၃၅
ပျႃႇတိၵ်ႉလွင်ႈဢေႇတုမ်ႇ
၁ လၢႆးသမ်ႉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ် လႄႈဝႃႈၸမ်း၊-
၂ လုၵ်ႈၵူၼ်းဢိူၺ်းမႂ်းဝၢႆႇၼႃႈတေႃႇလွႆၸိရလႄႈႁဵတ်းပရေႃးၽႅတ်ႈ ယူႇၽၢႆႇၼိုင်ႈတင်းမၼ်းသေလႄႈ လၢတ်ႈတီႈမၼ်းလႄႈဝႃႈၸဝ်ႈထႃႇဝရႃႉ ၽြႃးမီးဢမိင်ႉၸမ်း၊-
၃ လွႆၸိရဢိူၺ်း။တူၺ်းလူ။ ၵဝ်ယူႇၽၢႆႇၼိုင်ႈတင်းမႂ်းဢေႃႈ။ၵဝ်တၵ်းဢဝ်မိုဝ်းၵဝ်ယဵတ်ႇယိုဝ်းယူႇၽၢႆႇၼိုင်ႈတင်းမႂ်းလႄႈ ႁႂ်ႈမႂ်းပဵၼ်တီႈ ဢၼ်သိတ်ႇဢၼ်ယဵၼ်ဢၼ်လီဢၢမ်းဢေႃႈ။
၄ ၵဝ်တၵ်းယႃႉၽဵဝ်ႈဝဵင်းမႂ်းတင်းလၢႆပႅတ်ႈလႄႈ မႂ်းတၵ်းပဵၼ်တီႈဢၼ်သိတ်ႇဢၼ်ယဵၼ်ယူႇသေလႄႈ လႆႈႁူႉလွင်ႈ ဢၼ်ၵဝ်ပဵၼ်ထႃႇဝရႃႉၽြႃးၼၼ်ႉဢေႃႈ။
၅ ၵွပ်ႈပိူဝ်ႈဢၼ်မႂ်းဝႆႉတၢင်းၽိတ်းယူႇတႃႇသေႇလႄႈ ဢဝ်ၵူၼ်းမဵဝ်းဢိသရေႇလ တင်းလၢႆဢၢပ်ႈပၼ်တီႈလၢပ်ႇတီႈလႅဝ်းၼႂ်းၶိင်ႇမိူဝ်ႈဢၼ်ၽေးၶဝ်ႈႁွတ်ႈထိုင်၊ ၶိင်ႇမိူဝ်ႈ ဢၼ်တူႉၸရိူၵ်ႈသုတ်းၵွႆၼၼ်ႉလႄႈ
၆ ၸဝ်ႈထႃႇဝရႃႉၽြႃးမီးဢမိင်ႉၸမ်း၊-ၵႃႈၼင်ႇဢၼ်ၵဝ်ဢသၢၵ်ႈလိပ်းယူႇၼၼ်ႉ ၵဝ်တၵ်းမႄးႁႅၼ်းမႂ်းဝႆႉႁႂ်ႈလႆႈထွၵ်ႇလိူတ်ႈမႂ်းပႅတ်ႈၼၼ်ႉလႄႈ ဢပျႅတ်ႈလိူတ်ႈတၵ်းလိုပ်ႈၸွမ်းလမ်းၸွမ်းမႂ်းဢေႃႈ။ၵွပ်ႈပိူဝ်ႈဢၼ်မႂ်းဢမ်ႇၸင်းလွင်ႈတၢင်းဢၼ်ထွၵ်ႇလိူတ်ႈပႅတ်ႈၼၼ်ႉလႄႈ ဢပျႅတ်ႈလိူတ်ႈၼၼ်ႉတၵ်းလိုပ်ႇၸွမ်းလမ်းၸွမ်းမႂ်းဢေႃႈ။
၇ ၼင်ႇၼၼ်လႄႈ ၵဝ်တၵ်းႁႂ်ႈလွႆၸရပဵၼ်တီႈဢၼ်လီဢၢမ်း၊တီႈဢၼ်သိတ်ႇဢၼ်ယဵၼ်လႄႈ ပႄႇၽဵဝ်ႈပႅတ်ႈၶဝ်ၸိူဝ်း ဢၼ်ဢွၵ်ႇၵႂႃႇၶဝ်ၸိူဝ်းဢၼ်ၶဝ်ႈမႃးၼၼ်ႉဢေႃႈ။
၈ ၵဝ်တၵ်းႁႂ်ႈလွႆမႂ်းတင်းလၢႆတဵမ်ဝႆႉတင်း တူဝ်တၢႆၵူၼ်းသိုၵ်းမႂ်းၸိူဝ်းၼၼ်ႉလႄႈ ၶဝ်ၸိူဝ်းဢၼ်တၢႆလူၺ်ႈလၢပ်ႇလူၺ်ႈလႅဝ်းၼၼ်ႉ တၵ်းလူမ်ႉတၢႆၵႃႈၼိူဝ်ၵုင်းၼိူဝ်ၵွင်း၊ၵႃႈၼႂ်းၶူင်ႈၼႂ်းႁူၺ်ႈ၊ ၵႃႈႁိမ်းၼမ်ႉႁွင်ႈၼမ်ႉၵႄးမႂ်းၸိူဝ်း ၼၼ်ႉဢေႃႈ။
၉ ၵဝ်တၵ်းႁႂ်ႈမႂ်းပဵၼ်တီႈဢၼ်သိတ်ႇဢၼ်ယဵၼ်ယူႇသေလႄႈ ၽူႈ လႂ်ဢမ်ႇလႆႈယူႇလႆႈသဝ်းၵႃႈၼႂ်းဝဵင်းၸိူဝ်းၼၼ်ႉသေၵေႃႉသေၵူၼ်း။ မႂ်းတၵ်းလႆႈႁူႉ လွင်ႈဢၼ်ၵဝ်ပဵၼ်ထႃႇဝရႃႉၽြႃးတၼၼ်ႉဢေႃႈ။
၁၀ ၵွပ်ႈပိူဝ်ႈဢၼ်မႂ်းလၢတ်ႈလႄႈဝႃႈ ႁဝ်းတၵ်းသိမ်းဢဝ်မိူင်းသွင်မိူင်းၼႆႉ၊မဵဝ်းၵူၼ်းသွင်မဵဝ်းၼႆႉသေလႄႈ ပိူင်ႇဢဝ်ဢေႃႈ၊ ဝႃႈၼင်ႇၼႆလႄႈထႃႇဝရႃႉၽြႃးမီးယူႇၵႃႈတီႈ မိူင်းၼၼ်ႉလႄႈၸဝ်ႈထႃႇဝရႃႉၽြႃးမီးဢမိင်ႉၸမ်း၊-
၁၁ ၵႃႈၼင်ႇဢၼ်ၵဝ်ဢသၢၵ်ႈလိပ်းယူႇၼႆႉ ၵဝ်တၵ်းႁဵတ်းမႅၼ်ႈၵၼ်တင်း တၢင်းၸႂ်မႆႈၶႂ်ႈၸႃႉမႂ်းဢိၵ်ႇတင်းမႅၼ်ႈၵၼ်တင်းၸႂ်ဢၼ်သီႇၵႄႉႁႄႈတႃမႂ်းၸွမ်းလူၺ်ႈတၢင်းဢၼ်မႂ်းဝႆႉတၢင်းၽိတ်းသေလႄႈ ၼႄပျႃႉၼၼ်ႉတီႈၶဝ်ၼၼ်ႉဢေႃႈ။မိူဝ်ႈဢၼ်ၵဝ်ၸီႇယၢင်ႇမႂ်းၼၼ်ႉ ၸိုင်ၵဝ်တၵ်းႁႂ်ႈၵဝ်ႁူင်ႁၢင်းၵႃႈၼႂ်းၶဝ်ဢေႃႈ။
၁၂ မႂ်းတၵ်းလႆႈႁူႉလွင်ႈဢၼ် ၵဝ်ပဵၼ်ထႃႇဝရႃႉၽြႃးငိၼ်းၵႂၢမ်းၵူႈၸိူဝ်ႉၵူႈပိူင်ဢၼ်မႂ်းသေႉသွမ်းတီႈလွႆဢိသရေႇလ ၸိူဝ်းၼၼ်ႉလႄႈ လၢတ်ႈလႄႈဝႃႈၶဝ်လူႉၵႂႃႇလႅဝ်ၵႂႃႇလႄႈပဵၼ်တီႈဢၼ်ႁဝ်းတၵ်းၵိၼ်ဢေႃႈ၊ ဝႃႈၼင်ႇၼႆၼၼ်ႉ ယူႇၼၼ်ႉဢေႃႈ။
၁၃ ၼင်ႇၼၼ်လႄႈသူဢုပ်ႇဢၢတ်ႇယွင်ႈယေႃးတူဝ်သူယူႇ ၽၢႆႇၼိုင်ႈတင်းၵဝ်လႄႈလၢတ်ႈၵႂၢမ်းဢၼ်ၼမ်ၼႃႇယူႇၽၢႆႇၼိုင်ႈတင်းၵဝ်ဢေႃႈ။
၁၄ ၵဝ်လႆႈငိၼ်းယဝ်ႉ၊ဝႃႈၼင်ႇၼႆဢေႃႈ။ၸဝ်ႈထႃႇဝရႃႉၽြႃးမီးဢမိင်ႉၸမ်း၊-မိူဝ်ႈဢၼ်လိၼ်မိူင်းတင်းသဵင်ႈတင်း မူတ်းမီးတၢင်းဢၼ်သႂၢင်ႇသိူဝ်းၼၼ်ႉၸိုင်၁၅ ၵဝ်တၵ်းႁႂ်ႈမႂ်းပဵၼ်တီႈဢၼ်လူႉဢၼ်လႅဝ်ဢေႃႈ။
၁၅ ၵွပ်ႈပိူဝ်ႈဢၼ်မႂ်းသႂၢင်ႇသိူဝ်းလူၺ်ႈ လွင်ႈဢၼ်လိၼ်ဢမူၺ်ႇမဵဝ်းဢိသရေႇလ လူႉလႅဝ်ၼၼ်ႉလႄႈ ၵဝ်တၵ်းႁဵတ်း တီႈမႂ်းၸိူဝ်ႉၼင်ႇၼၼ်ဢေႃႈ။လွႆၸိရဢိူၺ်း။မႂ်းဢိၵ်ႇတင်းမိူင်းဢေႇတုမ်ႇတင်းမိူင်းၼၼ်ႉတၵ်းလူႉလႅဝ်ပႅတ်ႈတင်းသဵင်ႈတင်းမူတ်းလႄႈၶဝ်တၵ်းလႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးၼၼ်ႉဢေႃႈ၊ ဝႃႈၼင်ႇၼႆဢေႃႈ။