၁၈
ၵေႃႉဢၼ်ႁဵတ်းဢပျႅတ်ႈတေလႆႈတၢႆ
၁ လၢႆးသမ်ႉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ်လႄႈဝႃႈၸမ်း၊- မိူဝ်ႈဢၼ်သူသုင်းတိုဝ်းၵႂၢမ်းထုင်း လူၺ်ႈမိူင်းဢိသရေႇလလႄႈဝႃႈ၊-
၂ ၶဝ်ၸိူဝ်းဢၼ်ပဵၼ်ပေႃႈၼၼ်ႉၵိၼ်မၢၵ်ႇၸပိတ်ႉဢၼ်သူမ်ႈလႄႈ ၶဝ်ၸိူဝ်းဢၼ်ပဵၼ်လုၵ်ႈပဵၼ်လၢင်းၼၼ်ႉ မီးတၢင်းဢၼ်ၶဵဝ်ႈမူၺ်ႈၶဵဝ်ႈၵႅၼ်းယူႇဢေႃႈ၊ ဝႃႈၼင်ၼႆၼၼ်ႉမီးဢလူဝ်ႇ ၶႆႈဝႃႈၸိူဝ်ႉၼင်ႇႁိုဝ်။
၃ ၸဝ်ႈထႃႇဝရႃႉၽြႃးမီးဢမိင်ႉဝႃႈၸမ်း၊-ၵႃႈၼင်ႇဢၼ်ၵဝ်ဢသၢၵ်ႈလိပ်းယူႇၼၼ်ႉၵမ်းလိုၼ်းသူဢမ်ႇလႆႈမီး လွင်ႈတၢင်းဢၼ်တၵ်းလႆႈသုင်း သွင်ႇၵႂၢမ်းထုင်းၼၼ်ႉၵႃႈၼႂ်းမိူင်းဢိသရေႇလ။
၄ ၵဝ်ဢုပ်ႉပိူင်ႇဝိၺိၺ်ႇတင်းသဵင်ႈတင်းလူင်ဢေႃႈ။ၸိူဝ်ႉၼင်ဢၼ်ၵဝ်ဢုပ်ႉပိူင်ႇဝိၺိၺ်ႇၵေႃႉ ဢၼ်ပဵၼ်ပေႃႈၼၼ်ႉၵဝ်ဢုပ်ႉပိူင်ႇဝိၺိၺ်ႇၵေႃႉဢၼ်ပဵၼ်လုၵ်ႈၸၢႆးဢေႃႈ။ဝိၺိၺ်ႇ ဢၼ်ၽိတ်းပိူင်ႈၼၼ်ႉတၵ်းလႆႈတၢႆဢေႃႈ။
၅ ၵူၼ်းဢၼ်ဝႃႈၸမ်းပေႃးမီးၸႂ်သၽေႃးဢၼ်သိုဝ်လီလႄႈ ႁဵတ်းလွင်ႈတၢင်းဢၼ်ၸွမ်းၼင်ႇတြႃး လွင်ႈတၢင်းဢၼ် ၸိုဝ်ႈဢၼ်ၸႂ်ႈလႄႈ
၆ ဢမ်ႇၵိၼ်ႇၵႃႈတီႈၼိူဝ်လွႆၼိူဝ်ၵုင်း၊ ဢမ်ႇဢဝ်တႃမၼ်းမုင်ႈလူမုင်ႈတူၺ်းရုၵ်ႉထူႉဢၼ်မဵဝ်းဢိသရေႇလၵူဝ်းၵႂၢႆႇၸိူဝ်းၼၼ်ႉ ဢမ်ႇၽိတ်းပိူင်ႈမႄးပိူၼ်ႈ ဢမ်ႇသုတ်ႉၸပ်းသုတ်ႉၸူးမေႈယိင်းဢၼ် ႁွတ်ႈဢူႉတူႉ၊
၇ ဢမ်ႇၼိၵ်ႈၸၢၵ်ႈငႅၼ်းသေးၽူႈ လႂ်လႃးလႃး ယင်းဢမ်ႇၶိုၼ်းပၼ်ၼီႈၶွတ်ႇဢမ်ႇပွင်ႇဢမ်ႇၵမ်ႉဝႆႉလႄႈဢမ်ႇယူႇ၊ ဢမ်ႇႁဵတ်းပေႉႁဵတ်းၼႅင်ႇႁိမ်ဢဝ်ႁူင်ႇဢဝ်ဢုၵ်ႉၸႃႇပိူၼ်ႈလဵင်ႉလူ ၵေႃႉဢၼ်ဢိုပ်းဢၼ်ယၢၵ်း လႄႈ
၈ ဢဝ်ၶူဝ်းၼုင်ႈၶူဝ်းမႆႊႁူမ်ႇမႆႊၵေႃႉဢၼ်ဢၼ်ဢမ်ႇမီးၶူဝ်းၼုင်ႈၶူဝ်းမႆၼၼ်ႉယူႇ၊ ယင်းဢမ်ႇၵိၼ်ဢတူဝ်းၶီႈမၼ်းလႄႈ ပၼ်ၵူႈပၼ်ယိုမ်ငိုၼ်းယူႇ၊ယိုတ်းဢဝ်မိုဝ်းမၼ်းၶိုၼ်ႈသေၵႃႈတီႈဢမူႉဢႃႉထမ်ႇမႃႉလႄႈႁဵတ်းတၢင်းဢၼ်ၸီႇယၢင်ႇဢမူႉ ၵႄႈဝူင်ႈၵၢင်သွင်ၽၢႆႇသွင် ပႃႈၸွမ်းၼင်ႇတြႃးယူႇ၊
၉ ၸွမ်းသဵၼ်ႈတၢင်းထုင်းၾိင်ႈတြႃးၵဝ်လႄႈ ၵမ်ၵျၢင်ႉလွင်ႈတၢင်းဢၼ်ၵဝ်ၸီႇယၢင်ႇဝႆႉၸိူဝ်းၼၼ်ႉႁႂ်ႈလႆႈပႂ်ႉသႅတ်ႉၸႃႇယူႇၸိုင် ၵေႃႉၼၼ်ႉပဵၼ်ၵေႃႉဢၼ်သိုဝ်ႈတေႃႇလႄႈ မၼ်းတၵ်းလႆႈဢသၢၵ်ႈလိပ်းဢမၢၼ်ႇၶၢၼ်ပဵၼ်ဢေႃႈ၊ဝႃႈၼင်ႇၼႆၸဝ်ႈ ထႃႇဝရႃႉၽြႃးမီးဢမိင်ႉဢေႃႈ။
၁၀ ၼႂ်းဝႃႈၼၼ်သေၵေႃႈပေႃးမၼ်းမီးလုၵ်ႈၸၢႆး ဢၼ်ပဵၼ်ၸူၼ်၊ဢၼ်ထွၵ်ႇလိူတ်ႈပိူၼ်ႈပႅတ်ႈ၊ ဢၼ်ႁဵတ်းတူႉၸရိူၵ်ႈဢၼ်ဝႃႈမႃး ယဝ်ႉဢွၼ်တၢင်းၼၼ်ႉသေၸိူဝ်ႉသေပိူင်၊
၁၁ ဢၼ်ဢမ်ႇႁဵတ်းသူႉၸရိူၵ်ႈ ဢၼ်ဝႃႈမႃးယဝ်ႉဢွၼ်တၢင်းၼၼ်ႉသေၸိူဝ်ႉသေပိူင်၊ ဢၼ်ႁဵတ်းတၢင်းဢၼ်ၵိၼ်ႇၵႃႈတီႈၼိူဝ်လွႆၼိူဝ်ၵုင်းယူႇ၊ဢၼ်ၽိတ်းပိူင်ႈမႄးပိူၼ်ႈယူႇ၊
၁၂ ဢၼ်ၼိၵ်ႈၸၢၵ်ႈငႅၼ်းသေးၵေႃႉဢၼ်ယၢၵ်ႈဢၼ်ၽၢၼ်ဢၼ်ၸုတ်ႈဢၼ်လုတ်ႈၼၼ်ႉယူႇ ဢၼ်ႁဵတ်းပေႉႁဵတ်းၼႅင်ႇ ႁိမ်ဢဝ်ႁူင်ႇဢဝ်ဢုၵ်ႉၸႃႇပိူၼ်ႈယူႇ၊ ဢၼ်ယင်းဢမ်ႇၶိုၼ်းပၼ်ဢုၵ်ႉၸႃႇဢၼ်ပိူၼ်ႈပွင်ႇၵမ်ႉဝႆႉၼၼ်ႉလႄႈယူႇ၊ ဢၼ်ဢဝ်တႃမၼ်းမုင်ႈလူမုင်းတူၺ်းရုၵ်ႉထူႉယူႇ၊ ဢၼ်ႁဵတ်းလွင်ႈတၢင်းဢၼ်လီႁင်ႈဢဵတ်ႇသဵတ်ႇယူႇ၊ ဢၼ်ၵိၼ်ဢတူဝ်းၶီႈမၼ်းလႄႈ ပၼ်ၵူႈပၼ်ယိုမ်ငိုၼ်းယူႇၼၼ်ႉၸိုင်ၵေႃႉၼၼ်ႉ တၵ်းလႆႈဢသၢၵ်ႈလိပ်းႁိုဝ်။
၁၃ မၼ်းဢမ်ႇလႆႈဢသၢၵ်ႈလိပ်း။ၵွပ်ႈပိူဝ်ႈဢၼ်မၼ်းႁဵတ်းလွင်ႈတၢင်းဢၼ်လီႁင်ႈဢဵတ်ႇသဵတ်ႇၵႃႈမီးၸိူဝ်းၼႆႉၼၼ်ႉလႄႈ မၼ်းတၵ်းလႆႈၶၢမ်ႇ တၢင်းဢၼ်ဢဝ်တၢႆ ဢမၢၼ်ႇၶၢၼ်ပဵၼ်ဢေႃႈ။လိူတ်ႈမၼ်းတၵ်းလႆႈတူၵ်းႁွတ်ႈၵႃႈၼိူဝ်မၼ်း ဢေႃႈ။
၁၄ ၼႂ်းဝႃႈၼၼ်သေၵေႃႈပေႃးမၼ််းမီးလုၵ်ႈၸၢႆးဢၼ်ႁၼ်တူႉၸရိူၵ်ႈၵႃႈဢၼ်ပေႃႈမၼ်းႁဵတ်းၼၼ်ႉလႄႈ ၶႆႈၸႂ်ဝူၼ်ႉၸႂ်သေယဝ်ႉဢမ်ႇႁဵတ်းလွင်ႈတၢင်းၸိူဝ်ႉၼင်ႇၼၼ်ၼၼ်ႉ ဢၼ်ဢမ်ႇၵိၼ်ၵႃႈတီႈၼိူဝ်လွႆၼိူဝ် ၵုင်း၊
၁၅ ဢမ်ႇဢဝ်တႃမၼ်း မုင်ႈလူမုင်ႈတူၺ်းရုၵ်ႉထူႉဢၼ်မဵဝ်း ဢိသရေႇလၵူဝ်းၵႂၢႆႇၸိူဝ်းၼၼ်ႉ၊ဢမ်ႇၽိတ်းပိူင်ႈမႄးပိူၼ်ႈ၊ ဢမ်ႇဢဝ်ၼိၵ်ႈၸၢၵ်ႈငႅၼ်းသေးၽူႈ လႂ်လႃး လႃး၊
၁၆ ဢမ်ႇသိမ်းဢဝ်ဢုၵ်ႉၸႃႇဢၼ်ပိူၼ်ႈပွင်ႇဝႆႉၵမ်ႉဝႆႉၼၼ်ႉ၊ဢမ်ႇႁဵတ်းပေႉႁဵတ်းၼႅင်ႇ ႁိမ်ဢဝ်ႁူင်ႇဢဝ်ဢုၵ်ႉၸႃႇပိူၼ်ႈ၊ႁဵတ်းတၢင်းဢၼ်လဵင်ႉလူၵေႃႉဢၼ်ဢိုပ်း ယၢၵ်ႈ၊
၁၇ ဢဝ်ၶူဝ်းၼုင်ႈၶူဝ်းမႆႁူမ်ႇမႆပၼ်ၵေႃႉဢၼ်ဢမ်ႇမီးၶူဝ်းၼုင်ႈၶူဝ်းမႆၼၼ်ႉယူ၊ ယိုတ်းမိုဝ်းမၼ်းသေၵႃႈတီႈၵေႃႉဢၼ်ယၢၵ်ႈဢၼ်ၽၢၼ်၊ ဢမ်ႇၵိၼ်ဢတူဝ်းၶီႈမၼ်းလႄႈ ပၼ်ၵူႈပၼ်ယိုမ်ငိုၼ်းယူႇသေလႄႈပႂ်ႉၵမ်ပႂ်ႉၵျၢင်ႉလွင်ႈတၢင်းဢၼ် ၵဝ်ၸီႇယၢင်ႇဝႆႉၸိူဝ်းၼၼ်ႉလႄႈၸွမ်းသဵၼ်ႈတၢင်း ထုင်းၾိင်ႈတြႃးၵဝ်တင်းလၢႆယူႇၸိုင်ၵေႃႉၼၼ်ႉ တၵ်းလႆႈၶၢမ်ႇတၢႆ ၵွပ်ႈပိူဝ်ႈဢပျႅတ်ႈပေႃႈမေႈဢမ်ႇၸႂ်ႈ၊ တၵ်းလႆႈဢသၢၵ်ႈလိပ်းဢမၢၼ်ႇ ၶၢၼ်ပဵၼ်ဢေႃႈ။
၁၈ ပေႃႈမၼ်းၸမ်းၵွပ်ႈပိူဝ်ႈဢၼ်မၼ်းၼိၵ်ႈၸၢၵ်ႈငႅၼ်းသေး ပီႈမၼ်းၼွင်ႉမၼ်းၶိူဝ်းၶိူဝ်းယႂ်းယႂ်းယူႇ၊ ႁဵတ်းပေႉႁဵတ်းၼႅင်ႇႁိမ်ဢဝ်ႁူင်ႇဢဝ်ဢုၵ်ႉၸႃႇၶဝ်ၼၼ်ႉယူႇသေလႄႈႁဵတ်း လွင်ႈတၢင်းဢၼ်ဢမ်ႇလီဢမ်ႇငၢမ်းၵႃႈၼႂ်းမဵဝ်းမၼ်းတင်းလၢႆယူႇၼၼ်ႉလႄႈမၼ်းတၵ်းလႆႈၶၢမ်ႇ တၢင်းဢၼ်ဢဝ်တၢႆၼႂ်းဢပျႅတ်ႈ မၼ်းဢေႃႈ။
၁၉ ၵူၺ်းၵႃႈသူဢွၼ်ၵၼ်ထၢမ်လႄႈဝႃႈ ပဵၼ်ၸိူဝ်ႉၼင်ႇႁိုဝ်။လုၵ်ႈၸၢႆးတၵ်းလႆႈၶၢမ်ႇဢပျႅတ်ႈပေႃႈဢမ်ႇၸႂ်ႈႁိုဝ်ဝႃႈၼင်ႇၼႆဢေႃႈ။ပေႃႈလုၵ်ႈၸၢႆးၼၼ်ႉႁဵတ်းလွင်ႈတၢင်းဢၼ်ၸွမ်းၼင်ႇတြႃး၊လွင်ႈတၢင်းဢၼ်ၸိုဝ်ႈဢၼ်ၸႂ်ႈလႄႈ ပႂ်ႉထုင်းၾိင်ႈတြႃးၵဝ်ၵႃႈမီးယူႇ၊ ၵမ်ၵျၢင်ႉၸိူဝ်းၼၼ်ႉယူႇၸိုင်မၼ်းတၵ်းလႆႈဢ သၢၵ်ႈလိပ်းဢမၢၼ်ၶၢၼ်ပဵၼ်ဢေႃႈ။
၂၀ ဝိၺိၺ်ႇဢၼ်ၽိတ်းပိူင်ႈၼၼ်ႉတၵ်းလႆႈၶၢမ်ႇတၢႆဢေႃႈ။လုၵ်ႈၸၢႆးဢမ်ႇလႆႈၶၢမ်ႇဢပျႅတ်ႈပေႃႈ၊ ပေႃႈဢမ်ႇလႆႈၶၢမ်ႇဢပျႅတ်ႈလုၵ်ႈၸၢႆး။ၵေႃႉဢၼ်ၸွမ်းၼင်ႇတြႃးၼၼ်ႉတၵ်းလႆႈၶၢမ်ႇဢၵျူဝ်း တၢင်းဢၼ်ႁဵတ်းၸွမ်းတြႃးၼၼ်ႉလႄႈ ၵေႃႉဢၼ်ဢမ်ႇၸွမ်းၼင်ႇတြႃးၼၼ်ႉ တၵ်းလႆႈၶၢမ်ႇဢပျႅတ်ႈ တၢင်းဢၼ်ဢမ်ႇႁဵတ်းၸွမ်းၼင်ႇတြႃး ၼၼ်ႉ ဢေႃႈ။
၂၁ ၼႂ်းဝႃႈၼၼ်သေၵေႃႈဢၼ်ဢမ်ႇတြႃးၼၼ်ႉဝေႈပႅတ်ႈတူႉၸရိူၵ်ႈၵႃႈ ဢၼ်မၼ်းႁဵတ်းမႅၼ်ႈၼၼ်ႉလႄႈ ပႂ်ႉၵမ်ပႂ်ႉၸွမ်းထုင်းၾိင်ႈတြႃးၵဝ်ၵႃႈမီးၼၼ်ႉလႄႈႁဵတ်းလွင်ႈတၢင်း ဢၼ်တြႃး၊လွင်ႈတၢင်းဢၼ်ၸိုဝ်ႈဢၼ်ၸႂ်ႈၼၼ်ႉယူႇၸိုင်မၼ်းတၵ်းဢမ်ႇလႆႈၶၢမ်ႇတၢႆလႄႈ တၵ်းလႆႈဢသၢၵ်ႈလိပ်းဢမၢၼ်ႇၶၼ် ပဵၼ်ဢေႃႈ။
၂၂ ဢမ်ႇလႆႈမၢတ်ႈတွင်းတူႉၸရိူၵ်ႈဢပျႅတ်ႈၵႃႈဢၼ်ႁဵတ်းမႅၼ်ႈၼၼ်ႉ ယူႇၽၢႆႇၼိုင်ႈတင်းမၼ်း။မၼ်းတၵ်းလႆႈဢသၢၵ်ႈလိပ်း တၢင်းဢၼ်သိုဝ်ႈတေႃႇ ဢၼ်မၼ်းႁဵတ်းမႅၼ်ႈၼၼ်ႉဢေႃႈ။
၂၃ ၵဝ်မီးတၢင်းဢၼ်မူၼ်ႈပျေႃႇယူႇၵႃႈၼႂ်းတၢင်းဢၼ်ၵေႃႉဢၼ်ဢမ်ႇတြႃးၼၼ်ႉတၢႆၼၼ်ႉႁိုဝ်။ၵဝ်ယိင်ႈၶႅၼ်းၶႂ်ႈႁႂ်ႈမၼ်းဝၢႆႇၶိုၼ်းသေၵႃႈတီႈ သဵၼ်ႈတၢင်းမၼ်းၼၼ်ႉလႄႈ ဢ သၢၵ်ႈလိပ်းယူႇၼၼ်ႉဢမ်ႇၸႂ်ႈႁိုဝ်။
၂၄ ၼႂ်းဝႃႈၼၼ်သေၵေႃႈ ပေႃးၵေႃႉဢၼ်တြႃးၼၼ်ႉၽွၵ်ႈပျၢၼ်ႇၶိုၼ်းသေၵႃႈၼႂ်းတၢင်းဢၼ်သိုဝ်ႈတေႃႇမၼ်းၼၼ်ႉလႄႈ ႁဵတ်းတူႉၸရိူၵ်ႈယူႇ၊ ၵမ်ၵျၢင်ႉၸွမ်းလွင်ႈတၢင်းဢၼ်လီႁင်ႈဢဵတ်ႇသဵတ်ႇၵႃႈဢၼ်ၵေႃႉဢၼ်ဢမ်ႇတြႃးၼၼ်ႉႁဵတ်းၸိူဝ်းၼၼ်ႉယူႇၸိုင်မၼ်းတၵ်းလႆႈ ဢသၢၵ်ႈလိပ်းႁိုဝ်။ဢမ်ႇမၢတ်ႈတွင်းလွင်ႈတၢင်းဢၼ်သိုဝ်ႈတေႃႇၵႃႈဢၼ်မၼ်းႁဵတ်းမႃး မိူဝ်ႈဢွၼ်တၢင်းၼၼ်ႉလႃးလႃး။မၼ်းတၵ်းလႆႈၶၢမ်ႇတၢႆ ၼႂ်းတၢင်းဢၼ်ပူၼ်ႉလိူဝ်ဢၼ်မၼ်းပူၼ်ႉလိူဝ်ၼၼ်ႉဢိၵ်ႇတင်း ဢၼ်ၽိတ်းပိူင်ႈဢၼ် မၼ်းၽိတ်းပိူင်ႈၼၼ်ႉဢေႃႈ။
၂၅ ၵူၺ်းၵႃႈသူဢွၼ်ၵၼ်လၢတ်ႈလႄႈ ဝႃႈတၢင်းဢၼ်ထႃႇဝရႃႉၽြႃးၸီႇယၢင်ႇၼၼ်ႉဢမ်ႇသိုဝ်ႈလီပဵင်းလီ၊ဝႃႈၼင်ႇၼႆလူင်ပေႇ။မဵဝ်းဢိသရေႇလဢိူၺ်း။ထွမ်ႇငိၼ်းတႃႉ။တၢင်းဢၼ်ၵဝ်ၸီႇယၢင်ႇၼႆႉသိုဝ်ႈလီပဵင်းလီလႄႈတၢင်းဢၼ်ၸီႇယၢင်ႇၼၼ်ႉ ပဵၼ်ဢၼ်ၵူတ်ႉဢၼ်ငွၵ်းဢမ်ႇၸႂ်ႈႁိုဝ်။
၂၆ ပေႃးၵေႃႉဢၼ်တြႃးၼၼ်ႉ ၽွၵ်ႈပျၢၼ်ႇၶိုၼ်းသေၵႃႈၼႂ်းတၢင်းဢၼ်သိုဝ်ႈတေႃႇမၼ်းၼၼ်ႉလႄႈ ႁဵတ်းတူႉၸရိူၵ်ႈသေလႄႈ တၢႆၵွပ်ႈပိူဝ်ႈဢမူႉၼၼ်ႉၸိုင် မၼ်းတၵ်းလႆႈတၢႆၼႂ်းတူႉၸရိူၵ်ႈဢၼ်မၼ်းႁဵတ်းမႅၼ်ႈ ၼၼ်ႉဢေႃႈ။
၂၇ မိူၼ်ၼင်ႇၼၼ်ပေႃးၵေႃႉဢၼ်ဢမ်ႇတြႃးၼၼ်ႉဝေႈပႅတ်ႈသေ တူႉၸရိူၵ်ႈမၼ်းဢၼ်မၼ်းႁဵတ်းမႅၼ်ႈၼၼ်ႉလႄႈ ႁဵတ်းလွင်ႈတၢင်းဢၼ်တြႃး၊လွင်ႈတၢင်းဢၼ်ၸိုဝ်ႈဢၼ်ၸႂ်ႈယူႇၸိုင်၊ မၼ်းတၵ်းလႆႈၵႄႇသႄႇၼုၵ်ႈဢဝ်ဢသၢၵ်ႈမၼ်းဢေႃႈ။
၂၈ ၵွပ်ႈပိူဝ်ႈဢၼ် မၼ်းၶႆႈၸႂ်ဝူၼ်ႉၸႂ်လႄႈပႄႇပႅတ်ႈဢပျႅတ်ႈတၢင်းဢၼ်ပူၼ်ႉ လိူဝ်ဢၼ်မၼ်းႁဵတ်းမႅၼ်ႈၸိူဝ်းၼၼ်ႉလႄႈ မၼ်းတၵ်းလႆႈဢသၢၵ်ႈလိပ်း ဢမၢၼ်ႇၶၼ်ပဵၼ်လႄႈၵၢင်းလွတ်ႈတင်းတၢင်းတၢႆဢေႃႈ။
၂၉ ၼႂ်းဝႃႈၼၼ်သေၵေႃႈ မဵဝ်းဢိသရေႇလ ဢွၼ်ၵၼ်လၢတ်ႈလႄႈဝႃႈ တၢင်းဢၼ်ထႃႇဝရႃႉၽြႃးၸီႇယၢင်ႇၼၼ်ႉဢမ်ႇသိုဝ်ႈလီပဵင်းလီ၊ဝႃႈၼင်ႇၼႆလူင်ပေႇ။မဵဝ်းဢိသရေႇလဢိူၺ်း။တၢင်းဢၼ်ၵဝ်ၸီႇယၢင်ႇၼၼ်ႉသိုဝ်ႈလီပဵင်းလီဢမ်ႇၸႂ်ႈႁိုဝ်။တၢင်းဢၼ်သူၸီႇယၢင်ႇ ၼၼ်ႉပဵၼ်ဢၼ်ၵူတ်ႉဢၼ်ငွၵ်းဢမ်ႇၸႂ်ႈႁိုဝ်။
၃၀ ပိူဝ်ႈဢၼ်ပဵၼ်ၼင်ႇၼႆလႄႈမဵဝ်းဢိႉသရေႇလဢိူၺ်း။ ၵဝ်တၵ်းၸီႇယၢင်ႇသူ ၸွမ်းလူၺ်ႈသဵၼ်ႈတၢင်းသူႁင်းၽႂ်ႁင်းမၼ်းၼၼ်ႉဢေႃႈ၊ဝႃႈ ၼင်ႇၼႆၸဝ်ႈထႃႇဝရႃႉၽြႃးမီးဢမိင်ႉဢေႃႈ။ သူဢွၼ်ၵၼ်ၶၢႆႉပုတ်ႈလႄႈၸုၼ်ႉပႅတ်ႈဢပျႅတ်ႈတၢင်းဢၼ်သူပူၼ်ႉလိူဝ်ၵႃႈမီး ၼၼ်ႉသေတႃႉ။ၼင်ႇၼၼ်လႄႈ တူႉၸရိူၵ်ႈဢပျႅတ်ႈသူတၵ်းဢမ်ႇပဵၼ်တီႈဢၼ်သူတိူဝ်ႉမႅၼ်ႈလႄႈလူမ်ႉၼၼ်ႉ။
၃၁ သူဢွၼ်ၵၼ်ၸုၼ်ႉပႅတ်ႈဢပျႅတ်ႈတၢင်းဢၼ်ပူၼ်ႉလိူဝ်ၵႃႈဢၼ်သူပူၼ်ႉလိူဝ်ၼၼ်ႉသေလႄႈ ပွင်ႁဵတ်းပွင်မႄးႁူဝ်ၸႂ်ဢၼ်မႂ်ႇ၊ၸႂ်သၽေႃးဢၼ်မႂ်ႇတႃႉ။မဵဝ်းဢိသရေႇလဢိူၺ်း။သူၼႆႉၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈမီးဢလူဝ်ႇ ၶႂ်ႈၶၢမ်ႇတၢႆၼင်ႇႁိုဝ်။
၃၂ ၵဝ်ဢမ်ႇမီးတၢင်းဢၼ်မူၼ်ႈပျေႃႇၼႂ်းတၢင်းဢၼ် ၵေႃႉဢၼ်လႆႈၶၢမ်ႇတၢင်းတၢႆၼၼ်ႉ။ပိူဝ်ႈၼႆလႄႈ ဢွၼ်ၵၼ်ၶၢႆႉပုတ်ႈလႄႈဢသၢၵ်ႈလိပ်းယူႇတႃႉ၊ ဝႃႈၼင်ႇၼႆ ၸဝ်ႈထႃႇဝရႃႉၽြႃးမီးဢမိင်ႉဢေႃႈ။