၄၇
ၼမ်ႉႁွင်ႊၼမ်ႉၶေးတီႈပိၵ်ႉမၢၼ်ႇ
၁ လိုၼ်းၼၼ်ႉ ၵေႃႉၼၼ်ႉသမ်ႉဢဝ်ၵဝ်ၶိုၼ်းမႃးၵႃႈတီႈၽၵ်းတူႁိူၼ်းၸဝ်ႈလႄႈ ၵဝ်ႁၼ်ၼမ်ႉဢွၵ်ႇသေၵႃႈတႂ်ႈၶူင်ႇၽၵ်းတူႁိူၼ်းၸဝ်ႈ လႆၵႂႃႇၽၢႆႇဝၼ်းဢွၵ်ႇဢေႃႈ။ၼႃႈႁိူၼ်းၸဝ်ႈၼၼ်ႉဝၢႆႇၼႃႈၵႂႃႇၽၢႆႇဝၼ်းဢွၵ်ႇလႄႈ ၼမ်ႉၼၼ်ႉလုၵ်ႉသေၵႃႈတီႈတႂ်ႈၼႃႈၽၢႆႇၶႂႃႁိူၼ်းၸဝ်ႈၽၢႆႇတၢင်းၸၢၼ်းယိတ်ႉပလၢင်ႇၼၼ်ႉ လႆၵႂႃႇ ဢေႃႈ။
၂ လၢႆးသမ်ႉၵေႃႉၼၼ်ႉဢဝ်ၵဝ်ဢွၵ်ႇၸွမ်းသဵၼ်ႈတၢင်းၽၵ်းတူၼႃႈတၢင်းႁွင်ႇလႄႈ ဢွၼ်ၵဝ်လဵပ်ႈၵႂႃႇၽၢႆႇတၢင်းၼွၵ်ႈ ၸူးၵႃႈတီႈၽၵ်းတူဢၼ်ၵႃႈၼွၵ်ႈဢၼ်ဝႃႈသဵၼ်ႈတၢင်းၽၵ်းတူ ဢၼ်ဝၢႆႇၼႃႈၵႂႃႇၽၢႆႇဝၼ်းဢွၵ်ႇၼၼ်ႉလႄႈ ၵဝ်ႁၼ်ၼမ်ႉဢၼ်လႆၵႂႃႇတီႈ ၽၢႆႇတၢင်းၶႂႃဢေႃႈ။
၃ ၵေႃႉဢၼ်ယိပ်းၸိူၵ်ႈၼၼ်ႉဢွၵ်ႇၵႂႃႇၽၢႆႇတၢင်းဝၼ်းဢွၵ်ႇသေလႄႈ တႅၵ်ႈႁႂ်ႈတဵမ်ႁဵင်သွၵ်ႇလႄႈႁႂ်ႈၵဝ်ၶၢမ်ႈၼမ်ႉၼၼ်ႉဢေႃႈ။ၼမ်ႉၼၼ်ႉၶိုတ်း ထိုင်တႃတိၼ်ၵူၺ်းဢေႃႈ။
၄ လၢႆးသမ်ႉမၼ်းတႅၵ်ႈႁႂ်ႈတဵမ်ႁဵင်သွၵ်ႇလႄႈ ႁႂ်ႈၵဝ်သမ်ႉၶိုၼ်းၶၢမ်ႈၼမ်ႉၼၼ်ႉဢေႃႈ။ၼမ်ႉၼၼ်ႉၶိုတ်းထိုင်ႁူဝ်ၶဝ်ႇဢေႃႈ။လၢႆးသမ်ႉမၼ်းတႅၵ်ႈႁႂ်ႈတဵမ်ႁဵင်သွၵ်ႇလႄႈ ႁႂ်ႈၵဝ်သမ်ႉၶိုၼ်းၶၢမ်ႈၼမ်ႉၼၼ်ႉ ဢေႃႈ။ၼမ်ႉၼၼ်ႉၶိုတ်းထိုင်ဢႅဝ်ဢေႃႈ။
၅ လၢႆးသမ်ႉမၼ်းတႅၵ်ႈႁႂ်ႈတဵမ်ႁဵင်သွၵ်ႇလႄႈ ပဵၼ်ၼမ်ႉႁွင်ႈဢၼ်ၵဝ်ဢမ်ႇၶၢမ်ႈလႆႈဢေႃႈ။လွင်ႈမၼ်းၸမ်းၼမ်ႉၼွင်းၶိုၼ်ႈလႄႈပဵၼ်ၼမ်ႉ ဢၼ်တၵ်းလႆႈလုၺ်းၼမ်ႉႁွင်ႊဢၼ်ဢမ်ႇယၢင်ႈလႄႈၶၢမ်ႈလႆႈၼၼ်ႉဢေႃႈ။
၆ ၵေႃႉၼၼ်ႉထၢမ်တီႈၵဝ်လႄႈဝႃႈ၊-လုၵ်ႈၵူၼ်းဢိူၺ်း။မႂ်းႁၼ်လွင်ႈတၢင်းၼႆႉယဝ်ႉဢမ်ႇၸႂ်ႈႁိုဝ်၊ ဝႃႈၼင်ႇၼႆသေယဝ်ႉႁွင်ႉဢဝ်ၵဝ်ၵႂႃႇလႄႈႁႂ်ႈၶိုၼ်းမႃးၵႃႈတီႈၽင်ႇၼမ်ႉႁွင်ႊဢေႃႈ။
၇ မိူဝ်ႈဢၼ်ၵဝ်ၶိုၼ်းမႃးၼၼ်ႉ ၵဝ်ႁၼ်တူၼ်ႈမႆႉၼမ်ၼႃႇ ၵႃႈတီႈႁိမ်းၽင်ႇၼမ်ႉႁွင်ႊသွင်ၽၢႆႇၼၼ်ႉဢေႃႈ။
၈ ၵေႃႉၼၼ်ႉၵေႃႈလၢတ်ႈတီႈၵဝ်လႄႈဝႃႈ၊-ၼမ်ႉၼႆႉလႆၵႂႃႇၸူးထိူၼ်ႇၽၢႆႇဝၼ်းဢွၵ်ႇလႄႈ လူင်းၵႂႃႇၸူးၵႃႈၼႂ်းပၢင်ႇပဵင်းဢႃႇၽႃႇသေလႄႈ လႆၵႂႃႇၸူးၵႃႈတီႈပၢင်ႇလၢႆႇဢေႃႈ။သုတ်းတိူၵ်ႈၵႃႈၼႂ်းပၢင်ႇလၢႆႇလႄႈႁႂ်ႈၼမ်ႉပဵၼ် ဢၼ်ဝၢၼ်မႃးဢေႃႈ။
၉ သတ်ႉတဝႃႇၵူႈၸိူဝ်ႉၵူႈမဵဝ်းဢၼ်ဢသၢၵ်ႈလိပ်းလႄႈၸၢင်ႊတူင်ႉၸၢင်ႊၼိုင်ႈၼၼ်ႉဢသၢၵ်ႈတၵ်းလိပ်း ၵႃႈၼႂ်းတီႈၵႃႈဢၼ်ၼမ်ႉႁွင်ႊၼၼ်ႉႁွတ်ႈထိုင်ၼၼ်ႉလႄႈ ပႃတၵ်းမီးၼမ်ၼႃႇလူင်လၢင်ဢေႃႈ။လွင်ႈမၼ်းၸမ်းၼမ်ႉၼၼ်ႉႁွတ်ႈထိုင်ၵႃႈတီႈၼၼ်ႉလႄႈပဵၼ်ဢၼ်ဝၢၼ်မႃးလႄႈ သတ်ႉတဝႃႇၵူႈၸိူဝ်ႉၵူႈမဵဝ်း တၵ်းလႆႈဢသၢၵ်ႈလိပ်းယူႇၼႂ်းတီႈၵႃႈ ဢၼ်ၼမ်ႉႁွင်ႊႁွတ်ႈထိုင်ၼၼ်ႉဢေႃႈ။
၁၀ တမ်ႇငႃႈတင်းလၢႆတၵ်းဢွၼ်ၵၼ်ၸုၵ်းယူႇ ၵႃႈတီႈႁိမ်းၽၢင်ႇမၼ်းဢဝ်ၵႃႈတီႈၸႃႉၸဵမ်ဝၢၼ်ႈ ဢိင်ႇၵေႇတိ တေႃႇထိုင်ႁွတ်ႈဝၢၼ်ႈဢေႇၼေႃႇၵလိမ်ႇၼၼ်ႉလႄႈ ပိုတ်ႇၵီႈၶႄၶဝ်တူၵ်းယူႇဢေႃႈ။ပႃၶဝ်တၵ်းမီးၵူႈၸိူဝ်ႉၵူႈမဵဝ်းၼမ်ၼႃႇမိူၼ်ၸိူဝ်ႉၼင်ႇပႃၼႂ်းမႁႃႇပၢင်ႇလၢႆႇဢေႃႈ။
၁၁ ၼမ်ႉၶုၼ်ႇၼမ်ႉဢူၼ်တင်းလၢႆဢိၵ်ႇတင်း ၼမ်ႉၵူမ်ႇၼမ်ႉဢုင်တင်းလၢႆၸမ်းဢမ်ႇလႆႈပဵၼ်ဢၼ်ဝၢၼ်။ တၵ်းလႆႈ ပဵၼ်ဢၼ်ၸဵမ်းယူႇသေႇသေႇဢေႃႈ။
၁၂ ၵႃႈတီႈသွင်ၽၢႆႇၽင်ႇၼမ်ႉႁွင်ႊၼၼ်ႉ တူၼ်ႈဢၼ်လီၵိၼ်ၵူႈၸိူဝ်ႉၵူႈမဵဝ်းဢၼ်မႂ်ႊမၼ်းဢမ်ႇလႆႈႁဵဝ်ႇလႆႈၸွပ်ႈ။မၢၵ်ႇမၼ်းၵေႃႈဢမ်ႇလႆႈထၢတ်ႇလႆႈဝၢႆးၼၼ်ႉ တၵ်းဢွၼ်ၵၼ်ဢွၵ်ႇမႃးလႄႈ မၢၵ်ႇမၢၵ်ႇဢၼ်ၼုမ်ႇၵူႈလိူၼ်သေႇသေႇၵွပ်ႈပိူဝ်ႈဢၼ်ၼမ်ႉၼၼ်ႉ ဢွၵ်ႇသေၵႃႈၼႂ်းထႃႇၼႃႉတီႈမူတ်းၸၢင်ႇမႃးၼၼ်ႉဢေႃႈ။မၢၵ်ႇမၼ်းၸမ်းတၵ်းပဵၼ်ပုၼ်ႈဢၼ်လီၵိၼ်လီၶူပ်းလႄႈမၼ်းၵေႃႈတၵ်းပဵၼ်ပုၼ်ႈဢၼ်တၵ်းႁႂ်ႈတၢင်းၶႆႈတၢင်းပဵၼ် ထၢတ်ႇယဵၼ်ဢေႃႈ၊ဝႃႈၼင်ႇၼႆဢေႃႈ။
၁၃ ၸဝ်ႈထႃႇဝရႃႉၽြႃးမီးဢမိင်ႉၸမ်း၊-တၢင်းဢၼ်ၶၼ်ႈဢၼ်ၶႅၼ်ႈ လိၼ်ဢၼ်ၽႄလိၼ်ဝႆႉႁႂ်ႈပဵၼ်ဢမူၺ်ႇၸွမ်းလူၺ်ႈမဵဝ်းဢိသရေႇလ သိပ်းသွင်မဵဝ်းၼၼ်ႉၸမ်းယုဝ်ႇသႅပ်ႉၼၼ်ႉ တၵ်းလႆႈဢဝ်လိၼ်သွင်ပုၼ်ႈဢေႃႈ။
၁၄ သူတၵ်းလႆႈၶၢမ်ႇဢဝ်ဢမူၺ်ႇ လိၼ်ဢၼ်ၵဝ်ယုၵ်ႉမိုဝ်းၵဝ်တိူင်ႇဝႃႈၵိၼ်ႇဝႃႈလႄႈပၼ်တီႈပူႇသူမွၼ်ႇသူၼၼ်ႉႁင်းၽႂ်ႁင်းမၼ်းမိူၼ်မိူၼ်ၵၼ်ဢေႃႈ။လိၼ်ၼၼ်ႉတၵ်းတူၵ်းတီႈသူ ပုၼ်ႈဢၼ်တၵ်းၶၢမ်ႇဢမူၺ်ႇဢေႃႈ။
၁၅ တၢင်းဢၼ်ၶၼ်ႈဢၼ်ၶႅၼ်ႈၸမ်း ၵႃႈတီႈၽၢႆႇတၢင်းႁွင်ႇၼၼ်ႉလုၵ်ႉသေၵႃႈတီႈ မႁႃႇပၢင်ႇလၢႆႇၸွမ်းသဵၼ်ႈတၢင်း ႁေႇသလုၼ်ႇ ၸူးတီႈဢၼ်ၶဝ်ႈၵႃႈၼႂ်းၸေႇတတ်ႉသေလႄႈလဵပ်ႈၵႂႃႇဝဵင်းႁႃႇမတ်ႉ၊ ဝဵင်းပေႇရေႃႇ သႃႇ၊
၁၆ ဝဵင်းသိပရိမ်ႇဢၼ်မီးၵႄဝူင်ႈၵၢင်လိၼ်ထမ်ႇမသႅတ်ႉတင်းလိၼ်ႁႃႇမတ်ႉၼၼ်ႉ ဝဵင်းႁႃႇၸႃႇႁတ်ႉတိၵူၼ်းဢၼ်မီးၵႃႈႁိမ်းလိၼ် ဝဵင်းႁႃႇၸႃႇႁတ်ႉတိ ၵူၼ်း ဢၼ်မီးၵႃႈႁိမ်းလိၼ်ဝဵင်းႁေႃႇရၼ်ႇ လႄႈ
၁၇ လၢႆးသမ်ႉတၢင်းဢၼ်ၶၼ်ႈဢၼ်ၶႅၼ်ႈၼၼ်ႉၽၢတ်ႇယၢၼ်ပၢင်ႇလၢႆႇသေလႄႈ တၵ်းလႆႈပႃးဝဵင်းႁႃႇၸရေႇၼၼ်ႉၵႃႈႁိမ်းလႅၼ်လိၼ်ထမ်ႇမသႅတ်ႉလႄႈ ၵႂႃႇၽၢႆႇတၢင်းႁွင်ႇသိုဝ်ႈၼႃႈတၢင်းႁွင်ႇလႄႈ ပႃးလႅၼ်လိၼ်ဝဵင်းႁႃႇမတ်ႉဢေႃႈ။ဢၼ်ၼႆႉၸမ်းပဵၼ်ဢၼ်ၶၼ်ႈဢၼ်ၶႅၼ်ႈ ၽၢႆႇတၢင်းႁွင်ႇဢေႃႈ။
၁၈ ဢၼ်ၶၼ်ႈဢၼ်ၶႅၼ်ႈၽၢႆႇတၢင်းဢွၵ်ႇၼၼ်ႉ တၵ်းလႆႈတႆႇၸွမ်းၵႄႈဝူင်ႈၵၢင်ဝဵင်းႁေႃႇရၼ်ႇတင်းဝဵင်းထမ်ႇမသႅတ်ႉ၊မိူင်းၵိလတ်ႉ တင်းလိၼ်မိူင်းဢိသရေႇလ ၵႃႈႁိမ်းၼမ်ႉႁွင်ႊယေႃႇတၼ်ႇဢၼ်ဝႃႈဢဝ်ၵႃႈတီႈဢၼ်ၶၼ်ႈဢၼ်ၶႅၼ်ႈၽၢႆႇတၢင်းႁွင်ႇၼၼ်ႉတေႃႇထိုင်ႁွတ်ႈ ပၢင်ႇလၢႆႇၽၢႆႇဝၼ်းဢွၵ်ႇဢေႃႈ။ဢၼ်ၼႆႉၸမ်းပဵၼ်ဢၼ်ၶၼ်ႈဢၼ်ၶႅၼ်ႈၽၢႆႇဝၼ်းဢွၵ်ႇဢေႃႈ။
၁၉ ဢၼ်ၶၼ်ႈဢၼ်ၶႅၼ်ႈၽၢႆႇတၢင်းၸၢၼ်းၼၼ်ႉ တၵ်းလႆႈတႆႇၸွမ်းဢဝ်ၵႃႈတီႈၸႃႉၸဵမ်ဝဵင်းတႃႇမႃႇ တေႃႇထိုင်ႁွတ်ႈၼမ်ႉမေႇရိၽၵႃႈတီႈဝဵင်းၵေႇတေႇသ ဢိၵ်ႇတင်းၼမ်ႉႁွင်ႈဢၼ်ၶဝ်ႈၵႃႈၼႂ်းမႁႃႇပၢင်ႇလၢႆႇၼၼ်ႉၵႂႃႇဢေႃႈ။ဢၼ်ၼႆႉၸမ်းပဵၼ် ဢၼ်ၶၼ်ႈဢၼ်ၶႅၼ်ႈၽၢႆႇတၢင်းၸၢၼ်းဢေႃႈ။
၂၀ ၵႃႈတီႈၽၢႆႇဝၼ်းတူၵ်းၸမ်း ဢၼ်ၶၼ်ႈဢၼ်ၶႅၼ်ႈတၵ်းလႆႈပဵၼ်မႁႃႇပၢင်ႇလၢႆႇၼၼ်ႉ ဢဝ်ၵႃႈတီႈၸႃႉၸဵမ်ဢၼ်ၶၼ်ႈဢၼ်ၶႅၼ်ႈ ၽၢႆႇတၢင်းၸၢၼ်းတေႃႇထိုင်ႁွတ်ႈၵႃႈတီႈ ဢၼ်သိုဝ်ႈၵၼ်တင်းတီႈဢၼ်ၶဝ်ႈၸူးဝဵင်းႁႃႇမၢတ်ႉၼၼ်ႉဢေႃႈ။ဢၼ်ၼႆႉၸမ်းပဵၼ်ဢၼ်ၶၼ်ႈဢၼ်ၶႅၼ်ႈၽၢႆႇဝၼ်းတူၵ်းဢေႃႈ။
၂၁ ၼင်ႇၼၼ်လႄႈသူတၵ်းလႆႈၽႄလိၼ်ၼၼ်ႉမႅင်ႇပၼ်ၵၼ်ၸွမ်းလူၺ်ႈမဵဝ်းဢိသရေႇလ ႁင်းၽႂ်ႁင်းမၼ်းဢေႃႈ။
၂၂ သူတၵ်းလႆႈတူၵ်းၸႃႇၵွၵ်ႈသေလႄႈၽႄလိၼ်ၼၼ်ႉမႅင်ႇပၼ် ပုၼ်ႈဢၼ်မဵဝ်းလဵဝ်ၵၼ်တင်းသူတၵ်းၶၢမ်ႇဢဝ်ဢမူၺ်ႇဢိၵ်ႇတင်းပုၼ်ႈဢၼ်ၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်ယူႇၵႃႈၼႂ်းသူသေလႄႈ ၵိူတ်ႇလဵင်ႉလုၵ်ႈလဵင်ႉလၢင်းၵႃႈၼႂ်းသူၸိူဝ်းၼၼ်ႉ တၵ်းၶၢမ်ႇဢမူၺ်ႇဢေႃႈ။ ၵူၼ်းတၢင်ႇၸိူဝ်ႉတၢင်ႇၶိူဝ်းၸိူဝ်းၼၼ်ႉတၵ်းလႆႈပဵၼ်မိူၼ်ၸိူဝ်ႉၼင်ႇၵူၼ်းမဵဝ်းဢိသရေႇလဢၼ်ၵိူတ်ႇလဵင်ႉမႃး ၵႃႈတီႈမိူင်းၸဝ်ႈၼၼ်ႉတီႈသူလႄႈၶဝ်ၼၼ်ႉတၵ်းလႆႈၶၢမ်ႇဢမူၺ်ႇ လိၼ်ၵႃႈၼႂ်းမဵဝ်းဢိ သရေႇလတင်းလၢႆဢေႃႈ။
၂၃ ၵူၼ်းတၢင်ႇၸိူဝ်ႉတၢင်ႇၶိူဝ်းၼၼ်ႉယူႇၵႃႈၼႂ်းမဵဝ်း လႂ်သေဢမ်ႇဝႃႈ သူတၵ်းလႆႈပၼ်လိၼ်ဢၼ်မၼ်းတၵ်းၶၢမ်ႇဢမူၺ်ႇ ၵႃႈၼႂ်းတီႈၼၼ်ႉဢေႃႈ၊ ဝႃႈၼင်ႇၼႆၸဝ်ႈထႃႇဝရႃႉၽြႃးမီးဢမိင်ႉဢေႃႈ။