၂၉
ပျႃႇတိၵ်ႉလွင်ႈမိူင်းဢေႇၵႅပ်ႉတု
၁ ၼႂ်းပီႊဢၼ်ထူၼ်ႈထိုင်သိပ်းပီႊလိူၼ်တသမ သိပ်းသွင်ဝၼ်းၼၼ်ႉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈ ၵဝ်လႄႈဝႃႈၸမ်း၊-
၂ လုၵ်ႈၵူၼ်းဢိူၺ်း။ မႂ်းဝၢႆႇၼႃႈတေႃႇၽႃႇရေႃးၶုၼ်ႁေႃၶမ်းဢေႇၵႅပ်ႉတု လႄႈႁဵတ်းပရေႃးၽႅတ်ႈ ယူႇၽၢႆႇၼိုင်ႈတင်းမၼ်း ဢိၵ်ႇတင်းမိူင်း ဢေႇၵ်ပ်ႉတုတင်းမိူင်းလႄႈဝႃႈ၊-
၃ ၸဝ်ႈထႃႇဝရႃႉၽြႃးမီးဢမိင်ႉလႄႈဝႃႈၸမ်း၊ ၽႃႇရေႃးၶုၼ်ႁေႃၶမ်းဢေႇၵႅပ်ႉတု၊ ငိူၵ်ႈလူင်ဢၼ်ယူႇၵႃႈၼႂ်းၵၢင်ၼမ်ႉႁွင်ႈၼမ်ႉၵႄးတူဝ်ၸဝ်ႈၵဝ်ႇယူႇသေလႄႈ ၸင်ႇလၢတ်ႈလႄႈဝႃႈၵဝ် ပိူင်ႇၼမ်ႉႁွင်ႈၼမ်ႉၵႄးၵဝ်ဢေႃႈ။
၄ ၵဝ်ႁဵတ်းပဵၼ်မၼ်းဝႆႉပုၼ်ႈၵဝ်ယဝ်ႉ၊ဝႃႈၼင်ႇၼႆၼၼ်ႉဢိူၺ်း။ၵဝ်ယူႇၽၢႆႇၼိုင်ႈတင်းမႂ်းဢေႃႈ။ၵဝ်တၵ်းဢဝ်ၶေႃဝဵတ်းလဵၵ်းၵွင်ႉ သႂ်ႇသူပ်းမႂ်းၵႅမ်ႈမႂ်းလႄႈ ႁႂ်ႈပႃဢၼ်ယူႇၵႃႈၼႂ်းၼမ်ႉႁွင်ႊၼမ်ႉၵႄးမႂ်းၸိူဝ်းၼၼ်ႉ ၸၢပ်ႇပႃးမႃးၵႃႈၼႂ်းၵဵတ်းမႂ်းဢေႃႈ။ၵဝ်တၵ်းၼုၵ်ႈဢဝ်မႂ်းဢွၵ်ႇသေၵႃႈၼႂ်းၵၢင်ၼမ်ႉႁွင်ႊၼမ်ႉၵႄးၸိူဝ်းၼၼ်ႉလႄႈဝႃႈ ၵႃႈၼႂ်းၼမ်ႉႁွင်ႊၼမ်ႉၵႄးမႂ်းၸိူဝ်းၼၼ်ႉ တၵ်းဢွၼ်ၵၼ်ၸပ်းပႃးမႃးၵႃႈၼႂ်းၵဵတ်းမႂ်းဢေႃႈ။
၅ ၵဝ်တၵ်းဢဝ်မႂ်းဢိၵ်ႇလူၺ်ႈၵၼ်တင်းပႃၵႃႈ ဢၼ်မီးၵႃႈၼႂ်းၼမ်ႉႁွင်ႈၼမ်ႉၵႄးမႂ်းၸိူဝ်းၼၼ်ႉပႅတ်ႈဝႆႉၵႃႈၼႂ်းထိူၼ်ႇၼႂ်းၶိူဝ်းဢေႃႈ။မႂ်းတၵ်းလႆႈတူၵ်းႁွတ်ႈၵႃႈၼႂ်း တီႈဢၼ်ပၢင်ႇဢၼ်ပဵင်းလႄႈၵမ်းလိုၼ်းမႂ်း တၵ်းဢမ်ႇလႆႈၶၢမ်ႇတၢင်းဢၼ်ဝႆႉၸူႉလႄႈသိမ်းဝႆႉ။ၵဝ်ဢဝ်မႂ်းဢၢပ်ႈပၼ်ပုၼ်ႈဢၼ်တူဝ်ထိူၼ်ႇႁၢႆႉတင်းလၢႆ၊ၼူၵ်ႉၵၢင်ႁၢဝ်တင်းလၢႆတၵ်းၵိၼ်ဢေႃႈ။
၆ ၵူၼ်းမိူင်းဢေႇၵႅပ်ႉတု တင်းသဵင်ႈတင်းလူင်တၵ်းလႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးဢေႃႈ။လွင်ႈမၼ်းၸမ်း ၶဝ်ၼၼ်ႉပဵၼ်ၶွၼ်ႉတဝ်ႉမႆႉဢေႃႈၵႃႈတီႈမဵဝ်းဢိသရေႇလဢေႃႈ။
၇ မိူဝ်ႈဢၼ်ၶဝ်ဢဝ်မိုဝ်းယိပ်းၵမ်ဢဝ်မႂ်းတဝ်ႉၼၼ်ႉၸိုင်မႂ်းႁၵ်းလႄႈ ဢဝ်ႁူဝ်မႃႇၶဝ်ပုတ်းၶၢတ်ႇၵႂႃႇဢေႃႈ။မိူဝ်ႈဢၼ်ၶဝ်ဢိင်မႂ်းၼၼ်ႉၸိုင်မႂ်းႁၵ်းလႄႈ ႁႂ်ႈဢႅဝ်ၶဝ်ဢူၼ်ႈၵႂႃႇဢေႃႈ။
၈ ပိူဝ်ႈဢၼ်ပဵၼ်ၼင်ႇၼႆလႄႈ ၸဝ်ႈထႃႇဝရႃႉၽြႃးမီးဢမိင်ႉၸမ်း၊-တူၺ်းလူ။ၵဝ်တၵ်းႁႂ်ႈလၢပ်ႇႁွတ်ႈထိုင်ၵႃႈၼိူဝ်မႂ်းလႄႈ ပႄႇၽဵဝ်ႈၵူၼ်းဢိၵ်ႇတင်း တရိၵ်ႈသၢၼ်ႇတင်းလၢႆပႅတ်ႈသေၵႃႈတီႈမႂ်းဢေႃႈ။မိူင်းဢေႇၵႅပ်ႉတုတၵ်းပဵၼ်တီႈဢၼ်သိတ်ႇၵူၼ်းယဵၼ်ၵူၼ်း၊တီႈဢၼ်လူႉလႅဝ်လႄႈ ၶဝ်တၵ်းလႆႈ ႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးဢေႃႈ။
၉ လွင်ႈမၼ်းၸမ်းမၼ်းလၢတ်ႈလႄႈဝႃႈ ၵဝ်ပိူင်ႇၼမ်ႉႁွင်ႊၼမ်ႉၵႄးၵဝ်ဢေႃႈ။ၵဝ်ႁဵတ်းပဵၼ်မၼ်းဝႆႉယဝ်ႉဝႃႈၼင်ႇၼႆဢေႃႈ။လွင်ႈမၼ်းၸမ်း မၼ်းလၢတ်ႈလႄႈဝႃႈၵဝ်ပိူင်ႇၼမ်ႉႁွင်ႊၼမ်ႉၵႄးၵဝ်ဢေႃႈ။ၵဝ်ႁဵတ်းပဵၼ်မၼ်းဝႆႉယဝ်ႉ၊ ဝႃႈ ၼင်ႇဢေႃႈ။
၁၀ ပိူဝ်ႈၼႆလႄႈၵဝ်ယူႇၽၢႆႇၼိုင်ႈတင်းမႂ်းဢိၵ်ႇတင်း ၼမ်ႉႁွင်ႊၼမ်ႉၵႄးမႂ်းၸိူဝ်းၼၼ်ႉလႄႈၵဝ်တၵ်းႁႂ်ႈမိူင်းဢေႇၵႅပ်ႉတု ပဵၼ်တီႈဢၼ်လူႉလႅဝ်မူတ်းမူတ်းသဵင်ႈသဵင်ႈ၊ တီႈဢၼ်သိတ်ႇၵူၼ်းယဵၼ်ၵူၼ်းဢဝ်ၵႃႈတီႈမီၵတေႃႇလ တေႃႇထိုင်ႁွတ်ႈဝဵင်းသုၼေႇဢိၵ်ႇတင်း တေႃႇထိုင်ႁွတ်ႈၶွပ်ႇၼမ်ႉလႅၼ်လိၼ်မိူင်း ဢိသယေႃႇပီၼၼ်ႉဢေႃႈ။
၁၁ သီႇသိပ်းပီႊတဵမ်တဵမ်တိၼ်ၵူၼ်းဢမ်ႇလႆႈတႆႇတၢင်းပႆတၢင်း လတ်းၵႂႃႇၵႃႈၼႂ်းမၼ်း။တိၼ်တရိၵ်ႈသၢၼ်ႇၵေႃႈဢမ်ႇလႆႈတႆႇတၢင်းပႆတၢင်းလတ်းၵႂႃႇၵႃႈၼႂ်းမၼ်း။ၽူႈ လႂ်သေၵေႃႉသေၵူၼ်းဢမ်ႇလႆႈယူႇလႆႈသဝ်းၵႃႈၼႂ်းမၼ်းလႃးလႃး။
၁၂ ၼႂ်းမိူင်းဢၼ်လူႉလႅဝ်တင်းလၢႆၼၼ်ႉ ၵဝ်တၵ်းႁႂ်ႈမိူင်းဢေႇၵႅပ်ႉတု ပဵၼ်ဢၼ်လူႉဢၼ်လႅဝ်လႄႈၼႂ်းဝဵင်းဢၼ်သိတ်ႇၵူၼ်းယဵၼ်ၵူၼ်းတင်းလၢႆၼၼ်ႉ ဝဵင်းမၼ်းတင်းလၢႆဢၼ်လူႉလႅဝ်ၼၼ်ႉႉတၵ်းပဵၼ်တီႈဢၼ်သိတ်ႇၵူၼ်းယဵၼ်ၵူၼ်းၵႂႃႇသီႇသိပ်းပီႊတဵမ်တဵမ်ဢေႃႈ။ ၵဝ်တၵ်းဢဝ်ၵူၼ်းဢေႇၵႅပ်ႉတု တင်းလၢႆၸၢတ်ႇပိုၼ်ပႅတ်ႈၵႃႈၼႂ်းၵူၼ်းၵူႈၸိူဝ်ႉၵူႈမဵဝ်းလႄႈ ႁႂ်ႈၶဝ်ႁွတ်ႈထိုင်ၵႃႈၼႂ်းၵူႈသိုင်ႇၵူႈမိူင်းဢေႃႈ။
၁၃ ၵူၺ်းၵႃႈထႃႇဝရႃႉၽြႃးမီးဢမိင်ႉၸမ်း၊- မိူဝ်ႈဢၼ်ၸေးသီႇသိပ်းပီႊယဝ်ႉၼၼ်ႉ ၵဝ်တၵ်းႁွင်ႉဢဝ်ၵူၼ်းဢေႇၵႅပ်ႉတု တင်းလၢႆဢွၵ်ႇသေၵႃႈၼႂ်းမဵဝ်းၵူၼ်းတင်းလၢႆတီႈဢၼ်ၶဝ်လႆႈၶၢမ်ႇတၢင်းဢၼ် ၸၢတ်ႇပိုၼ်ပႅတ်ႈ ၼၼ်ႉမႃးၸူႉၵၼ်တုမ်ၵၼ်ဢေႃႈ။
၁၄ ၵဝ်သမ်ႉတၵ်းဢဝ် ၵူၼ်းဢေႇၵႅပ်ႉႉတု ဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇၸိူဝ်းၼၼ်ႉမႃးလႄႈႁႂ်ႈၶဝ်ၶိုၼ်းမႃးၸူးၵႃႈတီႈမိူင်းပႃႇသု မိူင်းတီႈဢၼ်ၽင်ႁူၵ်ႈၽင်ႁႄႇၶဝ်ၼၼ်ႉဢေႃႈ။ ၶဝ်တၵ်းလႆႈပဵၼ်သိုင်ႇၸိုင်ႈဝၢၼ်ႈမိူင်းဢၼ် ယုတ်ႈဢၼ်ယွမ်းၵႃႈတီႈၼၼ်ႉဢေႃႈ။
၁၅ ၼႂ်းသိုင်ႇၸိုင်ႈဝၢၼ်ႈမိူင်းတင်းလၢႆၼၼ်ႉ တၵ်းလႆႈပဵၼ်ဢၼ်ယုတ်ႈဢၼ်ယွမ်းၼႃႇသေပိူၼ်ႈဢေႃႈ။ၵမ်းလိုၼ်းဢမ်ႇလႆႈယုၵ်ႉႁူဝ်ငွၵ်ႈႁူဝ်မၼ်း ၵႃႈၼိူဝ်ၵူၼ်းတၢင်ႇၸိူဝ်ႉတၢင်ႇမဵဝ်းတင်းလၢႆလႃးလႃး။ၵဝ်တၵ်းႁႂ်ႈၶဝ်သုတ်ႈၵႂႃႇယွမ်းၵႂႃႇ ႁႂ်ႈၶဝ်ဢမ်ႇလႆႈဢုပ်ႉပိူင်ႇ ၵူၼ်းတၢင်ႇၸိူဝ်ႉတၢင်ႇမဵဝ်း မိူဝ်ႈၵမ်းလိုၼ်း။
၁၆ ၵမ်းလိုၼ်းမိူင်းၼၼ်ႉတၵ်းဢမ်ႇလႆႈပဵၼ်တီႈဢၼ်မဵဝ်းဢိသရေႇလ သွၼ်ႈပိုင်ႈလႄႈၶုၵ်းၸႂ်လႆႈၶႆႈၸႂ်ထူပ်းဢပျႅတ်ႈၶဝ် ဢၼ်ၶဝ်ဝၢႆႇၶိုၼ်းသေလႄႈမုင်ႈမွင်းၶဝ်ၼၼ်ႉယူႇၼၼ်ႉဢေႃႈ။ၶဝ်တၵ်းလႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးဢေႃႈ၊ ဝႃႈၼင်ႇၼႆဝႆႉယဝ်ႉဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။
၁၇ ၼႂ်းပီႊဢၼ်ထူၼ်ႈထိုင်သၢဝ်းပၢႆၸဵတ်းပီႊ လိူၼ်ပထမဝၼ်းၼိုင်ႈၼၼ်ႉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈ မႃးတီႈၵဝ်လႄႈဝႃႈၸမ်း၊-
၁၈ လုၵ်ႈၵူၼ်းဢိူၺ်း။ၼေႇပုၶတ်ႉၼေႇၸႃႇၶုၼ်ႁေႃၶမ်းပႃႇပုလုၼ်ႇ ၼၼ်ႉႁႂ်ႈႁူဝ်ႁၢၼ်ၵူၼ်းသိုၵ်းမၼ်းတင်းလၢႆ ၵိုတ်ႈႁၢပ်ႇဢမူႉဢၼ် ယႂ်ႇၼႃႇလူင်လၢင် ယူႇၽၢႆႇၼိုင်ႈတင်းဝဵင်းတုရုယဝ်ႉ။ၵူႈၵေႃႉၵူႈၵူၼ်းႁူဝ်ပုတ်းႁူဝ်ၵဵင်ႈၵႂႃႇယဝ်ႉ။ ႁူဝ်မႃႇၵေႃႈလွၵ်ႈၵႂႃႇလၢၼ်ႉၵႂႃႇယဝ်ႉ။ ၵူၺ်းၵႃႈမၼ်းၼၼ်ႉဢိၵ်ႇတင်းႁူဝ်ႁၢၼ်ၵူၼ်းသိုၵ်းမၼ်းတင်းလၢႆ ဢမ်ႇလႆႈၶၢမ်ႇဢဝ်ၵႃႈမၼ်းၶၼ်မၼ်းတီႈဝဵင်းတုရု ပုၼ်ႈဢမူႉဢၼ်မၼ်းၵိုတ်းႁၢပ်ႇယူႇၽၢႆႇၼိုင်ႈတင်းဝဵင်းၼၼ်ႉ။
၁၉ ပိူဝ်ႈဢၼ်ပဵၼ်ၼင်ႇၼၼ်လႄႈ ထႃႇဝရႃႉၽြႃးမီးဢမိင်ႉၸမ်း၊- တူၺ်းလူ။ၵဝ်တၵ်းဢဝ်မိူင်းဢေႇၵႅပ်ႉတုပၼ်တီႈၼေႇပုၶတ်ႉၼေႇၸႃႇ ၶုၼ်ႁေႃၶမ်းပႃႇပုလုၼ်ႇဢေႃႈ။ၶုၼ်ၼၼ်ႉတၵ်းဢဝ်ၵူၼ်းဝၢၼ်ႈၵူၼ်းမိူင်းၼမ်ၼႃႇၵႂႃႇလႄႈ သိမ်းဢဝ်ဢုၵ်ႉၸႃႇဢၼ်ႁိမ်လႆႈၵူႈၸိူဝ်ႉၵူႈမဵဝ်းၵႂႃႇသေလႄႈ ၽႄမႅင်ႇပၼ်ပုၼ်ႈၵႃႈ ၶၼ်ႁူဝ်ႁၢၼ်ၵူၼ်းသိုၵ်းမၼ်းဢေႃႈ။
၂၀ ၵွပ်ႈပိူဝ်ႈဢၼ်ၶဝ်ၵိုတ်ႈႁၢပ်ႇဢမူႉၵဝ်လႄႈ ၵဝ်ဢဝ်မိူင်းဢေႇၵႅပ်ႉတုပၼ် ပုၼ်ႈၵႃႈၶၼ်ဢၼ်ၵိုတ်ႈႁၢပ်ႇဢမူႉၼၼ်ႉယဝ်ႉ။
၂၁ ၼႂ်းမိူဝ်ႉဝၼ်းၼၼ်ႉၵဝ်တၵ်းႁႂ်ႈၶဝ်လႅမ်တႅၵ်ႇဢွၵ်ႇတီႈမဵဝ်းဢိသရေႇလ လႄႈ ပၼ်ဢၶႂၢင်ႉမႂ်းလႆႈၽုၺ်ႇသူပ်းမႂ်းၵႃႈၼႂ်းၵၢင်ၶဝ်ဢေႃႈ။ၶဝ်တၵ်းလႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးဢေႃႈ၊ဝႃႈၼင်ႇၼႆဢေႃႈ။