၁၉
ပွင်ႉမိုၼ်ပွင်ႉၶင်းပုၼ်ႈၶုၼ်ဢိသရေႇလ
၁ လိူဝ်သေၼၼ်ႉ လွင်ႈဢၼ်မႂ်းတၵ်းလႆႈႁႆႈႁွင်ႉပွင်ႉၶင်းပုၼ်ႈၸိူဝ်ႉၸၢဝ်းၶိူဝ်းၶုၼ်ဢိသရေႇလ တင်းလၢႆလႄႈဝႃႈၸမ်း၊-
၂ မေႈမႂ်းၸိုင်ပဵၼ်ၽူႈ လႂ်။ပဵၼ်သၢင်ႇသီႈမေႈဢေႃႈ။မၼ်းၼၼ်ႉၼွၼ်းယူႇၵႃႈၼႂ်းသၢင်ႇသီႈတင်းလၢႆလႄႈ လဵင်ႉလူလုမ်းလႃးလုၵ်ႈမၼ်းလၢင်းမၼ်းၵႃႈ ၼႂ်းသၢင်ႇသီႈၼုမ်ႇတင်းလၢႆယူႇဢေႃႈ။
၃ ၼႂ်းလုၵ်ႈမၼ်းၸိူဝ်းၼၼ်ႉ မၼ်းလဵင်ႉလူလုမ်းလႃး တူဝ်ၼိုင်ႈလႄႈမၼ်းၼၼ်ႉပဵၼ်သၢင်ႇသီႈၼုမ်ႇလႄႈ သွၼ်ဢဝ်ႁႂ်ႈလႆႈတီႉဢဝ်တရိၵ်ႈသၢၼ်ႇထိူၼ်ႇတင်းလၢႆဢေႃႈ။
၄ ၵူၼ်း တင်းလၢႆၵေႃႈမၼ်းၸၢင်ႊၶူပ်းၵိၼ်ဢေႃႈ။ၵူၼ်းၵူႈၸိူဝ်ႉၵူႈမဵဝ်းငိၼ်းလွင်ႈမၼ်းလႄႈမၼ်းလႆႈၶၢမ်ႇတၢင်းဢၼ်တီႉဢဝ် ၵႃႈၼႂ်းႁူးလိၼ်ၶုမ်လိၼ်ၶဝ်ၼၼ်ႉသေယဝ်ႉၶဝ်ၼၼ်ႉဢဝ်ၸိူၵ်ႈမတ်ႉၽုၵ်ႈမၼ်းလႄႈ ဢွၼ် ၵၼ်ဢဝ်မၼ်းၵႂႃႇၵႃႈတီႈမိူင်းဢေႇၵႅပ်ႉတုဢေႃႈ။
၅ မိူဝ်ႈဢၼ်မေႈမၼ်းႁၼ် လွင်ႈဢၼ်တီႈဢၼ်မၼ်းပႂ်ႉထႃႈလႄႈမုင်ႈထႃႈမွင်းထႃႈယူႇၼၼ်ႉလူႉယဝ်ႉၼၼ်ႉၸိုင်၊မၼ်းသမ်ႉဢဝ်လုၵ်ႈၸၢႆးမၼ်းတူဝ်ၼိုင်ႈလႄႈ ႁဵတ်းႁႂ်ႈ ပဵၼ်သၢင်ႇသီႈၼုမ်ႇသေယဝ်ႉ၊-
၆ မၼ်းၼၼ်ႉၵေႃႈၵႂႃႇၵႂႃႇမႃးမႃး လူၺ်ႈၵၼ်တင်းသၢင်ႇသီႈတင်းလၢႆလႄႈပဵၼ်သၢင်ႇသီႈၼုမ်သေလႄႈ သွၼ်ဢဝ်ႁႂ်ႈလႆႈတီႉဢဝ်တရိၵ်ႈသၢၼ်ႇထိူၼ်ႇတင်းလၢႆဢေႃႈ။ၵူၼ်းတင်းလၢႆ ၵေႃႈမၼ်းၸၢင်ႊၶူပ်းၵိၼ်ဢေႃႈ။
၇ မၼ်းႁူႉၸၵ်းႁၢင်ႈၶဝ်ႁေႃၶမ်းလႄႈ ယႃႉၽဵဝ်ႈဝဵင်းၶဝ်တင်းလၢႆပႅတ်ႈဢေႃႈ။ၵွပ်ႈပိူဝ်ႈသဵင်ဢၼ်မၼ်းႁွင်ႉၼၼ်ႉလႄႈ မိူင်းၸဝ်ႈဢိၵ်ႇတင်း ၵႃႈဢၼ်မီးၵႃႈၼႂ်းၽႆးမၼ်းမီးတၢင်းဢၼ်သိတ်ႇ ယဵၼ်ယူႇဢေႃႈ။
၈ မိူဝ်ႈၼၼ်ႉၵူၼ်းၵူႈၸိူဝ်ႉၵူႈမဵဝ်းဢွၼ်ၵၼ်လုၵ်ႉသေၵႃႈၼႂ်းၵူႈ ဢိူင်ႇၵူႈၵျၢၵ်ႈမႃးတိုၵ်းတေႃးမၼ်းလႄႈဢဝ်ၼႅင်ႈၶဝ်ၶႄၶဝ်လွမ်ႉလဵပ်ႈႁွပ်ႈမၼ်းသေယဝ်ႉ မၼ်းလႆႈၶၢမ်ႇတၢင်းဢၼ်တီႉဢဝ်ၵႃႈၼႂ်းႁူးလိၼ်ၶုမ်လိၼ်ၶဝ်ၼၼ်ႉဢေႃႈ။
၉ ၶဝ်ၼၼ်ႉဢဝ်ၸိူၵ်ႈလဵၵ်းမတ်ႉၽုၵ်ႈမၼ်းသေလႄႈ ဢဝ်မၼ်းၵႂႃႇၸူးၵႃႈတီႈၶုၼ်ႁေႃၶမ်း ပႃႇပုလုၼ်ႇ လႄႈဢွၼ်ၵၼ်ဢဝ်မၼ်းၶင်ဝႆႉၵႃႈၼႂ်းဝဵင်း ဢၼ်မၼ်ႈၶိူင်ႇႁႂ်ႈဢမ်ႇလႆႈငိၼ်းသဵင်ဢၼ်မၼ်းႁွင်ႉမၼ်းၶၢင်းၵႃႈၼိူဝ်လွႆၼိူဝ်ၵုင်းဢိသရေႇလ မိူဝ်ႈၵမ်းလိုၼ်းဢေႃႈ။
၁၀ မေႈမႂ်းၼၼ်ႉ ပဵၼ်ၸိူဝ်ႉၼင်ႇတူၼ်ႈၶိူဝ်းမၢၵ်ႇၸပိတ်ႉဢၼ်ၽုၵ်ႇၵႃႈတီႈႁိမ်းၼမ်ႉၼၼ်ႉၼႂ်းမိူဝ်ႈဢၼ်မႂ်းယင်း လဵၵ်ႉယင်းလႅင်ၼၼ်ႉဢေႃႈ။ၵွပ်ႈပိူဝ်ႈဢၼ်ၼမ်ႉလိူင်ႇၼမ်ႉၼမ်ၼၼ်ႉလႄႈ မၼ်းၸင်ႇမၢၵ်ႇမၢၵ်ႇၼမ် ၼႃႇလႄႈတဵမ်ဝႆႉတင်းၵိင်ႇတင်းၶႃႈဢေႃႈ။
၁၁ မၼ်းတဵမ်ဝႆႉတင်းလႅမ်ႈၶွၼ်ႉလႅမ်ႈ မႆႉဢၼ်မၼ်ႈၶိူင်ႇပုၼ်ဢၼ်ႁွၵ်ႇရႃႇၸႃႉဢၼ်ၶုၼ်သုင်းၶုၼ်သွင်ႇၸိူဝ်းၼၼ်ႉဢေႃႈ။ဢရၢပ်ႈမၼ်း ပဵၼ်ဢၼ် ယႂ်ႇၼႃႇသုင်ၼႃႇၵႃႈၼႂ်းၵိင်ႇၼႂ်းၶႃႊဢၼ်ၼႃတၼ်ၼႃႇၸိူဝ်းၼၼ်ႉလႄႈ မၼ်းပဵၼ်ဢၼ်သုင်လႄႈ ထၢင်ႇသႃးလူၺ်ႈၵၼ်တင်းၵိင်ႇမၼ်းၶႃႊမၼ်း ဢၼ်ၼႃၼႃႇပူင်ႇၼႃႇၼၼ်ႉဢေႃႈ။
၁၂ ၼႂ်းဝႃႈၼၼ်သေၵေႃႈမၼ်းလႆႈၶၢမ်ႇတၢင်းဢၼ်ထွတ်ႇထူၺ်ႈပႅတ်ႈၵွပ်ႈပိူဝ်ႈဢၢႆႁႅင်းတေႃးသႃႉ တၢင်းၸႂ်မႆႈၶႂ်ႈၸႃႉလႄႈလူမ်ႉတူၵ်းပႅတ်ႈၵႃႈၼိူဝ်လိၼ်ယဝ်ႉ။လူမ်းတၢင်းဢွၵ်ႇထူဝ်းလႄႈ ႁႂ်ႈမၢၵ်ႇမၼ်ႁဵဝ်ႇႁႅင်ႈၵႂႃႇဢေႃႈ။လႅမ်ႈၶွၼ်ႉလႅမ်ႈမႆႉမၼ်းၸိူဝ်းၼၼ်ႉႁၵ်းႁိၵ်းလႄႈ ယူတ်း ႁႅင်ႈၵႂႃႇသေယဝ်ႉၽႆးမႆႈၶဝ်ပႅတ်ႈယဝ်ႉ။
၁၃ မိူဝ်ႈလဵဝ်ၼႆႉၸမ်းမၼ်းလႆႈၶၢမ်ႇတၢင်းဢၼ် ၽုၵ်ႇသွမ်ႈၵႃႈၼႂ်းထိူၼ်ႇတီႈဢၼ်လိၼ်ႁႅင်ႈလိၼ်ႁွင်လႄႈ ဢမ်ႇမီးၼမ်ႉၼၼ်ႉ ဢေႃႈ။
၁၄ ၽႆးဢွၵ်ႇသေၵႃႈၼႂ်းလႅမ်ႈၶွတ်ႈလႅမ်ႈမႆႉၵိင်ႇမၼ်းၶႃႊမၼ်းၸိူဝ်းၼၼ်ႉလႄႈ ႁႂ်ႈမၢၵ်ႇမၼ်းမႆႈသုတ်းၵႂႃႇထၼ်ႈပေႃးလႅမ်ႈၶွၼ်ႉလႅမ်ႈမႆႉဢၼ်မၼ်ႈၶိူင်ႈပုၼ်ႈၵၼ်းႁွၵ်ႇရႃႇၸႃႉ ဢၼ်ဢုပ်ႉပိူင်ႇၼၼ်ႉဢမ်ႇၵိုတ်းဢမ်ႇၵျၢၼ်ႇသေလႅမ်ႈသေဢၼ်ယဝ်ႉ။ ဢၼ်ၼႆႉၸမ်းပဵၼ်တၢင်းဢၼ်ႁႆႈႁွင်ႉပွင်ႉၶၢင်းလႄႈ တၵ်းပဵၼ်ပုၼ်ႈဢၼ်တၵ်းလႆႈႁႆႈႁွင်ႉပွင်ႉၶၢင်းဢေႃႈ။