၄၄
ယိတ်ႉပရေႃးႁိၵ်ၶိူဝ်းလေႇဝိ
၁ လိုၼ်းၼၼ်ႉ မၼ်းဢဝ်ၵဝ်ၶိုၼ်းမႃးၸွမ်းသဵၼ်ႈတၢင်းၽၵ်းတူၵႃႈၼွၵ်ႈတီႈ ထႃႇၼႃႉတီႈမူတ်းၸၢင်ႇဢၼ်ဝၢႆႇၼႃႈၵႂႃႇ ၽၢႆႇတၢင်းဝၼ်းဢွၵ်ႇၼၼ်ႉလႄႈၽၵ်း တူၼၼ်ႉဢိုတ်းႁပ်းဝႆႉယူႇဢေႃႈ။
၂ ထႃႇဝရႃႉၽြႃးမီးဢမိင်ႉတီႈၵဝ်လႄႈဝႃႈ၊-ၽၵ်းတူၼႆႉတၵ်းလႆႈမီးတၢင်းဢၼ်ဢိုတ်းႁပ်းဝႆႉယူႇလႄႈ ဢမ်ႇလႆႈၽုၺ်ႇလႆႈပိုတ်ႇလႃးလႃး။ ၵူၼ်းဢမ်ႇလႆႈၶဝ်ႈၵႃႈၼႂ်းမၼ်းသေၵေႃႉသေၵူၼ်း။ လွင်ႈမၼ်းၸမ်းၵွပ်ႈပိူဝ်ႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလ လႆႈၶဝ်ႈၵႃႈၼႂ်းမၼ်းယဝ်ႉလႄႈ တၵ်းလႆႈမီးတၢင်းဢၼ်ဢိုတ်းႁပ်းဝႆႉ ဢေႃႈ။
၃ ပဵၼ်ပုၼ်ႈၶုၼ်ဢေႃႈ။ၶုၼ်ၼၼ်ႉတၵ်းလႆႈၼင်ႈၵႃႈၼႂ်းမၼ်းသေလႄႈ ၵိၼ်ၶူပ်းၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။ ၶုၼ်ၼၼ်ႉတၵ်းလႆႈၶဝ်ႈၵႃႈၼႂ်းမုၵ်ႉၽၵ်းတူၼၼ်ႉလႄႈ ဢွၵ်ႇၵႃႈၼႂ်းမၼ်းၼၼ်ႉဢေႃႈ၊ ဝႃႈၼင်ႇၼႆဢေႃႈ။
၄ မိူဝ်ႈၼၼ်ႉမၼ်းဢဝ်ၵဝ်ၸွမ်းသဵၼ်ႈတၢင်းၽၵ်းတူတၢင်းႁွင်ႇ ၵႂႃႇၵႃႈတီႈၽၢႆႇၼႃႈႁိူၼ်းၸဝ်ႈလႄႈ ၵဝ်တူၺ်းႁၼ်မူၼ်ၽုင်းထႃႇဝရႃႉၽြႃးမီးတဵမ်ဝႆႉၵႃႈၼႂ်းႁိူၼ်းထႃႇဝရႃႉၽြႃးၼၼ်ႉလႄႈ ၵဝ်ၶုပ်ႉ မူပ်ႇယူႇဢေႃႈ။
၅ ထႃႇဝရႃႉၽြႃးမီးဢမိင်ႉတီႈၵဝ်လႄႈဝႃႈ၊-လုၵ်ႈၵူၼ်းဢိူၺ်း။မၢတ်ႈတွင်းဝႆႉလႄႈဢဝ်တႃမႂ်းလူတူၺ်းဝႆႉတႃႉ။ဢဝ်ႁူမႂ်းထွမ်ႇငိၼ်းၵႃႈဢၼ်ၵဝ်ဢဝ်ႈလွင်ႈထုင်းၾိင်ႈတြႃးႁိူၼ်းထႃႇဝရႃႉၽြႃးၵႃႈမီး ဢိၵ်ႇတင်းပိင်းၺၢပ်ႈတြႃးမၼ်းၵႃႈမီးၸိူဝ်းၼၼ်ႉတႃႉ။ မၢတ်ႈတွင်းႁူးၽၵ်းတူ ဢၼ်ၶဝ်ႈၸူးႁိူၼ်းၸဝ်ႈဢိၵ်ႇတင်းႁူးၽၵ်းတူဢွၵ်ႇသေၵႃႈတီႈ ထႃႇၼႃႉတီႈမူတ်း ၸၢင်ႇၵႃႈမီးၼၼ်ႉဝႆႉတႃႉ။
၆ မႂ်းတၵ်းလႆႈလၢတ်ႈဝႆႉတီႈၵူၼ်းမဵဝ်းဢိသရေႇလ ဢၼ်ၸၢင်ႊလုၵ်ႉၽိုၼ်ႉၸိူဝ်းၼၼ်ႉလႄႈဝႃႈ၊-ၸဝ်ႈထႃႇဝရႃႉၽြႃးမီးဢမိင်ႉၸမ်းၵူၼ်းမဵဝ်းဢိသရေႇလၶဝ်ဢိူၺ်း။
၇ သူဢွၼ်ၵၼ်မီးတၢင်းဢၼ်ပျေႇၸႂ်ဢိမ်ႇၸႂ် လွင်ႈတၢင်းဢၼ်လီႁင်ႈဢဵတ်ႇသဵတ်ႇသူၵႃႈမီးဢၼ်ဝႃႈ ၼႂ်းလွင်ႈဢၼ်သူဢဝ်ၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်ႁူဝ်ၸႂ်ဢမ်ႇၶၢမ်ႇတၢင်းဢၼ်ထိူဝ်ႁိမ်းဢၼ်ၼိူဝ်ႉၼင်ၶဝ် ဢမ်ႇၶၢမ်ႇတၢင်းဢၼ်ထိူဝ်ႁိမ်းၸိူဝ်းၼၼ်ႉ သႂၢင်းၶဝ်ႈၵႃႈၼႂ်းထႃႇၼႃႉတီႈမူတ်းၸၢင်ႇၵဝ်သေလႄႈ ၶျႃးတီႈယူႇပၼ်ႁႂ်ႈႁိူၼ်းၵဝ်လႆႈၵူဝ်ႈၵိူၵ်ႇၼႂ်းမိူဝ်ႈဢၼ် သူပုၵ်ႉၸေႃႇၽေႃးၸဵၼ်ႇၵဝ်ဢၼ်ဝႃႈၵွၼ်ႈၶႆၵွၼ်ႈမၼ်းဢိၵ်ႇတင်းလိူတ်ႈၼၼ်ႉတႃႉ။လိူဝ်သေလွင်ႈတၢင်းဢၼ် လီႁင်ႈဢဵတ်ႇသဵတ်ႇသူၸိူဝ်းၼၼ်ႉလႄႈ ၶဝ်ၼၼ်ႉဢွၼ်ၵၼ် ယႃႉပတိၺိၼ်ႇၵဝ်ပႅတ်ႈ ထႅင်ႈယဝ်ႉ။
၈ သူဢမ်ႇပႂ်ႉၶိူင်ႈပိူင်ဢၼ်မူတ်းၸၢင်ႇတင်းလၢႆ။ သူဢွၼ်ၵၼ်ၸွမ်းလူၺ်ႈဢလူဝ်ႇသူသေလႄႈၶၢၼ်းၶဝ်ၸိူဝ်းဢၼ် ပႂ်ႉၵႃႈတီႈထႃႇၼႃႉတီႈမူတ်းၸၢင်ႇၵဝ်ၼၼ်ႉဝႆႉယဝ်ႉ။
၉ ၸဝ်ႈထႃႇဝရႃႉၽြႃးမီးဢမိင်ႉၸမ်း၊-ၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်ႁူဝ်ၸႂ်ဢမ်ႇၶၢမ်ႇတၢင်းဢၼ်ထိူဝ်ႁိမ်းဢၼ်ၼိူဝ်ႉၼင် ဢမ်ႇၶၢမ်ႇတၢင်းဢၼ်ထိူဝ်ႁိမ်း ဢၼ်ပဵၼ်ၵူၼ်းတၢင်ႇၸိူဝ်ႉတၢင်ႇၶိူဝ်းလႄႈ ယူႇၵႃႈၼႂ်းမဵဝ်းဢိသရေႇလ တင်းလၢႆၼၼ်ႉဢမ်ႇလႆႈၶဝ်ႈၵႃႈၼႂ်းထႃႇ ၼႃႉတီႈမူတ်းၸၢင်ႇၵဝ်။
၁၀ ၵူၼ်းလေႇဝိဢၼ်ၽၢတ်ႇယၢၼ်ၵဝ်ၵႂႃႇၵႆၼႃႇလူင်လၢင် ၼႂ်းမိူဝ်ႈဢၼ်မဵဝ်းဢိသရေႇလ ၽိတ်းတၢင်းပိူင်ႈတၢင်းၵႂႃႇၼၼ်ႉလႄႈဢွၵ်ႇသေၵႃႈတီႈၵဝ်ၽိတ်းတၢင်းၵႂႃႇသေလႄႈ ၸွမ်းလင်ရုၵ်ႉထူႉသၢင်းထူႉၶဝ်ၵႂႃႇယူႇၼၼ်ႉၸိူဝ်းၼၼ်ႉၵေႃႈ တၵ်းလႆႈၶၢမ်ႇဢပျႅတ်ႈတူဝ်ၸဝ်ႈၵဝ်ႇဢေႃႈ။
၁၁ ၼႂ်းဝႃႈၼၼ်သေၵေႃႈ ၶဝ်တၵ်းလႆႈပဵၼ်ၵူၼ်းပႂ်ႉဢမူႉၼႂ်းထႃႇၼႃႉတီႈမူတ်းၸၢင်ႇၵဝ်လႄႈ ပႂ်ႉၽၵ်းတူႁိူၼ်းၸဝ်ႈတင်းလၢႆယူႇ၊ ၵိုတ်ႈႁၢပ်ႇဢမူႉၸဝ်ႈၵႃႈၼႂ်းႁိူၼ်းၸဝ်ႈယူႇဢေႃႈ။ ၶဝ်တၵ်းလႆႈဢွၼ်ၵၼ်ဢဝ်ယိၸ်ႉဢၼ်တုတ်ႇၽႆးဢိၵ်ႇတင်း တူဝ်ယိၸ်ႉဢၼ်ပုၵ်ႉၸေႃႇပုၼ်ႈၵူၼ်းတင်းလၢႆၸိူဝ်းၼၼ်ႉတၢႆလႄႈ ၸုၵ်းယူႇၵႃႈတီႈၽၢႆႇၼႃႈၵူၼ်းတင်းလၢႆ ႁႂ်ႈလႆႈၵိုတ်ႈႁၢပ်ႇဢမူႉၸဝ်ႈ ပုၼ်ႈၶဝ်ဢေႃႈ။
၁၂ ၵွပ်ႈပိူဝ်ႈဢၼ်ၶဝ်ၵိုတ်ႈႁၢပ်ႇဢမူႉ ၵူၼ်းတင်းလၢႆၵႃႈတီႈၽၢႆႇၼႃႈရုၵ်ႉထူႉၶဝ်လႄႈ ယၢမ်ႈလႆႈပဵၼ်လွင်ႈဢၼ်မဵဝ်းဢိသရေႇလ တိူဝ်ႉမႅၼ်ႈလႄႈလူမ်ႉ သႂ်ႇၵႃႈၼႂ်းတူႉၸရိူၵ်ႈၼၼ်ႉလႄႈ ၵဝ်ယဵတ်ႇမိုဝ်းၵဝ်ယူႇၽၢႆႇၼိုင်ႈတင်းၶဝ်ဢေႃႈ။ၶဝ်ၼၼ်ႉတၵ်းလႆႈဢွၼ်ၵၼ်ၶၢမ်ႇဢပျႅတ်ႈတူဝ်ၸဝ်ႈၵဝ်ႇဢေႃႈ၊ ဝႃႈၼင်ႇၼႆၸဝ်ႈ ထႃႇဝရႃႉၽြႃးမီးဢမိင်ႉဢေႃႈ။
၁၃ ၶဝ်ဢမ်ႇလႆႈဢွၼ်ၵၼ်သုတ်ႉၸပ်းသုတ်ႉၸူးတီႈၵဝ် ႁႂ်ႈလႆႈႁဵတ်းယိတ်ႉပရေႃးႁိၵ်ႈ။ၶဝ်ဢမ်ႇလႆႈဢွၼ်ၵၼ်သုတ်ႉၸပ်းသုတ်ႉၸူးၶိူင်ႈပိူင်ဢၼ်မူတ်းၸၢင်ႇတင်း လၢႆၵႃႈတီႈထႃႇၼႃႉတီႈမူတ်းၸၢင်ႇၼႃႇသေပိူၼ်ႈၼၼ်ႉ။ ၶဝ်တၵ်းလႆႈဢွၼ်ၵၼ်ၶၢမ်ႇတၢင်းဢၼ်တူဝ်ၸဝ်ႈၵဝ်သရေႇလူႉ၊ လွင်ႈတၢင်းဢၼ်လီႁင်ႈဢဵတ်ႇသဵတ်ႇ ဢၼ်တူဝ်ၸဝ်ႈၵဝ်ႇႁဵတ်းၸိူဝ်းၼၼ်ႉဢေႃႈ။
၁၄ ၵူၺ်းၵႃႈၵဝ်တၵ်းၶၢၼ်းၶဝ်ဝႆႉႁႂ်ႈၶဝ်လႆႈပႂ်ႉႁိူၼ်းၸဝ်ႈဢိၵ်ႇတင်း ဢမူႉမၼ်းၵႃႈမီးတင်းလွင်ႈတၢင်းဢၼ်တၵ်းလႆႈၵိုတ်ႈႁၢပ်ႇ ၵႃႈၼႂ်းမၼ်းၵႃႈ မီးၼၼ်ႉဢေႃႈ။
၁၅ ယိတ်ႉပရေႃးႁိၵ်ႈလုၵ်ႈလၢၼ်ၸႃႇတုၵ်ႉမဵဝ်းလေႇဝိ ဢၼ်ပႂ်ႉထႃႇၼႃႉတီႈမူတ်းၸၢင်ႇၵဝ်ၼႂ်းမိူဝ်ႈဢၼ်ၵူၼ်းမဵဝ်းဢိသရေႇလ တင်းလၢႆဢွၵ်ႇသေၵႃႈၼႂ်းတီႈၵဝ်လႄႈ ၽိတ်းတၢင်းပိူင်ႈတၢင်းၵႂႃႇၸိူဝ်းၼၼ်ႉတၵ်းလႆႈဢွၼ်ၵၼ် သုတ်ႉၸပ်းသုတ်ႉၸူးၵႃႈတီႈၵဝ်ႁႂ်ႈလႆႈၵိုတ်ႈႁၢပ်ႇဢမူႉၸဝ်ႈဢေႃႈ။ၶဝ်တၵ်းလႆႈဢွၼ်ၵၼ်ၸုၵ်းယူႇၵႃႈတီႈၽၢႆႇၼႃႈၵဝ် ႁႂ်ႈလႆႈပုၵ်ႉၸေႃႇၵွၼ်ႈၶႆၵွၼ်ႈမၼ်းဢိၵ်ႇတင်းလိူတ်ႈၸိူဝ်းၼၼ်ႉတီႈၵဝ်ဢေႃႈ၊ဝႃႈၼင်ႇၼႆ ၸဝ်ႈထႃႇဝရႃႉၽြႃးမီးဢမိင်ႉဢေႃႈ။
၁၆ ၶဝ်ၼၼ်ႉ တၵ်းလႆႈဢွၼ်ၵၼ်ၶဝ်ႈၵႃႈၼႂ်းထႃႇၼႃႉတီႈမူတ်းၸၢင်ႇၵဝ်လႄႈ သုတ်ႉၸပ်းသုတ်ႉၸူးၵႃႈတီႈႁိမ်းၶူင်ႇတီႈၵိၼ်ၵဝ်ႁႂ်ႈလႆႈပွင်ႁဵတ်းဢမူႉၵဝ်လႄႈ ပဵၼ်ၵေႃႉ ဢၼ်ပႂ်ႉဢမူႉၵဝ်ဢေႃႈ။
၁၇ မိူဝ်ႈဢၼ်ၶဝ်ၶဝ်ႈၵႃႈၼႂ်းၽၵ်းတူတမ်ႇတိူင်းၵႃႈၼႂ်းၼၼ်ႉၸိုင် ၶဝ်တၵ်းလႆႈဢွၼ်ၵၼ်ၼုင်ႈၶူဝ်းၼုင်ႈပိၵ်ႈၶျေႃးၵူၺ်းဢေႃႈ။ၼႂ်းမိူဝ်ႈဢၼ်ၶဝ်ယင်းတိုၵ်ႉၵိုတ်ႈႁၢပ်ႇဢမူႉၸဝ်ႈ ၵႃႈၼႂ်းၽၵ်းတူတမ်ႇတိူင်းၵႃႈၼႂ်းဢိၵ်ႇတင်း ၵႃႈတီႈၼႂ်းၼၼ်ႉယူႇၼၼ်ႉၶဝ်ဢမ်ႇလႆႈဢွၼ်ၵၼ်ၼုင်ႈၶူဝ်းၼုင်ႈၶူၼ်သူဝ်း။
၁၈ ၶဝ်တၵ်းလႆႈ ဢွၼ်ၵၼ်တိုဝ်းမွၵ်ႇႁူဝ်ပိၵ်ႈၶျေႃးၵႃႈၼိူဝ်ႁူဝ်ၶဝ်သေလႄႈ ၼုင်ႈၵူၼ်ပိၵ်ႈၶျေႃးၵႃႈတီႈဢႅဝ်ၶဝ်ဢေႃႈ။ ၶဝ်ဢမ်ႇလႆႈဢွၼ်ၵၼ်ၼုင်ႈၶူဝ်းၼုင်ႈဢၼ် ၸၢင်ႊႁႂ်ႈႁိူဝ်ႇဢွၵ်ႇၼၼ်ႉ။
၁၉ မိူဝ်ႈဢၼ်ၶဝ်ဢွၵ်ႇၸူးၵႃႈတီႈတမ်ႇတိူင်းၵႃႈၼွၵ်ႈဢၼ်ဝႃႈ တမ်ႇတိူင်းၵႃႈၼွၵ်ႈတီႈဢၼ်ၵူၼ်းတင်းလၢႆမီးၼၼ်ႉၸိုင် ၶဝ်တၵ်းလႆႈဢွၼ်ၵၼ်ထွတ်ႇၶူဝ်းၼုင်ႈဢၼ်ၼုင်ႈၼႂ်းမိူဝ်ႈဢၼ်ၶဝ်ယင်းပွင်ႁဵတ်းဢမူႉၸဝ်ႈယူႇၼၼ်ႉလႄႈ ဢဝ်ဝႆႉၵႃႈၼႂ်းလုၵ်းဢၼ်မူတ်းၸၢင်ႇၸိူဝ်းၼၼ်ႉသေယဝ်ႉ ၼုင်ႈၶူဝ်းၼုင်တၢင်ႇၸိူဝ်းတၢင်းဢၼ် ႁႂ်ႈၵူၼ်းတင်းလၢႆဢမ်ႇလႆႈမူတ်းၸၢင်ႇ ၵွပ်ႈပိူဝ်ႈၶူဝ်းၼုင်ႈဢွၼ်တၢင်းၼၼ်ႉ ဢေႃႈ။
၂၀ ၶူၼ်ႁူဝ်ၶဝ်ၵေႃႈဢမ်ႇလႆႈထႃ။ဢမ်ႇလႆႈႁႂ်ႈၶူဝ်ႁူဝ်ယၢဝ်း။ တၵ်းလႆႈႁဵတ်းတၢင်းဢၼ်ၵႅတ်းႁႆးပႅတ်ႈၵူၺ်းဢေႃႈ။
၂၁ ယိတ်ႉပရေႃးႁိၵ်ႈဢမ်ႇလႆႈသူတ်ႉလႆႈၵိၼ်ၼမ်ႉၸပိတ်ႉၼႂ်းမိူဝ်ႈဢၼ်ၶဝ်ႈၵႃႈၼႂ်းတမ်ႇတိူင်းၵႃႈၼႂ်းၼၼ်ႉ။
၂၂ ၶဝ်ဢမ်ႇလႆႈပဵၼ်ၵူပ်းပဵၼ်ၵူႈလူၺ်ႈၵၼ်တင်းမေႈမုၵ်ႉမေႈမၢႆႈ။ဢမ်ႇလႆႈပဵၼ်ၵူပ်းပဵၼ်ၵူႈလူၺ်ႈၵၼ်တင်းမေႈယိင်းဢၼ်ၽူဝ်ပႅတ်ႈၼၼ်ႉ။ၶဝ်တၵ်းႁူမ်ႈပွင်းပဵၼ်ၵူပ်းပဵၼ်ႈၵူႈ လူၺ်ႈၵၼ်တင်းၵၢၼ်ႇၺႃႇလုၵ်ႈယိင်းသၢဝ်မဵဝ်းဢိသရေႇလ၊ ဢမ်ႇၼၼ်တင်းမေႈမုၵ်ႉမေႈမၢႆႈ ဢၼ်ယၢမ်ႈလႆႈပဵၼ် မႄးယိတ်ႉပရေႃးႁိၵ်ႈ ၼၼ်ႉၵူၺ်းဢေႃႈ။
၂၃ တၵ်းလႆႈဢွၼ်ၵၼ်သင်ႇသွၼ်ပၼ်ႁႂ်ႈၵူၼ်းၵဝ်တင်းလၢႆတၵ်းၸၵ်းၽႄ လွင်ႈတၢင်းဢၼ်မူတ်းၸၢင်ႇ လႂ် တင်းလွင်ႈတၢင်းဢၼ်ဢမ်ႇမူတ်းၸၢင်ႇ လႂ် ဢိၵ်ႇတင်းႁႂ်ႈၶဝ်ႁူႉလွင်ႈတၢင်းဢၼ်မူတ်းသႂ် လႂ်တင်းလွင်ႈတၢင်းဢၼ်ဢမ်ႇမူတ်းသႂ် လႂ်ဢေႃႈ။
၂၄ ၼႂ်းတၢင်းဢၼ်ပိူၼ်ႈထူပ်းတြႃးၵၼ်ၼၼ်ႉၸိုင် ၶဝ်တၵ်းလႆႈၸုၵ်းယူႇသေလႄႈၸီႇယၢင်ႇဢေႃႈ။ၶဝ်တၵ်းလႆႈဢွၼ်ၵၼ်ၸီႇယၢင်ႇ ၸွမ်းၼင်ႇထမ်ႇမႃႉသၢတ်ႈၵဝ်ဢေႃႈ။ပေႃးၵိုတ်ႈႁၢပ်ႇပွႆးထမ်ႇမႃႉၵဝ်ၸိုင်ၶဝ်တၵ်းလႆႈဢွၼ်ၵၼ် ပႂ်ႉၵမ်ပႂ်ႉၸွမ်းတြႃးဢၼ်ၸီႇယၢင်ႇဝႆႉဢိၵ်ႇတင်းထုင်းၾိင်ႈတြႃးၵဝ်ၸိူဝ်းၼၼ်ႉလႄႈ ႁႂ်ႈဝၼ်းၵမ် သိၼ်ၵဝ်တၵ်းလႆႈမူတ်းၸၢင်ႇဢေႃႈ။
၂၅ ၶဝ်ဢမ်ႇလႆႈသုတ်ႉၸပ်းသုတ်ႉၸူးတူဝ်တၢႆလႄႈ ႁႂ်ႈတူဝ်ၸဝ်ႈၵဝ်ႇၵူဝ်ႈၵိူၵ်ႇ။ ၵူၺ်းၵႃးမီးဢၶႂၢင်ႉဢၼ်ႁႂ်ႈတူဝ်ၸဝ်ႈၵဝ်ႇၵူဝ်ႈၵိူၵ်ႇၵွပ်ႈပိူဝ်ႈပေႃႈမေႈတူဝ်ၸဝ်ႈၵဝ်ႇ၊ လုၵ်ႈၸၢႆးလုၵ်ႈယိင်းတူဝ်ၸဝ်ႈၵဝ်ႇ၊ ပီႈၼၢင်းၼွင်ႉယိင်းတူဝ်ၸဝ်ႈ ၵဝ်ႇဢၼ်ဢမ်ႇပႆႇမီးၽူဝ်ၼၼ်ႉၵူၺ်းဢေႃႈ။
၂၆ မၼ်းႁဵတ်းတၢင်းဢၼ်မူတ်းသႂ်သေယဝ်ႉ တၵ်းလႆႈယူႇၸဵတ်းဝၼ်း ဢေႃႈ။
၂၇ ၼႂ်းဝၼ်းဢၼ်မၼ်းၶဝ်ႈၵႃႈၼႂ်းထႃႇၼႃႉတီႈမူတ်းၸၢင်ႇ တမ်ႇတိူင်းဢၼ်ၵႃႈၼႂ်းႁႂ်ႈလႆႈၵိုတ်ႈႁၢပ်ႇဢမူႉၸဝ်ႈ ၵႃႈတီႈထႃႇၼႃႉတီႈမူတ်းၸၢင်ႇၼၼ်ႉမၼ်းတၵ်းလႆႈပုၵ်ႉၸေႃႇယိၸ်ႉ ဢၼ်ၽႄႇဢပျႅတ်ႈမၼ်းဢေႃႈ၊ ဝႃႈၼင်ႇၼႆၸဝ်ႈထႃႇဝရႃႉၽြႃးမီးဢမိင်ႉဢေႃႈ။
၂၈ လွင်ႈတၢင်းၼၼ်ႉ တၵ်းလႆႈပဵၼ်ဢမူၺ်ႇဢုၵ်ႉၸႃႇၶဝ်ဢေႃႈ။ၵဝ်ၼႆႉပဵၼ်ဢမူၺ်ႇဢုၵ်ႉၸႃႇၶဝ်ဢေႃႈ။သူဢမ်ႇလႆႈပၼ်လိၼ်ဢမူၺ်ႇတီႈၶဝ် ၵႃႈၼႂ်းမိူင်းဢိသရေႇ လ။
၂၉ ၵဝ်ပဵၼ်ဢမူၺ်ႇၶဝ်ဢေႃႈ။ၶဝ်တၵ်းလႆႈဢွၼ်ၵၼ်ၵိၼ်ၶိူင်ႈပုၵ်ႉၸေႃႇၽေႃးၸဵၼ်ႇ ယိၸ်ႉဢၼ်ၽႄႇဢပျႅတ်ႈ ဢိၵ်ႇတင်းယိတ်ႉဢၼ်ၽႄႇတူႉၸရိူၵ်ႈဢေႃႈ။ၵႃႈဢၼ် ၵူၼ်းမဵဝ်းဢိသရေႇလၵိၼ်ႇဝႃႈလႄႈ ပုၵ်ႉ ၸေႃႇၼၼ်ႉၵေႃႈတၵ်းလႆႈပဵၼ်ၶွင်ၶဝ်ဢေႃႈ။
၃၀ မၢၵ်ႇဢၼ်မၢၵ်ႇဢွၼ်တၢင်းသုတ်းၼႂ်းမၢၵ်ႇဢၼ်မၢၵ်ႇဢွၼ်တၢင်းပိူၼ်ႈၵူႈၸိူဝ်ႉၵူႈပိူင် ဢိၵ်ႇတင်းၶိူင်ႈပုၵ်ႉၸေႃႇဢၼ်ယုၵ်ႉယွင်ႈ ၵႃႈဢၼ်ပႃးၵႃႈၼႂ်းၶိူင်ႈပုၵ်ႉၸေႃႇဢၼ်ယုၵ်ႉယွင်ႈၵူႈၸိူဝ်ႉၵူႈပိူင်ၼၼ်ႉ တၵ်းလႆႈပဵၼ်ပုၼ်ႈပရေႃးႁိၵ်ႈတင်းလၢႆဢေႃႈ။သူတၵ်းလႆႈဢဝ်ၶဝ်ႈမုၼ်းလိပ်းဢၼ်ၼူတ်ႈဢွၼ်တၢင်းပိူၼ်ႈၼၼ်ႉ လူႇတၢၼ်းတီႈယိတ်ႉပရေႃးႁိၵ်ႈ ႁႂ်ႈမၼ်းလႆႈတၢင်းလီမင်ႇၵလႃႇ တူၵ်းႁွတ်ႈၵႃႈၼိူဝ်ႁိူၼ်းမႂ်းဢေႃႈ။
၃၁ ပဵၼ်ၼူၵ်ႉသေဢမ်ႇဝႃႈ၊ပဵၼ်တူဝ်သေဢမ်ႇဝႃႈ၊ တူဝ်ဢၼ်တၢႆႁင်းၵူၺ်းမၼ်းတူဝ်ဢၼ်တူဝ်ႁၢႆႉၶူပ်းလႄႈ တၢႆၸိူဝ်းၼၼ်ႉပရေႃးႁိၵ်ႈတၵ်းဢမ်ႇလႆႈၵိၼ်။