၃၅
၁ လၢႆးသမ်ႉဢေႇလိႁု သိုပ်ႇၵႂၢမ်းလႄႈဢွၵ်ႇသူပ်းဝႃႈထႅင်ႈၸမ်း၊-
၂ မႂ်းထၢင်ႈမိူဝ်ႈဢၼ်မႂ်းဝႃႈ၊- ၽြႃးပဵၼ်ၸဝ်ႈတၵ်းႁႂ်ႈၵဝ်မူတ်းသႂ်ဢေႃႈ၊ ဢၼ်ဝႃႈၼၼ်ႉပဵၼ်တၢင်း ဢၼ်သိုဝ်ႈတေႃႇႁိုဝ်။
၃ မႂ်းယင်းဝႃႈ၊-ၵဝ်ၼႆႉဢၵျူဝ်းၸိူဝ်ႉၼင်ႇႁိုဝ်။ ၵဝ်ယင်းဢမ်ႇႁဵတ်းဢပျႅတ်ႈလႄႈလႆႈဢ ၵျူဝ်းၵႃႈသင်၊ဝႃႈၼင်ႇၼႆဢမ်ႇၸႂ်ႈႁိုဝ်။
၄ ၵဝ်တၵ်းၶိုၼ်းတွပ်ႇၶိုၼ်းလၢတ်ႈတီႈမႂ်း ဢိၵ်ႇတင်းၶဝ်ၸိူဝ်းဢၼ် ပဵၼ်ၵေႃႉပဵၼ်သေႈၵၼ်တင်းမႂ်းၼၼ်ႉဢေႃႈ။
၅ ႁႅၼ်ၶိုၼ်ႈၼိူဝ်ၾႃႉလႄႈလူတူၺ်းသေၵမ်း။ႁႅၼ်တူၺ်းၵၢင်ႁၢဝ်ဢၼ်သုင်ၼႃႇသေမႂ်းၼၼ်ႉတႃႉ။ ပေႃးမႂ်းႁဵတ်းတူႉၸ ရိူၵ်ႈၸိုင်တၵ်းတိူဝ်ႉထုၵ်ႇမၼ်းၸဝ်ႈၸိူဝ်ႉၼင်ႇႁိုဝ်။
၆ ပေႃးၸဝ်ႈမီးဢပျႅတ်ႈဢၼ်ၽိတ်းပိူင်ႈၼမ်ၼႃႇၸိုင် တၵ်း ယႃႉဢၵျူဝ်းမၼ်းၸဝ်ႈၸိူဝ်ႉၼင်ႇႁိုဝ်။ ပေႃးမႂ်းသိုဝ်ႈတေႃႇၸိုင် တၵ်းပၼ်ဢၵျူဝ်းတီႈမၼ်းၸဝ်ႈၸိူဝ်ႉၼင်ႇႁိုဝ်။
၇ မၼ်းၸဝ်ႈတၵ်းၶၢမ်ႇဢဝ်ၵျေးၸူးဢၼ် လႂ် ၵႃႈၼႂ်း မိုဝ်းမႂ်း။
၈ တူႉၸရိူၵ်ႈဢၼ်မႂ်းႁဵတ်းၼၼ်ႉတိူဝ်ႉထုၵ်ႇၵေႃႉဢၼ်မိူၼ်ၵၼ်တင်းမႂ်းၼၼ်ႉၵူၺ်းဢေႃႈ။ သူႉၸရိူၵ်ႈဢၼ်မႂ်းႁဵတ်းၼၼ်ႉၵေႃႈ ႁဵတ်းၵျေးၸူးတီႈၵူၼ်းၵူၺ်း ဢေႃႈ။
၉ ၵွပ်ႈပိူဝ်ႈတၢင်းဢၼ်ၼိၵ်ႈၸၢၵ်ႈငႅၼ်းသေးဢၼ်ၼမ်ၼႃလူင်လၢင်ၼၼ်ႉလႄႈ ၶဝ်ၸင်ႇဢွၼ်ၵၼ်ႁွင်ႉသႅၼ်ႇဢေႃႈ။ၵွပ်ႈပိူဝ်ႈၶႅၼ်မိုဝ်းၶဝ်ၸိူဝ်းဢၼ်ႁႅင်းယႂ်ႇၼၼ်ႉလႄႈ ၶဝ်ၸင်ႇဢွၼ်ၵၼ်ႁွင်ႉသႅၼ်ႇယွၼ်း ၶၢမ်ႇဢဝ်တၢင်းဢၼ်ၸွႆႈထႅမ်မႃႉၸႃႉဢေႃႈ။
၁၀ ၵူၺ်းၵႃႈၽူႈ လႂ်သေၵေႃႉသေၵူၼ်း ဢမ်ႇတွင်းပၼ်ႇလႄႈဝႃႈ၊-ၽြႃးပဵၼ်ၸဝ်ႈ ဢၼ်ၽၢၼ်ႇသၢင်းႁဵတ်းပဵၼ်ၵဝ်ၽြႃးဢၼ်ပၼ်ဢၶႂၢင်ႉဢၼ်လႆႈႁဵတ်းၵႂၢမ်းၶိင်ႇၵၢင်ၶိုၼ်း၊
၁၁ ဢၼ်ႁႂ်ႈႁဝ်း ယိင်ႈၶႅၼ်းႁူႉလိူဝ်တွၼ်းၼႃႇသတရေိၵ်ႈသၢၼ်ႇလိၼ်မိူင်းတင်းလၢႆ ဢၼ်ႁႂ်ႈႁဝ်းတဵမ်ဝႆႉတင်းပိင်ႇၺႃႇ ဢၼ်တၵ်းလႆႈလိူဝ်တွၼ်းၼႃႇသေၼူၵ်ႉၵၢင်ႁၢဝ်တင်းလၢႆၸိူဝ်းၼၼ်ႉ၊မီးယူႇၵႃႈတီႈ လႂ်ဝႃႈၼင်ႇၼႆၼၼ်ႉ။
၁၂ ပိူဝ်ႈၼႆလႄႈၶဝ်သႅၼ်ႇႁွင်ႉၵွပ်ႈပိူဝ်ႈမႃႇၼႃႉပူၵ်းပႅၼ်ၵူၼ်းဢႃႉထမ်ႇမႃႉတင်းလၢႆၼၼ်ႉလႄႈ မၼ်းၸဝ်ႈဢမ်ႇဢိူဝ်ႈ။
၁၃ ၽြႃးပဵၼ်ၸဝ်ႈဢမ်ႇထွမ်ႇဢမ်ႇဢဝ်ၵႂၢမ်းဢၼ်လၢႆလၢႆ ဢမ်ႇပွင်ႇလွင်ႈၵႃႈသင်ၼၼ်ႉဢမၢၼ်ႇၶၼ်ပဵၼ်ဢေႃႈ။ၸဝ်ႈဢၼၼ်ႇတႃႉတၼ်းၶူဝ်းယင်း ဢမ်ႇမၢတ်ႈဢမ်ႇတွင်းၵႂၢမ်းၸိူဝ်ႉၼင်ႇၼၼ်။
၁၄ လိူဝ်သေၼၼ်ႉဢမ်ႇၵႃး ယိင်ႈၶႅၼ်းတၵ်းဢမ်ႇထွမ်ႇမိူဝ်ႈဢၼ်မႂ်းလၢတ်ႈလႄႈဝႃႈ၊-ၵဝ်ၼႆႉဢမ်ႇလႆႈထူပ်းလႆႈႁၼ်မၼ်းၸဝ်ႈၵူၺ်း။ဢမူႉမီးၵႃႈတီႈၽၢႆႇၼႃႈမၼ်းၸဝ်ႈလႄႈၵဝ်လႆႈမုင်ႈမွင်းမၼ်းၸဝ်ႈယူႇလူင်ပေႇ၊ ဝႃႈၼင်ႇၼႆ ၼၼ်ႉ။
၁၅ မိူဝ်ႈလဵဝ်ၼႆႉၸမ်းၵွပ်ႈပိူဝ်ႈဢၼ်မၼ်းၸဝ်ႈဢမ်ဢဝ်တၢင်းၸႂ်မႆႈၶႆႈၸႃႉလႄႈ သင်ႇသွၼ်သုင်းမႃႉၵွပ်ႈပိူဝ်ႈဢၼ်မၼ်းၸဝ်ႈ ဢမ်ႇမၢတ်ႈဢမ်ႇတွင်းဢပျႅတ်ႈၼႃႇၼႃႇၼၼ်ႉလႄႈ ယေႃႇၽၸင်ႇဢွၵ်ႇသူပ်းဝႃႈၵႂၢမ်းဢၼ်လၢႆလၢႆ ဢမ်ႇပွင်ႇလွင်ႈၵႃႈသင်ၼၼ်ႉဢေႃႈ။မၼ်းယင်းဢမ်ႇမီးတၢင်းႁူႉလႄႈ ၸင်ႇလၢတ်ႈၵႂၢမ်းၼမ်ၼႃႇလူင်လၢင်ဢေႃႈ၊ဝႃႈၼင်ႇၼႆဢေႃႈ။