၈
ပိလတတ်ႉ
၁ မိူဝ်ႈၼၼ်ႉ ပိလတတ်ႉ မဵဝ်း သုဢႃႇ ဢွၵ်ႇသူပ်းၶိုၼ်းလၢတ်ႈလႄႈဝႃႈ၊-
၂ မႂ်းတၵ်းလၢတ်ႈၸိူဝ်ႉၼင်ႇၼႆယူႇၶိင်ႇၵႃႇလႃႉႁိုင်ၵႃႈႁိုဝ်။ၵႂၢမ်းဢၼ်ဢွၵ်ႇသူပ်းမႂ်းၼၼ်ႉတၵ်းပဵၼ်ၸိူဝ်ႉၼင်ႇ လူမ်းဢၼ်ႁႅင်းယႂ်ႇၼႃႇၼၼ်ႉၶိင်ႇ ၵႃႇလႃႉႁိုင်ၵႃႈႁိုဝ်။
၃ ၸွမ်းၼင်ႇဢၼ်ဢမ်ႇတြႃးသေလႄႈၽြႃးပဵၼ်ၸဝ်ႈတၵ်းပၼ်ဢပျႅတ်ႈႁိုဝ်။ၸဝ်ႈဢၼၼ်ႇတႃႉတၼ်းၶူဝ်းၼၼ်ႉ တၵ်းယႃႉတြႃးတၢင်းသိုဝ်ႈ တေႃႇပႅတ်ႈႁိုဝ်။
၄ မိူဝ်ႈဢၼ်လုၵ်ႈလၢင်းမႂ်းၸိူဝ်းၼၼ်ႉၽိတ်းပိူင်ႈမၼ်းၸဝ်ႈလႄႈ မၼ်းၸဝ်ႈဢဝ်ၶဝ်ဢၢပ်ႈပၼ်ၵႃႈၼႂ်းမိုဝ်း တၢင်းဢၼ်ပၼ်တၢမ်ႇဢပျႅတ်ႈဢၼ် ၶဝ်ၽိတ်းပိူင်ႈၼၼ်ႉသေၵေႃႈ
၅ ပေႃးမႂ်းယင်းဢမ်ႇၵိုတ်းဢမ်ႇသဝ်းလႄႈ ႁႃၽြႃးပဵၼ်ၸဝ်ႈ တွင်းပၢၼ်ႇတီႈၸဝ်ႈဢၼၼ်ႇတႃႉတၼ်းၶူဝ်းၸိုင်၊
၆ ပေႃးမႂ်းၶႂ်ႈမီးၸႂ်သၽေႃးဢၼ်မူတ်းသႂ်သိုဝ်ႈတေႃႇယူႇၸိုင် မၼ်းၸဝ်ႈတၵ်းလုၵ်ႉပုၼ်ႈမႂ်းလႄႈ ႁႂ်ႈတီႈယူႇတီႈသဝ်းဢၼ်သိုဝ်ႈ တေႃႇ မႂ်းၼၼ်ႉပဵၼ်ဢၼ်လီဢၼ်ငၢမ်းယူႇဢေႃႈ။
၇ ပိၵ်ႉသမ်ႉမိူဝ်ႈႁူဝ်ပိုင်းမႂ်းၼၼ်ႉ ပဵၼ်ဢၼ်လဵၵ်ႉဢၼ်ၵေႇသေၵေႃႈတီႈလိုၼ်းလင်သုတ်းမႂ်းတၵ်းယႂ်ႇၽႄႈတူဝ်း တွၼ်းမႃးၼႃႇလူင်လၢင်ဢေႃႈ။
၈ တွင်ႈထၢမ်တူၺ်းပူႇမွၼ်ႇၶဝ်ၼၼ်ႉလႄႈ ႁႂ်ႈလႆႈႁူႉတၢင်းဢၼ်ၶဝ်လႆႇၶၢမ်ႇတၢင်းဢၼ်ၸႅတ်ႈထၢမ်ၸၢမ်းတူၺ်းလႄႈ သွၼ်ဢဝ် မႃးၼၼ်ႉတႃႉ။
၉ ႁဝ်းၼႆႉပဵၼ််ၵူၼ်းမိူဝ်ႈဝႃးၵူၺ်းလႄႈဢမ်ႇႁူႉၵႃႈသင်လႃးလႃး။ မိူဝ်ႈဝၼ်းဢၼ်ႁဝ်းလႆႈယူႇၵႂႃႇၼိူဝ်လိၼ်မိူင်းၼႆႉၸိူဝ်းၼၼ်ႉ ပဵၼ်ႁူမ်ႈပဵၼ်ငဝ်းၵူၺ်း လွၼ်ႉလွၼ်ႉဢေႃႈ။
၁၀ ၶဝ်ၼၼ်ႉတၵ်းဢွၼ်ၵၼ်သင်ႇသွၼ်သုင်းမႃႉပၼ်မႂ်းလႄႈ လၢတ်ႈပၼ်တီႈမႂ်းဢဝ်ၵႃႈၼႂ်း ႁူဝ်ၸႂ်ၶဝ်ဢွၵ်ႇသူပ်းဝႃႈၼၼ်ႉဢမ်ႇၸႂ်ႈႁိုဝ်။
၁၁ ၸွင်ႇတူၼ်ႈၶႅမ်ၵမႃႇၼၼ်ႉ ယင်းဢမ်ႇမီးၵူမ်ႇမီးငႂ်းလႄႈယႂ်ႇမႃးလႆႈႁိုဝ်။ၸွင်ႇတူၼ်ႈယိူဝ်ႈဢၼ်ဢွၵ်ႇၵႃႈႁိမ်းၼမ်ႉႁွင်ႈၼၼ်ႉ ယင်းဢမ်ႇမီးၼမ်ႉလႄႈယႂ်ႇၽႄႈမႃးလႆႈႁိုဝ်။
၁၂ တူၼ်ႈၼၼ်ႉပိၵ်ႉသမ်ႉၶဵဝ်ယူႇလႄႈ ဢမ်ႇပၢတ်ႇဢမ်ႇထိူဝ်သေၵေႃႈ ယိင်ႈၶႅၼ်းၸၢင်ႊႁဵဝ်ႇၸၢင်ႈၸွပ်ႈၼႃႇသေတူၼ်ႈ တၢင်ႇၸိူဝ်ႉတၢင်ႇပိူင်ဢေႃႈ။
၁၃ သဵၼ်ႈတၢင်းၶဝ်ၵႃႈဢၼ်လူင်လိုမ်းၽြႃးပဵၼ်ၸဝ်ႈၼၼ်ႉ ပဵၼ်ၸိူဝ်ႉၼင်ႇၼၼ်လႄႈ တီႈဢၼ်ၵူၼ်းဢၼ်ၵူဝ်ႈဢၼ်ၵိူၵ်ႇ မုင်ႈမွင်းၼၼ်ႉတၵ်းႁွတ်ႈထိုင်တၢင်းလူႉတၢင်းသုမ်းဢေႃႈ။
၁၄ တၢင်းဢၼ်ၶဝ်ယုမ်ႇဢိင်ပိူင်ၼၼ်ႉ တၵ်းႁၵ်းၵႂႃႇၶၢတ်ႇၵႂႃႇလႄႈ၊ တၢင်းဢၼ်ၶဝ်သွၼ်ပိူင်ၼၼ်ႉၵေႃႈတၵ်းပဵၼ်ၸိူဝ်ႉၼင်ႇယႂ်းၵူင်ႇၵၢဝ်ႇဢေႃႈ။
၁၅ မၼ်းဢိင်ႁိူၼ်းမၼ်းၵေႃႈ ႁိူၼ်းမၼ်းၼၼ်ႉတၵ်းဢမ်ႇၶၢမ်ႇ တၢင်းဢၼ်မၼ်းဢိင်။မၼ်းဢဝ်တင်းမိုဝ်းယိပ်းၵမ်ၵေႃႈႁိူၼ်းမၼ်း ၼၼ်ႉဢမ်ႇမၼ်ႈဢမ်ႇၶိူင်ႇလႆႈ။
၁၆ ပိၵ်ႉသမ်ႉမၼ်းပဵၼ်ဢၼ်ၶဵဝ်ယူႇၵႃႈတီႈဢၼ်လႅတ်ႇထွင်ႇယူႇ၊ ၵိင်ႇမၼ်းၶႃႊ မၼ်း
၁၇ မီးတၢင်းဢၼ်ၸွတ်ႈတူဝ်ႈ ၵႃႈတီႈသူၼ်ဢူးယဵၼ်ႇမၼ်းယူႇ၊ ႁၢၵ်ႈမၼ်းလဵပ်ႈႁွပ်ႈၵဵဝ်ႈၶဵၼ်းၵွင်မၢၵ်ႇ ႁိၼ်လႄႈ
၁၈ ထူပ်းႁၼ်တီႈဢၼ်မၢၵ်ႇႁိၼ်ၼမ်ၼႃႇယူႇသေၵေႃႈ၊ ပေႃးမၼ်းလႆႈၶၢမ်ႇတၢင်းဢၼ်ပႄႇမူတ်းပႅတ်ႈသေၵႃႈတီႈဢၼ်မၼ်းယူႇၼၼ်ႉၸိုင်၊ တီႈၼၼ်ႉတၵ်းထဵင်ပႅတ်ႈမၼ်းလႄႈဝႃႈ၊-ၵဝ်ဢမ်ႇတွၼ်ႉလႆႈႁၼ် မႂ်း၊ဝႃႈၼင်ႇၼႆဢေႃႈ။
၁၉ သဵၼ်ႈတၢင်းဢၼ်မၼ်းၸူမ်းသိူဝ်းၼၼ်ႉပဵၼ်ၸိူဝ်ႉၼင်ႇၼၼ်လႄႈ၊ ပဵၼ်တၢင်ႇၵေႃႉတၵ်းဢွၼ်ၵၼ် ဢွၵ်ႇမႃးၵႃႈတီႈမုၼ်လိၼ်တီႈယူႇတီႈသဝ်းမၼ်းၼၼ်ႉဢေႃႈ။
၂၀ ၵေႃႉဢၼ်ၸေးၸုမ်ႇၼၼ်ႉၽြႃးပဵၼ်ၸဝ်ႈတၵ်းဢမ်ႇၸုၼ်ႉဢမ်ႇပႅတ်ႈ။ၶဝ်ၸိူဝ်းဢၼ်ႁဵတ်းဢၼ်ဢမ်ႇတြႃးၼၼ်ႉၸမ်း မၼ်းၸဝ်ႈ ဢမ်ႇၸွႆႈဢမ်ႇထႅမ်။
၂၁ မၼ်းၸဝ်ႈတၵ်းႁႂ်ႈသူပ်းမႂ်းပၢၵ်ႇမႂ်းတဵမ်ဝႆႉတင်းတၢင်းဢၼ်ယုမ်ႉဢၼ်ၶူဝ်လႄႈ ႁႂ်ႈသီႇသူပ်းမႂ်းတဵမ်ဝႆႉတင်း တၢင်းဢၼ်ၸူမ်းဢၼ်သိူဝ်းၼႃႇ လူင်လၢင်ဢေႃႈ။
၂၂ ၶဝ်ၸိူဝ်းဢၼ်ၸင်းမႂ်းၼၼ်ႉတၵ်းလႆႈဢွၼ်ၵၼ်ၶၢမ်ႇတၢင်းဢၼ်တၢင်းဢူၵ်းတၢင်းဢၢႆၼုင်ႈႁေႃႇလႄႈ သုမ်ႉထဵင်တီႈယူႇတီႈသဝ်း ၶဝ်ၸိူဝ်းဢၼ်ႁၢႆႉဢၼ်မိူၵ်ႈၼၼ်ႉ တၵ်းတၢႆႁွတ်ႈထိုင် တၢင်းဢၼ်လူႉဢၼ်သုမ်းဢေႃႈ၊ဝႃႈၼင်ႇၼႆဢေႃႈ။