၁
ယေႇၸၵျေႇလ လႆးၶၢမ်ႇႁွင်ႉဢဝ်လႄႈပွႆႇၸႂ်ႉၵွႃႇ
၁ ၼႂ်းပီႊဢၼ်ထူၼ်ႈထိုင်သၢမ်သိပ်းပီႊ လိူၼ်ၸတုၵ်ႉထႁႃႈဝၼ်း၊ၼႂ်းမိူဝ်ႈဢၼ်ၵဝ်ယင်းတိုၵ်ႉမီးယူႇၵႃႈ တီႈႁိမ်းၼမ်ႉႁွင်ႊၶေႇပႃႇလူၺ်ႈၵၼ်တင်းၶဝ်ၸိူဝ်းဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇၼၼ်ႉၾႃႉၵၢင်ႁၢဝ်ပိုတ်ႇလႄႈ ၵဝ်လႆႈႁၼ်ပျႃႇတိၵ်ႈရူႇပႃႇရုင်ႇၽြႃးပဵၼ်ၸဝ်ႈ ဢေႃႈ။
၂ ၼႂ်းပီႊဢၼ်ယေႇၶေႃႇၼိတူၵ်းသေႁၢင်ႈႁေႃပီႊပိၼ်ႇၸမလိူၼ်ၸတုၵ်ႉထႁႃႈဝၼ်းၼၼ်ႉ ၼုၵ်ႉၵပၢတ်ႈ ထႃႇဝရႃႉၽြႃးႁွတ်ႈထိုင်တီႈယိတ်ႉပရေႃးႁိၵ်ႈ ယေႇၸၵျေႇလ
၃ လုၵ်ႈၸၢႆးပုတိၵႃႈတီႈႁိမ်းၼမ်ႉႁွင်ႊၶေႇပႃႇၵႃႈၼႂ်းမိူင်းၶႃႇလတေႇ ၼၼ်ႉမိုဝ်းထႃႇဝရႃႉၽြႃးတၢင်ႇ သႂ်ႇယူႇၵႃႈၼိူဝ်မၼ်းဢေႃႈ။
၄ ၵဝ်လူတူၺ်းလႄႈ လူမ်းၽိဝ်ႁုင်ၽႃႈၽူၼ်ဢၼ် ယႂ်ႇၼႃႇပႃးတင်းၸၢၵ်ႈၽႆး ဢိၵ်ႇတင်းဢရွင်ႇဢၼ်ႁိူဝ်ႈလႅင်းယူႇၵႃႈႁိမ်းမၼ်းလႄႈ ဢွၵ်ႇမႃးၵႃႈၼႂ်းၽႆးမၼ်းမိူၼ်ၸိူဝ်ႉၼင်ႇၽႆးၼၼ်ႉ လုၵ်ႉသေၵႃႈတီႈၼႃႈတၢင်းႁွင်ႇ ပေႃႇမႃးဢေႃႈ။
၅ သတ်ႉတဝႃႇသီႇပႃးဢွၼ်ၵၼ်ပေႃႇ ဢွၵ်ႇမႃးၵႃႈၼႂ်းၸၢၵ်ႈၽႆးၼၼ်ႉဢေႃႈ။
၆ ႁၢင်ႊၽၢင်ၶဝ်ၼၼ်ႉၸမ်းပဵၼ်ၸိူဝ်ႉၼင်ႇႁၢင်ႊၽၢင်ၵူၼ်းလႄႈ ယေႈပႃးမီးၼႃႈသီႇဢၼ်ၼင်ႇၵၼ်၊ ပိၵ်ႇၵေႃႈယေႈပႃးမီး သီႇဢၼ်ၼင်ႇၵၼ်ဢေႃႈ။
၇ တိၼ်ၶဝ်ၼၼ်ႉပဵၼ်တိၼ်ဢၼ်သိုဝ်ႈဝႆႉလႄႈ ၽႃႇတိၼ်ၶဝ်ၼၼ်ႉပဵၼ်ၸိူဝ်ႉၼင်ႇၽႃႇတိၼ်ဝူဝ်းဢွၼ်ႇၼၼ်ႉသေလႄႈ လုၵ်ႉႁိူဝ်ႈယူႇမိူၼ် ၸိူဝ်ႉၼင်ႇတွင်းလိူင်ဢၼ်ဢူမႂ်ႇၼၼ်ႉဢေႃႈ။
၈ ၵႃႈတီႈတႂ်ႈပိၵ်ႇသီႇၼႃႈတူဝ်ၶဝ်ၼၼ်ႉ မီးမိုဝ်းၵူၼ်းလႄႈတင်း သီႇပႃးၼၼ်ႉတဵမ်ဝႆႉတင်းၼႃႈတင်းပိၵ်ႇဢေႃႈ။
၉ ပိၵ်ႇၶဝ်ၼင်ႇၵၼ်ဢၼ်ၼိုင်ႈလႄႈ ဢၼ်ၼိုင်ႈမီးတၢင်းဢၼ်ၸပ်းၵၼ်ယူႇလႄႈ ယၢမ်းမိူဝ်ႈဢၼ်ၶဝ်ၵႂႃႇၼၼ်ႉၸိုင်ၶဝ်ယင်းဢမ်ႇဝၢႆႇၵႂႃႇဝၢႆႇၶိုၼ်းလႄႈ ၸင်ႇဢွၼ်ၵၼ် ၵႂႃႇသိုဝ်ႈသိုဝ်ႈၵမ်းလဵဝ်ဢေႃႈ။
၁၀ ႁၢင်ႊၽၢင်ၼႃႈၶဝ်ၼၼ်ႉတဵမ်ဝႆႉတင်းၼႃႈၵူၼ်း၊ တင်းသီႇပႃးတဵမ်ဝႆႉတင်းၼႃႈသၢင်ႇသီႈၵႃႈတီႈၽၢႆႇၶႂႃၶဝ်၊ တင်းသီႇပႃးတဵမ်ဝႆႉတင်းၼႃႈဝူဝ်းၵႃႈတီႈၽၢႆႇသၢႆႉၶဝ် တင်းသီႇပႃးတဵမ်ဝႆႉတင်း ၼႃႈႁူင်ႉၶမ်းဢေႃႈ။
၁၁ ၼႃႈၶဝ်ပဵၼ်ၸိူဝ်ႉၼင်ႇၼၼ်ဝႆႉလႄႈပိၵ်ႇၶဝ်မီးတၢင်းဢၼ်ၵီႈၶိုၼ်ႈၵႃႈၼိူဝ်ဢေႃႈ။ပိၵ်ႇယေႈပႃးသွင်ဢၼ်ၼင်ႇၵၼ်ၸပ်းၵၼ်ယူႇသေလႄႈ ပိၵ်ႇယေႈပႃးသွင်ဢၼ် မီးတၢင်းဢၼ်ႁူမ်ႇသုမ်ႇတူဝ်ၶဝ် ယူႇဢေႃႈ။
၁၂ ၶဝ်ၼၼ်ႉၸင်ဢွၼ်ၵၼ်ၵႂႃႇသိုဝ်ႈသိုဝ်ႈၵမ်းလဵဝ်ဢေႃႈ။တီႈဢၼ်ဝိၺိၺ်ႇၸဝ်ႈမီးဢၶႂၢင်ႉဢၼ်လႆႈၵႂႃႇၼၼ်ႉၶဝ်ဢွၼ်ၵၼ်ၵႂႃႇလႄႈ ယၢမ်းမိူဝ်ႈဢၼ်ၶဝ်ၵႂႃႇၼၼ်ႉၸိုင်ၶဝ်ဢမ်ႇဝၢႆႇၵႂႃႇဝၢႆႇၶိုၼ်း။
၁၃ ဢရွင်ႇႁၢင်ႊၽၢင်သတ်ႉတဝႃႇၸိူဝ်းၼၼ်ႉၸမ်း မိူၼ်ၸိူဝ်ႉၼင်ႇဢရွင်ႇထၼ်းၽႆး ဢရွင်ႇဝၢၼ်ႇၽႆးတဵၼ်းၼၼ်ႉဢေႃႈ။ၽႆးၼၼ်ႉလႄႇၵႂႃႇလႄႇမႃးယူႇၵႃႈၼႂ်းၵၢင်သတ်ႉတဝႃႇၸိူဝ်းၼၼ်ႉလႄႈလုၵ်ႉႁိူဝ်ႈယူႇသေလႄႈၾႃႉမႅပ်ႈဢွၵ်ႇသေၵႃႈၼႂ်းၽႆးၼၼ်ႉမႃးဢေႃႈ။
၁၄ သတ်ႉတဝႃႇၸိူဝ်းၼၼ်ႉ မီးတၢင်းဢၼ်ၶုၼ်ႇလႅၼ်ႈယူႇၶိုၼ်းမႃးယူႇ မိူၼ်ၸိူဝ်ႉၼင်ႇဢရွင်ႇသၢႆၾႃႉမႅပ်ႈၼၼ်ႉဢေႃႈ။
၁၅ ၼႂ်းမိူဝ်ႈဢၼ်ၵဝ်ယင်းတိုၵ်ႉလူတူၺ်းသတ်ႉတဝႃႇၸိူဝ်းၼၼ်ႉယူႇၼၼ်ႉၸိုင် မၢၵ်ႇလေဢၼ်ၼိုင်ႈ ပေႃႇမႃးၵႃႈၼိူဝ်လိၼ်ၵႃႈတီႈႁိမ်း သတ်ႉတဝႃႇၸိူဝ်းၼၼ်ႉလႄႈ ပဵၼ်ယေႈဢၼ်သီႇၼႃႈသီႇၽၢႆႇၶဝ် ၼၼ်ႉဝႆႉဢေႃႈ။
၁၆ ႁၢင်ႊၽၢင်ဢိၵ်ႇတင်းတၢင်းဢၼ်ႁဵတ်းပုမ်မၢၵ်ႇလေၸိူဝ်းၼၼ်ႉဝႆႉၼၼ်ႉၸမ်း မိူၼ်ၸိူဝ်ႉၼင်ႇႁၢင်ႊၽၢင်ဢရွင်ႇသႅင်မျၢၵ်ႈရွႆးၼၼ်ႉလႄႈ သီဢၼ်ၼၼ်ႉမီးႁၢင်ႊၽၢင်ဢရွင်ႇမိူၼ်မိူၼ်ၵၼ်ဢေႃႈ။ႁၢင်ႊၽၢင်ဢိၵ်ႇတင်း တၢင်းဢၼ်ႁဵတ်းပုင်ႇၶဝ်ၼၼ်ႉၸမ်းပဵၼ်ၸိူဝ်ႉၼင်ႇဢဝ်မၢၵ်ႇလေ ဢၼ်ၼိုင်ႈ သႂ်ႇၵႃႈၼႂ်း မၢၵ်ႇလေဢၼ်ၼိုင်ႈဢေႃႈ။
၁၇ ယၢမ်းမိူဝ်ႈဢၼ်ၶဝ်ၵႂႃႇၼၼ်ႉၸိုင်ၶဝ်ၵႂႃႇတင်းသီႇၼႃႈလႄႈ ယင်းဢမ်ႇဝၢႆႇ ၵႂႃႇဝၢႆႇၶိုၼ်းလႄႈဢွၼ်ၵၼ်ၵႂႃႇဢေႃႈ။
၁၈ ဝႅၼ်းမူၼ်းၶဝ်ၼၼ်ႉသုင်ၼႃႇလူင်လၢင်လႄႈ ပဵၼ်ဢၼ်လီၵူဝ်လီႁႄဝႆႉဢေႃႈ။ဝႅၼ်းမူၼ်းသီႇပႃးၼၼ်ႉဢွၼ်ၵၼ်တဵမ်ဝႆႉတင်း မၢၵ်ႇတႃၸွမ်းႁိမ်းႁွမ်းလဵပ်ႈႁွပ်ႈၶဝ်ဢေႃႈ။
၁၉ ယၢမ်းမိူဝ်ႈဢၼ်သတ်ႉတဝႃႇၸိူဝ်းၼၼ်ႉၵႂႃႇၼၼ်ႉၸိုင် မၢၵ်ႇလေၸိူဝ်းၼၼ်ႉဢွၼ်ၵၼ်ၸပ်းၸွမ်းယူႇဢေႃႈ။ယၢမ်းမိူဝ်ႈဢၼ်သတ်ႉတဝႃႇၸိူဝ်းၼၼ်ႉၽၢတ်ႇယၢၼ်လိၼ်သေလႄႈ ၶိုၼ်ႈၼၼ်ႉၸိုင်မၢၵ်ႇလေၸိူဝ်းၼၼ်ႉဢွၼ် ၵၼ်ၶိုၼ်ႈဢေႃႈ။
၂၀ တီႈဢၼ်ဝိၺိၺ်ႇၸဝ်ႈမီးဢၶႂၢင်ႉဢၼ်လႆႈၵႂႃႇၼၼ်ႉၶဝ်ၵေႃႈ ဢွၼ်ၵၼ်ၵႂႃႇလႄႈဝိၺိၼ်ၸဝ်ႈမီးဢၶႂၢင်ႉဢၼ်လႆႈၵႂႃႇၵႃႈတီႈၼၼ်ႉလႄႈ မၢၵ်ႇလေၸိူဝ်းၼၼ်ႉၵေႃႈ ဢွၼ်ၵၼ်ၸပ်းၸွမ်းၶိုၼ်ႈဢေႃႈ။လွင်ႈမၼ်းၸမ်း ဝိၺိၺ်ႇသတ်ႉတဝႃႇၸိူဝ်းၼၼ်ႉမီး ၵႃႈၼႂ်းမၢၵ်ႇလေၸိူဝ်းၼၼ်ႉဢေႃႈ။
၂၁ ယၢမ်းမိူဝ်ႈဢၼ်ၶဝ်ၵႂႃႇၼၼ်ႉၸိုင်ၶဝ်ၼႆႉၵေႃႈ ဢွၼ်ၵၼ်ၵႂႃႇလႄႈ၊ ယၢမ်းမိူဝ်ႈဢၼ်ၶဝ်ၵိုတ်းသဝ်းၼၼ်ႉၶဝ်ၼႆႉၵေႃႈ ဢွၼ်ၵၼ်ၵိုတ်းသဝ်းဢေႃႈ။ယၢမ်းမိူဝ်ႈဢၼ်ၶဝ်ၽၢတ်ႇယၢၼ်လိၼ်မိူင်းလႄႈၶိုၼ်ႈၼၼ်ႉမၢၵ်ႇလေ ၸိူဝ်းၼၼ်ႉၵေႃႈဢွၼ်ၵၼ်ၸပ်းၸွမ်းၶဝ်လႄႈၶိုၼ်ႈဢေႃႈ။လွင်ႈမၼ်းၸမ်းဝိၺိၺ်ႇသတ်ႉတဝႃႇၸိူဝ်းၼၼ်ႉ မီးၵႃႈၼႂ်းမၢၵ်ႇ လေၸိူဝ်းၼၼ်ႉဢေႃႈ။
၂၂ ၵႃႈၼိူဝ်ႁူဝ်သတ်ႉတဝႃႇၸိူဝ်းၼၼ်ႉမီးဢရွင်ႇႁၢင်ႊၽၢင်ၼႃႃႈႉၵၢင်ႁၢဝ် ဢၼ်ပဵၼ်ၸိူဝ်ႉၼင်ႇဢရွင်ႇမၢၵ်ႇႁိၼ်ၸိင်ႇ ဢၼ်လီၵူဝ်လီႁႄၼၼ်ႉလႄႈ ၵင်ႈမုင်းဝႆႉၵႃႈၼိူဝ်ႁူဝ်ၶဝ်ၼၼ်ႉဢေႃႈ။
၂၃ ၵႃႈတႂ်ႈၾႃႉၵၢင်ႁၢဝ်ၼၼ်ႉ ပိၵ်ႇၶဝ်ၸိူဝ်းၼၼ်ႉမီးတင်းဢၼ်ၼိုင်ႈၵီႈၸူးၵႃႈတီႈဢၼ်ၼိုင်ႈ သိုဝ်ႈသိုဝ်ႈယူႇလႄႈၵႃႈတီႈၽၢႆႇၼိုင်ႈယေႈပႃးမီးပိၵ်ႇသွင်ဢၼ် ပုၼ်ႈဢၼ်တၵ်းႁူမ်ႇသုမ်ႇတူဝ်ၶဝ်၊ ၵႃႈတီႈၽၢႆႇၼိုင်ႈၵေႃႈယေႈပႃး မီးပိၵ်ႇသွင်ဢၼ်ပုၼ်ႈတၵ်းႁူမ်ႇသုမ်ႇတူဝ်ၶဝ် ဢေႃႈ။
၂၄ မိူဝ်ႈဢၼ်ၶဝ်ၵႂႃႇၼၼ်ႉၸိုင်ၵဝ်ငိၼ်းပိၵ်ႇၶဝ်လင်မေႃးၸိူဝ်ႉၼင်ႇၼမ်ႉသမ်ႇမုၵ်ႉတြႃႇ ဢိၵ်ႇတင်းၸိူဝ်ႉၼင်ႇသဵင်ၸဝ်ႈဢၼတ်ႈတႃႉတၼ်းၶူဝ်းၼၼ်ႉလႄႈ ပဵၼ်သဵင်ဢၼ်ႁူၼ်ႁၢၼ် ဢူၼ်ဢဵၼ်မေႃးမႄးမိူၼ်ၸိူဝ်ႉၼင်ႇသဵင်ႈၵႂၢမ်းမူႇၽုင်မုၵ်ႉၸိူဝ်း ၵူၼ်းဢၼ်ၵိုၼ်းၼမ်ၼႃႇၼၼ်ႉဢေႃႈ။ယၢမ်းမိူဝ်ႈဢၼ်ၶဝ်ၵိုတ်းသဝ်းၼၼ်ႉၶဝ်ဢွၼ်ၵၼ်ၶျႃးပိၵ်ႇၶဝ်သေလႄႈယူႇဢေႃႈ။
၂၅ ယၢမ်းမိူဝ်ႈဢၼ်ၶဝ်ၵိုတ်းသဝ်းလႄႈ ၶျႃးပိၵ်ႇၼၼ်ႉၸိုင်၊သဵင်ၵႂၢမ်း ဢွၵ်ႇၵႃႈၼႂႃ်းႉၵၢင်ႁၢဝ်ဢၼ်မီးၵႃႈၼိူဝ်ႁူဝ်ၶဝ်ၼၼ်ႉမႃးဢေႃႈ။
၂၆ ၵႃႈတီႈၼိူဝ်ၾႃႉၵၢင်ႁၢဝ်ဢၼ်ႇမီးၵႃႈၼိူဝ်ႁူဝ်ၶဝ်ၼၼ်ႉၵေႃႈ မီးႁၢင်ႊၽၢင်ရႃႇၸႃႉပလၢင်ႇဢၼ်ပုင်ႇႁၢင်ႊၽၢင် ပဵၼ်ၸိူဝ်ႉၼင်ႇဢရွင်ႇသႅင်ၼီႇလႃႇၼၼ်ႉလႄႈ ၵႃႈၼိူဝ်ႁၢင်ႊၽၢင်ပလၢင်ႇၼၼ်ႉၵေႃႈမီးႁၢင်ႊၽၢင် ၸိူဝ်ႉၼင်ႇပုင်ႇႁၢင်ႊၵူၼ်းၵႃႈၼိူဝ်မၼ်း ၼၼ်ႉဢေႃႈ။
၂၇ ၵဝ်လႆႈႁၼ်ဢၼ်ပဵၼ်ၸိူဝ်ႉၼင်ႇဢရွင်ႇၶမ်းႁႃႉသမေႇလဢိၵ်ႇတင်း ဢ ရွင်ႇၽႆးဢၼ်မီးၵႃႈၼႂ်းမၼ်းဢိၵ်ႇတင်း ၵႃႈတီႈႁိမ်းလဵပ်ႈႁွပ်ႈမၼ်းၼၼ်ႉဢဝ်ၵႃႈတီႈႁၢင်ႊၽၢင်ဢႅဝ်ၵူၼ်းၼၼ်ႉ ၶိုၼ်ႈၼိူဝ်ဢေႃႈ။ ၵဝ်လႆႈႁၼ်ဢၼ်ပဵၼ်ၸိူဝ်ႉၼင်ႇဢရွင်ႇၽႆးၼၼ်ႉ ဢဝ်ၵႃႈတီႈႁၢင်ႊၽၢင်ဢႅဝ်မၼ်းၼၼ်ႉလူင်းတႂ်ႈလႄႈ မီးတၢင်းဢၼ်ႁိူဝ်ႈလႅင်းယူႇၵႃႈတီႈလဵပ်ႈႁွပ်ႈ မၼ်းဢေႃႈ။
၂၈ ဢရွင်ႇဢၼ်ႁိူဝ်ႈလႅင်းၵႃႈတီႈႁိမ်းႁွမ်းလဵပ်ႈႁွပ်ႈၸိူဝ်ႉၼင်ႇၼၼ်ၼၼ်ႉ ပဵၼ်ၸိူဝ်ႉၼင်ႇဢရွင်ႇႁုင်းၺႆး ဢၼ်ပေႃႇမႃး ၵႃႈၼႂ်းၽႃႈၽူၼ်ၼႂ်းဝၼ်းဢၼ်ၽူၼ်တူၵ်းၼၼ်ႉဢေႃႈ။ဢၼ်ၼႆႉၸမ်းပဵၼ်ႁၢင်ႊၽၢင်ဢရွင်ႇမုၼ်ၽုင်းထႃႇဝရႃႉၽြႃးဢေႃႈ။မိူဝ်ႈဢၼ်ၵဝ်ႁၼ်ရူႇပႃႇရုင်ႇၼၼ်ႉၸိုင် ၵဝ်ၶုပ်ႉမူပ်ႇသေလႄႈငိၼ်းသဵင်ၸဝ်ႈဢၼ်လၢတ်ႈၵႂၢမ်းဢေႃႈ။