၄၁
၁ လိုၼ်းၼၼ်ႉ မၼ်းႁွင်ႉၵဝ်ၵႂႃႇၵႃႈတီႈပိၵ်ႉမၢၼ်ႇၸဝ်ႈလႄႈ တႅၵ်ႈတူၺ်းသဝ်တင်းလၢႆလႄႈၵႃႈတီႈၽၢၵ်ႇၶၢင်ႈၼိုင်ႈ ဢၼ်ၵႂၢင်ႈမၼ်းမီးႁူၵ်းသွၵ်ႇ၊ၵႃႈတီႈၽၢၵ်ႇၶၢင်ႈၼိုင်ႈဢၼ်ၵႂၢင်ႈမၼ်းမီးႁူ ၵ်းသွၵ်ႇလႄႈတၢၼ်ႇ ပဵင်းၵၼ်တင်းသုမ်ႉထဵင်ၸဝ်ႈဢေႃႈ။
၂ ဢၼ်ၵႂၢင်ႈႁူးၽၵ်းတူၸမ်းမီးသိပ်းသွၵ်ႇလႄႈ ၽၢၵ်ႇၶၢင်ႈၼိုင်ႈႁူးၽၵ်းတူမီးႁႃႈသွၵ်ႇ၊ ၽၢၵ်ႇၶၢင်ႈၼိုင်ႈႁူးၽၵ်းတူႁႃႈသွၵ်ႇ ၼင်ႇၵၼ်ဢေႃႈ။
၃ မၼ်းတႅၵ်ႈတူၺ်းပိၵ်ႉမၢၼ်ႇၸဝ်ႈလႄႈၼႃႈယၢဝ်းမၼ်းမီးသီႇသိပ်းသွၵ်ႇ၊ ၼႃႈပွတ်းမၼ်းမီးသၢဝ်းသွၵ်ႇဢေႃႈ။လိုၼ်းၼၼ်ႉမၼ်းၶဝ်ႈၵႃႈၼႂ်းသေလႄႈ တႅၵ်ႈတူၺ်းသဝ်ႁူးၽၵ်းတူမီးသွင်သွၵ်ႇ၊ႁူးၽၵ်းတူႁူၵ်းသွၵ်ႇ၊ ဢၼ်ၵႂၢင်ႈၽၵ်းတူၸဵတ်းသွၵ်ႇ ဢေႃႈ။
၄ မၼ်းတႅၵ်ႈတူၺ်းၼႃႈယၢဝ်းမၼ်းမီးသၢဝ်းသွၵ်ႇ၊ ၼႃႈပွတ်းမၼ်းမီးသၢဝ်းသွၵ်ႇၵႃႈတီႈၽၢႆႇၼႃႈပိၵ်ႉမၢၼ်ႇၸဝ်ႈၼၼ်ႉလႄႈလၢတ်ႈတီႈၸဝ်ႈလႄႈဝႃႈ၊- လုၵ်းၼႆႉၸမ်းပဵၼ်လုၵ်းဢၼ်မူတ်းၸၢင်ႇသေ ပိူၼ်ႈဢေႃႈ၊ဝႃႈၼင်ႇၼႆဢေႃႈ။
၅ လိုၼ်းၼၼ်ႉမၼ်းတႅၵ်ႈတူၺ်းၽႃႁိူၼ်းၸဝ်ႈလႄႈ မီးႁူၵ်းသွၵ်ႇဢေႃႈ။ၼႃႈပွတ်းလုၵ်းၽႃ ဢၼ်ၸွမ်းလဵပ်ႈႁွပ်ႈႁိူၼ်းၸဝ်ႈ ၸိူဝ်းၼၼ်ႉမီးယေႈသီႇသွၵ်ႇၼင်ႇၵၼ်ဢေႃႈ။
၆ လုၵ်းၽႃၸိူဝ်းၼၼ်ႉပဵၼ်သၢမ်ႁၢၼ်ႉဝႆႉလႄႈယေႈႁၢၼ်ႉမီးသၢမ်သိပ်းၸွမ်းလူၺ်ႈတၢင်းဢၼ် ၸႅၼ်ႇတၢမ်းၵၼ်ဢေႃႈ။လုၵ်းၸိူဝ်းၼၼ်ႉယင်းဢမ်ႇၶဝ်ႈၵႃႈၼႂ်းၽႃႈႁိူၼ်းၸဝ်ႈလႄႈ ၵၢႆႇ သႂ်ႇၵႃႈၼိူဝ်ႁၢၼ်ႉၽႃႁိူၼ်းၸဝ်ႈပႅၼ်ဢွၵ်ႇၸွမ်းလဵပ်ႈႁွပ်ႈၸိူဝ်းၼၼ်ႉႁႂ်ႈပဵၼ်ဢၼ်မၼ်ႈ ဢၼ်ၶိူင်ႇဢေႃႈ။
၇ လုၵ်းၸိူဝ်းၼၼ်ႉပဵၼ်ဢၼ်ၵႂၢင်ႈၵႂႃႇယူႇၸွမ်း ၵႃႈၼင်ႇဢၼ်ၶဝ်ဢဝ်ၵႃႈတီႈႁၢၼ်ႉတႂ်ႈၶိုၼ်ႈၸူးၵႃႈတီႈႁၢၼ်ႉၼိူဝ်ၼၼ်ႉဢေႃႈ။ လွင်ႈမၼ်းၸမ်းတၢင်းဢၼ်ၶိုၼ်ႈႁိူၼ်းၸဝ်ႈၼၼ်ႉ လဵပ်ႈၶိုၼ်ႈပဵၼ်ႁၢၼ်ႉပဵၼ်ႁၢၼ်ႉဢေႃႈ။ ပိူဝ်ႈၼႆလႄႈၼႃႈပွတ်းႁိူၼ်းၸဝ်ႈၼၼ်ႉ ၶိုၼ်ႈၵႂႃႇၵႃႈၼိူဝ်တၢၼ်ႇပဵင်းၵၼ်လႄႈၵူၼ်းလုၵ်ႉသေၵႃႈတီႈ လုၵ်းဢၼ်ၵႃႈတႂ်ႈသုတ်းလႄႈၸွမ်းသဵၼ်ႈတၢင်း လုၵ်းဢၼ်ၶိုင်ႈၵၢင်ၼၼ်ႉသေလႄႈၶိုၼ်ႈၸူးတီႈ လုၵ်းဢၼ်သုင်ၼႃႇသေပိူၼ်ႈၼၼ်ႉဢေႃႈ။
၈ ၵဝ်ႁၼ်ႁိူၼ်းၸဝ်ႈၼၼ်ႉ ပဵၼ်ဢၼ်သုင်ၼႃႇၵႃႈတီႈၸွမ်းႁိမ်းလဵပ်ႈႁွပ်ႈမၼ်းၼၼ်ႉလႄႈ ငဝ်ႈႁၢၵ်ႈလုၵ်းၽႃၸိူဝ်းၼၼ်ႉၵႂၢင်ႈပဵင်းတၢၼ်ႇလႅမ်ႈမႆႉဢေႃႈ ဢၼ်ယၢဝ်းမၼ်းမီး ႁူၵ်းသွၵ်ႇလူင်ၼၼ်ႉတႅၵ်ႈၼိုင်ႈဢေႃႈ။
၉ ၽႃဢၼ်ၵင်ႈ ၵႃႈတီႈၽၢႆႇၼွၵ်ႈလုၵ်းၽႃၸိူဝ်းၼၼ်ႉဢၼ်ၼႃမၼ်းမီးႁႃႈသွၵ်ႇလႄႈ ၵႃႈတီႈဢၼ်ယင်းၵိုတ်းဝႆႉလွတ်ႈဝႆႉၼၼ်ႉ ၸၢပ်ႈသႅင်ႇၵၼ်တင်းလုၵ်းၽႃ ဢေႃႈ။
၁၀ ၵႃႈတီႈၵႄႈဝူင်ႈၵၢင်လုၵ်းၸိူဝ်းၼၼ်ႉၽုၺ်ႇပိုတ်ႇၸူး ၵႃႈတီႈဢၼ် ယင်းၵိုတ်းဝႆႉလွတ်ႈဝႆႉၼၼ်ႉလႄႈၵမ်ႈၽွင်ႈဝၢႆႇၵႂႃႇၽၢႆႇတၢင်းႁွင်ႇ၊ ၵမ်ႈၽွင်ႈဝၢႆႇၵႂႃႇ ၽၢႆႇတၢင်းၸၢၼ်းယူႇဢေႃႈ။
၁၁ ၼႃႈၼွႆႉတီႈဢၼ်ယင်းၵိုတ်းဝႆႉလွတ်ႈဝႆႉ ၵႃႈတီႈလဵပ်ႈႁွပ်ႈၼၼ်ႉ မီးႁႃႈသွၵ်ႇ ဢေႃႈ။
၁၂ တမ်ႇတိူင်းဢၼ်ဢိုတ်းတီႈဢၼ်ပဝ်ႇဢၼ်လၢပ်ႈလႄႈမီးၵႃႈတီႈၽၢႆႇတၢင်းတူၵ်းၼၼ်ႉဢၼ်ယၢဝ်းမၼ်းမီးၸဵတ်းသဵပ်းသွၵ်ႇလႄႈ တမ်ႇတိူင်းလဵပ်ႈႁွပ်ႈႁိူၼ်းၸဝ်ႈၼၼ်ႉၵေႃႈ ဢၼ်ၼႃႈမၼ်းမီးႁႃႈ သွၵ်ႇ၊ဢၼ်ယၢဝ်းမၼ်းမီးၵဝ်ႈသိပ်းသွၵ်ႇဢေႃႈ။
၁၃ ၼင်ႇၼၼ်လႄႈ မၼ်းတႅၵ်ႈတူၺ်းႁိူၼ်းၸဝ်ႈလႄႈဢၼ်ယၢဝ်းမၼ်းမီးပၢၵ်ႇသွၵ်ႇဢေႃႈ။ပႃးတီႈဢၼ်ပဝ်ႇဢၼ်လၢပ်ႈ၊ ၽႃႁိူၼ်းၸဝ်ႈ၊ တမ်ႇတိူင်းၸိူဝ်းၼၼ်ႉလႄႈ ဢၼ်ယၢဝ်းမၼ်းမီးပၢၵ်ႇသွၵ်ႇဢေႃႈ။
၁၄ တၢင်းဢၼ်ၶပ်ႉဢၼ်တႅၵ်ႈၼႃႈႁိူၼ်းၸဝ်ႈ ဢိၵ်ႇတင်းတီႈဢၼ်ပဝ်ႇဢၼ်လၢပ်ႈ ၵႃႈတီႈၽၢႆႇၼႃႈတၢင်းဢွၵ်ႇၼၼ်ႉၵေႃႈမီးပၢၵ်ႇသွၵ်ႇဢေႃႈ။
၁၅ မၼ်းတႅၵ်ႈတူၺ်းၼႃႈယၢဝ်းလင်ႁိူၼ်းဢၼ်ၵႃႈမီးၵႃႈတီႈၽၢႆႇၼႃႈ တီႈဢၼ်ပဝ်ႇဢၼ်လၢပ်ဢၼ်မီးၵႃႈတီႈၽၢႆႇလင်မၼ်းၼၼ်ႉ ဢိၵ်ႇတင်းႁၢၼ်ႉလုၵ်းၽႃမၼ်း တင်းလၢႆၵႃႈတီႈသွင်ၽၢႆႇၸိူဝ်း ၼၼ်ႉလႄႈမီးပၢၵ်ႇသွၵ်ႇဢေႃႈ။
၁၆ မၼ်းတႅၵ်ႈတူၺ်းပိၵ်ႉမၢၼ်ႇဢၼ်ၵႃႈၼႂ်း၊ မုၵ်ႉတမ်ႇတိူင်းတင်းလၢႆ၊ၶူင်ႇၽၵ်းတူတင်းလၢႆ၊ ႁူးလၢင်းတဵၼ်ဢၼ်ၵႅပ်ႈတင်းလၢႆ၊ႁၢၼ်ႉလုၵ်းၽႃ ဢၼ်ၸွမ်းၵႃႈတီႈႁိမ်းလဵပ်ႈႁွပ်ႈလႄႈ မီးသၢမ်ႁၢၼ်ႉတေႃႇၵၼ်တင်းၶူင်ၽၵ်းတူတင်းလၢႆ ဢၼ်ဢဝ်ၵႃႈတီႈလိၼ် တေႃႇထိုင်ႁွတ်ႈ ႁူးလၢင်းတဵၼ်မၼ်းမီးတၢင်းဢၼ်ဢဝ်ပႅၼ်ႈဢုမ်ႇႁေႃႇႁူမ်ႇသုမ်ႇဝႆႉၸိူဝ်းၼၼ်ႉဢေႃႈ။ႁူးလၢင်းတဵၼ်ၸိူဝ်းၼၼ်ႉမီးတၢင်း ဢၼ်ၵင်ႈဝႆႉလပ်ႉဝႆႉယူႇဢေႃႈ။
၁၇ ၵႃႈၼိူဝ်ႁူးၽၵ်းတူတေႃႇထိုင်ႁွတ်ႈႁိူၼ်းၸဝ်ႈဢၼ်ၵႃႈၼႂ်းဢိၵ်ႇတင်း ၵႃႈတီႈၽၢႆႇၼွၵ်ႈ၊ ၵႃႈတီႈၸွမ်းႁိမ်းလဵပ်ႈႁွပ်ႈၽႃၵႃႈၼွၵ်ႈဢိၵ်ႇတင်းၵႃႈၼႂ်းၼၼ်ႉၵေႃႈမၼ်း တႅၵ်ႈတူၺ်းဢေႃႈ။
၁၈ တီႈၼၼ်ႉလႆႈတဵမ်ဝႆႉတင်းပုင်ႇႁၢင်ႊ ၶေႇရုၽိမ်ႇတင်းတူၼ်ႈထၼ်းလႄႈ ၵႃႈတီႈၵႄႈဝူင်းၵၢင် ၶေႇရုၽိမ်ႇယေႈသွင်ဢၼ်ၼၼ်ႉမီးတူၼ်ႈထၼ်းယေႈဢၼ် ၼင်ႇၵၼ်ဢေႃႈ။
၁၉ ၶေႇရုၽိမ်ႇယေႈဢၼ်မီးၼႃႈယေႈသွင်ၼႃႈၼင်ႇၵၼ်လႄႈဢွၼ်ၵၼ်ဢဝ်ဢၼ်ပဵၼ်ၼႃႈၵူၼ်းၼၼ်ႉ ဝၢႆႇၸူးၵႃႈတီႈ တူၼ်ႈထၼ်းၽၢႆႇၼိုင်ႈယူႇ၊ ဢဝ်ၼႃႈဢၼ်ပဵၼ်သၢင်ႇသီႈၼၼ်ႉဝၢႆႇၸူးၵႃႈတီႈတူၼ်ႈထၼ်းၽၢႆႇၼိုင်ႈယူႇလႄႈ ပဵၼ်ၸိူဝ်ႉၼင်ႇၼၼ် ၵႃႈတီႈၸွမ်းႁိမ်းလဵပ်ႈႁွပ်ႈႁိူၼ်းၸဝ်ႈၵူႈ တီႈၵူႈလႅၼ်ဢေႃႈ။
၂၀ ဢဝ်ၵႃႈတီႈလိၼ်တေႃႇထိုင်ႁွတ်ႈၵႃႈၼိူဝ်ႁူးၽၵ်းတူၼၼ်ႉ မီးတၢင်းဢၼ်တွင်ႈႁဵတ်းပုင်ႇႁၢင်ႊၶေႇရုၽိမ်ႇ ဢိၵ်ႇတင်းတူၼ်ႈထၼ်းဝႆႉၵႃႈတီႈပိၵ်ႉမၢၼ်ႇၸဝ်ႈဢေႃႈ။
၂၁ သဝ်ပိၵ်ႉမၢၼ်ႇၸဝ်ႈၸိူဝ်းၼၼ်ႉပဵၼ်သီႇၸဵင်ႇၶိုင်ႈဝႆႉလႄႈ ၼႃႈထႃႇၼႃႉတီႈမူတ်းၸၢင်ႇၸဝ်ႈၼၼ်ႉ မိူၼ်ၵၼ်တင်းၼႃႈပိၵ်ႉမၢၼ်ႇၸဝ်ႈဢေႃႈ။
၂၂ ယိတ်ႉပလၢင်ႇၼိူဝ်ႉမႆႉၼၼ်ႉဢၼ်သုင်မၼ်းမီးသၢမ်သွၵ်ႇ၊ၼႃႈယၢဝ်းမၼ်းသွင်သွၵ်ႇ၊ ၼႃႈပွတ်းမၼ်းသွင်သွၵ်ႇဢေႃႈ။ၸဵင်ႇမၼ်း၊ၶူင်ႇႁၢၼ်ႉတိၼ်မၼ်း၊ ၼႃႈႁိမ်း မၼ်းၸိူဝ်းၼၼ်ႉယဝ်ႉတူဝ်ႈလူၺ်ႈၼိူဝ်ႉမႆႉဢေႃႈ။
၂၃ မၼ်းလၢတ်ႈတီႈၵဝ်လႄႈဝႃႈ၊-ဢၼ်ၼႆႉၸမ်းပဵၼ်ၶူင်ႇတီႈၵိၼ်ဢၼ်တၢင်ႇတမ်းဝႆႉ ၵႃႈတီႈၽၢႆႇၼႃႈထႃႇဝရႃႉ ၽြႃးဢေႃႈ၊ဝႃႈၼင်ႇၼႆဢေႃႈ။
၂၄ ပိၵ်ႉမၢၼ်ႇၸဝ်ႈတင်းထႃႇၼႃႉတီႈမူတ်းၸၢင်ႇၸဝ်ႈၼၼ်ႉ မီးၽၵ်းတူယေႈဢၼ်ယေႈႁူးၼင်ႇၵၼ်လႄႈ ၽၵ်းတူၸိူဝ်းၼၼ်ႉၵေႃႈမီးမႂ်ႊၽၵ်းတူဢၼ်တင်ႈၶိုၼ်ႈဝႆႉယေႈႁူးယေႈသွင်မႂ်ႊ ၼင်ႇၵၼ်ဢေႃႈ။
၂၅ ၵႃႈတီႈမႂ်ႊၽၵ်းတူၸိူဝ်းၼၼ်ႉမီးတၢင်းဢၼ်တွင်ႈႁဵတ်းၶႅၵ်းႁဵတ်းပုင်ႇႁၢင်ႊ ၶေႇရုၽိမ်ႇဢိၵ်ႇတင်းတူၼ်ႈထၼ်းဝႆႉမိူၼ်ၸိူဝ်ႉၼင်ႇဢၼ်တွင်ႈႁဵတ်းၵႃႈတီႈၽႃပိၵ်ႉမၼ်ႇၸဝ်ႈၼၼ်ႉဢေႃႈ။ပႅၼ်ႈဢၼ်ၼႃၼၼ်ႉမီးဝႆႉယူႇၵႃႈၼိူဝ်ၼႃႈမုၵ်ႉၼၼ်ႉ ၵႃႈတီႈၽၢႆႇၼွၵ်ႈ မၼ်းဢေႃႈ။
၂၆ ၵႃႈတီႈသွင်ၽၢႆႇမုၵ်ႉၼၼ်ႉယေႈၽၢႆႇမီးႁူးလၢင်းတဵၼ်ဢၼ်ၵႅပ်ႈ ဢိၵ်ႇတင်းတူၼ်ႈထၼ်းတင်းလၢႆဢေႃႈ။ ၼင်ႇၼၼ်လႄႈႁိူၼ်းၸဝ်ႈၼၼ်ႉတဵမ်ဝႆႉတင်းလုၵ်းၽႃဢိၵ်ႇတင်း ပႅၼ်ႈဢၼ်ၼႃၸိူဝ်းၼၼ်ႉဢေႃႈ။