၁၀
မူၼ်ၽုင်းၽြုးၽၢတ်ႇယၢၼ်ပိၵ်ႉမၢၼ်ႇၵွႃႇ
၁ လၢႆးသမ်ႉ ၵဝ်လူတူၺ်းလႄႈႁၼ်ဢရွင်ႇႁၢင်ႊၽၢင်ရႃႇၸႃႉပလၢင်ႇ ဢၼ်မိူၼ်ၸိူဝ်ႉၼင်ႇသႅင်ၼီႇလႃႇၼၼ်ႉမီးယူႇၵႃႈတီႈၽၢႆႇၼႃႃႈႉၵၢင်ႁၢဝ်ၵႃႈၼိူဝ်ႁူဝ် ၶေႇရု ၽိမ်ႇ ၼၼ်ႉဢေႃႈ။
၂ မၼ်းၸဝ်ႈမီးဢမိင်ႉတီႈၵေႃႉဢၼ်ၼုင်ႈၶူဝ်းၼုင်ႈပိၵ်ႈၶျေႃးၼၼ်ႉလႄႈဝႃႈ၊-ၶဝ်ႈၵႃႈၼႂ်းၽႆးၵႄႈဝူင်ႈၵၢင်မၢၵ်ႇလေၵႃႈတီႈၶေႇရုၽိမ်ႇ ၼၼ်ႉလႄႈဢဝ်မိုဝ်းသွင်ၶွၼ်ၵွပ်ႇဢဝ်ထၢၼ်ႇၽႆး ဢၼ်မီးၵႃႈၼႂ်းၵႄႈဝူင်ႈၵၢင်ၶေႇရုၽိမ်ႇ ၸိူဝ်းၼၼ်ႉသေလႄႈၸၢတ်ႇပိုၼ် သႂ်ႇၵႃႈၼိူဝ်ဝဵင်းတႃႉ၊ဝႃႈၼင်ႇၼႆသေယဝ်ႉၵေႃႉ ၼၼ်ႉၶဝ်ႈၵႂႃႇသိုဝ်ႈၼႃႈတႂ်ႈတႃၵဝ်ဢေႃႈ။
၃ မိူဝ်ႈဢၼ်မၼ်းၶဝ်ႈၼၼ်ႉၶေႇရုၽိမ်ႇ ၸိူဝ်းၼၼ်ႉၸုၵ်းယူႇၵႃႈတီႈၽၢႆႇၶႂႃႁိူၼ်းၸဝ်ႈလႄႈ မွၵ်ႇၵုမ်ႈမီးတဵမ်ဝႆႉၵႃႈၼႂ်းတမ်ႇတိူင်းတၢင်းၼႂ်းၼၼ်ႉဢေႃႈ။
၄ မုၼ်ၽုင်းထႃႇဝရႃႉၽြႃးၼၼ်ႉ ၶၢႆႉသေၵႃႈတီႈ ၶေႇရုၽိမ်ႇ ၶိုၼ်ႈၵႃႈၼိူဝ်ၶူင်ႇၽၵ်းတူႁိူၼ်းၸဝ်ႈလႄႈႁိူၼ်းၸဝ်ႈၼၼ်ႉတဵမ်ဝႆႉတင်းမွၵ်ႇၵုမ်ႈဢေႃႈ။တမ်ႇတိူင်းၵေႃႈတဵမ်ဝႆႉတင်းဢရွင်ႇမုၼ်ၽုင်းထႃႇဝရႃႉၽြႃး ဢၼ်ႁိူဝ်ႈ လႅင်းၼၼ်ႉဢေႃႈ။
၅ လႆႈငိၼ်းသဵင်ပိၵ်ႇၶေႇရုၽိမ်ႇၸိူဝ်းၼၼ်ႉယူႇမိူၼ်ၸိူဝ်ႉၼင်ႇသဵင်ဢၼ်ၽြႃးပဵၼ်ၸဝ်ႈ ၸဝ်ႈဢၼၼ်ႇတႃႉတၼ်းၶူဝ်းမီးဢမိင်ႉဢွၵ်ႇသူပ်းၼၼ်ႉဢေႃႈ။
၆ မိူဝ်ႈဢၼ်မၼ်းၸဝ်ႈမီးဢမိင်ႉတီႈၵေႃႉဢၼ်ၼုင်ႈၶူဝ်းၼုင်ႈပိၵ်ႈၶျေႃးၼၼ်ႉလႄႈဝႃႈ၊-ဢဝ်ႆးၵႃႈၼႂ်းၵႄႈဝူင်ႈၵၢင်မၢၵ်ႇလေ တင်းလၢႆၵႃႈၼႂ်းဝူင်ႈၵၢင်ၶေႇရုၽိမ်ႇၸိူဝ်းၼၼ်ႉတႃႉ၊ ဝႃႈၼင်ႇၼႆၼၼ်ႉၸိုင်ၵေႃႉၼၼ်ႉၶဝ်ႈလႄႈ ၸုၵ်းယူႇၵႃႈတီႈႁိမ်း မၢၵ်ႇလေ လုၵ်ႈၼိုင်ႈဢေႃႈ။
၇ ၶေႇရုၽိမ်ႇပႃးၼိုင်ႈယဵတ်ႇမိုဝ်းမၼ်းဢွၵ်ႇသေၵႃႈၼႂ်းမုၵ်ႉ ၶေႇရုၽိမ်ႇ ၼၼ်ႉၸူးတီႈၽၢႆႇဢၼ်မီးၵႃႈၼႂ်းၵႄႈဝူင်ႈၵၢင်ၶေႇရုၽိမ်ႇ ၸိူဝ်းၼၼ်ႉလႄႈ ဢဝ်သေလႄႈသႂ်ႇပၼ်ၵႃႈၼႂ်းမိုဝ်းၵေႃႉဢၼ်ၼုင်ႈၶူဝ်းၼုင်ႈပိၵ်ႈၶျေႃးၼၼ်ႉဢေႃႈ။ၵေႃႉၼၼ်ႉၵေႃႈ ၶၢမ်ႇဢဝ်သေလႄႈဢွၵ်ႇၵႂႃႇဢေႃႈ။
၈ ၵႃႈၼႂ်းၶေႇရုၽိမ်ႇၸိူဝ်းၼၼ်ႉ မိုဝ်းၵူၼ်းပေႃႇမႃးၵႃႈတႂ်ႈပိၵ်ႇၶဝ်ၼၼ်ႉ ဢေႃႈ။
၉ ၵဝ်လူတူၺ်းလႄႈႁၼ်မၢၵ်ႇလေသီႇလုၵ်ႈမီးၵႃႈတီႈႁိမ်း ၶေႇရုၽိမ်ႇၸိူဝ်းၼၼ်ႉၵႃႈႁိမ်းၶေႇရုၽိမ်ႇယေႈပႃးယေႈလုၵ်ႈၼင်ႇၵၼ်လႄႈ ဢရွင်ႇႁၢင်ႊၽၢင်မၢၵ်ႇလေ ၸိူဝ်းၼၼ်ႉပဵၼ်ၸိူဝ်ႉၼင်ႇဢရွင်ႇသႅင်မျၢၵ်ႈ ရွႆးဢေႃႈ။
၁၀ ႁၢင်ႊၽၢင်ၶဝ်ၼၼ်ႉတင်းသီႇလုၵ်ႈမီးပုင်ႇႁၢင်ႊဢၼ်လဵဝ်ၵၼ်လႄႈ ပဵၼ်ၸိူဝ်ႉၼင်ႇဢၼ်ဢဝ်လုၵ်ႈၼိုင်ႈ သႂ်ႇဝႆႉၵႃႈၼႂ်းလုၵ်ႈၼိုင်ႈဢေႃႈ။ယၢမ်းမိူဝ်ႈဢၼ်ၶဝ်ၵႂႃႇၼၼ်ႉၸိုင်ၶဝ်ၸင်ႇၵႂႃႇတင်းသီႇၼႃႈလႄႈ ယင်းဢမ်ႇဝၢႆႇဢမ်ႇငႅၵ်း ဢွၼ်ၵၼ်ၵႂႃႇဢေႃႈ။
၁၁ ၸွမ်းၵႃႈတီႈၽၢႆႇတၢင်းဢၼ်ဝၢႆႇၼႃႈ ဝၢႆႇႁူဝ်တေႃႇယူၼၼ်ႉလႄႈ ယင်းဢမ်ႇဝၢႆႇၵႂႃႇဝၢႆႇၶိုၼ်းလႄႈ ၸင်ႇဢွၼ်ၵၼ်ၵႂႃႇဢေႃႈ။
၁၂ တင်းတူဝ်တင်းၶိင်းၶဝ်၊လင်ၶဝ်၊မိုဝ်းၶဝ်၊ပိၵ်ႇၶဝ်ဢိၵ်ႇတင်းမၢၵ်ႇလေ ဢၼ်ဝႃႈမၢၵ်ႇလေဢၼ်မီးတီႈသီႇပႃးၼၼ်ႉ မီးတဵမ်ဝႆႉတင်းမၢၵ်ႇတႃ ဢေႃႈ။
၁၃ ၵဝ်ငိၼ်းႁွင်ႉသႅၼ်ႇလူၺ်ႈလွင်ႈမၢၵ်ႇလေၸိူဝ်းၼၼ်ႉလႄႈဝႃႈဢၼ်ပၼ်ႇယူႇၵိင်ႈယူႇဝႃႈၼင်ႇၼႆ ဢေႃႈ။
၁၄ ၶဝ်ၼၼ်ႉၵူႈပႃးယေႈပႃးမီးသီႇၼႃႈၼင်ႇၵၼ်လႄႈၼႃႈပထမပဵၼ်ၼႃႈၶေႇရုၽိမ်ႇ၊ ၼႃႈတုတိယပဵၼ်ၼႃႈၵူၼ်း၊ ၼႃႈတတိယ ပဵၼ်ၼႃႈသၢင်ႇသီႈ၊ ၼႃႈၸတုၵ်ႉထပဵၼ်ၼႃႈႁူင်ႉၶမ်းဢေႃႈ။
၁၅ ၶေႇရုၽိမ်ႇၸိူဝ်းၼၼ်ႉ ဢွၼ်ၵၼ်မီးတၢင်းဢၼ်ယုၵ်ႉၶိုၼ်ႈယူႇဢေႃႈ။ ဢၼ်ၼႆႉၸမ်းပဵၼ်သတ်ႉတဝႃႇဢၼ်ၵဝ်လႆႈႁၼ်ၵႃႈတီႈႁိမ်း ၼမ်ႉႁွင်ႊၶေႇပႃႇ ၼၼ်ႉယဝ်ႉၼၼ်ႉဢေႃႈ။ယၢမ်းမိူဝ်ႈဢၼ်ၶေႇရုၽိမ်ႇၵႂႃႇၼၼ်ႉၸိုင်မၢၵ်ႇ လေၸိူဝ်းၼၼ်ႉဢွၼ်ၵၼ်ၸပ်းၸွမ်းယူႇဢေႃႈ။
၁၆ ယၢမ်းမိူဝ်ႈဢၼ်ၶေႇရုၽိမ်ႇ ၸိူဝ်းၼၼ်ႉ ၵီႈပိၵ်ႇႁႂ်ႈလႆႈလုၵ်ႉသေၵႃႈတီႈလိၼ်မိူင်းၶိုၼ်ႈၼၼ်ႉၸိုင် မၢၵ်ႇလေၸိူဝ်းၼၼ်ႉ ယင်းဢမ်ႇၽၢတ်ႇၵၼ်ယၢၼ် ၵၼ်တင်းၶဝ်ၼၼ်ႉ လႄႈဢွၼ်ၵၼ်ၸပ်းၸွမ်းယူႇဢေႃႈ။
၁၇ ယၢမ်းမိူဝ်ႈဢၼ်ၶဝ်ၵိုတ်းသဝ်းၼၼ်ႉ ၶဝ်ၼႆႉၵေႃႈၵိုတ်းသဝ်းလႄႈ ယၢမ်းမိူဝ်ႈဢၼ်ၶဝ်ၼၼ်ႉယုၵ်ႉၶိုၼ်ႈၼၼ်ႉၶဝ်ၼႆႉၵေႃႈယုၵ်ႉၶိုၼ်ႈဢေႃႈ။လွင်ႈမၼ်းၸမ်းဝိၺိၺ်ႇ သတ်ႉတဝႃႇမီးၵႃႈၼႂ်းၶဝ်ဢေႃႈ။
၁၈ မိူဝ်ႈၼၼ်ႉမုၼ်ၽုင်းထႃႇဝရႃႉၽြႃး ၶၢႆႉသေၵႃႈတီႈၶူင်ႇၽၵ်းတူႁိူၼ်းၸဝ်ႈသေလႄႈ တႄႇယူႇၵႃႈၼိူဝ်ၶေႇရုၽိမ်ႇ ၸိူဝ်းၼၼ်ႉ ဢေႃႈ။
၁၈ ၶေႇရုၽိမ်ႇၸိူဝ်းၼၼ်ႉၵီႈပိၵ်ႇၶဝ်လႄႈဢွၼ်ၵၼ်ၽၢတ်ႇယၢၼ်လိၼ်မိူင်းသေလႄႈ ယုၵ်ႉၶိုၼ်ႈသိုဝ်ႈၼႃႈတႂ်ႈတႃၵဝ်ၼႂ်းမိူဝ်ႈဢၼ်ၶဝ် ဢွၵ်ႇၵႃႈတီႈၼွၵ်ႈလႄႈ မၢၵ်ႇလေၸိူဝ်းၼၼ်ႉဢွၼ်ၵၼ်ၸပ်းၸွမ်းယူႇၼၼ်ႉဢေႃႈ။
၁၉ ၶဝ်ၸုၵ်းၵိုတ်းယူႇၵႃႈတီႈႁူးၽၵ်းတူၼႃႈဝၼ်းဢွၵ်ႇႁိူၼ်းထႃႇဝရႃႉၽြႃးလႄႈ မုၼ်ၽုင်းၽြႃးပဵၼ်ၸဝ်ႈမဵဝ်းဢိသရေႇလ ၼၼ်ႉတေႇလႄႈမီးယူႇၵႃႈ ၼိူဝ်ၶဝ်ၼၼ်ႉဢေႃႈ။
၂၀ ဢၼ်ၼႆႉၸမ်းပဵၼ််သတ်ႉတဝႃႇဢၼ်ၵဝ်လႆႈႁၼ်ၵႃႈတီႈတႂ်ႈ ၽြႃးပဵၼ်ၸဝ်ႈမဵဝ်းဢိသရေႇလ ၵႃႈတီႈႁိမ်းၼမ်ႉႁွင်ႊၶေႇပႃႇၼၼ်ႉဢေႃႈ။ၵဝ်ႁူႉလွင်ႈဢၼ်ၶဝ်ပဵၼ်ၶေႇရုၽိမ်ႇဢေႃႈ။
၂၁ ၶဝ်ၼၼ်ႉၵူႈပႃးယေႈပႃး မီးၼႃႈသီႇဢၼ်ၼင်ႇၵၼ်၊မီးပိၵ်ႇသီႇဢၼ်ၼင်ႇၵၼ်လႄႈ ပုင်ႇႁၢင်ႊမိုဝ်းၵူၼ်းမီးၵႃႈတႂ်ႈပိၵ်ႇၶဝ် ၼၼ်ႉဢေႃႈ။
၂၂ ပုင်ႇႁၢင်ႊၼႃႈၶဝ်ၼၼ်ႉၸမ်းမိူၼ်ၸိူဝ်ႉၼင်ႇၼႃႈဢၼ်ၵဝ်လႆႈႁၼ်ၵႃႈတီႈႁိမ်း ၼမ်ႉႁွင်ႈၶေႇပႃႇၼၼ်ႉယဝ်ႉၼၼ်ႉလႄႈ ဢရွင်ႇႁၢင်ႊၽၢင်ၵေႃႈမိူၼ်ဢေႃႈ။ၶဝ်ၵူႈပႃးၼၼ်ႉၸင်ႇဢွၼ်ၵၼ်ၵႂႃႇသိုဝ်ႈသိုဝ်ႈဢေႃႈ။