၂၄
မေႃႈဢၼ်တူမ်ႈႁုင်
၁ ၼႂ်းပီႊဢၼ်ထူၼ်ႈထိုင်ၵဝ်ႈပီႊ လိူၼ်တသမသိပ်းဝၼ်းၼၼ်ႉ ၼုၵ်ႉၵပၢတ်ႈထႃႇဝရႃႉၽြႃး ႁွတ်ႈမႃးတီႈၵဝ်လႄႈဝႃႈၸမ်း၊-
၂ လုၵ်ႈၵူၼ်းဢိူၺ်း။မႂ်းမၢတ်ႈမၢႆတႅမ်ႈဝႆႉၸိုဝ်သဵင်ဝၼ်းဢၼ်ဝႃႈမိူဝ်ႉဝၼ်းဢၼ်ၸိူဝ်းၼႆႉတႃႉ။ၼႂ်းမိူဝ်ႉဝၼ်းဢၼ်ၸိူဝ်းၼႆႉၼၼ်ႉ ၶုၼ်ႁေႃၶမ်းပႃႇပုလုၼ်ႇ တၵ်းလႆႈႁဵတ်းတၢင်းဢၼ်လွမ်ႉဝဵင်းယေႇရုသ လႅမ်ႇဝႆႉဢေႃႈ။
၃ တီႈမဵဝ်းဢၼ်ၸၢင်ႊလုၵ်ႉၽိုၼ်ႉၼၼ်ႉၵေႃႈမႂ်းဢဝ်ၵႂၢမ်းဢပုမ်ႇသင်ႇလၢတ်ႈဝႆႉလႄႈဝႃႈ ၸဝ်ႈထႃႇဝရႃႉၽြႃးမီးဢမိင်ႉၸမ်း၊-ဢဝ်မေႃႈၶၢင်တင်ႈလႄႈ ဢဝ်တင်ႈသေလႄႈဢဝ်ၼမ်ႉထွၵ်ႇႁိုဝ်ႈ သႂ်ႇတႃႉ။
၄ ဢဝ်ၵွၼ်ႈၼိူဝ်ႉဢၼ်ဝႃႈ ၵွၼ်ႈဢၼ်လီဢၼ်ငၢမ်းၵႃႈမီးၸႃႉၸဵမ်ၶႃ၊ႁူဝ်မႃႇ၊ ၸူႉဝႆႉၵွင်ဝႆႉၵႃႈၼႂ်းမၼ်းလႄႈဢဝ်လုပ်ႇဢၼ်လီၼႃႇသေပိူၼ်ႈၼၼ်ႉသႂ်ႇဝႆႉၵႃႈၼႂ်းမၼ်း ၼၼ်ႉႁႂ်ႈထၼ်ႈပေႃးတဵမ်တႃႉ။
၅ ဢဝ်သူဝ်းဢၼ်လီၼႃႇသေပိူၼ်ႈၵႃႈၼႂ်းၽုင်သူဝ်းသေလႄႈ ဢဝ်လုပ်ႇမၼ်းတင်းလၢႆၵွင် သႂ်ႇဝႆႉ ၵႃႈတႂ်ႈမၼ်းၼၼ်ႉလႄႈ ႁဵတ်းႁႂ်ႈမၼ်းၼၼ်ႉလိူတ်ႇၼႃႇၼႃႇတႃႉ။ႁႂ်ႈလုပ်ႇၼၼ်ႉမီးၵႃႈၼႂ်းမၼ်းၸိူဝ်းၼၼ်ႉသုၵ်းၵႃႈၼႂ်းမၼ်းၼၼ်ႉတႃႉ။
၆ ပိူဝ်ႈၼႆလႄႈထႃႇဝရႃႉၽြႃးမီးဢမိင်ႉၸမ်း၊-ဝဵင်းဢၼ်ၸၢင်ႊထွၵ်ႇလိူတ်ႈၵူၼ်းပႅတ်ႈ၊ မေႃႈၶၢင်ဢၼ်မီးတၢင်းဢၼ်ပႅၼ်းႁေႃႇဝႆႉလႄႈ ႁေႃႇမၼ်းၼၼ်ႉဢွၵ်ႇၵႂႃႇႁၢႆၵႂႃႇယဝ်ႉၼၼ်ႉမီးဢႃႉမင်ႇၵလႃႇဢေႃႈ။ဢဝ်ၵွၼ်ႈၼိူဝ်ႉ ဢွၵ်ႇၵွၼ်ႈၼိုင်ႈယဝ်ႉၵွၼ်ႈၼိုင်ႈတႃႉ။
၇ ယႃႇပေတူၵ်းၸႃႇၵွၵ်ႈလူၺ်ႈလွင်ႈမၼ်း။လွင်ႈမၼ်းၸမ်းလိူတ်ႈဢၼ်မၼ်းၼၼ်ႉထွၵ်ႇပႅတ်ႈၼၼ်ႉ မီးယူႇၵႃႈၼႂ်းၵၢင်မၼ်းလႄႈ မၼ်းဢဝ်တၢင်ႇ သႂ်ႇဝႆႉၵႃႈၼိူဝ်မၢၵ်ႇႁိၼ်ဢၼ်ၵဵင်ႈဢၼ်လိူမ်ႈၼၼ်ႉယဝ်ႉ။မၼ်းဢမ်ႇဢဝ်ထွၵ်ႇ သႂ်ႇၵႃႈၼိူဝ် လိၼ်ႁႂ်ႈလႆႈဢဝ်မုၼ်ႈလိၼ်ႁူမ်ႇသုမ်ႇဝႆႉ။
၈ လွင်ႈၼင်ႇႁိုဝ်လိူတ်ႈၼၼ်ႉ တၵ်းႁႂ်ႈတေႃးသႃႉတၢင်းၸႂ်မႆႈဢွၵ်ႇႁႂ်ႈလႆႈပၼ်တၢမ်ႇဢပျႅတ်ႈၸိုင်ၵဝ်ဢဝ်လိူတ်ႈမၼ်းၼၼ်ႉတၢင်ႇ သႂ်ႇဝႆႉၵႃႈၼိူဝ်မၢၵ်ႇႁိၼ် ဢၼ်ၵဵင်ႈဢၼ်လိူမ်ႈ ၼၼ်ႉႁႂ်ႈဢမ်ႇလႆႈႁူမ်ႇသုမ်ႇဝႆႉယဝ်ႉ။
၉ ပိူဝ်ႈၼႆလႄႈၸဝ်ႈထႃႇဝရႃႉၽြႃးမီးဢမိင်ႉၸမ်း၊-ဝဵင်းဢၼ်ၸၢင်ႊထွၵ်ႇလိူတ်ႈၵူၼ်းပႅတ်ႈၼၼ်ႉမီးဢႃႉမင်ႇၵလႃႇဢေႃႈ။ ၵဝ်တၵ်းၸီႇယၢင်ႇႁဵတ်းၵွင်ၽႆးဢၼ် ယႂ်ႇၼႃႇဢေႃႈ။
၁၀ ဢဝ်ၽိုၼ်းၵွင်ဝႆႉလႄႈတုတ်ႇၽႆးတႃႉ။ ႁုင်ၼိူဝ်ႉလီလီငၢမ်းငၢမ်းလႄႈ ႁႂ်ႈပဵၼ်ဢၼ်ဢူၼ်ႈလီတုင်လီတႃႉ။ႁႂ်ႈလုပ်ႇမၼ်းမႆႈသုတ်းပႅတ်ႈသေ။
၁၁ လိုၼ်းၼၼ်ႉဢဝ်မၼ်းဢၼ်ဢမ်ႇပႃးၵႃႈသင်ၼၼ်ႉ တၢင်ႇ သႂ်ႇဝႆႉၵႃႈၼိူဝ်ထၢၼ်ႇၽႆးႁႂ်ႈမၼ်းလႆႈမႆႈလႄႈတွင်းလိူင်မၼ်းမႆႈသုတ်းယူႇသေလႄႈ ၶႆတင်းမၼ်း မီးတၢင်းဢၼ်ၶိုဝ်ႇဢွင်ႇၸိူမ်ႈယူႇ ၵႃႈၼႂ်းမၼ်းလႄႈ ႁေႃမၼ်းသုတ်း ပႅတ်ႈသဵင်ႈပႅတ်ႈသေတႃႉ။
၁၂ မၼ်းၼၼ်ႉႁဵတ်းၼႃႇလူင်လၢင်လႄႈႁိူဝ်ႉၸႂ်ဢူၼ်ႈၸႂ်ဢေႃႈ။ႁေႃမၼ်းဢၼ် ယႂ်ႇၼႃႇၼၼ်ႉဢမ်ႇသူႈဢွၵ်ႇသေၵႃႈၼႂ်းမၼ်း။ၵွပ်ႈပိူဝ်ၽႆးလႄႈဢမ်ႇသူႈသဵင်ႈသူႈမူတ်း။ၵႃႈၼႂ်းၶႆးတင်မႂ်းၼၼ်ႉ ပႃးဢမူႉဢၼ်ႁၢႆႉယုတ်ႈဢေႃႈ။
၁၃ ၵွပ်ႈပိူဝ်ႈဢၼ်ၵဝ်မီးဢလူဝ်ႇ ၶႂ်ႈသုၵ်ႈသီမႂ်းလႄႈမႂ်းဢမ်ႇၶၢမ်ႇတၢင်းဢၼ်သုၵ်ႉသီၼၼ်ႉလႄႈ မႂ်းတၵ်းဢမ်ႇလႆႈၶၢမ်ႇတၢင်းဢၼ်သုၵ်ႉသီၶႆးတင်မၼ်းပႅတ်ႈထႅင်ႈ တေႃႇထိုင်ႁွတ်ႈၵဝ်ႁႂ်ႈဢၢႆႁႅင်းတေႃးသႃႉၸႂ်မႆႈၵဝ် ႁွတ်ႈထိုင်ၵႃႈၼိူဝ်မႂ်းၼၼ်ႉ။
၁၄ ၵဝ်ထႃႇဝရႃႉၽြႃးမီးဢမိင်ႉဝႆႉယဝ်ႉ။မၼ်းတၵ်းလႆႈပဵၼ်မႃးဢေႃႈ။ၵဝ်တၵ်းႁဵတ်းဢေႃႈ။ၵဝ်တၵ်းဢမ်ႇသုတ်ႈဢမ်ႇ ယိုတ်းၶိုၼ်း၊ဢမ်ႇသေလၢႆ၊ဢမ်ႇၶုၵ်းၸႂ်လႆႈမႆႈၸႂ်။ၶဝ်တၵ်းၸီႇယၢင်ႇမႂ်းၸွမ်းၵႃႈၼင်ႇဢၼ်သဵၼ်ႈတၢင်းမႂ်းဢိၵ်ႇတင်း တၢင်းၵမ်တၢင်းၵျၢင်ႉမႂ်းမီးၼၼ်ႉဢေႃႈ၊ ဝႃႈၼင်ႇၼႆၸဝ်ႈထႃႇဝရႃႉၽြႃးမီးဢမိင်ႉဢေႃႈ။
မႄးယေႇၸၵျေႇလတၢႆ
၁၅ လၢႆးသမ်ႉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ်လႄႈဝႃႈၸမ်း၊-လုၵ်ႈၵူၼ်းဢိူၺ်း။တူၺ်းလူ။ၵဝ်တၵ်းဢဝ်တၢမ်ႇၵမ်းၼိုင်ႈ ပႄႇၽဵဝ်ႈၵေႃႉဢၼ်မၢၵ်ႇတႃမႂ်း လူတူၺ်းၼၼ်ႉပႅတ်ႈၵမ်းလဵဝ်ဢေႃႈ။
၁၆ ၼႂ်းဝႃႈၼၼ်သေၵေႃႈမႂ်းဢမ်ႇလႆႈႁဵတ်း တၢင်းဢၼ်ၶၢင်းၶီၶၢင်းၽၢၼ်၊တၢင်းဢၼ်ႁႆႈဢၼ်ႁွင်ႉ။ၼမ်ႉတႃဢမ်ႇလႆႈဢွၵ်ႇတူၵ်း လႆႈတူၵ်း။
၁၇ လွမ်ၶၢင်းၶီၶၢင်းၽၢၼ်တဵတ်ႇတဵတ်ႇတႃႉ။ယႃႇပေႁဵတ်း တၢင်းဢၼ်ပွင်ႉမိူၼ်ႇပုၼ်ႈၵေႃႉဢၼ်တၢႆၼၼ်ႉ။ၶဵၼ်းၶဵၼ်းႁူဝ်မႂ်းလႄႈတိုဝ်းၶႅပ်းတိၼ်မႂ်းတႃႉ။ယႃႇပေႁူမ်ႇသူပ်းတုမ်ယသူပ်းမႂ်း။ယေႃႇပေၵိၼ်တၢင်း ၵိၼ်တၢင်းၶူပ်းၼႄ်မွင်ၸႂ်၊ဝႃႈၼင်ႇၼႆဢေႃႈ။
၁၈ ၼင်ၼၼ်လႄႈ ၵဝ်မွၵ်ႇလၢတ်ႈတီႈၵူၼ်းတင်းလၢႆၶိင်ႇၵၢင်ၼႂ်လႄႈၶိင်ႇႁူဝ်ၶမ်ႈၵူၼ်းယိင်းၵဝ်တၢႆဢေႃႈ။ၶိင်ႇၵၢင်ၼႂ်ၵဝ်ႁဵတ်းၸွမ်း ၵႃႈၼင်ႇဢၼ်မၼ်းၸဝ်ႈသင်ႇလၢတ်ႈ ဝႆႉၼၼ်ႉဢေႃႈ။
၁၉ ၵူၼ်းတင်းၸၢႆးၵေႃႈထၢမ်တီႈၵဝ်လႄႈဝႃႈ၊- ၸဝ်ႈတၵ်းမွၵ်ႇလၢတ်ႈလွင်ႈဢၼ်လွင်ႈတၢင်းဢၼ်ၸဝ်ႈႁဵတ်းၸိူဝ်ႉၼင်ႇၼႆၸိူဝ်းၼၼ်ႉ ၸၢပ်ႈသႅင်ႇ ၵၼ်တင်းႁဝ်းၸိူဝ်ႉၼင်ႇႁိုဝ်ၼၼ်ႉဢမ်ႇၸႂ်ႈႁိုဝ်၊
၂၀ မိူဝ်ႈဢၼ်ဝႃႈၼင်ႇၼႆၸိုင်၊ ၵဝ်လၢတ်ႈတီႈၶဝ်လႄႈဝႃႈၼုၵ်ႉၵပၢတ်ႈထႃႇဝရႃႉၽြႃး ႁွတ်ႈမႃးတီႈၵဝ်လႄႈဝႃႈၸမ်း၊-
၂၁ မႂ်းလၢတ်ႈတီႈမဵဝ်းဢိသရေႇလလႄႈဝႃႈၸမ်းၸဝ်ႈထႃႇဝရႃႉၽြႃးမီးဢမိင်ႉၸမ်း၊-ၵဝ်တၵ်းၶျႃးထႃႇၼႃႉတီႈမူတ်းၸၢင်ႇၵဝ်၊ဢၼ်ထွတ်ႈဢၼ်မျၢတ်ႈတၢင်းၵတ်ႉတၢင်းၶၼ်သူ၊ လွင်ႈတၢင်းဢၼ်မၢၵ်ႇတႃသူၶႂ်ႈလူတူၺ်း၊လွင်ႈတၢင်းဢၼ်ႁူဝ်ၸႂ်သူသေလၢႆၼႃႇလူင်လၢင်ၼၼ်ႉတူၵ်းတီႈတႅမ်ႇဢေႃႈ။ လုၵ်ႈသူလၢင်းသူ ဢၼ်သူႁႂ်ႈၵိုတ်းၵျၢၼ်ႇဝႆႉၸိူဝ်းၼၼ်ႉတၵ်းဢွၼ်ၵၼ်လူမ်ႉတၢႆလူၺ်ႈလၢပ်ႇလူၺ်ႈလႅဝ်းဢေႃႈ။
၂၂ မိူဝ်ႈၼၼ်ႉ သူတၵ်းလႆႈဢွၼ်ၵၼ်ႁဵတ်းမိူၼ်ၸိူဝ်ႉၼင်ႇဢၼ်ၵဝ်ႁဵတ်းၼႆႉလႄႈ ဢမ်ႇလႆႈဢွၼ်ၵၼ်ႁူမ်ႇသူပ်းတူမ်းသူပ်းသူ၊ ဢမ်ႇလႆႈဢွၼ်ၵၼ်ၵိၼ် တၢင်းၵိၼ် တၢင်းၶူပ်းၼႄမွင်ၸႂ်။
၂၃ ၶဵၼ်းႁူဝ်သူတၵ်းလႆႈမီးၵႃႈတီႈႁူဝ်သူလႄႈ ၶႅပ်းတိၼ်သူ တၵ်းလႆႈမီးၵႃႈတီႈတိၼ်သူဢေႃႈ။သူဢမ်ႇလႆႈဢွၼ်ၵၼ်ႁဵတ်းတၢင်းဢၼ်ၶၢင်းၶီၶၢင်းၽၢၼ်၊တၢင်းဢၼ်ႁႆႈဢၼ်ႁွင်ႉ။သူတၵ်းဢွၼ်ၵၼ်ယွမ်ႁဵဝ်ႇယူႇၼႂ်းဢပျႅတ်ႈတူႉၸရိူၵ်ႈသူလႄႈ ၵေႃႉၼိုင်ႈလႄႈၵေႃႉၼိုင်ႈၶၢင်းၶီၶၢင်းၽၢၼ်တေႃႇၵၼ် ယူႇဢေႃႈ။
၂၄ ၼင်ႇၼၼ်လႄႈယေႇလၵျေႇလ တၵ်းလႆႈပဵၼ်ပူၵ်ႉပႃႉၼီႈမိၵ်ႈတီႈသူဢေႃႈ။ၵႃႈၼင်ႇဢၼ်မၼ်းႁဵတ်းၵႃႈမီးၼၼ်ႉသူတၵ်းလႆႈႁဵတ်းၸွမ်းဢေႃႈ။မိူဝ်ႈဢၼ်ဢမူႉၼႆႉႁွတ်ႈထိုင်ၼၼ်ႉၸိုင် သူတၵ်းလႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးဢေႃႈ။
၂၅ လုၵ်ႈၵူၼ်းဢိူၺ်း။ ၼႂ်းမိူဝ်ႈဢၼ်ၵဝ်ၼုၵ်ႈသိမ်းဢဝ်တၢင်းၵတ်ႉတၢင်းၶၼ်ၶဝ်၊ မုၼ်ၽုင်းၶဝ်ဢၼ်လီဢုပ်ႇဝၢဝ်းလွင်ႈတၢင်းဢၼ် မၢၵ်ႇတႃၶဝ်ၶႂ်ႈလူၶႂ်ႈတူၺ်း၊လွင်ႈတၢင်းဢၼ်ၶဝ်ၸႂ်ၸပ်းၸႂ်ၸွႆး ဢိၵ်ႇတင်းလုၵ်ႈ ၸၢႆးၶဝ်လုၵ်ႈယိင်းၶဝ်ၼၼ်ႉ၊
၂၆ ၼႂ်းမိူဝ်ႈဝၼ်းၼၼ်ႉသေၵေႃႉသေၵူၼ်းဢၼ်လွတ်ႈၼၼ်ႉ တၵ်းႁွတ်ႈမႃးတီႈ မႂ်းလႄႈႁႂ်ႈႁူမႂ်းလႆႈငိၼ်းဢေႃႈ။
၂၇ ၼႂ်းမိူဝ်ႉဝၼ်းၼၼ်ႉသူပ်းမႂ်း တၵ်းမီးတၢင်းဢၼ်ၽုၺ်ႇပိုတ်ႇ တီႈၵေႃႉဢၼ်လွတ်ႈၼၼ်ႉလႄႈမႂ်းတၵ်းလႆႈႁေႃးလၢတ်ႈလႄႈ ပူၼ်ႉသေၶိင်ႇမိူဝ်ႈဢၼ်မႂ်းဢႃႉၼၼ်ႉဢေႃႈ။ၼင်ႇၼၼ်လႄႈမႂ်းတၵ်းလႆႈပဵၼ်ပူၵ်ႉပႃႉၼီႈမိၵ်ႈတီႈၶဝ်လႄႈ ၶဝ်တၵ်းလႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးဢေႃႈ၊ဝႃႈၼင်ႇၼႆဢေႃႈ။