၃၂
ဢေးလိႁု
၁ ၼင်ႇၼၼ်လႄႈ ၵွပ်ႈပိူဝ်ႈယေႃႇၽႁဵတ်းၼင်ႇပဵၼ်ၵေႃႉဢၼ်ႁဵတ်းတၢင်းဢၼ်သိုဝ်ႈတေႃႇ ႁင်းၵူၺ်းမၼ်းယူႇၼၼ်ႉလႄႈ ၶဝ်သၢမ်ၵေႃႉၼၼ်ႉယင်းဢမ်ႇဢွၼ်ၵၼ်ၶိုၼ်းလၢတ်ႈတေႃႇမၼ်းလႄႈယူႇဢေႃႈ။
၂ မိူဝ်ႈၼၼ်ႉဢေႇလိႁု ဢၼ်ပဵၼ်လုၵ်ႈၸၢႆးပႃႇရၶေႇလဢၼ်ပဵၼ်မဵဝ်းပုၸ ဢၼ်ပဵၼ်ၸိူဝ်ႉၶိူဝ်းဢႃႇရမ်ႇ ၼၼ်ႉၸႂ်မႆႈၶႆႈၸႃႉၼႃႇဢေႃႈ။မၼ်းၶႆႈၸႃႉယေႃႇၽၵွပ်ႈပိူဝ်ႈမၼ်းလၢတ်ႈၼႄလွင်ႈဢၼ် တူဝ်ၸဝ်ႈၵဝ်ႇသိုဝ်ႈတေႃႇလိူဝ်တွၼ်းၼႃႇသေ ၽြႃးပဵၼ်ၸဝ်ႈၼၼ်ႉဢေႃႈ။
၃ မၼ်းယင်းၶႆႈၸႃႉတေႃႇ ၵေႃႉသေႈယေႃႇၽ သၢမ်ၵေႃႉၼၼ်ႉ ၵွပ်ႈပိူဝ်ႈၶဝ်ဢမ်ႇၶိုၼ်းဢမ်ႇလၢတ်ႈဢမ်ႇၶိုၼ်းဢွၼ်ၵၼ်ၸီႇယၢင်ႇတၢင်ႇဢပျႅတ်ႈတီႈ ယေႃႇၽ ၼၼ်ႉဢေႃႈ။
၄ ၵွပ်ႈပိူဝ်ႈၶဝ်ၼၼ်ႉဢသၢၵ်ႈယႂ်ႇသေမၼ်းၼၼ်ႉလႄႈဢေႇလိႁု ပႂ်ႉထႃႈလွင်ႈတၢင်းဢၼ်တၵ်း လႆႈၶိုၼ်းလၢတ်ႈတီႈယေႃႇၽၼၼ်ႉဢေႃႈ။
၅ မိူဝ်ႈဢၼ်ဢေႇလိႁုႁၼ်ၶဝ်သၢမ်ၵေႃႉၼၼ်ႉ ဢမ်ႇမီးၵႂၢမ်းဢၼ်တၵ်းၶိုၼ်းလၢတ်ႈၼၼ်ႉၸိုင် မၼ်းၶႆႈၸႃႉၼႃႇလူင် လၢင်ဢေႃႈ။
၆ မိူဝ်ႈၼၼ်ႉဢေႇလိႁုလုၵ်ႈၸၢႆးပႃႇရၶေႇလမဵဝ်းပုၸၼၼ်ႉဢွၵ်ႇသူပ်းၶိုၼ်းလၢတ်ႈလႄႈဝႃႈ၊-ၵဝ်ၶႃႈၼႆႉဢသၢၵ်ႈလဵၵ်ႉၶႃႈဢေႃႈ။သူၸဝ်ႈၸမ်းဢသၢၵ်ႈယႂ်ႇၶႃႈဢေႃႈ။ပိူဝ်ႈဢၼ်ပဵၼ်ၼင်ႇၼႆလႄႈၵဝ်ၶႃႈဢႃးၼႃႇလႄႈယင်းဢမ်ႇႁတ်းၼႄပျႃးသၽေႃး တူဝ်ၸဝ်ႈၵဝ်ႇၶႃႈ။
၇ ၵဝ်ၶႃႈထၢင်ႇၵေႃႉဢၼ်ဢသၢၵ်ႈၵေႇထူၼ်ႈၼၼ်ႉ ထုၵ်ႇလီလၢတ်ႈၵႂၢမ်းလႄႈၵေႃႉၼ်မီးၶူပ်ႇၼီႈပီႊမိူင်းၼမ်ၼၼ်ႉထုၵ်ႇလီသင်ႇသွၼ်ပၼ် ပိင်ႇၺႃႇဢေႃႈ၊ဝႃႈၼင်ႇၼႆဢေႃႈ။
၈ ၼႂ်းဝႃႈၼၼ်သေၵေႃႈဝိၺိၺ်ႇဢၼ်မီးၵႃႈတီႈၼႂ်းၵူၼ်းတင်းလူမ်းဢသၢၵ်ႈၸဝ်ႈဢၼၼ်ႇတႃႉတၼ်းၶူဝ်း ပဝ်ႇသႂ်ႇၼၼ်ႉ ပၼ်ၺၢၼ်ႇဢေႃႈ။
၉ ပိၵ်ႉသမ်ႉပဵၼ်ၵူၼ်းယႂ်ႇၵူၼ်းလူင်သေၵေႃႈတၵ်းမီးပိင်ႇၺႃႇဢမ်ႇၸႂ်ႈ။ပိၵ်ႉသမ်ႉပဵၼ်ၵူၼ်းထဝ်ႈၵူၼ်းၵႄႈသေၵေႃႈ တၵ်းႁူႉႁၼ်တြႃးဢၼ်မၢၼ်ႇဢၼ် မႅၼ်ႈဢမ်ႇၸႂ်ႈ။
၁၀ ပိူဝ်ႈဢၼ်ပဵၼ်ၼင်ႇၼႆလႄႈၵဝ်ၶႃႈၸင်ႇဝႃႈ ဢွၼ်ၵၼ်ထွမ်ႇငိၼ်းၵႂၢမ်းၵဝ်ၶႃႈသေၵမ်း။ၵဝ်ၶႃႈတၵ်းၼႄပျႃးသၽေႃးၵဝ်ၶႃႈဢေႃႈ၊ ဝႃႈၼင်ႇ ၼႆဢေႃႈ။
၁၁ ၵဝ်ၶႃႈၵိုတ်းပႂ်ႉထႃႈၵႂၢမ်းသူၸဝ်ႈယူႇဢေႃႈ။ၵဝ်ၶႃႈထွမ်ႇငိၼ်းၵႂၢမ်း ဢၼ်သူၸဝ်ႈႁႃဢဝ်တီႈဢၼ် တၵ်းၶိုၼ်းလၢတ်ႈၶိုၼ်းတွပ်ႇၼၼ်ႉယူႇယဝ်ႉ။
၁၂ ၼႂ်းမိူဝ်ႈဢၼ်ၵဝ်ၶႃႈယင်းတိုၵ်ႉ ထွမ်ႇငိၼ်းၸေးၸေးၸွတ်ႇၸွတ်ႇယူႇၼၼ်ႉၸိုင် ၼႂ်းသူၸဝ်ႈၼႆႉၽူႈ လႂ်သေၵေႃႉသေၵူၼ်းဢမ်ႇပေႉယေႃႇၽ။ၽူႈ လႂ်သေၵေႃႉသေၵူၼ်း ဢမ်ႇၵႄႈလိတ်ႈၵႂၢမ်းမၼ်းလႆႈ။
၁၃ ပိူဝ်ႈဢၼ်ပဵၼ်ၼင်ႇၼႆလႄႈတီႈဢၼ်သူၸဝ်ႈတၵ်းလၢတ်ႈဝႃႈ၊-ႁဝ်းမီးပိင်ႇၺႃႇယဝ်ႉ။ၵေႃႉဢၼ်ၶျႃးယေႃႇၽတူၵ်းတီႈတႅမ်ႇၸမ်းပဵၼ်ၵူၼ်းဢမ်ႇၸႂ်ႈ။ပဵၼ်ၽြႃးပဵၼ်ၸဝ်ႈဢေႃႈ။
၁၄ ယေႃႇၽဝႆႉၸႂ်တီႈၵဝ်ၶႃႈလႄႈလၢတ်ႈဢမ်ႇၸႂ်ႈ။ ၵဝ်ၶႃႈၵေႃႈ တၵ်းၶိုၼ်းလၢတ်ႈၸွမ်းၵႃႈၼင်ႇဢၼ်သူ ၸဝ်ႈလၢတ်ႈၼၼ်ႉဢမ်ႇၸႂ်ႈ။
၁၅ ၶဝ်ၸိူဝ်းၼႆႉၵိုတ်းမိုင်ၵႂင်ၸႂ်ယူႇသေလႄႈ ယင်းဢမ်ႇၶိုၼ်းတွပ်ႇၶိုၼ်းလၢတ်ႈထႅင်ႈလႄႈ ဢမ်ႇမီးၵႂၢမ်းပုၼ်ႈဢၼ်တၵ်းလၢတ်ႈသေၶေႃႈ သေၵမ်း။
၁၆ ၵွပ်ႈပိူဝ်ႈဢၼ်ၶဝ်ယင်းဢမ်ႇဢွၵ်ႇသူပ်းဝႃႈ၊ၵွပ်ႈပိူဝ်ႈဢၼ်ၶဝ်ဢွၼ်ၵၼ် ယူႇတဵတ်ႇတဵတ်ႇယဵၼ်ယဵၼ်လႄႈ ဢမ်ႇၶိုၼ်းတွပ်ႇၶိုၼ်းလၢတ်ႈၼၼ်ႉလႄႈ ၵဝ်ၶႃႈၵိုတ်းပႂ်ႉထႃႈယူႇဢေႃႈ။
၁၇ ပိူဝ်ႈဢၼ်ပဵၼ်ၼင်ႇၼႆလႄႈ ၵဝ်ၶႃႈတၵ်းၶိုၼ်းလၢတ်ႈပုၼ်ႈတူဝ်ၸဝ်ႈၵဝ်ႇလႄႈတၵ်းၼႄပျႃႉသၽေႃးတူဝ်ၸဝ်ႈၵဝ်ႇဢေႃႈ။
၁၈ လွင်ႈမၼ်းၸမ်း ၵဝ်ၶႃႈမီးတဵမ်ဝႆႉတင်းၵႂၢမ်းလႄႈ ဝိၺိၺ်ႇဢၼ်မီးၵႃႈၼႂ်းၵဝ်ၶႃႈၼႆႉၼၼ်ႉ တိုၵ်းယူင်းၵဝ်ၶႃႈယူႇ ဢေႃႈ။
၁၉ ပုမ်ၵဝ်ၶႃႈၼႆႉမိူၼ်ၸိူဝ်ႉၼင်ႇၼမ်ႉၸပိတ်ႉဢၼ်ဢိုတ်းဝႆႉၼၼ်ႉလႄႈ ပဵၼ်မိူၼ်ၸိူဝ်ႉၼင်ႇထူင်ၼင်ဢၼ်ၸမ်တၵ်းတႅၵ်ႇၼၼ်ႉဢေႃႈ။
၂၀ ၵဝ်ၶႃႈတၵ်းလႆႈဢွၵ်ႇသူပ်းဝႃႈ ႁႂ်ႈလႆႈသၢၵ်ႈသႃႇၶႅၼ်းၸႂ်လႄႈ တၵ်းလႆႈ ၽုၺ်ႇသူပ်းလႄႈၶိုၼ်းလၢတ်ႈဢေႃႈ။
၂၁ ၵဝ်ၶႃႈတၵ်းဢမ်ႇထွၵ်ႈလူၺ်ႈၼႃႈၽူႈ လႂ်လႃးလႃး။ၵဝ်ၶႃႈတၵ်းဢမ်ႇဢဝ်တင်းၵႂၢမ်းဢၼ်လၢတ်ႈယွင်ႈၼၼ်ႉ ၶျေႃး ဝွၼ်းၽူႈ လႂ်လႃးလႃး။
၂၂ ၵဝ်ၶႃႈဢမ်ႇၸၢင်ႊဢဝ်တင်းၵႂၢမ်းဢၼ်လၢတ်ႈယွင်ႈၼၼ်ႉလႄႈ ၶျေႃးဝွၼ်းပိူၼ်ႈတၢင်ႇၵေႃႉ။ ပေႃးႁဵတ်းၸိုင်ၽြႃးဢၼ်ၽၢၼ်ႇသၢင်းႁဵတ်းပဵၼ်ၵဝ်ၶႃႈၼၼ်ႉ တၵ်းပႄႇၵဝ်ၶႃႈပႅတ်ႈၵမ်းလဵဝ်ဢေႃႈ။