၃၁
၁ ၵဝ်ႁဵတ်းပတိၺိၼ်ႇ လူၺ်ၵၼ်တင်းမၢၵ်ႇတႃၵဝ်ဝႆႉယဝ်ႉ။ပိူဝ်ႈၼႆလႄႈၵဝ်တၵ်းဢမ်ႇပႃးၵီႉလေႇသႃႇလႄႈ လူတူၺ်းမေႈယိင်ႈဢၼ်ပဵၼ်သၢဝ်ၼၼ်ႉ။
၂ ပေႃးဢမ်ႇၼၼ် ပုၼ်ႈတႃႇဢၼ်ၽြႃးပဵၼ်ၸဝ်ႈတၵ်းယူႇၵႃႈတီႈၼိူဝ်ၼၼ်ႉလႄႈပၼ်ၼၼ်ႉပဵၼ်ၵႃႈသင်။ဢမူၺ်ႇဢၼ်ၸဝ်ႈဢၼၼ်ႇတႃႉတၼ်းၶူဝ်း တၵ်းယူႇၵႃႈတီႈ ဢၼ်သုင်ၼၼ်ႉလႄႈပၼ်ၼၼ်ႉပဵၼ်ၵႃႈသင်။
၃ တီႈၶဝ်ၸိူဝ်းဢၼ်ႁၢႆႉမိူၵ်ႈၼၼ်ႉ ပဵၼ်တၢင်းဢၼ်လူႉလႅဝ်လႄႈတီႈၶဝ်ၸိူဝ်းဢၼ်ၵမ်ၵျၢင်ႉတၢင်းဢၼ်ဢမ်ႇတြႃး ၼၼ်ႉပဵၼ်တၢင်းဢၼ်သုမ်းၸွမ်းဢမ်ႇၸႂ်ႈႁိုဝ်။
၄ မၼ်းၸဝ်ႈႁၼ်သဵၼ်ႈတၢင်းဢၼ်ၵဝ်ၵႂႃႇၼၼ်ႉယူႇ ဢမ်ႇၸႂ်ႈႁိုဝ်။မၼ်းၸဝ်ႈၼပ်ႉဢၢၼ်ႇႁွႆးတိၼ်ၵဝ်ၵႃႈမီးၼၼ်ႉ ဝႆႉယဝ်ႉဢမ်ႇၸႂ်ႈႁိုဝ်။
၅ ပေႃးၵဝ်လႆႈၸွမ်းမႅၼ်ႈသဵၼ်ႈတၢင်းမူႉသႃႇလႄႈ တိၼ်ၵဝ်လႆႈၶုၼ်ႇလႅၼ်ႈႁႂ်ႈလႆႈပႅတ်ႉ လႅၼ်မႅၼ်ႈၸိုင်
၆ ႁႂ်ႈၵဝ်လႆႈၶၢမ်ႇတၢင်းဢၼ်ၸင်ႈႁိဝ်ႈၵႃႈၼႂ်းယႃႇၸူႇ ဢၼ်မၢၼ်ႇဢၼ်မႅၼ်ႈၼၼ်ႉလႄႈႁႂ်ႈၽြႃးပဵၼ်ၸဝ်ႈ လႆႈႁူႉတၢင်းဢၼ်ၵဝ်သိုဝ်ႈတေႃႇၼၼ်ႉသေၵမ်းလူၺ်ႈ။
၇ ပေႃးတိၼ်ၵဝ်လႆႈၽိတ်းတၢင်းပိူင်ႈတၢင်းမႅၼ်ႈလႄႈ ႁူဝ်ၸႂ်ၵဝ်လႆႈၸွမ်းမႅၼ်ႈဢလူဝ်ႇမၢၵ်ႇတႃၵဝ်၊ပေႃးတၢင်းဢၼ်ၵူဝ်ႈၵိူၵ်ႇၶႆးတင်းလၢႆ ၸပ်းၵႃႈတီႈမိုဝ်းၵဝ်မႅၼ်ႈၸိုင်၊
၈ တၢင်းဢၼ်ၵဝ်ဝၢၼ်ႇၸိူဝ်ႉဝၢၼ်ႇၽၼ်းၼၼ်ႉ ႁႂ်ႈပိူၼ်ႈတၢင်ႇၵေႃႉလႆႈဢဝ် ၵိၼ်သေၵမ်းလူၺ်ႈ။
၉ ႁႂ်ႈပိူၼ်ႈတၢင်ႇၵေႃႉထူၺ်ႈဢဝ်တူၼ်ႈၵႃႈၵဝ်သေၵမ်းလူၺ်ႈ။ပေႃးၵဝ်လႆႈမီးၸႂ်ၸပ်းၸႂ်ၸွႆးမႅၼ်ႈမေးပိူၼ်ႈလႄႈ လွမ်ပႂ်ႉတူၺ်းမႅၼ်ႈၵႃႈတီႈႁိမ်းၽၵ်းတူၵူၼ်းႁိူၼ်းၸမ်ၵၼ်ၸိုင်၊ ႁႂ်ႈမေးၵဝ်လႆႈၶိုတ်ႈ ၵႃႈတီႈလူၺ်ၶိုတ်ႈၶဝ်ႈပိူၼ်ႈသေၵမ်းလူၺ်ႈ။
၁၀ ႁႂ်ႈပိူၼ်ႈလႆႈၼွၼ်းႁူမ်ႈလူၺ်ႈၵၼ်တင်းမၼ်း သေၵမ်းလူၺ်ႈ။
၁၁ ပေႃးၵဝ်ႁဵတ်းမႅၼ်ႈၸိူဝ်ႉၼင်ႇၼၼ်ၸိုင် ပဵၼ်ဢပျႅတ်ႈဢၼ်ယႂ်ႇၼႃႇလႄႈ ဢပျႅတ်ႈဢၼ်ထိူၵ်ႈၶၢမ်ႇရႃႇၸဝုတ်ႉဢေႃႈ။
၁၂ ဢၼ်ၸိူဝ်းၼၼ်ႉပဵၼ်ၽႆးဢၼ်မႆႈတေႃႇထိုင်ႁွတ်ႈထၢၼ်ႈပေႃးသုတ်းသဵင်ႈလႄႈ ထူၺ်ႈၸေးၸိမ်ႇၵႃႈမီးဢွၵ်ႇပႅတ်ႈဢေႃႈ။
၁၃ ပေႃးၵဝ်ႁဵတ်းမႅၼ်ႈဢမ်ႇပေႃးၼင်ႇႁိုဝ်တီႈဢမူႉ ၶႃႈၵူၼ်းၸၢႆးၵဝ်ၶႃႈၵူၼ်းယိင်းၵဝ်ၼႂ်းမိူဝ်ႈဢၼ် ၶဝ်ထူပ်းတြႃးၵၼ်တင်းၵဝ်ၼၼ်ႉၸိုင်
၁၄ မိူဝ်ႈဢၼ်ၽြႃးပဵၼ်ၸဝ်ႈထူၺ်းၺႃးၵဝ်ၼၼ်ႉၸိုင်ၵဝ်တၵ်းလႆႈႁဵတ်းၸိူဝ်ႉၼင်ႇႁိုဝ်။ယၢမ်းမိူဝ်ႈဢၼ်မၼ်းၸဝ်ႈၸႅတ်ႈထၢမ်ၼၼ်ႉ ၵဝ်တၵ်းလႆႈၶိုၼ်းလဝ်ႈ လၢတ်ႈၸိူဝ်ႉၼင်ႇႁိုဝ်။
၁၅ မၼ်းၸဝ်ႈႁဵတ်းႁႂ်ႈၵဝ်ပဵၼ်မႃးၵႃႈၼႂ်းတွင်ႉမေႈၵဝ်ဢမ်ႇၸႂ်ႈႁိုဝ်။မၼ်းၸဝ်ႈသူႇလဵဝ်ပႃးလဵဝ်ၵူၺ်းပွင်ႁဵတ်းပွင်မႄးႁဝ်း ၵႃႈၼႂ်းတွင်ႉမေႈႁဝ်း ဢမ်ႇၸႂ်ႈႁိုဝ်။
၁၆ ပေႃးၵဝ်ယင်းဢမ်ႇပၼ်တၢင်းဢၼ်ၵူၼ်းယၢၵ်ႈၵူၼ်းၽၢၼ်တုၵ်းဢၢင်ႈၼၼ်ႉလႄႈ ၵဝ်ယင်းႁဵတ်းႁႂ်ႈတႃမေႈမုၵ်ႉမေႈမၢႆႈလူႉ
၁၇ ပေႃးၵဝ်ဢမ်ႇၽေမႅင်ႇတၢင်းၵိၼ်တၢင်းၶူပ်း ပုၼ်ႈၵေႃႉဢၼ်ၽၢၼ်ပေႃႈၽၢၼ်မေႈၼၼ်ႉလႄႈ သိမ်းဝႆႉပုၼ်ႈတႃႇၵဝ်ၵူၺ်းလႄႈ
၁၈ မၼ်းၼၼ်ႉ လႆႈယႂ်ႇလႆႈသုင်မႃးယူႇတီႈၵဝ်မိူၼ်ၸိူဝ်ႉၼင်ႇတီႈပေႃႈၼၼ်ႉ ၸႃႉၸဵမ်မိူဝ်ႈဢၼ်ၵဝ်ဢသၢၵ်ႈယင်းလဵၵ်ႉယင်းဢွၼ်ႇၼၼ်ႉယဝ်ႉ။ပေႃးၵဝ်လႆႈၸွႆႈထႅမ်မႃႉၸႃႉမေႈယိင်းၸိူဝ်ႉၼင်ၼၼ်ၼၼ်ႉၸႃႉၸဵမ်မိူဝ်ႈ ဝၼ်းဢၼ်ၵဝ်ၵိူတ်ႇလဵင်ႉမႃးၼၼ်ႉ၊
၁၉ ပေႃးၵဝ်ႁၼ်သေၵေႃႉသေၵူၼ်း ႁွတ်ႈထိုင်တၢင်းလူႉတၢင်းလႅဝ်ၵွပ်ႈပိူဝ်ႈဢၼ်မၼ်းဢမ်ႇမီးၶူဝ်းၼုင်ႈတၢင်းမႆႊ ဢိၵ်ႇတင်းၵေႃႉဢၼ်ၸုတ်ႈဢၼ်လုတ်ႈ သေၵေႃႉသေၵူၼ်းယင်းဢမ်ႇ မီးတီႈဢၼ်တၵ်းႁူမ်ႇတၵ်းမႆႊလႄႈ
၂၀ ပေႃးႁူဝ်ၸႂ်မၼ်းယင်းဢမ်ႇပၼ်တၢင်းလီတီႈၵဝ် ၵွပ်ႈပိူဝ်ႈၵဝ်လႆႈဢဝ် ၶူၼ်သူဝ်းၵဝ်ဢုၼ်ႇမၼ်းလႄႈ
၂၁ ပေႃးၵဝ်ဢဝ်မိုဝ်းငႃၸူးမႅၼ်ႈၵေႃႉဢၼ်ၽၢၼ်ပေႃႈၽၢၼ်မေႈ ၵွပ်ႈပိူဝ်ႈၵဝ်ပဵၼ်ၵေႃႉဢၼ်ပႄႉၼႂ်းလုမ်းတြႃးၸိုင်ႁႂ်ႈၶႅၼ်ၵဝ်ၼႆႉ တူၵ်းသေၵႃႈတီႈႁူဝ်မႃႇၵဝ်ၵႂႃႇသေၵမ်းလူၺ်ႈ။
၂၂ ႁႂ်ႈၶေႃမိုဝ်းႁၵ်းသေၵႃႈတီႈလုပ်ႇမၼ်းသေၵမ်းလူၺ်ႈ။တၢင်းဢၼ်ၽြႃးပဵၼ်ၸဝ်ႈယႃႉပႅတ်ႈၼၼ်ႉ ပဵၼ်တီႈဢၼ်လီၵူဝ်လီႁႄတီႈၵဝ်လႄႈ
၂၃ ၵဝ်ယင်းဢမ်ႇမီးႁႅင်းလႄႈယူႇၵွပ်ႈပိူဝ်ႈ တၼ်းၶူဝ်းဢႃႇၼူႉၽေႃႇ မၼ်းၸဝ်ႈၼၼ်ႉ ဢေႃႈ။
၂၄ ပေႃးၵဝ်ဢိင်ပိူင်လူၺ်ႈၶမ်းလႄႈလၢတ်ႈတီႈၶမ်းလွတ်ႈငၢၼ်ႇလႄႈဝႃႈ၊-မႂ်းၼႆႉပဵၼ်တီႈဢၼ်ၵဝ်သွၼ်ႈ ပိုင်ႈဢေႃႈ၊ဝႃႈၼင်ႇၼႆလႄႈ၊
၂၅ ပေႃးၵဝ်ဢုပ်ႇဢၢတ်ႇၸူမ်းသိူဝ်းၵွပ်ႈပိူဝ်ႈၸေးၸိမ်ႇၵဝ် ဢၼ်ယႂ်ႇဢၼ်မိုဝ်း ၵဝ်လႆႈသိမ်းဝႆႉၼမ်ၼႃႇၼၼ်ႉ၊
၂၆ ပေႃးၵဝ်လူတူၺ်းၵၢင်ဝၼ်းဢၼ်သၢႆဢရွင်ႇမၼ်းႁိူဝ်ႈဢွၵ်ႇတွၵ်ႈဢွၵ်ႇ လိူၼ် ဢၼ်ႁိူဝ်ႈႁိူင်းပိူင်းသႂ်ၼၼ်ႉလႄႈ
၂၇ ႁူဝ်ၸႂ်ၵဝ်တဵတ်ႇတဵတ်ႇဢူၼ်ႈဢွၼ်ႇၼူပ်ႈၸူးလႄႈ သူပ်းၵဝ်ၸုပ်ႇမိုဝ်း ၵဝ်ၸူးမႅၼ်ႈၸိုင်
၂၈ ပဵၼ်ဢပျႅတ်ႈဢၼ်ထိူၵ်ႈၶၢမ်ႇရႃႇၸဝုတ်ႉၵွပ်ႈပိူဝ်ႈဢၼ် ၵဝ်လႆႈႁဵတ်းတၢင်းဢၼ်တွပ်ႇထဵင်ပႄႇပႅတ်ႈၽြႃးပဵၼ်ၸဝ်ႈ ဢၼ်မီးယူႇၵႃႈၼိူဝ်ၼၼ်ႉ ဢေႃႈ။
၂၉ မိူဝ်ႈဢၼ်ၵေႃႉဢၼ်ၸင်းၵဝ်ၼၼ်ႉလူႉလႅဝ်ၼၼ်ႉၵဝ်ၸူမ်းသိူဝ်းႁိုဝ်။ မိူဝ်ႈဢၼ်ၽေးႁွတ်ႈထိုင်ၵႃႈတီႈမၼ်းၼၼ်ႉၵဝ်ဢုပ်ႇဢၢတ်ႇႁိုဝ်။
၃၀ ၵဝ်ဢမ်ႇပၼ်ဢၶႂၢင်ႉဢၼ်သူပ်းၵဝ်လႆႈထုၵ်ႇဢပျႅတ်ႈ လူၺ်ႈလွင်ႈဢၼ်ၵိၼ်ႇလႃႇၵိၼ်ႇဝႃႈ ယွၼ်းဢဝ်ဢသၢၵ်ႈပိူၼ်ႈလႆႈသုမ်း ၼၼ်ႉ။
၃၁ ပေႃးၵူၼ်းႁိူၼ်းၵူၼ်းယေးၵဝ်လၢတ်ႈဝႃႈ၊-ၵေႃႉ လႂ်ယင်းဢမ်ႇလႆႈၵိၼ်ၼိူဝ်ႉတီႈမၼ်း ဢိမ်ႇဢိမ်ႇတဵမ် တဵမ်၊
၃၂ တၵ်းဢမ်ႇလႆႈမီးၶႅၵ်ႇဢၼ်ၼွၼ်းၵႃႈၼိူဝ်ၶူၼ်တၢင်းၵဝ်ၽုၺ်ႇၽၵ်းတူၵဝ်ဝႆႉ ပုၼ်ႈၶဝ်ၸိူဝ်းဢၼ်ၵႂႃႇ တႃပႆတၢင်းၼၼ်ႉယဝ်ႉ။
၃၃ ပေႃးၵဝ်ယၢမ်ႈတွၼ်ႉႁူမ်ႇသုမ်ႇတူႉၸရိူၵ်ႈၵဝ်ဝႆႉ မိူၼ်ၸိူဝ်ႉၼင်ႇဢႃႇတမ်ႇၼၼ်ႉလႄႈ ဢဝ်ဢပျႅတ်ႈၵဝ်သိူင်ႇမႅပ်းဝႆႉၵႃႈၼႂ်းႁူဝ်ၸႂ်ၵဝ်ၸိုင်၊
ႁႂ်ႈၵဝ်လႆႈၵူဝ်ႁႄ ၵႃႈတီႈၽၢႆႇၼႃႈပရိၵ်ႈသၢတ်ႈဢၼ်ယႂ်ႇၼႃႇၼၼ်ႉသေၵမ်းလူၺ်ႈ။
၃၄ ႁႂ်ႈတၢင်းဢၼ်ၵူၼ်းၵူႈၸိူဝ်ႉၵူႈမဵဝ်း ငိၼ်းၸၢၼ်ႈငိၼ်းမိူဝ်ႇၵဝ်ၼၼ်ႉႁဵတ်းႁႂ်ႈၵဝ်လႆႈမိင်းမဝ်းလိုမ်းတူဝ်သေၵမ်းလူၺ်ႈ။ၵဝ်ယင်းဢမ်ႇလႆႈဢွၵ်ႇၽၵ်းတူႁိူၼ်းလႄႈ ယူႇတဵတ်ႇတဵတ်ႇယဵၼ်ယဵၼ် ဢေႃႈ။
၃၅ မီးၵေႃႉဢၼ်ထွမ်ႇငိၼ်းၵႂၢမ်းၵဝ်ၼၼ်ႉဢေႃႈ။ၶႃႈၸဝ်ႈႁွင်ႉၵႂၢမ်းဢၼ်ႁႄႉၶႅၼ်ဢေႃႈ။ႁႂ်ႈၸဝ်ႈဢၼၼ်ႇတႃႉတၼ်းၶူဝ်း ၶိုၼ်းတွပ်ႇၶိုၼ်းလၢတ်ႈတီႈၵဝ်သေၵမ်းလူၺ်ႈ။ႁႂ်ႈၵေႃႉဢၼ်ထူပ်းတြႃးၵၼ်တင်းၵဝ် ၼၼ်ႉတႅမ်ႈမၢႆဝႆႉသေၵမ်းလူၺ်ႈ။
၃၆ ၵဝ်တၵ်းဢဝ်လိၵ်ႈၼၼ်ႉတၢင်ႇသႂ်ႇဝႆႉၵႃႈၼိူဝ်ႁူဝ်မႃႇၵဝ် ဢမၢၼ်ႇၶၢၼ်ပဵၼ်လႄႈ တၵ်းဢဝ်တိုဝ်းဝႆႉ မိူၼ်ၸိူဝ်ႉၼင်ႇမွၵ်ႇသရၽူႇ ဢေႃႈ။
၃၇ ၵဝ်တၵ်းၽုၺ်ႇဢွၵ်ႇၼႄပျႃးႁွႆးတိၼ်ၵဝ်ၵူႈႁွႆးလႄႈ သုတ်ႉၸပ်းသုတ်ႉၸူးတီႈမၼ်းၸဝ်ႈ မိူၼ်ၸိူဝ်ႉ ၼင်ႇတီႈၶုၼ်ၼၼ်ႉဢေႃႈ။
၃၈ ပေႃးၵႂၢၵ်ႈလိၼ်ၵဝ်သႅၼ်ႇႁွင်ႉတၢင်ႇဢပျႅတ်ႈတီႈၵဝ်လႄႈ ႁွႆးထႆမၼ်းၸိူဝ်းၼၼ်ႉ ၽွမ်ႉၵၼ်ပွင်ႉၶၢင်းပွင်ႉမိုၼ်၊
၃၉ ပေႃးၵဝ်ယင်းဢမ်ႇသဵင်ႈၸရိပ်ႈလႄႈၵိၼ်မၢၵ်ႇမၼ်းႁူင်းမၼ်းလႄႈ ႁႂ်ႈၶဝ်ၸိူဝ်းဢၼ်လပ်းသိင်ႇၵၼ်တင်းမၼ်းၼၼ်ႉ ထူၺ်ႈၸႂ်သဝ်ႇၸႂ်လူင်ၸိုင်၊ ပုၼ်ႈတူၼ်ႈၶဝ်ႈၼၼ်ႉ ႁႂ်ႈတူၼ်ႈၼၢမ် ဢွၵ်ႇမႃးသေၵမ်းလူၺ်ႈ။
၄၀ ပုၼ်ႈတူၼ်ႈမူႉယေႃးၼၼ်ႉႁႂ်ႈတူၼ်ႈဝင်ဢွၵ်ႇမႃးသေၵမ်းလူၺ်ႈ၊ ဝႃႈၼင်ႇၼႆဢေႃႈ။ၵႂၢမ်းယေႃႇၽယဝ်ႉယဝ်ႉဢေႃႈ။