၈
တၢင်းဢၼ်ႁဵတ်းဝၢတ်ႈရူၵ်ႉထူႉၼႂ်းပိၵ်ႉမၢၼ်ႇ
၁ ၼႂ်းပီႊ ၸူဝ်ႈဢၼ်ထူၼ်ႈထိုင်ႁူၵ်းပီႊလိူၼ်သထမႁႃႈဝၼ်းၼၼ်ႉ ၼႂ်းမိူဝ်ႈဢၼ်ၵဝ်ယင်းတိုၵ်ႉၼင်ႈယူႇၵႃႈၼႂ်းႁိူၼ်းၵဝ်လႄႈ ၶဝ်ၸိူဝ်းဢၼ်ပဵၼ်ၵႄႇပဵၼ်ႁူဝ်မဵဝ်းယုတ တင်းလၢႆယင်းတိုၵ်ႉဢွၼ်ၵၼ်ၼင်ႈယူႇၵႃႈတီႈၽၢႆႇၼႃႈၵဝ်ၼၼ်ႉၸိုင် မိုဝ်းၸဝ်ႈထႃႇဝရႃႉၽြႃးတူၵ်း ႁွတ်ႈၵႃႈၼိူဝ်ၵဝ်ဢေႃႈ။
၂ မိူဝ်ႈၼၼ်ႉၵဝ်လူတူၺ်းလႄႈလႆႈႁၼ်ပုင်ႇႁၢင်ႊ ဢၼ်မိူၼ်ၸိူဝ်ႉၼင်ႇၽႆးၼၼ်ႉလႄႈဢဝ်ၵႃႈတီႈဢႅဝ်ႁၢင်ႊၽၢင်ၼၼ်ႉ လူင်းတႂ်ႈပဵၼ်ၸိူဝ်ႉၼင်ႇဢ ရွင်ႇၽႆးဝႆႉဢေႃႈ။ဢဝ်ၵႃႈတီႈဢႅဝ်ႁၢင်ႊၽၢင်ၼၼ်ႉၶိုၼ်ႈၼိူဝ်ပဵၼ်ၸိူဝ်ႉၼင်ႇ ဢရွင်ႇဢၼ်ႁိူဝ်ႈလႅင်းဢၼ်ဝႃႈ ၸိူဝ်ႉၼင်ႇဢရွင်ႇၶမ်းႁႃႉသမေႇလ ၼၼ်ႉ ဢေႃႈ။
၃ မၼ်းယဵတ်ႇပုင်ႇႁၢင်ႊၽၢင်မိုဝ်းသေလႄႈယိပ်းၵဝ်ဢဝ်ၶူၼ်ႁူဝ်ၵဝ်ယွမ်ႇၼိုင်ႈလႄႈ ဝိၺိၺ်ႇၸဝ်ႈဢုမ်ႈယွင်ႈဢဝ်ၵဝ် ၶိုၼ်ႈၵႃႈၼိူဝ်ၵႄႈဝူင်ႈၵၢင်လိၼ်မိူင်းတင်း ၾႃႉၵၢင်ႁၢဝ်လႄႈ ဢဝ်ၵဝ်ၵႂႃႇၵႃႈၼႂ်းပျႃႇတိၵ်ႈရူႇပႃႇရုင်ႇၽြႃးပဵၼ်ၸဝ်ႈၸူးၵႃႈတီႈဝဵင်းယေႇရုသလႅမ်ႇ တီႈႁူးၽၵ်းတူတၢင်းၼႂ်း ဢၼ်မီးၼႃႈတၢင်းႁွင်ႇ တီႈဢၼ်ပလၢင်ႇရုၵ်ႉထူႉတၢင်းဢၼ် ႁႂ်ႈတၢင်းၸႂ်မႆႈၶႂ်ႈၸႃႉၸဝ်ႈ ဢွၵ်ႇဢၼ်တိုၵ်းယူင်းတၢင်းၸႂ်မႆႈၶႂ်ႈၸႃႉၸဝ်ႈ ၼၼ်ႉမီးၼၼ်ႉဢေႃႈ။
၄ မုၼ်ၽုင်းၽြႃးပဵၼ်ၸဝ်ႈမဵဝ်းဢိသရေႇလ မီးယူႇၵႃႈတီႈၼၼ်ႉမိူၼ်ၸိူဝ်ႉၼင်ႇပုင်ႇႁၢင်ႊၽၢင် ဢၼ်ၵဝ်လႆႈႁၼ်ၵႃႈတီႈၼႂ်းတီႈပၢင်ႇပဵင်း ၼၼ်ႉဢေႃႈ။
၅ မၼ်းၸဝ်ႈမီးဢမိင်ႉတီႈၵဝ်လႄႈဝႃႈ၊-လုၵ်ႈၵူၼ်းဢိူၺ်း။ဢဝ်တႃမႂ်းမုင်ႈတူၺ်းၵႃႈတီႈၼႃႈတၢင်းႁွင်ႇတႃႉ၊ ဝႃႈၼင်ႇၼႆသေယဝ်ႉႉၵဝ်ဢဝ်တႃၵဝ်မုင်ႈတူၺ်းၵႃႈတီႈၼႃႈတၢင်းႁွင်ႇလႄႈ ႁၼ်ရုၵ်ႉထူႉဢၼ်ႁႂ်ႈတၢင်းၸႂ်မႆႈၶႂ်ႈၸႃႉၸဝ်ႈဢွၵ်ႇၼၼ်ႉ မီးယူႇၵႃႈတီႈၼႃႈတၢင်းႁွင်ႇ ၵႃႈၼႂ်းႁူးၽၵ်းတူယိတ်ႉပလၢင်ႇၼၼ်ႉဢေႃႈ။
၆ လၢႆးသမ်ႉၸဝ်ႈမီးဢမိင်ႉတီႈၵဝ်လႄႈဝႃႈ၊-လုၵ်ႈၵူၼ်းဢိူၺ်း။ မႂ်းႁၼ်လွင်ႈတၢင်းဢၼ်ၶဝ်ဢွၼ်ၵၼ်ႁဵတ်းဢၼ်ဝႃႈ လွင်ႈတၢင်းဢၼ်လီႁင်ႈဢဵတ်ႇသဵတ်ႇၼႃႇလူင်လၢင်ဢၼ်မဵဝ်းဢိသရေႇလ ႁဵတ်းဝႆႉၵႃႈတီႈၼၼ်ႉႁႂ်ႈၵဝ်လႆႈၽၢတ်ႇယၢၼ်ၵၼ်တင်း ထႃႇၼႃႉတီႈမူတ်း ၸၢင်ႇၵဝ်ၵႂႃႇၵႆၵႆၼၼ်ႉယဝ်ႉႁိုဝ်။
၇ မႂ်းသမ်ႉဝၢႆႇၶိုၼ်းတႃႉ။မႂ်းတၵ်းႁၼ်လွင်ႈတၢင်းဢၼ် လီႁင်ႈဢဵတ်ႇသဵတ်ႇဢၼ်ယိင်ႈၶႅၼ်း ယႂ်ႇၼႃႇဢေႃႈ၊ဝႃႈၼင်ႇၼႆလႄႈဢဝ်ၵဝ်ၵႂႃႇတီႈႁူးၽၵ်းတူတမ်ႇတိူင်းလႄႈ မိူဝ်ႈဢၼ်ၵဝ်လူတူၺ်းၼၼ်ႉၸိုင်ၵဝ်ႁၼ်ၶုမ်ႁူးၵႃႈၼႂ်းလမ်း တမ်ႇတိူင်းၼၼ်ႉဢေႃႈ။
၈ မၼ်းၸဝ်ႈသမ်ႉမီးဢမိင်ႉတီႈၵဝ်လႄႈဝႃႈ၊-လုၵ်ႈၵူၼ်းဢိူၺ်း။ၶုတ်းၶဝ်ႈၵႃႈၼႂ်းလမ်းတမ်ႇတိူင်းၼၼ်ႉတႃႉ၊ဝႃႈၼင်ႇၼႆလႄႈ ၵဝ်ၶုတ်းၶဝ်ႈ သေယဝ်ႉႁၼ်ႁူးၽၵ်းတူဢေႃႈ။
၉ မၼ်းၸဝ်ႈသမ်ႉမီးဢမိင်ႉတီႈၵဝ်လႄႈဝႃႈ၊-ၶဝ်ႈတႃႉ။လူတူၺ်းလွင်ႈတၢင်းဢၼ်ႁၢႆႉယုတ်ႈ ဢၼ်လီႁင်ႈဢဵတ်ႇသဵတ်ႇဢၼ်ၶဝ်ဢွၼ်ၵၼ်ႁဵတ်းၵႃႈတီႈၼၼ်တႃႉ၊ ဝႃႈၼင်ႇၼႆလႄႈ မိူဝ်ႈ ဢၼ်ၵဝ်ၶဝ်ႈလႄႈ
၁၀ လူတူၺ်းၼၼ်ႉၸိုင်ၵဝ်ႁၼ်ပုင်ႇႁၢင်ႊတူဝ်ဢၼ်ၸၢင်ႊၵၢၼ်း လႂ်၊ တရိၵ်ႈသၢၼ်ႇဢၼ်လီႁင်ႈဢဵတ်ႇသဵတ်ႇ လႂ်၊ရုၵ်ႉထူႉသင်းထူႉဢၼ်မဵဝ်း ဢိသရေႇလ ၵူဝ်းၵႂၢႆႇၵႃႈမီး လႂ်ၸိူဝ်းၼၼ်ႉတႅမ်ႈ သႂ်ႇဝႆႉမီးယူႇ ၵႃႈတီႈလဵပ်ႈႁွပ်ႈလမ်းတမ်ႇတိူင်းၼၼ်ႉဢေႃႈ။
၁၁ ၵူၼ်းဢၼ်ပဵၼ်ၵႄႇပဵၼ်ႁူဝ်ၼႂ်း မဵဝ်းဢိသရေႇလ ၸဵတ်းသိပ်းၵေႃႉ ဢွၼ်ၵၼ်ၸုၵ်းယူႇၵႃႈတီႈၽၢႆႇၼႃႈၶဝ်ယူႇ၊ယႃႇၸၺႃႇ လုၵ်ႈၸၢႆးသႃႇၽၼ်ႇၸုၵ်းယူႇၵႃႈၼႂ်းၶိုင်ႈၵၢင်ၶဝ်ယူႇလႄႈ ၶဝ်ဢွၼ်ၵၼ်ယိပ်းၵမ်ဢဝ်လၢင်ႇပၢၼ်းႁင်းၽႂ်ႁင်းမၼ်းလႄႈ ဢၢႆႁွမ်ၵွၼ်းၽႆးၼၢမ်ႇသႃႇၼၼ်ႉၶိုၼ်ႈၵႂႃႇၵႃႈၼိူဝ်ၼႃႇလူင်လၢင်ဢေႃႈ။
၁၂ မၼ်းၸဝ်ႈသမ်ႉမီးဢမိင်ႉတီႈၵဝ်လႄႈဝႃႈ၊-လုၵ်ႈၵူၼ်းဢိူၺ်း။မႂ်းႁၼ်လွင်ႈတၢင်းဢၼ်ၵူၼ်းဢၼ်ပဵၼ်ၵႄႇပဵၼ်ႁူဝ်ၼႂ်းမဵဝ်းဢိသရေႇလ ႁင်းၽႂ်ႁင်းမၼ်းႁဵတ်းၵႃႈၼႂ်းလပ်းသိင်ႇၵႃႈၼႂ်းလုၵ်း ဢၼ်တႅမ်ႈ သႂ်ႇပုင်ႇႁၢင်ႊဝႆႉၼၼ်ႉယဝ်ႉႁိုဝ်။ၶဝ်ဢွၼ်ၵၼ်လၢတ်ႈလႄႈဝႃႈထႃႇဝရႃႉၽြႃးဢမ်ႇႁၼ်ႁဝ်းၵူၺ်း။ ထႃႇဝရႃႉၽြႃးၸုၼ်ႉ ပႅတ်ႈလိၼ်မိူင်းယဝ်ႉ၊ဝႃႈၼင်ႇၼႆဢေႃႈ။
၁၃ မၼ်းၸဝ်ႈသမ်ႉမီးဢမိင်ႉတီႈၵဝ်လႄႈဝႃႈ၊-မႂ်းသမ်ႉဝၢႆႇၶိုၼ်းတႃႉ။မႂ်းတၵ်းႁၼ်လွင်ႈတၢင်းဢၼ် လီႁင်ႈဢဵတ်ႇသဵတ်ႇဢၼ်ယိင်ႈၶႅၼ်း ယႂ်ႇၼႃဢၼ်ၶဝ်ႁဵတ်းၼၼ်ႉဢေႃႈ၊ ဝႃႈၼင်ႇၼႆ သေယဝ်ႉ၊
၁၄ ဢဝ်ၵဝ်ၵႂႃႇၵႃႈတီႈႁူးၽ ၵ်းတူႁိူၼ်းထႃႇဝရႃႉၽြႃး ဢၼ်မီးၵႃႈတီႈၼႃႈတၢင်းႁွင်ႇလႄႈ ၵႃႈတီႈၼၼ်ႉၵဝ်ႁၼ်မေႈယိင်းတင်းလၢႆ ဢွၼ်ၵၼ်ႁႆႈႁွင်ႉပုၼ်ႈၽြႃးတမ်ႇမု ယူႇသေလႄႈၼင်ႈယူႇဢေႃႈ။
၁၅ မၼ်းၸဝ်ႈသမ်ႉမီးဢမိင်ႉတီႈၵဝ်လႄႈဝႃႈ၊-လုၵ်ႈၵူၼ်းဢိူၺ်း။မႂ်းႁၼ်လွင်ႈတၢင်းၼၼ်ႉယဝ်ႉႁိုဝ်။ မႂ်းသမ်ႉဝၢႆႇၶိုၼ်းတႃႉ။မႂ်းတၵ်းႁၼ်လွင်ႈတၢင်းဢၼ်လီႁင်ႈဢဵတ်ႇသဵတ်ႇ ဢၼ်ယိင်ႈၶႅၼ်း ယႂ်ႇၼႃႇသေၸိူဝ်းၼၼ်ႉလူး ၵွၼ်ႇဢေႃႈ၊ဝႃႈၼင်ႇၼႆသေယဝ်ႉ
၁၆ ဢဝ်ၵဝ်ၵႂႃႇၵႃႈတီႈၼႂ်းတမ်ႇတိူင်း တၢင်းၼႂ်းႁိူၼ်းထႃႇဝရႃႉၽြႃးလႄႈၵႃႈတီႈႁူးၽၵ်းတူပိၵ်ႉမၢၼ်ႇၸဝ်ႈ ၵႃႈၼႂ်းၵႄႈဝူင်ႈၵၢင်ၼႃႈပိၵ်ႉမၢၼ်ႇၸဝ်ႈတင်းယိတ်ႉပလၢင်ႇၼၼ်ႉ မီးၵူၼ်းသၢဝ်းႁႃႈဢၼ်ဢွၼ်ၵၼ်ၵွင်လင်တေႃႇပိၵ်ႉမၢၼ်ႇထႃႇဝရႃႉၽြႃးယူႇ၊ ဝၢႆႇၼႃႈၶဝ်ၵႂႃႇတၢင်းဢွၵ်ႇယူႇသေလႄႈ ၵူဝ်းၵႂၢႆႇၵၢင်ဝၼ်းတီႈၼႃႈတၢင်းဢွၵ်ႇၼၼ်ႉယူႇ ဢေႃႈ။
၁၇ မၼ်းၸဝ်ႈသမ်ႉမီးဢမိင်ႉတီႈၵဝ်လႄႈဝႃႈ၊-လုၵ်ႈၵူၼ်းဢိူၺ်း။မႂ်းႁၼ်လွင်ႈတၢင်းၼၼ်ႉယဝ်ႉႁိုဝ်။ဢပျႅတ်ႈဢၼ်မဵဝ်းယုတ ႁဵတ်းလွင်ႈတၢင်းဢၼ်လီႁင်ႈဢဵတ်ႇသဵတ်ႇဢၼ်ၶဝ်ႈႁဵတ်းၵႃႈတီႈၼႆႈၸိူဝ်းၼၼ်ႉၼၼ်ႉပဵၼ်ဢၼ်မဝ်မၢင်ႁိုဝ်။ၶဝ်ဢွၼ်ၵၼ်ႁႂ်ႈမိူင်းၸဝ်ႈတဵမ်ဝႆႉတင်းဢမူႉဢႃႉထမ်ႇမႃႉလႄႈ ဝၢႆႇၶိုၼ်းႁႂ်ႈလႆႈတိုၵ်းယူင်းတၢင်းၸႂ်မႆႈၶႂ်ႈၸႃႉၵဝ်ဢေႃႈ။ၶဝ်ဢွၼ်ၵၼ် ယိပ်းၵမ်ဢဝ်ၵိင်ႇမႆႉၶူဝ်ႈမႆႉၸပ်းၶူႈလင်ၶဝ်ဢေႃႈ။
၁၈ ပိူဝ်ႈၼႆလႄႈ ၵဝ်တၵ်းပွႆႇတၢင်းၸႂ်မႆႈၶႂ်ႈၸႃႉၵဝ်ၸူးဢေႃႈ။မၢၵ်ႇတႃၵဝ်တၵ်းဢမ်ႇသေလၢႆ ၵဝ်တၵ်းဢမ်ႇဢိတ်းလူ။ပိၵ်ႉသမ်ႉၶဝ်ႁဵတ်းတင်းသဵင်ဢၼ် ယႂ်ႇၼႃႇသႅၼ်ႇႁွင်ႉလဝ်ႈယွၼ်းယူႇတီႈႁူၵဝ်သေၵေႃႈ ၵဝ်ဢမ်ႇထွမ်ႇဢမ်ႇငိၼ်းၵႂၢမ်းၶဝ်ဝႃႈၼင်ႇၼႆဢေႃႈ။