၁၃
၁ တူၺ်းလူး။မၢၵ်ႇတႃၵဝ်ၼႆႉလႆႈႁၼ်လွင်ႈတၢင်းၵူႈၸိူဝ်ႉၵူႈပိူင်ၼၼ်ႉယဝ်ႉလႄႈ ႁူၵဝ်ၵေႃႈလႆႈငိၼ်းလႄႈႁူႉၸႅင်ႈ ယဝ်ႉ။
၂ ၵႃႈဢၼ်သူႁူႉၼၼ်ႉၵဝ်ၵေႃႈႁူႉဢေႃႈ။ ၵဝ်ယိင်ႈၶႅၼ်းယုတ်ႈယွမ်းၼႃႇသသေူဢမ်ႇၸႂ်ႈ။ၵဝ်မီးဢလူဝ်ႇ ၶႂ်ႈလဝ်ႈလၢတ်ႈတီႈၸဝ်ႈဢၼၼ်ႇတႃႉတၼ်းၶူဝ်းလႄႈ
၃ ၵဝ်ၶႂ်ႈတိူင်ႇပၢင်ႇတွင်ႈထၢမ်ၵၼ်တင်းၽြႃးပဵၼ် ၸဝ်ႈဢေႃႈ။
၄ သူၼႆႉပဵၼ်ၵေႃႉဢၼ်ပွင်ႁဵတ်းပွင်ႁႅၼ်းမူႉသႃႇလႄႈ ပဵၼ်မေႃယႃဢမ်ႇပွင်ႇလွင်ႈၵႃႈသင်လူင် ပေႇ။
၅ သူၼႆႉယင်းဢမ်ႇတၵ်းသဵင်လႃးလႃးလႄႈႁႂ်ႈဢွၼ်ၵၼ်ယူႇသေၵမ်းလူၺ်ႈ။ ပေႃးႁဵတ်းၸိူဝ်ႉၼင်ႇၼၼ် ၸိုင်မိူၼ်ၼင်ႇႁၢင်ႊသူမီးပိင်ႇၺႃႇဢေႃႈ။
၆ ဢွၼ်ၵၼ်ထွမ်ႇငိၼ်းလွင်ႈမၼ်းတၢင်းမၼ်း ဢၼ်ၵဝ်တၵ်းလၢတ်ႈၼၼ်ႉသေၵမ်း။ဢွၼ်ၵၼ်ဢဝ်ၵႂၢမ်းဢၼ်ၵဝ်တၵ်းဢဝ်သူပ်းၵဝ် တိူင်ႇပၢင်ႇတွင်ႈထၢမ်ၼၼ်ႉသႂၢင်း ၸႂ်ဝႆႉသေၵမ်း။
၇ သူတၵ်းယူႇၽၢႆႇၽြႃးပဵၼ်ၸဝ်ႈသေလႄႈလၢတ်ႈၵႂၢမ်းဢၼ်ဢမ်ႇတြႃးႁိုဝ်။ သူတၵ်းယူႇ ၽၢႆႇမၼ်းၸဝ်ႈသေလႄႈသုင်းသွင်ႇမူႉသႃႇႁိုဝ်။
၈ သူတၵ်းထွၵ်ႈလူၺ်ႈၼႃႈမၼ်းၸဝ်ႈႁိုဝ်။သူတၵ်းယူႇၽၢႆႇၽြႃး ပဵၼ်ၸဝ်ႈသေလႄႈတွပ်ႇထဵင်ႁိုဝ်။
၉ ပေႃးမၼ်းၸဝ်ႈၸႅတ်ႈထၢမ်ၸႅတ်ႈတူၺ်းသူ ၼႃႇၼႃႇၸိုင် တီႈသူတၵ်းမီးၵျေးၸူးႁိုဝ်။ၸိူဝ်ႉၼင်ႇဢၼ်ၽႅတ်ႉလႅၼ်ၵူၼ်း ၼၼ်ႉသူပႅတ်ႉလႅၼ်မၼ်းၸဝ်ႈလႆႈႁိုဝ်။
၁၀ ပေႃးသူသိူင်ႇမႅပ်းသေလႄႈ ထွၵ်ႈလူၺ်ႈၼႃႈပိူၼ်ႈၸိုင်၊မၼ်းၸဝ်ႈတၵ်း သင်ႇသွၼ်သုင်းမႃႉသူဢမၢၼ်ႇၶၢၼ်ပဵၼ်ဢေႃႈ။
၁၁ တၼ်းၶူဝ်းဢႃႇၼူႉၽေႃႇမၼ်းၸဝ်ႈတၵ်းႁႂ်ႈသူၵူဝ်ႁႄယူႇဢမ်ႇၸႂ်ႈႁိုဝ်။ မူၼ်ႈၵုင်ႇမၼ်းၸဝ်ႈဢၼ်လီၵူဝ်လီႁႄ ၼၼ်ႉတၵ်းႁႂ်ႈသူတူၵ်းၸႂ်ယူႇဢမ်ႇၸႂ်ႈႁိုဝ်။
၁၂ ၵႂၢမ်းဢၼ်လီမၢတ်ႈလီတွင်းတီႈသူၼၼ်ႉ ပဵၼ်ၵႂၢမ်းထုင်းၵဝ်ႇထုင်းမွၼ်ႇဢၼ်မိူၼ်ၸိူဝ်ႉၼင်ႇတဝ်ႈၼၼ်ႉလႄႈ လမ်းဝဵင်းဢၼ်သူသွၼ်ႈပိူင်ၼၼ်ႉၵေႃႈ ပဵၼ်ၸိူဝ်ႉၼင်ႇလမ်းဝဵင်း လိၼ်ၼဵဝ်ၼၼ်ႉဢေႃႈ။
၁၃ ယူႇတဵတ်ႇတဵတ်ႇယဵၼ်ယဵၼ်လႄႈ ႁႂ်ႈၵဝ်လႆႈလၢတ်ႈၵႂၢမ်းသေၵမ်းလူၺ်ႈ၊ဢမူႉၵႃႈသင်ၶႂ်ႈႁွတ်ႈထိုင်ၵႃႈၼိူဝ်ၵဝ်ၵေႃႈ ႁႂ်ႈမၼ်းႁွတ်ႈထိုင် သေၵမ်းလူၺ်ႈ။
၁၄ ၵူၺ်းၵႃႈၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၵဝ်တၵ်းလႆႈဢဝ်တင်း ၶဵဝ်ႈၵဝ်ၵၢပ်ႈဢဝ်ၼိူဝ်ႉၵဝ်လႄႈဢဝ်တင်းမိုဝ်းၵဝ်ယိပ်းၵမ်ဢဝ်ဢသၢၵ်ႈၵဝ်ယူႇၼင်ႇ ႁိုဝ်။
၁၅ ပိၵ်ႉသမ်ႉမၼ်းၸဝ်ႈဢဝ်ၵဝ်တၢႆသေၵေႃႈၵဝ်တၵ်းမုင်ႈထႃႈမွင်းထႃႈမၼ်းၸဝ်ႈယူႇလႄႈ ၵဝ်တၵ်းလဝ်ႈလၢတ်ႈလွင်ႈဢၼ်ၵဝ်ႁပ်ႉတုင်းဢဝ် သဵၼ်ႈတၢင်းၵဝ်တင်းလၢႆၼၼ်ႉၵႃႈတီႈၽၢႆႇၼႃႈမၼ်းၸဝ်ႈဢေႃႈ။
၁၆ ဢၼ်ၼႆႉၵူၺ်းတၵ်းပဵၼ်လွင်ႈတၢင်းဢၼ် ၵႄႇသႄႇၶျွတ်ႈဢဝ်ၵဝ်ဢေႃႈ။လွင်ႈမၼ်းၸမ်းၵူၼ်းဢႃႉထမ်ႇမႃႉဢမ်ႇလႆႈ ၶဝ်ႈၸူးၵႃႈတီႈမၼ်းၸဝ်ႈ။
၁၇ ဢွၼ်ၵၼ်ထွမ်ႇငိၼ်းၵႂၢမ်းၵဝ်ၸေးၸေးၸွတ်ႇၸွတ်ႇတႃႉ။ ဢွၼ်ၵၼ်ႁႂ်ႈၵႂၢမ်းဢၼ်ၵဝ်လဝ်ႈလၢတ်ႈၼႆႉ တႄႇယူႇၵႃႈၼႂ်းႁူသူတႃႉ။
၁၈ မိူဝ်ႈလဵဝ်ၼႆႉၵဝ်မႄးႁဵၼ်းဢမူႉၵဝ်ဝႆႉယဝ်ႉ။ၵဝ်ႁူႉလွင်ႈဢၼ်ၵဝ်ၵၢင်းလွတ်ႈတင်းဢပျႅတ်ႈၼၼ်ႉယူႇဢေႃႈ။ ၵေႃႉ ဢၼ်တၵ်းယူႇၽၢႆႇၼိုင်ႈတင်းၵဝ်သေလႄႈ
၁၉ ၽုၺ်ႇဢွၵ်ႇၼႄပျႃႉဢမူႉၵဝ်ၼၼ်ႉၸမ်းပဵၼ်ၽူႈ လႂ်။ပေႃးမီးၸိုင်ၵဝ်တၵ်းယူႇ တဵတ်ႇတဵတ်ႇယဵၼ်ယဵၼ်သေလႄႈ တိုတ်ႉၸႂ်ၵဝ်ၶၢတ်ႇဢေႃႈ။
၂၀ ၵူၺ်းၵွမ်ႉသွင်ပိူင်သွင်ပႃးၼၼ်ႉၵူၺ်း ယႃႇပေပၼ်တီႈၶႃႈၸဝ်ႈသေၵမ်းတီႈၶႃႈ။ပေႃးဢမ်ႇပၼ်ၸိုင် ၶႃႈၸဝ်ႈဢမ်ႇငိူင်ႉဝႄႈသေၵႃႈတီႈ ၽၢႆႇၼႃႈၸဝ်ႈႁဝ်းတီႈၶႃႈ။
၂၁ ၶႅၼ်းတေႃႈယိုတ်းဢဝ်မိုဝ်းၸဝ်ႈႁဝ်းၵႂႃႇၵႆၵႆသသေေၵမ်းတီႈၶႃႈ။ယႃႇပေႁႂ်ႈတၢင်းဢၼ်လီၵူဝ်လီႁႄၸဝ်ႈႁဝ်းၼၼ်ႉ ႁႂ်ႈၶႃႈၸဝ်ႈလႆႈတူၵ်း ၸႂ်သေၵမ်းၶႃႈ။
၂၂ မိူဝ်ႈၼၼ်ႉၶႅၼ်းတေႃႈႁွင်ႉသေၵမ်းတီႈၶႃႈ။ၶႃႈၸဝ်ႈတၵ်းၶိုၼ်းလဝ်ႈလၢတ်ႈတီႈၶႃႈဢေႃႈ။ဢမ်ႇၼၼ်ၵေႃႈ ႁႂ်ႈၶႃႈၸဝ်ႈလႆႈလဝ်ႈလၢတ်ႈလႄႈၸဝ်ႈႁဝ်းၶႅၼ်းတေႃႈၶိုၼ်းဢိူဝ်ႈသေၵမ်းတီႈၶႃႈ။
၂၃ တူႉၸရိူၵ်ႈဢပျႅတ်ႈ ဢၼ်ၶႃႈၸဝ်ႈႁဵတ်းမႅၼ်ႈၼၼ်ႉၼမ်ၼႃႇလူင်လၢင်ထၢၼ်ႇ လႂ်တီႈၶႃႈ။ၶႅၼ်းတေႃႈႁႂ်ႈၶႃႈၸဝ်ႈလႆႈႁူႉဢပျႅတ်ႈ တၢင်းဢၼ်ၶႃႈၸဝ်ႈၽိတ်း ပိူင်ႈပူၼ်ႉလိူဝ်ၼၼ်ႉသေၵမ်းတီႈၶႃႈ။
၂၄ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၸဝ်ႈႁဝ်းဝၢႆႇၼႃႈပႅတ်ႈသေလႄႈ မၢတ်ႈၶႃႈ ၸဝ်ႈပဵၼ်ရၢၼ်ႇသူႇၸဝ်ႈႁဝ်းၼၼ်ႉတီႈၶႃႈ။
၂၅ ၸဝ်ႈႁဝ်းတၵ်းလွၵ်ႇငိုတ်ႈမႂ်ႊမႆႉ ဢၼ်လူမ်းထူဝ်းယူႇၼၼ်ႉတီႈၶႃႈႁိုဝ်။ ၸဝ်ႈႁဝ်းတၵ်းလိုပ်ႈၸွမ်းလမ်းၸွမ်းယိူဝ်ႈႁႅင်းႁႂ်ႈ ၶိုတ်းတီႈၶႃႈႁိုဝ်။
၂၆ ၸဝ်ႈႁဝ်းယူႇၽၢႆႇၼိုင်ႈတင်းၶႃႈၸဝ်ႈသေလႄႈ မၢတ်ႈမၢႆတႅမ်ႈဝႆႉၵႂၢမ်းဢၼ်တၢင်ႇဢပျႅတ်ႈဢၼ်ၶူမ်ၼႃႇလူင်လၢင်ၼၼ်ႉတီႈၶႃႈဢေႃႈ။ၸဝ်ႈႁဝ်းႁႂ်ႈၶႃႈၸဝ်ႈၶၢမ်ႇဢမူၺ်ႇဢပျႅတ်ႈ ဢၼ်ၶႃႈၸဝ်ႈလႆႈႁဵတ်းမႅၼ်ႈ ၼႂ်းမိူဝ်ႈဢၼ်ဢသၢၵ်ႈၶႃႈၸဝ်ႈယင်းလဵၵ်ႉ
ယင်းဢွၼ်ႇၼၼ်ႉတီႈၶႃႈဢေႃႈ။
၂၇ ၸဝ်ႈႁဝ်းဢဝ်တိၼ်ၶႃႈၸဝ်ႈသႂ်ႇထိၵ်ႈသႂ်ႇထၢင်ႇယူႇ ပႂ်ႉသဵၼ်ႈတၢင်းဢၼ်ၶႃႈၸဝ်ႈတၵ်းၸွမ်းၵႃႈမီးၼၼ်ႉယူႇသေလႄႈ ၶိတ်ႇ ၵိတ်ႇလဵပ်ႈႁွပ်ႈၽႃႇတိၼ်ၶႃႈၸဝ်ႈဝႆႉတီႈၶႃႈဢေႃႈ။
၂၈ ၵေႃႉဢၼ်လႆႈၶၢမ်ႇၸိူဝ်ႉၼင်ႇၼၼ်ၼၼ်ႉ ပဵၼ်မိူၼ်ၸိူဝ်ႉၼင်ႇၶိူင်ႈပိူင်ဢၼ်ၽင်ႉဢူႉလႄႈလူႉၵႂႃႇလႅဝ်ၵႂႃႇ၊ ၸိူဝ်ႉၼင်ႇၶူဝ်းၼုင်ႈဢၼ်မူင်ႈမႅင်းၶူပ်းၵိၼ်ၼၼ်ႉ တီႈၶႃႈဢေႃႈ။