၂၁
လၢပ်ႇဢၼ်ပၼ်တၢမ်ႇပႃႇပုလုၼ်ႇ
၁ လၢႆးသမ်ႉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ် လႄႈဝႃႈၸမ်း၊-
၂ လုၵ်ႈၵူၼ်းဢိူၺ်း။မႂ်းဝၢႆႇၼႃႈမႂ်းၸူးဝဵင်းယေႇရုသလႅမ်ႇ ယူႇသေလႄႈဢွၵ်ႇသူပ်းဝႃႈယူႇၽၢႆႇၼိုင်ႈတင်းထႃႇၼႃႉ တီႈဢၼ်မူတ်းၸၢင်ႇတင်းလၢႆလႄႈႁေႃး လၢတ်ႈယူႇၽၢႆႇၼိုင်ႈတင်းမိူင်းဢိသ ရေႇလတႃႉ။
၃ မႂ်းလၢတ်ႈတီႈမိူင်းဢိသရေႇလလႄႈဝႃႈထႃႇဝရႃႉၽြႃးမီးဢမိင်ႉၸမ်း၊- တူၺ်းလူ။ၵဝ်ႁဵတ်းတၢင်းဢၼ်ၶတ်းၵၼ်တင်းမႂ်းသေလႄႈ ဢဝ်လၢပ်ႇၵဝ်လႅဝ်းၵဝ်ထွတ်ႇဢွၵ်ႇသေ ၵႃႈၼႂ်းၵပ်းမၼ်းလႄႈပႄႇၽဵဝ်ႈၵေႃႉဢၼ်တြႃး ၵေႃႉဢၼ်ဢမ်ႇတြႃးပႅတ်ႈသေ ၵႃႈတီႈမႂ်းဢေႃႈ။
၄ ၼင်ႇၼၼ်လႄႈၵွပ်ႈပိူဝ်ႈဢၼ်ၵဝ်တၵ်းပႄႇၽဵဝ်ႈ ၵေႃႉဢၼ်တြႃးၵေႃႉဢၼ်ဢမ်ႇတြႃးပႅတ်ႈသေၵႃႈတီႈမႂ်းလႄႈ လၢပ်ႇလႅဝ်းၵဝ်တၵ်းဢွၵ်ႇသေၵႃႈၼႂ်းၵပ်းမၼ်းလႄႈ ယူႇၽၢႆႇၼိုင်ႈတင်းသတ်ႉတဝႃႇတင်းသဵင်ႈတင်းလူင် ဢဝ်ၵႃႈတီႈၽၢႆႇတၢင်းၸၢၼ်းတေႃႇထိုင်ႁွတ်ႈ ၽၢႆႇတၢင်းႁွင်ႇၼၼ်ႉဢေႃႈ။
၅ သတ်ႉတဝႃႇတင်းသဵင်ႈတင်းလူင် တၵ်းလႆႈႁူႉပွင်ႇလွင်ႈဢၼ်ၵဝ်ထႃႇဝရႃႉၽြႃး ဢဝ်လၢပ်ႇလႅဝ်းၵဝ်ဢွၵ်ႇသေၵႃႈၼႂ်းၵမ်းမၼ်းၼၼ်ႉဢေႃႈ။လၢပ်ႇလႅဝ်းၼၼ်ႉၵမ်း လိုၼ်းဢမ်ႇလႆႈၶိုၼ်းၶဝ်ႈၵႃႈၼႂ်းၵပ်းမၼ်း။
၆ ပိူဝ်ႈဢၼ်ပဵၼ်ၼင်ႇၼႆလႄႈလုၵ်ႈၵူၼ်းဢိူၺ်း။မီးတၢင်းဢၼ်ဢႅဝ်ႁၵ်းယူႇသေလႄႈ ႁဵတ်းသဵင်ဢၼ် ၶၢင်းၶီၶၢင်း ၽၢၼ်ယူႇတႃႉ။
၇ မီးတၢင်းဢၼ်ႁူဝ်ၸႂ်တႅၵ်ႇလႅဝ်ယူႇသေလႄႈ ႁဵတ်းသဵင်ဢၼ်ၶၢင်းၶီၶၢင်းၽၢၼ်ယူႇသိုဝ်ႈၼႃႈတႂ်ႈတႃၶဝ်တႃႉ။မိူဝ်ႈဢၼ်ၶဝ်ထၢမ်တီႈမႂ်းလႄႈဝႃႈၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ မႂ်းၶၢင်းၶီၶၢင်းၽၢၼ်ယူႇဝႃႈၼင်ႇၼႆၸိုင်မႂ်းၶိုၼ်းလၢတ်ႈလႄႈဝႃႈ ၵွပ်ႈပိူဝ်ႈသ တၢင်းသဵင်ၶၢဝ်ႇၼၼ်ႉဢေႃႈ။
၈ ဢမူႉၸမ်မႃးယဝ်ႉ။ႁူဝ်ၸႂ်ၵႃႈမီးတၵ်းၸိူမ်ႈယၢႆႈၵႂႃႇလႄႈ မိုဝ်းၵႃႈမီးတၵ်းဢူၼ်ႈၵႂႃႇယွမ်းၵႂႃႇဢေႃႈ။ၸႂ်ၵႃႈမီးတၵ်းလူႉၵႂႃႇလႄႈႁူဝ်ၶဝ်ၵႃႈမီးတၵ်းၸိုမ်းပဵၼ်ၼမ်ႉၵႂႃႇဢေႃႈ။တူၺ်းလူ။ဢမူႉၸမ်မႃးယဝ်ႉလႄႈတၵ်းလႆႈတဵမ်ထူၼ်ႈဢေႃႈ၊ ၸဝ်ႈထႃႇဝရႃႉၽြႃးမီးဢမိင်ႉဝႆႉယဝ်ႉ၊ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။
၉ လၢႆးသမ်ႉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ်လႄႈဝႃႈၸမ်း၊- လုၵ်ႈၵူၼ်းဢိူၺ်း။ မႂ်းႁဵတ်းပရေႃးၽႅတ်ႈ လႄႈဝႃႈထႃႇဝရႃႉၽြႃးမီးဢမိင်ႉၸမ်း၊-လၢပ်ႇၸဝ်ႈၼၼ်ႉပဵၼ်ဢၼ်ၽၢႆၼႃႇလူင်လၢင်ယဝ်ႉ။ ပဵၼ်ဢၼ်လပ်ႉပွတ်ႈသီထၼ်ႈပေႃး လိူမ်ႈမၢပ်ႈမိပ်ႈၼႃႇလူင် လၢင်ယဝ်ႉ။
၁၀ ပဵၼ်ဢၼ်ၽၢႆၼႃႇႁႂ်ႈလႆႈယိင်ႈၶႅၼ်းၶႃႈၽၼ်းဢဝ်တၢႆလႄႈ ပဵၼ်ဢၼ်လပ်ႉပွတ်ႈသီထၼ်ႈပေႃး မၢပ်ႈမိပ်ႈယူႇမိူၼ်ၸိူဝ်ႉၼငႃ်ႇႉမႅပ်ႈၼၼ်ႉယဝ်ႉ။ႁဝ်းတၵ်းလႆႈႁဵတ်းတၢင်းဢၼ်သႂၢင်ႇသိူဝ်းႁိုဝ်။ၵၼ်းႁွၵ်ႇရႃႇၸႃႉလုၵ်ႈၸၢႆးၵဝ်ၼၼ်ႉ ၸၢင်ႊႁဵတ်းဢမ်ႇပေႃး ၼင်ႇႁိုဝ်တီႈမႆႉၸိင်တင်းသဵင်ႈတင်းလူင်ဢေႃႈ။
၁၁ ဢဝ်ဢၢပ်ႈဝႆႉႁႂ်ႈလႆႈလပ်ႉပွတ်ႈသီပုၼ်ႈဢၼ်တၵ်းယိပ်းတၵ်းၵမ်ယဝ်ႉ။ လၢပ်ႇလႅဝ်းၼၼ်ႉပဵၼ်ဢၼ်ၽၢႆၼႃႇလႄႈ လပ်ႉပွတ်ႈသီထၼ်ႈပေႃး လိူမ်ႈမၢပ်ႈမိပ်ႈၼႃႇလူင်လၢင် ႁႂ်ႈလႆႈဢၢပ်ႈပၼ်ၵႃႈၼႂ်းမိုဝ်းၵေႃႉဢၼ်ၶႃႈ ၽၼ်းဢဝ်တၢႆၼၼ်ႉဢေႃႈ။
၁၂ လုၵ်ႈၵူၼ်းဢိူၺ်း။ႁွင်ႉႁႆႈႁွင်ႉသႅၼ်ႇတႃႉ။လွင်ႈမၼ်းၸမ်းတၵ်းႁွတ်ႈထိုင်ၵႃႈၼိူဝ်ၵူၼ်းၵဝ်တင်းလၢႆလႄႈ ၵႃႈၼိူဝ်လုၵ်ႈၸၢႆးၶုၼ်ဢိသရေႇလ တင်းသဵင်ႈတင်းလူင်ၵေႃႈတၵ်းႁွတ်ႈထိုင်ဢေႃႈ။ ၶဝ်ဢိၵ်ႇလူၺ်ႈၵၼ်တင်းၵူၼ်းၵဝ်တင်းလၢႆၼၼ်ႉတၵ်းလႆႈၶၢမ်ႇ တၢင်းဢၼ်ဢဝ်ဢၢပ်ႈပၼ်တီႈလၢပ်ႇတီႈလႅဝ်းဢေႃႈ။ပိူဝ်ႈၼႆလႄႈတူပ်းယႅၼ်ႉၶႃႈမႂ်း တႃႉ။
၁၃ ပဵၼ်လွင်ႈတၢင်းဢၼ်ၸႅတ်ႈထၢမ်ၸၢမ်းတူၺ်းဢေႃႈ။ပေႃးၵၼ်းႁွၵ်ႇႁဵတ်းဢမ်ႇပေႃးၼင်ႇႁိုဝ်ယူႇၸိုင်တၵ်းပဵၼ်ၸိူဝ်ႉၼင်ႇႁိုဝ်။ တၵ်းသုမ်းတၵ်းၸွမ်းၵေႃႈဝႃႈၼင်ႇၼႆလႄႈ ၸဝ်ႈထႃႇဝရႃႉၽြႃးမီးဢမိင်ႉဢေႃႈ။
၁၄ ပိူဝ်ႈဢၼ်ပဵၼ်ၼင်ႇၼႆလႄႈလုၵ်ႈၵူၼ်းဢိူၺ်း။ႁဵတ်းပရေႃးၽႅတ်ႈလႄႈတူပ်းမိုဝ်းမႂ်းတႃႉ။ႁႂ်ႈလၢပ်ႇလႅဝ်းၼၼ်ႉပဵၼ်သွင်မၢၵ်ႈသၢမ်မၢၵ်ႈၵႂႃႇသေၵမ်းလူၺ်ႈ။ပဵၼ်လၢပ်ႇလႅဝ်းၶဝ်ၸိူဝ်းဢၼ်ၶၢမ်ႇတၢႆ လၢပ်ႇလႅဝ်းတၢင်းဢၼ်ဢဝ်ၵေႃႉဢၼ် ယႂ်ႇၼႃႇလူင်လၢင်ၼၼ်ႉတၢႆလႄႈ ၶဝ်ႈႁွတ်ႈၶဝ်ႈထိုင်ၵႃႈၼႂ်းလုၵ်းတၢင်းၼႂ်းဢေႃႈ။ ၵဝ်ႁႂ်ႈၽေးလၢပ်ႇ ႁွတ်ႈထိုင်ၵႃႈတီႈႁူးၽၵ်းတူဝဵင်း ၵႃႈမီးႁႂ်ႈႁူဝ်ၸႂ်ၶဝ်ၸိူမ်ႈယၢႆႈၵႂႃႇလႄႈ ႁႂ်ႈလွင်ႈတၢင်းဢၼ်ၶဝ်ၶီႇလိုတ်းလႄႈ လူမ်ႉၼၼ်ႉ ယႂ်ႇၽႄႈၼမ်ၵိုၼ်းမႃးယဝ်ႉ။
၁၅ ဢလူဝ်။လၢပ်ႇလႅဝ်းမီးတၢင်းဢၼ်မၢပ်ႇမိပ်ႈယူႇမိူၼ်ၸိူဝ်ႉၼငႃ်ႇႉမႅပ်ႈၼၼ်ႉဢေႃႈ။မီးတၢင်းဢၼ်လပ်ႉပွတ်ႈသီဝႆႉ ပုၼ်ႈဢၼ်တၵ်းၶႃႈၽၼ်းဢဝ်တၢႆဢေႃႈ။
၁၆ မႂ်းၸူႉတုမ်ပဵၼ်ဢၼ်လဵဝ်ၵူၺ်းတႃႉ။ တႅပ်းၽၼ်းၵႃႈတီႈၽၢႆႇၵႃႈဢၼ်မႂ်းဝၢႆႇၼႃႈၵႂႃႇၸူးၼၼ်ႉ ဢိၵ်ႇတင်းၵႃႈတီႈၽၢႆႇၵႃႈဢၼ်မႂ်းဝၢႆႇၼႃႈၵႂႃႇၸူးၼၼ်ႉတႃႉ။
၁၇ ၵဝ်ၵေႃႈ တၵ်းဢဝ်မိုဝ်းၼင်ႇၵၼ်တူပ်းၵၼ်လႄႈ ႁႂ်ႈဢၢႆႁႅင်းတေႃးသႃႉတၢင်းၸႂ်မႆႈၵဝ်ထၢတ်ႇယဵၼ်ဢေႃႈ။ၵဝ်ထႃႇဝရႃႉၽြႃးမီးဢမိင်ႉၸိူဝ်ႉၼင်ႇၼၼ်ယဝ်ႉ။
၁၈ လၢႆးသမ်ႉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ် လႄႈဝႃႈၸမ်း၊-
၁၉ လုၵ်ႈၵူၼ်းဢိူၺ်း။မႂ်းမၵ်းၶၼ်းဝႆႉသဵၼ်ႈတၢင်းတီႈဢၼ်လၢပ်ႇလႅဝ်း ၶုၼ်ႁေႃၶမ်းပႃႇပုလုၼ်ႇတၵ်းမႃးၼၼ်ႉသွင်သဵၼ်ႈတႃႉ။သဵၼ်ႈတၢင်းသွင်သဵၼ်ႈၼၼ်ႉတၵ်းလႆႈဢွၵ်ႇၵႃႈၼႂ်းမိူင်းမိူင်းၼိုင်ႈဢေႃႈ။ႁဵတ်းမိူဝ်ႈဢၼ်ၸီႉၼႄယူႇၼၼ်ႉ ဝႆႉၵႃႈတီႈႁူဝ်တၢင်းသူပ်း တၢင်းဢၼ်ၵႂႃႇၸူးၵႃႈတီႈဝဵင်းၼၼ်ႉတႃႉ။
၂၀ မၵ်းၶၢၼ်းဝႆႉသဵၼ်ႈတၢင်းတီႈလၢပ်ႇလႅဝ်းတၵ်းၵႂႃႇ ႁွတ်ႈၵႂႃႇထိုင်ၵႃႈတီႈဝဵင်းရပ်ႉပတ်ႉ မိူင်းဢမ်ႇမုၼ်ႇဢိၵ်ႇတင်းၵႃႈတီႈဝဵင်းယေႇရုသလႅမ်ႇဢၼ်မၼ်ႈၶိူင်ႇၵႃႈၼႂ်းမိူင်းယုတ ၼၼ်ႉတႃႉ။
၂၁ ၶုၼ်ႁေႃၶမ်းပႃႇပုလုၼ်ႇၼၼ်ႉၸုၵ်းယူႇၵႃႈတီႈတၢင်းၽႄတၢင်းႁွမ်း ၵႃႈတီႈႁူဝ်တၢင်းသွင်သဵၼ်ႈႁႂ်ႈလႆႈလူမၼ်းတူၺ်းမၼ်းလႄႈ ဢဝ်ပိုၼ်ၵၢင်ႇတၢင်းလႆႈၽၢဝ်ႇတူၵ်းပိုၼ်တူၵ်းယူႇဢေႃႈ။မၼ်းတွင်ႉထၢမ်တီႈရုၵ်ႉထူႉတေႇရပ်ႉ တင်းလၢႆလႄႈလူတူၺ်းတပ်း ပွတ်ႇႁူဝ်ၸႂ်ယူႇဢေႃႈ။
၂၂ ၵႃႈတီႈၽၢႆႇၶႂႃမၼ်းၼၼ်ႉမၼ်းလူမၼ်းတူၺ်းမၼ်းပုၼ်ႈဝဵင်းယေႇရုသလႅမ်ႇ ႁႂ်ႈလႆႈဢဝ်တုမ်သၵ်ႇတွင်းတၢင်းလၢႆႁွႆႈဝႆႉ ႁႂ်ႈလႆႈၽုၺ်ႇသူပ်းဢႃႈသူပ်းႁဵတ်းသဵင်ဢၼ်တိုၵ်းသိုၵ်းႁွင်ႉသႅၼ်ႇ ႁႂ်ႈလႆႈႁဵတ်းသဵင်ႁွင်ႉပၢဝ်ႇႁွင်ႉသေႃႇ၊ႁႂ်ႈလႆႈဢဝ်တုမ်ႇသၵ်ႇတွင်းႁွႆႈဝႆႉယူႇၽၢႆႇၼိုင်ႈတင်းၽၵ်းတူဝဵင်း၊ ႁႂ်ႈလႆႈၵေႃႇႁဵတ်းတဵင်ႁဵတ်းတႅၼ်ႈလိၼ်တေးလိၼ်၊ ႁႂ်ႈလႆႈႁဵတ်း တိူၵ်ႈတီႈတိုၵ်းသိုၵ်းဢေႃႈ။
၂၃ ၵူၺ်းၵႃႈၶဝ်ၸိူဝ်းဢၼ်ၶၢမ်ႇၵိၼ်ႇသႅတ်ႉၸႃႇတီႈၶဝ်ၼၼ်ႉတၵ်းဢွၼ်ၵၼ်မၢတ်ႈ တၢင်းဢၼ်လူမၼ်းတူၺ်းမၼ်းၼၼ်ႉ ပဵၼ်ဢၼ်လၢႆလၢႆ ဢမ်ႇပွင်ႇလွင်ႈၵႃႈသင်လႄႈတူဝ်မၼ်းၸမ်း တၵ်းၶုၵ်းၸႂ်လႆႈၶႆႈၸႂ်ထူပ်းဢပျႅတ်ႈဢၼ်ၶဝ်ၽိတ်းပိူင်ႈၼၼ်ႉယူႇႁႂ်ႈလႆႈတီႉဢဝ်ၶဝ်ယူႇဢေႃႈ။
၂၄ ပိူဝ်ႈဢၼ်ပဵၼ်ၼင်ႇၼၼ်လႄႈ ၸဝ်ႈထႃႇဝရႃႉၽြႃးမီးဢမိင်ႉၸမ်း ၵွပ်ႈပိူဝ်ႈဢၼ် သူႁႂ်ႈပိူၼ်ႈၶုၵ်းၸႂ်လႆႈၶႆႈၸႂ်ထူပ်းဢပျႅတ်ႈတူႉၸရိူၵ်ႈသူ ၼႂ်းလွင်ႈတၢင်းဢၼ်သူပူၼ်ႉလိူဝ်ၸိူဝ်းၼၼ်ႉ မီးတၢင်းဢၼ်ၽုၺ်ႇဢွၵ်ႇၼႄပျႃးယူႇတေႃႇထိုင်ႁွတ်ႈထၼ်ႈပေႃး ဢပျႅတ်ႈၵႃႈဢၼ်သူႁဵတ်းၼၼ်ႉလႆႈထၢင်ႇသႃးဢိၵ်ႇတင်း ၵွပ်ႈပိူဝ်ႈဢၼ်သူလႆႈၶၢမ်ႇ တၢင်းဢၼ်ၶုၵ်းၸႂ်လႆႈၶႆႈၸႂ်ထူပ်းၼၼ်ႉလႄႈ သူတၵ်းလႆႈဢွၼ်ၵၼ်ၶၢမ်ႇတၢင်းဢၼ် ဢဝ်မိုဝ်းတီႉဢဝ်ၵႂႃႇဢေႃႈ။
၂၅ မႂ်းဢၼ်ၶၢမ်ႇတၢႆဢၼ်ႁၢႆႉယုတ်ႈၶုၼ်ဢိသရေႇလ ဢၼ်မိူဝ်ႉဝၼ်းႁွတ်ႈထိုင်ယဝ်ႉၼႂ်းၶိင်ႇမိူဝ်ႈဢၼ်တူႉၸရိူၵ်ႈသုတ်းၵွႆ ၼၼ်ႉၼႆႉဢိူၺ်း။ ၸဝ်ႈထႃႇဝရႃႉၽြႃးမီးဢမိင်ႉၸမ်း၊-
၂၆ ထွတ်ႇဢဝ်ၶဵၼ်းႁူဝ်ပႅတ်ႈလႄႈပူတ်းဢဝ်သရၽူႇရႃႇၸႃႉပႅတ်ႈတႃႉ။ၵမ်းလိုၼ်းဢမ်ႇလႆႈမီးလႃးလႃး။တၵ်းလႆႈယုၵ်ႉယွင်ႈၵေႃႉဢၼ်တႅမ်ႇသုင်လႄႈတၵ်းလႆႈၶျႃးၵေႃႉဢၼ်သုင် တႅမ်ႇဢေႃႈ။
၂၇ ၵဝ်တၵ်းၶႂၢမ်ႈပိၼ်ႈပႅတ်ႈဢေႃႈ။တၵ်းၶႂၢမ်ႈပိၼ်ႈပႅတ်ႈဢေႃႈ။တၵ်းၶႂၢမ်ႈပိၼ်ႈပႅတ်ႈဢေႃႈ။ ၵမ်းလိုၼ်းတၵ်းဢမ်ႇလႆႈမီးလႃးလႃးတေႃႇထိုင်ႁွတ်ႈ ၵေႃႉဢၼ်ဢုပ်ႉပိူင်ႇၼၼ်ႉထၼ်ႈပေႃး ႁွတ်ႈထိုင်လႄႈၵဝ်တၵ်းဢၢပ်ႈပၼ်တီႈၵေႃႉၼၼ်ႉဢေႃႈ၊ဝႃႈၼင်ႇၼႆဢေႃႈ။
၂၈ လုၵ်ႈၵူၼ်းဢိူၺ်း။မႂ်းႁဵတ်းပရေႃးၽႅတ်ႈသေလႄႈလၢႈတ်ႈလႄႈဝႃႈ ၸဝ်ႈထႃႇဝရႃႉၽြႃးဢဝ်လွင်ႈၵူၼ်းမဵဝ်းဢမ်ႇမုၼ်ႇတင်းလၢႆ ဢိၵ်ႇတင်းတၢင်းဢၼ်ၶဝ် သေႉသွမ်းၼၼ်ႉလႄႈမီးဢမိင်ႉၸမ်း၊-
၂၉ လၢပ်လႅဝ်းၼၼ်ႉမီးတၢင်းဢၼ်ထွတ်ႇဝႆႉပုၼ်ႈတၢင်းဢၼ်တၵ်းၶႃႈၽၼ်းဢဝ်တၢႆၼၼ်ႉလႄႈ ပဵၼ်ဢၼ်လပ်ႉပွတ်ႈသီဝႆႉလိူမ်ႈလီၼႃႇလူင်လၢင် တေႃႇထိုင်ႁွတ်ႈဢရွင်ႇလုၵ်ႉႁိူဝ်ႈ မိူၼ်ၸိူဝ်ႉၼငႃ်ႇႉမႅပ်ႈၼၼ်ႉ၊ၼႂ်းမိူဝ်ႈဢၼ်ၶဝ်ႁၼ်လွင်ႈတၢင်းဢၼ်လၢႆလၢႆ ဢမ်ႇပွင်ႈလွင်ႈၵႃႈသင်ပုၼ်ႈမႂ်းလႄႈႁေႃးလၢတ်ႈၵႂၢမ်းမူႉသႃႇတီႈမႂ်း ႁႂ်ႈမႂ်းလႆႈလူမ်ႉတူၵ်း သႂ်ႇၵႃႈၼိူဝ်ၶေႃးၶဝ်ၸိူဝ်းဢၼ်ႁၢႆႉဢၼ်ယုတ်ႈဢၼ်ၶၢမ်ႇတၢႆ ဢၼ်မိူဝ်ႉဝၼ်းၶဝ်ႁွတ်ႈထိုင်ယဝ်ႉၼႂ်းၶိင်ႇမိူဝ်ႈဢၼ် တူႉၸရိူၵ်ႈၶဝ်သုတ်းၵွႆၼၼ်ႉဢေႃႈ။
၃၀ ႁႂ်ႈလၢပ်ႇလႅဝ်းၶိုၼ်းၸူးၵႃႈတီႈၵပ်းမၼ်းသေတႃႉ။ၵဝ်တၵ်းၸီႇယၢင်ႇမႂ်း ၵႃႈၼႂ်းတီႈဢၼ်ၵဝ်ၽၢၼ်ႇသၢင်းႁဵတ်းပဵၼ်မႂ်း၊ တီႈဢၼ်မႂ်းၵိူတ်ႇလဵင်ႉမႃးၼၼ်ႉဢေႃႈ။
၃၁ ၵဝ်တၵ်းသွၼ်းလေႃႇ တၢင်းၸႂ်မႆႈၶႂ်ႈၸႃႉၵဝ်ၵႃႈၼိူဝ်မႂ်းလႄႈဢဝ်ၽႆးတေႃးသႃႉၵဝ်ပဝ်ႇ သႂ်ႇမႂ်းဢေႃႈ။ ၵဝ်တၵ်းဢဝ်မႂ်း ဢၢပ်ႈပၼ်ၵႃႈၼႂ်းမိုဝ်းၶဝ်ၸိူဝ်းဢၼ်မီးသၽေႃးဢၼ်ႁၢဝ်ႈၵျၢမ်းၼႃႇလႄႈ ၸၢင်ႊယႃႉၽဵဝ်ႈပႅတ်ႈၼၼ်ႉဢေႃႈ။
၃၂ မႂ်းတၵ်းလႆႈပဵၼ်ၽိုၼ်းပုၼ်ႈဢၼ်တၵ်းသႂ်ႇၽႆးၸိုၵ်ၽႆးဢေႃႈ။လိူတ်ႈမႂ်းတၵ်းလႆႈမီးၵႃႈၼႂ်းၵၢင်မိူင်းလႄႈ ၵမ်းလိုၼ်းၽူႈ လႂ်ဢမ်ႇလႆႈၶုၵ်းၸႂ်လႆႈၶႆႈၸႂ်ထူပ်းမႂ်းလႃးလႃး။ၵဝ်ထႃႇဝရႃႉၽြႃးမီးဢမိင်ႉဝႆႉယဝ်ႉ၊ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။