၅
၁ လၢႆးသမ်ႉမၼ်းၸဝ်ႈမီးဢမိင်ႉလႄႈဝႃႈ၊- လုၵ်ႈၵူၼ်းဢိူၺ်း။မႂ်းဢဝ်မိတ်ႈဢၼ်ၽၢႆဢၼ်ဝႃႈမိတ်ႈထႃႁူဝ်ၵူၼ်းဢၼ်ၸၢင်ႊထိူဝ်ၼၼ်ႉလႄႈ ထႃၶူၼ်ႁူဝ်ဢိၵ်ႇတင်းၼူတ်ႇၵၢင်းမႂ်းသေယဝ်ႉ ဢဝ်ယႃႇၸူႇၸင်ႈႁိဝ်ႈ လႄႈၽႄဝႆႉပဵၼ်ၸူႉပဵၼ်ၸူႉတႃႉ။
၂ ဢဝ်ဢၼ်ၼၼ်ႉသၢမ်ၸူႉ ၸူႉၼိုင်ႈတုတ်ႇၽႆးၵႃႈၼႂ်းဝဵင်းၼႂ်းမိူဝ်ႈဢၼ်မိူဝ်ႉဝၼ်းတၢင်းဢၼ် လွမ်ႉလဵပ်ႈႁွပ်ႈၼၼ်ႉဝႆႉၼၼ်ႉၸေးယဝ်ႉၼၼ်ႉတႃႉ။ ၸူႉၼိုင်ႈၸိုင်ဢဝ်တႅပ်းၶၢတ်ႇပႅတ်ႈလူၺ်ႈလၢပ်ႇလူၺ်ႈလႅဝ်းလႄႈ ၸူႉၼိုင်ႈဢဝ်ၸၢတ်ႇပိုၼ်ပႅတ်ႈၼႂ်းတီႈဢၼ်လူမ်းထူဝ်းၼၼ်ႉတႃႉ။ၵဝ်တၵ်း ပွႆႇလၢပ်ႇၵႂႃႇၸွမ်းလင်ၶဝ်ၼၼ်ႉဢေႃႈ။
၃ မႂ်းဢဝ်ၵႃႈၼႂ်းၸိူဝ်းၼၼ်ႉဢိတ်းဢွၼ်ႇၼိုင်ႈလႄႈ ပူၵ်ႉႁေႃႇဝႆႉၵႃႈၼႂ်းၶူဝ်းၼုင်ႈမႂ်းတႃႉ။မႂ်းသမ်ႉဢဝ်ၵႃႈၼႂ်းဢိတ်းၼိုင်ႈၼၼ်ႉသႂ်ႇၵႃႈၼႂ်းၽႆးလႄႈတုတ်ႇၽႆးတႃႉ။
၄ ၽႆးတၵ်းဢွၵ်ႇသေၵႃႈတီႈၼၼ်ႉၸူးၵႃႈတီႈမဵဝ်းဢိသရေႇလဢေႃႈ၊ ဝႃႈၼင်ႇၼႆဢေႃႈ။
၅ လၢႆးသမ်ႉထႃႇဝရႃႉၽြႃးမီးဢမိင်ႉၸမ်း၊ ဢၼ်ၼႆႉပဵၼ်ဝဵင်းယေႇရုသလႅမ်ႇဢေႃႈ။ၵဝ်ဢဝ်မၼ်းဝႆႉၵႃႈၼႂ်းၵၢင်ၵူၼ်းၵူႈၸိူဝ်ႉၵူႈမဵဝ်းလႄႈ သိုင်ႇၸိုင်ႈဝၢၼ်ႈမိူင်းတင်းလၢႆဢွၼ်ၵၼ်မီး ၵႃႈတီႈလဵပ်ႈႁွပ်ႈႁိမ်းႁွမ်းမၼ်းယူႇ ဢေႃႈ။
၆ မၼ်းယိင်ႈၶႅၼ်းဢွၼ်ၵၼ်ႁဵတ်းဢမ်ႇတြႃးလႄႈ ပူၼ်ႉလိူဝ်ပိင်းၺၢပ်ႈတြႃး တၢင်းဢၼ်ၵဝ်ၸီႇယၢင်ႇဝႆႉၸိူဝ်းၼၼ်ႉ လိူဝ်တွၼ်းၼႃႇသေၵူၼ်းၵူႈၸိူဝ်ႉၵူႈမဵဝ်းဢိၵ်ႇတင်း ထုင်းၾိင်ႈတြႃးၵဝ်လိူဝ်တွၼ်းၼႃႇသသေိုင်ႇၸိုင်ႈဝၢၼ်ႈမိူင်း ဢၼ်မီးၵႃႈတီႈလဵပ်ႈႁွပ်ႈ ႁိမ်းႁွမ်းမၼ်းၸိူဝ်းၼၼ်ႉယဝ်ႉ။
၇ လွင်ႈမၼ်းၸမ်းၶဝ်ဢွၼ်ၵၼ်ထဵင်ပႅတ်ႈ တၢင်းဢၼ်ၵဝ်ၸီႇယၢင်ႇဝႆႉၸိူဝ်းၼၼ်ႉလႄႈ ယင်းဢမ်ႇၸွမ်းသဵၼ်ႈတၢင်းထုင်းၾိင်ႈတြႃးၵဝ်ၸိူဝ်းၼၼ်ႉလႄႈယူႇယဝ်ႉ။ပိူဝ်ႈဢၼ်ပဵၼ်ၼင်ႇၼႆလႄႈၸဝ်ႈထႃႇဝရႃႉၽြႃးမီးဢမိင်ႉၸမ်း၊-ၵွပ်ႈပိူဝ်ႈဢၼ်သူႁဵတ်းၶတ်းလိူဝ်တွၼ်းၼႃႇသေ ၵူၼ်းၵူႈၸိူဝ်ႉၵူႈမဵဝ်း ဢၼ်မီးၵႃႈတီႈလဵပ်ႈႁွပ်ႈႁိမ်းႁွမ်းသူၼၼ်ႉလႄႈဢမ်ႇၸွမ်းသဵၼ်ႈတၢင်းထုင်းၾိင်ႈတြႃးၵဝ်၊ ဢမ်ႇပႂ်ႉၵမ်ပႂ်ႉၸွမ်းလွင်ႈတၢင်းဢၼ်ၵဝ်ၸီႇယၢင်ႇဝႆႉ၊ ဢမ်ႇႁဵတ်းၸွမ်းထုင်းၾိင်ႈတြႃႈ ၵူၼ်းၵူႈၸိူဝ်ႉၵူႈမဵဝ်းဢၼ်ယူႇလဵပ်ႈႁွပ်ႈႁိမ်းႁွမ်းသူၼၼ်ႉလႄႈ ၸဝ်ႈထႃႇဝရႃႉၽြႃး မီးဢမိင်ႉၸမ်း၊-
၈ ၵဝ်ဢၼ်ဝႃႈၵဝ်ၼႆႉတၵ်းယူႇၽၢႆႇၼိုင်ႈတင်းမႂ်းသေလႄႈ ၸီႇယၢင်တၢမ်ႇဢပျႅတ်ႈၵႃႈၼႂ်းၵၢင် မႂ်းၵႃႈတီႈၽၢႆႇၼႃႈၵူၼ်းၵူႈၸိူဝ်ႉၵူႈမဵဝ်းဢေႃႈ။
၉ ၵွပ်ႈပိူဝ်ႈလွင်ႈတၢင်းဢၼ်လီႁင်ႈဢဵတ်ႇသဵတ်ႇမႂ်း ၵႃႈမီးၼၼ်ႉလႄႈ ၵဝ်တၵ်းၸီႇယၢင်ႇတၢမ်ႇဢပျႅတ်ႈဢၼ်ၵဝ်ဢမ်ႇတွၼ်ႉၸီႇယၢင်ႇ၊ ဢၼ်ၵမ်းလိုၼ်းတၵ်းဢမ်ၸီႇယၢင်ႇ ထႅင်ႈၼၼ်ႉၵႃႈၼႂ်းမႂ်းဢေႃႈ။
၁၀ ပိူဝ်ႈၼႆလႄႈၶဝ်ၸိူဝ်းဢၼ်ပဵၼ်ပေႃႈၼၼ်ႉ တၵ်းဢွၼ်ၵၼ်ၵိၼ်လုၵ်ႈၶဝ်လၢင်းၶဝ်ၵႃႈၼႂ်းၵၢင်မႂ်းလႄႈ ၶဝ်ၸိူဝ်းဢၼ်ပဵၼ်လုၵ်ႈပဵၼ်လၢင်းၼၼ်ႉၵေႃႈ တၵ်းဢွၼ်ၵၼ်ၵိၼ်ပေႃႈၶဝ်ဢေႃႈ။ၵဝ်တၵ်းၸီႇယၢင်ႇဢပျႅတ်ႈတီႈမႂ်းလႄႈ ဢဝ်ၵႃႈဢၼ်ၵိုတ်းဢၼ်ၵျၢၼ်ႇၼၼ်ႉ ၸၢတ်ႇပိုၼ်ပႅတ်ႈၸူးၵႃႈတီႈလူမ်းၵူႈၽၢႆႇၵူႈပႃႈၼၼ်ႉဢေႃႈ။ပိူဝ်ႈၼႆလႄႈထႃႇဝရႃႉၽြႃးမီးဢမိင်ႉၸမ်း၊-ၵႃႈၼင်ႇဢၼ်ၵဝ်ဢသၢၵ်ႈလိပ်းယူႇၼၼ်ႉ ၵွပ်ႈပိူဝ်ႈဢၼ်မႂ်းဢဝ်လွင်ႈတၢင်းဢၼ်ဝူၺ်ႇဢၼ်ႁင်ႈမႂ်းဢိၵ်ႇတင်းလွင်ႈတၢင်းဢၼ်လီႈႁင်ႈဢဵတ်ႇသဵတ်ႇမႂ်းတင်းသဵင်ႈတင်းလူင်ႁႂ်ႈထႃႇၼႃႉတီႈမူတ်းၸၢင်ႇၵဝ်ၵူဝ်ႈၵိူၵ်ႇၼၼ်ႉလႄႈ ၵဝ်တၵ်းႁႂ်ႈမႂ်းသုတ်ႈၵႂႃႇယွမ်းၵႂႃႇလႄႈ တႃႈၵဝ်တၵ်းဢမ်ႇသေလၢႆၵဝ်တၵ်း ဢမ်ႇဢိတ်းလူလႃးလႃး။
၁၂ ၼႂ်းသၢမ်ၸူႉမႂ်းၼၼ်ႉၸူႉၼိုင်ႈတၵ်းလႆႈတၢႆလူၺ်ႈၽေးၵႃႇလႁႃႇလႅင်ႉမိူင်းလႄႈ သုမ်းလူၺ်ႈၽေး တၢင်းဢၼ်ဢိုပ်းဢၼ်ယၢၵ်ႈၵႃႈၼႂ်းၵၢင်မႂ်းဢေႃႈ။ၸူႉၼိုင်ႈတၵ်းလႆႈလူမ်ႉတူၵ်းလူၺ်ႈၽေးလၢပ်ႇၽေးလႅဝ်း ၵႃႈတီႈလဵပ်ႈႁွပ်ႈႁိမ်းႁွမ်းမႂ်းဢေႃႈ။ၸူႉၼိုင်ႈၸိုင် ၵဝ်တၵ်းဢဝ်ၸၢတ်ႇပိုၼ်ပႅတ်ႈၸူးၵႃႈတီႈလူမ်းၵူႈၽၢႆႇၵူႈပႃႈၼၼ်ႉလႄႈ ပွႆႇၸႂ်ႉလၢပ်ႇလႅဝ်းၵႂႃႇၸွမ်းလင်ၶဝ်ဢေႃႈ။
၁၃ ၼင်ႇၼၼ်လႄႈဢလူဝ်တၢင်းၸႂ်မႆႈၶႂ်ႈၸႃႉၸဝ်ႈတဵမ်ထူၼ်ႈလႄႈ ၵဝ်ႁႂ်ႈဢၢႆႁႅင်းတေႃးသႃႉတၢင်းၸႂ်မႆႈၶႂ်ႈၸႃႉၵဝ်တႄႇယူႇၵႃႈၼိူဝ်ၶဝ်သေလႄႈၸႂ်ၵဝ်တၵ်းပျေႇဢေႃႈ။ၶဝ်တၵ်းလႆႈဢွၼ်ၵၼ်ႁူႉလွင်ႈဢၼ်ၵဝ်ထႃႇဝရႃႉၽြႃးၸႂ်ႁႅင်း ယႂ်ႇၼႃႇလႄႈ မီးဢမိင်ႉၼၼ်ႉ ၼႂ်းမိူဝ်ႈဢၼ်ၵဝ်ႁႂ်ႈဢလူဝ်ၸႂ်တေႃးသႃႉ ၵဝ်တဵမ်ထူၼ်ႈၵႃႈတီႈၶဝ်ၼၼ်ႉဢေႃႈ။
၁၄ ၼွၵ်ႈသေၼၼ်ႉၵဝ်တၵ်းႁႂ်ႈမႂ်းပဵၼ်တီႈဢၼ်သိတ်ႇဢၼ်ယဵၼ်တီႈဢၼ်သေႉသွမ်း ၵႃႈၼႂ်းၵူႈၸိူဝ်ႉၵူႈမဵဝ်းဢၼ်မီးၵႃႈတီႈႁိမ်းႁွမ်းလဵပ်ႈႁွပ်ႈမႂ်းၼၼ်ႉၵႃႈတီႈၽၢႆႇၼႃႈၶဝ်ၵႃႈဢၼ်တႆႇတၢင်းပႆတၢင်းၵႂႃႇ ၵႃႈတီႈႁိမ်းၼၼ်ႉဢေႃႈ။
၁၅ မိူဝ်ႈဢၼ်ၵဝ်ဢဝ်တၢင်းၶႂ်ႈၸႃႉၶႆႈၸိတ်ႈၵဝ် ဢိၵ်ႇတင်းဢၢႆႁႅင်းတေႃးသႃႉတၢင်းၸႂ်မႆႈၵဝ်တင်းၵႂၢမ်းဢၼ်တၢင်ႇဢပျႅတ်ႈဢၼ်ႁၢဝ်ႈၵျၢမ်းၼႃႇ ၸီႇယၢင်ႇတၢမ်ႇၵႃႈၼႂ်းမႂ်းၼၼ်ႉမႂ်းတၵ်းလႆႈပဵၼ်တီႈဢၼ်သေႉသွမ်း၊တီႈဢၼ်တၢင်ႇဢပျႅတ်ႈ၊ တီႈဢၼ်လႆႈသတိ၊ တီႈဢၼ်လဵပ်ႈႁွပ်ႈႁိမ်းႁွမ်းမႂ်းၼၼ်ႉဢေႃႈ၊ ဝႃႈၼႆထႃႇ ဝရႃႉၽြႃးမီးဢမိင်ႉဢေႃႈ။
၁၆ တၵ်းပဵၼ်ၸိူဝ်ႉၼင်ႇၼၼ်ၼႂ်းမိူဝ်ႈဢၼ်ၵဝ်ပွႆႇၸႂ်ႉပိုၼ်ႁၢႆႉဢၼ်ဝႃႈ ၽေးတၢင်းဢၼ်ဢိုပ်းဢၼ်ယၢၵ်ႈဢၼ်ပဵၼ်ပုၼ်ႈ တၢင်းဢၼ်ယႃႉၽဵဝ်ႈပႅတ်ႈဢၼ်ၵဝ်တၵ်းပွႆႇၸႂ်ႉႁႂ်ႈလႆႈယႃႉၽဵဝ်ႈသူပႅတ်ႈၼၼ်ႉဢေႃႈ။
၁၇ ၵဝ်တၵ်းႁႂ်ႈၽေးတၢင်းဢၼ်ဢိုပ်းဢၼ်ယၢၵ်ႈ ယႂ်ႇၼမ်မႃးတီႈသူလႄႈႁၵ်းၶဝ်ႈမုၼ်း တၢင်းဢၼ်ၵမ်ႉဢၼ်ထွၵ်ႈသူၼၼ်ႉ ၶၢတ်ႇပႅတ်ႈလႄႈပွႆႇၸႂ်ႉၽေးတၢင်းဢၼ်ဢိုပ်းဢၼ်ယၢၵ်ႈ ၽေးတူဝ်ႁၢႆႉဢၼ်လႆႈႁိမ်ႁူင်ႇၼိၵ်ႈၸၢၵ်ႈငႅၼ်းသေးသူၼၼ်ႉ ၸူးတီႈသူလႄႈၽေးၵႃႇလႁႃႇလႅင်ႉမိူင်း ၽေးတၢင်းဢၼ်ထွၵ်ႇလိူတ်ႈၸိူဝ်းၼၼ်ႉတၵ်းႁူမ်ႇသုမ်ႇမႂ်းလႄႈ ၵဝ်ႁႂ်ႈၽေးလၢပ်ႇၽေးလႅဝ်းႁွတ်ႈထို်င်တီႈမႂ်းဢေႃႈ။ၵဝ်ထႃႇဝရႃႉၽြႃးၼႆႉသင်ႇလၢတ်ႈဝႆႉၸိူဝ်ႉၼင်ႇၼႆဢေႃႈ။