၄၀
၁ လၢႆးသမ်ႉထႃႇဝရႃႉၽြႃး မီးဢမိင်ႉတီႈယေႃႇၽလႄႈဝႃႈ၊-
၂ ၵေႃႉဢၼ်သင်ႇသွၼ်သုင်းမႃႉၼၼ်ႉတၵ်းႁဵတ်းၶတ်းၶဵင်ႇႁႅင်းတႃႉ ၸဝ်ႈဢၼၼ်ႇတႃႉတၼ်းၶူဝ်းလူး ၵွၼ်ႇႁိုဝ်။
၃ ႁႂ်ႈၵေႃႉဢၼ်တၢင်ႇဢပျႅတ်ႈတီႈၽြႃးပဵၼ်ၸဝ်ႈၼၼ်ႉၶိုၼ်းလၢတ်ႈတႃႉ၊ ဝႃႈၼင်ႇၼႆသေယဝ်ႉ၊ယေႃႇၽ ၶိုၼ်းလဝ်ႈလၢတ်ႈတီႈထႃႇဝရႃႉၽြႃးလႄႈ ဝႃႈ၊-
၄ တူၺ်းတီႈၶႃႈလူ။ၶႃႈၸဝ်ႈၼႆႉပဵၼ်ဢၼ်တႅမ်ႇယေႃႈမဝ်မၢင်တီႈၶႃႈဢေႃႈ။တၵ်းလႆႈၶိုၼ်းလဝ်ႈလၢတ်ႈတီႈၸဝ်ႈႁဝ်းၸိူဝ်ႉၼင်ႇႁိုဝ်ၶႃႈ။ၶႃႈၸဝ်ႈတၵ်းဢဝ်မိုဝ်းတူဝ်ၸဝ်ႈၵဝ်ႇ တူပ်းသူပ်းတူဝ်ၸဝ်ႈၵဝ်ႇယူႇ တီႈၶႃႈဢေႃႈ။
၅ ၶႃႈၸဝ်ႈလႆႈလၢတ်ႈမႅၼ်ႈပွၵ်ႈၼိုင်ႈတီႈၶႃႈယဝ်ႉ။တၵ်းဢမ်ႇၶိုၼ်းလၢတ်ႈထႅင်ႈတီႈၶႃႈယဝ်ႉ။ၶႃႈၸဝ်ႈလၢတ်ႈမႅၼ်ႈတေႃႇထိုင်ႁွတ်ႈသွင်ပွၵ်ႈတီႈၶႃႈယဝ်ႉ။ၵူၺ်းၵႃႈၶႃႈၸဝ်ႈတၵ်းဢမ်ႇထၢပ်ႈထႅင်ႈလႄႈလၢတ်ႈတီႈၶႃႈယဝ်ႉ၊ဝႃႈၼင်ႇၼႆဢေႃႈ။
၆ မိူဝ်ႈၼၼ်ႉထႃႇဝရႃႉၽြႃးယူႇၵႃႈၼႂ်းၽူၼ်လူင်လူမ်းလူင်သေလႄႈ မီးဢမိင်ႉတီႈယေႃႇၽလႄႈဝႃႈၸမ်း၊-ႁတ်ႉဢႅဝ်မႂ်းမိူၼ်ၸိူဝ်ႉၼင်ႇၵူၼ်းၸၢႆးတႃႉ။
၇ ၵဝ်တၵ်းတွင်ႉထၢမ်တီႈမႂ်းလႄႈ မႂ်းၶိုၼ်းၵႄႈလိတ်ႈၵႂၢမ်းၵဝ်တႃႉ။
၈ မႂ်းတၵ်းပႄႇပႅတ်ႈ တၢင်းဢၼ်ၵဝ်ၸီႇယၢင်ႇၸွမ်းၼင်ႇတြႃးၼၼ်ႉႁိုဝ်။မႂ်းတၵ်းၸီႇယၢင်ႇဢပျႅတ်ႈတီႈၵဝ်ႁႂ်ႈ မႂ်းပဵၼ်ၸိူဝ်ႉၼင်ႇႁၢင်ႊသိုဝ်ႈတေႃႇၼၼ်ႉႁိုဝ်။
၉ မႂ်းမီးႁႅင်းၶႅၼ်ႁႅင်းမိုဝ်းမိူၼ်ၸိူဝ်ႉၼင်ႇၽြႃးပဵၼ်ၸဝ်ႈႁိုဝ်။ မႂ်းဢဝ်တင်းသဵင်ၸိူဝ်ႉၼင်ႇသဵင်ၽြႃးပဵၼ်ၸဝ်ႈၼၼ်ႉသေ လႄႃႈႉလင်ႊလႆႈႁိုဝ်။
၁၀ မႂ်းဢဝ်မူၼ်ႈၽုင်းဢႃႇၼူႉၽေႃႇဢၼ်လၢၵ်ႇလၢႆးၼၼ်ႉၼုင်ႈမႆႊတႃႉ။မႂ်းဢဝ်တင်းၵုင်ႇ သရေႇတၢင်းဢၼ်ၶိုၵ်ႉၶမ်ႇၼၼ်ႉႁၢင်ႈၶိူင်ႈတႃႉ။
၁၁ ထွၵ်ႇႁိုဝ်ႈတၢင်းဢၼ်တေႃးသႃႉတၢင်းၸႂ်မႆႈၶႆႈၸႃႉမႂ်း ထူမ်ႈႁူမ်ႇၼၼ်ႉတႃႉ။ တူၺ်းၶဝ်ၸိူဝ်းဢၼ်မႃႇၼႃႉပူၵ်းပႅၼ်ၵႃႈ မီးၼၼ်ႉသေလႄႈၶျႃးၶဝ်တူၵ်းတီႈတႅမ်ႇတႃႉ။
၁၂ တူၺ်းၶဝ်ၸိူဝ်းဢၼ်မႃႇၼႃႉပူၵ်းပႅၼ်ၵႃႈမီးၼၼ်ႉသေလႄႈ ယႃႉ သရေႇၶဝ်တႃႉ။
၁၃ တဵၵ်းယဵပ်ႇၵူၼ်းဢႃႉထမ်ႇမႃႉၼႂ်းတီႈဢၼ်ၶဝ်ယူႇၶဝ်သဝ်းၼၼ်ႉတႃႉ။ဢဝ်ၶဝ်သိူင်ႇဝႆႉၵႃႈၼႂ်းမုၼ်လိၼ်မုၵ်ႉလဵဝ်ၸုမ်းလဵဝ်ၵူၺ်းလႄႈဢဝ်ဢၼ် လပ်းသိင်ႇမတ်ႉၶဵၼ်းၼႃႈၶဝ်တႃႉ။
၁၄ ပေႃးႁဵတ်းၸိူဝ်ႉၼင်ႇၼၼ်ၸိုင် ၵဝ်တၵ်းပၼ်ဢၶႂင်ႉလွင်ႈဢၼ်ႁႅင်းမိုဝ်းၶွၼ်ၶႂႃမႂ်း တၵ်းၵႄႇသႄႇၶျွတ်ႈဢဝ်မႂ်းလႆႈၼၼ်ႉယူႇဢေႃႈ။
၁၅ တူၺ်းၸူင် ဢၼ်ၵဝ်ၽၢၼ်ႇသၢင်းႁဵတ်းပဵၼ် လူၺ်ႈၵၼ်တင်းမႂ်းၼၼ်ႉတႃႉ။မၼ်းၸၢင်ႊၵိၼ်ယိူဝ်ႈမိူၼ်ၸိူဝ်ႉ ၼင်ႇဝူဝ်းဢေႃႈ။
၁၆ တၼ်းၶူဝ်းမၼ်းတႄႇယူႇၵႃႈတီႈဢႅဝ်မၼ်းလႄႈ ႁႅင်းမၼ်းတႄႇယူႇၵႃႈတီႈဢဵၼ်တွင်ႉ မၼ်းဢေႃႈ။
၁၇ မၼ်းၸၢင်ႊၼိုင်ၶွၼ်းႁၢင်မၼ်းမိူၼ်ၸိူဝ်ႉၼင်ႇတူၼ်ႈဢႃႇရိတ်ႉလႄႈ ဢဵၼ်ၶႃမၼ်းၸိူဝ်းၼၼ်ႉ မီးတၢင်းဢၼ်ၶႂၢႆႇၵၼ်သၢၼ်ၵၼ်ယူႇဢေႃႈ။
၁၈ လုပ်ႇယွႆႈမၼ်းၸိူဝ်းၼၼ်ႉ ပဵၼ်ၸိူဝ်ႉၼင်ႇလႅမ်ႈတွင်းလိူင်လႄႈလုပ်ႇလူင်မၼ်းၸိူဝ်းၼၼ်ႉ ပဵၼ်ၸိူဝ်ႉၼင်ႇတုမ်လဵၵ်း ဢေႃႈ။
၁၉ မၼ်းပဵၼ်ဢၼ်လၢၵ်ႇလၢႆးၼႃႇသေပိူၼ်ႈၼႂ်းသတ်ႉတဝႃႇ ဢၼ်ၽြႃးပဵၼ်ၸဝ်ႈႁဵတ်းပဵၼ် ၸိူဝ်းၼၼ်ႉဢေႃႈ။ ၸဝ်ႈဢၼ်ႁဵတ်းပဵၼ်မၼ်းၼၼ်ႉၵူၺ်း ပၼ်လၢပ်ႇတီႈမၼ်းဢေႃႈ။
၂၀ သၼ်ႇလွႆတေးလွႆတီႈဢၼ်တရိၵ်ႈသၢၼ်ႇတင်းသဵင်ႈတင်းလူင် လႅၼ်ႈလေႃႇယဝ်ႉယွၵ်ႇၵၼ်ၼၼ်ႉ ဢွၵ်ႇတၢင်းၵိၼ်တၢင်းၶူပ်းပုၼ်ႈမၼ်း ဢေႃႈ။
၂၁ မၼ်းၼွၼ်းယူႇၵႃႈတႂ်ႈတူၼ်ႈမူဝ် လႂ်၊ၵႃႈၼႂ်းပုင်းၶႅမ်ပုင်းလဝ်း လႂ်ၵႃႈတီႈၼမ်ႉၸိုဝ်ႉၼမ်ႉယမ်း လႂ် ၼၼ်ႉဢေႃႈ။
၂၂ တူၼ်ႈမူဝ်ၸိူဝ်းၼၼ်ႉဢဝ်ႁူမ်ႈၵွင်ႉငဝ်းၶဝ်ႁူမ်ႇသုမ်ႇမၼ်းယူႇလႄႈ တူၼ်ႈမႆႉၶႆႉဢၼ်မီးၵႃႈႁိမ်းၼမ်ႉ ႁွင်ႊၼမ်ႉၵေးၸိူဝ်းၼၼ်ႉလွမ်ႉႁွပ်ႈမၼ်းဝႆႉဢေႃႈ။
၂၃ ပိၵ်ႉသမ်ႉၼမ်ႉႁွင်ႈလုၵ်ႉၶိုၼ်ႈၼွင်းမႃးသေၵေႃႈ မၼ်းဢမ်ႇတူၵ်းၸႂ်။ပိၵ်ႉသမ်ႉၼမ်ႉႁွင်ႊယေႃႇတၢၼ်ႇပတ်ႉထူဝ်းသူပ်းမၼ်းသေၵေႃႈ မၼ်းဢမ်ႇမီးတၢင်းဢၼ်ၵူဝ်ႁႄ။
၂၄ တၵ်းၶဝ်ႈၸူးသိုဝ်ႈၼႃႈတႂ်ႈတႃမၼ်းသေလႄႈ တီႉဢဝ်မၼ်းႁိုဝ်။တၵ်းဢဝ်ၶေႃလဵၵ်းၸီးၶူႈလင်မၼ်းပွင်ႇႁိုဝ်။