၁၄
ၵူၼ်းႁဵတ်းဝၢတ်ႈရူၵ်ႉထုသၢင်းထူႉလႆႈၶၢမ်ႇပၼ်တၢမ်ႇ
၁ မိူဝ်ႈၼၼ်ႉၶဝ်ၸိူဝ်းဢၼ်ပဵၼ်ၵႄႇပဵၼ်ႁူဝ်ၼႂ်းမဵဝ်း ဢိသရေႇလ ၵမ်ႈၽွင်ႈ ဢွၼ်ၵၼ်မႃးၸူးတီႈၵဝ်လႄႈ ၼင်ႈၵႃႈတီႈၽၢႆႇၼႃႈၵဝ်ဢေႃႈ။
၂ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ်လႄႈဝႃႈၸမ်း၊-
၃ လုၵ်ႈၵူၼ်း ဢိူၺ်း။ ၵူၼ်းၸိူဝ်းၼႆႉဢွၼ်ၵၼ်ႁဵတ်းရုၵ်ႉထူႉၶဝ်ၵႃႈၼႂ်းႁူဝ်ၸႂ်ၶဝ်လႄႈ ဢဝ်တုမ်မႆႉတူႉၸရိူၵ်ႈပုၼ်ႈဢၼ်တၵ်းၶီႇလိုတ်းလူမ်ႉလႄႈ ၶဝ်ၼၼ်ႉဝႆႉသိုဝ်ႈၼႃႈတႂ်ႈတႃၶဝ်ယဝ်ႉ။ ၵဝ်တၵ်းလႆႈၶၢမ်ႇတၢင်းဢၼ်ၶဝ်လဝ်ႈထၢမ် ႁိုဝ်။
၄ ပိူဝ်ႈဢၼ်ပဵၼ်ၼင်ႇၼၼ်လႄႈမႂ်းလၢတ်ႈတီႈၶဝ်လႄႈဝႃႈၸဝ်ႈထႃႇဝရႃႉၽြႃးမီးဢမိင်ႉၸမ်း၊-ၵူၼ်းမဵဝ်းဢိသရေႇလ ဢၼ်တႄႇႁဵတ်းရုၵ်ႉထူႉမၼ်းၵႃႈၼႂ်းႁူဝ်ၸႂ်မၼ်းလႄႈ ဢဝ်တုမ်မႆႉတူႉၸရိူၵ်ႈပုၼ်ႈဢၼ်တၵ်းၶီႇ လိုတ်းလႄႈလူမ်ႉမၼ်းၼၼ်ႉ
၅ ဝႆႉသိုဝ်ႈၼႃႈတႂ်ႈတႃမၼ်းယူႇသေလႄႈမႃးၸူးတီႈပရေႃးၽႅတ်ႈၼၼ်ႉၵဝ် ထႃႇဝရႃႉၽြႃးၼႆႉ တၵ်းၶိုၼ်းလၢတ်ႈတီႈၵေႃႉၼၼ်ႉၸွမ်းၵႃႈၼင်ႇဢၼ်ရုၵ်ႉထူႉမၼ်း ၼမ်ၵိုၼ်းၼႃႇလူင်လၢင်ၼၼ်ႉႁႂ်ႈထၼ်ႈပေႃး လႆႈဢၶႂၢင်ႉဢၼ်တီႉလႆႈမဵဝ်းဢိသရေႇလၸွမ်းၵႃႈၼင်ႇဢၼ် ၸႂ်သၽေႃးၶဝ်မီးၼၼ်ႉၵွပ်ႈပိူဝ်ႈဢၼ်ၶဝ်တင်းသဵင်ႈတင်းလူင် မီးၵႆယၢၼ်ၵၼ်တင်းၵဝ်ၵွပ်ႈပိူဝ်ႈရုၵ်ႉထူႉၶဝ်ၸိူဝ်းၼၼ်ႉဢေႃႈ၊ ဝႃႈၼင်ႇၼႆတႃႉ။
၆ ပိူဝ်ႈၼႆလႄႈလၢတ်ႈတီႈမဵဝ်းဢိသရေႇလလႄႈဝႃႈ၊-ၸဝ်ႈထႃႇဝရႃႉၽြႃးမီးဢမိင်ႉၸမ်း ဢွၼ်ၵၼ်ၶိုၼ်းမႃးလႄႈဝႄႈပႅတ်ႈရုၵ်ႉထူႉတင်းလၢႆသေလႄႈ ဝၢႆႇၼႃႈပႅတ်ႈသေလွင်ႈတၢင်းဢၼ်လီႁင်ႈဢဵတ်ႇသဵတ်ႇ ၵႃႈဢၼ် သူႁဵတ်းၸိူဝ်းၼၼ်ႉတႃႉ။
၇ ၵေႃႉဢၼ်ပဵၼ်မဵဝ်းဢိသရေႇလ ဢမ်ႇၼၼ်ၵေႃႉဢၼ်ပဵၼ်ၵူၼ်းတၢင်ႇၸိူဝ်ႉတၢင်ႇမဵဝ်းဢၼ်သွၼ်ႈပိုင်ႈယူႇ ၵႃႈၼႂ်းမဵဝ်း ဢိသရေႇလဢၼ်ၽၢတ်ႇယၢၼ်ၵၼ်တင်း ၵဝ်သေလႄႈတႄႇႁဵတ်းရုၵ်ႉထူႉမၼ်း ၵႃႈၼႂ်းႁူဝ်ၸႂ်မၼ်းလႄႈဢဝ်တုမ်မႆႉတူႉၸရိူၵ်ႈ ပုၼ်ႈဢၼ်တၵ်းၶီႇလိုတ်းလႄႈလူမ်ႉမၼ်းၼၼ်ႉဝႆႉသိုဝ်ႈၼႃႈတႂ်ႈတႃမၼ်းယူႇသေလႄႈ မႃးၸူးၵႃႈတီႈပရေႃးၽႅတ်ႈ ႁႂ်ႈလႆႈထၢမ်ဢလူဝ်ႇၵဝ်ပုၼ်ႈမၼ်းၼၼ်ႉၸိုင် ၵဝ်ထႃႇဝရႃႉၽြႃးၼႆႉတၵ်းၶိုၼ်းလၢတ်ႈတီႈၵေႃႉ ၼၼ်ႉၵူၺ်းၵဝ်ဢေႃႈ။
၈ ၵဝ်တၵ်းဝၢႆႇၼႃႈၵဝ်ပႅတ်ႈၵေႃႉၼၼ်ႉလႄႈ ႁႂ်ႈမၼ်းပဵၼ်တီဢၼ်လီဢၢမ်းပုၼ်ႈၼီႈမိၵ်ႈဢိၵ်ႇတင်းၵႂၢမ်းထုင်းဢေႃႈ။ၵဝ်တၵ်းပႄႇၵေႃႉၼၼ်ႉပႅတ်ႈသေၵႃႈၼႂ်းၵူၼ်းၵဝ်တင်းလၢႆလႄႈ သူတၵ်းလႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးဢေႃႈ။
၉ ပေႃးပရေႃးၽႅတ်ႈ ၸွမ်းတၢင်းဢၼ်ၽိတ်းဢၼ်ပိူင်ႈသေလႄႈ ႁေႃးလၢတ်ႈၸိုင်ၵဝ်ထႃႇဝရႃႉၽြႃးၼႆႉႁႂ်ႈပရေႃးၽႅတ်ႈ ၼၼ်ႉၸွမ်းတၢင်းဢၼ်ၽိတ်းဢၼ်ပိူင်ႈဢေႃႈ။ၵဝ်တၵ်းယဵတ်ႇမိုဝ်းၵဝ်ၸူးတီႈမၼ်းၼၼ်ႉလႄႈပႄႇမၼ်းပႅတ်ႈသေၵႃႈၼႂ်း ၵူၼ်းၵဝ်မဵဝ်းဢိသရေႇလ ဢေႃႈ။
၁၀ ၶဝ်တၵ်းလႆႈဢွၼ်ၵၼ်ၶၢမ်ႇတၢမ်ႇဢပျႅတ်ႈၶဝ်ဢေႃႈ။တၢမ်ႇဢၼ်ပရေႃးၽႅတ်ႈလႆႈၶၢမ်ႇၼၼ်ႉတၵ်းလႆႈမိူၼ်ၵၼ်တင်းတၢမ်ႇ ဢၼ်ၵေႃႉဢၼ်လဝ်ႈထၢမ် တီႈမၼ်းၼၼ်ႉလႆႈၶၢမ်ႇၼၼ်ႉဢေႃႈ။
၁၁ ပေႃးပဵၼ်ၸိူဝ်ႉၼင်ႇၼၼ်ၸိုင်ၵမ်းလိုၼ်းၵူၼ်းမဵဝ်းဢိသရေႇလ ယင်းဢမ်ႇဝႄႈဢမ်ႇပိူင်ႈၵဝ်။ဢမ်ႇဢဝ်တင်းဢပျႅတ်ႈဢၼ်ၶဝ်ၽိတ်းပိူင်ႈၵႃႈမီးႁႂ်ႈၶဝ်ၵူဝ်ႈၵိူၵ်ႇလႄႈ တၵ်းဢွၼ်ၵၼ်ပဵၼ်ၵူၼ်းၵဝ်ဢေႃႈ။ၵဝ်ၵေႃႈတၵ်းပဵၼ်ၽြႃးပဵၼ်ၸဝ်ႈၶဝ်ဢေႃႈ၊ ဝႃႈၼင်ႇၼံႆထႃႇဝရႃႉၽြႃးမီးဢမိင်ႉဢေႃႈ။
ဢမ်ႇလွတ်လႆႈတၢမ်ႇ
၁၂ လၢႆးသမ်ႉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ်လႄႈဝႃႈၸမ်း၊-လုၵ်ႈၵူၼ်းဢိူၺ်း။ မိူဝ်ႈဢၼ်သိုင်ႇၸိုင်ႈဝၢၼ်ႈမိူင်း ႁဵတ်းတၢင်းဢၼ်ၽိတ်းပိူင်ႈသေလႄႈ ပူၼ်ႉလိူဝ်ၵဝ်လႄႈ
၁၃ ၵဝ်ယဵတ်ႇမိုဝ်းၵဝ်ၵႃႈၼိူဝ်မၼ်းသေလႄႈ ႁၵ်းၶဝ်ႈမုၼ်းတၢင်းဢၼ်ၵမ်ႉဢၼ်ထွၵ်ႈပႅတ်ႈသေယဝ်ႉ ႁႂ်ႈတၢင်းၵိၼ်တၢင်းၶူပ်းၵႃႈပႅင်းလႄႈ ပႄႇၵူၼ်း ဢိၵ်ႇတင်းတရိၵ်ႈသၢၼ်ႇပႅတ်ႈသေၵႃႈၼႂ်းမၼ်း ၼၼ်ႉၸိုင်၊
၁၄ ပိၵ်ႉသမ်ႉၼူဝ်းဢႃႇ၊ တၢၼ်ႇယေႇလ၊ယေႃႇၽ သၢမ်ၵေႃႉၼႆႉမီးၵႃႈၼႂ်းမၼ်းသေၵေႃႈၶဝ်တၵ်းမီးဢၶႂၢင်ႉ ဢၼ်လႆႈၵႄႇသႄႇၼုၵ်ႈဢဝ်ဢသၢၵ်ႈဝိၺိၺ်ႇၶဝ် ၵူၺ်းၵွပ်ႈပိူဝ်ႈတၢင်းသိုဝ်ႈတေႃႇၶဝ်ၼၼ်ႉဢေႃႈ၊ ဝႃႈၼင်ႇၼႆၸဝ်ႈထႃႇဝရႃႉၽြႃးမီးဢမိင်ႉဢေႃႈ။
၁၅ ပေႃးၵဝ်ႁႂ်ႈတူဝ်ထိူၼ်ႇႁၢႆႉၵႂႃႇမႃးယူႇၵႃႈၼႂ်းမိူင်းလႄႈ မိူင်းၼၼ်ႉႁၢမ်းၵႂႃႇလႄႈ ပဵၼ်တီႈဢၼ်သိတ်ႇၵူၼ်းယဵၼ်ၵူၼ်းၵႂႃႇထၼ်ႈပေႃး ၽူႈ လႂ်ဢမ်ႇၵႂႃႇမႃးလႆႈၵွပ်ႈပိူဝ်ႈ တူဝ်ထိူၼ်ႇႁၢႆႉၸိူဝ်းၼၼ်ႉၸိုင်
၁၆ ပိၵ်ႉသမ်ႉသၢမ်ၵေႃႉၼၼ်ႉမီးယူႇၵႃႈၼႂ်းမၼ်းသေၵေႃႈ ၵႃႈၼင်ႇဢၼ်ၵဝ်ထႃႇဝရႃႉၽြႃးဢသၢၵ်ႈလိပ်းယူႇၼၼ်ႉ ၶဝ်ဢမ်ႇလႆႈၵႄႇသႄႇၼုၵ်ႈဢဝ်လုၵ်ႈၶဝ်လၢင်းၶဝ်၊ တူဝ်ၶဝ်ၵူၺ်းတၵ်းလႆႈၵတ်းယဵၼ်ၶျၢမ်းသႃႇလႄႈ မိူင်းၼၼ်ႉတၵ်းလႆႈပဵၼ် ဢၼ်သိတ်ႇဢၼ်ယဵၼ်ယူႇဢေႃႈ။
၁၇ ဢမ်ႇၼၼ်ပေႃးၵဝ်ႁႂ်ႈၽေးလၢပ်ႇၽေးလႅဝ်းႁွတ်ႈထိုင်ၵႃႈၼိူဝ်မိူင်းၼၼ်ႉလႄႈ လၢတ်ႈဝႃႈၽေးလၢပ်ႇၽေးလႅဝ်းဢိူၺ်း။ၵႂႃႇမႃးယူႇၵႃႈၼႂ်းမိူင်းၼၼ်ႉတႃႉ၊ဝႃႈၼင်ႇၼႆသေလႄႈ ၵဝ်ပႄႇၽဵဝ်ႈၵူၼ်းဢိၵ်ႇတင်းတရိၵ်ႈသၢၼ်ႇပႅတ်ႈ သေၵႃႈၼႂ်းမၼ်းၸိုင်
၁၈ ပိၵ်ႉသမ်ႉသၢမ်ၵေႃႉၼၼ်ႉမီးယူႇၵႃႈၼႂ်းမၼ်းသေၵေႃႈၵႃႈ ၼင်ႇဢၼ်ၵဝ်ထႃႇဝရႃႉၽြႃးဢသၢၵ်ႈလိပ်းယူႇၼၼ်ႉ ၶဝ်ဢမ်ႇလႆႈၵႄႇသႄႇၼုၵ်ႈဢဝ်လုၵ်ႈၶဝ်လၢင်းၶဝ်။ တူဝ်ၶဝ်ၵူၺ်းတၵ်းလႆႈၵတ်း ယဵၼ်ၶျၢမ်းသႃႇဢေႃႈ။
၁၉ ဢမ်ႇၼၼ်ပေႃးၵဝ်ပွႆႇၸႂ်ႉၵႃႇလႁႃႇလႅင်ႉမိူင်းၸူးၵႃႈၼႂ်း မိူင်းၼၼ်ႉလႄႈသွၼ်းလေႃႇဢၢႆႁႅင်းတေႃးသႃႉတၢင်းၸႂ်မႆႈၵဝ် ၼႂ်းလွင်ႈဢၼ်ထွၵ်ႇလိူတ်ႈၼၼ်ႉႁႂ်ႈလႆႈပႄႇၽဵဝ်ႈၵူၼ်းဢိၵ်ႇတင်းတရိၵ်ႈသၢၼ်ႇပႅတ်ႈၸိုင်ပိၵ်ႉသမ်ႉၼူဝ်းဢႃႇ၊
၂၀ တၢၼ်ႇယေႇလတင်းယေႃႇၽ ၸိူဝ်းၼၼ်ႉမီးယူႇၼႂ်းမၼ်းသေၵေႃႈၵႃႈ ၼင်ႇဢၼ် ထႃႇဝရႃႉၽြႃး ဢသၢၵ်ႈလိပ်းယူႇၼၼ်ႉ ၶဝ်ဢမ်ႇလႆႈၵႄႇသႄႇၼုၵ်ႈဢဝ်လုၵ်ႈၶဝ်လၢင်းၶဝ်။ၶဝ်တၵ်းလႆႈၵႄႇသႄႇၼုၵ်ႈဢဝ်ဢသၢၵ်ႈဝိၺိၺ်ႇတူဝ်ၶဝ်ၵူၺ်းၵွပ်ႈပိူဝ်ႈ တၢင်းဢၼ်သိုဝ်ႈတေႃႇၶဝ်ၼၼ်ႉဢေႃႈ၊ ဝႃႈၼင်ႇၼႆၸဝ်ႈထႃႇဝရႃႉၽြႃးမီးဢမိင်ႉ ဢေႃႈ။
၂၁ ပိူဝ်ႈၼႆလႄႈထႃႇဝရႃႉၽြႃးမီးဢမိင်ႉၸမ်း၊-မိူဝ်ႈဢၼ်ၵဝ်ပွႆႇၸႂ်ႉၽေးသီႇပႃး ဢၼ်ႁၢႆႉၼႃႇဢၼ်ဝႃႈၽေးလၢပ်ႇၽေးလႅဝ်း၊ ၽေးတၢင်းဢၼ်ဢိုပ်းဢၼ်ယၢၵ်ႈၽေးတူဝ်ထိူၼ်ႇႁၢႆႉ၊ ၽေးၵႃႇလႁႃႇလႅင်ႉမိူင်းၸိူဝ်းၼၼ်ႉ ၸူးၵႃႈတီႈဝဵင်းယေႇရုသလႅမ်ႇႁႂ်ႈလႆႈပႄႇၽဵဝ်ႈၵူၼ်းဢိၵ်ႇတင်း တရိၵ်ႈသၢၼ်ႇပႅတ်ႈသေၵႃႈၼႂ်းမၼ်းၼၼ်ႉၸိုင်တၵ်းယိင်ႈၶႅၼ်းလွတ်ႈယၢပ်ႇလိူဝ် တွၼ်းၼႃႇသေၼၼ်ႉဢမ်ႇၸႂ်ႈႁိုဝ်။
၂၂ ၼႂ်းဝႃႈၼၼ်သေၵေႃႈတၵ်းမီးလုၵ်ႈလၢင်းဢၼ်ၵိုတ်းဢၼ်ၵျၢၼ်ႇဢၼ်လွတ်ႈလႄႈဢွၵ်ႇၵႂႃႇၼၼ်ႉၵမ်ႈၽွင်ႈဢေႃႈ။ၶဝ်ၼၼ်ႉ တၵ်းဢွၵ်ႇမႃးၸူးၵႃႈတီႈသူလႄႈသူတၵ်းဢွၼ်ၵၼ်ႁူႉႁၼ်သဵၼ်ႈတၢင်းၶဝ် ဢိၵ်ႇတင်းတၢင်းၵမ်တၢင်းၵျၢင်ႉၶဝ်ၼၼ်ႉဢေႃႈ။ သူတၵ်းဢွၼ်ၵၼ်ထွၵ်ႈလူၺ်ႈဢမူႉၵဝ် ႁႂ်ႈႁွတ်ႈထိုင်ၵႃႈတီႈဝဵင်းယေႇရုသလႅမ်ႇဢၼ်ဝႃႈ ၵႃႈဢၼ်ၵဝ်ႁႂ်ႈႁွတ်ႈထိုင်ၵႃႈတီႈမၼ်းၼၼ်ႉ သေလႄႈလႆႈတၢင်းဢၼ်သၢၵ်ႈသႃႇဢေႃႈ။
၂၃ မိူဝ်ႈဢၼ်သူႁၼ်လွင်ႈတၢင်းဢၼ်ၶဝ်ၵမ်ၵျၢင်ႉ ၸိူဝ်းၼၼ်ႉၸိုင်ၶဝ်တၵ်းႁႂ်ႈသူသၢၵ်ႈသႃႇဢေႃႈ။သူတၵ်းလႆႈႁူႉလွင်ႈဢၼ်ယင်းဢမ်ႇမီးလွင်ႈမၼ်းလႄႈ ၵဝ်ဢမ်ႇႁဵတ်းၵႃႈဢၼ်ၵဝ်ႁဵတ်းၵႃႈၼႂ်းဝဵင်းယေႇရုသလႅမ်ႇၼၼ်ႉဢေႃႈ၊ ဝႃႈၼင်ႇၼႆၸဝ်ႈထႃႇဝရႃႉၽြႃးမီးဢမိင်ႉဢေႃႈ။