၆
တၢင်းဢၼ်ပျႃႇတိၵ်ႉလွင်းလွႆဢိသရေလ
၁ လၢႆးသမ်ႉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ်လႄႈဝႃႈၸမ်း၊-
၂ လုၵ်ႈၵူၼ်းဢိူၺ်း။မႂ်းဝၢႆႇၼႃႈတေႃႇလွႆဢိသရေႇလ တင်းလၢႆသေလႄႈႁဵတ်းပရေႃးၽႅတ်ႈ ယူႇၽၢႆႇၼိုင်ႈတင်းၶဝ်လႄႈဝႃႈ၊-
၃ လွႆႈဢိသရေႇလတင်းလၢႆၶဝ်ဢိူၺ်း။ဢွၼ်ၵၼ်ထွမ်ႇငိၼ်းၵႂၢမ်းၸဝ်ႈထႃႇဝရႃႉၽြႃးတႃႉ။ထႃႇဝရႃႉၽြႃးမီးဢမိင်ႉတီႈလွႆလူင်လွႆဢွၼ်ႇ၊ၼမ်ႉႁွင်ႊၼမ်ႉၵႄး၊ ပၢင်ႇႁူၺ်ႈၶူင်ႈႁူၺ်ႈလႄႈ ဝႃႈၸမ်း၊-
၄ တူၺ်းလူ။ၵဝ်ဢၼ်ဝႃႈၵဝ်ၼႆႉတၵ်းႁႂ်ႈလၢပ်ႇလႅဝ်းႁွတ်ႈထို်င်ၵႃႈၼိူဝ်သူလႄႈ ၵိူၼ်ႇယႃႉထႃႇၼႃႉတီႈသုင်သူပႅတ်ႈဢေႃႈ။ယိတ်ႉပလၢင်ႇသူၸိူဝ်းၼၼ်ႉတၵ်းလႆႈပဵၼ်ဢၼ်ပဝ်ႇဢၼ်လၢပ်ႈလႄႈ ရုၵ်ႉထူႉၵၢင်ဝၼ်းသူၸိူဝ်းၼၼ်ႉ တၵ်းလႆႈၶၢမ်ႇတၢင်းဢၼ်ႁၵ်းႁိၵ်းပႅတ်ႈဢေႃႈ။ၵဝ်တၵ်းဢဝ်ႁူဝ်ႁၢၼ်ၵူၼ်းသိုၵ်းသူလူမ်ႉတူၵ်းပႅတ်ႈ ၵႃႈတီႈၽၢႆႇၼႃႈ ရုၵ်ႉထူႉသၢင်းထူႉၸိူဝ်းၼၼ်ႉဢေႃႈ။
၅ ၵဝ်တၵ်းဢဝ်တူဝ်တၢႆၵူၼ်းမဵဝ်းဢိသရေႇလတင်းလၢႆ ၶျႃးဝႆႉၵႃႈတီႈၽၢႆႇၼႃႈရုၵ်ႉထူႉသၢင်းထူႉၶဝ်ၸိူဝ်းၼၼ်ႉလႄႈ ဢဝ်လုပ်ႇသူတင်းလၢႆၸၢတ်ႇပိုၼ်ၵႃႈတီႈႁိမ်းႁွမ်းလဵပ်ႈႁွပ်ႈ ယိတ်ႉပလၢင်ႇသူၸိူဝ်းၼၼ်ႉ ဢေႃႈ။
၆ ၵႃႈၼႂ်းတီႈဢၼ်သူယူႇသူသဝ်းၵူႈတီႈၵူႈလႅၼ်ၼၼ်ႉဝဵင်းသူတင်းလၢႆ တၵ်းလႆႈမီးတၢင်းဢၼ်လူႉလႅဝ်ယူႇ၊ထႃႇၼႃႉတီႈသုင်သူၸိူဝ်းၼၼ်ႉ တၵ်းပဵၼ်ဢၼ်ပဝ်ႇဢၼ်လၢပ်ႈယူႇ ႁႂ်ႈယိတ်ႉပလၢင်ႇတင်းလၢႆပဵၼ်ႈတီႈဢၼ်ပဝ်ႇဢၼ်လၢပ်ႈ တီႈဢၼ်သိတ်ႇဢၼ်ယဵၼ် ရုၵ်ႉထူႉသၢင်းထူႉသူလႆႈၶၢမ်ႇတၢင်းဢၼ်ႁၵ်းႁိၵ်းပႅတ်ႈလႄႈႁၢႆလၢႆၵႂႃႇ၊ရုၵ်ႉထူႉၵၢင်ဝၼ်းသူလႆႈၶၢမ်ႇတၢင်းဢၼ်ၽၼ်းလူမ်ႉပႅတ်ႈ ဢိၵ်ႇတင်းၶိူင်ပိူင်ဢၼ်သူႁဵတ်းၸိူဝ်းၼၼ်ႉလႆႈၶၢမ်ႇ တၢင်းဢၼ်သုမ်းၸွမ်း လပ်ႉႁၢႆၵႂႃႇဢေႃႈ။
၇ ႁူဝ်ႁၢၼ်ၵူၼ်းသိုၵ်းတင်းလၢႆ တၵ်းဢွၼ်ၵၼ်လူမ်ႉတၢႆၵႃႈၼႂ်းသူလႄႈ သူတၵ်းဢွၼ်ၵၼ်လႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးဢေႃႈ။
၈ ၼႂ်းဝႃႈၼၼ်သေၵေႃႈ ၼႂ်းမိူဝ်ႈဢၼ်သူလႆႈၶၢမ်ႇတၢင်းဢၼ်ၸၢတ်ႇပိုၼ်ပႅတ်ႈ ၵႃႈၼႂ်းၵူၼ်း ၵူႈၸိူဝ်ႉၵူႈမဵဝ်းၼၼ်ႉၸိုင်ႈ ၵဝ်တၵ်းဝႆႉၵူၼ်းဢၼ်ပဵၼ်ဢၼ်ၵိုတ်းဢၼ်ၵျၢၼ်ႇ ႁႂ်ႈသူလႆႈမီးၵမ်ႈၽွင်ႈဢၼ်ၵၢင်းလွတ်ႈတင်းၽေးလၢပ်ႇၽေးလႅဝ်း ၵူၼ်းၵူႈၸိူဝ်ႉၵူႈမဵဝ်းၼၼ်ႉဢေႃႈ။
၉ ၶဝ်ၸိူဝ်းဢၼ်ပဵၼ်ဢၼ်ၵၢင်းလွတ်ႈၵႃႈၼႂ်းသူၼႆႉၼၼ်ႉ တၵ်းဢွၼ်ၵၼ်ၶုၵ်းၸႂ်လႆႈၶႆႈၸႂ်ထူပ်းၵဝ်ၵႃႈၼႂ်းၵူၼ်းၵူႈၸိူဝ်ႉၵူႈမဵဝ်း တီႈဢၼ်ၶဝ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇၼၼ်ႉ ၵွပ်ႈပိူဝ်ႈဢၼ်ၵဝ်ၽၢတ်ႇယၢၼ်ၵၼ်တင်းႁူဝ်ၸႂ်ၶဝ် ဢၼ်ၸၢင်ႊၸုၼ်ႉပႅတ်ႈၵဝ်လႄႈၽိတ်းပိူင်ႈဢိၵ်ႇတင်းမၢၵ်ႇတႃၶဝ် ဢၼ်မီးဢလူဝ်ႇၶႂ်ႈၽိတ်းပိူင်ႈလူၺ်ႈ ရုၵ်ႉထူႉသၢင်းထူႉၶဝ်ၼၼ်ႉဢေႃႈ။
၁၀ ၶဝ်တၵ်းဢွၼ်ၵၼ် လီႈႁင်ႈဢဵတ်ႇသဵတ်ႇတူဝ်ၸဝ်ႈၵဝ်ႇၵွပ်ႈပိူဝ်ႈလွင်ႈတၢင်းဢၼ် လီႁင်ႈဢဵတ်ႇသဵတ်ႇၵႃႈဢၼ်ၶဝ်လႆႈႁဵတ်း လႂ်ၼၼ်ႉဢေႃႈ။
ၶဝ်တၵ်းဢွၼ်ၵၼ်လႆႈႁူႉ လွင်ႈဢၼ် ၵဝ်ပဵၼ်ထႃႇဝရႃႉၽြႃးဢိၵ်ႇတင်း လွင်ႈဢၼ်ဢမိင်ႉၵဝ်ဢၼ်ဝႃႈ ၵဝ်တၵ်းပၼ်တၢမ်ႇဢပျႅတ်ႈၸိူဝ်ႉၼင်ႇၼၼ်ဢေႃႈ၊ဝႃႈၼင်ႇၼႆၼၼ်ႉ ဢမ်ႇပဵၼ်လၢႆလၢႆလွၵ်ႇလွၵ်ႇၼၼ်ႉဢေႃႈ။
၁၁ ၸဝ်ႈထႃႇဝရႃႉၽြႃးမီးဢမိင်ႉၸမ်း၊- ဢဝ်မိုဝ်းမႂ်းတူပ်းလႄႈဢဝ်တိၼ်မႂ်းတိုပ်ႈသေလႄႈလၢတ်ႈဝႃႈ၊-မီးဢႃႉမင်ႇၵလႃႇ ၵွပ်ႈပိူဝ်ႈလွင်ႈတၢင်းဢၼ်ႁၢႆႉယုတ်ႈဢၼ်လီႁင်ႈဢဵတ်ႇသဵတ်ႇၵႃႈဢၼ်မဵဝ်းဢိသရေႇလ လႆႈႁိတ်းၼၼ်ႉလူင်ပေႇ၊ဝႃႈၼင်ႇၼႆတႃႉ။လွင်ႈမၼ်းၸမ်းၶဝ်တၵ်းလူမ်ႉတူၵ်းလူၺ်ႈၽေးလၢပ်ႇ၊ ၽေးဢၼ်ဢိုပ်းဢၼ်ယၢၵ်ႈ၊ၽေးၵႃႇလႁႃႇလႅင်ႉမိူင်းဢေႃႈ။
၁၂ ၵေႃႉဢၼ်ၵႆၵၼ်ၼၼ်ႉတၵ်းလႆႈတၢႆလူၺ်ႈၽေးၵႃႇလႁႃႇလႅင်ႉမိူင်းၵေႃႉဢၼ်ၸမ်ၼၼ်ႉ တၵ်းလူမ်ႉတၵ်းလူၺ်ႈၽေးလၢပ်ႇၽေးလႅဝ်း၊ ၵေႃႉဢၼ်ၵိုတ်းဢၼ်ၵျၢၼ်ႇလႄႈလႆႈၶၢမ်ႇတၢင်းဢၼ်လွမ်ႉလဵပ်ႈႁွပ်ႈဝႆႉၼၼ်ႉ တၵ်းတၢႆလူၺ်ႈၽေးတၢင်းဢၼ်ဢိုပ်းဢၼ်ယၢၵ်ႈလႄႈ ဢၢႆႁႅင်းတေႃးသႃႉတၢင်းၸႂ်မႆႈၵဝ် တၵ်းတဵမ်ထူၼ်ႈတီႈၶဝ် ၸိူဝ်ႉၼင်ၼၼ်ဢေႃႈ။
၁၃ သူတၵ်းဢွၼ်ၵၼ်လႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃး ၼႂ်းမိူဝ်ႈဢၼ်ႁူဝ်ႁၢၼ်ၵူၼ်းသိုၵ်းၶဝ်တင်းလၢႆ ဢွၼ်ၵၼ်လူမ်ႉတၢႆၵႃႈၼႂ်းၵၢင်ရုၵ်ႉထူႉသၢင်းထူႉၶဝ် ၵႃႈတီႈႁိမ်းႁွမ်းလဵပ်ႈႁွပ်ႈယိတ်ႉပလၢင်ႇၶဝ်၊ၵႃႈၼိူဝ်ၵုင်းဢၼ်သုင်ၵႃႈမီး၊ ၵႃႈၼိူဝ်ပၢႆၸိၵ်းလွႆၵႃႈမီး၊ ၵႃႈတႂ်ႈတူၼ်ႈမႆႉဢၼ်ၶဵဝ်ၵႃႈမီး၊ၵႃႈတူၼ်ႈမႆႉၼိမ်ဢၼ်ႁူမ်ႈလီၵႃႈမီးတီႈဢၼ်ၶဝ် ပုၵ်ႉၸေႃႇၼၢမ်ႇသႃႇ တီႈရုၵ်ႉထူႉသၢင်းထူႉၶဝ်ၵႃႈမီးတင်းသဵင်ႈ တင်းလူင်ၼၼ်ႉဢေႃႈ။
၁၄ ၵဝ်ယဵတ်ႇမိုဝ်းယိုၼ်းမိုဝ်းၵဝ်ၵႃႈၼိူဝ်ၶဝ်လႄႈ ႁႂ်ႈမိူင်းပဵၼ်တီႈဢၼ်ပဝ်ႇဢၼ်လၢပ်ႈဢၼ်သဵတ်ႇဢၼ်ယဵၼ်ၵဝ်ၵႃႈတီႈထိူၼ်ႇဢၼ်မီးသိုဝ်ႈဝဵင်းတိပလၢတ်ႉ ၸွတ်ႇတူဝ်ႈၵႃႈၼႂ်းတီႈသူႇတီႈသဝ်းၶဝ်ၵူႈတီႈၵူႈလႅၼ်ၼၼ်ႉလႄႈ ၶဝ်တၵ်းဢွၼ်ၵၼ်လႆႈႁူႉ လွင်ႈဢၼ်ၵဝ်ပဵၼ်ထႃႇဝရႃႉၽြႃးၼၼ်ႉဢေႃႈ၊ဝႃႈၼင်ႇၼႆဢေႃႈ။