၁၅
ယေႇရုသလႅမ်ႇၶိူဝ်းမၢၵ်ႇၸပိတ်ႉဢမ်ႇပွင်ႇလွင်ႈ
၁ လၢႆးသမ်ႉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ်လႄႈဝႃႈၸမ်း၊-
၂ လုၵ်ႈၵူၼ်းဢိူၺ်း။ၼိူဝ်ႉမႆႉၶိူဝ်းမၢၵ်ႇၸပိတ်ႈ ဢၼ်ပဵၼ်ၵိင်ႇပဵၼ်ၶႃႊၵႃႈၼႂ်းပႃႇမႆႉပႃႇၸိၼၼ်ႉ ပဵၼ်ဢၼ်မျၢတ်ႈလိူဝ်တွၼ်း ၼႃႇသေၼိူဝ်ႉမႆႉ တၢင်ႇၸိူဝ်ႉတၢင်ႇမဵဝ်းသေၸိူဝ်ႉသေမဵဝ်းႁိုဝ်။
၃ ၸၢင်ႊဢဝ်ၼိူဝ်ႉမႆႉမဵဝ်းၼၼ်ႉႁဵတ်းသေၸိူဝ်ႉသေပိူင်ႁိုဝ်။ၸၢင်ႊဢဝ်ၼိူဝ်ႉမႆႉမဵဝ်းၼၼ်ႉႁဵတ်းမႆႉသဵပ်ႇမႆႉၶေႃ ပုၼ်ႈဢၼ်တၵ်းႁွႆႈဝႆႉ သေၸိူဝ်ႉသေပိူင်ႁိုဝ်။
၄ တူၺ်းလူ။ၸၢင်ႊဢဝ် သႂ်ႇၵႃႈၼႂ်းၽႆးပုၼ်ႈၽိုၼ်းလႄႈ ၸၢင်ႊမႆႈငဝ်ႈမၼ်းပၢႆမၼ်းလႄႈမႆႈၵၢင်မၼ်းဢေႃႈ။မၼ်းၸၢင်ႊၶဝ်ႈဢသုင်းဢသွင်ႇ ပုၼ်ႈတၵ်းႁဵတ်းႁိုဝ်။
၅ တူၺ်းလူ။မိူဝ်ႈဢၼ်မၼ်းယင်းမီးယူႇၸေးၸေးၸုင်ႇၸုင်ႇၼၼ်ႉၸိုင်မၼ်းဢမ်ႇၶဝ်ႈဢသုင်းဢသွင်ႇပုၼ်ႈတၢင်းႁဵတ်း။ၽႆးမႆႈမၼ်းလႄႈမၼ်းသုတ်းပႅတ်ႈသေယဝ်ႉ။မၼ်းယိင်ႈၶႅၼ်းဢမ်ႇၶဝ်ႈ ဢသုင်းဢသွင်ႇပုၼ်ႈတၢင်းႁဵတ်း။
၆ ဢမ်ႇၸႂ်ႈႁိုဝ်။ပိူဝ်ႈၼႆလႄႈ ၸဝ်ႈထႃႇဝရႃႉၽြႃးမီးဢမိင်ႉၸမ်းၸိူဝ်ႉၼင်ႇၶိူဝ်းမႆႉမၢၵ်ႇၸပိတ်ႈ ဢၼ်ၵဝ်ဢဝ်ဢၢပ်ႈပၼ် ပုၼ်ႈဢၼ်တၵ်းသႂ်ႇၽႆးသုမ်ၽႆးၼၼ်ႉၵႃႈၼႂ်းတူၼ်ႈမႆႉထိူၼ်ႇတင်းလၢႆၼၼ်ႉ ၵဝ်တၵ်းဢဝ်ၵူၼ်းဝဵင်းယေႇရုသလႅမ်ႇတင်းလၢႆဢၢပ်ႈပၼ်ဢေႃႈ။
၇ ၵဝ်တၵ်းဝၢႆႇၼႃႈရၵဝ်ပႅတ်ႈၶဝ်လႄႈ ၶဝ်ၼၼ်ႉ တၵ်းဢွၵ်ႇသေၵႃႈၼႂ်းၽႆးလႄႈမႆႈၽႆးထႅင်ႈဢေႃႈ။မိူဝ်ႈဢၼ်ၵဝ်ဝၢႆႇၼႃႈၵဝ်ပႅတ်ႈၶဝ်ၼၼ်ႉၸိုင် သူတၵ်းလႆႈႁူႉလွင်ႈဢၼ်ၵဝ်ပဵၼ် ထႃႇဝ ရႃႉၽြႃးဢေႃႈ။
၈ ၵဝ်တၵ်းႁႂ်ႈမိူင်းၸဝ်ႈပဵၼ်တီႈဢၼ်သိတ်ႇၵူၼ်းယဵၼ်ၵူၼ်း ၵွပ်ႈပိူဝ်ႈဢၼ်ၶဝ်ၽိတ်းပိူင်ႈၵဝ်ၼၼ်ႉဢေႃႈ၊ ဝႃႈၼင်ႇၼႆၸဝ်ႈထႃႇဝရႃႉၽြႃးမီးဢမိင်ႉဢေႃႈ။