၅
၁ မႂ်းသႅၼ်ႇႁွင်ႉမိူဝ်ႈလဵဝ်ၼႆႉလူး။မီးၵေႃႉဢၼ်တၵ်းဢိူဝ်ႈမႂ်းႁိုဝ်။ၼႂ်းၶဝ်ၸိူဝ်းဢၼ်မူတ်းၸၢင်ႇၼၼ်ႉမႂ်းတၵ်းမုင်ႈလူမုင်ႈတူၺ်းၽူႈ လႂ်။
၂ တေႃးသႃႉၸၢင်ႈယႃႉၵူၼ်းမိူၵ်ႈပႅတ်ႈလႄႈ သၽေႃးဢၼ်သီႈၵေႉႁႄႈတႃႇၼၼ်ႉၸင်ႇ ဢဝ်ၵေႃႉဢၼ်မီးပိင်ႇၺႃႇၼၼ်ႉတၢႆဢေႃႈ။
၃ တူဝ်ႈၵဝ်လႆႈႁၼ်ၵူၼ်းမိူၵ်ႈယင်ႇႁၢၵ်ႈမၼ်းဢေႃႈ။ၵူၺ်းၵႃႈတီႈယူႇတီႈသဝ်းမၼ်းၼၼ်ႉ လႆႈၶၢမ်ႇတၢင်းဢၼ်ၵိၼ်ႇ လႃႇၵမ်းလဵဝ်ဢေႃႈ။
၄ လုၵ်ႈလၢင်းမၼ်းၸိူဝ်းၼၼ်ႉၵႆၵၼ်ယၢၼ်ၵၼ်တင်းတီႈဢၼ်ၵၢင်း လွတ်ႈၽေးၼၼ်ႉလႄႈ လႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေးၵႃႈၼႂ်းၽၵ်းတူဝဵင်းယူႇသေလႄႈ ဢမ်ႇမီးၵေႃႉဢၼ်ၵႄႇ သႄႇၼုၵ်ႈဢဝ်ဢွၵ်ႇသေၵေႃႉသေၵူၼ်း။
၅ ၶဝ်ႈပိူၵ်ႇဢၼ်ၶဝ်ပၢတ်ႇၼၼ်ႉၸိုင် ၶဝ်ၸိူဝ်းဢၼ်တွင်ႉမႆႈသႆႈလိူတ်ႇၼၼ်ႉဢွၼ်ၵၼ်ၵိၼ်လႄႈ ဢၼ်မီးယူႇၵႃႈၼႂ်းတူၼ်ႈၼၢမ်လွမ်ႉဝႆႉၼၼ်ႉၵေႃႈ ယင်းလႆႈၶၢမ်ႇတၢင်းဢၼ်ဢဝ်ဢွၵ်ႇလႄႈ တူင်ႇႁဵဝ်ႉတူင်ႇၶိုမ်းၽုၺ်ႇၵီႈဝႆႉမီးယူႇပုၼ်ႈ ၶွင်ၶူဝ်းၶဝ်ၼၼ်ႉဢေႃႈ။
၆ တၢင်းၶီတၢင်းၽၢၼ်လုၵ်ႉသေၵႃႈၼႂ်းမုၼ်လိၼ်မႃးဢမ်ႇၸႂ်ႈ။တုၵ်ႉၶႃႉဝူၺ်ႇတၼႃႇ ဢွၵ်ႇသေၵႃႈၼႂ်းလိၼ်မႃးဢမ်ႇၸႂ်ႈ။
၇ ၵူၼ်းၸိုင်ၵိူတ်ႇလဵင်ႉမႃး ပုၼ်ႈဢၼ်တၵ်းၶၢမ်ႇတုၵ်ႉၶၢမ်ႇတုၵ်ႉၶႃႉမိူၼ်ၸိူဝ်ႉၼင်ႇ ၶႆႇၽႆးၸၢင်ႊမိၼ်ၶိုၼ်ႈၵႃႈၼိူဝ်ၼၼ်ႉဢေႃႈ။
၈ ၵဝ်ၸမ်းတၵ်းသုတ်ႉၸပ်းသုတ်ႉၸူးၽြႃးပဵၼ်ၸဝ်ႈလႄႈ ဢဝ်ဢမူႉၵဝ် ဢၢပ်ႈတီႈၽြႃးပဵၼ်ၸဝ်ႈဢၼ်ႁဵတ်း လွင်ႈတၢင်းဢၼ်ယႂ်ႇဢၼ်လူင် လွင်ႈတၢင်း ဢၼ်ၸႅတ်ႈထၢမ်ၸႅတ်ႈတူၺ်းလႄႈ
၉ ဢမ်ႇသဵင်ႈလႆႈလွင်ႈတၢင်းဢၼ်လီဢၢမ်း ဢၼ်ၼပ်ႉဢၢၼ်ႇလႄႈ ဢမ်ႇသုတ်းဢမ်ႇသဵင်ႈလႆႈၼၼ်ႉဢေႃႈ။
၁၀ မၼ်းၸဝ်ႈႁႂ်ႈၽူၼ်တူၵ်းၵႃႈၼိူဝ်လိၼ်မိူင်းလႄႈ ပၼ်ၼမ်ႉတီႈၼႃး လိၼ်ဢေႃႈ။
၁၁ မၼ်းၸဝ်ႈဢဝ်ၶဝ်ၸိူဝ်းဢၼ်တူၵ်းတီႈတႅမ်ႇၼၼ်ႉတၢင်ႇဝႆႉ ၵႃႈတီႈဢၼ်သုင်လႄႈယုၵ်ႉယွင်ႈၶဝ်ၸိူဝ်းဢၼ်ယၢၵ်ႈၽၢၼ်ၶၢၼ်ၸႂ်ၼၼ်ႉ ဝႆႉတီႈဢၼ် ၵုမ်ႇလီပေႃးလီၼၼ်ႉဢေႃႈ။
၁၂ မၼ်းၸဝ်ႈယႃႉတၢင်းၵျၢမ်ႇတၢင်းပွင်ၶဝ်ၸိူဝ်းဢၼ်ႁဵတ်းပရိယေႇၼၼ်ႉ ႁႂ်ႈထၢၼ်ႈပေႃး မိုဝ်းၶဝ်ဢမ်ႇပွင်ဢမ်ႇႁဵတ်းလႆႈ ဢမူႉၶဝ်ၼၼ်ႉ ဢေႃႈ။
၁၃ မၼ်းၸဝ်ႈတီႉၵမ်ဢဝ်ၶဝ်ၸိူဝ်းဢၼ်မီးပိင်ႇၺႃႇၼၼ်ႉ လူၺ်ႈတင်းပရီ့ယႄႇၶဝ်ၼၼ်ႉလႄႈ ႁႂ်ႈတၢင်းဢၼ်ၶဝ်ၸိူဝ်းဢၼ် ၸၢင်ႈပႅတ်ႉၸၢင်ႈလႅၼ်တင်းလၢႆတိူင်ႇပၢင်ႇလၢတ်ႈၸႃၵၼ်ၼၼ်ႉ လူမ်ႉပၵ်းၶိတ်းတူၵ်း ၵႂႃႇဢေႃႈ။
၁၄ ၶဝ်ဢၼ်လႆႈဢွၼ်ၵၼ်ထူပ်းလပ်းသိင်ႇၼႂ်းၶိင်ႇၵၢင်ဝၼ်းလႄႈ လႆႈၵုမ်းၵီႈၵုမ်းၵမ်းၵႂႃႇမႃးမိူဝ်ႈၶိင်ႇၵၢင်ဝၼ်းတဵင်ႈ မိူၼ်ၸိူဝ်ႉၼင်ႇမိူဝ်ႈၶိင်ႇၵၢင်ၶိုၼ်းၼၼ်ႉ ဢေႃႈ။
၁၅ မၼ်းၸဝ်ႈၵႄႇသႄႇၶျွတ်ႈဢဝ်ၶဝ်ၸိူဝ်းဢၼ်ၸုတ်ႈဢၼ်လုတ်ႈၼၼ်ႉသေ ၵႃႈတီႈၽေးလၢပ်ႇသူပ်းၶဝ်တင်း ၵႃႈၼႂ်းမိုဝ်းၶဝ်ၸိူဝ်းဢၼ်ႁႅင်းယႂ်ႇ လႂ်ၼၼ်ႉ ဢေႃႈ။
၁၆ ၼင်ႇၼၼ်လႄႈၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၼၼ်ႉ မီးဢၶႂၢင်ႉဢၼ်မုင်ႈမွင်းယူႇလႄႈ ဢႃႉထမ်ႇမႃႉၵေႃႈ လႆႈဢိုတ်းသူပ်းမၼ်းၼၼ်ႉယူႇဢေႃႈ။
၁၇ တူၺ်းလူး။ၵေႃႉဢၼ်လႆႈၶၢမ်ႇတၢင်းဢၼ်ၽြႃးပဵၼ်ၸဝ်ႈၸႅတ်ႈထၢမ်ၸႅတ်ႈတူၺ်း ၸွမ်းလူၺ်ႈဢပျႅတ်ႈၼၼ်ႉမီးမၢင်ႇၵလႃႇဢေႃႈ။ပိူဝ်ႈၼႆလႄႈယႃႇပေႁဵတ်းဢမ်ႇပေႃးၼင်ႇႁိုဝ် တီႈတၢင်းဢၼ်ၸဝ်ႈဢၼၼ်ႇတႃႉတၼ်းၶူဝ်းသင်ႇသွၼ်သုင်းမႃႉၼၼ်ႉသေၵမ်း။
၁၈ မၼ်းၸဝ်ႈႁႂ်ႈပဵၼ်ၸဵပ်းပဵၼ်သႅပ်ႇလႄႈ သမ်ႉမတ်ႉႁေႃႇၶဵၼ်းပၼ်တီႈၸဵပ်းတီႈသႅပ်ႇၼၼ်ႉဢေႃႈ။မၼ်းၸဝ်ႈပၼ်တၢမ်ႇလႄႈ သမ်ႉဢဝ်တင်းမိုဝ်းၸဝ်ႈႁႂ်ႈသၢၵ်ႈသႃႇၶႅၼ်းမႃးဢေႃႈ။
၁၉ မၼ်းၸဝ်ႈတၵ်းၵႄႇသႄႇၼုၵ်ႈဢဝ်မႂ်းဢွၵ်ႇသေ ၵႃႈၼႂ်းဢမူႉႁူၵ်းပႃးၵူၺ်းဢမ်ႇၵႃးၵႃႈၼႂ်းဢမူႉၸဵတ်းပႃးၵေႃႈ ၽေးသေၸိူဝ်ႉသေပိူင်တၵ်းဢမ်ႇ လႆႈတိူဝ်ႉလႆႈထုၵ်ႇမႂ်း။
၂၀ မၼ်းၸဝ်ႈတၵ်းထုတ်ႇၼုၵ်ႈဢဝ်မႂ်းဢွၵ်ႇသေၵႃႈၼႂ်းတၢင်းတၢႆ ယၢမ်းမိူဝ်ႈဢၼ်တၢင်းၵိၼ်တၢင်းၶူပ်းၵႃႈပႅင်းၼၼ်ႉလႄႈ ၼုၵ်ႈဢဝ်မႂ်းဢွၵ်ႇသေၵႃႈၼႂ်းၽေးလၢပ်ႇၽေးလႅဝ်း ယၢမ်းမိူဝ်ႈဢၼ် တိုၵ်းသိုၵ်းၼၼ်ႉဢေႃႈ။
၂၁ မႂ်းတၵ်းၵၢင်းလွတ်ႈတင်းၽေးသူပ်းၽေးလိၼ်ႉလႄႈ ပိၵ်ႉသမ်ႉၽေးတၢင်ႇဢၼ်လူႉလႅဝ် ထိုင်ႁွတ်ႈသေၵေႃႈမႂ်းဢမ်ႇလႆႈၵူဝ်လႆႈႁႄ။
၂၂ မႂ်းတၵ်းၶူဝ်တေႃႇၽေးတၢင်းဢၼ်လူႉလႅဝ် ၽေးတၢင်းတၢင်းၵိၼ်တၢင်းၶူပ်းၵႃႈပႅင်းၼၼ်ႉလႄႈ မႂ်းဢမ်ႇလႆႈၵူဝ်လႆႈႁႄ တူဝ်ႁၢႆႉတူဝ်ရိူင်းၵႃႈၼိူဝ်လိၼ်မိူင်း။
၂၃ လွင်ႈမၼ်းၸမ်းမႂ်းတၵ်းႁဵတ်းပတိၺိၼ်ႇလူၺ်ႈၵၼ်တင်း မၢၵ်ႇႁိၼ်ၵႃႈတီႈတူင်ႈႁႆႊတူင်ႈၼႃးၸိူဝ်းၼၼ်ႉလႄႈ တူဝ်ထိူၼ်ႇႁၢႆႉတင်းလၢႆ တၵ်းဢွၼ်ၵၼ်ႁဵတ်းမိၵ်ႈသႁႃႇယႃႉလူၺ် ၵၼ်တင်းမႂ်းဢေႃႈ။
၂၄ မႂ်းတၵ်းႁူႉႁၼ်လွင်ႈဢၼ်မူဝ်းၵႃႇမႂ်းမီးတၢင်းဢၼ်ၼိမ်ဢၼ်လီယူႇၼၼ်ႉလႄႈ မႂ်းၵႂႃႇၸူးၵႃႈတီႈၶွၵ်ႈသူဝ်းၶွၵ်ႈဝူဝ်းမႂ်းလႄႈ ဢမ်ႇလႆႈၶီၸႂ်မႆႈၸႂ်လူၺ်ႈလွင်ႈဢၼ်ႁုၵ်းဢၼ်ႁၢႆႉသေၸိူဝ်ႉသေပိူင်။
၂၅ မႂ်းတၵ်းႁူႉႁၼ် လွင်ႈဢၼ်လုၵ်ႈလၢင်းမႂ်းယႂ်ႇၼမ်ၼၼ်ႉလႄႈ မဵဝ်းၸိူဝ်ႉၶိူဝ်းမႂ်းပဵၼ်ၸိူဝ်ႉၼင်ႇယိူဝ်ႈယႃႈၵႃႈၼိူဝ် လိၼ်မိူင်းၼၼ်ႉဢေႃႈ။
၂၆ မႂ်းတၵ်းလႆႈထဝ်ႈလႆႈၵႄႇလႄႈႁွတ်ႈထိုင်ၵႃႈတီႈ ပႃႇႁဵဝ်ႈသၢင်းၶျႅင်းမႂ်းမိူၼ်ၸိူဝ်ႉၼင်ႇလိူၼ်ႈၶဝ်ႈဢၼ်သိမ်းဢဝ် မိူဝ်ႈဢၼ်ၶိင်ႇမၼ်းထုၵ်ႇၼၼ်ႉဢေႃႈ။
၂၇ တူၺ်းလူး။ဢမူႉၼႆႉၸိုင်ႁဝ်းၸႅတ်ႈထၢမ်ၸႅတ်ႈတူၺ်းလႄႈ ပဵၼ်ဢၼ်မၢၼ်ႇမႅၼ်ႈၸိုဝ်ႈၸႂ်ႈဢေႃႈ။ထွမ်ႇသေၵမ်း။ ဢဝ်သႂၢင်းသႂ်ႇဝႆႉၼႂ်းႁူဝ်ၸႂ်မႂ်းသေၵမ်း၊ဝႃႈၼင်ႇၼႆဢေႃႈ။