၁၁
တၢင်းဢၼ်ၸီႇယၢင်ႇၵူၼ်းႁူဝ်ဢိသရေလ
၁ လိုၼ်းၼၼ်ႉဝိၺိၺ်ႇၸဝ်ႈ ဢုမ်ႈယွင်ႈဢဝ်ၵဝ်လႄႈဢဝ်ၵဝ်ၵႂႃႇၵႃႈတီႈၽၵ်းတူၼႃႈဝၼ်းဢွၵ်ႇႁိူၼ်း ထႃႇဝရႃႉၽြႃးဢၼ်ဝၢႆႇၼႃႈ တေႃႇၽၢႆႇဝၼ်းဢွၵ်ႇၼၼ်ႉလႄႈၵႃႈတီႈႁူးၽၵ်းတူၼၼ်ႉ မီးၵူၼ်းသၢဝ်းႁႃႈၵေႃႉဢေႃႈ။ ႁၼ်ယႃႇၸၺႃႇလုၵ်ႈၸၢႆးဢၸရဢိၵ်ႇတင်းပေႇလတိလုၵ်ႈၸၢႆးပေႇၼႃႇယ ဢၼ်ပဵၼ်ၶုၼ်ၵႃႈၼႂ်း ၵူၼ်းတင်းလၢႆၼၼ်ႉဢေႃႈ။
၂ မၼ်းၸဝ်ႈမီးဢမိင်ႉတီႈၵဝ်ၸမ်း၊-လုၵ်ႈၵူၼ်းဢိူၺ်း။ၵူၼ်းၸိူဝ်းၼႆႉပဵၼ်ၵေႃႉဢၼ်ၵျၢမ်ႇပွင်တၢင်းၵျၢမ်ႇတၢင်းပွင် ဢၼ်ႁၢႆႉယုတ်ႈလႄႈႁဵတ်းတၢင်းဢၼ်တိူင်ႇပၢင်ႇဢၼ်ဢမ်ႇတြႃး ၵႃႈၼႂ်း ဝဵင်းၼႆႉဢေႃႈ။
၃ ၶဝ်ၸၢင်ႊဢွၼ်ၵၼ်လၢတ်ႈလႄႈဝႃႈၶိင်ႇဢၼ်တၵ်းလႆႈႁဵတ်းႁိူၼ်းႁဵတ်းယေးၼၼ်ႉ ဢမ်ႇပႆႇၸမ်။ဝဵင်းၼႆႉၸိုင်ပဵၼ်မေႃႈတူမ်ႈ၊ႁဝ်းပဵၼ်ၼိူဝ်ႉဢေႃႈ၊ဝႃႈၼင်ႇၼႆဢေႃႈ။ၵွပ်ႈပိူဝ်ႈဢၼ်ပဵၼ်ၼင်ႇၼႆလႄႈ လုၵ်ႈၵူၼ်းဢိူၺ်း။
၄ ႁဵတ်းပရေႃးၽႅတ်ႈယူႇၽၢႆႇၼိုင်ႈတင်းၶဝ်သေလႄႈႁေႃးလၢတ်ႈတႃႉ ၊ဝႃႈၼင်ႇၼႆဢေႃႈ။
၅ မိူဝ်ႈၼၼ်ႉဝိၺိၺ်ႇထႃႇဝရႃႉၽြႃး တူၵ်းႁွတ်ႈၵႃႈၼိူဝ်ၵဝ်လႄႈမီးဢမိင်ႉတီႈၵဝ်လႄႈဝႃႈ၊- မႂ်းႁေႃးလၢတ်ႈတႃႉ။ ထႃႇဝရႃႉၽြႃးမီးဢမိင်ႉၸမ်းမဵဝ်းဢိသရေႇလ ဢိူၺ်း။
၆ သူဢွၼ်ၵၼ်လၢတ်ႈဝႃႈၸိူဝ်ႉၼင်ႇၼႆယဝ်ႉ။ၵဝ်ႁူႉၵႃႈဢၼ်သူၵျၢမ်ႇပွင်ၼၼ်ႉယူႇဢေႃႈ။ သူဢွၼ်ႁႂ်ႈႁူဝ်ႁၢၼ်ၵူၼ်းသိုၵ်း ဢၼ်ၶၢမ်ႇတၢႆၼၼ်ႉ ၼမ်ၵိုၼ်းၼႃႇၵႃႈၼႂ်းဝဵင်းၼႆႉလႄႈ ႁႂ်ႈသဵၼ်ႈတၢင်းမၼ်းၸိူဝ်းၼၼ်ႉမီးတဵမ်ဝႆႉတင်း ႁူဝ်ႁၢၼ်ၵူၼ်းသိုၵ်းဢၼ်ၶၢမ်ႇတၢႆ ၸိူဝ်းၼၼ်ႉယဝ်ႉ။
၇ ပိူဝ်ႈၼႆလႄႈထႃႇဝရႃႉၽြႃးမီးဢမိင်ႉၸမ်းႁူဝ်ႁၢၼ်ၵူၼ်းသိုၵ်း ဢၼ်ၶၢမ်ႇတၢႆဢၼ်ယူႇဝႆႉၵႃႈၼႂ်းဝဵင်းၸိူဝ်းၼၼ်ႉ ပဵၼ်ၼိူဝ်ႉလႄႈဝဵင်းၼႆႉပဵၼ်မေႃႈတူမ်ႈဢေႃႈ။ ၼႂ်းဝႃႈၼၼ်သေၵေႃႈၵဝ်တၵ်းဢဝ်သူ ဢွၵ်ႇသေၵႃႈၼႂ်းဝဵင်းၼႆႉဢေႃႈ။
၈ ပိူဝ်ႈဢၼ်သူၵူဝ်ႁႄလၢပ်ႇလႅဝ်းလႄႈ ၵဝ်တၵ်းႁႂ်ႈလၢပ်ႇလႅဝ်းၸိူဝ်းၼၼ်ႉႁွတ်ႈထိုင်ၵႃႈၼိူဝ်သူဢေႃႈ၊ဝႃႈၼင်ႇၼႆၸဝ်ႈထႃႇဝ ရႃႉၽြႃးမီးဢမိင်ႉဢေႃႈ။
၉ ၵဝ်တၵ်းဢဝ်သူဢွၵ်ႇသေၵႃႈၼႂ်းဝဵင်းလႄႈ ဢဝ်သူဢၢပ်ႈပၼ်ၵႃႈၼႂ်းမိူင်းၵူၼ်းတင်းဝၢၼ်ႈတင်းမိူင်းတင်းလၢႆလႄႈ ႁဵတ်းတၢင်းဢၼ်ၸီႇ ယၢင်ႇတၢမ်ႇဢပျႅတ်ႈတီႈသူႇဢေႃႈ။
၁၀ သူတၵ်းလႆႈလူမ်ႉတူၵ်းလူၺ်ႈလၢပ်ႇလူၺ်ႈလႅဝ်းလႄႈ ၵဝ်တၵ်းၸႅတ်ႈထၢမ်ၸီႇယၢင်ႇသူ ၵႃႈတီႈၶွပ်ႇၼမ်ႉလႅၼ်လိၼ်မိူင်းဢိသရေႇလဢေႃႈ။သူတၵ်းလႆႈႁူႉလွင်ႈဢၼ်ၵဝ်ပဵၼ်ထႃႇ ဝရႃႉၽြႃးဢေႃႈ။
၁၁ ဝဵင်းၼႆႉဢမ်ႇလႆႈပဵၼ်မေႃႈတူမ်ႈသူ။သူၵေႃႈဢမ်ႇလႆႈပဵၼ်ၼိူဝ်ႉၵႃႈၼႂ်းမၼ်း။ၵဝ်တၵ်းၸႅတ်ႈထၢမ်ၸီႇယၢင်ႇသူ ၵႃႈတီႈၶွပ်ႇၼမ်ႉလႅၼ်လိၼ်မိူင်းဢိသရေႇလ လႄႈသူတၵ်းလႆႈႁူႉလွင်ႈဢၼ်ၵဝ်ပဵၼ် ထႃႇဝရႃႉၽြႃးဢေႃႈ။
၁၂ လွင်ႈမၼ်းၸမ်းသူဢမ်ႇၸွမ်းၵႃႈၼႂ်းသဵၼ်ႈတၢင်းထုင်းၾိင်ႈတြႃးၵဝ်။ဢမ်ႇပႂ်ႉဢမ်ၸွမ်းလွင်ႈတၢင်းဢၼ်ၵဝ်ၸီႇယၢင်ႇဝႆႉ။သူဢွၼ်ၵၼ်ႁဵတ်းၸွမ်းထုင်းၾိင်ႈတြႃး ၵူၼ်းၵူႈၸိူဝ်ႉၵူႈမဵဝ်းဢၼ်ယူႇၵႃႈတီႈလဵပ်ႈႁွပ်ႈႁိမ်းႁွမ်းသူၼၼ်ႉယဝ်ႉ၊ ဝႃႈၼင်ႇ ၼႆဢေႃႈ။
၁၃ ၼႂ်းမိူဝ်ႉဝၼ်းဢၼ်ၵဝ်ယင်းတိုၵ်ႉဢဝ်ပျႃႇတိၵ်ႈၸဝ်ႈႁေႃးလၢတ်ႈယူႇၼၼ်ႉၸိုင် ပေႇလတိ လုၵ်ႈၸၢႆးပေႇၼႃႇယ ၼၼ်ႉတၢႆဢေႃႈ။ၵဝ်ၵေႃႈၶုပ်ႉမူပ်ႇသေလႄႈႁဵတ်းတင်း သဵင်ဢၼ် ယႂ်ႇၼႃႇႁွင်ႉသႅၼ်ႇလႄႈဝႃႈ၊-ၸဝ်ႈထႃႇဝရႃႉၽြႃးတီႈၶႃႈ။ၸဝ်ႈႁဝ်းတၵ်းႁႂ်ႈၵူၼ်မဵဝ်းဢိသရေႇလ ဢၼ်ၵိုတ်းဢၼ်ၵျၢၼ်ႇတင်းလၢႆ သုမ်းၸွမ်းတီႈၶႃႈႁိုဝ်၊ဝႃႈၼင်ႇၼႆဢေႃႈ။
၁၄ လၢႆးသမ်ႉၼုၵ်ႉၵပၢတ်ႈထႃႇဝရႃႉၽြႃးႁွတ်ႈ မႃးတီႈၵဝ်လႄႈဝႃႈ၊-လုၵ်ႈၵူၼ်းဢိူၺ်း။
၁၅ ပီႈၼွင်ႉၸိူဝ်ႉၶိူဝ်းမဵဝ်းလဵဝ်ၵၼ်တင်းမႂ်းဢိၵ်ႇတင်းၵူၼ်းမဵဝ်းဢိသရေႇလ တင်းသဵင်ႈတင်းလူင်ၼၼ်ႉပဵၼ်ၶဝ်ၸိူဝ်းဢၼ်ၵူၼ်း ဝဵင်းယေႇရုသလႅမ်ႇလၢတ်ႈတေႃႇလႄႈဝႃႈ သူဢွၼ်ၵၼ်ဢွၵ်ႇသေၵႃႈတီႈထႃႇဝရႃႉၽြႃးၵႂႃႇၵႆၵႆတႃႉ။မိူင်းၼႆႉပဵၼ်တီႈဢၼ်မၼ်းၸဝ်ႈပၼ်ႁႂ်ႈႁဝ်းပိူင်ႇယဝ်ႉ၊ဝႃႈၼင်ႇၼႆဢေႃႈ။
ၵတိလွင်ႈဢိသရေႇလတေၶိုၼ်းမႃး
၁၆ ပိူဝ်ႈၼႆလႄႈဢွၼ်ၵၼ်လၢတ်ႈလႄႈဝႃႈ၊-ၸဝ်ႈထႃႇဝရႃႉၽြႃးမီးဢမိင်ႉၸမ်း၊- ပိၵ်ႉသမ်ႉၵဝ်ႁႂ်ႈၶဝ်ၶၢႆႉၵႂႃႇၸူးတီႈဢၼ်ၵႆၵႃႈၼႂ်းၵူၼ်း တၢင်ႇၸိူဝ်ႉတၢင်ႇမဵဝ်းတင်းလၢႆလႄႈ ဢဝ်ၶဝ်ၸၢတ်ႇပိုၼ်ပႅတ်ႈၵႃႈၼႂ်းၵူႈသိုင်ႇၵူႈမိူင်းသေၵေႃႈၵဝ်တၵ်းပဵၼ်ၸိူဝ်ႉၼင်ႇထႃႇၼႃႉတီႈဢၼ်မူတ်းၸၢင်ႇပုၼ်ႈၶဝ် ၵႃႈၼႂ်းမိူင်းတီႈဢၼ်ၶဝ်ႁွတ်ႈထိုင်ၸိူဝ်းၼၼ်ႉၵမ်းဢွၼ်ႇၼိုင်ႈဢေႃႈ၊ ဝႃႈၼင်ႇ ၼႆတႃႉ။
၁၇ ပိူဝ်ႈၼႆလႄႈဢွၼ်ၵၼ်လၢတ်ႈလႄႈဝႃႈ၊-ၸဝ်ႈထႃႇဝရႃႉၽြႃးမီးဢမိင်ႉၸမ်း၊-ၵဝ်တၵ်းသိမ်းဢဝ်သူဢွၵ်ႇသေၵႃႈၼႂ်း ၵူၼ်းၵူႈၸိူဝ်ႉၵူႈမဵဝ်းလႄႈႁႂ်ႈသူၸူႉၵၼ်တုမ်ၵၼ်ဢွၵ်ႇသေ ၵႃႈၼႂ်းၽႆးၵူႈသိုင်ႇၵူႈမိူင်းတီႈဢၼ်သူလႆႈၶၢမ်ႇ တၢင်းဢၼ်ဢဝ်ၸၢတ်ႇပိုၼ်ပႅတ်ႈၼၼ်ႉ လႄႈဢဝ်မိူင်းဢိသရေႇလပၼ်တီႈသူဢေႃႈ။
၁၈ ၶဝ်တၵ်းဢွၼ်ၵၼ် ႁွတ်ႈထိုင်ၵႃႈတီႈၼၼ်ႉလႄႈ ပႄႇၽဵဝ်ႈလွင်ႈတၢင်းဢၼ်ဝူၺ်ႇဢၼ်ႁင်ႈ ၵႃႈမီးဢိၵ်ႇတင်းလွင်ႈတၢင်းဢၼ်လီႁင်ႈဢဵတ်ႇသဵတ်ႇၵႃႈမီးၼၼ်ႉ ပႅတ်ႈဢေႃႈ။
၁၉ ၵဝ်တၵ်းပၼ်ႁူဝ်ၸႂ်ဢၼ်ၽွမ်ႉၵၼ်ပႅင်းၵၼ်ၼၼ်ႉတီႈၶဝ်လႄႈ ဢဝ်သၽေႃးဢၼ်မႂ်းသႂၢင်းသႂ်ႇပၼ်ၵႃႈၼႂ်းသူဢေႃႈ။
၂၀ ၵဝ်တၵ်းၼုၵ်ႈထွၼ်ဢဝ်ႁူဝ်ၸႂ်မၢၵ်ႇႁိၼ်ဢွၵ်ႇသေ ၵႃႈၼႂ်းတူဝ်ၶၼ်ႇထႃႇၶဝ်ပႅတ်ႈလႄႈ ပၼ်ႁူဝ်ၸႂ်ၼိူဝ်ႉတီႈၶဝ်ထၼ်ႈပေႃးႁႂ်ႈၶဝ်ၸွမ်းသဵၼ်ႈတၢင်းထုင်းၾိင်ႈတြႃးၵဝ်လႄႈ ပႂ်ႉၵမ်ပႂ်ႉၵျၢင်ႉလွင်ႈတၢင်းဢၼ်ၵဝ်ၸီႇယၢင်ႇဝႆႉၼၼ်ႉသေလႄႈ ႁဵတ်းၸွမ်းပွင်ၸွမ်းဢေႃႈ။ၶဝ်တၵ်းပဵၼ်ၵူၼ်းၵဝ်လႄႈၵဝ်ၵေႃႈ တၵ်းပဵၼ်ၽြႃးပဵၼ်ၸဝ်ႈၶဝ်ဢေႃႈ။
၂၁ ၶဝ်ၸိူဝ်းဢၼ်ဢဝ်ႁူဝ်ၸႂ်ၶဝ်ၸွမ်းဢလူဝ်ႇ လွင်ႈတၢင်းဢၼ်ဝူၺ်ႇဢၼ်ႁင်ႈၶဝ်ဢိၵ်ႇတင်းလွင်ႈတၢင်းဢၼ်လီႁင်ႈဢဵတ်ႇသဵတ်ႇၶဝ်ၼၼ်ႉၸမ်း ၵဝ်တၵ်းႁႂ်ႈဢပျႅတ်ႈတၢင်းၵမ်တၢင်းၵျၢင်ႉၶဝ် ႁွတ်ႈထိုင်ၵႃႈၼိူဝ်ႁူဝ်ၶဝ်ဢေႃႈ၊ ဝႃႈၼင်ႇၼႆၸဝ်ႈထႃႇဝရႃႉၽြႃးမီးဢမိင်ႉဢေႃႈ။
၂၂ မိူဝ်ႈၼၼ်ႉၶေႇရုၽိမ်ႇ ၸိူဝ်းၼၼ်ႉၵီႈပိၵ်ႇၶဝ်လႄႈမၢၵ်ႇလေၸိူဝ်းၼၼ်ႉၵေႃႈဢွၼ်ၵၼ်ၸပ်းၸွမ်းဢေႃႈ။မုၼ်ၽုင်းၽြႃးပဵၼ်ၸဝ်ႈမဵဝ်းဢိသရေႇလ ၵေႃႈမီးယူႇၵႃႈၼိူဝ်ၶဝ်ဢေႃႈ။
၂၃ မုၼ်ၽုင်းထႃႇဝရႃႉၽြႃးလုၵ်ႉဢွၵ်ႇသေၵႃႈၼႂ်းဝဵင်းၶိုၼ်ႈလႄႈ ၸုၵ်းယူႇၵႃႈၼိူဝ်လွႆဢၼ်မီး ၼႃႈဝၼ်းဢွၵ်ႇဝဵင်းၼၼ်ႉဢေႃႈ။
၂၄ ဝိၺိၺ်ႇၸဝ်ႈၵေႃႈႁွပ်ႇဢုမ်ႈဢဝ်ၵဝ်လႄႈ ဢဝ်ၵဝ်ၵႂႃႇၼႂ်းပျႃႇတိၵ်ႈရူႇပႃႇရုင်ႇၽြႃးပဵၼ်ၸဝ်ႈၸူးၵႃႈတီႈမိူင်းၶႃႇလ တေႇတီႈၶဝ်ၸိူဝ်းဢၼ် လႆႈၶၢမ်ႇတၢင်းဢၼ် သိမ်းဢဝ်ၵႂႃႇၼၼ်ႉဢေႃႈ။ပျႃႇတိၵ်ႈရူႇပႃႇရုင်ႇဢၼ်ၵဝ်ႁၼ်မႃးယဝ်ႉၼၼ်ႉၵေႃႈၽၢတ်ႇယၢၼ်ၵၼ်တင်းၵဝ်သေလႄႈ ၶိုၼ်ႈ ၵႂႃႇဢေႃႈ။
၂၅ မိူဝ်ႈၼၼ်ႉၵဝ်ဢဝ်လွင်ႈတၢင်းဢၼ်ထႃႇဝရႃႉၽြႃး ၼႄပျႃႉမႃးယဝ်ႉၵႃႈမီးၸိူဝ်းၼၼ်ႉမွၵ်ႇလၢတ်ႈတီႈၶဝ်ၸိူဝ်းဢၼ် လႆႈၶၢမ်ႇတၢင်းဢၼ်သိမ်းဢဝ်ၵႂႃႇၼၼ်ႉဢေႃႈ။