၁၇
၁ ဢသၢၵ်ႈၵဝ်လူႉလႅဝ်ယဝ်ႉ။ မိူဝ်ႉဝၼ်းဢၼ်ၵဝ်လႆႈယူႇၼၼ်ႉပူၼ်ႉယဝ်ႉ။ပႃႇႁဵဝ်ႈသၢင်းၶႅင်းၼၼ်ႉပဵၼ်ပုၼ်ႈၵဝ် ဢေႃႈ။
၂ ၶဝ်ၸိူဝ်းဢၼ်သေႉသွမ်းၼၼ်ႉဢွၼ်ၵၼ်လွမ်ႉႁွပ်ႈၵဝ်ဝႆႉဢမ်ႇၸႂ်ႈႁိုဝ်။မၢၵ်ႇတႃၵဝ်လႆႈတူၺ်းလႆႈႁၼ်လွင်ႈတၢင်းဢၼ် ၶဝ်ယႃႉယူၵ်ႉၼၼ်ႉယူႇ သေႇသေႇ ဢမ်ႇၸႂ်ႈႁိုဝ်။
၃ ၶႅၼ်းတေႃႈဝႆႉဢၼ်ပွင်ႇဢၼ်ၵမ်ႉသေလႄႈပဵၼ်ၵေႃႉဢၼ်ႁပ်ႉတုင်းဢဝ်ၶႃႈၸဝ်ႈ ၵႃႈတီႈၸဝ်ႈႁဝ်း သေၵမ်းတီႈၶႃႈ။
၄ ၽူႈ လႂ်တၵ်းယိပ်းမိုဝ်းလူၺ်ႈၵၼ်တင်းၵဝ်။ ပိူဝ်ႈဢၼ်ၸဝ်ႈႁဝ်းႁႄႉလပ်ႉတၢင်းႁူႉၶဝ်လႄႈၶဝ် ဢမ်ႇမီးၺၢၼ်ႇဢၼ်တပေႄႉၼႅင်ႈတီႈၶႃႈ။
၅ ၽူႈလႂ်သေဢမ်ႇဝႃႈ ၵေႃႉဢၼ်ဢဝ်ၵေႃႉသေႈမၼ်းဢၢပ်ႈႁႂ်ႈလႆႈၶၢမ်ႇတၢင်းဢၼ် ႁိမ်ႁူင်ႇဢဝ်ၼၼ်ႉ မၢၵ်ႇတႃလုၵ်ႈ လၢၼ်မၼ်းတၵ်းလႆႈမူၼ်ႇၵႂႃႇမူဝ်းၵႂႃႇဢေႃႈ။
၆ မၼ်းၸဝ်ႈ ႁႂ်ႈၵဝ်ပဵၼ်လွင်ႈဢၼ်ပိူၼ်ႈလီသေႉသွမ်းလႄႈၵဝ်လႆႈပဵၼ်ၵေႃႉဢၼ် ပိူၼ်ႈထူမ်ႇၼမ်ႉလၢႆးသႂ်ႇ ၵႃႈတီႈ ၼႃႈဢေႃႈ။
၇ မၢၵ်ႇတႃၵဝ်ၼႆႉမူၼ်ႇၵႂႃႇမူဝ်းၵႂႃႇၵွပ်ႈပိူဝ်ႈတၢင်းဢၼ်ငိၼ်းၽၢၼ်ထိုင်ၸႂ် ႁႅင်းယႂ်ႇၼႃႇၼၼ်ႉလႄႈ ဢၢင်ႇၵႃႇၵဝ်တင်းသဵင်ႈတင်းလူင်လႆႈပဵၼ်မိူၼ်ၸိူဝ်ႉၼင်ႇႁူမ်ႈၵွင်ႉငဝ်းဢေႃႈ။
၈ ၶဝ်ၸိူဝ်းဢၼ်သိုဝ်ႈတေႃႇၼၼ်ႉ တၵ်းဢွၼ်ၵၼ်ၵိုတ်းမိုင်ၵႂင်ၸႂ်ၵွပ်ႈပိူဝ်ႈဢမူႉႉၼႆႉလႄႈ ၶဝ်ၸိူဝ်းဢၼ်ၵၢင်းလွတ်ႈတင်းဢပျႅတ်ႈၼၼ်ႉတၵ်းဢွၼ်ၵၼ်တိုၵ်းယူင်း တူဝ်ၸဝ်ႈၵဝ်ႇယူႇၽၢႆႇၼိုင်ႈ တင်းၵူၼ်းဢႃႉထမ်ႇမႃႉတင်းလၢႆဢေႃႈ။
၉ ၶဝ်ၸိူဝ်းဢၼ်သိုဝ်ႈတေႃႇၼၼ်ႉ တၵ်းဢွၼ်ၵၼ်မီးတၢင်းဢၼ်တႄႇၼိမ်လႄႈ ၶဝ်ၸိူဝ်းဢၼ်မိုဝ်းမူတ်းသႂ်ၼၼ်ႉတၵ်းဢွၼ်ၵၼ်မီးတၢင်းဢၼ်ႁႅင်းၽႄႈၵႂၢင်ႈၼမ်မႃးဢေႃႈ။
၁၀ သူဢွၼ်ၵၼ်ၶိုၼ်းမႃးၸၢမ်းတူၺ်းတႃႉ။ ယႃႇပေႁႂ်ႈၵိုတ်းႁႂ်ႈၵျၢၼ်ႇသေၵေႃႉသေၵူၼ်း။ၵဝ်တေဢမ်ႇႁၼ်ၵေႃႉဢၼ်မီးပိင်ႇၺႃႇၵႃႈၼႂ်းသူၼႆႉသေၵေႃႉသေၵူၼ်း။
၁၁ မိူဝ်ႉဝၼ်းၵဝ်ပူၼ်ႉယဝ်ႉ။တၢင်းၵျၢမ်ႇတၢင်းပွင်ၵဝ်ဢၼ်ဝႃႈၽၼ်ႇတႃႇႁူဝ်ၸႂ် ၶဝ်ၸိူဝ်းၼၼ်ႉဢွၼ်ၵၼ်ႁွတ်ႈထိုင်တၢင်းဢၼ်ႁၵ်းႁိၵ်းလူႉလႅဝ်ယဝ်ႉ။
၁၂ ၵူၼ်းၸိူဝ်းၼႆႉႁႂ်ႈၵႃႈၶိုၼ်းပဵၼ်ၵႃႈဝၼ်းလႄႈ မိူဝ်ႈဢၼ်တေႃႇၼႃႈတၢင်းလပ်းသိင်ႇၼၼ်ႉၶဝ်ဝႃႈဢၼ်လႅင်းၸမ်ယဝ်ႉ၊ ဝႃႈၼႆ ဢေႃႈ။
၁၃ ပေႃးတီႈယူႇတီႈသဝ်းၵဝ်ပဵၼ်ပႃႇႁဵဝ်ႈသၢင်းၶႅင်းလႄႈ ပေႃးၵဝ်ႈသိူဝ်ႇတီႈၼွၼ်းတီႈၼႂ်းလပ်းသိင်ႇပေႃးၵဝ်လၢတ်ႈတီႈ တၢင်းဢၼ်တူႇဢၼ်ၼဝ်ႈၼၼ်ႉဝႃႈ၊ မႂ်းၼႆႉပဵၼ်ပေႃႈၵဝ်ဢေႃႈ၊ ဝႃႈၼင်ႇၼႆလႄႈ
၁၄ လႆႈလၢတ်ႈတီႈတူဝ်ၼွၼ်ၼၼ်ႉလႄႈဝႃႈ၊ မႂ်းၼႆႉပဵၼ်မေႈၵဝ်၊ၼွင်ႉယိင်းၵဝ်ဢေႃႈ၊ဝႃႈၼင်ႇၼႆၸိုင် တီႈဢၼ်ၵဝ်လီမုင်ႈ မွင်းၼၼ်ႉတမေီးၵႃႈ လႂ်။
၁၅ ၽူႈလႂ်လႆႈႁၼ်တီႈဢၼ်ၵဝ်လီမုင်ႈမွင်းၼၼ်ႉ။လွင်ႈတၢင်းၼၼ်ႉတၵ်းလႆႈလူင်းၵႂႃႇ ၸူးၵႃႈတီႈၵိူၼ်ႇၽၵ်းတူမိူင်းမရၼႃႉလႄႈ
၁၆ တဵတ်ႇယူႇၼိမ်ယူႇၵႃႈတီႈမုၼ်လိၼ်လွၼ်ႉလွၼ်ႉဢေႃႈ၊ ဝႃႈၼင်ႇၼႆဢေႃႈ။