၂၄
၁ ပေႃးၶိင်ႇၵႃႇလႃႉ ဢမ်ႇမီးတၢင်းဢၼ်သိမ်းသိူင်ႇဝႆႉသေၵႃႈတီႈ ၸဝ်ႈဢၼၼ်ႇတႃႉတၼ်းၶူဝ်းၼၼ်ႉၸိုင်ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၶဝ်ၸိူဝ်းဢၼ်ႁူႉမၼ်းၸဝ်ႈ ၼၼ်ႉဢမ်ႇလႆႈႁၼ်မိူဝ်ႉဝၼ်းမၼ်းၸဝ်ႈၼၼ်ႉ။
၂ ၵူၼ်းၵမ်ႈၽွင်ႈၸၢင်ႊဢွၼ်ၵၼ် ၶၢႆႉသဝ်ဢၼ်မၢတ်ႈလိၼ်မၢႆလိၼ်ၼၼ်ႉလႄႈ ၸၢင်ႊဢွၼ်ၵၼ်ႁိမ်ဢဝ်ၽုင်သူဝ်းၽုင်ပေႉပိူၼ်ႈသေလႄႈ လဵင်ႉဝႆႉပုၼ်ႈတူဝ်ၸဝ်ႈၵဝ်ႇ ဢေႃႈ။
၃ ၶဝ်ၸၢင်ႊဢွၼ်ၵၼ်ႁေႃႈဢဝ်မႃႉလီႈဢွၼ်ႇလုၵ်ႈၽၢၼ်ပေႃႈၽၢၼ်မေႈၼၼ်ႉလႄႈ ၸၢင်ႊဢဝ် ဝူဝ်းမေႈမုၵ်ႉမေႈမၢႆႈၵႂႃႇ ႁႂ်ႈပဵၼ်ပုၼ်ႈဢၼ်ပွင်ႇဢၼ်ၵမ်ႉဢေႃႈ။
၄ ၶဝ်ၸၢင်ႊဢွၼ်ၵၼ်ႁႂ်ႈၶဝ်ၸိူဝ်းဢၼ်ၸုတ်ႈဢၼ်လုတ်ႈၼၼ်ႉ ၽိတ်းတၢင်းပိူင်ႈတၢင်းၵႂႃႇလႄႈၵူၼ်းဝၢၼ်ႈၵူၼ်းမိူင်း ဢၼ်ယၢၵ်ႈဢၼ်ၽၢၼ်ၼၼ်ႉလႆႈဢွၼ်ၵၼ်ၽွမ်ႉၵၼ်တဵတ်ႇမႅပ်းယူႇဢေႃႈ။
၅ တူၺ်းလူး။ၸိူဝ်ႉၼင်ႇမႃႉလီႈဢၼ်ရိူင်းၵႃႈတီႈထိူၼ်ႇၼၼ်ႉ ၶဝ်ဢွၼ်ၵၼ်ဢွၵ်ႇႁႂ်ႈလႆႈႁဵတ်းၵၢၼ်ႁဵတ်းငၢၼ်းလႄႈ ၶတ်းၸႂ်ႁႃဢဝ် တၢင်းၵိၼ်တၢင်းၶူပ်းၶဝ်ၼႂ်းထိူၼ်ႇလႄႈ ထိူၼ်ႇၼၼ်ႉပၼ်တၢင်းၵိၼ်တၢင်းၶူပ်း ပုၼ်ႈၶဝ်ဢိၵ်ႇတင်းပုၼ်ႈလုၵ်ႈလၢင်းၶဝ်ဢေႃႈ။
၆ ၶဝ်ဢွၼ်ၵၼ်ပၢတ်ႇထိူဝ် မၢၵ်ႇႁူင်းၵႃႈၼႂ်းတူင်ႈႁႆႊတူင်ႈၼႃးပၼ်လႄႈ ၸူႉသိမ်းမၢၵ်ႇၸပိတ်ႉၵေႃႉဢၼ်ႁၢႆႉမိူၵ်ႈ ၼၼ်ႉဢေႃႈ။
၇ ၶဝ်ယင်းဢမ်ႇမီးၶူဝ်းၼုင်ႈၶူဝ်းမႆလႄႈၼွၼ်းယူႇတင်းၶိုၼ်းလႄႈဢမ်ႇမီးၽႃႈမီးၽႅၼ်ႇပုၼ်ႈဢၼ်တၵ်းႁူမ်ႇၶဝ်ၼၼ်ႉ ၼႂ်းၶိင်ႇမိူဝ်ႈဢၼ်ၵတ်း ဢၼ်ၼၢဝ်ၼၼ်ႉဢေႃႈ။
၈ ၶဝ်လႆႈၶၢမ်ႇယမ်းႁႃႇၽူၼ်ၵႃႈတီႈၼိူဝ်လွႆၼိူဝ်ၵုင်းလႄႈ ယင်းဢမ်ႇမီးတီႈဢၼ်တၵ်းသွၼ်ႈတၵ်းပိူင်လႄႈ လႆႈဢွၼ်ၵၼ်သွၵ်ႈယူႇမႅပ်းယူႇၵႃႈၼႂ်းၵႄႈမၢၵ်ႇႁိၼ်မၢၵ်ႇၽႃဢေႃ။
၉ လုၵ်ႈဢွၼ်ႇဢၼ်ဢမ်ႇမီးပေႃႈၼၼ်ႉ လႆႈၶၢမ်ႇတၢင်းဢၼ်ပိူၼ်ႈဢဝ်ၽၢတ်ႇၼူမ်းမေႈမၼ်းလႄႈၵူၼ်းယၢၵ်ႈၵူၼ်းၽၢၼ်ၼၼ်ႉ လႆႈၶၢမ်ႇတၢင်းဢၼ်ပိူၼ်ႈသိမ်းဢဝ်ၶွင် ၶူဝ်းမၼ်းႁႂ်ႈပဵၼ်ပုၼ်ႈဢၼ်ပွင်ႇဢၼ်ၵမ်ႉဢေႃႈ။
၁၀ ၶဝ်ယင်းဢမ်ႇမီး ၶူဝ်းၼုင်ႈတၢင်းမႆႊလႄႈ လႆႈဢွၼ်ၵၼ်လႄႇၵႂႃႇလႄႇမႃးယူႇတူဝ်ပူၺ်လႄႈ တွင်ႉမႆႈသႆႈလိူတ်ႇယူႇသေလႄႈ လႆႈတေႃႉလႆႈႁၢပ်ႇလိူၼ်ႈၶဝ်ပိူၼ်ႈဢေႃႈ။
၁၁ ၶဝ်လႆႈဢွၼ်ၵၼ်ၶိုတ်ႈၼမ်ႉမၼ်း ၵႃႈၼႂ်းႁူဝ်ႉဝၢင်းပိူၼ်ႈယူႇ၊ ယဵပ်ႇၼူတ်ႈၵႃႈတီႈၶိူင်ႈဢၼ်ယဵပ်ႇၼူတ်ႈမၢၵ်ႇၸပိတ်ႉပိူၼ်ႈယူႇသေလႄႈ လႆႈၶၢမ်ႇတၢင်းဢၼ်ယၢၵ်ႈ ၼမ်ႉယၢၵ်ႈၼၢႆးဢေႃႈ။
၁၂ ၵူၼ်းၼမ်ၼႃႇလႆႈဢွၼ်ၵၼ်ၶၢင်းၶီၶၢင်းၽၢၼ်ၵႃႈၼႂ်းဝဵင်းလႄႈႁူဝ်ၸႂ်ၶဝ်ၸိူဝ်းဢၼ်ၸဵပ်းသႅပ်ႇၼၼ်ႉႁွင်ႉၵၢဝ်ႇႁွင်ႉႁႃဢေႃႈ။ၵူၺ်းၵႃႈၽြႃးပဵၼ်ၸဝ်ႈ ဢမ်ႇႁဵတ်းပမႃႇၼႃႉတီႈၵႂၢမ်းဢၼ်ၶဝ် သူးတွင်းၼၼ်ႉ။
၁၃ ၶဝ်ၼႆႉၶဝ်ႈပႃးၼႂ်းၶဝ်ၸိူဝ်းဢၼ်ႁဵတ်းၶတ်းၵၼ်တင်းဢၼ်လႅင်းလႄႈ ဢမ်ႇႁူႉသၽေႃးဢၼ်လႅင်းၼၼ်ႉ ဢမ်ႇၸၢင်ႊၸွမ်းသဵၼ်ႈတၢင်းမၼ်းၼၼ်ႉ။
၁၄ ၵူၼ်းဢၼ်ဢဝ်ၵူၼ်းတၢႆၼၼ်ႉ ၸၢင်ႊလုၵ်ႉမိူဝ်ႈဢၼ်မိူင်းၸႃႉပၢင်ႇၸႃႉလႅင်းၼၼ်ႉလႄႈ ဢဝ်ၶဝ်ၸိူဝ်းဢၼ်ယၢၵ်ႈဢၼ်ၽၢၼ် လႂ်ၶဝ်ၸိူဝ်းဢၼ်ၸုတ်ႈဢၼ်လုတ်ႈ လႂ်ၼၼ်ႉတၢႆလႄႈၶိင်ႇၵၢင်ၶိုၼ်းၸမ်းမၼ်း ႁဵတ်းၸိူဝ်ႉၼင်ႇၽူႈလၵ်ႉၼၼ်ႉဢေႃႈ။
၁၅ မၢၵ်ႇတႃၵေႃႉဢၼ်ၸၢင်ႊၵူတ်ႉမေးပိူၼ်ႈၼၼ်ႉ မုင်ႈမွင်းၶိင်ႇႁူဝ်ၶမ်ႈလႄႈ ႁူမ်ႇသုမ်ႇၼႃႈမၼ်းယူသေလႄႈၸၢင်ႊလၢတ်ႈလႄႈဝႃႈ၊-မၢၵ်ႇတႃၽူႈ လႂ်သေၵေႃႉသေၵူၼ်းဢမ်ႇႁၼ် ၵဝ်ၵူၺ်းဝႃႈၼင်ႇၼႆဢေႃႈ။
၁၆ ၶဝ်ၼၼ်ႉၶိင်ႇၵၢင်ၶိုၼ်းၸၢင်ႊဢွၼ်ၵၼ်ၶုတ်းမူင်ႇႁိူၼ်းပိူၼ်ႈလႄႈ ၶိင်ႇၵၢင်ဝၼ်းၸမ်း ၸၢင်ႊဢွၼ်ၵၼ်တဵတ်ႇမႅပ်းယူႇလႄႈဢမ်ႇႁူႉၸၵ်းဢၼ်လႅင်း။
၁၇ ၶိင်ႇၵၢင်ၼႂ်ၸိုင်ပဵၼ်ၸိူဝ်ႉၼင်ႇငဝ်းႁူမ်ႈတၢင်းတၢႆတီႈၶဝ်လႄႈ ၶဝ်လႆႈႁူႉၽေးတၢင်းဢၼ်လီၵူဝ်လီႁႄၵႃႈၼႂ်းငဝ်းႁူမ်ႈတင်းလၢႆၼၼ်ႉဢေႃႈ။
၁၈ မၼ်းပဵၼ်ဢၼ်မဝ်ထွင်ယွင် ၵႃႈၼိူဝ်ၼႃႈၼမ်ႉဢေႃႈ။ပုၼ်ႈၶဝ်တႃႇၶဝ်ၼၼ်ႉ ပဵၼ်တၢင်းဢၼ်ၵိၼ်ႇလႃႇၵႃႈၼိူဝ်လိၼ်မိူင်းလႄႈ ၶဝ်ဢမ်ႇလႆႈသုတ်ႉၸပ်းသုတ်ႉၸူး ၵႃႈတီႈသူၼ်ဢူးယဵၼ်ႇၸပိတ်ႉ။
၁၉ တၢင်းဢၼ်ႁႅင်ႈဢၼ်ႁွင်ဢိၵ်ႇတင်း တၢင်းဢၼ်လႅတ်ႇမႆႈၼၼ်ႉၸၢင်ႊၵိၼ်ၼမ်ႉမူၺ်ႁႃႇပႅတ်ႈလႄႈ မိူင်းမရၼႃႉၼၼ်ႉၸၢင်ႊၵိၼ် ၶဝ်ၸိူဝ်းဢၼ်ဢမ်ႇတြႃးၼၼ်ႉပႅတ်ႈဢေႃႈ။
၂၀ တွင်ႉဢၼ်ၵိူတ်ႇလဵင်ႉမၼ်းၼၼ်ႉ တၵ်းလူင်လိုမ်းမၼ်းလႄႈ တူဝ်ၼွၼ် တၵ်းၵိၼ်မၼ်းဝၢၼ်ဝၢၼ်မၼ်းမၼ်းဢေႃႈ။ၵမ်းလိုၼ်း ၽူႈ လႂ်သေၵေႃႉသေၵူၼ်းတၵ်းဢမ်ႇၶုၵ်းၸႂ်လႆႈၶႆႈၸႂ်ထူပ်းမၼ်း။ လွင်ႈတၢင်းဢၼ်ဢမ်ႇတြႃးၼၼ်ႉ တၵ်းလႆႈၶၢမ်ႇတၢင်းဢၼ် ႁၵ်းႁိၵ်းပႅတ်ႈမိူၼ် ၸိူဝ်ႉၼင်ႇတူၼ်ႈမႆႉၼၼ်ႉဢေႃႈ။
၂၁ မၼ်းၸၢင်ႊၼိၵ်ႈၸၢၵ်ႈငႅၼ်းသေး မေႈယိင်းဢၼ်ဢမ်ႇၵိူတ်ႇလဵင်ႉလုၵ်ႈလဵင်ႉလၢင်းၼၼ်ႉလႄႈ တီႈမေႈမုၵ်ႉမေႈမၢႆႈၵေႃႈမၼ်းဢမ်ႇ ၸၢင်ႊႁဵတ်းၵျေးၸူး။
၂၂ မၼ်းၸဝ်ႈဢဝ်တင်းတၼ်းၶူဝ်းမၼ်းပႄႇၽဵဝ်ႈပႅတ်ႈၵေႃႉဢၼ်ႁႅင်းယႂ်ႇၼၼ်ႉလႄႈယၢမ်းမိူဝ်ႈဢၼ် မၼ်းလုၵ်ႉၼၼ်ႉၵူႈၵေႃႉၵူႈၵူၼ်းဢွၼ်ၵၼ်မႆႈၸႂ်ပုၼ်ႈဢသၢၵ်ႈတူဝ်ၸဝ်ႈၵဝ်ႇဢေႃႈ။ၵူၺ်းၵႃႈမၼ်းၸဝ်ႈပၼ်ဢၶႂၢင်ႉ တီႈဢၼ်လူင်ႉလီလွတ်ႈလီတီႈၶဝ်လႄႈၶဝ်လႆႈတႄႇယူႇၼႂ်းမၼ်းသေလႄႈ မၢၵ်ႇတႃ မၼ်းၸဝ်ႈလူတူၺ်းသဵၼ်ႈတၢင်းၶဝ်ယူႇဢေႃႈ။
၂၃ ၶဝ်ဢွၼ်ၵၼ်ႁွတ်ႈထိုင် တၢင်းဢၼ်ယုၵ်ႉယွင်ႈသေယဝ်ႉ ၵမ်းဢွၼ်ႇၼိုင်ႈၵူၺ်းသမ်ႉလႆႈလပ်ႉႁၢႆၵႂႃႇဢေႃႈ။
၂၄ ၶဝ်ႁွတ်ႈထိုင် တၢင်းဢၼ်ၶျႃးတူၵ်းတီႈတႅမ်ႇသေယဝ်ႉလႆႈၶၢမ်ႇတၢင်းဢၼ်ၶျုၵ်ႈဢသၢၵ်ႈ မိူၼ်ၸိူဝ်ႉၼင်ႇပိူၼ်ႈလႄႈ လႆႈၶၢမ်ႇတၢင်းဢၼ်ပၢတ်ႇဢၼ်ထိူဝ်မိူၼ်ၸိူဝ်ႉ ၼင်ႇပၢႆႁူင်းၶဝ်ႈၼၼ်ႉဢေႃႈ။
၂၅ ပေႃးဢမ်ႇၸႂ်ႈၸိူဝ်ႉၼင်ႇၼၼ်ၸိုင် ၽူႈ လႂ်တၵ်းၼႄပျႃးဢပျႅတ်ႈမူႉသႃႇၵဝ်။ၽူႈ လႂ်တၵ်းႁႂ်ႈၵႂၢမ်းၵဝ် ပဵၼ်ဢၼ်မဝ်မၢင်ၵႂႃႇ၊ဝႃႈၼင်ႇၼႆဢေႃႈ။