၂၆
ယေႃႇၽ
၁ မိူဝ်ႈၼၼ်ႉယေႃႇၽ ဢွၵ်ႇသူပ်းၶိုၼ်းလၢတ်ႈလႄႈ ဝႃႈ၊-
၂ မႂ်းလႆႈၸွႆႈထႅမ်မႃႉၸႃႉၵေႃႉဢၼ်ႁႅင်းၵေႇၼၼ်ႉၸိူဝ်ႉၼင်ႇႁိုဝ်ယဝ်ႉ။ မႂ်းလႆႈၵမ်ႉထွၵ်ႈၶႅၼ်မိုဝ်းဢၼ်ဢူၼ်ႈ ဢၼ်ဢွၼ်ႇၼၼ်ႉၸိူဝ်ႉၼင်ႇႁိုဝ်ယဝ်ႉ။
၃ မႂ်းပၼ်တၢင်းၵျၢမ်ႇတၢင်းပွင် တီႈၵေႃႉဢၼ်ဢမ်ႇမီးပိင်ႇၺႃႇၼၼ်ႉ ၸိူဝ်ႉၼင်ႇႁိုဝ်ယဝ်ႉ။
၄ မႂ်းၼႄပျႃးပိင်ႇၺႃႇၼၼ်ႉၸိူဝ်ႉၼင်ႇႁိုဝ်ယဝ်ႉ။မႂ်းဢဝ်ၽူႈ လႂ်ဢွၵ်ႇသူပ်းဝႃႈၵႂၢမ်းၼႆႉ။မႂ်းဢဝ် ဝိၺိၺ်ႇၽူႈ လႂ်ႁေႃးလၢတ်ႈ။
၅ ၶဝ်ၸိူဝ်းဢၼ်တၢႆယဝ်ႉၼၼ်ႉဢိၵ်ႇတင်း ၶဝ်ၸိူဝ်းဢၼ်ယူႇၵႃႈတႂ်ႈပိုၼ်ႉၼမ်ႉၼၼ်ႉ ဢွၼ်ၵၼ်သၼ်ႇၶွၼ်းဝႆယူႇၵႃႈတီႈတႂ်ႈပိုၼ်ႉၼမ်ႉ ၼၼ်ႉဢေႃႈ။
၆ မိူင်းမရၼႃႉၼၼ်ႉမီးတၢင်းဢၼ်ၽုၺ်ႇပိုတ်ႇဝႆႉၵႃႈတီႈ ၽၢႆႇၼႃႈမၼ်းၸဝ်ႈလႄႈ တၢင်းလူႉ တၢင်းလႅဝ်ၼၼ်ႉဢမ်ႇမီးဢၼ်ႁူမ်ႇဝႆႉငမ်းဝႆႉ။
၇ မၼ်းၸဝ်ႈပိုတ်ႇၵီႈၼႃႈတၢင်းႁွင်ႇ ၼႃႈတၢင်းၼိူဝ်တီႈဢၼ်ပၢၵ်ႇပလႃႉႁႃႇၸၢႆးဝႆႉၼၼ်ႉလႄႈ မၼ်းၸဝ်ႈဢဝ်ႁူၺ်ႇလိၼ်မိူင်းႁွႆႈၽႅၼ်ဝႆႉၵႃႈၼိူဝ် တီႈဢၼ်ဢမ်ႇမီးၵႃႈသင်လႃး လႃးၼၼ်ႉဢေႃႈ။
၈ မၼ်းၸဝ်ႈဢဝ်ၼမ်ႉပူၵ်ႉႁေႃႇသႂ်ႇၵႃႈ ၼႂ်းၽႃႈၽူၼ်ၼၼ်ႉယင်းဢမ်ႇသိၵ်ႇဢမ်ႇယွၵ်း။
၉ မၼ်းၸဝ်ႈၵင်ႈလပ်ႉၼႃႈပလၢင်ႇမၼ်းၸဝ်ႈဝႆႉလႄႈ ပိုတ်ႇၵီႈ ၽႃႈၽူၼ်မၼ်းၸဝ်ႈႁူမ်ႇသုမ်ႇဝႆႉဢေႃႈ။ မၼ်းၸဝ်ႈမၢတ်ႈမၢႆလႅၼ်ႁိမ်းၼႃႈၼမ်ႉတီႈဢၼ်ၶၼ်ႈဢၼ်ၶဵၼ်းဢၼ်လႅင်းဢိၵ်ႇတင်းဢၼ်လပ်းသိင်ႇၼၼ်ႉ ဢေႃႈ။
၁၁ သဝ်ၽႃႉၵၢင်ႁၢဝ်တင်းလၢႆသၼ်ႇၶွၼ်းဝႆလႄႈမီးတၢင်းဢၼ်ၵူဝ်ႁေယူႇၵွပ်ႈပိူဝ်ႈဢၼ်မၼ်းၸဝ်ႈ သင်ႇသွၼ်သုင်းမႃႉၼၼ်ႉဢေႃႈ။
၁၂ မၼ်းၸဝ်ႈဢဝ်တၼ်းၶူဝ်းမၼ်းၸဝ်ႈပေႉၼႅင်ႇၼမ်ႉသမ်ႇမုၵ်ႉတြႃႇလႄႈ မၼ်းၸဝ်ႈဢဝ်ပိင်ႇၺႃႇမၼ်းၸဝ်ႈ ႁၵ်းယႃႉမႃႇၼႃႉၸႂ်သုင် ဢေႃႈ။
၁၃ မၼ်းၸဝ်ႈဢဝ်ဝိၺိၺ်ႇမၼ်းၸဝ်ႈပွင်ႁဵတ်းပွင်ႁႅၼ်းၶိူင်ႈပိူငႃ်ႉၵၢင်ႁၢဝ်လႄႈ ငူးဢၼ်ၶၼ်ဢၼ်ၽႂ်း ၵေႃႈမၼ်းၸဝ်ႈၽၢၼ်ႇသၢင်းႁဵတ်းပဵၼ်ဢေႃႈ။
၁၄ ဢၼ်ၼႆႉၸမ်း ပဵၼ်ပၢႆပဵၼ်ၽူၺ်းဢမူႉမၼ်းၸဝ်ႈၼၼ်ႉၵူၺ်းလႄႈ ႁဝ်းလႆႈႁူႉလႆႈငိၼ်း သဵင်ဢၼ်သွပ်ႉသႅပ်ႉဢိတ်းၼိုင်ႈၵူၺ်းတီႈမၼ်းၸဝ်ႈဢေႃႈ။သဵင်ၽႃႉလင်ႊတၼ်းၶူဝ်းမၼ်းၸဝ်ႈၼၼ်ႉၸိုင်ၽူႈ လႂ်ႁူႉလႆႈၸႅင်ႈလႆႈ၊ ဝႃႈၼင်ႇၼႆဢေႃႈ။