၃၁
တူၼ်ႈဢႃႇရိတ်ႉလႄႈလေႇပၼုၼ်ႇ
၁ ၼႂ်းပီႊဢၼ်ထူၼ်ႈထိုင်သိပ်းဢဵတ်း ပီႊလိူၼ်တႃႉတိယႃႉဝၼ်းၼိုင်ႈၼၼ်ႉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈ မႃးတီႈၵဝ်လႄႈဝႃႈၸမ်း၊-
၂ လုၵ်ႈၵူၼ်းဢိူၺ်း။မႂ်းႁေႃးလၢတ်ႈတီႈၽႃႇရေႃးၶုၼ်ႁေႃၶမ်းဢေႇၵႅပ်ႉတု ဢိၵ်ႇတင်းၵူၼ်းမၼ်း ဢၼ်ၼမ်ၼႃႇၼၼ်ႉလႄႈဝႃႈ မႂ်းၼႆႉ ၽုင်းတၼ်းၶူဝ်း ယႂ်ႇလႄႈမိူၼ်ၵၼ်တင်းၽူႈ လႂ်။
၃ ၵူၼ်းဢႃႇရိဢၼ်ပဵၼ်တူၼ်ႈဢႃႇရိတ်ႉလႄႈ လေႇပၼုၼ်ႇဢၼ်တဵမ်ဝႆႉတင်း ၵိင်ႇမၼ်းၶႃႊမၼ်းဢၼ်ႁၢင်ႊလီႁၢင်ႊငၢမ်းလႄႈၽိူဝ်မၼ်းမႂ်ႊမၼ်းႁူမ်ႈယူႇငမ်းယူႇ၊ ဢရၢပ်ႇမၼ်းသုင်လႄႈ ၸိၵ်းမၼ်းၸွမ်မၼ်းမီးယူႇၵႃႈၼႂ်းၵိင်ႇမၼ်းၶႃႊမၼ်းဢၼ်ၼႃတၼ်ၼႃႇၼၼ်ႉ ဢေႃႈ။
၄ ၵျေးၸူးၼမ်ႉႁွင်ႈႁႂ်ႈမၼ်း ယႂ်ႇၼႃႇၵႂၢင်ႈၼႃႇလႄႈ ၵျေးၸူးၼမ်ႉဢၼ်လိုၵ်ႉဢၼ်လမ်ႇၼၼ်ႉႁႂ်ႈမၼ်းသုင်လီယၢဝ်းလီဢေႃႈ။ၼမ်ႉႁွင်ႊမၼ်းၸိူဝ်းၼၼ်ႉလႆယူႇၵႃႈတီႈႁိမ်းႁွမ်း တီႈဢၼ်ၽုၵ်ႇသွမ်ႈမၼ်းၼၼ်ႉလႄႈႁွင်ႊဢွၼ်မၼ်းၸိူဝ်းၼၼ်ႉ ၸွတ်ႇတူဝ်ႈၵႂႃႇၸူး တီႈတူၼ်ႈထိူၼ်ႇတူၼ်ႈၶိူဝ်းၵႃႈမီးၼၼ်ႉဢေႃႈ။
၅ ၵွပ်ႈပိူဝ်ႈၸိူဝ်ႉၼင်ႇၼၼ်လႄႈ တၢင်းဢၼ်တူဝ်သုင်တူဝ်ယၢဝ်းမၼ်းၼၼ်ႉ လိူဝ်တွၼ်းၼႃႇသေတူၼ်ႈထိူၼ်ႇတူၼ်ႈၶိူဝ်းၵႃႈမီးၼၼ်ႉဢေႃႈ။ၵိင်ႇမၼ်းၶႃႊမၼ်းၸိူဝ်းၼၼ်ႉၼမ်ၵိုၼ်းၼႃႇသေ တူၼ်ႈထိူၼ်ႇတူၼ်ႈၶိူဝ်းၵႃႈမီးၼၼ်ႉဢေႃႈ။ ၵိင်ႇမၼ်းၶႃႊမၼ်းၸိူဝ်းၼၼ်ႉၼမ်ၵိုၼ်းၼႃႇလႄႈ ၶႃႊမၼ်းၸိူဝ်းၼၼ်ႉဢွၼ်ၵၼ်ယၢဝ်းယိတ်ႈၵွပ်ႈပိူဝ်ႈၼမ်ႉၼမ်ၼႃႇ ၼႂ်းမိူဝ်ႈဢၼ်မၼ်း ယႂ်ႇ ၽႄႈမႃးၼၼ်ႉဢေႃႈ။
၆ ၼူၵ်ႉၵၢင်ႁၢဝ်တင်းသဵင်ႈတင်းလူင်ဢွၼ်ၵၼ်ႁဵတ်းႁၢင်ႊၵႃႈၼႂ်းၵိင်ႇမၼ်းၶႃႊမၼ်းၸိူဝ်းၼၼ်ႉဢေႃႈ။ၵူၼ်းၵူႈၸိူဝ်ႉၵူႈမဵဝ်းဢၼ် ယႂ်ႇၼႃႇတင်းသဵင်ႈတင်းလူင်ၼၼ်ႉ ဢွၼ်ၵၼ်ယူႇသဝ်းၵႃႈတီႈ တႂ်ႈႁူမ်ႈငဝ်းမၼ်းဢေႃႈ။
၇ ၼင်ႇၼၼ်လႄႈမၼ်းပဵၼ်ဢၼ်ႁၢင်ႊလီႁၢင်ႊငၢမ်း လူၺ်ႈတၢင်းဢၼ်သုင်မၼ်းဢိၵ်ႇတင်းတၢင်းဢၼ်ၵိင်ႇမၼ်းၶႃႊမၼ်း ယၢဝ်းယိတ်ႈၵွပ်ႈပိူဝ်ႈဢၼ်ႁၢၵ်ႈမၼ်းယင်ႇၸပ်းၵႃႈတီႈ ဢၼ်ၼမ်ႉလိူင်ႇၼမ်ႉၼမ်ၼၼ်ႉဢေႃႈ။
၈ တူၼ်ႈဢႃႇရိတ်ႉၵႃႈၼႂ်းသူၼ်ဢူးယဵၼ်ႇၽြႃးပဵၼ်ၸဝ်ႈ ၸိူဝ်းၼၼ်ႉဢမ်ႇႁႄႉၵင်ႈႁႄႉလပ်ႉမၼ်းဝႆႉလႆႈ။တူၼ်ႈပႅၵ်ႇၸိူဝ်းၼၼ်ႉဢမ်ႇတဵမ်ဝႆႉတင်း ၵိင်ႇတင်းၶႃႊၸိူဝ်ႉၼင်ႇမၼ်းၼၼ်ႉ။တူၼ်းဢႃႇရမုၼ်ႇၸိူဝ်းၼၼ်ႉ ဢမ်ႇမီးၵိင်ႇမီးၶႃႊၸိူဝ်ႉၼင်ႇမၼ်းၼၼ်ႉ။တူၼ်ႈမႆႉၵႃႈၼႂ်းသူၼ်ဢူးယဵၼ်ႇၽြႃးပဵၼ်ၸဝ်ႈၼၼ်ႉ ဢမ်ႇႁၢင်ႊလီႁၢင်ႊငၢမ်းမိူၼ်ၸိူဝ်ႉၼင်ႇမၼ်းၼၼ်ႉသေတူၼ်ႈသေဢၼ်။
၉ ၵဝ်ႁႂ်ႈႁၢင်ႊမၼ်းပဵၼ်ဢၼ်ႁၢင်ႊလီႁၢင်ငၢမ်း လူၺ်ႈတၢင်းဢၼ်ၵိင်ႇမၼ်းၶႃႊမၼ်းလိူင်ႇၼႃႇၼမ်ၼႃႇၼၼ်ႉ တေႃႇထိုင်ႁွတ်ႈတူၼ်ႈမႆႉၵႃႈဢၼ်မီးၵႃႈၼႂ်းဢေႇတိၼ်ႇ၊ ၵႃႈၼႂ်းသူၼ်ဢူးယဵၼ်ႇၽြႃးပဵၼ်ၸဝ်ႈၸိူဝ်းၼၼ်ႉထၼ်ႈပေႃးသီႇၵေႉႁႄႈတႃမၼ်းဢေႃႈ။
၁၀ လၢႆးသမ်ႉထႃႇဝရႃႉၽြႃးမီးဢမိင်ႉၸမ်း၊-ၵွပ်ႈပိူဝ်ႈဢၼ်မၼ်းမီးတၢင်းဢၼ်တူဝ်သုင်တူဝ်ယၢဝ်းယူႇ၊ ယုၵ်ႉယွင်ႈပၢႆၸိၵ်းမၼ်းဢၼ်တဵမ်ဝႆႉတင်း ၵိင်ႇတင်းၶႃႊဢၼ်ၼႃတၼ်ၼႃႇၼၼ်ႉယူႇ၊ ၸႂ်မၼ်းၵေႃႈမီးတၢင်းဢၼ်ပူၵ်းပႅၼ်ၽႅၼ်သုင်လႄႈဢုပ်ႇဢၢတ်ႇယူႇၼၼ်ႉလႄႈ
၁၁ ၵဝ်ဢဝ်မၼ်းဢၢပ်ႈပၼ် ၵႃႈၼႂ်းမိုဝ်းၵေႃႉဢၼ်တၼ်းၶူဝ်း ယႂ်ႇၵႃႈၼႂ်းၵူၼ်းတၢင်ႇၸိူဝ်ႉတၢင်ႇမဵဝ်းတင်းလၢႆ လႄႈမၼ်းၼၼ်ႉ ၸီႇယၢင်ႇမၼ်းၵိတ်ႇၵႅၼ်းၼႃႇလူင်လၢင်ယဝ်ႉ။ ၵဝ်ႁေႃႈမၼ်းဢွၵ်ႇပႅတ်ႈၵွပ်ႈပိူဝ်ႈလွင်ႈတၢင်း ဢၼ်ႁၢႆႉယုတ်ႈဢၼ်မၼ်းႁဵတ်းၼၼ်ႉယဝ်ႉ။
၁၂ ၵူၼ်းတၢင်ႇဝၢၼ်ႈတၢင်ႇမိူင်း ဢၼ်လီၵူဝ်လီႁႄၸိူဝ်းၼၼ်ႉဢွၼ်ၵၼ်ၽၼ်းမၼ်းလူမ်ႉလႄႈပႅတ်ႈမၼ်းဝႆႉယဝ်ႉ။ၵိင်ႇမၼ်းၸိူဝ်းၼၼ်ႉ လႆႈတူၵ်းၵႃႈၼိူဝ်လွႆၼိူဝ်ၵုင်းဢိၵ်ႇတင်းၵႃႈၼႂ်းၶူင်ႈၼႂ်းႁူၺ်ႈလႄႈ ၶႃႊမၼ်းၸိူဝ်းၼၼ်ႉလႆႈၶၢမ်ႇတၢင်းဢၼ်ႁၵ်းႁိၵ်းမီးယူႇ ၵႃႈတီႈႁိမ်းႁွမ်းၼမ်ႉႁွင်ႊၼမ်ႉၵႄးၵႃႈဢၼ်မီးၵႃႈၼႂ်းမိူင်းဢေႃႈ။ၵူၼ်းလိၼ်မိူင်းတင်းသဵင်ႈတင်းလူင် ဢွၼ်ၵၼ်ဢွၵ်ႇသေၵႃႈတႂ်ႈႁူမ်ႊမၼ်းငဝ်းမၼ်းလႄႈ ၸုၼ်ႉပႅတ်ႈမၼ်းဢေႃႈ။
၁၃ ၼူၵ်ႉၵၢင်ႁၢဝ်တင်းသဵင်ႈတင်းလူင် လႆႈဢွၼ်ၵၼ်ယူႇၵႃႈၼိူဝ် တီႈဢၼ်မၼ်းၵိူၼ်ႇလူမ်ႉတူၵ်းၼၼ်ႉလႄႈတရိၵ်ႈသၢၼ်ႇထိူၼ် တင်းသဵင်ႈတင်းလူင်လႆႈဢွၼ်ၵၼ်ယူႇၵႃႈၼိူဝ်ၵိင်ႇမၼ်းၶႃႊမၼ်း ၸိူဝ်းၼၼ်ႉဢေႃႈ။
၁၄ လွင်ႈမၼ်းၸမ်း လွင်ႈၼင်ႇႁိုဝ်ၼႂ်းတူၼ်ႈမႆႉဢၼ်မီးၵႃႈတီႈႁိမ်းၼမ်ႉႁွင်ႊ ၵႃႈမီးၼၼ်ႉ သေတူၼ်ႈသေဢၼ်တၵ်းဢမ်ႇဢုပ်ႇဢၢတ်ႇ ၵွပ်ႈပိူဝ်ႈတၢင်းဢၼ်တူဝ်သုင်တူဝ်ယၢဝ်းမၼ်းဢိၵ်ႇတင်း လွင်ႈၼင်ႇႁိုဝ်တၵ်းဢမ်ႇယုၵ်ႉယွင်ႈပၢႆၸိၵ်းမၼ်းၵႃႈၼႂ်းၵိင်ႇမၼ်းၶႃႊမၼ်းဢၼ်ၼႃတၼ်ၼႃႇၸိူဝ်းၼၼ်ႉ တင်ႈလွင်ႈၼင်ႇႁိုဝ်တူၼ်ႈ ၵႃႈဢၼ်ၵိၼ်ၼမ်ႉသေတူၼ်ႈသေဢၼ်တၵ်းဢမ်ႇႁဵတ်းတၢင်း ဢၼ်ၶႄႉၶဵင်ႇၵၼ်ႁႂ်ႈတူဝ်သုင်တူဝ်ယၢဝ်းမိူၼ်ၸိူဝ်ႉၼင်ႇၶဝ်ၼၼ်ႉၸိုင်ၸင်ႇပဵၼ်ဢေႃႈ။ၶဝ်တင်းသဵင်ႈတင်းလူင်ၼၼ်ႉ လႆႈၶၢမ်ႇတၢင်းဢၼ်ဢဝ်ဢၢပ်ႈပၼ်တီႈတၢင်းတၢႆ ၵႃႈတီႈတႂ်ႈလိၼ်ၵႃႈၼႂ်းၵူၼ်းဢၼ်ၸၢင်ႊလူင်းၵႂႃႇ ၵႃႈၼႂ်းႁူးလိၼ်ၶုမ်လိၼ်ၼၼ်ႉယဝ်ႉ။
၁၅ ၸဝ်ႈထႃႇဝရႃႉၽြႃးမီးဢမိင်ႉၸမ်း၊-ၼႂ်းမိူဝ်ႉဝၼ်းဢၼ်မၼ်းလူင်းၵႂႃႇၵႃႈၼႂ်းမိူင်းမရၼၼၼ်ႉ ၵဝ်ႁႂ်ႈမီးတၢင်းဢၼ်ၶၢင်းၶီၶၢင်းၽၢၼ်လႄႈႁူမ်ႇသုမ်ႇတီႈဢၼ်ဢၼ်လိုၵ်ႉဢၼ်လမ်ႇဝႆႉပုၼ်ႈမၼ်းဢေႃႈ။ၵဝ်ႁၢမ်ႈတပ်ႉႁႄႉၶႅၼ်ၼမ်ႉႁွင်ႊတင်းလၢႆဝႆႉလႄႈ ၼမ်ႉဢၼ် ယႂ်ႇၼႃႇလူင်လၢင်လႆႈၶၢမ်ႇတၢင်းဢၼ်ၶျုၵ်ႈဝႆႉဢေႃႈ။ၵဝ်ႁႂ်ႈလွႆလေႇပၼုၼ်ႇ ၶၢင်းၶီၶၢင်းၽၢၼ် ပုၼ်ႈမၼ်းလႄႈတူၼ်ႈမႆႉထိူၼ်ႇတင်းသဵင်ႈတင်းလူင် ဢွၼ်ၵၼ်ၸႂ်လူႉ ၵွပ်ႈပိူဝ်ႈမၼ်းဢေႃႈ။
၁၆ ၵူၼ်းၵူႈၸိူဝ်ႉၵူႈမဵဝ်းသၼ်ႇၶွၼ်းဝႆၵွပ်ႈပိူဝ်ႈသဵင်ဢၼ်မၼ်းတူၵ်း ၼႂ်းမိူဝ်ႈဢၼ်ဢဝ်မၼ်းၶျႃးတူၵ်းၼႂ်းမိူင်းမရၼ မိူၼ်ၸိူဝ်ႉၼင်ႇၶဝ်ၸိူဝ်းဢၼ်လူင်းၵႂႃႇၵႃႈၼႂ်းႁူးလိၼ်ၶုမ်လိၼ်ၼၼ်ႉဢေႃႈ။တူၼ်ႈမႆႉဢေႇတႅၼ်ႇၵႃႈမီးဢိၵ်ႇတင်း တူၼ်ႈမႆႉလေႇပၼုၼ်ႇဢၼ်မျၢတ်ႈလီၼႃႇသေပိူၼ်ႈၸိူဝ်းၼၼ်ႉ ဢၼ်ဝႃႈၵႃႈပဵၼ်တူၼ်ႈမႆႉဢၼ်ၵိၼ်ၼမ်ႉၼၼ်ႉၸိူဝ်းၼၼ်ႉဢွၼ်ၵၼ်ႁွတ်ႈတၢင်းဢၼ်သၢၵ်ႈသႃႇ ၵႃႈတီႈလိၼ် ၼၼ်ႉဢေႃႈ။
၁၇ ၶဝ်ဢွၼ်ၵၼ်ၸွမ်းမၼ်းလူင်းၵႂႃႇၵႃႈတီႈမိူင်းမရၼ တီႈဢၼ်ၶဝ်ၸိူဝ်းဢၼ်လႆႈၶၢမ်ႇတၢႆလူၺ်ႈလၢပ်ႇလူၺ်ႈလႅဝ်း ဢိၵ်ႇလူၺ်ႈၵၼ်တင်း ၶဝ်ၸိူဝ်းဢၼ်ပဵၼ်ၶႅၼ်မိုဝ်းမၼ်းလႄႈ သွၼ်ႈပိုင်ႈႁူမ်ႊမၼ်းၵႃႈၼႂ်းမဵဝ်းၵူၼ်းတင်းလၢႆၼၼ်ႉယူႇၼၼ်ႉဢေႃႈ။
၁၈ မႂ်းၼႆႉ မီးမူၼ်ၽုင်းတၼ်းၶူဝ်းဢႃႇၼူႉၽေႃႇလႄႈမိူၼ်ၵၼ်တင်းတူၼ်ႈမႆႉဢေႇတိၼ်ႇဢၼ် လႂ်။မႂ်းတၵ်းလႆႈၶၢမ်ႇတၢင်းဢၼ် ၶျႃးတူၵ်းတီႈတႅမ်ႇၵႃႈၼႂ်းတီႈတႂ်ႈလိၼ်လူၺ်ႈၵၼ်တင်းတူၼ်ႈမႆႉဢေႇတိၼ်ႇ ၸိူဝ်းၼၼ်ႉဢေႃႈ။မႂ်းတၵ်းလႆႈၼွၼ်းယူႇလူၺ်ႈၵၼ်တင်းၶဝ်ၸိူဝ်းဢၼ်ဢမ်ႇၶၢမ်ႇ တၢင်းဢၼ်ထိူဝ်ႁိမ်းဢိၵ်ႇတင်းၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ဢဝ်တၢႆလူၺ်ႈလၢပ်ႇလူၺ်ႈလႅဝ်းၼၼ်ႉဢေႃႈ။ ၼင်ႇၼၼ်လႄႈၶုၼ်ႁေႃၶမ်းၽႃႇရေႃး ဢိၵ်ႇတင်းၵူၼ်းဝၢၼ်ႈၵူၼ်းမိူင်းမၼ်းဢၼ်ၼမ်ၼႃႇၵႃႈမီးၼၼ်ႉ တၵ်းလႆႈပဵၼ်ဢေႃႈ၊ ဝႃႈၼင်ႇၼႆၸဝ်ႈထႃႇဝရႃႉၽြႃးမီးဢမိင်ႉဢေႃႈ။