၃၄
၁ လၢႆးသမ်ႉ ဢေႇလိႁု သိုပ်ႇၵႂၢမ်းလႄႈဢွၵ်ႇသူပ်းဝႃႈထႅင်ႈၸမ်း၊-
၂ ၵူၼ်းဢၼ်မီးပိင်ႇၺႃႇၶဝ်ဢိူၺ်း၊ ဢွၼ်ၵၼ်ထွမ်ႇငိၼ်းၵႂၢမ်းၵဝ်သေၵမ်း။ၵူၼ်းဢၼ်ႁူႉယႂ်ႇႁၼ်ၼမ် ၶဝ်ႈဢိူၺ်း၊ဢွၼ်ၵၼ်ထွမ်ႇၵႂၢမ်းၵဝ်သေၵမ်း။
၃ ႁူၸၢင်ႊသၢပ်ႇတူၺ်းၸၢမ်းတူၺ်းၵႂၢမ်း မိူၼ်ၸိူဝ်ႉၼင်ႇသူပ်းၸၢင်ႊၸိမ်းတူၺ်း တၢင်းၵိၼ်တၢင်းၶူပ်းၼၼ်ႉဢေႃႈ။
၄ ႁဝ်းဢွၼ်ၵၼ်ၸႅတ်ႈထၢမ်ၸႅတ်ႈတူၺ်း တၢင်းဢၼ်ၸွမ်း ၼင်ႇတြႃးၼၼ်ႉပုၼ်ႈတူဝ်ၸဝ်ႈၵဝ်ႇတႃႉႁဝ်း။ႁဝ်းဢွၼ်ၵၼ်ႁႂ်ႈတူဝ်ၸဝ်ႈၵဝ်ႇႁူႉၸႅင်ႈလွင်ႈတၢင်း ဢၼ်လီဢၼ်ငၢမ်းတႃႉႁဝ်း။
၅ လွင်ႈမၼ်းၸမ်းယေႃႇၽလႆႈလၢတ်ႈဝႃႈ၊-ၵဝ်ၼႆႉသိုဝ်ႈတေႃႇဢေႃႈ။ၽြႃးပဵၼ်ၸဝ်ႈႁႂ်ႈၵဝ်သုမ်းဢမူႉဢေႃႈ။ပိၵ်ႉသမ်ႉၵဝ်ဢမ်ႇလၢတ်ႈၵႂၢမ်းမူႉသႃႇသေၵေႃႈ မၼ်းၸဝ်ႈမၢတ်ႈၵဝ်ပဵၼ်ၵူၼ်း ၽႅတ်ႉၵူၼ်းလႅၼ်ဢေႃႈ။
၆ ပိၵ်ႉသမ်ႉၵဝ်ဢမ်ႇၽိတ်းပိူင်ႈသေၵေႃႈ မၼ်းၸဝ်ႈႁႂ်ႈၵဝ်လႆႈၸပ်းတၢင်းၶႆႈတၢင်းပဵၼ်ဢၼ်ဢမ်ႇႁၢႆလႆႈၼၼ်ႉယဝ်ႉလူင်ပေႇ ဝႃႈၼင်ႇၼႆယဝ်ႉ။
၇ ၵူၼ်းဢၼ်မိူၼ်ၵၼ်တင်းယေႃႇၽ ၼႆႉတၵ်းမီးသေၵေႃႉသေၵူၼ်းႁိုဝ်။မၼ်းၸၢင်ႊဢိုၼ်ၵိၼ်တၢင်းဢၼ်သေႉ သွမ်းမိူၼ်ၸိူဝ်ႉၼင်ႇဢၼ်ၵိၼ်ၼမ်ႉၼၼ်ႉဢေႃႈ။
၈ မၼ်းၸၢင်ႊႁူမ်ႈပွင်းလူၺ်ႈၵၼ်တင်း ၶဝ်ၸိူဝ်းဢၼ်ႁဵတ်းဢၼ်ဢမ်ႇတြႃးၼၼ်ႉလႄႈ ၵႂႃႇမႃးလူၺ်ႈၵၼ်တင်း ၵူၼ်းႁၢႆႉၵူၼ်းမိူၵ်ႈတင်းလၢႆဢေႃႈ။
၉ လွင်ႈမၼ်းၸမ်းမၼ်းလႆႈလၢတ်ႈဝႃႈ၊- တၢင်းဢၼ်ၵူၼ်းမူၼ်ႈပျေႃႇလူၺ်ႈၵၼ်တင်းတြႃးပဵၼ်ၸဝ်ႈၼၼ်ႉ ဢမ်ႇမီးဢၵျူဝ်း ဝႃႈၼင်ႇၼႆယဝ်ႉ။
၁၀ ပိူဝ်ႈဢၼ်ပဵၼ်ၼင်ႇၼႆလႄႈၵူၼ်းဢၼ်ၺၢၼ်ႇလီၶဝ်ဢိူၺ်း၊ ဢွၼ်ၵၼ်ထွမ်ႇငိၼ်းၵႂၢမ်းၵဝ်သေၵမ်း။ႁႂ်ႈတူႉၸရိူၵ်ႈၵႆၵၼ်တင်းၽြႃးပဵၼ်ၸဝ်ႈလႄႈ ႁႂ်ႈဢပျႅတ်ႈၵႆၵၼ်တင်းၸဝ်ႈဢၼၼ်ႇတႃႉ တၼ်းၶူဝ်းသေၵမ်းလူၺ်ႈ။
၁၁ မၼ်းၸဝ်ႈတၵ်းတွပ်ႇတႅၼ်းပၼ်ၸွမ်း ၵႃႈၼင်ႇဢမူႉဢၼ်ၵူၼ်းႁဵတ်းၼၼ်ႉဢေႃႈ။မၼ်းၸဝ်ႈတၵ်းႁႂ်ႈၵူႈၵေႃႉၵူႈၵူၼ်းလႆႈၶၢမ်ႇဢဝ်ၸွမ်းၵႃႈၼင်ႇဢၼ်ထိူၵ်ႈတၢၼ်ႇၵၼ်တင်းသဵၼ်ႈတၢင်းၽႂ်သဵၼ်ႈတၢင်းမၼ်းၼၼ်ႉဢေႃႈ။
၁၂ ၸႂ်ႈတႄႉတႄႉဢေႃႈ။ ၽြႃးပဵၼ်ၸဝ်ႈဢမ်ႇႁဵတ်းတူႉၸရိူၵ်ႈ။ ၸဝ်ႈဢၼၼ်ႇတႃႉတၼ်းၶူဝ်း ဢမ်ႇၸီႇယၢင်ႇၸွမ်းၼင်ႇ ဢၼ်ဢမ်ႇတြႃး။
၁၃ ၽူႈ လႂ်ဢဝ်လိၼ်မိူင်းဢၢပ်ႈပၼ်တီႈမၼ်းၸဝ်ႈ။ၽူႈ လႂ်ပွင်ႁဵတ်းလုမ်းလႃးလေႃးၵထၢတ်ႈ တင်းသဵင်ႈတင်းမူတ်း။
၁၄ ပေႃးမၼ်းၸဝ်ႈဝႆႉၸႂ်ၸူးတီႈၵူၼ်းလႄႈ ၵူႈသိမ်းဢဝ်ဢသၢၵ်ႈဝိၺိၺ်ႇမၼ်းၸိုင် ၵူၼ်းသတ်ႉတဝႃႇတင်းသဵင်ႈတင်းလူင်
၁၅ တၵ်းဢွၼ်ၵၼ်လူႉလႅဝ်ႁၢႆၵႂႃႇၵမ်းလဵဝ်လႄႈ သမ်ႉတၵ်းလႆႈၶိုၼ်းႁွတ်ႈ ထိုင်တီႈမုၼ်လိၼ်ဢေႃႈ။
၁၆ မိူဝ်ႈလဵဝ်ၼႆႉပေႃးမႂ်းမီးၺၢၼ်ႇၸိုင်ထွမ်ႇငိၼ်းလူးၵွၼ်ႇသေၵမ်း။ ႁႄႈႁူၸူးတီႈသဵင် ၵႂၢမ်းၵဝ်လူးၵွၼ်ႇသေၵမ်း။
၁၇ ၵေႃႉဢၼ်ငိၼ်းၸင်းၽြႃးၼၼ်ႉတၵ်းလႆႈဢုပ်ႉႉလႆႈပိူင်ႇႁိုဝ်။ထုၵ်ႇလီတၢင်ႇဢပျႅတ်ႈတီႈ ၸဝ်ႈဢၼ်ၸီႇယၢင်ႇၸွမ်းၼင်ႇတြႃးလႄႈတၼ်း ၶူဝ်းယႂ်ႇၼၼ်ႉႁိုဝ်။
၁၈ မၼ်းၸဝ်ႈပဵၼ်ၽူႈဢၼ်လၢတ်ႈတီႈၶုၼ်ႁေႃၶမ်းလႄႈဝႃႈ၊- မႂ်းၼႆႉပဵၼ်ၵူၼ်းႁၢႆႉၵူၼ်းယုတ်ႈဢေႃႈ၊ ဝႃႈၼင်ႇၼႆလႄႈလၢတ်ႈတီႈမူးမၢတ်ႈၽွင်းမိူင်းတင်းလၢႆလႄႈဝႃႈ၊-သူၼႆႉပဵၼ်ၵူၼ်းဢႃႉထမ်ႇ မႃႉဢေႃႈ၊ဝႃႈၼင်ႇၼႆဢမ်ႇၸႂ်ႈႁိုဝ်။
၁၉ လိူဝ်သေၼၼ်ႉဢမ်ႇၵႃး မၼ်းၸဝ်ႈပဵၼ်ၽူႈဢၼ်ဢမ်ႇထွၵ်ႈလူၺ်ႈၼႃႈၶုၼ်၊ ဢၼ်ဢမ်ႇပၼ်ၼႃႈ တေႃႇၵေႃႉဢၼ်မၢၵ်ႈမီးၼၼ်ႉလႄႈ ဢမ်ႇပႄႉၵိၼ်ၵေႃႉဢၼ်ယၢၵ်ႈဢၼ်ၽၢၼ်ၼၼ်ႉ။လွင်ႈမၼ်းၸမ်ၶဝ်တင်းသဵင်ႈတင်းလူင်ၼၼ်ႉပဵၼ်မၼ်းၸဝ်ႈ ဢဝ်မိုဝ်းၸဝ်ႈႁဵတ်းပဵၼ်မႃးဢေႃႈ။
၂၀ ၼႂ်းၵႅပ်ႉဢွၼ်ႇၵမ်းဢွၼ်ႇၼိုင်ႈၵူၺ်း ၶဝ်ၸၢင်ႊဢွၼ်ၵၼ်တၢႆၵႂႃႇဝၢႆးၵႂႃႇဢေႃႈ။ၶိင်ႇတဵင်ႈၶိုၼ်းၵူၼ်းတင်းလၢႆ ၸၢင်ႊလႆႈၶၢမ်ႇတၢင်းဢၼ်ဢဝ်သၼ်ႇဢဝ်ဝႆသေလႄႈလပ်ႉႁၢႆၵႂႃႇလႄႈၶဝ်ၸိူဝ်းဢၼ်ႁႅင်းယႂ်ႇၼႃႇၼၼ်ႉၽူႈ လႂ်သေၵေႃႉသေၵူၼ်းယင်းဢမ်ႇဢဝ်မိုဝ်းႁဵတ်းၵႃႈသင်တီႈၶဝ်လႄႈ ၸၢင်ႊဢွၼ်ၵၼ်ႁွတ်ႈထိုင် တၢင်းဢၼ်ပႄႇၽဵဝ်ႈပႅတ်ႈဢေႃႈ။
၂၁ လွင်ႈမၼ်းၸမ်းမၢၵ်ႇတႃမၼ်းၸဝ်ႈ လူတူၺ်းသဵၼ်ႈတၢင်းဢၼ်ၵူၼ်းၵႂႃႇၸိူဝ်းၼၼ်ႉယူႇလႄႈ ႁၼ်ႁွႆးတိၼ်မၼ်းၵႃႈမီးၼၼ်ႉ ယူႇဢေႃႈ။
၂၂ ဢမ်ႇမီးလပ်းသိင်ႇ၊ဢမ်ႇမီးႁူမ်ႈတၢင်းတၢႆ၊တီႈဢၼ်ၶဝ်ၸိူဝ်းဢၼ်ၵမ်ၵျၢင်ႉၸွမ်းၼင်ႇဢၼ်ဢမ်ႇတြႃးၼၼ်ႉ တၵ်းတဵတ်ႇမႅပ်းယူႇၼၼ်ႉသေၸိူဝ်ႉ သေဢၼ်။
၂၃ လွင်ႈဢၼ်မၼ်းၸဝ်ႈတၵ်းလႆႈၸႅတ်ႈထၢမ်ၵူၼ်းယူႇထႅင်ႈလႄႈႁႂ်ႈလႆႈဢဝ်ၶဝ်မႃးၶၢမ်ႇတၢင်းဢၼ်ၸီႇယၢင်ႇတြႃးၵႃႈတီႈၽၢႆႇၼႃႈၽြႃးပဵၼ် ၸဝ်ႈၼၼ်ႉဢမ်ႇမီး။
၂၄ ၶဝ်ၸိူဝ်းဢၼ်ႁႅင်းယႂ်ႇၼၼ်ႉၵေႃႈမၼ်းၸဝ်ႈယင်းဢမ်ႇၸႅတ်ႈဢမ်ႇထၢမ်လႄႈ ႁၵ်းယႃႉပႅတ်ႈသေလႄႈ ၶၢၼ်းတၢင်ႇၵေႃႉတၢင်းၵူၼ်းဝႆႉတၢင် တူဝ်ၶဝ်ဢေႃႈ။
၂၅ ပိူဝ်ႈဢၼ်ပဵၼ်ၼင်ႇၼႆလႄႈ မၼ်းၸဝ်ႈႁူႉၵႃႈဢၼ်ၶဝ်ႁဵတ်းၼၼ်ႉယူႇလႄႈ ဢဝ်ၶဝ်ၶႂၢမ်ႈပိၼ်ႈပႅတ်ႈ ၶိင်ႇၵၢင်ၶိုၼ်းထၼ်ႈပေႃး လူႉပေႃးလႅဝ် ဢေႃႈ။
၂၆ မၼ်းၸဝ်ႈပၼ်တၢမ်ႇတီႈၶဝ်မိူၼ်ၸိူဝ်ႉၼင်ႇၵူၼ်းႁၢႆႉၵူၼ်းမိူၵ်ႈၼၼ်ႉ သိုဝ်ႈၼႃႈတႂ်ႈတႃႇပရိၵ်ႈ သၢတ်ႈဢေႃႈ။
၂၇ လွင်ႈမၼ်းၸမ်းၶဝ်ၼၼ်ႉဢွၼ်ၵၼ်ငႅၵ်းပိူင်ႈဝႄႈပိူင်ႈသေ ၵႃႈတီႈတၢင်းဢၼ်ၸွမ်းလင်မၼ်းၸဝ်ႈၼၼ်ႉလႄႈ ၶဝ်ဢမ်ႇၶႆႈၸႂ်ဝူၼ်ႉၸႂ်လူၺ်ႈလွင်ႈ သဵၼ်ႈတၢင်းမၼ်းၸဝ်ႈၸိူဝ်းၼၼ်ႉလႃးလႃး။
၂၈ ၵွပ်ႈပိူဝ်ႈဢၼ်ႁဵတ်းၼင်ႇၼၼ်လႄႈ သဵင်ၶဝ်ၸိူဝ်းဢၼ်ႁႅင်းလဵၵ်ႉႁႅင်းဢူၼ်ႈၼၼ်ႉ ၶိုၼ်ႈၸူးၵႃႈတီႈမၼ်းၸဝ်ႈလႄႈမၼ်းၸဝ်ႈ လႆႈငိၼ်းသဵင်ၶဝ်ၸိူဝ်းဢၼ်လႆႈၶၢမ်ႇတၢင်း ဢၼ်ၼိၵ်ႈၸၢၵ်ႈငႅၼ်းသေးႁွင်ႉႁႆႈၼၼ်ႉဢေႃႈ။
၂၉ ပေႃးမၼ်းၸဝ်ႈပၼ် ၵတ်းယဵၼ်ၶျၢမ်းသႃႇၸိုင်ၽူႈ လႂ်တၵ်းတၢင်ႇဢပျႅတ်ႈမၼ်းၸဝ်ႈ။ပေႃးမၼ်းၸဝ်ႈလပ်ႉၼႃႈ မၼ်းၸဝ်ႈၸိုင်ၽူႈ လႂ်တၵ်းႁၼ်မၼ်းၸဝ်ႈလႆႈ။
၃၀ မၼ်းၸဝ်ႈဢုပ်ႉပိူင်ႇ ၵႃႈၼိူဝ်ၵူၼ်းၵႃႈၼိူဝ်ဝၢၼ်ႈမိူင်းတင်းလၢႆလႄႈ ဢမ်ႇႁႂ်ႈၶဝ်ၸိူဝ်းဢၼ်ဢမ်ႇတြႃးၼၼ်ႉ လႆႈဢုပ်ႉပိူင်ႇၸၢမ်ႇၸႃး ဢမ်ႇႁႂ်ႈလႆႈဢဝ်တူင်ႇႁဵဝ်ႉတူင်ႇၶိုမ်း ၶၢင်ႈဝႆႉ။
၃၁ ပေႃးၵေႃႉၼိုင်ႈလဝ်ႈလၢတ်ႈတီႈၽြႃးပဵၼ်ၸဝ်ႈလႄႈဝႃႈ၊-ၶႃႈၸဝ်ႈလႆႈၶၢမ်ႇတၢင်းဢၼ်သင်ႇသွၼ်သုင်းမႃႉတီႈၶႃႈယဝ်ႉ။ၵမ်းလိုၼ်းၶႃႈၸဝ်ႈတၵ်းဢမ်ႇ ၽိတ်းဢမ်ႇပိူင်ႈတီႈၶႃႈယဝ်ႉ။
၃၂ လွင်ႈတၢင်းဢၼ်ၶႃႈၸဝ်ႈဢမ်ႇႁူႉဢမ်ႇႁၼ်ၼၼ်ႉၸိုင်ၶႅၼ်းတေႃႈသင်ႇသွၼ်ပၼ်တီႈၶႃႈၸဝ်ႈသေၵမ်းတီႈၶႃႈ။ပေႃးၶႃႈၸဝ်ႈလႆႈႁဵတ်းတူႉၸရိူၵ်ႈမႅၼ်ႈၸိုုင် ၵမ်းလိုၼ်းယင်းဢမ်ႇ ႁဵတ်းလႄႈတၵ်းယူႇတီႈၶႃႈဢေႃႈ၊ ဝႃႈၼင်ႇၼႆၸိုင်၊
၃၃ မၼ်းၸဝ်ႈ တၵ်းလႆႈၸွမ်းဢလူဝ်ႇမႂ်းလႄႈ ပၼ်ဢၵျူဝ်းဢပျႅတ်ႈတီႈမႂ်းႁိုဝ်။ပေႃးဢမ်ႇမီးတၢင်းဢၼ်ၶုၵ်းၸႂ်လႆႈမႆႈၸႂ်ၸိုင်မၼ်းၸဝ်ႈတၵ်းလႆႈၸီႇယၢင်ႇႁိုဝ်။မႂ်းတၵ်းလႆႈတႅပ်းတတ်းႁင်းမႂ်းဢေႃႈ။ဢမ်ႇၸႂ်ႈၵဝ်။မႂ်း ထၢင်ႇၸိူဝ်ႉႁိုဝ်လၢတ်ၼႄၵဝ်သေၵမ်း။
၃၄ ၶဝ်ၸိူဝ်းဢၼ်ၺၢၼ်ႇလီဢၼ်ဝႃႈ ၶဝ်ၸိူဝ်းဢၼ်မီးပိင်ႇၺႃႇလႄႈထွမ်ႇငိၼ်းၵႂၢမ်းၵဝ်ၼၼ်ႉ တၵ်းဢွၼ်ၵၼ်လၢတ်ႈတီႈ ၵဝ်လႄႈဝႃႈ၊-
၃၅ ယေႃႇၽၼႆႉယင်းဢမ်ႇႁူႉလႄႈလၢတ်ႈမႅၼ်ႈယဝ်ႉ။ၵႂၢမ်းဢၼ်မၼ်းလၢတ်ႈၼၼ်ႉဢမ်ႇၸႂ်ႈပိင်ႇ ၺႃႇၵူၺ်း၊ဝႃႈၼင်ႇၼႆဢေႃႈ။
၃၆ ၵဝ်ၶႃႈမီးဢလူဝ်ႇၶႂ်ႈႁႂ်ႈယေႃႇၽၶၢမ်ႇတၢင်းဢၼ်ၸၢမ်းတူၺ်း တေႃႇထိုင်ႁွတ်ႈတီႈသုတ်းတီႈၵွႆ ၵွပ်ႈပိူဝ်ႈဢၼ်မၼ်းၸၢင်ႊၶိုၼ်းလၢတ်ႈမိူၼ်ၸိူဝ်ႉၼင်ႇ ၶဝ်ၸိူဝ်းဢၼ်ဢမ်ႇတြႃးၼၼ်ႉဢေႃႈ။
၃၇ မၼ်းဢဝ်ဢပျႅတ်ႈတၢင်းဢၼ်လုၵ်ႉၽိုၼ်ႉၼၼ်ႉထၢပ်ႈထႅင်ႈသႂ်ႇထႅင်ႈ ၵႃႈၼိူဝ်တူႉၸရိူၵ်ႈမၼ်းဢေႃႈ။မၼ်းၸၢင်ႊတူပ်းမိုဝ်းမၼ်း ၵႃႈၼႂ်းၵႄႈႁဝ်းၵၢင်ႁဝ်းလႄႈ ဢဝ်တင်းၵႂၢမ်းဢၼ်ၽိတ်းပိူင်ႈၽြႃးပဵၼ်ၸဝ်ႈလၢတ်ႈၼမ်ၼႃႇလူင်လၢင်ဢေႃႈ၊ ဝႃႈၼင်ႇၼႆဢေႃႈ။