၄၂
ယေႃႇၽ
၁ မိူဝ်ႈၼၼ်ႉယေႃႇၽ ၶိုၼ်းလဝ်ႈလၢတ်ႈတီႈထႃႇဝရႃႉၽြႃးလႄႈဝႃႈ၊-
၂ ၶႃႈၸဝ်ႈႁူႉလွင်ႈဢၼ်ၸဝ်ႈႁဝ်းတတ်ႈၼိုင်ႇလႆႈၵူႈၸိူဝ်ႉၵူႈပိူင် ဢိၵ်ႇတင်းလွင်ႈတၢင်းဢၼ်ၽူႈ လႂ်ဢမ်ႇႁၢမ်ႈတပ်ႉႁႄႉၶႅၼ် တၢင်းၵျၢမ်ႇတၢင်းပွင်ၸဝ်ႈ ႁဝ်းလႆႈၼၼ်ႉယူႇတီႈၶႃႈဢေႃႈ။
၃ ၵေႃႉဢၼ်ယင်းဢမ်ႇမီးပိင်ႇၺႃႇလႄႈ ႁႂ်ႈတၢင်းၵျၢမ်ႇတၢင်းပွင်ၸဝ်ႈႁဝ်းမိုၵ်းလပ်းသိင်ႇၼႆႉၼၼ်ႉၸမ်းပဵၼ်ၽူႈ လႂ်တီႈၶႃႈ။ပိူဝ်ႈၼႆလႄႈ ၶႃႈၸဝ်ႈလႆႈလၢတ်ႈမႅၼ်ႈ လွင်ႈတၢင်းဢၼ်ဢမ်ႇပွင်ႇၸႂ်၊ လွင်ႈတၢင်းဢၼ်လီဢၢမ်းလႄႈဢမ်ႇသုတ်းဢမ်ႇသဵင်ႈလႆႈဢၼ်ၶႃႈၸဝ်ႈဢမ်ႇႁူႉၸိူဝ်း ၼၼ်ႉတီႈၶႃႈယဝ်ႉ။
၄ ၶႅၼ်းတေႃႈထွမ်ႇငိၼ်းသေၵမ်းတီႈၶႃႈ။ၶႃႈၸဝ်ႈတၵ်းလဝ်ႈလၢတ်ႈတီႈၶႃႈဢေႃႈ။ၶႅၼ်းတေႃႈၵႄႈလိတ်ႈပျၢတ်ႈသၼႃႇ ဢၼ်ၶႃႈၸဝ်ႈတၵ်းလဝ်ႈထၢမ်တီႈၸဝ်ႈႁဝ်းၼၼ်ႉသေၵမ်းတီႈၶႃႈ။
၅ၶႃႈၸဝ်ႈ ဢဝ်တၢင်းႁူႉသေလႄႈယၢမ်ႈတွၼ်ႉငိၼ်းသတၢင်းသဵင်ၶၢဝ်ႇၸဝ်ႈႁဝ်းတီႈၶႃႈယဝ်ႉ။မိူဝ်ႈလဵဝ်ၼႆႉၸမ်း မၢၵ်ႇတႃၶႃႈၸဝ်ႈ လႆႈႁၼ်ၸဝ်ႈႁဝ်းတီႈၶႃႈ ဢေႃႈ။
၆ ၵွပ်ႈပိူဝ်ႈၼင်ႇၼၼ်လႄႈၶႃႈၸဝ်ႈလီႁင်ႈဢဵတ်ႇသဵတ်ႇတူဝ်ၸဝ်ႈၵဝ်ႇလႄႈၼင်ႈၵႃႈၼိူဝ်မုၼ်လိၼ်တင်းတဝ်ႊသေလႄႈ ၶုၵ်းၸႂ်လႆႈမႆႈၸႂ်ယူႇတီႈၶႃႈ ဢေႃႈ၊ဝႃႈၼင်ႇၼႆဢေႃႈ။
၇ ၼင်ႇၼၼ်လႄႈလိုၼ်းသေထႃႇဝရႃႉၽြႃးမီးဢမိင်ႉတီႈယေႃႇၽ ၸိူဝ်ႉၼင်ႇၼၼ်ယဝ်ႉၼၼ်ႉ မၼ်းၸဝ်ႈမီးဢမိင်ႉတီႈဢေႇလိၽတ်ႉၵူၼ်းမဵဝ်းတေႇမၼ်ႇၼၼ်ႉလႄႈဝႃႈ၊-ၵဝ်ၸႂ်မႆႈၶႆႈၸႃႉတီႈမႂ်းဢိၵ်ႇတင်းၵေႃႉသေႈမႂ်းသွင်ၵေႃႉၼၼ်ႉဢေႃႈ။လွင်ႈမၼ်းၸမ်း သူဢမ်ႇလၢတ်ႈလွင်ႈၵဝ်ၸိုဝ်ႈၸိုဝ်ႈၸႂ်ႈၸႂ်ႈမိူၼ် ၸိူဝ်ႉၼင်ႇဢၼ်ၶႃႈၵဝ်ယေႃႇၽလၢတ်ႈၼၼ်ႉ။
၈ ပိူဝ်ႈၼႆလႄႈ ဢွၼ်ၵၼ်ဢဝ်ဝူဝ်းပေႃႈၸဵတ်းတူဝ်တင်းသူဝ်းပေႃႈၸဵတ်းတူဝ်သေလႄႈ ၸူးၵႃႈတီႈၶႃႈၵဝ်ယေႃႇၽလႄႈပုၵ်ႉၸေႃႇယိၸ်ႉဢၼ်တုတ်ႇၽႆးပုၼ်ႈသူတႃႉ။ၶႃႈၵဝ်ယေႃႇၽတၵ်းလႆႈသူးတွင်းပုၼ်ႈသူဢေႃႈ။ၵဝ်တၵ်းထွၵ်ႈလူၺ်ႈၼႃႈမၼ်းသေလႄႈ ဢမ်ႇၸီႇယၢင်ႇသူၸွမ်းဢပျႅတ်ႈသူႇၼၼ်ႉ။လွင်ႈမၼ်းၸမ်းသူဢမ်ႇလၢတ်ႈလွင်ႈၵဝ် ၸိုဝ်ႈၸိုဝ်ႈၸႂ်ႈၸႂ်ႈမိူၼ်ၸိူဝ်ႉၼင်ႇၶႃႈၵဝ်ယေႃႇၽလၢတ်ႈၼၼ်ႉလူင်ပေႇ၊ ဝႃႈၼင်ႇၼႆဢေႃႈ။
၉ မိူဝ်ႈၼၼ်ႉ ဢေႇလိၽတ်ႉ ၵူၼ်းမဵဝ်းတေႇမၼ်ႇ၊ ပိလတတ်ႉၵူၼ်းမဵဝ်းသုဢႃႇ၊ ၸေႃႇၽႃႇၵူၼ်းမဵဝ်းၼေႇမတ်ႉၸိူဝ်းၼၼ်ႉဢွၼ်ၵၼ်ၵႂႃႇလႄႈ ႁဵတ်းၸွမ်းၵႃႈၼင်ႇဢၼ်ထႃႇဝရႃႉၽြႃး သင်ႇလၢတ်ႈဝႆႉတီႈၶဝ်ၼၼ်ႉလႄႈထႃႇဝရႃႉၽြႃးၵေႃႈ ထွၵ်ႈလူၺ်ႈၼႃႈယေႃႇၽဢေႃႈ။
၁၀ ယေႃႇၽ ၼၼ်ႉသူးတွင်းပုၼ်ႈၵေႃႉသေႈမၼ်းတင်းလၢႆသေယဝ်ႉထႃႇဝရႃႉၽြႃး ပႄႇပႅတ်ႈလွင်ႈတၢင်းဢၼ်မၼ်းၶၢမ်ႇတုၵ်ႉၶႃႉတၢင်းၽၢၼ်ၼၼ်ႉသေလႄႈ ထႃႇဝရႃႉၽြႃးပၼ်ၶွင်ၶူဝ်း ဢၼ်လိူဝ်တွၼ်းၼႃႇသမေိူဝ်ႈဢွၼ်တၢင်းဢၼ်မၼ်းမီးၼၼ်ႉသွင်ပုၼ်ႈတီႈယေႃႇၽ ဢေႃႈ။ မိူဝ်ႈၼၼ်ႉပီႈၸၢႆးၼွင်ႉၸၢႆးမၼ်းတင်းသဵင်ႈတင်းလူင် ပီႈၼၢင်းၼွင်ႉယိင်းမၼ်းတင်းသဵင်ႈတင်းလူင်ဢိၵ်ႇတင်း ၶဝ်ၸိူဝ်းဢၼ်ႁူႉၸၵ်းမိုတ်ႈၵိုဝ်းမၼ်းမိူဝ်ႈဢွၼ်တၢင်း ၵႃႈမီးၸိူဝ်းၼၼ်ႉဢွၼ်ၵၼ်မႃးၸူးတီႈမၼ်းလႄႈ ၵိၼ်ၶူပ်းလူၺ်ႈၵၼ်တင်းမၼ်း ၵႃႈတီႈႁိူၼ်းမၼ်းဢေႃႈ။
၁၁ ၶဝ်ဢွၼ်ၵၼ်ႁဵတ်းတၢင်းဢၼ်ၶၢင်းၶီၶၢင်းၽၢၼ်ႇ လူၺ်ႈၵၼ်တင်းမၼ်းလႄႈႁႂ်ႈမၼ်းလႆႈပျေႇၸႂ်ၼိမ်ၸႂ်လူၺ်ႈ လွင်ႈတုၵ်ႉၶႃႉတၢင်းၽၢၼ်ႇဢၼ်ထႃႇဝရႃႉၽြႃး ႁႂ်ႈႁွတ်ႈထိုင်ၵႃႈၼိူဝ်မၼ်းၵႃႈမီးၼၼ်ႉဢေႃႈ။ၶဝ်ၼၼ်ႉဢွၼ်ၵၼ်ပၼ်ငိုၼ်းယေႈၵေႃႉယေႈၶႅပ်း၊ သွႆႈၶမ်းႁွႆႈၶူႈလင်ယေႈၵေႃႉယေႈဢၼ်တီႈမၼ်းဢေႃႈ။
၁၂ ၼင်ႇၼၼ်လႄႈ ထႃႇဝရႃႉၽြႃးယိင်ႈၶႅၼ်းပၼ်တၢင်းလီတီႈ ယေႃႇၽဢၼ်ပဵၼ်ၵမ်းလိုၼ်းၼၼ်ႉလိူဝ်တွၼ်းၼႃႇသေ တၢင်းဢၼ်ပၼ်တၢင်းလီဢၼ်ပဵၼ်မႃးယဝ်ႉယၢမ်းမိူဝ်ႈၵမ်းဢွၼ်တၢင်းၼၼ်ႉလႄႈ မၼ်းၼၼ်ႉမၢၵ်ႈမီးသူဝ်းပေႉ မိုၼ်ႇပၢႆသီႇႁဵင်၊ၵလႃႈဢုၵ်ႉႁူၵ်း ႁဵင်၊ဝူဝ်းႁဵင်ၵူႈ၊မႃႉလီႈမေႈႁဵင်ၼိုင်ႈဢေႃႈ။
၁၃ လုၵ်ႈၸၢႆးၸဵတ်းၵေႃႉဢိၵ်ႇတင်း လုၵ်ႈလုၵ်ႈယိင်းသၢမ်ၵေႃႉၵေႃႈ မၼ်းသမ်ႉလႆႈထႅင်ႈဢေႃႈ။
၁၄ မၼ်းႁွင်ႉႁိၵ်ႈၸိုဝ်လုၵ်ႈယိင်းလူင်မၼ်းယေႇမိမ၊လုၵ်ႈယိင်းၵၢင်မၼ်းၵေႇၸိ၊ လုၵ်ႈ ယိင်းဢွၼ်ႇမၼ်းၵေႇရိၼ်ႇႁပ်ႉပုၵ်ႉဢေႃႈ။
၁၅ ၵႃႈၼႂ်းမိူင်းတင်းမိူင်းၼၼ်ႉ မေႈယိင်းဢၼ်ႁၢင်ႊလီမိူၼ်ၸိူဝ်ႉၼင်ႇလုၵ်ႈယိင်းယေႃႇၽ ၸိူဝ်းၼၼ်ႉဢမ်ႇမီးသေၵေႃႉသေၵူၼ်း။ပေႃႈၶဝ်ၽႄဢမူၺ်ႇဢုၵ်ႉၸႃႇမႅင်ႇပၼ်တီႈၶဝ်ၼၼ်ႉတၢၼ်ႇပဵင်းၵၼ်တင်း ပီႈၸၢႆးၼွင်ႉၸၢႆးၶဝ်ၸိူဝ်းၼၼ်ႉဢေႃႈ။
၁၆ လိုၼ်းၼၼ်ႉယေႃႇၽ ဢသၢၵ်ႈလိပ်းယူႇပၢၵ်ႇပၢႆသီႇသိပ်းပီႊလႄႈ လႆႈႁၼ်လုၵ်ႈမၼ်းလၢၼ်မၼ်းလဵၼ်မၼ်းတေႃႇထိုင်ႁွတ်ႈသိုပ်ႇၸတုၵ်ႉထဢေႃႈ။
၁၇ ၼင်ႇၼၼ်လႄႈမၼ်းမီးတၢင်းဢၼ်ဢသၢၵ်ႈၵႄႇထဝ်ႈသေယဝ်ႉ တၢင်းဢၼ်ၶိင်ႇၵႃႇလႃႉမိူဝ်ႉဝၼ်းမၼ်းတဵမ်ယဝ်ႉၸေးယဝ်ႉလႄႈ မၼ်းႁွတ်ႈဢၼိၵ်ႉၸႃႉသေဢေႃႈ။