၁၁
ၸေႃႇၽႃႇ
၁ မိူဝ်ႈၼၼ်ႉ ၸေႃႇၽႃႇ မဵဝ်းၼေႇမတ်ႉဢွၵ်ႇသူပ်းၶိုၼ်းလၢတ်ႈလႄႈဝႃႈ၊-
၂ တၵ်းဢမ်ႇမီးၵႂၢမ်းတွပ်ႇဢၼ်လၢတ်ႈၼမ်ၼႃႇၼႆႉႁိုဝ်။ၵေႃႉဢၼ်သူပ်းၼမ်ၵႂၢမ်းၽႄႈ ၼၼ်ႉတၵ်းလႆႈၵၢင်းလွတ်ႈတင်းဢပျႅတ်ႈႁိုဝ်။
၃ ၵႂၢမ်းဢၼ်မႂ်းဢုပ်ႇဢၢတ်ႇၼၼ်ႉ တၵ်းႁႂ်ႈပိူၼ်ႈတၢင်ႇၵေႃႉယူႇတဵတ်ႇတဵတ်ႇႁိုဝ်။မိူဝ်ႈဢၼ်မႂ်းသေႉသွမ်းၼၼ်ႉတၵ်း ဢမ်ႇမီးၵေႃႉဢၼ်ႁႂ်ႈမႂ်းဢူၵ်းဢၢႆႁိုဝ်။
၄ မႂ်းလဝ်ႈလၢတ်ႈတီႈၽြႃးပဵၼ်ၸဝ်ႈဝႃႈ၊- ၵႂၢမ်းမႂ်းၼႆႉသိုဝ်ႈလီဢေႃႈ။မႂ်းမူတ်းသႂ် သိုဝ်ႈၼႃႈတႂ်ႈတႃႇမၼ်းၸဝ်ႈယူႇဢေႃႈ၊ဝႃႈၼင်ႇၼႆယဝ်ႉ။
၅ ႁႂ်ႈၽြႃးပဵၼ်ၸဝ်ႈမီးဢမိင်ႉသေၵမ်းလူၺ်ႈ။ ႁႂ်ႈမၼ်းၸဝ်ႈၽုၺ်ႇသူပ်းမၼ်းၸဝ်ႈ ယူႇၽၢႆႇၼိုင်ႈၵၼ်တင်းမႂ်းသေၵမ်းလူၺ်ႈ။ ႁႂ်ႈမၼ်းၸဝ်ႈဢဝ်ပိင်ႇၺႃႇလွင်ႈတၢင်းဢၼ်လိုၵ်ႉဢၼ်လမ်ႇၼၼ်ႉ ၼႄပျႃးတီႈမႂ်းသေၵမ်းလူၺ်ႈ။လွင်ႈမၼ်းၸမ်း၊ပိင်ႇၺႃႇၼၼ်ႉပဵၼ်လၢႆၸိူဝ်ႉလၢႆပိူင် ၼႂ်းတၢင်းဢၼ်မၼ်း ပွင်ႁဵတ်းပွင်မႄး ၼၼ်ႉဢေႃႈ။
၆ ပိူဝ်ႈၼႆလႄႈမႂ်းႁူႉလွင်ႈဢၼ်ၽြႃးပဵၼ်ၸဝ်ႈဢမ်ႇပၼ်တၢမ်ႇဢပျႅတ်ႈ ဢၼ်ဢမ်ႇၵိုင်ႇဢမ်ႇတၢၼ်ႇၵၼ်တၢင်းဢၼ်မႂ်းထိူၵ်ႈၶၢမ်ႇၼၼ်ႉတႃႉ။
၇ မႂ်းၸႅတ်ႈထၢမ်ၸႅတ်ႈတူၺ်းလႄႈ ထူပ်းႁၼ်တၢင်းလၢၵ်ႇလၢႆးၽြႃးပဵၼ်ၸဝ်ႈလႆႈႁိုုဝ်။မႂ်းႁႃလႄႈတၵ်းႁူႉလွင်ႈဢၼၼ်ႇတႃႉတၼ်းၶူဝ်းၸဝ်ႈ သုတ်းတိူၵ်ႉလႆႈ ၼၼ်ႉႁိုဝ်။
၈ ပိူဝ်ႈဢၼ်ၶိုတ်းထိုငႃ်ႉၵၢင်ႁၢဝ်လႄႈမႂ်းတၵ်းႁဵတ်းၸိူဝ်ႉၼင်ႇႁိုဝ်လႆႈ။ပိူဝ်ႈဢၼ်ယိင်ႈၶႅၼ်းလိုၵ်ႉလမ်ႇၼႃႇသမေိူင်းမရၼႃႉလႄႈ မႂ်းတၵ်းႁူႉလႆႈၸိူဝ်ႉၼင်ႇႁိုဝ်။
၉ တၢင်းဢၼ်ၶပ်ႉဢၼ်တႅၵ်ႈမၼ်း ပူၼ်ႉပႅၼ်လိၼ်မိူင်းလႄႈၵႂၢင်ႈယႂ်ႇၼႃႇသေၼမ်ႉသမ်ႇမုၵ်ႉတြႃႇဢေႃႈ။
၁၀ ပေႃး မၼ်းၸဝ်ႈမႃးလႄႈ တီႉၵမ်ၶျုၵ်ႈဢဝ်မႂ်းသေယဝ်ႉၸႅတ်ႈသေးၼႂ်းလုမ်းၸိုင်၊ ၽူႈ လႂ်တၵ်းႁၢမ်ႈတပ်ႉႁႄႉၶႅၼ်မၼ်းၸဝ်ႈလႆႈ။
၁၁ မၼ်းၸဝ်ႈႁူႉၸၵ်းၶဝ်ၸိူဝ်းဢၼ်ႁၢႆႉမိူၵ်ႈၼၼ်ႉယူႇဢေႃႈ။ ပိၵ်ႉသမ်ႉမၼ်းၸဝ်ႈႁဵတ်းမိူၼ်ၼင်ႇႁၢင်ႈဢမ်ႇၶႆႈၸႂ်လူၺ်ႈလွင်ႈမၼ်းလႄႈ ယူႇသေၵေႃႈမၼ်း ၸဝ်ႈႁူႉႁၼ်တူႉၸရိူၵ်ႈၼၼ်ႉယူႇဢေႃႈ။
၁၂ ၵူၺ်းၵႃႈၵူၼ်းဢၼ်မိူၵ်ႈၼၼ်ႉဢမ်ႇလႆႈသတိပိင်ႇၺႃႇ။ ၵူၼ်းၸိုင်ၵိူတ်ႇလဵင်ႉမႃး ပဵၼ်ၸိူဝ်ႉၼင်ႇမႃႉလီႈဢွၼ်ႇဢၼ်ရိူင်းၼၼ်ႉဢေႃႈ။
၁၃ ပေႃးမႂ်းမႄးႁူဝ်ၸႂ်မႂ်းသေလႄႈ ယိုၼ်မိုဝ်းၸူးတီႈမၼ်းၸဝ်ႈ၊ ပေႃးမႂ်းၸုၼ်ႉပႅတ်ႈတူႉၸရိူၵ်ႈဢၼ်မီးယူႇၵႃႈၼႂ်း မိုဝ်းမႂ်းလႄႈ
၁၄ ဢမ်ႇပၼ်ႁႂ်ႈဢၼ်ႁၢႆႉဢၼ်မိူၵ်ႈမီးယူႇၵႃႈၼႂ်းသုမ်ႉထဵင်မႂ်းၸိုင် မႂ်းတၵ်းလႆႈယူႇလုင်ႈလီလွတ်ႈလီလႄႈ တၵ်းဢမ်ႇမီးတီႈဢၼ်လီၵူဝ်လီႁႄလႄႈတၵ်း လႆႈယူႇၼိမ်ၼိမ်လီလီဢေႃႈ။
၁၅ မိူဝ်ႈဢၼ်မႂ်းၼွၼ်းၼၼ်ႉၽူႈ လႂ်တၵ်းဢမ်ႇလွၵ်ႇဢမ်ႇငိုတ်ႈမႂ်းလႄႈ ၵူၼ်းၼမ် ၼႃႇတၵ်းဢွၼ်ၵၼ်ဝွၼ်းၸူးတီႈမႂ်းဢေႃႈ။
၁၆ မႂ်းတၵ်းလူင်လိုမ်းတုၵ်ႉၶႃႉ တၢင်းဢၼ်ၶၢၼ်ၸႂ် ဢၼ်မႂ်းလႆႈၶၢမ်ႇၼၼ်ႉလႄႈ မႂ်းတၵ်းၶုၵ်းၸႂ်ႈလႆႈၶႆႈၸႂ်ထူပ်းမၼ်းပဵၼ်ၸိူဝ်ႉၼင်ႇၼမ်ႉ ဢၼ်လႆႈပူၼ်ႉၵႂႃႇယဝ်ႉၼၼ်ႉဢေႃႈ။
၁၇ ဢသၢၵ်ႈမႂ်း တၵ်းႁိူဝ်ႈႁိူင်းၼႃႇသေဢရွင်ႇၵၢင်ဝၼ်းတဵင်ႈလႄႈ ပိၵ်ႉသမ်ႉမိူဝ်ႈလဵဝ်ၼႆႉလပ်းသိင်ႇသေၵေႃႈ၊တၵ်းပၢင်ႇၸိုၼ်ႈၸိူဝ်ႉၼင်ႇၵၢင်ၼႂ်ဢေႃႈ။
၁၈ မႂ်းတၵ်းလႆႈယူႇလုင်ႈလီလွတ်ႈလီ ၵွပ်ႈပိူဝ်ႈဢၼ်မီးတီႈဢၼ်မုင်ႈမွင်းၼၼ်ႉလႄႈ ပိၵ်ႉသမ်ႉမႂ်းသွၵ်ႈႁႃၵႃႈတီႈႁိမ်းမႂ်းသေၵေႃႈယင်းဢမ်ႇမီးတီႈဢၼ်လီၵူဝ်လီႁႄလႄႈ တၵ်း လႆႈယူႇၼိမ်ၼိမ်လီလီဢေႃႈ။
၁၉ မိူဝ်ႈဢၼ်မႂ်းၼွၼ်းၼၼ်ႉၽူႈ လႂ်တၵ်းဢမ်ႇလွၵ်ႇဢမ်ႇငိုတ်ႈမႂ်းလႄႈ ၵူၼ်းၼမ် ၼႃႇတၵ်းဢွၼ်ၵၼ်ဝွၼ်းၸူးတီႈမႂ်းဢေႃႈ။
၂၀ မၢၵ်ႇတႃႈၶဝ်ၸိူဝ်းဢၼ်ႁၢႆႉမိူၵ်ႈၼၼ်ႉ ႁႅင်းတၵ်းဢူၼ်ႈၵႂႃႇလႄႈတီႈဢၼ်ၶဝ်သွၼ်ႈပိုင်ႈၼၼ်ႉ တၵ်းလပ်ႉႁၢႆၵႂႃႇသေၵႃႈတီႈၶဝ်ဢေႃႈ။လွင်ႈဢၼ်ၶဝ်မုင်ႈထႃႈမွင်းထႃႈၼၼ်ႉတၵ်းပဵၼ်ဢၢႆပဵၼ်ၵႂၼ်းၵႂႃႇဢေႃႈ၊ ဝႃႈၼင်ႇၼႆဢေႃႈ။