၂၉
၁ ယေႃႇၽ သမ်ႉဢဝ်ၵႂၢမ်းသိုပ်ႇထႅင်ႈလႄႈဢွၵ်ႇသူပ်းဝႃႈၸမ်း၊-
၂ ၵဝ်သေလၢႆပီႊလိုၼ်းဢၼ်ပူၼ်ႉမႃးမိူဝ်ႉဝၼ်း ဢၼ်ၽြႃးပဵၼ်ၸဝ်ႈပႂ်ႉၸွႆႈပႂ်ႉထႅမ်ၵဝ်ၼၼ်ႉဢေႃႈ။
၃ မိုဝ်ႉယၢမ်းၼၼ်ႉ ဝၢၼ်ႇၽႆးတဵၼ်းမၼ်းၸဝ်ႈႁိူဝ်ႈလႅင်းယူႇၵႃႈၼိူဝ်ႁူဝ်ၵဝ်လႄႈၵဝ်ဢိင်ဢၼ်လႅင်းမၼ်းၸဝ်ႈၼၼ်ႉသေလႄႈ တႆႇလတ်းၵႂႃႇၵႃႈၼႂ်းဢၼ်လပ်းသိင်ႇ ဢေႃႈ။
၄ ႁႂ်ႈၵဝ်လႆႈသမ်ႉၶိုၼ်းပဵၼ်ၸိူဝ်ႉၼင်ႇဢၼ်ပဵၼ်ၼႂ်းၶိင်ႇဢၼ်ၵဝ်ဢသၢၵ်ႈယင်းၼုမ်ႇယင်းၵမ် ၶိင်ႇဢၼ်ၵျေးၸူးၽြႃးပဵၼ်ၸဝ်ႈ ယင်းတိုၵ်ႉႁွတ်ႈထိုင်ၵႃႈၼိူဝ် တီႈသုမ်ႉထဵင်တီႈယူႇတီႈသဝ်းၵဝ်
၅ ၶိင်ႇဢၼ်ၸဝ်ႈဢၼၼ်ႇတႃႉတၼ်းၶူဝ်း မီးယူႇလူၺ်ႈၵၼ်တင်းၵဝ်လႄႈ
၆ လုၵ်ႈလၢင်းၵဝ်ဢွၼ်ၵၼ်ဢုမ်ႇလွမ်ႉၵဝ်ယူႇ၊ ၶိင်ႇဢၼ်တိၼ်ၵဝ်လႆႈၶၢမ်ႇ တၢင်းဢၼ်ဢဝ်ၼမ်ႉၼူမ်းဢၢပ်ႇသုၵ်ႈလႄႈ မၢၵ်ႇႁိၼ်မၢၵ်ႇၽႃထွၵ်ႇႁိုဝ်ႈၼမ်ႉၶႆၼမ်ႉမၼ်းပဵၼ်ႁွင်ႊပဵၼ်ၵေးပုၼ်ႈ ၵဝ်ၼၼ်ႉယူႇ၊သေၵမ်းလူၺ်ႈ။
၇ ၼႂ်းမိူဝ်ႈဢၼ်ၵဝ်ယင်တိုၵ်ႉဢွၵ်ႇၸူးၵႃႈတီႈၽၵ်းတူဝဵင်းယူႇ မႄးႁႅၼ်းတီႈၼင်ႈၵဝ်ၵႃႈတီႈသဵၼ်ႈတၢင်းၼၼ်ႉယူႇၼၼ်ႉၸိုင် ၵူၼ်းၼုမ်ႇၵူၼ်းၵမ်တင်းလၢႆႁၼ် ၵဝ်လႄႈဢွၼ်ၵၼ်တဵတ်ႇမႅပ်းယူႇဢေႃႈ။
၈ ၶဝ်ၸိူဝ်းဢၼ်ၵႄႇဢၼ်ထဝ်ႈတင်းလၢႆၵေႃႈ ဢွၼ်ၵၼ်လုၵ်ႉ လႄႈၸုၵ်းယူႇဢေႃႈ။
၉ ၶုၼ်တင်းလၢႆဢွၼ်ၵၼ်ထၢတ်ႇၵႂၢမ်းယဵၼ်ၵႂၢမ်းသေလႄႈ ဢဝ်မိုဝ်းၶဝ်တူမ်းသူပ်းၶဝ် ယူႇဢေႃႈ။
၁၀ သဵင်မူးမၢတ်ႈၽွင်းမိူင်းတင်းလၢႆၵေႃႈထၢတ်ႇၵႂႃႇယဵၼ်ၵႂႃႇလႄႈ လိၼ်ႉၶဝ်ၼၼ်ႉၸပ်းယူႇၵႃႈတီႈ ႁိူၵ်ႇၵူင်ၶေႃးဢေႃႈ။
၁၁ ယၢမ်းမိူဝ်ႈဢၼ်ႁူၵူၼ်းတင်းလၢႆငိၼ်းၵႂၢမ်းၵဝ်ၼၼ်ႉ ၶဝ်ဢွၼ်ၵၼ်ပၼ်တၢင်းလီလႄႈယၢမ်းမိူဝ်ႈဢၼ်မၢၵ်ႇတႃၶဝ် ႁၼ်ၵဝ်ၼၼ်ႉၶဝ်ဢွၼ် ၵၼ်ၶၢမ်ႇသၢၵ်ႈသေႇလွင်ႈၵဝ်ဢေႃႈ။
၁၂ လွင်ႈမၼ်းၸမ်းၵဝ်ၵႄႇသႄႇၼုၵ်ႈဢဝ် ၵေႃႉဢၼ်ယၢၵ်ႈဢၼ်ၽၢၼ်ၼၼ်ႉ လႄႈၸွႆႈထႅမ်ၵေႃႉဢၼ်ဢမ်ႇမီးပေႃႈမီးမေႈ၊ၵေႃႉဢၼ်ဢမ်ႇမီးတီႈဢၼ်ပိုင်ႈဢၼ်ဢိင်လႄႈ ႁွင်ႉသႅၼ်ႇ ၼၼ်ႉဢေႃႈ။
၁၃ ၵေႃႉဢၼ်ၸမ်တၵ်းတၢႆၼၼ်ႉပၼ်တၢင်းလီတီႈၵဝ်လႄႈ ၵဝ်ႁဵတ်းႁႂ်ႈႁူဝ်ၸႂ်မေႈမုၵ်ႉမေႈမၢႆႈၼၼ်ႉ သႂၢင်ႇသိူဝ်းလႄႈႁဵတ်းၵႂၢမ်းဢေႃႈ။
၁၄ ၵဝ်ဢဝ်ပႃႇရမီႇတၢင်းဢၼ်သိုဝ်ႈတေႃႇႁဵတ်းၶူဝ်းၼုင်ႈၶူဝ်းမႆႊသေလႄႈ ၼုင်ႈမႆႊလႄႈတၢင်းဢၼ်ႁဵတ်းၸွမ်းၼင်ႇတြႃးၼၼ်ႉပဵၼ်သိူဝ်ႈယၢဝ်းၵဝ် ပၢၼ်းၵုမ်းၶဵၼ်းႁူဝ်ၵဝ်ဢေႃႈ။
၁၅ ၵဝ်ပဵၼ်မၢၵ်ႇတႃတီႈၶဝ်ၸိူဝ်းဢၼ်တႃမွတ်ႇတႃတၼ်ၼၼ်ႉလႄႈပဵၼ်တိၼ်တီႈၶဝ်ၸိူဝ်းဢၼ်တိၼ် ၵႅင်ႉတိၼ်ၵုၵ်ႉၼၼ်ႉဢေႃႈ။
၁၆ ၵဝ်ပဵၼ်ပေႃႈၶဝ်ၸိူဝ်းဢၼ်ၸုတ်ႈ ဢၼ်လုတ်ႈၼၼ်ႉလႄႈၸႅတ်ႈတူၺ်းထၢမ်တူၺ်း လွင်ႈဢမူႉၶဝ်ၸိူဝ်းဢၼ်ၵဝ်ဢမ်ႇမိုတ်ႈဢမ်ႇ ၵိုဝ်းၼၼ်ႉဢေႃႈ။
၁၇ ၵဝ်ႁၵ်းပႅတ်ႈငႃးၶဝ်ၸိူဝ်းဢၼ်ဢမ်ႇတြႃးၼၼ်ႉလႄႈ ၼုၵ်ႈထွၼ်ဢဝ်ၶဝ်ဢွၵ်ႇသေၵႃႈၼႂ်း ၶဵဝ်ႈၶဝ်ဢေႃႈ။
၁၈ မိူဝ်ႈၼၼ်ႉၵဝ်လႆႈလၢတ်ႈလႄႈဝႃႈ၊-ၵဝ်တၵ်းမီးဢၶႂၢင်ႉ ဢၼ်လႆႈတၢႆၵႃႈၼႂ်းၵၢင်ႁၢဝ်လႄႈမိူဝ်ႉဝၼ်းဢသၢၵ်ႈၵဝ်ၼၼ်ႉ တၵ်းၼမ်ၼႃႇထၢၼ်ႇမဵတ်ႉ ႁိၼ်မဵတ်ႉသၢႆးဢေႃႈ။
၁၉ ႁၢၵ်ႈၵဝ်ၼႆႉၽႄႈၸွတ်ႇတူဝ်ႈၵႃႈတီႈႁိမ်းၼမ်ႉလႄႈ ၼမ်ႉမူၺ်ၼမ်ႉၼၢႆးတူၵ်းသႂ်ႇၵႃႈၼိူဝ် ၵိင်ႇၵဝ်ၶႃႊၵဝ်ယူႇတင်းၶိုၼ်းဢေႃႈ။
၂၀ မူၼ်ႈၽုင်းၵဝ်မီးတၢင်းဢၼ်ၵီႈတင်ႈယူႇသေလႄႈၵၢင်ႇၵဝ်ၵေႃႈမီးတၢင်းဢၼ်ႁွမ်ႁႅင်းယူႇၵႃႈၼႂ်းမိုဝ်းၵဝ်ဢေႃႈ၊ ဝႃႈၼင်ႇၼႆဢေႃႈ။
၂၁ ပိူၼ်ႈဢွၼ်ၵၼ်ထွမ်ႇငိၼ်းၶေႃႈၵႂၢမ်းၵဝ်လႄႈ ယူႇတဵတ်ႇတဵတ်ႇယဵၼ်ယဵၼ်သေလႄႈပႂ်ႉထႃႈတၢင်းၵျၢမ်ႇတၢင်းပွင်ႇ ဢၼ်ၵဝ်တၵ်းပၼ်ၼၼ်ႉယူႇ ဢေႃႈ။
၂၂ လိုၼ်းသေဢၼ်ၵဝ်လၢတ်ႈယဝ်ႉၼၼ်ႉၶဝ်ဢမ်ႇၶိုၼ်းလၢတ်ႈသေၶေႃႈသေၵမ်း။ၵႂၢမ်းၵဝ်ယွတ်ႇသႂ်ႇတူၵ်းသႂ်ႇၵႃႈၼိူဝ်ၶဝ်ဢေႃႈ။
၂၃ ၶဝ်ဢွၼ်ၵၼ်ပႂ်ႉထႃႈၵဝ်ယူႇမိူၼ်ၸိူဝ်ႉၼင်ႇဢၼ် ပႂ်ႉထႃႈၼမ်ႉၽူၼ်ၼၼ်ႉလႄႈ ဢွၼ်ၵၼ်ဢႃႈပၢၵ်ႇၶဝ် ၵႂၢင်ႈၵႂၢင်ႈသေလႄႈ ယူႇမိူၼ်ၸိူဝ်ႉၼင်ႇဢၼ် ၶႂ်ႈၶၢမ်ႇဢဝ် ၼမ်ႉၽူၼ်ဢၼ်တူၵ်းၵမ်း လိုၼ်းလင်သုတ်းၼၼ်ႉဢေႃႈ။
၂၄ ယၢမ်းမိူဝ်ႈဢၼ်ၵဝ်ယုမ်ႉၶူဝ်ၸူးၶဝ်ၸိုင် ၶဝ်ဢမ်ႇယုမ်ႇဢမ်ႇမၢတ်ႈလႆႈ။ၵဝ်ဢမ်ႇႁဵတ်းႁႂ်ႈဢၼ်လႅင်းၼႃႈၵဝ်လႆႈလူႉၵႂႃႇႁၢႆၵႂႃႇ။
၂၅ ၵဝ်လိူၵ်ႈၵဵပ်းဢဝ်သဵၼ်ႈတၢင်းပုၼ်ႈၶဝ်လႄႈ ၵဝ်ၼင်ႈၵႃႈတီႈဢၼ်မျၢတ်ႈဢၼ်သုင်ၼၼ်ႉဢေႃႈ။ၵဝ်ပဵၼ်ၸိူဝ်ႉၼင်ႇၶုၼ်ႁေႃၶမ်း ၵႃႈၼႂ်းမူႇၽုင်မုၵ်ႉၸိူဝ်းပူဝ်ႇပႃၼၼ်ႉလႄႈပဵၼ်ၸိူဝ်ႉၼင်ႇ ၵေႃႉဢၼ်ႁႂ်ႈၶဝ်ၸိူဝ်းဢၼ်ႁဵဝ်ႇၸွပ်ႈတင်းလၢႆလႆႈပျေႇၸႂ်ၼိမ်ၸႂ်ၼၼ်ႉဢေႃႈ။