၃၉
၁ ပိူဝ်ႈၼႆလႄႈလုၵ်ႈၵူၼ်းဢိူၺ်း။မႂ်းႁဵတ်းပရေႃးၽႅတ်ႈသေလႄႈႁေႃးလၢတ်ႈတီႈၵေႃႇၵလႄႈဝႃႈ၊-ၸဝ်ႈထႃႇဝရႃႉၽြႃးမီးဢမိင်ႉၸမ်း၊-ၶုၼ်ၵေႃႉၵ ဢၼ်ပဵၼ်ၶုၼ်မိူင်းရေႃႇသ၊မေႇသိၵ်ႉ၊တုပလၼႆႉဢိူၺ်း။ၵဝ်ယူႇၽၢႆႇ ၼိုင်ႈတင်းမႂ်းဢေႃႈ။
၂ ၵဝ်တၵ်းႁႂ်ႈမႂ်းဝၢႆႇၶိုၼ်းငိၵ်းၶိုၼ်းလႄႈဢဝ်မႂ်းသႂၢင်းသေလႄႈ ႁႂ်ႈမႂ်းၶီႇဢွၵ်ႇသေၵႃႈတီႈၼႃႈတၢင်းႁွင်ႇၼၼ်ႉလႄႈ ဢဝ်မႂ်းသူင်ႇႁွတ်ႈၵႃႈၼိူဝ် လွႆဢိသရေႇလတင်းလၢႆဢေႃႈ။
၃ မိူဝ်ႈၼၼ်ႉၵဝ်တၵ်းပေႃႉၽတ်ႉၵၢင်ႇဢွၵ်ႇသေၵႃႈၼႂ်းမိုဝ်းၶွၼ်သၢႆႉမႂ်းလႄႈ ႁႂ်ႈပိုၼ်တူၵ်းသေၵႃႈၼႂ်းမိုဝ်းၶွၼ်ၶႂႃမႂ်းဢႃႈ။မႂ်းဢိၵ်ႇတင်းတပ်ႉမႂ်းၵႃႈမီးတင်းမဵဝ်းၵူၼ်းၼမ်ၼႃႇ ဢၼ်ပႃးတီႈမႂ်းၸိူဝ်းၼၼ်ႉ တၵ်းဢွၼ်ၵၼ်လူမ်ႉတၢႆၵႃႈၼိူဝ်လွႆ ဢိ သရေႇလၸိူဝ်းၼၼ်ႉဢေႃႈ။
၄ ၵဝ်တၵ်းဢဝ်မႂ်းဢၢပ်ႈပၼ်ပုၼ်ႈဢၼ်ၼူၵ်ႉႁၢႆႉၵူႈၸိူဝ်ႉၵူႈမဵဝ်း ဢိၵ်ႇတင်းတူဝ်ထိူၼ်ႇ ႁၢႆႉတင်းလၢႆတၵ်းၵိၼ်ဢေႃႈ။
၅ မႂ်းတၵ်းလူမ်ႉတၢႆၵႃႈၼႂ်းတီႈပၢင်ႇတီႈပဵင်းဢေႃႈ။ၵဝ်လၢတ်ႈဝႆႉယဝ်ႉ၊ဝႃႈၼင်ႇၼႆ ၸဝ်ႈထႃႇဝရႃႉၽြႃးမီးဢမိင်ႉဢေႃႈ။
၆ ၵဝ်တၵ်းပွႆႇၽႆးၵွႃႇၵႃႈတီႈၼိူဝ်မိူင်းမၵေႃႇၵ ဢိၵ်ႇတင်းၶဝ်ၸိူဝ်းဢၼ်ယူႇလုင်ႉလီလွတ်ႈလီ ၵႃႈတီႈၵူၼ်းၼႂ်းၼမ်ႉၸိူဝ်းၼၼ်ႉလႄႈ ၶဝ်တၵ်းလႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးရ ၼၼ်ႉဢေႃႈ။
၇ ၼင်ႇၼၼ်လႄႈၵဝ်တၵ်းႁႂ်ႈၼႃႉမႃႉၸိုဝ်သဵင်မျၢတ်ႈၵဝ်ၸွတ်ႇသႃႇႁူင်ႁၢင်း ၵႃႈၼႂ်းၵူၼ်းၵဝ်မဵဝ်းဢိသရေႇလဢေႃႈ။ၵမ်းလိုၼ်းၵဝ်ဢမ်ႇပၼ်ဢၶႂၢင်ႉႁႂ်ႈၼႃႇမႃႉၸိုဝ်သဵင်မျၢတ်ႈၵဝ် လႆႈၶၢမ်ႇတၢင်းဢၼ်ၶျႃးတူၵ်းတီႈတႅမ်ႇလႃးလႃး။ၵူၼ်းတၢင်ႇၸိူဝ်ႉတၢင်ႇမဵဝ်းတင်းလၢႆ တၵ်းလႆႈႁူႉလွင်ႈဢၼ်ၵဝ်ပဵၼ် ထႃႇဝရႃႉၽြႃးၽြႃးဢၼ်မူတ်းၸၢင်ႇဢိသရေႇလ ၼၼ်ႉဢေႃႈ။
၈ လၢႆးသမ်ႉၸဝ်ႈထႃႇဝရႃႉၽြႃးမီးဢမိင်ႉၸမ်း၊- ဢမူႉၼၼ်ႉ ၸမ်မႃးယဝ်ႉ။တၵ်းတဵမ်ထူၼ်ႈယဝ်ႉ။မိူဝ်ႉဝၼ်းၼႆႉပဵၼ်မိူဝ်ႉဝၼ်းဢၼ် ၵဝ်မီးဢမိင်ႉဝႃႈဢွၵ်ႇသူပ်းဝႆႉထႃႈ ၼၼ်ႉယဝ်ႉ။
၉ ၶဝ်ၸိူဝ်းဢၼ်ယူႇၵႃႈၼႂ်းဝဵင်းဢိသရေႇလတင်းလၢႆၼၼ်ႉ တၵ်းဢွၼ်ၵၼ်ဢွၵ်ႇလႄႈဢဝ်လၢၵ်ႈၼၢၵ်ႈတိုၵ်းသိုၵ်းဢၼ်ဝႃႈ ၶိူင်ႈႁႄႉလၢၵ်ႈၼၢၵ်ႈလူင်၊ၶိူင်ႈႁႄႉလၢၵ်ႈၼၢၵ်ႈဢွၼ်ႇ၊ ၵၢင်ႇ၊ပိုၼ်၊ၶွၼ်ႉ၊ႁွၵ်ႇတင်းလၢႆသႂ်ႇၽႆးလႄႈ ၽႆးမႆႈပႅတ်ႈယူႇသေလႄႈတၵ်းလႆႈဢဝ်တုတ်ႇၽႆးပႅတ်ႈယူႇ ၸဵတ်းဝၼ်းတဵမ်တဵမ်ဢေႃႈ။
၁၀ ၼႂ်းၶိင်ႇမိူဝ်ႈၼၼ်ႉ ၶဝ်ဢမ်ႇလႆႈဢဝ်ၽိုၼ်းၵဵပ်းၽိုၼ်းၵႃႈၼႂ်းသူၼ်ၼႂ်းႁိူၵ်ႈ။ ဢမ်ႇလႆႈပွမ်ႈဢဝ်ၽၼ်းဢဝ်ၽိုၼ်းၵႃႈၼႂ်းထိူၼ်ႇၼႂ်းၶိူဝ်း။ၶဝ်တၵ်းလႆႈဢွၼ်ၵၼ်ဢဝ်ၶိူင်ႈလၢၵ်ႈၼၢၵ်ႈတိုၵ်းသိုၵ်းၸိူဝ်းၼၼ်ႉ သႂ်ႇၽႆးသုမ်ၽႆးဢေႃႈ။ၶဝ်တၵ်းဢွၼ်ၵၼ်ယႃႉပႅတ်ႈၶဝ်ၸိူဝ်းဢၼ်ယႃႉပႅတ်ႈၶဝ်ၼၼ်ႉလႄႈ ႁိမ်ဢဝ်ဢုၵ်ႉၸႃႇၶူဝ်းလဵင်းၶဝ်ၸိူဝ်းဢၼ်ႁိမ်ဢဝ်ၶဝ်ၼၼ်ႉဢေႃႈ၊ ဝႃႈၼင်ႇၼႆၸဝ်ႈထႃႇဝရႃႉၽြႃးမီးဢမိင်ႉဢေႃႈ။
၁၁ ၼႂ်းမိူဝ်ႉဝၼ်းၼၼ်ႉ ၵဝ်တၵ်းပၼ်ပႃႇႁဵဝ်ႊၵႃႈၼႂ်းမိူင်းဢိသရေႇလ ဢၼ်ဝႃႈ ၶူင်ႈႁူၺ်ႈၶဝ်ၸိူဝ်းဢၼ်ၵႂႃႇတၢင်းပႆတၢင်း ဢၼ်မီးၽၢႆႇဝၼ်းဢွၵ်ႇပၢင်ႇလၢႆႇၼၼ်ႉတီႈၵေႃႇၵဢေႃႈ။ပႃႇႁဵဝ်ႊၼၼ်ႉတၵ်းႁၢမ်တပ်ႉႁႄႉၶႅၼ်ၶဝ်ၸိူဝ်းဢၼ်ၵႂႃႇတၢင်းပႆတၢင်းၼၼ်ႉလႄႈ ၶဝ်တၵ်းဢဝ်ၵေႃႇၵဢိၵ်ႇတင်း ၵူၼ်းမၼ်းၼမ်ၼႃႇၼၼ်ႉၽင်ၵႃႈတီႈၼၼ်ႉလႄႈႁွင်ႉႁိၵ်ႈတီႈၼၼ်ႉၸိုဝ် ၶူင်ႈႁူၺ်ႈႁႃႇ မုၼ်ႇၵေႃႇၵဢေႃႈ။
၁၂ ၵူၼ်းမဵဝ်းဢိသရေႇလတင်းလၢႆတၵ်းဢွၼ်ၵၼ် ဢဝ်ၶဝ်ၽင်ၸဵတ်းလိူၼ်တဵမ်တဵမ်ႁႂ်ႈ မိူင်းလႆႈမူတ်းသႂ်ဢေႃႈ။
၁၃ ၵူၼ်းဝၢၼ်ႈၵူၼ်းမိူင်းတင်းသဵင်ႈတင်းလူင်တၵ်းၽွမ်ႉၵၼ်ဢဝ်ၶဝ်ၽင်လႄႈ ၶဝ်တၵ်းဢွၼ်ၵၼ်ႁွတ်ႈထိုင်တၢင်းဢၼ်ႁူင်ႁၢင်း ၼႂ်းမိူဝ်ႉဝၼ်းဢၼ်မုၼ်ၽုင်းၵဝ်ၵီႈၼၼ်ႉဢေႃႈ၊ ဝႃႈၼင်ႇၼႆၸဝ်ႈ ထႃႇဝရႃႉၽြႃးမီးဢမိင်ႉဢေႃႈ။
၁၄ ၶဝ်တၵ်းလႆႈဢွၼ်ၵၼ်ဢဝ်ၶဝ်ၸိူဝ်းဢၼ် တၵ်းလႆႈႁဵတ်းယူႇသေႇသေႇၼၼ်ႉၶၢၼ်းဝႆႉ ႁႂ်ႈၶဝ်လႄႇၵႂႃႇၵႃႈၼႂ်းမိူင်းၵူႈတီႈၵူႈလႅၼ်ႁႂ်ႈလႆႈဢဝ်တူဝ်တၢႆၶဝ်ၸိူဝ်းဢၼ်ၵႂႃႇတၢင်းပႆတၢင်းဢၼ်ယင်းၵိုတ်းယင်းၵျၢၼ်ႇၵႃႈၼိူဝ်လိၼ်ၼၼ်ႉ ၽင်ဢေႃႈ။ပူၼ်ႉသေၸဵတ်းလိူၼ်ၼၼ်ႉသေယဝ်ႉ ၶဝ်ၼၼ်ႉ လႆႈဢွၼ်ၵၼ်လႄႇသွၵ်ႈလႄႇႁႃဢေႃႈ။
၁၅ ၶဝ်ၸိူဝ်းဢၼ်လႄႇၵႂႃႇၵႃႈၼႂ်းမိူင်းၼၼ်ႉ တၵ်းလႆႈၵႂႃႇတၢင်းပႆတၢင်းလႄႈ မိူဝ်ႈဢၼ်ထူပ်းႁၼ်လုပ်ႇၵူၼ်းၼၼ်ႉၸိုင် ၶဝ်တၵ်းလႆႈဢွၼ်ၵၼ် ပၵ်းသဝ်တီႈမၢတ်ႈတီႈတွင်းဝႆႉၵႃႈတီႈႁိမ်းလုပ်ႇၼၼ်ႉတေႃႇထိုင်ႁွတ်ႈၶဝ်ၸိူဝ်းဢၼ်ဢဝ်ၽင်ၼၼ်ႉဢဝ်ၽင် ၵႃႈၼႂ်းၶူင်ႈႁူၺ်ႈ ႁႃႇမုၼ်ႇ ၵေႃႇၵ ၼၼ်ႉဢေႃႈ။
၁၆ ဝဵင်းဢၼ်တႄႇၵႃႈတီႈၼၼ်ႉၵေႃႈတၵ်းလႆႈၶၢမ်ႇတၢင်းဢၼ်ႁွင်ႉႁိၵ်ႈၸိုဝ် ဝဵင်းႁႃႇမုၼ်ႇလႄႈၶဝ်တၵ်းလႆႈဢွၼ်ၵၼ် ႁႂ်ႈမိူင်းၸဝ်ႈမူတ်းသႂ်ၸိူဝ်ႉၼင်ႇၼၼ်ဢေႃႈ၊ ဝႃႈၼင်ႇၼႆယဝ်ႉ၊ဝႃႈၼင်ႇၼႆတႃႉ။
၁၇ လုၵ်ႈၵူၼ်းဢိူၺ်း။ၸဝ်ႈထႃႇဝရႃႉၽြႃးမီးဢမိင်ႉၸမ်း၊-မႂ်းလၢတ်ႈတီႈၼူၵ်ႉၵူႈၸိူဝ်ႉၵူႈမဵဝ်းဢိၵ်ႇတင်းတရိၵ်ႈသၢၼ်ႇထိူၼ်ႇၵႃႈမီးလႄႈဝႃႈ၊-သူၸူႉၵၼ်တုမ်ၵၼ်သေလႄႈမႃးတႃႉ။သူဢွၼ်ၵၼ်လုၵ်ႉသေၵူႈတီႈၵူႈလႅၼ်ၸူႉၵၼ်တုမ်ၵၼ်မႃးၵႃႈတီႈပွႆးယိၸ်ႉ ဢၼ်ၵဝ်ႁဵတ်းဝႆႉပုၼ်ႈသူဢၼ်ဝႃႈ ယိၸ်ႉလူင်ၵႃႈၼိူဝ်လွႆဢိသရေႇလတင်း လၢႆႁႂ်ႈလႆႈၵိၼ်ၼိူဝ်ႉလႄႈသူတ်ႉလိူတ်ႈတႃႉ။
၁၈ သူတၵ်းလႆႈဢွၼ်ၵၼ်ၵိၼ်ၼိူဝ်ႉ ၶဝ်ၸိူဝ်းဢၼ်ႁႅင်း ယႂ်ႇတင်းလၢႆလႄႈသူတ်ႉလိူတ်ႈၶုၼ်လေႃးၵီႇတင်းလၢႆ၊ ၼိူဝ်ႉလိူတ်ႈသူဝ်းပေႃႈ၊သူဝ်းဢွၼ်ႇ၊ ပႄႉပေႃႈ၊ဢုၵ်ႉသၽႃႉဝူဝ်းငၢၼ်ႇဢၼ်လဵင်ႉႁႂ်ႈပီးႁႂ်ႈမၼ်း ၵႃႈတီႈမိူင်းပႃႇသၼ်ႇ ၸိူဝ်း ၼၼ်ႉဢေႃႈ။
၁၉ သူတၵ်းလႆႈဢွၼ်ၵၼ်ၵိၼ်ၵွၼ်ႈၶႆၵွၼ်ႈမၼ်းဢိမ်ႇတဵမ်ၼႃႇလူင်လၢင်လႄႈ ဢွၼ်ၵၼ်သူတ်ႉၵိၼ်လိူတ်ႈတေႃႇထိုင်ႁွတ်ႈထၼ်ႈပေႃး မဝ်းလဝ်ႈမဝ်းၵမ်ၵႃႈတီႈပွႆးယိၸ်ႉဢၼ်ၵဝ် ႁဵတ်းဝႆႉပုၼ်ႈသူဢေႃႈ။
၂၀ ၼင်ႇၼၼ်လႄႈ သူတၵ်းလႆႈဢွၼ်ၵၼ်ၵိၼ်မႃႉ၊ႁူဝ်ႁၢၼ်ၵူၼ်းသိုၵ်းၶီႇမႃႉ၊ ၶဝ်ၸိူဝ်းဢၼ်ႁႅင်း ယႂ်ႇၼႃႇ၊ၶဝ်ၸိူဝ်းဢၼ်ပဵၼ် ၵူၼ်းသိုၵ်းၵူႈၸိူဝ်ႉၵူႈမဵဝ်းၸိူဝ်းၼၼ်ႉဢိမ်ႇတဵမ်ၼႃႇလူင်လၢင် ၵႃႈတီႈၶူင်ႇတီႈၵိၼ်ၵဝ်ဢေႃႈ၊ဝႃႈၼင်ႇၼႆၸဝ်ႈထႃႇဝရႃႉၽြႃးမီးဢမိင်ႉဢေႃႈ။
၂၁ ၵဝ်တၵ်းႁႂ်ႈမုၼ်ၽုင်းၵဝ်ထၢင်ႇသႃးၵႃႈၼႂ်း ၵူၼ်းတၢင်ႇၸိူဝ်ႉတၢင်ႇမဵဝ်းတင်းလၢႆလႄႈ ၵူၼ်းၵူႈၸိူဝ်ႉၵူႈမဵဝ်းတၵ်းလႆႈႁၼ် လွင်ႈတၢင်းဢၼ်ၵဝ်ၸီႇယၢင်ႇႁဵတ်းတင်း မိုဝ်းဢၼ်ၵဝ်တၢင်ႇ သႂ်ႇၵႃႈၼိူဝ်ၶဝ်ၼၼ်ႉဢေႃႈ။
၂၂ ၼင်ႇၼၼ်လႄႈ ၵူၼ်းမဵဝ်းဢိသရေႇလ တင်းလၢႆတၵ်းႁူႉလွင်ႈဢၼ် ၵဝ်ပဵၼ်ထႃႇဝရႃႉၽြႃးၽြႃးပဵၼ်ၸဝ်ႈၶဝ် ၼၼ်ႉဢေႃႈ။
၂၃ ၵူၼ်းတၢင်ႇၸိူဝ်ႉတၢင်ႇမဵဝ်းၼၼ်ႉတၵ်းလႆႈႁူႉလွင်ႈဢၼ်ၵူၼ်းမဵဝ်းဢိသရေႇလ တင်းလၢႆလႆႈၶၢမ်ႇတၢင်းဢၼ်သိမ်းဢဝ်ၵႂႃႇၵွပ်ႈပိူဝ်ႈဢပျႅတ်ႈၶဝ်ၼၼ်ႉဢေႃႈ။ၵဝ်ဝၢႆႇၼႃႈပႅတ်ႈၶဝ်ၵွပ်ႈပိူဝ်ႈဢၼ်ၶဝ်ၽိတ်းပိူင်ႈၵဝ်ၼၼ်ႉလႄႈဢဝ်ၶဝ်ဢၢပ်ႈပၼ်ၵႃႈၼႂ်းမိုဝ်းရၢၼ်ႇသူႇသေလႄႈ ၶဝ်ၵႃႈမီးလႆႈလူမ်ႉတၢႆလူၺ်ႈလၢပ်ႇ လူၺ်ႈလႅဝ်းဢေႃႈ။
၂၄ ၵဝ်ႁဵတ်းၸွမ်းတၢင်းဢၼ်ၶဝ်ၵူဝ်ႈၵိူၵ်ႇဢိၵ်ႇတင်း တၢင်းဢၼ်ၶဝ်ပူၼ်ႉလိူဝ်ၸိူဝ်းၼၼ်ႉလႄႈဝၢႆႇၼႃႈၵဝ်ပႅတ်ႈသေၵႃႈတီႈၶဝ်ယဝ်ႉ။
၂၅ ပိူဝ်ႈၼႆလႄႈၸဝ်ႈထႃႇဝရႃႉၽြႃးမီးဢမိင်ႉၸမ်း၊-ၵဝ်တၵ်းဢဝ်မဵဝ်းယႃႇၵုပ်ႉ ဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇၼၼ်ႉၶိုၼ်းမႃးလႄႈ ဢိတ်းလူၸွႆႈထႅမ်မႃႉၸႃႉၵူၼ်းမဵဝ်းဢိသရေႇလ တင်းသဵင်ႈတင်းလူင်သေလႄႈမီးၸႂ်ဢၼ်ႁႅင်း ယႂ်ႇၼႃႇ ပုၼ်ႈၼႃႇမႃႉၸိုဝ်သဵင်မျၢတ်ႈ ၵဝ်ဢေႃႈ။
၂၆ ၶဝ်တၵ်းလႆႈၶၢမ်ႇတၢင်းဢၼ်သရေႇလူႉဢိၵ်ႇတင်းဢပျႅတ်ႈ ၵႃႈဢၼ်ၶဝ်ၽိတ်းပိူင်ႈၵဝ်ၼၼ်ႉၼႂ်းမိူဝ်ႈဢၼ်ၶဝ်ယူႇ ၵႃႈၼႂ်းမိူင်းၶဝ်လုင်ႉလီလွတ်ႈလီယူႇလႄႈ ဢမ်ႇမီးၵေႃႉဢၼ် ႁႂ်ႈၶဝ်လႆႈၵူဝ်လႆႈႁႄၼၼ်ႉ၊ ဢိၵ်ႇတင်း
၂၇ ၼႂ်းမိူဝ်ႈဢၼ်ၵဝ်ႁွင်ႉဢဝ်ၶဝ်ဢွၵ်ႇသေၵႃႈၼႂ်းမဵဝ်းၵူၼ်းတင်းလၢႆမႃးလႄႈ ႁႂ်ႈၶဝ်ဢွၵ်ႇသေၵႃႈၼႂ်းမိူင်းဢၼ် ရၢၼ်ႇသူႇၶဝ်ယူႇၸိူဝ်းၼၼ်ႉသေလႄႈၵဝ်ႁွတ်ႈထိုင် တၢင်းဢၼ်မူတ်းၸၢင်ႇသိုဝ်ႈၼႃႈတႂ်ႈ တႃမဵဝ်းၵူၼ်းၼမ်ၼႃႇၼၼ်ႉဢေႃႈ။
၂၈ ၵွပ်ႈပိူဝ်ႈဢၼ်ၵဝ်ႁႂ်ႈၶဝ်လႆႈၶၢမ်ႇတၢင်းဢၼ် ၵူၼ်းတၢင်ႇၸိူဝ်ႉတၢင်ႇမဵဝ်းသိမ်းဢဝ်ၵႂႃႇၼၼ်ႉ ဢိၵ်ႇတင်းၵွပ်ႈပိူဝ်ႈဢၼ်ၵဝ်သမ်ႉႁွင်ႉဢဝ်ၶဝ်မႃးၸူႉၵၼ်တုမ်ၵၼ် ၵႃႈတီႈမိူင်းတီႈဢၼ်ၶဝ်ယူႇၵဝ်ႇၵဝ်ႇသေလႄႈ ဢမ်ႇႁႂ်ႈသေၵေႃႉသေၵူၼ်းလႆႈၵိုတ်းၵျၢၼ်ႇဝႆႉၼၼ်ႉလႄႈ ၶဝ်တၵ်းလႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးၽြႃးပဵၼ်ၸဝ်ႈဢေႃႈ။
၂၉ ၵမ်းလိုၼ်းၵဝ်တၵ်းဢမ်ႇဝၢႆႇၼႃႈၵဝ်ပႅတ်ႈၶဝ်လႃးလႃး။လွင်ႈမၼ်းၸမ်းၵဝ်ဢဝ်ဝိၺိၺ်ႇၵဝ်သွၼ်းလေႃႇၵႃႈၼိူဝ်ၵူၼ်းမဵဝ်းဢိသရေႇလတင်းလၢႆယဝ်ႉ။ၸဝ်ႈထႃႇဝရႃႉၽြႃးမီးဢမိင်ႉဝႆႉယဝ်ႉ၊ ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။