၃၃
ယေႇၸၵျေႇလပဵၼ်ၵေႃႉပႂ်ႉတူၺ်း
၁ လၢႆးသမ်ႉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ် လႄႈဝႃႈၸမ်း၊-
၂ လုၵ်ႈၵူၼ်းဢိူၺ်း။မႂ်းႁေႃးလၢတ်ႈတီႈၵူၼ်းမဵဝ်းလဵဝ် ၵၼ်တင်းမႂ်းၸိူဝ်းၼၼ်ႉလႄႈဝႃႈမိူဝ်ႈ ဢၼ်ၵဝ်ႁႂ်ႈၽေးလၢပ်ႇၽေးလႅဝ်း
၃ ႁွတ်ႈထိုင်ၵႃႈတီႈမိူင်းသေမိူင်းၼၼ်ႉ ပေႃးၵူၼ်းမိူင်းၸိူဝ်းၼၼ်ႉဢဝ်ၵူၼ်းမိူင်းၵေႃႉၼိုင်ႈၶၢၼ်းဝႆႉႁႂ်ႈပႂ်ႉၵၢင် ပေႃးမၼ်းႁၼ် လွင်ႈဢၼ်ၽေးလၢပ်ႇၽေးလႅဝ်း
၄ ႁွတ်ႈထိုင်ၵႃႈတီႈမိူင်းလႄႈ ပဝ်ႇၼႄးၶရႃႇသေလႄႈ ပၼ်သတိၵူၼ်းတင်းလၢႆ ပေႃးသေၵေႃႉသေၵူၼ်းငိၼ်းသဵင်ပဝ်ႇၼႄးၶရႃႇသေယဝ်ႉဢမ်ႇႁဵတ်းသတိလႄႈ ၽေးလၢပ်ႇၽေးလႅဝ်းႁွတ်ႈထိုင်လႄႈ ဢသၢၵ်ႈမၼ်းသုမ်းၸိုင်လိူတ်ႈမၼ်းၼၼ်ႉတၵ်းလႆႈႁွတ်ႈၵႃႈၼိူဝ်ႁူဝ်မၼ်းဢေႃႈ။
၅ ၵွပ်ႈပိူဝ်ႈဢၼ် မၼ်းငိၼ်းသဵင်ပဝ်ႇၼႄးၶရႃႇယူႇလႄႈမၼ်းဢမ်ႇႁဵတ်းသတိၼၼ်ႉလႄႈ လိူတ်ႈမၼ်းတၵ်းလႆႈႁွတ်ႈထိုင်ၵႃႈၼိူဝ်မၼ်းဢေႃႈ။ၵူၺ်းၵႃႈသင်မၼ်းႁဵတ်းသတိၸိုင်တူဝ်မၼ်းလႆႈၵႄႇသႄႇၼုၵ်ႈဢဝ်ဢ သၢၵ်ႈမၼ်းယဝ်ႉ။
၆ ဢမ်ႇၼၼ်ၵေႃႈပေႃးၵေႃႉဢၼ်ပႂ်ႉၵၢင်ၼၼ်ႉ ႁၼ်လွင်ႈဢၼ်ၽေးလၢပ်ႇၽေးလႅဝ်း ႁွတ်ႈထိုင်ယူႇၼၼ်ႉလႄႈ ဢမ်ႇပဝ်ႇၼႄးၶရႃႇ ဢမ်ႇပၼ်သတိ တီႈၵူၼ်းမိူင်းတင်းလၢႆလႄႈ ၽေးလၢပ်ႇၽေးလႅဝ်းၼၼ်ႉႁွတ်ႈထိုင်လႄႈသေၵေႃႉသေၵူၼ်းသုမ်းဢသၢၵ်ႈၸိုင် ပိၵ်ႉသမ်ႉၵေႃႉဢၼ်သုမ်းဢသၢၵ်ႈမၼ်းၵွပ်ႈပိူဝ်ႈဢပျႅတ်ႈမၼ်းသေၵေႃႈ ၵဝ်တၵ်းယွၼ်းဢဝ်လိူတ်ႈမၼ်းတီႈၵေႃႉဢၼ်ပႂ်ႉၵၢင်ၼၼ်ႉဢေႃႈ၊ ဝႃႈၼင်ႇ ၼႆတႃႉ။
၇ မိူၼ်ႈၼင်ႇၼၼ်လုၵ်ႈၵူၼ်းဢိူၺ်း။ၵွပ်ႈပိူဝ်ႈဢၼ်ၵဝ်ၶၢၼ်းမႂ်းဝႆႉ ႁႂ်ႈမႂ်းလႆႈပႂ်ႉၵၢင်တီႈမဵဝ်းဢိသရေႇလလႄႈ မႂ်းထွမ်ႇဢဝ်ၵႂၢမ်းဢၼ်ဢွၵ်ႇသူပ်းၵဝ်သေလႄႈ ပၼ်သတိၶဝ်တႃႉ။
၈ မိူဝ်ႈဢၼ်ၵဝ်တၵ်းလၢတ်ႈတီႈၵူၼ်းႁၢႆႉၵူၼ်းမိူၵ်ႈလႄႈဝႃႈ၊-ၵူၼ်းႁၢႆႉၵူၼ်းမိူၵ်ႈဢိူၺ်း၊ မႂ်းတၵ်းလႆႈၶၢမ်ႇတၢႆဢမၢၼ်ႇၶၢၼ်ပဵၼ်ဢေႃႈ၊ ဝႃႈၼင်ႇၼႆၼၼ်ႉပေႃးမႂ်းဢမ်ႇပၼ်သတိ တီႈၵေႃႉဢၼ်ႁၢႆႉမိူၵ်ႈၼၼ်ႉလႄႈ ၵေႃႉဢၼ်ႁၢႆႉမိူၵ်ႈၼၼ်ႉဢမ်ႇဝႄႈပိူင်ႈသေသဵၼ်ႈတၢင်းဢၼ်မၼ်းၸွမ်းၼၼ်ႉလႄႈယူႇၸိုင် ၵေႃႉဢၼ်ႁၢႆႉမိူၵ်ႈၼၼ်ႉတၵ်းလႆႈတၢႆ ၵွပ်ႈပိူဝ်ႈဢပျႅတ်ႈမၼ်းဢေႃႈ။ၵူၺ်းၵႃႈၵဝ်တၵ်းယွၼ်းဢဝ်လိူတ်ႈမၼ်းၼၼ်ႉ တီႈမိုဝ်းမႂ်းဢေႃႈ။
၉ ဢမ်ႇၼၼ်ၵေႃႈပေႃးမႂ်းပၼ်သတိတီႈၵေႃႉဢၼ်ႁၢႆႉမိူၵ်ႈၼၼ်ႉ ႁႂ်ႈမၼ်းဝႄႈပိူင်ႈသသေဵၼ်ႈတၢင်းဢၼ်မၼ်းၸွမ်းယူႇၼၼ်ႉလႄႈ မၼ်းဢမ်ႇဝႄႈဢမ်ႇပိူင်ႈလႄႈယူႇၸိုင်၊ မၼ်းတၵ်းလႆႈတၢႆၵွပ်ႈပိူဝ်ႈဢပျႅတ်ႈမၼ်းဢေႃႈ။မႂ်းၸမ်းၵႄႇသႄႇၼုၵ်ႈဢဝ်ဢ သၢၵ်ႈမႂ်းယဝ်ႉ။
၁၀ ပိူဝ်ႈၼႆလႄႈလုၵ်ႈၵူၼ်းဢိူၺ်း။မႂ်းႁေႃးလၢတ်ႈတီႈမဵဝ်းဢိသရေႇလ လႄႈဝႃႈ ပေႃးသူဢွၼ်ၵၼ်လၢတ်ႈလႄႈဝႃႈ တူႉၸရိူၵ်ႈဢပျႅတ်ႈတၢင်းဢၼ် ႁဝ်းပူၼ်ႉလိူဝ်ၸိူဝ်းၼၼ်ႉ ႁွတ်ႈထိုင်ၵႃႈၼိူဝ်ႁဝ်းယဝ်ႉ။ႁဝ်းမီးတၢင်းဢၼ်ႁႅင်းဢူၼ်ႈႁႅင်းယွမ်းၵႂႃႇလႄႈ ႁဝ်းတၵ်းဢသၢၵ်ႈလိပ်းလႆႈၸိူဝ်ႉၼင်ႇႁိုဝ် ဝႃႈၼင်ႇၼႆၸိုင်၊မႂ်းလၢတ်ႈတီႈၶဝ်လႄႈဝႃႈၸဝ်ႈထႃႇဝရႃႉႉၽြႃးမီးဢမိင်ႉၸမ်း ၵႃႈၼင်ႇဢၼ်ၵဝ်ဢသၢၵ်ႈလိပ်းယူႇၼၼ်ႉၵဝ်ဢမ်ႇထုၵ်ႇၸႂ်ၵျိူၵ်ႈၸႂ် တၢင်းဢၼ်ၵူၼ်းႁၢႆႉၵူၼ်းမိူၵ်ႈ လႆႈၶၢမ်ႇတၢႆၼၼ်ႉ။
၁၁ ၵဝ်ထုၵ်ႇၸႂ်ၵျိူၵ်ႈၸႂ်တၢင်းဢၼ်ၵူၼ်းႁၢႆႉၵူၼ်းမိူၵ်ႈဝႄႈပိူင်ႈသသေဵၼ်ႈတၢင်း ဢၼ်မၼ်းၸွမ်းၼၼ်ႉလႄႈဢသၢၵ်ႈလိပ်းယူႇၼၼ်ႉဢေႃႈ။ၵူၼ်းမဵဝ်းဢိသရေႇလ တင်းလၢႆၶဝ်ဢိူၺ်းဢွၼ်ၵၼ်ဝႄႈပိူင်ႈသေ သဵၼ်ႈတၢင်းဢၼ်ႁၢႆႉဢၼ်မိူၵ်ႈဢၼ်သူၸွမ်းၼၼ်ႉတႃႉ။ဢွၼ်ၵၼ်ဝႄႈပိူင်ႈတႃႉ။ၵွပ်ႈပိူဝ်ႈၸိူဝ်ႉၼင်ႇႁိုဝ်သူဢွၼ်ၵၼ်မီးဢလူဝ်ႇၶႆႈၶၢမ်ႇတၢႆၼင်ႇႁိုဝ်၊ ဝႃႈၼင်ႇ ၼႆတႃႉ။
၁၂ ပိူဝ်ႈၼႆလႄႈလုၵ်ႈၵူၼ်းဢိူၺ်းမႂ်းႁေႃးလၢတ်ႈတီႈၵူၼ်းမဵဝ်းလဵဝ်ၵၼ်တင်းမႂ်းၸိူဝ်းၼၼ်ႉ လႄႈဝႃႈတၢင်းဢၼ်သိုဝ်ႈတေႃႇ ၵေႃႉဢၼ်သိုဝ်ႈတေႃႇၼၼ်ႉတၵ်းဢမ်ႇၵႄႇသႄႇၼုၵ်ႈဢဝ်မၼ်း ၼႂ်းမိူဝ်ႉဝၼ်းဢၼ်မၼ်းၽွၵ်ႈပျၢၼ်ႇၶိုၼ်းၼၼ်ႉ။ တၢင်းဢၼ်ႁၢႆႉဢၼ်မိူၵ်ႈၵေႃႉဢၼ်ႁၢႆႉမိူၵ်ႈၼၼ်ႉၵေႃႈ ၵေႃႉၼၼ်ႉတၵ်းဢမ်ႇလႆႈလူမ်ႉတူၵ်းၵွပ်ႈပိူဝ်ႈမၼ်း ၼႂ်းမိူဝ်ႉဝၼ်းဢၼ်မၼ်းဝႄႈပိူင်ႈသေတၢင်းဢၼ်ႁၢႆႉမိူၵ်ႈမၼ်းၼၼ်ႉ။ၵေႃႉဢၼ်သိုဝ်ႈတေႃႇၼၼ်ႉ ဢမ်ႇလႆႈမီးဢၶႂၢင်ႉဢၼ်ဢသၢၵ်ႈလိပ်းၵွပ်ႈပိူဝ်ႈတၢင်းဢၼ်ႁၢႆႉမိူၵ်ႈၼၼ်ႉ ၼႂ်းမိူဝ်ႉဝၼ်း ဢၼ်ၽိတ်းပိူင်ႈၼၼ်ႉ။
၁၃ ပိၵ်ႉသမ်ႉၵဝ်လၢတ်ႈလႄႈဝႃႈၵေႃႉဢၼ်သိုဝ်ႈတေႃႇၼၼ်ႉ တၵ်းလႆႈဢသၢၵ်ႈလိပ်း ဢမၢၼ်ႇၶၢၼ်ပဵၼ်ဢေႃႈ၊ဝႃႈၼင်ႇၼႆသေၵေႃႈပေႃးမၼ်းၸႂ်လီလူၺ်ႈ တၢင်းသိုဝ်ႈတေႃႇမၼ်းသေလႄႈႁဵတ်းတူႉၸရိူၵ်ႈၸိုင် တၢင်းဢၼ်သိုဝ်ႈတေႃႇ ဢၼ်မၼ်းႁဵတ်းမႃးၼၼ်ႉသေၸိူဝ်ႉသေပိူင် တၵ်းဢမ်ႇပဵၼ်တီႈဢၼ်ၶုၵ်းၸႂ်လႆႈၶႆႈၸႂ်ထူပ်းတီႈမၼ်းလႃးလႃး။မၼ်းတၵ်းလႆႈၶၢမ်ႇတၢႆ ၵွပ်ႈပိူဝ်ႈတူႉၸရိူၵ်ႈဢၼ်မၼ်း ႁဵတ်းၼၼ်ႉဢေႃႈ။
၁၄ လၢႆးသမ်ႉပိၵ်ႉသမ်ႉၵဝ်လၢတ်ႈတီႈၵေႃႉဢၼ်ႁၢႆႉဢၼ်မိူၵ်ႈလႄႈဝႃႈ မႂ်းၼႆႉတၵ်းလႆႈၶၢမ်ႇတၢႆဢမၢၼ်ႇၶၢၼ်ပဵၼ်ဢေႃႈ၊ ဝႃႈၼင်ႇၼႆသေၵေႃႈပေႃးမၼ်းသမ်ႉဝႄႈပိူင်ႈသတေူႉၸရိူၵ်ႈမၼ်းလႄႈ ႁဵတ်းလွင်ႈတၢင်းဢၼ်တြႃး၊ လွင်ႈတၢင်းဢၼ်သိုဝ်ႈတေႃႇယူႇ၊
၁၅ ၶိုၼ်းပၼ်ဢုၵ်ႉၸႃႇဢၼ်ပွင်ႇဝႆႉၵမ်ႉဝႆႉ၊ ၶိုၼ်းပၼ်ဢုၵ်ႉၸႃႇဢၼ်ႁိမ်ဢဝ်ႁူင်ႇဢဝ်ၼၼ်ႉလႄႈယင်းဢမ်ႇႁဵတ်း လွင်ႈတၢင်းဢၼ်ႁၢႆႉဢၼ်ယုတ်ႈလႄႈ ၸွမ်းသဵၼ်ႈတၢင်းပိင်းၺၢပ်ႈတြႃး တီႈဢၼ်ဢသၢၵ်ႈလိပ်းယူႇၸိူဝ်းၼၼ်ႉၸိုင် မၼ်းယင်းဢမ်ႇလႆႈၶၢမ်ႇတၢႆလႄႈတၵ်းလႆႈဢသၢၵ်ႈလိပ်းယူႇ ဢမၢၼ်ၶၢၼ်ပဵၼ်ဢေႃႈ။
၁၆ တူႉၸရိူၵ်ႈဢပျႅတ်ႈ ဢၼ်မၼ်းႁဵတ်းၸိူဝ်းၼၼ်ႉတၵ်းဢမ်ႇပဵၼ်တီႈဢၼ် ၶုၵ်းၸႂ်လႆႈၶႆႈၸႂ်ထူပ်းတီႈမၼ်းလႃးလႃး။ၵွပ်ႈပိူဝ်ႈဢၼ်မၼ်းႁဵတ်းလွင်ႈတၢင်းဢၼ်တြႃး၊လွင်ႈတၢင်းဢၼ်သိုဝ်ႈတေႃႇၼၼ်ႉလႄႈ မၼ်းတၵ်းလႆႈဢသၢၵ်ႈလိပ်းယူႇ ဢမၢၼ်ႇၶၢၼ်ပဵၼ်ဢေႃႈ။
၁၇ ၵူၺ်းၵႃႈ ၵူၼ်းမဵဝ်းလဵဝ်ၵၼ်တင်းမႂ်းၸိူဝ်းၼၼ်ႉလၢတ်ႈလႄႈဝႃႈ၊-တၢင်းဢၼ်ထႃႇဝရႃႉၽြႃးၸီႇယၢင်ႇၼၼ်ႉဢမ်ႇသိုဝ်ႈ ဝႃႈၼင်ႇၼႆလႄႈတၢင်းဢၼ်ၶဝ်ၸီႇယၢင်ႇ ၼၼ်ႉဢမ်ႇသိုဝ်ႈလူင်ပေႇ။
၁၈ ပေႃးၵေႃႉဢၼ်သိုဝ်ႈတေႃႇၼၼ်ႉ ၸုၼ်ႉပႅတ်ႈတၢင်းဢၼ်သိုဝ်ႈတေႃႇမၼ်းသေလႄႈ ႁဵတ်းတူႉၸရိူၵ်ႈၸိုင်မၼ်းတၵ်းလႆႈၶၢမ်ႇတၢႆၵွပ်ႈ ပိူဝ်ႈဢၼ်ၼၼ်ႉဢေႃႈ။
၁၉ ပေႃးၵေႃႉဢၼ်ႁၢႆႉမိူၵ်ႈၼၼ်ႉဝႄႈပိူင်ႈတူႉၸရိူၵ်ႈမၼ်းသေလႄႈႁဵတ်းလွင်ႈဢၼ်တြႃး၊ လွင်ႈတၢင်းဢၼ်သိုဝ်ႈတေႃႇၸိုင်မၼ်းတၵ်းလႆႈဢသၢၵ်ႈလိပ်းၵွပ်ႈပိူဝ်ႈဢၼ်ၼၼ်ႉဢေႃႈ။
၂၀ ၵူၺ်းၵႃႈသူဢွၼ်ၵၼ်လၢတ်ႈလႄႈဝႃႈ တၢင်းဢၼ်ထႃႇဝရႃႉၽြႃးၸီႇယၢင်ႇၼၼ်ႉဢမ်ႇသိုဝ်ႈ၊ဝႃႈၼင်ႇၼႆလူင်ပေႇ။ ၵူၼ်းမဵဝ်းဢိသရေႇလ တင်းလၢႆၶဝ်ဢိူၺ်းၵဝ်တၵ်းၸီႇယၢင်ႇသူ ၸွမ်းၵႃႈၼင်ႇဢၼ်သူႁဵတ်းႁင်းၽႂ်ႁင်းမၼ်းၼၼ်ႉဢေႃႈ၊ဝႃႈၼင်ႇၼႆဢေႃႈ။
၂၁ ၼႂ်းပီႊဢၼ်လႆႈၶၢမ်ႇတၢင်းဢၼ် သိမ်းဢဝ်ၵႂႃႇလႄႈထူၼ်ႈထိုင်သိပ်းပၢႆသွင်ပီႊလိူၼ်တသမႁႃႈဝၼ်း ၼၼ်ႉၵေႃႉဢၼ်ဢွၵ်ႇပၢႆႈသေ ၵႃႈၼႂ်းဝဵင်း ယေႇရုသလႅမ်ႇလႄႈလွတ်ႈၼၼ်ႉၵေႃႉၼိုင်ႈ ႁွတ်ႈမႃးတီႈၵဝ်လႄႈမွၵ်ႇလၢတ်ႈတီႈၵဝ်လႄႈ ဝႃႈဝဵင်းလႆႈၶၢမ်ႇတၢင်းဢၼ်ယႃႉ ပႅတ်ႈယဝ်ႉ၊ဝႃႈၼင်ႇၼႆဢေႃႈ။
၂၂ မိုဝ်းထႃႇဝရႃႉၽြႃးတၢင်ႇ သႂ်ႇၵႃႈၼိူဝ်ၵဝ်ၶိင်ႇႁူဝ်ၶမ်ႈ ၸူဝ်ႈဢၼ်ၵေႃႉဢၼ်ဢွၵ်ႇပၢႆႈလွတ်ႈၼၼ်ႉ ဢမ်ႇပႆႇႁွတ်ႈမႃးၼၼ်ႉလႄႈ မၼ်းၸဝ်ႈၽုၺ်ႇသူပ်းၵဝ်ဝႆႉတေႃႇထိုင်ႁွတ်ႈမၼ်းၼၼ်ႉထၼ်ႈပေႃး ႁွတ်ႈမႃးတီႈၵဝ်ၶိင်ႇၵၢင်ၼႂ်ၼၼ်ႉဢေႃႈ။သူပ်းၵဝ်ၵေႃႈ လႆႈမီးတၢင်းဢၼ်ၽုၺ်ႇပိုတ်ႇဝႆႉလႄႈပူၼ်ႉၶိင်ႇဢၼ်ဢမ်ႇလၢတ်ႈၵႂၢမ်းၼၼ်ႉဢေႃႈ။
၂၃ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ် လႄႈဝႃႈၸမ်း၊-
၂၄ လုၵ်ႈၵူၼ်းဢိူၺ်းၶဝ်ၸိူဝ်းဢၼ်ယူႇၵႃႈၼႂ်းတီႈဢၼ်လူႉဢၼ်လႅဝ် ၵႃႈၼႂ်းမိူင်း ဢိသရေႇလၼၼ်ႉၸိူဝ်းၼၼ်ႉဢွၼ်ၵၼ်လၢတ်ႈလႄႈဝႃႈ၊- ဢႃႇပႁမ်ႇၼၼ်ႉ ပဵၼ်ၵူၼ်းၵေႃႉလဵဝ်ၵူၺ်းလႄႈ လႆႈၶၢမ်ႇဢဝ်ဢမူၺ်ႇမိူင်းၼႆႉဢေႃႈ။ႁဝ်းၸမ်းပဵၼ်ဢၼ်ၼမ်ၼႃႇလႄႈ မၼ်းၸဝ်ႈပၼ်လိၼ်ၼႆႉပုၼ်ႈဢၼ်ႁဝ်းတၵ်း ၶၢမ်ႇဢမူၺ်ႇယဝ်ႉ၊ဝႃႈၼင်ႇၼႆဢေႃႈ။
၂၅ ပိူဝ်ႈၼႆလႄႈမႂ်းလၢတ်ႈတီႈၶဝ်လႄႈဝႃႈ ၸဝ်ႈထႃႇဝရႃႉၽြႃးမီးဢမိင်ႉၸမ်း၊- သူၵိၼ်ၶူပ်းလူၺ်ႈၵၼ်တင်းလိူတ်ႈယူႇ၊ဢဝ်တႃသူႁႅၼ်လူႁႅၼ်တူၺ်းရုၵ်ႉထူႉတင်းလၢႆယူႇ၊ ထွၵ်ႇလိူတ်ႈၵူၼ်းပႅတ်ႈယူႇလႄႈ သူတၵ်းလႆႈၶၢမ်ႇဢဝ်ဢ မူၺ်ႇမိူင်းၼႆႉႁိုဝ်။
၂၆ သူသွၼ်ႈပိုင်ႈလၢပ်ႇသူလႅဝ်းသူယူႇ၊ႁဵတ်းလွင်ႈတၢင်းဢၼ်လီႁင်ႈဢဵတ်ႇသဵတ်ႇယူႇ ၽိတ်းပိူင်ႈမႄးၵူၼ်းႁိူၼ်းၸမ်ၵၼ်တင်းသူ ႁင်းၽႂ်ႁင်းမၼ်းယူႇလႄႈသူတၵ်းလႆႈၶၢမ်ႇဢဝ်ဢမူၺ်ႇမိူင်းၼႆႉႁိုဝ်၊ ဝႃႈၼင်ႇၼႆတႃႉ။
၂၇ လၢႆးသမ်ႉမႂ်းလၢတ်ႈတီႈၶဝ်လႄႈဝႃႈၸဝ်ႈထႃႇဝရႃႉၽြႃးမီးဢမိင်ႉၸမ်း၊- ၵႃႈၼင်ႇဢၼ်သူဢသၢၵ်ႈလိပ်းယူႇၼၼ်ႉ ၶဝ်ၸိူဝ်းဢၼ်ယူႇၵႃႈၼႂ်းတီႈဢၼ်လူႉဢၼ်လႅဝ်တင်းလၢႆၸိူဝ်းၼၼ်ႉ တၵ်းလႆႈလူမ်ႉတၢႆလူၺ်ႈလၢပ်ႇလူၺ်ႈလႅဝ်းလႄႈ ၵဝ်တၵ်းဢဝ်ၶဝ်ၸိူဝ်းဢၼ်မီးၵႃႈတီႈၼွၵ်ႈတီႈပၢင်ႇ တင်းလၢႆၸိူဝ်းၼၼ်ႉဢၢပ်ႈပၼ်တီႈ တူဝ်ထိူၼ်ႇႁၢႆႉတင်းလၢႆႁႂ်ႈၶူပ်းၵိၼ်ဢေႃႈ။ ၶဝ်ၸိူဝ်းဢၼ်မီးၵႃႈၼႂ်းတိူၵ်ႈတီႈတိုၵ်းသိုၵ်းတင်းလၢႆဢိၵ်ႇတင်း ၵႃႈၼႂ်းႁူးထမ်ႈႁူးလိၼ်ၸိူဝ်းၼၼ်ႉ တၵ်းလႆႈတၢႆလူၺ်ႈၵႃႇလႁႃႇလႅင်ႉမိူင်းဢေႃႈ။
၂၈ ၵဝ်တၵ်းႁႂ်ႈမိူင်းၼႆႉ ပဵၼ်တီႈဢၼ်သိတ်ႇဢၼ်ယဵၼ်တီႈဢၼ်လီဢၢမ်းလႄႈ တၢင်းၵတ်ႉတၢင်းၶၼ်မုၼ်ၵုင်ႇသရေႇမၼ်းတၵ်းသဵင်ႈၵႂႃႇလႄႈ လွႆဢိသရေႇလၸိူဝ်းၼၼ်ႉ တၵ်းလႆႈပဵၼ်တီႈဢၼ်သိတ်ႇဢၼ်ယဵၼ်ထၼ်ႈပေႃးၽူႈ လႂ်ဢမ်ႇလႆႈလတ်းၵႂႃႇ ၵႃႈၼႂ်းမၼ်း ဢေႃႈ။
၂၉ မိူဝ်ႈဢၼ်ၵဝ်ႁႂ်ႈမိူင်းၼႆႉပဵၼ်တီႈဢၼ်သိတ်ႇဢၼ်ယဵၼ် တီႈဢၼ်လီဢၢမ်းၵွပ်ႈပိူဝ်ႈလွင်ႈတၢင်းဢၼ်လီႁင်ႈဢဵတ်ႇသဵတ်ႇ ဢၼ်ၶဝ်ႁဵတ်းၵူႈၸိူဝ်ႉၵူႈပိူင်ၼၼ်ႉၸိုင် ၶဝ်တၵ်းလႆႈႁူႉလွင်ႈဢၼ်ၵဝ်ပဵၼ် ထႃႇဝရႃႉၽြႃးဢေႃႈ၊ဝႃႈၼင်ႇၼႆတႃႉ။
၃၀ လိူဝ်သေၼၼ်ႉ လုၵ်ႈၵူၼ်းဢိူၺ်းၵူၼ်းမဵဝ်းလဵဝ်ၵၼ်တင်းမႂ်းၸိူဝ်းၼၼ်ႉ ၸၢင်ႊဢွၼ်ၵၼ်လၢတ်ႈလူၺ်ႈလွင်ႈမႂ်းလႄႈၵေႃႉၼိုင်ႈလႄႈၵေႃႉၼိုင်ႈပီႈၼွင်ႉၵၼ်လၢတ်ႈၵၼ်ၵႃႈတီႈႁိမ်းၽႃ လႂ်၊ ၵႃႈတီႈႁိမ်းၽၵ်းတူ လႂ်လႄႈဝႃႈ၊-ၵႂႃႇတႃႉႁဝ်းဢိူၺ်း။ဢွၼ်ၵၼ်ထွမ်ႇငိၼ်းလွင်ႈဢၼ်ထႃႇဝရႃႉၽြႃး ပၼ်ပျႃႇတိၵ်ႈၸိူဝ်ႉၼင်ႇႁိုဝ် ၼၼ်ႉတႃႉႁဝ်း၊ဝႃႈၼင်ႇၼႆဢေႃႈ။
၃၁ ၶဝ်ဢွၼ်ၵၼ်မႃးၸူးတီႈမႂ်းမိူၼ်ၸိူဝ်ႉၼင်ႇၵူၼ်းတင်းလၢႆလႄႈ ၼင်ႈယူႇၵႃႈတီႈၽၢႆႇၼႃႈမႂ်း မိူၼ်ၸိူဝ်ႉၼင်ႇၵူၼ်းၵဝ်တင်းလၢႆသေလႄႈ ပိၵ်ႉသမ်ႉငိၼ်းၵႂၢမ်းမႂ်းသေၵေႃႈယင်းဢမ်ႇထွမ်ႇဢမ်ႇဢဝ်လႄႈယူႇဢေႃႈ။ပိၵ်ႉသမ်ႉၶဝ်ဢဝ်သူပ်းၶဝ်ၼႄပျႃႉလၵ်ႈၶၼႃႇတၢင်းဢၼ်ႁၵ်ႉဢၼ်ပႅင်းသေၵေႃႈႁူဝ်ၸႂ်ၶဝ်မီးတၢင်းဢၼ်ၸပ်းၸွႆးတၢင်းဢၼ်ပဵၼ် တိုၼ်းပဵၼ်ႁွၼ်းယူႇဢေႃႈ။
၃၂ မႂ်းပဵၼ်ၸိူဝ်ႉၼင်ႇသဵင်ဢၼ်ႁဵတ်းၵႂၢမ်းဢၼ်လီထုၵ်ႇၸႂ်ၵျိူၵ်ႈၸႂ် ဢၼ်ၵေႃႉဢၼ်တဵမ်ဝႆႉတင်းသဵင်ဢၼ်လီထွမ်ႇလီၽၢင်ႉၼၼ်ႉႁဵတ်းလႄႈပဝ်ႇႁႆႇၼၼ်ႉတီႈၶဝ်လႄႈ ပိၵ်ႉသမ်ႉၶဝ်လႆႈငိၼ်းသေၵေႃႈၶဝ်ဢမ်ႇထွမ်ႇဢမ်ႇဢဝ်။
၃၃ ၵူၺ်းၵႃႈဢမူႉၼႆႉတၵ်းႁွတ်ႈထိုင်ဢေႃႈ။မိူဝ်ႈဢၼ်ႁွတ်ႈထိုင်ၼၼ်ႉၸိုင်ၶဝ်တၵ်းလႆႈႁူႉလွင်ႈဢၼ် ပရေႃးၽႅတ်ႈယၢမ်ႈလႆႈမီးတီႈၶဝ်ၼၼ်ႉဢေႃႈ၊ဝႃႈၼင်ႇၼႆဢေႃႈ။