၃
၁ လၢႆးသမ်ႉမၼ်းၸဝ်ႈမီးဢမိင်ႉတီႈၶဝ်လႄႈဝႃႈ၊-လုၵ်ႈၵူၼ်းဢိူၺ်း။ၵိၼ်ဢၼ်မႂ်းထူပ်းၼၼ်ႉတႃႉ။ၵိၼ်ၵဵၼ်ႁမ်းလိၵ်ႈၼႆႉသေလႄႈ ၵႂႃႇႁေႃးလၢတ်ႈတီႈၵူၼ်းမဵဝ်း ဢိသရေႇလတင်းလၢႆတႃႉ၊ဝႃႈၼင်ႇၼႆသေယဝ်ႉ၊
၂ ၵဝ်ၽုၺ်ႇဢႃႈသူပ်းၵဝ်လႄႈမၼ်းၸဝ်ႈဢဝ်ၵဵၼ်ႁမ်းလိၵ်ႈၼၼ်ႉပွၼ်ႈ သႂ်ႇသေလႄႈမီးဢမိင်ႉလႄႈဝႃႈ၊-
၃ လုၵ်ႈၵူၼ်းဢိူၺ်း။ႁႂ်ႈတွင်ႉမႂ်းၵိၼ်လႄႈပုမ်မႂ်းတဵမ်ဝႆႉတင်းၵဵၼ်ႁမ်းလိၵ်ႈဢၼ်ၵဝ်ပၼ်ၼႆႉတႃႉ၊ ဝႃႈၼင်ႇၼႆလႄႈၵဝ်ၵိၼ်ၸွမ်း ၵႃႈၼင်ႇဢၼ်မီးဢမိင်ႉၼၼ်ႉလႄႈဢၼ်ၼၼ်ႉပဵၼ်ဢၼ်ဝၢၼ်တီႈသူပ်းမိူၼ်ၸိူဝ်ႉၼင်ႇၼမ်ႉၽိုင်ႈၼၼ်ႉဢေႃႈ။
၄ လၢႆးသမ်ႉမၼ်းၸဝ်ႈမီးဢမိင်ႉလႄႈဝႃႈ၊- လုၵ်ႈၵူၼ်းဢိူၺ်း။ၵႂႃႇၸူးၵႃႈတီႈမဵဝ်းဢိသရေႇလလႄႈဢဝ်ၵႂၢမ်း ၵဝ်ႁေႃးလၢတ်ႈတီႈၶဝ်တႃႉ။
၅ ၵဝ်ပွႆႇၸႂ်ႉမႂ်းၸူးၵႃႈတီႈၵူၼ်းမဵဝ်းဢၼ်သူပ်းၼၵ်းၵႂၢမ်းလိုၵ်ႉလမ်ႇ၊ ဢၼ်ၸၢင်ႊလၢတ်ႈၵႂၢမ်း ဢၼ်ႁူႉယၢပ်ႇဢမ်ႇပွင်ၸႂ်ၼၼ်ႉဢမ်ႇၸႂ်ႈ။
၆ ပွႆႇၸႂ်ႉၸူးၵႃႈတီႈမဵဝ်းဢိသရေႇလၼၼ်ႉဢေႃႈ။ပွႆႇၸႂ်ႉၸူးၵႃႈတီႈ ၵူၼ်းမဵဝ်းဢၼ်သူပ်းၼၵ်းၵႂၢမ်းလိုၵ်ႉလမ်ႇ၊ဢၼ်ၸၢင်ႊလၢတ်ႈၵႂၢမ်း ဢၼ်ႁူႉယၢပ်ႇဢမ်ႇပွင်ႇၸႂ်၊ၵႂၢမ်းဢၼ်မႂ်း ဢမ်ႇႁူႉဢမ်ႇၸႅင်ႈလႃးလႃးၼၼ်ႉဢမ်ႇၸႂ်ႈ။ ပေႃးၵဝ်ပွႆႇၸႂ်ႉမႂ်းၸူးၵႃႈတီႈၶဝ်ၸိူဝ်ႉၼင်ႇၼၼ်ၼၼ်ႉၸိုင်ၶဝ်တၵ်း ဢွၼ်ၵၼ်ထွမ်ႇဢဝ်ၵႂၢမ်းမႂ်းဢေႃႈ။
၇ မဵဝ်းဢိသရေႇလ ၸမ်းဢမ်ႇဢွၼ်ၵၼ်ထွမ်ႇဢဝ်ၵႂၢမ်းမႂ်း။တေႃႈၵႃႈၵႂၢမ်းၵဝ်ၼႆႉၶဝ်ဢမ်ႇဢွၼ်ၵၼ်ထွမ်ႇဢဝ်။ၵူၼ်းမဵဝ်းဢိသရေႇလ ၵႃႈမီးၼၼ်ႉဢွၼ်ၵၼ်မီးၼႃႈၽၢၵ်ႇဢၼ်ၵဵင်ႈၼႃႇဢိၵ်ႇတင်း ႁူဝ်ၸႂ်ဢၼ်ၶႅင်ၼႃႇ ဢေႃႈ။
၈ ၼႂ်းဝႃႈၼၼ်သေၵေႃႈၵဝ်တၵ်းႁႂ်ႈၼႃႈမႂ်းၵႅၼ်ႇၼႃႇယူႇၽၢႆႇၼိုင်ႈတင်းၼႃႈၶဝ်ၼၼ်ႉ ဢိၵ်ႇတင်းၼႃႈၽၢၵ်ႇမႂ်းၵႅၼ်ႇၼႃႇယူႇၽၢႆႇၼိုင်ႈတင်း ၼႃႈၽၢၵ်ႇၶဝ် ၼၼ်ႉဢေႃႈ။
၉ ၵဝ်ႁႂ်ႈၼႃႈၽၢၵ်ႇမႂ်းၵႅၼ်ႇလိူဝ်တွၼ်းၼႃႇသမေၢၵ်ႇႁိၼ်ဢမ်ႇၵႃး ႁႂ်ႈၵႅၼ်ႇလိူဝ်တွၼ်းၼႃႇသေသႅင်ၸိင်ႇၼၼ်ႉယဝ်ႉ။ပိၵ်ႉသမ်ႉၶဝ်ၼၼ်ႉပဵၼ်မဵဝ်းဢၼ်ၸၢင်ႊလုၵ်ႉၽိုၼ်ႉသေၵေႃႈယႃႇပေၵူဝ်ပေႁႄၶဝ်။ယႃႇပေၸႂ်လူႉၵွပ်ႈပိူဝ်ႈၼႃႈၶဝ်ၼၼ်ႉ၊ဝႃႈၼင်ႇၼႆဢေႃႈ။
၁၀ လၢႆးသမ်ႉမၼ်းၸဝ်ႈမီးဢမိင်ႉတီႈၵဝ်လႄႈဝႃႈ၊-လုၵ်ႈၵူၼ်းဢိူၺ်း။ ဢဝ်ႁူမႂ်းထွမ်ႇငိၼ်းၵႂၢမ်းၵႃႈဢၼ်ၵဝ်တၵ်းလၢတ်ႈပၼ်တီႈမႂ်းၼၼ်ႉလႄႈ ဢဝ်သႂၢင်း သႂ်ႇဝႆႉ ၵႃႈၼႂ်းၸႂ်တႃႉ။
၁၁ ၵႂႃႇၸူးၵႃႈတီႈၵူၼ်းမဵဝ်းမႂ်းဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇၸိူဝ်းၼၼ်ႉလႄႈ ၶဝ်တၵ်းထွမ်ႇဢဝ်သေဢမ်ႇဝႃႈ၊ တၵ်းဢမ်ႇထွမ်ႇဢဝ်သေဢမ်ႇဝႃႈႁေႃးလၢတ်ႈလႄႈဝႃႈ ၸဝ်ႈထႃႇဝရႃႉၽြႃးမီးဢမိင်ႉဢေႃႈ၊ ဝႃႈၼင်ၼႆတႃႉ၊ဝႃႈၼင်ႇၼႆဢေႃႈ။
၁၂ မိူဝ်ႈၼၼ်ႉ ဝိၺိၺ်ႇၸဝ်ႈဢုမ်ႈယွင်ႈဢဝ်ၵဝ်လႄႈ ၵဝ်လႆႈငိၼ်းသဵင်တၢင်းဢၼ်ၶုၼ်ႇလႅၼ်ႈ ဢၼ် ယႂ်ႇၼႃႇၼၼ်ႉၵႃႈတီႈၽၢႆႇလင်ၵဝ်လႄႈဝႃႈ၊-ႁႂ်ႈမုၼ်ၽုင်းထႃႇဝရႃႉၽြႃးဢွၵ်ႇသေ ၵႃႈတီႈဢၼ်မၼ်းၸဝ်ႈၵိင်းဝပ်ႈယူႇၼၼ်ႉမီးမင်ႇၵလႃႇသေၵမ်းလူၺ်ႈ၊ ဝႃႈၼင်ႇၼႆ ဢေႃႈ။-
၁၃ ၵဝ်လႆႈငိၼ်းသဵင်ပိၵ်ႇသတ်ႉတဝႃႇဢၼ်ၼိုင်ႈလႄႈ ဢၼ်ၼိုင်ႈၸပ်းၵၼ်ယူႇသေလႄႈ လင်ႊမေႃးယူႇ၊သဵင်မၢၵ်ႇလေ တင်းလၢႆဢၼ်မီးၵႃႈတီႈႁိမ်းၶဝ်ၸိူဝ်းၼၼ်ႉ လင်ႊမေႃးယူႇဢၼ်ဝႃႈသဵင်တၢင်းဢၼ် ၶုၼ်ႇဢၼ်လႅၼ်ႈဢၼ် ယႂ်ႇၼႃႇၼၼ်ႉ ဢေႃႈ။
၁၄ ၼင်ႇၼၼ်လႄႈ ဝိၺိၺ်ႇၸဝ်ႈၼၼ်ႉဢုမ်ႈယွင်ႈဢဝ်ၵဝ်ၵႂႃႇလႄႈ ၵဝ်မီးၸႂ်ဢၼ်ၶူမ်ၸႂ်ဢၼ်မႆႈႁွၼ်ႉယူႇသေလႄႈၸွမ်းၵႂႃႇဢေႃႈ။မိုဝ်းထႃႇဝရႃႉၽြႃးတၢင်ႇ သႂ်ႇယူႇၵႃႈ ၼိူဝ်ၵဝ်ၼၵ်းၼႃႇလူင်လၢင်ဢေႃႈ။
၁၅ မိူဝ်ႈၼၼ်ႉၵဝ်တၵ်းႁွတ်ႈထိုင်တီႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇၵႃႈတီႈတေႇလပိပႃ လႄႈတူၵ်းတီႈယူႇတီႈသဝ်း ၵႃႈႁိမ်းၼမ်ႉႁွင်ႊၶေႇပႃႇ ၸိူဝ်းၼၼ်ႉလႄႈထူပ်းႁၼ်ၶဝ်ၵႃႈၼႂ်းတီႈဢၼ်ၶဝ်ယူႇၼၼ်ႉသေယဝ်ႉမီးတၢင်းဢၼ်ၵႂင်ၸႂ်ယုင်ႈၸႂ်ယူႇသေလႄႈ ၼင်ႈယူႇၵႃႈၼႂ်းၵၢင်ၶဝ်ၼၼ်ႉၸဵတ်းဝၼ်းဢေႃႈ။
ပၼ်သတိဢိသရေႇလ
၁၆ ပူၼ်ႉၸဵတ်းဝၼ်းသေယဝ်ႉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ်လႄႈဝႃႈ၊-
၁၇ လုၵ်ႈၵူၼ်းဢိူၺ်း။ ၵဝ်ၶၢၼ်းမႂ်းဝႆႉ ႁႂ်ႈပဵၼ်ၵေႃႉဢၼ်ပႂ်ႉၵင်ႈၼႂ်းမဵဝ်းဢိသရေႇလဢေႃႈ။ ပိူဝ်ႈၼႆလႄႈထွမ်ႇငိၼ်းဢဝ်ၵႂၢမ်းဢၼ်ဢွၵ်ႇ သူပ်းၵဝ်လႄႈဢဝ်ပၼ်သတိတီႈၶဝ်တႃႉ။
၁၈ ပေႃးၵဝ်လၢတ်ႈပၼ်တီႈၵူၼ်းႁၢႆႉလႄႈဝႃႈ၊-မႂ်းၼႆႉတၵ်းလႆႈတၢႆဢမၢၼ်ႇၶၢၼ်ပဵၼ်ဢေႃႈ၊ဝႃႈၼင်ႇၼႆဝႆႉလႄႈ မႂ်းယင်းဢမ်ႇပၼ်သတိတီႈမၼ်း၊ ယင်းဢမ်ႇလၢတ်ႈပၼ်ၵႂၢမ်းဢၼ်ပၼ်သတိ တီႈၵူၼ်းႁၢႆႉၼၼ်ႉ ႁႂ်ႈမၼ်းလႆႈဝႄႈပႅတ်ႈသေ သဵၼ်ႈတၢင်း ဢၼ်ႁၢႆႉယုတ်ႈမၼ်းၼၼ်ႉလႄႈ ႁႂ်ႈဢသၢၵ်ႈမၼ်းလႆႈၵတ်းယဵၼ်ၶျၢမ်းသႃႇၸိုင်ၵူၼ်းႁၢႆႉၼၼ်ႉ တၵ်းလႆႈတၢႆ ၵႃႈၼႂ်းဢပျႅတ်ႈမၼ်းဢေႃႈ။လိူတ်ႈမၼ်းၼၼ်ႉၸမ်းၵဝ်တၵ်းယွၼ်းဢဝ်တီႈမႂ်းဢေႃႈ။
၁၉ ဢမ်ႇၼၼ်ပေႃးမႂ်းပၼ်သတိတီႈၵူၼ်းႁၢႆႉလႄႈမၼ်းၼၼ်ႉ ယင်းဢမ်ႇဝေႈပႅတ်ႈတူႉၸရိူၵ်ႈမၼ်းဢိၵ်ႇတင်း သဵၼ်ႈတၢင်းဢၼ်ႁၢႆႉယုတ်ႈမၼ်းၼၼ်ႉလႄႈ ယူႇၸိုင်မၼ်းၼၼ်ႉတၵ်းလႆႈတၢႆၵႃႈၼႂ်း ဢပျႅတ်ႈမၼ်းဢေႃႈ။မႂ်းၸမ်းၵႄႇသႄႇၼုၵ်ႈဢဝ်ဢသၢၵ်ႈ ဝိၺိၺ်ႇမႂ်းယဝ်ႉ။
၂၀ လၢႆးသမ်ႉပိူင်ၼိုင်ႈပေႃးၵေႃႉဢၼ်သိုဝ်ႈတေႃႇၼၼ်ႉၽွၵ်ႈပျၢၼ်ႇၶိုၼ်းသေၵႃႈတီႈ တၢင်းဢၼ်သိုဝ်ႈတေႃႇမၼ်းၼၼ်ႉလႄႈ ႁဵတ်းတူႉၸရိူၵ်ႈ၊ပေႃးၵဝ်ဢဝ်လွင်ႈတၢင်းဢၼ်တၵ်းတိူဝ်ႉမႅၼ်ႈလႄႈ လူမ်ႉၼၼ်ႉဝႆႉၵႃႈတီႈၽၢႆႇၼႃႈမၼ်းၸိုင် မၼ်းၼၼ်ႉတၵ်းလႆႈတၢႆဢေႃႈ။
၂၁ ၵွပ်ႈပိူဝ်ႈဢၼ်မႂ်းဢမ်ႇပၼ်သတိတီႈမၼ်းလႄႈမၼ်းၼၼ်ႉ တၵ်းလႆႈတၢႆၵႃႈၼႂ်းဢပျႅတ်ႈမၼ်းဢေႃႈ။ဢမ်ႇလႆႈၶုၵ်းၸႂ်လႆႈၶႆႈၸႂ်ထူပ်း တြႃးတၢင်းသိုဝ်ႈတေႃႇဢၼ်မၼ်းယၢမ်ႈၵမ်ၵျၢင်ႉၼၼ်ႉ။လိူတ်ႈမၼ်းၸမ်းၵဝ် တၵ်းယွၼ်းဢဝ်တီႈမႂ်းဢေႃႈ။ဢမ်ႇၼၼ်ပေႃးမႂ်းပၼ်သတိ တီႈၵေႃႉဢၼ်သိုဝ်ႈတေႃႇၼၼ်ႉ ႁႂ်ႈၵေႃႉဢၼ်သိုဝ်ႈတေႃႇၼၼ်ႉ ဢမ်ႇလႆႈႁဵတ်းတူႉၸရိူၵ်ႈလႄႈမၼ်းယင်းဢမ်ႇႁဵတ်းလႄႈယူႇၸိုင် ဢသၢၵ်ႈမၼ်းၼၼ်ႉတၵ်းလႆႈၵတ်းယဵၼ်ၶျၢမ်းသႃႇ ၵွပ်ႈပိူဝ်ႈဢၼ်မၼ်းလႆႈသတိၼၼ်ႉဢမၢၼ်ႇၶၢၼ်ပဵၼ်ဢေႃႈ။မႂ်းၵေႃႈၵႄႇသႄႇၼုၵ်ႈဢဝ်ဢသၢၵ်ႈဝိၺိၺ်ႇမႂ်းယဝ်ႉ၊ ဝႃႈၼင်ႇၼႆဢေႃႈ။
၂၂ လၢႆးသမ်ႉ ထႃႇဝရႃႉၽြႃးဢဝ်မိုဝ်းတၢင်ႇ သႂ်ႇၵႃႈၼိူဝ်ၵဝ်သေယဝ်ႉမၼ်းၸဝ်ႈမီးဢမိင်ႉတီႈၵဝ်လႄႈဝႃႈ၊-မႂ်းလုၵ်ႉလႄႈဢွၵ်ႇၵႂႃႇၸူးၵႃႈတီႈပၢင်ႇႁူၺ်ႈၼၼ်ႉတႃႉ။ ၵဝ်တၵ်းလၢတ်ႈတေႃႇမႂ်းၵႃႈတီႈၼၼ်ဢေႃႈ၊ ဝႃႈၼင်ႇၼႆလႄႈ၊ ၵဝ်လုၵ်ႉလႄႈဢွၵ်ႇၵႂႃႇၸူးၵႃႈတီႈပၢင်ႇႁူၺ်ႈ ဢေႃႈ။
၂၃ မုၼ်ၽုင်းထႃႇဝရႃႉၽြႃးဢၼ်မိူၼ်ၸိူဝ်ႉၼင်ႇမုၼ်ၽုင်း ဢၼ်ၵဝ်ယၢမ်ႈႁၼ်ၵႃႈတီႈႁိမ်းၼမ်ႉႁွင်ႊၶေႇပႃႇ ၼၼ်ႉၸုၵ်းယူႇၵႃႈတီႈၼၼ်ႉလႄႈၵဝ်ၶုပ်ႉမူပ်ႇ ဢေႃႈ။
၂၄ မိူဝ်ႈၼၼ်ႉဝိၺိၺ်ႇၸဝ်ႈၶဝ်ႈၵႃႈၼႂ်းၵဝ်လႄႈဢဝ်ၵဝ်ၸုၵ်းယူႇၵႃႈၼိူဝ်တိၼ်ၵဝ်သေလႄႈ လၢတ်ႈတေႃႇၵဝ်လႄႈမီးဢမိင်ႉတီႈၵဝ်လႄႈဝႃႈ၊-မႂ်းၵႂႃႇလႄႈတဵတ်ႇမႅပ်းယူႇၵႃႈၼႂ်းႁိူၼ်းမႂ်းတႃႉ။
၂၅ လုၵ်ႈၵူၼ်းဢိူၺ်း။မႂ်းတၵ်းလႆႈၶၢမ်ႇ တၢင်းဢၼ်ပိူၼ်ႈဢဝ်ၸိူၵ်ႈတၢင်ႇ သႂ်ႇၵႃႈၼိူဝ်မႂ်းလႄႈ ဢဝ်ၸိူၵ်ႈဢၼ်ၼၼ်ႉမတ်ႉၽုၵ်ႈမႂ်းဝႆႉ လႄႈမႂ်းတၵ်းဢမ်ႇလႆႈဢွၵ်ႇၵႂႃႇသေၵႃႈၼႂ်းၶဝ်။
၂၆ ၵဝ်တၵ်းႁႂ်ႈလိၼ်ႉမႂ်းၸပ်းယူႇတီႈႁိူၵ်ႇမႂ်းလႄႈ ႁႂ်ႈမႂ်းဢႃႉယူႇထၼ်ႈပေႃး ဢမ်ႇပဵၼ်ၵေႃႉဢၼ်သင်ႇသွၼ်သုင်းမႃႉၶဝ်ၼၼ်ႉဢေႃႈ။လွင်ႈမၼ်းၸမ်းၶဝ်ၼၼ်ႉပဵၼ်မဵဝ်းဢၼ် ၸၢင်ႊလုၵ်ႉၽိုၼ်ႉဢေႃႈ။
၂၇ ၵူၺ်းၵႃႈမိူဝ်ႈဢၼ်ၵဝ်လၢတ်ႈတီႈမႂ်းၼၼ်ႉၸိုင် ၵဝ်တၵ်းၽုၺ်ႇသူပ်းမႂ်းလႄႈမႂ်းတၵ်းလႆႈႁေႃးလၢတ်ႈတီႈၶဝ်လႄႈဝႃႈ၊-ၸဝ်ႈထႃႇဝရႃႉၽြႃးမီးဢမိင်ႉဢေႃႈဝႃႈၼင်ႇၼႆဢေႃႈ။ႁႂ်ႈၵေႃႉဢၼ်ဢမ်ႇထွမ်ႇဢဝ်ၼၼ်ႉထွမ်ႇဢဝ်သေၵမ်းလူၺ်ႈ။ႁႂ်ႈၵေႃႉဢၼ်ဢမ်ႇထွမ်ႇဢဝ်ၼၼ်ႉ ယင်းဢမ်ႇထွမ်ႇဢဝ်လႄႈယူႇသေၵမ်းလူၺ်ႈ။ ၶဝ်ၼၼ်ႉပဵၼ်မဵဝ်းဢၼ်ၸၢင်ႊလုၵ်ႉၽိုၼ်ႉဢေႃႈ၊ဝႃႈၼင်ႇၼႆဢေႃႈ။