ႉၽၵ်းတူတင်းလၢႆလႄႈႁူးလၢင်းတဵၼ်ၸိူဝ်းၼၼ်ႉမီးဝႆႉယူႇ ၵႃႈတီႈႁိမ်းႁွမ်းလဵပ်ႈႁွပ်ႈၽၢႆႇတၢင်းၼႂ်းၼၼ်ႉလႄႈ ပုင်ႇႁၢင်ႊတူၼ်ႈထၼ်းတင်းလၢႆၵေႃႈ မီးဝႆႉယူႇၵႃႈတီႈသဝ်ၸိူဝ်းၼၼ်ႉဢေႃႈ။
၁၇ လိုၼ်းၼၼ်ႉ မၼ်းဢဝ်ၵဝ်သႂၢင်းၶဝ်ႈၵႃႈၼႂ်းတမ်ႇတိူင်းၵႃႈၼွၵ်ႈလႄႈၵဝ်ႁၼ်လုၵ်းတင်းလၢႆ ဢိၵ်ႇတင်းမၢၵ်ႇႁိၼ်သိူဝ်ႇဢၼ်ႁဵတ်းဝႆႉ သိူဝ်ႇဝႆႉပုၼ်ႈတမ်ႇတိူင်းၼၼ်ႉဢေႃႈ။ ၵႃႈၼိူဝ်မၢၵ်ႇႁိၼ်သိူဝ်ႇဝႆႉၼၼ်ႉမီးလုၵ်းသၢမ် သိပ်းဢေႃႈ။
၁၈ မၢၵ်ႇႁိၼ်သိူဝ်ႇၼၼ်ႉမီးဝႆႉယူႇၵႃႈတီႈႁိမ်းၽၵ်းတူၸိူဝ်းၼၼ်ႉ ၸွမ်းၵႃႈၼင်ႇဢၼ်ၽၵ်းတူၸႅၼ်ႇတၢမ်းၵၼ်ၼၼ်ႉလႄႈ ပဵၼ်မၢၵ်ႇႁိၼ်သိူဝ်ႇၵႃႈ တႂ်ႈဢေႃႈ။
၁၉ လိုၼ်းၼၼ်ႉမၼ်းတႅၵ်ႈတူၺ်းဢဝ်ၵႃႈတီႈႁူဝ်ၽၵ်းတူ ဢၼ်ၵႃႈတႂ်ႈတေႃႇထိုင်ႁွတ်ႈ ႁူဝ်ၽၢႆႇၼွၵ်ႈတမ်ႇတိူင်းဢၼ်ၵႃႈၼႂ်းလႄႈ ၵႃႈတီႈၼႃႈတၢင်းဢွၵ်ႇဢိၵ်ႇတင်း ၼႃႈတၢင်းႁွင်ႇၼၼ်ႉမီးပၢၵ်ႇသွၵ်ႇၼင်ႇ ၵၼ်ဢေႃႈ။
၂၀ လၢႆးသမ်ႉမၼ်းတႅၵ်ႈတူၺ်းဢၼ်သုင်ဢိၵ်ႇတင်းၼႃႈပွတ်းၽၵ်းတူတမ်ႇတိူင်း ဢၼ်ၵႃႈၼွၵ်ႈဢၼ်ဝၢႆႇၼႃႈ ၵႂႃႇတၢင်းႁွင်ႇၼၼ်ႉဢေႃႈ။
၂၁ လုၵ်ႈဢွၼ်ႇမီးၵႃႈတီႈၽၢၵ်ႇၶၢင်ႈၼိုင်ႈမၼ်းသၢမ်လုၵ်း၊ ၵႃႈတီႈၽၢၵ်ႇၶၢင်ႈၼိုင်ႈမၼ်းသၢမ်လုၵ်းၼင်ႇၵၼ်ဢေႃႈ။သဝ်မၼ်းဢိၵ်ႇတင်းမုၵ်ႉမၼ်းၸိူဝ်းၼၼ်ႉ မိူၼ်ၸိူဝ်ႉၼင်ႇၽၵ်းတူဢွၼ်တၢင်းၼၼ်ႉလႄႈ ၼႃႈယၢဝ်းမၼ်းမီးႁႃႈသိပ်းသွၵ်ႇ၊ ၼႃႈပွတ်းမၼ်းမီးသၢဝ်းႁႃႈသွၵ်ႇဢေႃႈ။
၂၂ ႁူးလၢင်းတႅၼ်မၼ်း၊မုၵ်ႉမၼ်း၊ တူၼ်ႈထၼ်းမၼ်းၸိူဝ်းၼၼ်ႉမိူၼ်ၸိူဝ်ႉၼင်ႇၽၵ်းတူ ၼႃႈတၢင်းဢွၵ်ႇၼၼ်ႉဢေႃႈ။ၶဝ်လႆႈၶိုၼ်ႈၶၼ်ႈလႆၸဵတ်းသိၵ်ႈၸူး ၵႃႈတီႈၽၵ်းတူလႄႈမုၵ်ႉမၼ်းၸိူဝ်းၼၼ်ႉ မီးဝႆႉယူႇသိုဝ်ႈၼႃႈၶဝ်ဢေႃႈ။
၂၃ မီးၽၵ်းတူတမ်ႇတိူင်း ဢၼ်ၵႃႈၼႂ်းဢၼ်သိုဝ်ႈၵၼ်တင်းၽၵ်းတူဢၼ်ၵႃႈၼွၵ်ႈၼၼ်ႉ ဝႆႉၵႃႈတီႈၽၢႆႇတၢင်းႁွင်ႇဢိၵ်ႇတင်းၽၢႆႇတၢင်းဢွၵ်ႇဢေႃႈ။မၼ်းတႅၵ်ႈတူၺ်းဢဝ်ၵႃႈတီႈႁူးၽၵ်းတူဢၼ်ၼိုင်ႈ တေႃႇထိုင်ႁွတ်ႈၽၵ်းတူဢၼ်ၼိုင်ႈလႄႈ မီးပၢၵ်ႇသွၵ်ႇဢေႃႈ။
၂၄ လိုၼ်းၼၼ်ႉ မၼ်းႁွင်ႉၵဝ်ၵႂႃႇၵႃႈတီႈၼႃႈတၢင်းၸၢၼ်းလႄႈ ၵဝ်ႁၼ်ၽၵ်းတူၵႃႈတီႈၼႃႈတၢင်းၸၢၼ်းၼၼ်ႉဢေႃႈ။မၼ်းတႅၵ်ႈတူၺ်းသဝ်မၼ်းဢိၵ်ႇတင်းမုၵ်ႉမၼ်းၸိူဝ်းၼၼ်ႉလႄႈ ၸွမ်းပမႃႇၼႃႉဢၼ်ဢွၵ်ႇတၢင်း ၸိူဝ်းၼၼ်ႉဢေႃႈ။
၂၅ မီးႁူးလၢင်းတဵၼ်ၵႃႈၼႂ်းမၼ်းဢိၵ်ႇတင်းၵႃႈၼႂ်းမုၵ်ႉမၼ်းၸိူဝ်းၼၼ်ႉမိူၼ်ၸိူဝ်ႉၼင်ႇႁူးလၢင်းတဵၼ်ဢၼ်ဢွၼ်တၢင်းၸိူဝ်းၼၼ်ႉလႄႈ ၼႃႈယၢဝ်းမၼ်းမီးႁႃႈသိပ်းသွၵ်ႇ၊ ၼႃႈပွတ်းမၼ်းမီးသၢဝ်း ႁႃႈသွၵ်ႇဢေႃႈ။
၂၆ ၶဝ်လႆႈၶိုၼ်ႈၶၼ်ႈလႆၸဵတ်းသိၵ်ႈၸူးၵႃႈတီႈၽၵ်းတူလႄႈမုၵ်ႉမၼ်းၸိူဝ်းၼၼ်ႉမီးဝႆႉယူႇသိုဝ်ႈၼႃႈၶဝ်ဢေႃႈ။ၵႃႈတီႈသွင်ၽၢၵ်ႇသဝ်ၸိူဝ်းၼၼ်ႉမီးပုင်ႇႁၢင်ႊတူၼ်ႈထၼ်း ယေႈၽၢၵ်ႇယေႈတူၼ်ႈၼင်ႇ ၵၼ်ဢေႃႈ။
၂၇ ၵႃႈတီႈၼႃႈတၢင်းၸၢၼ်းၼၼ်ႉမီးႁူးၽၵ်းတူတမ်ႇတိူင်းဢၼ်ၵႃႈၼႂ်းဢေႃႈ။မၼ်းတႅၵ်ႈတူၺ်းဢဝ်ၵႃႈတီႈႁူးၽၵ်းတူႁူးၼိုင်ႈတေႃႇထိုင်ႁွတ်ႈႁူးၼိုင်ႈၵႃႈတီႈၼႃႈတၢင်းၸၢၼ်းၼၼ်ႉလႄႈ မီးပၢၵ်ႇသွၵ်ႇဢေႃႈ။
၂၈ လၢႆးသမ်ႉ မၼ်းၸဝ်ႈဢဝ်ၵဝ်သႂၢင်းၶဝ်ႈၵႃႈၼႂ်းတမ်ႇတိူင်းဢၼ်ၵႃႈၼႂ်းတီႈႁိမ်းၽၵ်းတူ ၼႃႈတၢင်းၸၢၼ်းၼၼ်ႉလႄႈတႅၵ်ႈတူၺ်းၼႃႈ တၢင်းၸၢၼ်းၼၼ်ႉၸွမ်း ပမႃႇၼႃႉဢၼ်ဢွၼ်တၢင်းၸိူဝ်းၼၼ်ႉဢေႃႈ။
၂၉ လုၵ်းဢွၼ်ႇမၼ်း၊သဝ်မၼ်း၊ မုၵ်ႉမၼ်းၸိူဝ်းၼၼ်ႉဢွၼ်ၵၼ်မီးမႅၼ်ႈၵၼ်တင်းပမႃႇၼႃႉ ဢၼ်ဢွၼ်တၢင်းၸိူဝ်းၼၼ်ႉဢေႃႈ။မီးႁူးလၢင်းတဵၼ်ၵႃႈၼႂ်းမၼ်းဢိၵ်ႇတင်းၵႃႈၼႂ်းမုၵ်ႉၸိူဝ်းၼၼ်ႉ ၸွမ်းႁိမ်းလဵပ်ႈႁွပ်ႈမၼ်းလႄႈၼႃႈယၢဝ်းမၼ်းမီးႁႃႈသိပ်းသွၵ်ႇ၊ ၼႃႈပွတ်းမၼ်းမီး သၢဝ်းႁႃႈသွၵ်ႇဢေႃႈ။
၃၀ မီးမုၵ်ႉၵႃႈတီႈၸွမ်းႁိမ်းလဵပ်ႈႁွပ်ႈမၼ်းၸိူဝ်းၼၼ်ႉလႄႈ ၼႃႈယၢဝ်းမၼ်းမီးသၢဝ်းႁႃႈ သွၵ်ႇၼႃႈပွတ်းမၼ်းမီးႁႃႈသွၵ်ႇဢေႃႈ။
၃၁ မုၵ်ႉၸိူဝ်းၼၼ်ႉဝၢႆႇၼႃႈတေႃႇတမ်ႇတိူင်းၵႃႈၼွၵ်ႈယူႇလႄႈ မီးပုင်ႇႁၢင်ႊတူၼ်ႈထၼ်းၵႃႈၼိူဝ်သဝ်ၸိူဝ်းၼၼ်ႉဢေႃႈ။လႆႈၶိုၼ်ႈၶၼ်ႈလႆပႅတ်ႇသိၵ်ႈၸူးဢေႃႈ။
၃၂ လၢႆးသမ်ႉ မၼ်းဢဝ်ၵဝ်သႂၢင်းၶဝ်ႈၵႃႈၼႂ်းတမ်ႇတိူင်းဢၼ်ၵႃႈၼႂ်းၽၢႆႇၼႃႈတၢင်းဢွၵ်ႇလႄႈ တႅၵ်ႈတူၺ်းၽၵ်းတူၼၼ်ႉ ၸွမ်းၼင်ႇပမႃႇၼႃႉဢၼ်ဢွၼ်တၢင်း ၸိူဝ်းၼၼ်ႉဢေႃႈ။
၃၃ လုၵ်းဢွၼ်ႇမၼ်း၊သဝ်မၼ်း၊မုၵ်ႉမၼ်းၸိူဝ်းၼၼ်ႉ မီးမႅၼ်ႈၵၼ်တင်း ပမႃႇၼႃႉဢၼ်ဢွၼ်တၢင်းၸိူဝ်းၼၼ်ႉဢေႃႈ။မီးႁူးလၢင်းတဵၼ်ၵႃႈၼႂ်းမၼ်းဢိၵ်ႇတင်း ၵႃႈၼႂ်းမုၵ်ႉမၼ်းၸိူဝ်းၼၼ်ႉၸွမ်းႁိမ်းလဵပ်ႈႁွပ်ႈမၼ်းလႄႈ ၼႃႈယၢဝ်းမၼ်းမီးႁႃႈသိပ်း သွၵ်ႇ၊ၼႃႈပွတ်းမၼ်းမီးသၢဝ်းႁႃႈသွၵ်ႇဢေႃႈ။
၃၄ မုၵ်ႉၸိူဝ်းၼၼ်ႉဝၢႆႇၼႃႈတေႃႇတမ်ႇတိူင်းၵႃႈၼွၵ်ႈယူႇလႄႈမီးပုင်ႇႁၢင်ႊတူၼ်ႈထၼ်းၵႃႈၼိူဝ်သဝ်ၸိူဝ်းၼၼ်ႉယေႈၽၢၵ်ႇယေႈတူၼ်ႈၼင်ႇၵၼ်ဢေႃႈ။ လႆႈၶိုၼ်ႈ ၶူဝ်လႆပႅတ်ႇသိၵ်ႈယူႇဢေႃႈ။
၃၅ လၢႆးသမ်ႉမၼ်းႁွင်ႉၵဝ်ၵႂႃႇၵႃႈတီႈၽၵ်းတူၼႃႈတၢင်းႁွင်ႇလႄႈတႅၵ်ႈတူၺ်းမၼ်းၸွမ်းပမႃႇၼႃႉ ဢွၼ်တၢင်း ၸိူဝ်းၼၼ်ႉဢေႃႈ။
၃၆ မၼ်းမီးတၢင်းဢၼ်တဵမ်ဝႆႉတင်းလုၵ်း ဢွၼ်ႇ လႂ်၊သဝ် လႂ်၊မုၵ်ႉ လႂ်၊ႁူးလၢင်းတဵၼ်ဢၼ်ၸွမ်းႁိမ်းႁွမ်းလဵပ်ႈႁွပ်ႈမၼ်း လႂ်လႄႈ ၼႃႈယၢဝ်းမၼ်းမီးႁႃႈသိပ်းသွၵ်ႇ၊ ၼႃႈပွတ်းမၼ်းမီးသၢဝ်းႁႃႈသွၵ်ႇဢေႃႈ။
၃၇ သဝ်မၼ်းၸိူဝ်းၼၼ်ႉဝၢႆႇၼႃႈတေႃႇတမ်ႇတိူင်းဢၼ်ၵႃႈၼွၵ်ႈလႄႈ မီးပုင်ႇႁၢင်ႊတူၼ်ႈထၼ်းၵႃႈၼိူဝ်သဝ်ၸိူဝ်းၼၼ်ႉယေႈၽၢၵ်ႇယေႈတူၼ်ႈၼင်ႇၵၼ် ဢေႃႈ။
၃၈ လႆႈၶိုၼ်ႈၶူဝ်လႆႈပႅတ်ႇသိၵ်ႈၸူးဢေႃႈ။လုၵ်းဢွၼ်ႇ ဢိၵ်ႇတင်းၽၵ်းတူမၼ်းၸိူဝ်းၼၼ်ႉမီးဝႆႉယူႇၵႃႈတီႈႁိမ်းသဝ်ၽၵ်းတူတင်းလၢႆၼၼ်ႉလႄႈ ၶဝ်လႆႈဢဝ်တူဝ်ယိၸ်ႉဢၼ်တုတ်ႇၽႆးၼၼ်ႉသုၵ်ႈၼမ်ႉသၢႆႇၼမ်ႉ ၵႃႈတီႈၼၼ်ႉဢေႃႈ။
၃၉ ၵႃႈၼႂ်းမုၵ်ႉၽၵ်းတူမီးၶူင်ႇတီႈၵိၼ်ၵႃႈတီႈၽၢၵ်ႇၶၢင်ႈၼိုင်ႈသွင်ဢၼ်၊ ၵႃႈတီႈၽၢၵ်ႇၶၢင်ႈၼိုင်ႈသွင်ဢၼ် ၼင်ႇၵၼ်ပုၼ်ႈဢၼ်တၵ်းဢဝ်တူဝ်ယိၸ်ႉဢၼ်တုတ်ႇၽႆး၊ တူဝ်ယိၸ်ႉဢၼ်ၽႄႇဢပျႅတ်ႈတူဝ်ယိၸ်ႉဢၼ်ၽႄႇတူႉၸရိူၵ်ႈ ၸိူဝ်းၼၼ်ႉတၢႆဢေႃႈ။
၄၀ ၵႃႈတီႈၽၢၵ်ႇၶၢင်ႈၼိုင်ႈ ၽၢႆႇတၢင်းၼွၵ်ႈတီႈဢၼ်ၶိုၼ်ႈၸူးႁူးၽၵ်းတူၼႃႈတၢင်းႁွင်ႇၼၼ်ႉၵေႃႈ မီးၶူင်ႇတီႈၵိၼ်သွင်ဢၼ်လႄႈ ၵႃႈတီႈၽၢၵ်ႇၶၢင်ႈၼိုင်ႈဢၼ်မီးၵႃႈတီႈမုၵ်ႉၽၵ်းတူၼၼ်ႉၵေႃႈ မီးၶူင်ႇတီႈၵိၼ်သွင် ဢၼ်ဢေႃႈ။
၄၁ ၼင်ႇၼၼ်လႄႈၵႃႈတီႈၽၢၵ်ႇၶၢင်ႈၼိုင်ႈၽၵ်းတူၼၼ်ႉ မီးၶူင်ႇတီႈၵိၼ်သီႇဢၼ်ၵႃႈတီႈၽၢၵ်ႇၶၢင်ႈၼိုင်ႈသီႇဢၼ်လႄႈ သီႇဢၼ်ပွင်းၵၼ်မီးပႅတ်ႇဢၼ်ပုၼ်ႈဢၼ်တၵ်းဢဝ်တူဝ်ယိၸ်ႉတၢႆဢေႃႈ။
၄၂ ၶူင်ႇတီႈၵိၼ်ပုၼ်ႈယိၸ်ႉဢၼ်တုတ်ႇၽႆးသီႇဢၼ်ၼၼ်ႉ ယဝ်ႉတူဝ်ႈတင်းမၢၵ်ႇႁိၼ်ဢၼ်ထၢၵ်ႇႁဵတ်းသပ်းႁဵတ်းၼႃႈယၢဝ်းမၼ်းမီးသွင်ၶိုပ်ႈ၊ ၼႃႈပွတ်းမၼ်းသွင်ၶိုပ်ႈ၊ဢၼ်သုင်မၼ်းသွၵ်ႇၼိုင်ႈဢေႃႈ။ၶဝ်ဢဝ်ၶိူင်ႈယိပ်းၶိူင်ႈၵႅမ်း ဢၼ်ဢဝ်တူဝ်ယိၸ်ႉ ဢၼ်တုတ်ႇၽႆးတၢႆ ၸိူဝ်းၼၼ်ႉတၢင်ႇ သႂ်ႇဝႆႉၵႃႈၼိူဝ်ႉၼၼ်ႉဢေႃႈ။
၄၃ ၵၢမ်းပၢတ်ႈဢၼ်တၢင်းၵႂၢင်ႈမၼ်း မီးၽႃႇမိုဝ်းၼိုင်ႈၸိူဝ်းၼၼ်ႉလႆႈမီးတၢင်းဢၼ်ဢဝ် သႂ်ႇၸပ်းဝႆႉၵႃႈတီႈၽၢႆႇၼႂ်းၸွမ်းႁိမ်းလဵပ်ႈႁွပ်ႈမၼ်းလႄႈ ၼိူဝ်ယိၸ်ႉဢၼ်တၵ်းပုၵ်ႉၸေႃႇၼၼ်ႉ တၢင်ႇ သႂ်ႇဝႆႉမီးယူႇၵႃႈၼိူဝ်ၶူင်ႇတီႈၵိၼ် ၸိူဝ်းၼၼ်ႉဢေႃႈ။
၄၄ ၼွၵ်ႈၽၵ်းတူ၊ၵႃႈတီႈတမ်ႇတိူင်းဢၼ်ၼၼ်ႉ မီးလုၵ်းဢွၼ်ႇတင်းလၢႆပုၼ်ႈဢၼ်ၵူၼ်းဢၼ်ႁဵတ်းၵႂၢမ်းတၵ်းယူႇၼၼ်ႉဢေႃႈ။လုၵ်းၼိုင်ႈၸမ်းမီးၵႃႈတီႈႁိမ်းၽၵ်းတူၼႃႈတၢင်းႁွင်ႇလႄႈ ဝၢႆႇၼႃႈတေႃႇၽၢႆႇတၢင်းၸၢၼ်းယူႇဢေႃႈ။လုၵ်းၼိုင်ႈၸမ်းမီးၵႃႈတီႈႁိမ်းၽၵ်းတူၼႃႈတၢင်းၸၢၼ်းလႄႈ ဝၢႆႇၼႃႈ တေႃႇၽၢႆႇတၢင်းႁွင်ႇယူႇဢေႃႈ။
၄၅ မၼ်းၼၼ်ႉလၢတ်ႈတီႈၵဝ်လႄႈဝႃႈ၊-လုၵ်းဢၼ်ဝၢႆႇၼႃႈတေႃႇၽၢႆႇတၢင်းၸၢၼ်းယူႇၼႆႉၸမ်း ပဵၼ်ပုၼ်ႈဢၼ် ယိတ်ႉပရေႃးႁိၵ်ႈ ဢၼ်ပွင်ႁဵတ်းဢမူႉႁိူၼ်းၸဝ်ႈၸိူဝ်းၼၼ်ႉ တၵ်းယူႇဢေႃႈ။
၄၆ လုၵ်းဢၼ်ဝၢႆႇၼႃႈတေႃႇၽၢႆႇတၢင်းႁွင်ႇယူႇၼႆႉၸမ်း ပဵၼ်ပုၼ်ႈဢၼ် ယိတ်ႉပရေႃးႁိၵ်ႈဢၼ်ပွင်ႁဵတ်းဢမူႉယိတ်ႉပလၢင်ႇၸိူဝ်းၼၼ်ႉ တၵ်းယူႇဢေႃႈ။ၶဝ်ၼၼ်ႉၸမ်းပဵၼ်လုၵ်ႈလၢၼ်ၸႃႇတုၵ်ႉဢၼ်လိူၵ်ႈၵဵပ်းဢဝ် ၵႃႈၼႂ်းၵူၼ်းမဵဝ်းလေႇဝိ ႁႂ်ႈလႆႈသုတ်ႉၸပ်းသုတ်ႉၸူးၵႃႈတီႈထႃႇဝရႃႉၽြႃးလႄႈ ပွင်ႁဵတ်းဢမူႉၸဝ်ႈၸိူဝ်းၼၼ်ႉဢေႃႈ၊ဝႃႈၼင်ႇၼႆဢေႃႈ။
၄၇ မိူဝ်ႈၼၼ်ႉ မၼ်းတႅၵ်ႈတူၺ်းတမ်ႇတိူင်းလႄႈ ၼႃႈယၢဝ်းမီးပၢၵ်ႇသွၵ်ႇ၊ ၼႃႈပွတ်းမၼ်းပၢၵ်ႇသွၵ်ႇလႄႈပဵၼ်သီႇၸဵင်ႈၶိုင်ႈဝႆႉဢေႃႈ။ယိတ်ႉပလၢင်ႇမီးဝႆႉယူႇၵႃႈ တီႈၽၢႆႇၼႃႈႁိူၼ်းၸဝ်ႈဢေႃႈ။
၄၈ မၼ်းၼၼ်ႉႁွင်ႉၵဝ်ၵႂႃႇၵႃႈတီႈၼႃႈႁိူၼ်းၸဝ်ႈလႄႈ တႅၵ်ႈတူၺ်းသဝ်ၼႃႈႁိူၼ်းၸဝ်ႈၼၼ်ႉၵူႈလႅမ်ႈလႄႈၵႃႈတီႈၽၢၵ်ႇၶၢင်ႈၼိုင်ႈၼၼ်ႉမီးႁႃႈသွၵ်ႇ၊ ၵႃႈတီႈၽၢၵ်ႇၶၢင်ႈၼိုင်ႈၼၼ်ႉမီးႁႃႈသွၵ်ႇၼင်ႇၵၼ်လႄႈ ၼႃႈပွတ်းမႂ်ႊၽၵ်းတူၵႃႈတီႈၽၢၵ်ႇၶၢင်ႈၼိုင်ႈၼၼ်ႉမီးသၢမ်သွၵ်ႇ၊ ၵႃႈတီႈၽၢၵ်ႇၶၢင်ႈၼိုင်ႈၼၼ်ႉမီးသၢမ်သွၵ်ႇၼင်ႇၵၼ်ဢေႃႈ။
၄၉ ဢၼ်ယၢဝ်းၼႃႈႁိူၼ်းၸဝ်ႈၼၼ်ႉၸမ်း မီးသၢဝ်းသွၵ်ႇ၊ၼႃႈပွတ်းမၼ်းၸမ်းမီးသိပ်းပၢႆဢဵတ်းသွၵ်ႇဢေႃႈ။လႆႈၶိုၼ်ႈၶူဝ်လႆသိပ်းသိၵ်ႈဢေႃႈ။ ၵႃႈတီႈႁိမ်းၼႃႈႁိူၼ်းၸဝ်ႈၼၼ်ႉမီးသဝ်ၽၢၵ်ႇၶၢင်ႈၼိုင်ႈလႅမ်ႈၼိုင်ႈ၊ ၽၢၵ်ႇၶၢင်ႈၼိုင်ႈလႅမ်ႈၼိုင်ႈယူႇဢေႃႈ။