၃၃
၁ ပိူဝ်ႈဢၼ်ပဵၼ်ၼင်ႇၼႆလႄႈ ယေႃႇၽ ဢိူၺ်း၊ၶႅၼ်းတေႃႈငိၼ်း ၵႃႈဢၼ်ၵဝ်တၵ်းဢွၵ်ႇသူပ်းဝႃႈၼၼ်ႉ လႄႈထွမ်ႇၵႂၢမ်းၵဝ်တင်းသဵင်ႈတင်းမူတ်းသေၵမ်း။
၂ မိူဝ်ႈလဵဝ်ၼႆႉၵဝ်ၽုၺ်ႇသူပ်းလႄႈ ၶေႃႈၵႂၢမ်းမီးၵႃႈတီႈလိၼ်ႉ ၵဝ်ဢေႃႈ။
၃ ၵႂၢမ်းၵဝ်တၵ်းဢွၵ်ႇမႃးမႅၼ်ႈၸွမ်းၵႃႈၼင်ႇဢၼ်ၸႂ်သၽေႃးၵဝ်သိုဝ်ႈတေႃႇၼၼ်ႉလႄႈ သီႇသူပ်းၵဝ်တၵ်းမွၵ်ႇလၢတ်ႈ ပိင်ႇၺႃႇဢၼ်ၶၢဝ်ၸၢင်ႇၼၼ်ႉ ဢေႃႈ။
၄ ဝိၺိၺ်ႇၽြႃးပဵၼ်ၸဝ်ႈၽၢၼ်ႇသၢင်းႁဵတ်းပဵၼ်ၵဝ်လႄႈ လူမ်းဢသၢၵ်ႈၸဝ်ႈဢၼၼ်ႇတႃႉတၼ်းၶူဝ်း ၼၼ်ႉႁႂ်ႈၵဝ်ဢသၢၵ်ႈလိပ်းယူႇယဝ်ႉ။
၅ ပေႃးမႂ်းတတ်ႈၼိုင်ႇၸိုင်ၶိုၼ်းလၢတ်ႈတီႈၵဝ်သေၵမ်း။မႄးႁႅၼ်းၵႂၢမ်းၵႃႈ တီႈၽၢႆႇၼႃႈၵဝ်ႁႂ်ႈလႆႈၶိုၼ်းတွပ်ႇသေၵမ်း။
၆ ၵဝ်ၼႆႉမိူၼ်ၵၼ်တင်းမႂ်းယူႇၵႃႈတီႈၽၢႆႇၼႃႈၽြႃးပဵၼ်ၸဝ်ႈ လႄႈလႆႈၶၢမ်ႇတၢင်းဢၼ် မၼ်းၸဝ်ႈဢဝ်မုၼ်လိၼ်လႄႈ ႁဵတ်းပဵၼ်မႃးဢေႃႈ။
၇ တၢင်းဢၼ်လီၵူဝ်လီႁႄၵဝ်ၼၼ်ႉတၵ်းဢမ်ႇႁႂ်ႈမႂ်းလႆႈတူၵ်းၸႂ်။
၈ တၢင်းဢၼ်ၵဝ်ဢဝ်မိုဝ်း တၢင်ႇသႂ်ႇၵႃႈၼိူဝ်မႂ်းၼၼ်ႉၵေႃႈ တၵ်းဢမ်ႇပဵၼ်ဢၼ်ၼၵ်းၼႃတီႈမႂ်း။
၉ ၵဝ်လႆႈငိၼ်းၵႂၢမ်းမႂ်းဢၼ်လၢတ်ႈဝႃႈ၊- ၵဝ်မီးတၢင်းဢၼ်မူတ်းသႂ်လႄႈဢမ်ႇၸၢင်ႊႁဵတ်းတၢင်းဢၼ်ၽိတ်းပိူင်ႈ။ၵဝ်မီးတၢင်းဢၼ်ၶၢဝ်ၸၢင်ႇလႄႈဢပျႅတ်ႈ ဢမ်ႇမီးတီႈၵဝ်။
၁၀ တူၺ်းလူ။ မၼ်းၸဝ်ႈႁႃဢၶႂၢင်ႉတီႈဢၼ်တၵ်းတၢင်ႇဢပျႅတ်ႈတီႈၵဝ်လႄႈမၼ်းၸဝ်ႈ မၢတ်ႈၵဝ်ပဵၼ်ၸိူဝ်ႉၼင်ႇရၢၼ်ႇသူႇၼၼ်ႉဢေႃႈ။
၁၁ မၼ်းၸဝ်ႈ ဢဝ်တိၼ်ၵဝ်သႂ်ႇထိၵ်ႈသႂ်ႇထၢင်ႇလႄႈ မၼ်းၸဝ်ႈပႂ်ႉသဵၼ်ႈတၢင်းၵဝ်ၵႃႈမီးၼၼ်ႉဝႆႉဢေႃႈ၊ ဝႃႈၼင်ႇ ၼႆၼၼ်ႉယဝ်ႉ။
၁၂ ပေႃးဝႃႈၸိူဝ်ႉၼင်ႇၼၼ်ၸိုင်မႂ်းပဵၼ်ၵေႃႉဢၼ်ဢမ်ႇသိုဝ်ႈဢမ်ႇတေႃႇဢေႃႈ။ၵဝ်တၵ်းၶိုၼ်းလၢတ်ႈတီႈမႂ်းဢေႃႈ။ ၽြႃးပဵၼ်ၸဝ်ႈယိင်ႈၶႅၼ်းယႂ်ႇ မျၢတ်ႈၼႃႇသေၵူၼ်းဢမၢၼ်ႇၶၢၼ်ပဵၼ်ဢေႃႈ။
၁၃ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ မႂ်းႁဵတ်းၶတ်းၵၼ်တင်းမၼ်းၸဝ်ႈၼၼ်ႉ။မၼ်းၸဝ်ႈဢမ်ႇၽုၺ်ႇဢွၵ်ႇၼႄပျႃႉလွင်ႈ တၢင်းဢၼ်မၼ်းၸဝ်ႈႁဵတ်းၸိူဝ်းၼၼ်ႉ။
၁၄ ၽြႃးပဵၼ်ၸဝ်ႈမီးဢမိင်ႉဢွၵ်ႇသူပ်းဝႃႈပွၵ်ႈၼိုင်ႈလႄႈ ပိၵ်ႉသမ်ႉၵူၼ်းဢမ်ႇဝႆႉဢမူႉသေၵေႃႈ မၼ်းၸဝ်ႈမီးဢမိင်ႉတေႃႇထိုင်ႁွတ်ႈသွင်ပွၵ်ႈဢေႃႈ။
၁၅ ၼႂ်းမိူဝ်ႈဢၼ်ၵူၼ်းႁဝ်းၼႆႉၼွၼ်းၼူၵ်ႇယူႇသေလႄႈ ၼွၼ်းလပ်းယူႇၵႃႈၼိူဝ်တီႈၼွၼ်းၼၼ်ႉယူႇၼၼ်ႉၸိုင်မၼ်းၸဝ်ႈၸၢင်ႊဢဝ်
၁၆ တၢင်းဢၼ်ၼွၼ်းၽၼ်ႁၼ် တၢင်းဢၼ်ပၼ်ရူႇပႃႇရုင်ႇၶိင်ႇၵၢင်ၶိုၼ်းၼၼ်ႉလႄႈ ၽုၺ်ႇႁူၵူၼ်းသင်ႇသွၼ် သုင်းမႃႉၵူၼ်း၊
၁၇ ႁႂ်ႈၵူၼ်းတင်းလၢႆၸုၼ်ႉပႅတ်ႈတၢင်းၵမ်တၢင်းၵျၢင်ႉတူဝ်ၸဝ်ႈၵဝ်ႇ၊ ႁႂ်ႈလႆႈႁူမ်ႇသုမ်ႇမၢၼ်ႇမႃႇ ၼႃႉၵႃႈတီႈၵူၼ်းႁဝ်းဢေႃႈ။
၁၈ မၼ်းၸဝ်ႈႁႄႉၵင်ႈဢသၢၵ်ႈမၼ်းသေၵႃႈတီႈၶုမ်သၢင်းၶႅင်းလႄႈ ႁႂ်ႈဢသၢၵ်ႈမၼ်းဢမ်ႇလႆႈလူႉလႅဝ်လူၺ်ႈ ၽေးလၢပ်ႇၽေးလႅဝ်း ၼၼ်ႉဢေႃႈ။
၁၉ မၼ်းလႆႈၶၢမ်ႇဝူၺ်ႇတၼႃႇတၢင်းဢၼ်ပဵၼ်ၸဵပ်းသႅပ်ႇ ၵႃႈၼိူဝ်တီႈၼွၼ်းမၼ်းၼၼ်ႉလႄႈပဵၼ်တၢင်းဢၼ်လုပ်ႇမၼ်းၵႃႈမီး ၶူပ်းၶိုၼ်ႈၼႃႇလူင် လၢင်ထၢၼ်ႈပေႃး
၂၀ ၸႂ်မၼ်းလီႁင်ႈဢဵတ်ႇသဵတ်ႇၶဝ်ႈမုၼ်းလႄႈ ဝိၺိၺ်ႇမၼ်းၶၢၼ်ႉႁၼ်တၢင်းၵိၼ်တၢင်း ၶူပ်းဢၼ်ဝၢၼ်ဢၼ်ၸဵမ်းၼၼ်ႉဢေႃႈ။
၂၁ ၼိူဝ်ႉၼင်မၼ်းယူပ်ႈယွမ်းႁၢႆၵႂႃႇလႄႈ လုပ်ႇမၼ်းဢၼ်ဢမ်ႇတွၼ်ႉပေႃႇတွၼ်ႉဢွၵ်ႇၸိူဝ်းၼၼ်ႉၵေႃႈ ဢွၼ်ၵၼ်ၸွၼ်ဢွၵ်ႇ မႅၼ်းမႃးဢေႃႈ။
၂၂ ဝိၺိၺ်ႇမၼ်းသုတ်ႉၸပ်းသုတ်ႉၸူးၵႃႈတီႈႁိမ်းၶုမ်သၢင်းၶႅင်းလႄႈ ဢသၢၵ်ႈမၼ်းတၵ်းႁွတ်ႈထိုင် ၵႃႈ ၼႂ်းမိုဝ်းတမၢၼ်ႇဢၼ်ယႃႉပႅတ်ႈၸိူဝ်းၼၼ်ႉယဝ်ႉ။
၂၃ ၼႂ်းဝႃႈၼၼ်သေၵေႃႈပေႃးမီးတမၢၼ်ႇၵေႃႉၼိုင်ႈ ဢၼ်ပဵၼ်ၸိၵ်းပဵၼ်ၸွမ် ၼႂ်းႁဵင်ၼိုင်ႈၼၼ်ႉၸၢင်ႊလၢတ်ႈၵႂၢမ်းတြႃး ႁႂ်ႈလႆႈၼႄပျႃးသဵၼ်ႈတၢင်းတြႃးတီးၵူၼ်းၼၼ်ႉၸိုင် မၼ်းၸဝ်ႈတၵ်းမီးၸႂ်ၵရူႉ ၼႃႇတီႈမၼ်းလႄႈမီးဢမိင်ႉဝႃႈ၊-
၂၄ ၵႄႇသႄႇဢဝ်မၼ်းလွတ်ႈ ႁႂ်ႈမၼ်းဢမ်ႇလႆႈလူင်းၵႃႈၼႂ်းသၢင်းၶႅင်းတႃႉ။ၵဝ်ထူပ်းႁၼ် လွင်ႈဢၼ်တၵ်းထုတ်ႇဢဝ်မၼ်းယဝ်ႉ၊ ဝႃႈၼင်ႇၼႆသေလႄႈ
၂၅ ၼိူဝ်ႉၼင်ႇမၼ်းၼၼ်ႉတၵ်းၼုမ်ႇၽူၵ်ႇပီးပုၵ်းမႃး လိူဝ်တွၼ်းၼႃႇသေလုၵ်ႈဢွၼ်ႇလႄႈမၼ်းၶိုၼ်းပဵၼ်ၸိူဝ်ႉၼင်ႇ မိူဝ်ႉဝၼ်းဢၼ်ယင်းၼုမ်ႇ ယင်းၵမ်ၼၼ်ႉဢေႃႈ။
၂၆ မၼ်းတၵ်းသူးတွင်းတီႈၽြႃးပဵၼ်ၸဝ်ႈလႄႈ လႆႈၶၢမ်ႇဢဝ်ၵျေးၸူးၸဝ်ႈသေယဝ်ႉတၵ်းလႆႈမီး တၢင်းဢၼ်ၸူမ်းဢၼ်သိူဝ်း သေလႄႈထူပ်းႁၼ်ၼႃႈမၼ်းၸဝ်ႈဢေႃႈ။မၼ်းၸဝ်ႈတၵ်းတႅၼ်း ပၼ်ဢၵျူဝ်း တၢင်းဢၼ်သိုဝ်ႈဢၼ်တေႃႇတီႈၵူၼ်းဢေႃႈ။
၂၇ မၼ်းတၵ်းႁဵတ်းၵႂၢမ်းၵႃႈၼႂ်းၵူၼ်းတင်း လၢႆလႄႈဝႃႈ၊-ၵဝ်ၽိတ်းပိူင်ႈယဝ်ႉ။ၵဝ်ၶႂၢမ်ႈပိၼ်ႈပႅတ်ႈၽြႃးဢၼ်မၢၼ်ႇဢၼ်မႅၼ်ႈၼၼ်ႉယဝ်ႉ။ၵူၺ်းၵႃႈၵဝ်ဢမ်ႇလႆႈၶၢမ်ႇဢပျႅတ်ႈ ဢၼ်ၵဝ်ထိူၵ်ႈၶၢမ်ႇၼၼ်ႉ။
၂၈ မၼ်းၸဝ်ႈ ၵႄႇသႄႇဢဝ်ဝိၺိၺ်ႇၵဝ်လွတ်ႈႁႂ်ႈဢမ်ႇလႆႈလူင်းၵႃႈၼႂ်းၶုမ်သၢင်းၶႅင်းလႄႈ ဢသၢၵ်ႈၵဝ်ၼႆႉတၵ်းထူပ်းႁၼ်ဢၼ်လႅင်းဢေႃႈ၊ ဝႃႈၼင်ႇၼႆဢေႃႈ။
၂၉ မၼ်းၸဝ်ႈ ၸီႇယၢင်ႇႁဵတ်းလွင်ႈတၢင်းၸိူဝ်းၼႆႉတင်းသဵင်ႈတင်းလူင် တီႈၵူၼ်းသွင်ပွၵ်ႈသၢမ်ပွၵ်ႈ၊ႁႂ်ႈလႆႈၼုၵ်ႈ ဢဝ်ဝိၺိၺ်ႇမၼ်း
၃၀ လွတ်ႈသေၵႃႈၼႂ်းၶုမ်သၢင်းၶႅင်းလႄႈ ဢဝ်တင်းဢၼ်ႁိူဝ်ႈဢၼ်လႅင်းၶဝ်ၸိူဝ်းဢၼ်ဢသၢၵ်ႈလိပ်းၼၼ်ႉႁႂ်ႈမၼ်းလႅင်းဢေႃႈ။
၃၁ ယေႃႇၽဢိူၺ်း။ႁဵတ်းတင်းသတိလႄႈထွမ်ႇငိၼ်းၵႂၢမ်းၵဝ်သေၵမ်း။ ယူႇတဵတ်ႇတဵတ်ႇယဵၼ်ယဵၼ်သေၵမ်း။
၃၂ ၵဝ်တၵ်းလၢတ်ႈဢေႃႈ။ ၼႂ်းဝႃႈၼၼ်သေၵေႃႈပေႃးမႂ်းမီးတီႈတၵ်းလၢတ်ႈၸိုင်ၶိုၼ်းလၢတ်ႈသေၵမ်း။ၵဝ်ၶႂ်ႈႁႂ်ႈမႂ်းပဵၼ်ၵေႃႉဢၼ်သိုဝ်ႈတေႃႇဢေႃႈ။
၃၃ ပေႃးတီႈတၵ်းလၢတ်ႈဢမ်ႇမီးၸိုင်ထွမ်ႇငိၼ်းၵႂၢမ်းၵဝ်သေၵမ်း။ယူႇတဵတ်ႇတဵတ်ႇယဵၼ်ယဵၼ်သေၵမ်း။ၵဝ်တၵ်းသင်ႇသွၼ်ပၼ်ပိင်ႇၺႃႇတီႈမႂ်းဢေႃႈ၊ဝႃႈၼင်ႇၼႆဢေႃႈ။