၁၃
ပရေႃးၽႅတ်ႈဢၼ်ပွမ်လႆႈၶၢမ်ႇပၼ်တၢမ်ႇ
၁ လၢႆးသမ်ႉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ် လႄႈဝႃႈ၊-
၂ လုၵ်ႈၵူၼ်းဢိူၺ်း။ ႁေႃးလၢတ်ႈယူႇၽၢႆႇၼိုင်ႈတင်းပရေႃးၽႅတ်ႈမဵဝ်းဢိသရေႇလ ဢၼ်ႁဵတ်းပရေႃးၽႅတ်ႈ သေလႄႈႁေႃးလၢတ်ႈတီႈၶဝ်ၸိူဝ်းဢၼ်ၸင်ႇႁဵတ်းပရေႃးၽိတ်းသေလႄႈ ႁေႃးလၢတ်ႈၸွမ်းဢလူဝ်ႇတူဝ်ၸဝ်ႈၵဝ်ႇၼၼ်ႉလႄႈဝႃႈ၊-သူဢွၼ်ၵၼ် ထွမ်ႇငိၼ်းဢမိင်ႉထႃႇဝရႃႉၽြႃးတႃႉ။
၃ ၸဝ်ႈထႃႇဝရႃႉၽြႃးမီးဢမိင်ႉၸမ်းပရေႃးၽႅတ်ႈမိူၵ်ႈ ဢၼ်ယင်းဢမ်ႇႁၼ်လွင်ႈတၢင်းၵႃႈသင်လႃးလႃးလႄႈ ၸွမ်းဢလူဝ်ၸႂ်တူဝ်ၸဝ်ႈၵဝ်ႇၸိူဝ်းၼၼ်ႉ မီးဢႃႉမင်ႇၵလႃႇဢေႃႈ။
၄ မဵဝ်းဢိသရေႇလဢိူၺ်း။ပရေႃးၽႅတ်ႈမႂ်းၸိူဝ်းၼၼ်ႉပဵၼ်ၸိူဝ်ႉၼင်ႇမႃႇလိၼ် ဢၼ်ယူႇၵႃႈၼႂ်းထိူၼ်ႇၼႂ်း ၶိူဝ်း ၼၼ်ႉဢေႃႈ။
၅ သူဢမ်ႇဢွၼ်ၵၼ်ၶိုၼ်ႈၵႃႈၼိူဝ်တီႈႁွႆးပင်းႁွႆးလူႉလႄႈ ဢမ်ႇဢွၼ်ၵၼ်ပွင်မႄးပွင်ႁႅၼ်းလွမ်ႉႁူဝ်ႉဝၢင်းပုၼ်ႈမဵဝ်းဢိသရေႇလ ႁႂ်ႈလႆႈၸုၵ်းၶၢမ်ႇသိုၵ်း ၼႂ်းမိုဝ်ႉၼႂ်းဝၼ်းထႃႇဝရႃႉၽြႃးၼၼ်ႉ။
၆ ၶဝ်ဢွၼ်ၵၼ်ႁၼ်ဢၼတ်ႉတဢိၵ်ႇတင်း လွင်ႈတၢင်းဢၼ်လၢႆလၢႆဢမ်ႇပွင်ႇလွင်ႈၵႃႈသင်လႄႈ လၢတ်ႈဝႃႈ ၸဝ်ႈထႃႇဝရႃႉၽြႃးမီးဢမိင်ႉဢေႃႈ၊ဝႃႈၼင်ႇၼႆသေၵေႃႈ ထႃႇဝရႃႉၽြႃးဢမ်ႇပွႆႇဢမ်ႇၸႂ်ႉ။ၶဝ်ဢွၼ်ၵၼ်ႁဵတ်းႁႂ်ႈပိူၼ်ႈမုင်ႈထႃႈမွင်းထႃႈ လွင်ႈဢၼ်ၵႂၢမ်းၶဝ်တၵ်းတဵမ်ထူၼ်ႈ ၼၼ်ႉယူႇဢေႃႈ။
၇ ပိၵ်ႉသမ်ႉၵဝ်ဢမ်ႇလၢတ်ႈသေၵေႃႈသူလဝ်ႈလၢတ်ႈလႄႈဝႃႈ၊- ထႃႇဝရႃႉၽြႃးမီးဢမိင်ႉဢေႃႈ၊ ဝႃႈၼင်ႇၼႆသေလႄႈ ဢွၼ်ၵၼ်ႁၼ်လွင်ႈတၢင်းဢၼ်လၢႆလၢႆဢမ်ႇပွင်ႇလွင်ႈၵႃႈသင်လႄႈ ဢွၼ်ၵၼ်ပႅတ်ႉလႅၼ်သေလႄႈ ႁဵတ်းပရေႃးၽႅတ်ႈယဝ်ႉဢမ်ႇ ၸႂ်ႈႁိုဝ်။
၈ ပိူဝ်ႈဢၼ်ပဵၼ်ၼင်ႇၼၼ်လႄႈၸဝ်ႈထႃႇဝရႃႉၽြႃးမီးဢမိင်ႉၸမ်း ၵွပ်ႈပိူဝ်ႈဢၼ် သူလၢတ်ႈၵႂၢမ်းဢၼ်လၢႆလၢႆဢမ်ႇပွင်ႇလွင်ႈၵႃႈသင်လႄႈ ႁၼ်ရူႇပႃႇရုင်ႇ မူႉသႃႇၼၼ်ႉလႄႈၵဝ်ယူႇၽၢႆႇၼိုင်ႈတင်းသူဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၉ မိုဝ်းၵဝ်ၼႆႉတၵ်းယူႇၽၢႆႇၼိုင်ႈတင်း ပရေႃးၽႅတ်ႈဢၼ်ၸၢင်ႊႁၼ်လွင်ႈတၢင်းဢၼ်လၢႆလၢႆ ဢမ်ႇပွင်ႇလွင်ႈၵႃႈသင်လႄႈ ႁေႃးလၢတ်ႈၵႂၢမ်းမူႉသႃႇၸိူဝ်းၼၼ်ႉလႄႈ ၶဝ်ၼၼ်ႉ ဢမ်ႇလႆႈဢွၼ်ၵၼ်ၶဝ်ႈပႃးၵႃႈၼႂ်းပရိၵ်ႈသၢတ်ႈတီႈၸူႉတီႈတုမ်ၵူၼ်းၶဝ်တင်းလၢႆ။ဢမ်ႇလႆႈမီးတၢင်းဢၼ်ဢဝ်သိမ်း သႂ်ႇဝႆႉ ၵႃႈၼႂ်းၸရၢင်းမဵဝ်းဢိသရေႇလ။ဢမ်ႇလႆႈၶျႃးတီႈယူႇတီႈသဝ်းယူႇ ၵႃႈၼႂ်းမိူင်းဢိသရေႇလ။ သူတၵ်းလႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးၼၼ်ႉဢေႃႈ။
၁၀ ၵွပ်ႈပိူဝ်ႈဢၼ်ၶဝ်ပႅတ်ႉလႅၼ်ၵူၼ်းၵဝ်တင်းလၢႆလႄႈဝႃႈမီးတၢင်းဢၼ်ၼိမ်ဢၼ်လီဢိၵ်ႇတင်း ၵွပ်ႈပိူဝ်ႈဢၼ်ၵေႃႉၼိုင်ႈတႄႇႁဵတ်းလမ်းဢုတ်ႇယူႇ၊ ၵေႃႉၼိုင်ႈဢဝ်ဢၢင်းၵတေႇတႃးယူႇၼၼ်ႉလႄႈ လၢတ်ႈတီႈ ၶဝ်ၸိူဝ်းဢၼ်တႃးဢၢင်းၵတေႇၼၼ်ႉလႄႈဝႃႈ လမ်းဢုတ်ႇၼၼ်ႉတၵ်းၵိူၼ်ႇပင်းဢေႃႈ ဝႃႈၼင်ႇၼႆတႃႉ။
၁၁ ၼမ်ႉၽူၼ်တၵ်းထူမ်ႈႁူမ်ႇဢေႃႈ။မၢၵ်ႇႁိၼ်ဢၼ် ယႂ်ႇၼႃႇတင်းလၢႆၶဝ်ဢိူၺ်း။သူတၵ်းလႆႈတူၵ်းလႄႈ ၽူၼ်လူင်လူမ်းလူင်တၵ်းပတ်ႉထူဝ်း ယႃႉပႅတ်ႈဢေႃႈ။
၁၂ လမ်းဢုတ်ႇၼၼ်ႉၵိူၼ်ႇလူမ်ႉသေယဝ်ႉပိူၼ်ႈတၵ်းဢွၼ်ၵၼ်ထၢမ်လႄႈဝႃႈဢၢင်းၵတေႇဢၼ်သူတႃးႁၢင်ႈၶိူင်ႈၼၼ်ႉမီးၵႃႈ လႂ်၊ ဝႃႈၼင်ႇၼႆ ဢမ်ႇၸႂ်ႈႁိုဝ်။
၁၃ ပိူဝ်ႈၼႆလႄႈၸဝ်ႈထႃႇဝရႃႉၽြႃးမီးဢမိင်ႉၸမ်း၊-တၢင်းၸႂ်မႆႈၶႂ်ႈၸႃႉၵဝ်တၵ်းဢွၵ်ႇလႄႈၵဝ်တၵ်းဢဝ်ၽူၼ်လူင်လူမ်းလူင်ပတ်ႉထူဝ်းယႃႉမၼ်းပႅတ်ႈဢေႃႈ။တေႃးသႃႉတၢင်းၸႂ်မႆႈၵဝ်တၵ်းဢွၵ်ႇလႄႈၵဝ်တၵ်းႁႂ်ႈၼမ်ႉၽူၼ်ထူမ်ႈႁူမ်ႇဢေႃႈ။ဢၢႆႁႅင်းတၢင်းၸႂ်မႆႈၶႆၸႃႉၵဝ်တၵ်းဢွၵ်ႇလႄႈ ၵဝ်တၵ်းႁႂ်ႈမၼ်းသုမ်းလူၺ်ႈ မၢၵ်ႇႁဵပ်းဢၼ် ယႂ်ႇၼႃႇၼၼ်ႉဢေႃႈ။
၁၄ ၼင်ႇၼၼ်လႄႈၵဝ်တၵ်းၵိူၼ်ႇလူမ်ႉၶျႃးတူၵ်း လမ်းဢုတ်ႇဢၼ်သူဢဝ်ဢၢင်းၵတေႇ ဢၼ်ဢမ်ႇၸိုဝ်ႈဢမ်ႇၸႂ်ႈတႃးႁၢင်ႈၶိူင်ႈၼၼ်ႉလႄႈ ဢဝ်ပိၼ်ႈပႅတ်ႈတေႃႇထိုင်ႁူတ်ႈလိၼ်ႁႂ်ႈငဝ်ႈႁၢၵ်ႈမၼ်းထၼ်ႈပေႃးဢွၵ်ႇသေယဝ်ႉ မၼ်းတၵ်းလူမ်ႉတူၵ်းလႄႈသူတၵ်းလႆႈသုမ်းဢသၢၵ်ႈဢေႃႈ။သူတၵ်းလႆႈႁူႉ လွင်ႈဢၼ်ၵဝ်ပဵၼ်ထႃႇဝရႃႉၽြႃးဢေႃႈ။
၁၅ ၼင်ႇၼၼ်လႄႈ ၵဝ်တၵ်းၽႄႈတင်းၸႂ်မႆႈၶႂ်ႈၸႃႉၵဝ်တီႈလမ်းဢုတ်ႇ ဢိၵ်ႇတင်း တီႈၶဝ်ၸိူဝ်းဢၼ်ဢဝ်ဢၢင်းၵတေႇတႃးႁၢင်ႈၶိူင်ႈၼၼ်ႉလႄႈ ၵဝ်တၵ်းလၢတ်ႈတီႈသူလႄႈဝႃႈလမ်းဢုတ်ႇဢမ်ႇမီးယဝ်ႉ။
၁၆ ၶဝ်ၸိူဝ်းဢၼ်ဢဝ်ဢၢင်းၵတေႇ တႃးႁၢင်ႈၶိူင်ႈဢၼ်ဝႃႈပရေႃးၽႅတ်ႈ ဢိသရေႇလ ဢၼ်ဢဝ်လွင်ႈဝဵင်း ယေႇရုသလႅမ်ႇႁေႃးလၢတ်ႈလႄႈ ႁၼ်တၢင်းဢၼ်ၼိမ်ဢၼ်လီပုၼ်ႈမၼ်း ၼႂ်းမိူဝ်ႈဢၼ်တၢင်းဢၼ်ၼိမ်ဢၼ်လီဢမ်ႇမီးၼၼ်ႉၸိူဝ်းၼၼ်ႉဢမ်ႇမီးယဝ်ႉ၊ ဝႃႈၼင်ႇၼႆဢေႃႈ၊ ဝႃႈၼင်ႇၼႆၸဝ်ႈထႃႇဝရႃႉၽြႃးမီးဢမိင်ႉဢေႃႈ။
၁၇ လိူဝ်သေၼၼ်ႉလုၵ်ႈၵူၼ်းဢိူၺ်း။မႂ်းဝၢႆႇၼုႈပႅတ်ႈလုၵ်ႈယိင်းၵူၼ်းမဵဝ်းမႂ်းဢၼ်ႁဵတ်းပရေႃးၽႅတ်ႈ ၸွမ်းလူၺ်ႈဢလူဝ်ႇၸဝ်ႈၵဝ်ႇၸိူဝ်းၼၼ်ႉလႄႈ ႁေႃးလၢတ်ႈယူႇ ၽၢႆႇၼိုင်ႈတင်းၶဝ်လႄႈဝႃႈ၊-
၁၈ ၸဝ်ႈထႃႇဝရႃႉၽြႃးမီးဢမိင်ႉၸမ်း၊-မေႈယိင်းဢၼ်ဢဝ်မွၼ်ဢိင်ၸပ်း သႂ်ႇၵႃႈတီႈပွင်ႈၶႅၼ်ပွင်ႈမိုဝ်းၵူႈပွင်ႈလႄႈ ဢဝ်မွၵ်ႇႁူဝ်တၢင်ႇ သႂ်ႇတိုဝ်း သႂ်ႇၵႃႈၼိူဝ်ၵွၵ်းႁူဝ်ၵူၼ်းလူင်ၵူၼ်းဢွၼ်ႇ ႁႂ်ႈလႆႈတီႉဢဝ်ဢသၢၵ်ႈဝိၺိၺ်ႇတင်းလၢႆၼၼ်ႉ မီးဢႃႉမင်ႇၵလႃႇဢေႃႈ။သူတၵ်းတီႉဢဝ်ဢသၢၵ်ႈဝိၺိၺ်ႇၵူၼ်းၵဝ်တင်းလၢႆလႄႈ ၵႄႇသႄႇၶျွတ်ႈဢဝ်ဢသၢၵ်ႈဝိၺိၺ်ႇ သူႁိုဝ်။
၁၉ သူဢွၼ်ၵၼ်ၶျႃးၵဝ်တူၵ်းတီႈတႅမ်ႇၵႃႈၼႂ်းၵူၼ်းတင်းလၢႆပုၼ်ႈဢၼ်တၵ်းလႆႈၶဝ်ႈသၢၼ်မူႉယေႃးဝၵ်ႉမိုဝ်းၼိုင်ႈဢိၵ်ႇတင်းၶဝ်ႈမုၼ်းၽၢၵ်ႇၼိုင်ႈ ႁႂ်ႈလႆႈဢဝ်ဢသၢၵ်ႈ ၶဝ်ၸိူဝ်းဢၼ်ဢမ်ႇထုၵ်ႇတၢႆၼၼ်ႉတၢႆလႄႈပၼ်ဢသၢၵ်ႈၶဝ်ၸိူဝ်းဢၼ် ဢမ်ႇထုၵ်ႇလိပ်းၼၼ်ႉလိပ်းလူၺ်ႈတၢင်းဢၼ်သူလၢတ်ႈၵႂၢမ်းမူႉသႃႇတီႈၵူၼ်းၵဝ် ဢၼ်ၸၢင်ႊထွမ်ႇဢဝ်ၵႂၢမ်းမူႉသႃႇၸိူဝ်းၼၼ်ႉယဝ်ႉ။
၂၀ ပိူဝ်ႈၼႆလႄႈၸဝ်ႈထႃႇဝရႃႉၽြႃးမီးဢမိင်ႉၸမ်း၊-ၵဝ်တၵ်းႁဵတ်းၶတ်းၵၼ်တင်းမွၼ်ဢိင် ဢၼ်ၸၢင်ႊတီႉဢဝ်ဢသၢၵ်ႈဝိၺိၺ်ႇ ႁႂ်ႈၶဝ်လႆႈမိၼ်ၵႂႃႇၸိူဝ်းၼၼ်ႉလႄႈ ၵဝ်တၵ်းတိုတ်ႉထွတ်ႇဢဝ်ဢွၵ်ႇၵႃႈတီႈၶႅၼ်သူသေလႄႈပွႆႇဢသၢၵ်ႈဝိၺိၺ်ႇ ဢၼ်သူတီႉဢဝ်ႁႂ်ႈၶဝ် လႆႈမိၼ်ၵႂႃႇၸိူဝ်းၼၼ်ႉလွတ်ႈဢေႃႈ။
၂၁ မွၵ်ႇႁူဝ်သူၸိူဝ်းၼၼ်ႉၵေႃႈၵဝ်တၵ်းသိၵ်ႇပႅတ်ႈသေလႄႈ ၵႄႇသႄႇၼုၵ်ႈဢဝ်ၵူၼ်းၵဝ်တင်းလၢႆ ဢွၵ်ႇသေၵႃႈၼႂ်ႈမိုဝ်းသူလႄႈၵမ်းလိုၼ်းၶဝ်ဢမ်ႇလႆႈႁွတ်ႈထိုင်ႈၵႃႈၼႂ်းမိုဝ်းသူ ႁႂ်ႈလႆႈၶၢမ်ႇတၢင်းဢၼ်သူတီႉလႆႈ။သူတၵ်းလႆႈႁူႉလွင်ႈဢၼ် ၵဝ်ပဵၼ်ထႃႇဝရႃႉၽြႃးဢေႃႈ။
၂၂ ၵွပ်ႈပိူဝ်ႈဢၼ်သူဢဝ်ၵႂၢမ်းမူႉသႃႇ ႁႂ်ႈႁူဝ်ၸႂ်ၵေႃႉဢၼ်သိုဝ်ႈတေႃႇဢၼ်ၵဝ်ဢမ်ႇႁႂ်ႈႁဵဝ်ႇၸွပ်ႈၼၼ်ႉ ႁဵဝ်ႇၸွပ်ႈဢိၵ်ႇတင်းၵွပ်ႈပိူဝ်ႈဢၼ်သူႁႂ်ႈ ၵေႃႉဢၼ်ႁၢႆႉဢၼ်ယုတ်ႈၼၼ်ႉၵႅၼ်ႇၶႅင်ႁႂ်ႈမၼ်းဢမ်ႇဝၢႆႇၶိုၼ်းသေ ၵႃႈတီႈသဵၼ်ႈတၢင်းဢၼ်ႁၢႆႉယုတ်ႈမၼ်းလႄႈၵတ်းယဵၼ်ၶျၢမ်းသႃႇယူႇၼၼ်ႉလႄႈ
၂၃ ၵမ်းလိုၼ်းသူဢမ်ႇလႆႈႁၼ်လွင်ႈတၢင်းဢၼ်လၢႆလၢႆဢမ်ႇပွင်ႇလွင်ႈၵႃႈသင်ႇၼၼ်ႉ။ဢမ်ႇလႆႈႁဵတ်းပရေႃးၽႅတ်ႈသေလႄႈႁေႃးလၢတ်ႈ။ၵဝ်တၵ်းၵႄႇသႄႇၼုၵ်ႈဢဝ်ၵူၼ်းၵဝ်တင်းလၢႆ ဢွၵ်ႇသေၵႃႈၼႂ်းမိုဝ်းသူဢေႃႈ။သူတၵ်းလႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးဢေႃႈ၊ဝႃႈၼင်ႇၼႆဢေႃႈ။