၂၅
ပျႃႇတိၵ်ႉပုၼ်ႈဢမ်ႇမုၼ်ႇ
၁ လၢႆးသမ်ႉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ် လႄႈဝႃႈၸမ်း၊-
၂ လုၵ်ႈၵူၼ်းဢိူၺ်း။မႂ်းဝၢႆႇၼႃႈမႂ်းယူႇၽၢႆႇၼိုင်ႈတင်း ၵူၼ်းမဵဝ်းဢမ်ႇမုၼ်ႇတင်းလၢႆလႄႈ ႁဵတ်းပရေႃးၽႅတ်ႈယူႇ ၽၢႆႇၼိုင်ႈတင်းၶဝ်သေလႄႈလၢတ်ႈတီႈၵူၼ်းမဵဝ်းဢမ်ႇမုၼ်ႇ တင်းလၢႆလႄႈဝႃႈဢွၼ်ၵၼ်ထွမ်ႇငိၼ်းဢမိင်ႉ ၸဝ်ႈထႃႇဝရႃႉၽြႃးတႃႉ။
၃ ၸဝ်ႈထႃႇဝရႃႉၽြႃးမီးဢမိင်ႉၸမ်း၊-ၵွပ်ႈပိူဝ်ႈဢၼ်မႂ်းဝႃႈ၊ဢေႇႁေႉ ဝႃႈၼင်ႇၼႆတီႈထႃႇၼႃႉတီႈမူတ်းၸၢင်ႇၼႂ်းမိူဝ်ႈဢၼ်မၼ်းလႆႈၶၢမ်ႇတၢင်းဢၼ်ၶျႃးတူၵ်းတီႈတႅမ်ႇယူႇတီႈမိူင်းဢိသရေႇလၼႂ်းမိူဝ်ႈဢၼ်မၼ်းႁွတ်ႈထိုင်တၢင်းဢၼ် သိတ်ႇၵူၼ်းယဵၼ်ၵူၼ်းယူႇတီႈ ယုတ
၄ ၼႂ်းမိူဝ်ႈဢၼ်ၶဝ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇယူႇၼၼ်ႉမႅၼ်ႈလႄႈ ၵဝ်တၵ်းဢဝ်မႂ်းပၼ်တီႈၵူၼ်းမိူင်းဝၼ်းဢွၵ်ႇတင်းလႆၢပုၼ်ႈဢၼ်ၶဝ်တၵ်းပိူင်ႇဢေႃႈ။ၶဝ်ၼၼ်ႉ တၵ်းဢွၼ်ၵၼ်တႄႇႁဵတ်းဝၢၼ်ႈၶဝ်ၵႃႈၼႂ်းမႂ်းလႄႈတူၵ်းတီႈယူတီႈသဝ်းၵႃႈၼႂ်းမႂ်းဢေႃႈ။ၶဝ်ၼၼ်ႉတၵ်းဢွၼ်ၵၼ်ၵိၼ် မၢၵ်ႇၵိၼ်ႁူင်းမႂ်းလႄႈသူတ်ႉၵိၼ်ၼမ်ႉၼူမ်းမႂ်းဢေႃႈ။
၅ ၵဝ်တၵ်းႁႂ်ႈဝဵင်းရပ်ႉပပဵၼ်သိုင်ႇၵလႃႈဢုၵ်ႉလႄႈ တၵ်းႁႂ်ႈမိူင်းဢမ်ႇမုၼ်ႇပဵၼ်တီႈဢၼ်သူဝ်းလႄႇၵိၼ်လႄႇၼွၼ်းဢေႃႈ။သူတၵ်းလႆႈႁူႉလွင်ႈ ဢၼ်ၵဝ်ပဵၼ်ထႃႇဝရႃႉၽြႃးဢေႃႈ။
၆ ၸဝ်ႈထႃႇဝရႃႉၽြႃးမီးဢမိင်ႉၸမ်း၊-ၵွပ်ႈပိူဝ်ႈဢၼ်မႂ်းတူပ်းမိုဝ်းမႂ်းယူႇတိုပ်ႈတိၼ်မႂ်းယူႇ၊မီးၸႂ်ဢၼ်သီႇၵေႉႁေႈတႃမိူင်း ဢိသရေႇလႁႅင်း ယႂ်ႇၼႃႇသေလႄႈၸူမ်းသိူဝ်းၼႃႇလူင်လၢင်ၼၼ်ႉလႄႈ ၵဝ်တၵ်းယဵတ်ႇမိုဝ်းၵဝ်ၵႃႈၼိူဝ်မႂ်းလႄႈ ဢဝ်မႂ်းဢၢပ်ႈပၼ်ပုၼ်ႈဢၼ်ၵူၼ်းၵူႈၸိူဝ်ႉၵူႈမဵဝ်း တၵ်းႁိမ်ဢဝ်ႁူင်ႇဢဝ်ဢေႃႈ။
၇ ၵဝ်တၵ်းပႄႇမႂ်းပႅတ်ႈသေၵႃႈၼႂ်းမဵဝ်းၵူၼ်းတင်းလၢႆလႄႈ ၽဵဝ်ႈမႂ်းပႅတ်ႈသေၵႃႈၼႂ်းၵူႈသိုင်ႇၵူႈမိူင်းၼၼ်ႉဢေႃႈ။ၵဝ်တၵ်းယႃႉမႂ်းပႅတ်ႈလႄႈ မႂ်းတၵ်းလႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးဢေႃႈ၊ဝႃႈၼင်ႇၼႆဝႆႉယဝ်ႉ၊ ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။
ပျႃႇတိၵ်ႉပုၼ်ႈမေႃႇၽ
၈ လၢႆးသမ်ႉထႃႇဝရႃႉၽြႃးမီးဢမိင်ႉၸမ်း၊-ၵွပ်ႈပိူဝ်ႈဢၼ်မိူင်းမေႃႇၽ ဢိၵ်ႇတင်း ဝဵင်းၸိရဢွၼ်ၵၼ်လၢတ်ႈလႄႈဝႃႈ၊-တူၺ်းလူ။မဵဝ်းယုတၼၼ်ႉ မိူၼ်ၵၼ်တင်းၵူၼ်းၵူႈၸိူဝ်ႉၵူႈမဵဝ်းဢေႃႈ၊ ဝႃႈၼင်ႇၼႆလႄႈ၊တူၺ်း လူ။
၉ ၵဝ်တၵ်းၽုၺ်ႇပိုတ်ႇပဵမ်ႉမေႃႇၽ ဢၼ်မီးၵႃႈတီႈၶွပ်ႇၼမ်ႉလႅၼ်လိၼ်မၼ်းလႄႈ ပဵၼ်မူၼ်ပဵၼ်ၽုင်းမၼ်းဢၼ်ဝႃႈဝဵင်းယေႇသမုတ်ႉ၊ဝဵင်းပႃႇလမွင်ႇ၊ ဝဵင်းၵိ ရယသိမ်ႇ ၸိူဝ်းၼၼ်ႉ၊
၁၀ ပၼ်တီၵူၼ်းမိူင်းဝၼ်းဢွၵ်ႇတင်းလၢႆႁႂ်ႈၶဝ်လႆႈၶီႇသိုၵ်းၸူး တီႈၵူၼ်းမဵဝ်းဢမ်ႇမုၼ်ႇတင်းလၢႆလႄႈ ၵဝ်တၵ်းဢဝ်ၶဝ်ဢၢပ်ႈပၼ်ပုၼ်ႈဢၼ်ၶဝ်ၼၼ်ႉ တၵ်းပိူင်ႇထၼ်ႈပေႃးဢမ်ႇမၢတ်ႈၵူၼ်းမဵဝ်း ဢမ်ႇမုၼ်ႇ
၁၁ ၶဝ်ႈပႃးၵႃႈၼႂ်းၵူၼ်းၵူႈၸိူဝ်ႉၵူႈမဵဝ်းလႄႈတီႈ မိူင်းမေႃႇၽ ၵေႃႈၵဝ်တၵ်းၸီႇယၢင်ႇတၢမ်ႇဢပျႅတ်ႈလႄႈၶဝ် တၵ်းလႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးဢေႃႈ၊ ဝႃႈၼင်ႇၼႆဢေႃႈ။
ပျႃႇတိၵ်ႉပုၼ်ႈဢီႇတုမ်ႇ
၁၂ လၢႆးသမ်ႉ ထႃႇဝရႃႉၽြႃးမီးဢမိင်ႉၸမ်း၊-ၵွပ်ႈပိူဝ်ႈဢၼ်မိူင်းဢေႇတုမ်ႇ ယူႇၽၢႆႇၼိုင်ႈတင်းမဵဝ်းယုတ ႁႂ်ႈလႆႈတွပ်ႇတႅၼ်းၶိုၼ်းလႄႈ ၽိတ်းပိူင်ႈၼႃႇလူင်လၢင်သေ လႄႈ
၁၃ ႁဵတ်းႁႂ်ႈၸႂ်ပတိၵ်ႈၶၢတ်ႈၵဝ်ပျေႇၼၼ်ႉလႄႈ ၸဝ်ႈထႃႇဝရႃႉၽြႃးမီးဢမိင်ႉၸမ်း၊-ၵဝ်တၵ်းယဵတ်ႇမိုဝ်းၵၼ်ၵႃႈၼိူဝ်မိူင်းဢေႇတုမ်ႇလႄႈ ပႄႇၽဵဝ်ႈၵူၼ်းဢိၵ်ႇတင်းတရိၵ်ႈသၢၼ်ႇပႅတ်ႈသေၵႃႈၼႂ်းမၼ်းဢေႃႈ။ၵဝ်တၵ်းႁႂ်ႈမၼ်းပဵၼ်ဢၼ် သိတ်ႇၵူၼ်းယဵၼ်ၵူၼ်းၵႂႃႇၸႃႉၸဵမ်ဝဵင်းတေႇမၼ်ႇ ၼၼ်ႉလႄႈ တေႃႈၵႃႈၵႃႈတီႈဝဵင်းတေႇတၼ်ႇ ၼၼ်ႉၶဝ်တၵ်းလႆႈလူမ်ႉတၢႆလူၺ်ႈလၢပ်ႇလူၺ်ႈ လႅဝ်းဢေႃႈ။
၁၄ ၵဝ်တၵ်းဢဝ်ၵူၼ်းၵဝ်ၵူၼ်းမဵဝ်းဢိသရေႇလ တင်းလၢႆပၼ်တၢမ်ႇတီႈမိူင်းဢေႇတုမ်ႇႁႂ်ႈၸႂ်ၵဝ်ပျေႇလႄႈ ၶဝ်ၼၼ်ႉတၵ်းဢွၼ်ၵၼ်ႁဵတ်းတီႈမိူင်းဢေႇတုမ်ႇ ၸွမ်းၵႃႈၼင်ႇဢၼ်တၢင်းၶႂ်ႈၸႃႉၶႆႈၸိတ်ႉၵဝ်ဢိၵ်ႇတင်း ဢၢႆႁႅင်းတေႃးသႃႉတၢင်းၸႂ်မႆႈၶႂ်ႈၸႃႉၵဝ်ႁႅင်း ယႂ်ႇမီးၼၼ်ႉဢေႃႈ။ၶဝ်တၵ်းလႆႈႁူႉတၢမ်ႇဢပျႅတ်ႈဢၼ်ၵဝ်တွပ်ႇတႅၼ်းပၼ်ၼၼ်ႉဢေႃႈ၊ ဝႃႈၼင်ႇၼႆၸဝ်ႈထႃႇဝရႃႉၽြႃးမီးဢမိင်ႉဢေႃႈ။
၁၅ လၢႆးသမ်ႉၸဝ်ႈထႃႇဝရႃႉၽြႃးမီးဢမိင်ႉၸမ်း၊-ၵွပ်ႈပိူဝ်ႈဢၼ်ၵူၼ်း ၽိလိတ်ႉတိ တင်းလၢႆဝႆႉတၢင်းၽိတ်းလႄႈမီးၸႂ်ပတိၵ်ႈၶၢတ်ႈ ႁႅင်း ယႂ်ႇၼႃႇယူႇသေလႄႈ ပၼ်တၢမ်ႇဢပျႅတ်ႈ ႁႂ်ႈလႆႈႁဵတ်းၸွမ်း ဢလူဝ်တေႃးသႃႉဢၼ်ၵဝ်ႇဢၼ်မွင်လႄႈ ယႃႉၽဵဝ်ႈပႅတ်ႈမူတ်းမူတ်း သဵင်ႈသဵင်ႈၼၼ်ႉလႄႈ ၸဝ်ႈထႃႇဝရႃႉၽြႃးမီးဢမိင်ႉၸမ်း၊-
၁၆ ၵဝ်တၵ်းယဵတ်ႇမိုဝ်းၵဝ်ၵႃႈၼိူဝ်ၵူၼ်းၽိလိတ်ႉတိ တင်းလၢႆလႄႈပႄႇၵူၼ်းၶေႇရသိ တင်းလၢႆပႅတ်ႈဢေႃႈ။ၵဝ်တၵ်းယႃႉၶဝ်ၸိူဝ်းဢၼ်ၵိုတ်းဝႆႉၵျၢၼ်ႇဝႆႉၵႃႈ တီႈႁိမ်းပၢင်ႇလၢႆႇၼၼ်ႉပႅတ်ႈဢေႃႈ။
၁၇ ၵဝ်တၵ်းဢဝ်တၢင်းဢၼ်သင်ႇသွၼ်သုင်းမႃႉဢၼ်ႁႂ်ႈႁၢဝ်ႈၵျၢမ်းၼႃႇပၼ် တၢမ်ႇဢပျႅတ်ႈဢၼ် ယႂ်ႇၼႃႇတီႈၶဝ်ဢေႃႈ။မိူဝ်ႈဢၼ်ၵဝ်ပၼ်တၢမ်ႇႁႂ်ႈလႆႈပျေႇၸႂ်ၵဝ်ၼၼ်ႉၸိုင် ၶဝ်တၵ်းလႆႈႁူႉလွင်ႈဢၼ် ၵဝ်ပဵၼ်ထႃႇဝရႃႉၽြႃးဢေႃႈ၊ဝႃႈၼင်ႇၼႆဢေႃႈ။