၇
တီႈသုတ်းတီႈၵွႆထိုင်ယဝ်ႉ
၁ လၢႆးသမ်ႉၼုၵ်ႉၵပၢတ်ႈထႃႇဝရႃႉၽြႃး ႁွတ်ႈမႃးတီႈၵဝ်လႄႈဝႃႈ၊-
၂ လုၵ်ႈၵူၼ်းဢိူၺ်း။ၸဝ်ႈထႃႇဝရႃႉၽြႃးမီးဢမိင်ႉတီႈမိူင်းဢိသရေႇလလႄႈဝႃႈၸမ်း၊-မၼ်းမီးတီႈဢၼ်သုတ်းဢၼ်ၵွႆယဝ်ႉ။တီႈဢၼ်သုတ်းဢၼ်ၵွႆ ႁွတ်ႈထိုင်ၵႃႈၼိူဝ်သီႇၸဵင်ႇမၼ်းယဝ်ႉ။
၃ တီႈဢၼ်သုတ်းဢၼ်ၵွႆႁွတ်ႈထိုင်ၵႃႈၼိူဝ်မၼ်းလႄႈ ၵဝ်တၵ်းပွႆႇၸႂ်ႉတၢင်းၸႂ်မႆႈၶႂ်ႈၸႃႉၵဝ်ၸူးၵႃႈၼိူဝ်မႂ်းဢေႃႈ။ၵဝ်ၸၵ်းၸီႇယၢင်ႇၸွမ်းၼင်ႇ တၢင်းၵမ်တၢင်းၵျၢင်ႉမႂ်းလႄႈ ႁႂ်ႈဢပျႅတ်ႈလွင်ႈတၢင်း ဢၼ်လီႁင်ႈဢဵတ်ႇသဵတ်ႇၵႃႈဢၼ်မႂ်းႁဵတ်းမႅၼ်ႈၸိူဝ်းၼၼ်ႉ ႁွတ်ႈထိုင်ၵႃႈၼိူဝ်မႂ်း ဢေႃႈ။
၄ မၢၵ်ႇတႃၵဝ်တၵ်းဢမ်ႇသေလၢႆမႂ်း။ ၵဝ်တၵ်းဢမ်ႇဢိတ်းလူမႂ်းလႄႈတၵ်းႁႂ်ႈဢပျႅတ်ႈတၢင်းၵမ်တၢင်းၵျၢမ်ႉမႂ်းၼၼ်ႉႁွတ်ႈထိုင်ၵႃႈၼိူဝ်မႂ်းလႄႈ လွင်ႈတၢင်းဢၼ်လီႁင်ႈဢဵတ်ႇသဵတ်ႇ ဢၼ်မႂ်းႁဵတ်းမႅၼ်ႈၸိူဝ်းၼၼ်ႉ တၵ်းဢွၼ်ၵၼ်တႄႇယူႇၵႃႈၼႂ်းၵၢင်မႂ်းဢေႃႈ။မႂ်းတၵ်းလႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးဢေႃႈ။
၅ ၸဝ်ႈထႃႇဝရႃႉၽြႃးမီးဢမိင်ႉၸမ်း၊-တူၺ်းလူ။ၽေးဢၼ်ဝႃႈ ၽေးတႄႉတႄႉဝႃႈဝႃႈဢၼ်ၼိုင်ႈၼၼ်ႉႁွတ်ႈမႃးယဝ်ႉ။
၆ ၽေးဢၼ်ပဵၼ်တီႈသုတ်းတီႈၵွႆၼၼ်ႉႁွတ်ႈမႃးယဝ်ႉ။ၽေးဢၼ်ပဵၼ်တီႈသုတ်းတီႈၵွႆၼၼ်ႉႁွတ်ႈ မႃးယဝ်ႉ။
၇ မၼ်းပႂ်ႉမႂ်းယူႇသေလႄႈႁွတ်ႈမႃးဢေႃႈ။ၵူၼ်းဢၼ်ယူႇၵႃႈၼႂ်းမိူင်းၸဝ်ႈဢိူၺ်း။ လႄႉၵမ်းဢၼ်မႂ်းလႆႈၶၢမ်ႇၼၼ်ႉႁွတ်ႈမႃးယဝ်ႉ။ၶိင်ႇမၼ်းမိုဝ်ႉမၼ်းၸေးယဝ်ႉ။မိူဝ်ႉဝၼ်းဢၼ်ယင်းဢမ်ႇလႆႈမီးတၢင်းဢၼ်ႁွင်ႉသႅၼ်ႇပၢဝ်ႇသေႃႇ ၸူမ်းၸူမ်းသိူဝ်းသိူဝ်း ၵႃႈၼိူဝ်လွႆတင်းလၢႆသေလႄႈ ႁဵတ်းတၢင်းဢၼ်ႁူၼ်ဢဵၼ်မေႃး မႄးၼၼ်ႉၸမ်ယဝ်ႉ။
၈ ဢမ်ႇႁိုင်ဢမ်ႇၼၢၼ်းၵဝ်တၵ်းဢဝ်ဢၢႆႁႅင်းတေႃးသႃႉတၢင်းၸႂ်မႆႈၵဝ် သွၼ်းလေႃႇၵႃႈၼိူဝ်မႂ်းလႄႈ တၵ်းႁႂ်ႈဢလူဝ်ႇတၢင်းၸႂ်မႆႈၶႂ်ႈၸႃႉၵဝ်တဵမ်ထူၼ်ႈၵႃႈၼိူဝ်မႂ်းဢေႃႈ။ၵဝ်တၵ်းၸီႇယၢင်ႇၸွမ်းၼင်ႇတၢင်းၵမ်တၢင်းၵျၢင်ႉမႂ်းလႄႈႁႂ်ႈဢပျႅတ်ႈလွင်ႈ တၢင်းဢၼ်လီႁင်ႈဢဵတ်ႇသဵတ်ႇ ဢၼ်မႂ်းႁဵတ်းမႅၼ်ႈၸိူဝ်းၼၼ်ႉႁွတ်ႈထိုင်ၵႃႈၼိူဝ်မႂ်းဢေႃႈ။
၉ မၢၵ်ႇတႃၵဝ်တၵ်းဢမ်ႇသေလၢႆမႂ်း။တၵ်းဢမ်ႇဢိတ်းလူမႂ်းလႄႈတၵ်းႁႂ်ႈဢပျႅတ်ႈတၢင်းၵမ်တၢင်ၵျၢင်ႉမႂ်း ႁွတ်ႈထိုင်ၵႃႈၼိူဝ်မႂ်းလႄႈ လွင်ႈတၢင်းဢၼ်လီႁင်ႈဢဵတ်ႇသဵတ်ႇဢၼ်မႂ်းႁဵတ်းၸိူဝ်းၼၼ်ႉ တၵ်းဢွၼ်ၵၼ်တႄႇယူႇၵႃႈၼႂ်းၵၢင်မႂ်းဢေႃႈ။သူတၵ်းလႆႈႁူႉလွင်ႈဢၼ်ၵဝ်ထႃႇဝရႃႉၽြႃး ပၼ်တၢမ်ႇၼၼ်ႉဢေႃႈ။
၁၀ တူၺ်းလူ။မိူဝ်ႉဝၼ်းႁွတ်ႈမႃးယဝ်ႉ။ႁွတ်ႈမႃးယဝ်ႉ။ လႄႉၵမ်းဢၼ်မႂ်းတၵ်းလႆႈၶၢမ်ႇၼၼ်ႉၸေးယဝ်ႉ။ၶွၼ်ႉႁေႃႈၵီႈဝႆႉယဝ်ႉ။မႃႇၼႃႉပဵၼ်တုမ်ႇ ပဵၼ်ၵူႇဝႆႉယဝ်ႉ။
၁၁ တၢင်းဢၼ်ၼိၵ်ႈၸၢၵ်ႈငႅၼ်းသေးၼၼ်ႉတႅၵ်ႇဢွၵ်ႇပဵၼ်ၶွၼ်ႉႁေႃႈဢပျႅတ်ႈမႃးယဝ်ႉ။တၢင်းဢၼ်ၸူႉဢၼ်တုမ်ၶဝ်ပရိၵ်ႈသၢတ်ႈၶဝ်ဢိၵ်ႇတင်း ဢုၵ်ႉၸႃႇၶွင်ၶဝ်ၼၼ်ႉၸိူဝ်းၼၼ်ႉ ဢမ်ႇလႆႈၵိုတ်းဝႆႉၵျၢၼ်ႇဝႆႉလႃးလႃး။ ဢမ်ႇလႆႈႁဵတ်းတၢင်းဢၼ်ႁႆႈႁွင်ႉပွင်ႉၶင်းပုၼ်ႈ ၶဝ်လႃးလႃး။
၁၂ ၶိင်ႇမၼ်းမိုဝ်ႉမၼ်းၸေးယဝ်ႉ။မိုဝ်ႉမၼ်းဝၼ်းမၼ်းၸမ်ယဝ်ႉ။ ယႃႇပေႁႂ်ႈၵေႃႉဢၼ်သိုဝ်ႉဢဝ်ၼၼ်ႉမီးတၢင်းဢၼ်ၸူမ်းဢၼ်သိူဝ်း။ယႃႇပေႁႂ်ႈၵေႃႉဢၼ်ၶၢႆပၼ်ၼၼ်ႉ မီးၸႂ်ဢၼ်ဢမ်ႇသႃႇၶၢင်းၶီၶၢင်းၽၢၼ်။လွင်ႈမၼ်းၸမ်းတၢင်းၸႂ်မႆႈၶႂ်ႈၸႃႉၵဝ်တႄႇယူႇၵႃႈၼိူဝ်ပရိၵ်ႈ သၢတ်ႈၶဝ်တင်းသဵင်ႈတင်းလူင်ၼၼ်ႉ ဢေႃႈ။
၁၃ ၵေႃႉဢၼ်ၶၢႆပၼ်ၼၼ်ႉပိၵ်ႉသမ်ႉလွတ်ႈဢသၢၵ်ႈယူႇသေၵေႃႈမၼ်းဢမ်ႇလႆႈၶိုၼ်းလႄႈ မႃးၵႃႈတီႈၶိူင်ႈပိူင်ဢၼ်မၼ်းၶၢႆပၼ်ၼၼ်ႉ။ ပျႃႇတိၵ်ႈရူႇပႃႇရုင်ႇၼႆႉၸၢပ်ႈသႅင်ႇၵၼ်တင်းပရိၵ်ႈသၢတ်ႈၶဝ် တင်းသဵင်ႈတင်းလူင်လႄႈၽူႈ လႂ်ဢမ်ႇလႆႈၶိုၼ်းလႃးလႃး။ၽူႈ လႂ်သေၵေႃႉသေၵူၼ်း ဢမ်ႇလႆႈႁႂ်ႈတူဝ်ၸဝ်ႈၵဝ်ႇတႄႇယူႇၵႃႈ ၼႂ်းတၢင်းဢၼ်ဢမ်ႇတြႃးဢသၢၵ်မၼ်းၼၼ်ႉ။
၁၄ ၶဝ်ဢွၼ်ၵၼ်ပဝ်ႇၼႄးၶရႃႇႁႂ်ႈယၼ်ႇသိုၵ်းၶၢင်းသိုၵ်းယဝ်ႉ။ၵူၺ်းၵႃႈၽူႈ လႂ်သေၵေႃႉသေၵူၼ်းဢမ်ႇၶီႇဢမ်ႇၵႂႃႇ။လွင်ႈမၼ်းၸမ်းတၢင်းၸႂ်မႆႈၶႂ်ႈၸႃႉၵဝ်တႄႇယူႇၵႃႈၼိူဝ်ပရိၵ်ႈသၢတ်ႈၶဝ် တင်းသဵင်ႈတင်းလူင်ၼၼ်ႉ ဢေႃႈ။
၁၅ ၵႃႈတီႈၼွၵ်ႈၸမ်းမီးလၢပ်ႇမီးလႅဝ်းလႄႈၵႃႈတီႈၼႂ်းၸမ်းမီးၵႃႇလႁႃႇလႅင်ႉမိူင်း ဢိၵ်ႇတင်းတၢင်းဢၼ်ဢိုပ်းဢၼ်ယၢၵ်ႈဢေႃႈ။ၵေႃႉဢၼ်မီးၵႃႈတီႈၼွၵ်ႈတီႈပၢင်ႇၼၼ်ႉ တၵ်းလႆႈတၢႆ လူၺ်ႈလၢပ်ႇလူၺ်ႈလႅဝ်းလႄႈၵေႃႉဢၼ်မီးၵႃႈၼႂ်းၶူးၼႂ်းဝဵင်းၸမ်းတၵ်းသုမ်းလူၺ်ႈၵႃႇလႁႃႇလႅင်ႉမိူင်း ဢိၵ်ႇတင်းတၢင်းဢၼ်ဢိုပ်းဢၼ်ယၢၵ်ႈဢေႃႈ။
၁၆ ၼႂ်းဝႃႈၼၼ်သေၵေႃႈၶဝ်ၸိူဝ်းဢၼ်လွတ်ႈၼၼ်ႉ တၵ်းဢွၼ်ၵၼ်ၵၢင်းလွတ်ႈလႄႈတင်းသဵင်ႈတင်းလူင် တၵ်းၶၢင်းၶီၶၢင်းၽၢၼ်ယူႇၵႃႈၼႂ်းဢပျႅတ်ႈၶဝ်ႁင်းၽႂ်ႁင်းမၼ်းယူႇသေလႄႈ မီးယူႇၵႃႈၼိူဝ်လွႆတင်းလၢႆမိူၼ်ၸိူဝ်ႉၼင်ႇၼူၵ်ႉတူႈဢၼ်ယၢမ်ႈယူႇၵႃႈၼႂ်းတီႈပၢင်ႇတီႈႁူၺ်ႈၼၼ်ႉဢေႃႈ။
၁၇ ႁႅင်းမိုဝ်းၶဝ်ၵႃႈမီးၼၼ်ႉ တၵ်းလဵၵ်ႉတၵ်းၵေႇၵႂႃႇလႄႈႁူဝ်ၶဝ်ႇၶဝ်ၵႃႈမီးၼၼ်ႉ တၵ်းဢူၼ်ႈပိူဝ်ႉပႃႉပဵၼ်ၼမ်ႉၵႂႃႇ ဢေႃႈ။
၁၈ ၶဝ်တၵ်းဢွၼ်ၵၼ်ဢဝ်ၼင်ပေႃႁတ်ႉဢႅဝ်ယူႇ၊တၢင်းဢၼ်တူၵ်းၸႂ် လႂ် တိုၼ်ႇဢၼ်ႁႅင်းၼၼ်ႉ ယႂ်ႇၼႃႇတၵ်းႁူမ်ႇသုမ်ႇၶဝ်ယူႇ၊ တၢင်းဢၼ်ဢူၵ်းဢၼ်ဢၢႆတၵ်းမီးယူႇၵႃႈတီႈၼႃႈၶဝ်တင်းသဵင်ႈတင်းလူင်လႄႈ တၢင်းဢၼ်ထႃႁူဝ်ၵႅတ်းႁူဝ်တၵ်းမီးယူႇ ၵႃႈတီႈ ႁူဝ်ၶဝ်ဢေႃႈ။
၁၉ ၶဝ်တၵ်းဢဝ်ငိုၼ်းၶဝ်ထႅမ်ႈပႅတ်ႈၵႃႈၼႂ်းသဵၼ်ႈတႃႈသၢႆတၢင်းလႄႈမၢတ်ႈၶမ်းၶဝ်ပဵၼ်ၸိူဝ်ႉၼင်ႇလွင်ႈတၢင်းဢၼ်ၵူဝ်ႈၵိူၵ်ႇၼၼ်ႉဢေႃႈ။ငိုၼ်းၶဝ်ၶမ်းၶဝ်ၼၼ်ႉ ဢမ်ႇၵႄႇသႄႇၼုၵ်ႈဢဝ်ၶဝ်ၼႂ်းမိူဝ်ႉဝၼ်းဢၼ်တၢင်းၸႂ်မႆႈၶႂ်ႈၸႃႉထႃႇဝရႃႉၽြႃး ဢွၵ်ႇၼၼ်ႉလႆႈ။ဢမ်ႇၽႄႉဢလူဝ်ႇသၼ်ႇတႃႉႁူဝ်ၸႂ်ၶဝ်လႆႈ။ဢမ်ႇလဵင်ႉ တွင်ႉလဵင်ႉပုမ်ၶဝ်ဢိမ်ႇဢိမ်တဵမ်တဵမ်လႆႈ။ လွင်ႈမၼ်းၸမ်းငိုၼ်းၶမ်းၼၼ်ႉ ပဵၼ်တီႈဢၼ်လွင်တၢင်းဢၼ်ဢမ်ႇတြႃးၶဝ်ၼၼ်ႉ တၵ်းတိူဝ်ႉမႅၼ်ႈလႄႈလူမ်ႉ ဢေႃႈ။
၂၀ ၶိူင်ႈပိူင်ဢၼ်ႁၢင်ႊလီႁၢင်ႊငုမ်းတီႈၶဝ်ၼၼ်ႉပဵၼ်ပုၼ်ႈဢၼ်ၶဝ်တၵ်းမီးမုၼ်မီးၽုင်းဢေႃႈ။ၵူၺ်းၵႃႈ ၶဝ်ဢဝ်ရုၵ်ႉထူႉသၢင်းထူႉ ဢၼ်ပဵၼ်လွင်ႈတၢင်းဢၼ်လီႁင်ႈဢဵတ်ႇသဵတ်ႇၶဝ် ဢိၵ်ႇတင်းလွင်ႈတၢင်းဢၼ်ဝူၺ်ႇဢၼ်ႁင်ႈၶဝ်ၸိူဝ်းၼၼ်ႉပူၵ်ႉႁေႃႇ သႂ်ႇဝႆႉ ၵႃႈၼႂ်းမၼ်းဢေႃႈ။ပိူဝ်ႈၼႆလႄႈၵဝ်ၸီႇယၢင်ႇႁႂ်ႈၶိူင်ႈပိူင်ၼၼ်ႉပဵၼ်လွင်ႈတၢင်းဢၼ်ၵူဝ်ႈၵိူၵ်ႇတီႈၶဝ်ဢေႃႈ။
၂၁ ၵဝ်တၵ်းဢဝ်ဢၢပ်ႈပၼ် ၵႃႈၼႂ်းမိုဝ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆႁႂ်ႈၶဝ်ယႃႉပႅတ်ႈ ဢိၵ်ႇတင်းၵႃႈၼႂ်းမိုဝ်းၵူၼ်းဢႃႉထမ်ႇမႃႉတင်းလၢႆ ႁႂ်ႈၶဝ်ႁိမ်ဢဝ်ႁူင်ႇဢဝ်ယဝ်ႉ။ၶဝ်ၼၼ်ႉတၵ်းဢွၼ်ၵၼ်ႁႂ်ႈၵူဝ်ႈၵိူၵ်ႇဢေႃႈ။
၂၂ ၵဝ်တၵ်းဝၢႆႇၼႃႈၵဝ်ပႅတ်ႈသေလႄႈ ၶဝ်ၼၼ်ႉတၵ်းႁႂ်ႈထႃႇၼႃႉတီႈမူတ်းၸၢင်ႇၵဝ်ၵူဝ်ႈၵိူၵ်ႇလႄႈ ၸူၼ်တင်းလၢႆတၵ်းဢွၼ်ၵၼ်ၶဝ်ႈၵႃႈၼႂ်းမၼ်းလႄႈ ႁႂ်ႈၵူဝ်ႈၵိူၵ်ႇဢေႃႈ။
၂၃ ႁဵတ်းၸိူၵ်ႈလဵၵ်းတႃႉ။လွင်ႈမၼ်းၸမ်းမိူင်းၸဝ်ႈတဵမ်ဝႆႉတင်းဢပျႅတ်ႈ ဢၼ်ထွၵ်ႇလိူတ်ႈၵူၼ်းပႅတ်ႈလႄႈဝဵင်းၵေႃႈတဵမ်ဝႆႉတင်း တၢင်းဢၼ်ၼိၵ်ႈၸၢၵ်ႈငႅၼ်းသေး ဢေႃႈ။
၂၄ ၵွပ်ႈပိူဝ်ႈဢၼ်ပဵၼ်ၸိူဝ်ႉၼင်ႇၼၼ်လႄႈၵဝ်တၵ်းဢဝ်ၵူၼ်းတၢင်ႇၸိူဝ်ႉတၢင်ႇပိူင် ဢၼ်ႁၢဝ်ႈၵျၢမ်းၼႃႇသေပိူၼ်ႈၼၼ်ႉမႃးလႄႈ ၶဝ်ၼၼ်ႉတၵ်းသိမ်းဢဝ်ႁိူၼ်းၶဝ်ဢေႃႈ။ၵဝ်တၵ်းႁႂ်ႈမုၼ်ၽုင်းၶဝ်ၸိူဝ်းဢၼ်ႁႅင်း ယႂ်ႇၼႃႇၼၼ်ႉထၢတ်ႇယဵၼ်လႄႈ ထႃႇၼႃႉတီႈမူတ်းၸၢင်ႇၶဝ်ၸိူဝ်းဢၼ် တၵ်းမီးတၢင်းဢၼ်ၵူဝ်ႈၵိူၵ်ႇ ဢေႃႈ။
၂၅ ၽေးတၢင်းဢၼ်လူႉလႅဝ်မႃးဢေႃႈ။ၶဝ်တၵ်းဢွၼ်ၵၼ်ႁႃဢဝ် တၢင်းဢၼ်တဵတ်ႇလီၼိမ်လီလႄႈ ဢမ်ႇလႆႈထူပ်းလႃးလႃး။
၂၆ လိုၼ်းသေၽေးဢၼ်ၼိုင်ႈၽေးဢၼ်ၼိုင်ႈတၵ်းပေႃႇမႃးလႄႈ လိုၼ်းသေ သတၢင်းသဵင်ၶၢဝ်ႇဢၼ်ၼိုင်ႈ သတၢင်းသဵင်ၶၢဝ်ႇဢၼ်ၼိုင်ႈတၵ်းဢွၵ်ႇမႃးဢေႃႈ။ၶဝ်တၵ်းဢွၼ်ၵၼ်ႁႃဢဝ်ပျႃႇတိၵ်ႈရူႇပႃႇရုင်ႇပရေႃးၽႅတ်ႈဢေႃႈ။ၵူၺ်းၵႃႈဢၶႂၢင်ႉတၢင်းဢၼ်ႁေႃးတြႃး တၵ်းထၢတ်ႇသေတီႈယိတ်ႉပရေႃးႁိၵ်ႈတင်းလၢႆလႄႈဢၶႂၢင်ႉဢၼ်ပၼ်တၢင်းၵျၢမ်ႇတၢင်းပွင်ၼၼ်ႉ တၵ်းထၢတ်ႇသေတီႈၶဝ် ၸိူဝ်းဢၼ်ဢသၢၵ်ႈ ယႂ်ႇၼၼ်ႉဢေႃႈ။
၂၇ ၶုၼ်ႁေႃၶမ်းတၵ်းၶၢင်းၶီၶၢင်းၽၢၼ်ပွင်ႉမိုၼ်လႄႈ မူးမၢတ်ႈၽွင်းမိူင်းတင်းလၢႆ တၵ်းဢွၼ်ၵၼ်ၼုင်ႈၶူဝ်းၼုင်ႈတၢင်းဢၼ်ၵႂင်ၸႂ်ယုင်ႈၸႂ်ဢေႃႈ။မိူင်းၵူၼ်းဝၢၼ်ႈၵူၼ်းမိူင်းတင်းလၢႆ တၵ်းဢွၼ်ၵၼ်သၼ်ႇသၼ်ႇသၢႆသၢႆဢေႃႈ။ၵဝ်တၵ်းႁဵတ်းတီႈၶဝ် ၸွမ်းၵႃႈၼင်ႇသဵၼ်ႈတၢင်းဢၼ်ၶဝ်ၵႂႃႇၼၼ်ႉလႄႈ ၸီႇယၢင်ႇၶဝ်ၸွမ်းၵႃႈၼင်ႇဢၼ်ၶဝ်ၸီႇယၢင်ႇဝႆႉၼၼ်ႉဢေႃႈ။ၶဝ်တၵ်းလႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးဢေႃႈ ဝႃႈၼင်ႇၼႆဢေႃႈ။